علوم التاسع الجهاز العضلي دورة 2025

السلام عليكم طلاب التاسعه كيفكم رح بتابع اليوم بالدرس الرابع بعد ما نحن حكينا بالدروس السابقه عن ال عن الهيكل العظمي وبعدين حكينا العظمه من شو بتتكون وحكينا هذا العظم كيف راح ينمو اليوم راح احكي هذا العظم مين يلي عم يحرك لي اياه يلي عم يحرك لي اياه هو اللي اسمه الجهاز العضلي تمام وانا مع نهايه هذا الدرس بكون فهمت شو يعني الدعامه والحركه الدعامه والحركه هو الشيء اللي عم يدعم واللي عم يحرك لي الجسم اللي هن العظام والعضلات اذا بهذا الدرس راح احكي عن العضلات رح يعطوني مفه شغلتين رئيسيتين بهذا الدرس وبس الشغله الاولى حيقول لي شو انواع العضلات اللي عندي اياهم والعضلات شو خواصهم بس اذا انا درس رح يحكي لي عن هالنقطه هلولي رح احكي عن النقطه الاولى اللي هي انواع العضلات بدايه انا بدي اعرف العضلات في لها اشكال يعني انا اجوا العلماء بدهم يصنفوا لي اسم العضلات لانه لما شرحنا جسم الانسان لقينا انه في عنده اشكال مختلفه من العضلات فلاحظوا انه تحت طبعا حكينا تحت المجهر لاحظوا تحت المجهر في عضلات عم بكون شكلها املس فسموها عضلات ملساء كيف يعني املس اطلعوا على هي الصوره ليكوا كيف الخليه العضليه الوحده عم كون شكلها املس فسموها يلي عم يكون عضلاتهم بهذا الشكل سموها خلايا عضليه ملساء وبالتالي صار اسم العضله كامله شو عضله ملساء بعضلات اخرى بالجسم لاوا شكل العضله عم بيكون مخطط لاحظوا كيف هيك العضله فيها خطوط فسموا هي العضلات اول شيء اللي تحت المشر سموها خلايا عضليه مخططه وبالتالي العضله صار اسمها عضله مخططه للتوضيح شو الفرق بين الخلايا العضليه والعضله العضله هي الشي اللي انا بشوفها قدام عيوني لما شرحوا الجسم الانسان وطلعت انا عضله وشفتها قدام عيوني هي اسمها عضله ولكن هي العضله لما انا اخذت منها شقفه صغيره وحطيتها تحت المجهر تحت المجهر شو بشوف شوف الخلايا تمام فانا حسب شكل الخلايا سميت العضله فانا تحت المجهر شفت خلايا ملساء سميتها عضله ملساء تحت المجهر شفت خلايا مخططه سميتها عضله مخططه اذا انا هلا ح احكي على انواع العضلات اول نوع هو الملساء عضلات ملساء بدي اعرف دائما انا اول ما احكي عضلات الملساء هي النوع الاول عندي نوع ثاني اسمه عضلات مخططه هلا اللي عم اكتبه انا يفضل انكتب عندكم عن ملاحظات تحطوا شي ستكر وتكتبوا عليها اذا عضلات انا في عندي عضلات ملساء عندي عضلات مخططه بدي اعرف انه العضلات الملساء هي دائما عضلات لا اراديه دائما دائما قاعده والعضلات المخططه هي دائما عضلات اراديه طيب شو يعني اراديه ولا اراديه العضلات الاراديه مثل عضلات ايدي انا بتحكم فيهم بارادتي فسميته عضلات اراديه اراديه اما في عضلات لا اراديه مثل عضلات جدار المعده مثلا جدار المعده بيتحرك وبيهم الاكل من حاله انا بتحكم فيه شيء لا ما بتحكم فيه لهيك العضلات اللي موجوده بجدار المعده سميتها عضلات لا اراديه والقاعده بتقول لي دائما العضلات الملساء هي لا اراديه والعضلات المخططه اراديه طيب شو في مثال العضلات الملساء عندي عضلات الحشويه شو يعني حشويه يعني بالاحشاء يعني بجدار المعده يعني جدار الاوعيه الدمويه سميتها حشويه طيب مثال على العضلات المخططه عضلات هيكليه كل شي عضلات هيكليه شو يعني هيكليه يعني مرتبطه بالهيكل العظمي اذا لهون انا بكون حكيت نوعين اساسيات النوع الاول هو عضلات ملساء هي عضلات لا اراديه مثال عليها الحشويه النوع الثاني هو عضلات مخططه هي دائما بتكون عضلات اراديه مثال عليها الهيكليه في عندي نوع ثالث انا هو نوع حاله خاصه كيف يعني حاله خاصه انا اتفقت دائما في عندي قاعده كل شيء عضلات ملساء هن لا اراديه وكل شيء عضلات مخططه ه عضلات اراديه قال النوع الثالث هو حاله خاصه عضله وحيده فريده بالجسم هي عضله من حيث القدره يعني هي اراديه ولا غير اراديه فهي عضله لا اراديه طيب هي اذا لا اراديه ف حتكون لازم تكون ملساء ولكن هي هون الحاله الخاصه هي عضله لا اراديه بنفس الوقت شو مخططه فاجتماع هدول الشغلتين انه هي عضله مخططه ولا اراديه طلع عندي حاله خاصه اسمها عضله القلب فاذا صار في عندي انا بعد هالكلام هذا ثلاث انواع من العضلات عضلات ملساء عضلات مخططه وعضله القلب الملساء هن دائما لا اراديه المخططه هن دائما اراديه اما عضله القلب فهي لا اراديه ومخططه هي معاكسه من حيث الموقع فانا عندي الملساء عم بتكون حشويه المخطط عم بتكون هيكل هي عضله القلب معروفه ما في غيرها عضله القلب طيب اذا اجاني سؤال علل ان العضلات الحشويه هي سميت بهذا الاسم علل تسميه العضلات الحشويه بهذا الاسم بقول لانها توجد في جدار الامعاء والمعده هلا لقدام حنحكي حتشوف شو شو بقصد بهالكلام اذا انواع العضلات النوع الاول هو عضلات ملساء اتفقنا دائما شو يعني ملساء يعني لا اراديه النوع الثاني مخططه مش يعني مخططه يعني دائما لا اراديه النوع الثالث الثالث هو عضله القلب النوع الاول اللي هو الملساء اللا اراديه قال لك مثال عليه عضلات جدار المعده والامعاء فاذا قال لك علل تسميه العضلات الحشويه بهذا الاسم بتقول لانها توجد في جدار المعده والامعاء قال لك تحت التكبير المجهري حنشوف خلايا عضلات ملسه لا اراديه طيب النوع الثاني هو المخططه الاراديه مثال عليها شو هي العضلات الهيكليه تمام فمثال عليها بالضبط هلا العضلات الهيكليه عندي عضلات الاطراف عندي عضله الساعد عندي كمان عضله الع عضد فهو اعطاني مثال بالذات اسمه عضلات العدد اطلعوا معي احبابي هذا السؤال اجا دوره عام 2024 يعني السنه الماضيه قال لهم باختر الاجابه الصحيحه قال له الع عضله العدد تعتبر من العضلات اللا الاراديه الاراديه المخططه الملساء الى اخره نسيت شو كانوا بالضبط ولكن الجواب شو بنقول له هي تعتبر من العضلات المخططه الاراديه وبالتالي ممكن يجيبلنا دوره ثانيه عضلات جدار المعده والامعاء تعتبر من العضلات الملساء ام العضلات المخططه ام ام ام فانا بدي اكون عرفان انه تعتبر من العضلات الملساء اللا اراديه طيب قاللي عضلات المخططه تحت المجهر انا حشوف خلايا ع عضلات مخططه اراديه انا تحت المجر شو شوف شوف خلايا مخططه هذا كله انا حكيته بالبدايه اخر نوع وهو عضله القلب اللي هو الحاله الخاصه انا راح شوف خلايا عضله القلب هيك اسمها ما سموا لي اياها لا لا خلايا مخططه ولا ملساء مع العالم فيك تسميها انت بس اذا سميتها خلايا عضلات مخططه بدك تقول لي اجباري لا اراديه وبالتالي انا هي هذا هذا القسم انا يا اما بسميه عضله القلب يا اما له اسم ثاني عضله مخططه لا اراديه حصرا اذا بتكتب لي بس مخططه بتاخذ علامه بتروح العلامه ليش اذا كتبت لي بس مخططه بروح بالي لهون واذا كتبت لي بس لا اراديه بروح بالي لهون لهيك ب تكتب لي مخططه لا اراديه او عضله القلب طيب بالمقارنه بقول لك قارن بين عضلات الملساء وعضلات المخططه من حيث سرعه الاستجابه من حيث حث اللون من حيث هلا حنشوف الجدول كاملا اذا انا في عندي عضلات ملساء ل اسم ثاني حشويه عضلات مخططه هيكليه وعضلات مخططه لا اراديه اللي هي عضله القلب من حيث سرعه الاستجابه سؤال انا عضلات لا هيكليه انا بت بتحكم فيهم انا خلال كم ثانيه بحرك ايدي يعني شي طرفه العين شي بسرعه جدا عاليه وبالتالي استجابه العضلات الهيكليه هي سرعه استجابه سريعه انا عم احكي هلا على مين على العضلات المخططه اللي هي هيكليه اذا هي سريعه طيب اما العضلات الحشويه مثل عضلات الامعاء شو حتكون سريعه ولا بطيئه حتكون بطيئه طيب سرعه استجابه عضلات القلب عضله القلب عفوا حتكون سريعه ولا بطيئه قال لا هيك ولا هيك لكان شو حتكون عضله القلب هي من حالها عم تمشي بحركه منتظمه لا سريعه ولا بطيئه لا متسارعه ولا متباطئ لهيك حتكون شو سرعه عضله القلب هي سرعه منتظمه طيب لاحظوا اجانا سؤال دوره كمان عام 2021 قال لي سرعه استجابه العضلات المخططه بعدين حط لي تحت هل هي سرعه هل هي سريعه ولا بطيئه ولا منتظمه فهو هيك كان السؤال او كان بالعكس ممكن يقول لك ممكن يقول لك من عضلات التي تعتبر سرعه استجابتها سريعه هل هي عضلات ملساء ام هي عضلات مخططه ام هي عضلات القلب فشو بتحط له انت الجواب هي عضلات مخططه هيكليه وهي سريعه الاستجابه طيب انا هيك بكون خلصت من سرعه الاستجابه بنتقل لبع منه خضوعها لاراده الانسان هل عضلات الملساء هي عضله خاضعه لاراده الانسان الجواب لا اراديه خطا هي عضلات لا اراديه المخططه هي عضلات يعني الهيكليه هي عضلات اراديه المخططه اللا اراديه مثل القلب هي عضله لا اراديه يعني انا ما بقدر اتحكم فيها بالنسبه للون جميع عض العضلات بهذا المخطط بهذا الجدول جميع العضلات لونها احمر ماعده الملساء الحشويه اللي بتكون بالاحشاء بيكون لونها ابيض شاحب تمام بدنا نحفظهم جميع لون العضلات بيكون لونه احمر ماعده الملساء بيكون لونها ابيض شاحب طيب اعطينا امثله الملساء الحشويه اللي هي بتكون بالامعاء مثال عليها عندي عضلات جدار المعده والامعاء حكيتها فوق بالاضافه لعضلات جدران الاوعيه الدمويه النوع الثاني اللي هو المخططه وين بلاقيها عضلات الاطراف اخر شيء المخططه اللادي و هيي عضله القلب وين بلاقيها ما في غير عندي عضله القلب طيب حكى لي معلومه قال لي عضلات الانسان بتشكل من وزن الانسان 40 ما يزيد عن 40% طبعا شو يعني عضلات يعني هو اللحم نحن بنقول الجسم عباره عن عضم ولحم صح اللحم هي العضلات فالعضلات تشكل ما يزيد عن 40% معلومه مهمه قال لك اقوى عضله في جسم الانسان هي العضله الماضغ هي العضله الماضغ موجوده عند الفكين وظيفتها تغل تغلق وتسكر الفك السفلي على الفك العلوي هي اقوى عضله تمام فاذا قال لك سؤال هون ما وظيفه العضله الماضغه الجواب تغلق الفكين في اثناء تناول الطعام تمام ممكن اقوللك اختار الاجابه الصحيحه اقوى عضلات الجسم الجواب هي العضله الماضغه طيب لهون انا بكون خلصت انواع العضلات اللي هي هي بعدين حتقل لخواص العضلات يعني راح شوف شو يعني خواص العضلات يعني ما يميز العضلات يعني ميزات العضلات خواص العضلات حكيهم بسرعه الاسماء وبعدين حنشرح وده وحده قال لي اول خاصيه للعضلات هي قابليه التنبه ثاني خاصيه هي التقلص ثالث خاصيه المرونه رابع خاص المقويه لاحظوا هذا المخطط خلينا نفهمه نحن اول خاصيه وهي قابليه التنبه شو يعني قاللي ح نساوي تجربه رح نجيب ضفضع وقتله وناخذ بس رجله بتعرفوا انه ضفضع معروف بالقفز تبعه انه هو له رجل طويله بتنتن بحيث بيقدر انه هو يقفز من خلالها لمسافه طويله فاخذوا لي هذا المثال جابوا ضفضع قطعوا رجله تمام صفي عندي شو بس الرجل الضفضع طيب بالمنطق رجل ضفضع مقتول ما فيه روح ما فيه ماله عايش ميت فهي الرجل هي تعتبر شو ميته يفترض انه هي ما تتحرك ولكن هون المفاجاه نحن جبنا هي الرجل اللي هي عباره عن عضلات طلعنا منها عصب بلونه هذا اللون اصفر اللي بيهمني شايفين هذا هذا هذا الشريط هذا مثل صاعق ك كهربائي بتعرفوا القداحه لما بكبس بلع شراره هذا نفس الوظيفه بلع شراره كهربائيه تقريبا الى حد ما فهذا هذا المن هذا فسميته انا هذا شو سميته منبه ليش سميته منبه لانه حينه ل العضله هذا المنبه انا جبته على العضله وحطيت عليه كهرباء لاحظت انه لما طبقت عليه كهرباء ادى لانه هي العضله عضله الضفضع شو صير تتحرك وتتقلص فانا من خلال ه التجربه استنتجت استنتاج استنتجت انه عضله الضفضع حتى لو كان ميت بتتحرك تتنبه اذا طبقت عليها منبه بتتحرك ايوه معناته انا استنتجت من ه التجربه انه العضله تمتاز بخاصيه اسمها قابليه التنبه كيف يعني يعني هي الخاصيه التي تبين استجابه العضله للتنبيه يعني العضله تنبهت بتقوم بتنبه بتتحرك اذا هي اول خاصيه للعضلات ثاني خاصيه هي التقلص شو هي هي الخاصيه قال لي انا في عندي باليد تذكروا بالعظام حكيت انه انا في عندي تقسم الطرف العلبي يقسم ليد وساعد وعضد صح نفس الشيء العضلات انا في عندي عضلات العضد وعضلات الساعد وعضلات اليد قال لي بعضلات العضد في عندي عضله بالامام وعضله بالخلف هي العضله يلي بالامام سميتها عضله ذات الراسين ويلي بالخلف لاحظوا هي كمان غالبا لانه هيك لراسين ويلي بالخلف سميتها عضله ذات الثلاث رؤوس تمام قال لي عملنا تجربه نحن قال اليد لما نحن كلنا مجربين انه نضم الساعد على العضد شد بنقوم بلاحظ انه هي المنطقه بتنتف ليش بتنتف قال لانه العضله اللي بهذا بهي المنطقه تقلص قال لي انا راح اجيب ه هذا الطرف العلوي راح اضم الساعد الى الى العضد فبلا احظ انه لما انا قربت الساعد نحو العضد العضله ذات الراسن اللي هي بالامام تقلصت هلا بنعرف شو يعني تقلصت وبالمقابل العضله ورا اسم دات الثلاث رؤوس لاحظت انه استرخت لاحظت المصلحين تقلصت واسترخت هلا حنشرح اذا هي التجربه الاولى لما انا ضميت الساعد نحو العضد التجربه الثانيه لما انا فردت ايدي يعني انا بعدت الساعد بعيدا عن العضد لاحظت انه العضله اللي كانت متقلصه استرخت والعضله يلي كانت مسترخيه تقلصت طيب شو يعني متقلص شو يعني مسترخي قال انا هون في عندي حنشوف بهي الصوره انا هون في عندي عضله مسترخيه لاحظوا كيف طولها طبيعي حلو لما انا بدي اخليها تتقلص يعني نفترض انه هي العضله موجوده باليد وانا بايدي حملت كيس وزنه 5 كيلو فلاحظ انه هي العضله نتيجه حمل الوزن راح تتقلص لحتى تقدر تحمل هذا الوزن الثقيل لما بتقلص راح لاحظ انه شكلها حيتغير طيب لاحظو لي من هالشكل شو تغير عندي اول شيء لاحظت اذا هي العضله شبها مسترخيه من دون بحاله الراحه هي العضله لما انا حملت وزن عم تقلصت ماشي طيب تعوا نشوف شو الفرق بين العضله المسترخيه والعضله المتقلصه لاحظوا معي اول شيء من حيث الطول الطول انخفض اذا الطول كانت طويله بالق بال المتقلصه صارت اقصر طيب تعالوا نشوف العرض عرض المسترخيه كانت اقل اما لما تقلصت صار عرضها اكبر وبالتالي من حيث الطول بالتقلص نقص الطول من حيث العرض بنقول نحن القطر شو يعني قطر الدائره في لها مركز وفي لالها نصف قطر وفيلا لها قطر كامل فالقطر الكامل هو هذا لهيك العضله مو هي دائريه الشكل اذا نحن طلعنا عليها من فوق حنلاقيها دائريه الشكله وبالتالي في لها قطر فقطر العضله المسترخيه بكون هيك هيك بكون القطر لما بتقلص القطر بزيد وبالتالي الطول نقص القطر زاد زائد الصلابه قال هون العضله كانت طريه لما تقلصت صارت قاسيه اتفقنا مثال عليها لما انا بضم لما انا بشد ايدي على الع العضد تمام طيب اخر شغله انا ملاحظها شو هي الحجم هلا مو الطول نقص بس العرض زاد طيب اذا ها حجمها 100 بالم حلو نقصت لهون صارت 80 بس هي مو هي نقصت نقص طوله بنفس الوقت شو عرضها زاد وبالتالي صحيح الطول نقص ولكن نفس الوقت زاد العرض وبالتالي الحجم ظل ثابت فبما انه فهي حجمها كان 100 وهي حجمها قديش كمان 100 طيب مع انه هي قصرت ولكن شو صحيح صحيح قصرت ولكن عرضه زاد فبالتالي الحجم رجع مثل ما هو فانا حارجع احكي صفات التقلص بالمسر كانت الطول اطول اما التقلص صارت اقصر المسترخيه القطر كان اقل التقلص صار القطر صار اكبر الصلابه بالمسر كانت طريه بالتقلص صارت قاسيه او صلبه الحجم ثابت بالنوعين طيب تعالوا نشوف هون اول شي حنحكي شو حكى لي هون قال لي لدي لدينا العضله العضديه الاماميه سميناها ذات الراسين والخلفيه يعني العضله العضديه الخلفيه سميتها ذات الثلاث رؤوس قال عند تقريب الساعد نحو العضد بهي الحاله لاحظت تتقلص العضله ذات الراسين نكتب هون وتسترخي العضله ذات الثلاث رؤوس اللي هي هي استرخت اث اثنين عند ابعاد الساعد بعيدا عن العضد مثل هي الحاله بعدنا الساعد لاحظنا انه وال العضله اللي كانت متقلصه شو صار فيها استرخت والعضله اللي كانت مسترخيه شو صار فيها تقلصت فقال لي عند ابعاد الساعد بعيدا عن العضد لاحظ تتقلص العضله ذات الثلاث رؤوس وتسترخي العضله ذات الراسين صفات العضله المتقلصه اللي حكيتها هلا بهي الرسمه الصفات قال من حيث الطول يقصر طول العضله المتقلصه يعني لما تتقلص العضله الطول بيقصر الحجم بيبقى حجم العضله ثابتا ان كانت متقلصه وان كانت مسترخيه الطول بضل ثابت القطر يزداد قطر العضله المتقلصه الصلابه تزداد صلابه العضله هذا كله انا حكيته ثالث خاصيه وهي المرونه شو يعني مرونه قال انا حاعمل تجربه قال انا حاجيب عضله العضله ليك هيي مثل مطاطه تمام اذا انا جبت هيك عمود حلو انسول لي هي الصوره بس اطلعوا على هي جبت عضله عاديه العضله في لها وتر اين علقتها من احد اوتارها من فوق وتركته حلاقي هيك شكلها قال انا حاجيب وزن لنفرض شي كيلو وعلقه بهي بالوتر الثاني راح لاحظ لما انا علقت الوتر العضله انشدت لتحت وبالتالي شو صار فيها انشدت طيب لو كانت هي العضله غير مرينه يعني تخيل انه انا عندي هون حديده حديده ماشي هي الحديده علقت فيها من تحت وزن سؤال الحديده رح بتمط ويصير فيها هذا المنظر لا اذا العضله كان فيها مرونه بحيث انه لما حطيت انا فيها وزن شو صار فيها انشدت نزلت لتحت بس مو ه المفاجاه لما انا شلت الوزن هي ما ظلت مكانها هون العضله لا لما انا شلت الوزن رجعت لشكلها الطبيعي اذا هي هي المرونه المرونه هي لما بحط عليها وزن بتنش وبيتغير شكل ولما بشيل الوزن بترجع لشكلها الطبيعي اذا في شغلتين بالمرونه بحط عليها وزن بتنزل بشيل الوزن بترجع لشكل الطبيعي اذا المرونه قال لي هي خاصيه يزداد طول العضله عند التاثير فيها بقوه ما هي واحد وتعود الى وضعها الطبيعي بزوالها بزوال مين يعني بزوال الوزن يعني القوه فان لما طبقت قوه ازداد طول العضله و والعضله رجعت لوضعها الطبيعي لما انا روحت القوه ماشي اذا هي المرونه بتكون خلصت اخر خاصيه عندي اها هي المقويه شو هي المقويه قاللك اذا انا ايدي رفعتها لفوق انا كان بدي اسال سؤال للاستاذ ورفعت ايدي لفوق وظليت ني رافعها شي نص ساعه هي الرفعه انا بعد نص ساعه بلاحظ انه ايدي صارت تجاني اه بنزلها هذا الشعور شو سببه انا ايدي لما اذا برفعها بفتره طويله تجان مو بس ايدي في عندي كثير عضلات اغلب عضلات جسمي بيتوجعوا ولكن في عضلات بالجسم عندهم خاصيه معاكسه بحيث انه هن اذا ظلوا شغالين 24 ساعه ما بتاثر مثل مثل العضله الفك السفلي عضلات الفك السفلي اللي هن هون لاحظوا كيف عضلات الفك السفلي هن عضلات بضلوا ماسكين الفك السفلي ولاصق لصق بالفك العلوي فهنا دائما شغالين طول الار 20 ساعه وقت النوم بس انا بس وقت النوم بلاقيهم رخوا لهيك نحن بنلاقي الشخص وقت اللي بنام فكه ممكن انه يرتخي وينزل شو السبب لانه بت ينام ارتخى عضلاته ولكن هذا الحكي بمين بيكون بس بعضلات الفك السفلي بالذات يعني بالذات عضلات الفك السفلي بشكل عام تمام نفس الشيء في عندي انا عضله اسمها عضله شبه المنحرفه تمام اذا صار في عندي انا عضلتين عندهم خاصيه معاكسه العضله شبه المنحرفه هي العضله الموجوده بالكتف وعضلات الفك السفلي هلا هي عضله بالذات هي حاطين عليها اسمها العضله الماضغه هي اللي حكينا عليها هي اقوى عضله بالجسم طيب اذا شو سؤالي بدي اقوله انا قال لي ليش هدول العضلتين عم ضلوا شغالين طول الوقت وما عم يتعبوا شو السبب قال هدول العضلتين فيهم خاصيه مم لهم اسمها خاصيه المقويه هي الخاصيه شو وظيفتها تتصف هذه الخاصيه هي الخاصيه موجوده ببعض عضلات الجسم شو وظيفه ه الخاصيه تحتفظ بتقلص لمده طويله من الزمن من دون بذل الجهد تمام يعني انا بضلني مسكر فك السفلي بالعلبه بون انا مي حاسس على حالي شو السبب لانه هي العضله فيها خاصيه اسمها خاصيه المقويه انا بضلني رافع راسي لفتره طويله كثير مندون ما سخ راسي وينزل لتحت شو السبب لانه في بالعضله الكتف اللي اسمها شبه المنحرفه خاصيه اسمها المقويه بتضلها شاده الراس ولكن اثناء النوم هيدول العضلتين يرتقوا سؤال دوره عام 2022 اجا قالي علل لا تتعب عضلات الرقبه التي تجعل الراس منتصبا لعده ساعات في اثناء اليقظه وعضلات الفك السفلي التي تجعله للفك السفلي ملتصقا بالفك العلوي شو السبب انه ه ما عم يتعبوا الجواب هذا اجت دوره 2 22 الجواب لان عضلات الرقبه تحتفظ بتقلص لمده طويله من الزمن من دون بذل جهد هذا جواب وفي جواب ثاني ممكن نقوله بسبب خاصيه المقويه التي تتصف بها هذه العضلات الجوابين صحيحين طيب بهالحاله بكون خلصنا درس العضلات يلي ل فيه شويه صعوبه انا بنصحه انه هو على ورقه وقلم يراجع الافكار تبعيته كيف يعني يعني انا على ورقه وقلم بحط انه انا العضلات في عندي هي انواع وخواص الانواع هن واح 2 3 الخواص ه واح ا 3 ا طيب هلا الدرس هيك بكون تبعنا خلص انا في دوره اجت يمكن من سنتين حابب اعرض لكم اياها ونحلها سوا نشوف بعد بعد هذا الدرس نحن حلنا الدرس تبعنا ولا لا باحد الدورات اجاهم خريطه مفاهيم قال له العضلات حط له هيك سهمين قال له العضلات من خواصها ومن انواعها لاحظتوا من خواصها واحد اين 3 ومن انواعها واحد اثنين بس ما حط له كل شيء وهي الفراغات واحد ا 3 ا خ خم ف خمس فراغات جبله تعالوا نحلها قال له من خواص العضلا عضلات المربع الاول فراغ تحت منه مكتوب تؤدي الى ازدياد صلابه العضله طيب نحن تعالوا نتذكر شو الخاصيه بال موج العضلات وبتدي لزياده صلابه العضله الجواب تتذكروا لما حكينا عن التقلص وقلنا العضله المسترخيه لما بتتقل شو بصير فيها بتزداد صلابه لهيك انا بعرف انه واحد هو شو شو اسمه اي التقلص اذا هي الخاصيه اسمها التقلص اناعم بحكي عن خواص العضلات واحد التقلص شو عرفني انه هي التقلص لانه تؤدي الى ازدياد صلابه العضله طيب كان ممكن يكتب لي هون يؤدي تؤدي الى نقص طول العضله نفس الشيء عرفتوا علي كيف ممكن يقول لي تؤدي الى زياده قطر العضله نفس الشيء التقلص ثاني خاصيه هي المرونه هو كتب لي اياها ثالث خاصيه فراغ حط لي اللي تؤدي الى بقاء الراس منتصبا اثناء اليقظه هلا حكيناها بتتذكروا شو كانت اسمها المقويه مقويه بتقوي بتقوي الراس لانه طيب كيف عرفت انها مقويه لانها بتادي لبقاء الراس منتصب طيب انا هيك حكيت عن خواصه بعدين بنتقل لانواعها ما حط لي كل الانواع قاللي بس نوعين النوع الاول حط لي ايا فراغ قال لي استجابتها منتظمه شو هي العضله اللي استجابتها منتظمه انا في عندي استجابه قد تكون سريعه وقد تكون بطيئه وقد تكون منتظمه قي استجابتها منتظمه فانا بعرف انه هي عضلات شو شو هو النوع اسمه اسمه عضله القلب تمام عضله القلب له اسم ثاني بتتذكروا شو كان اسمه عضله مخططه لا اراديه اثنتين جوابين شغالين قاللي في نوع ثاني من العضلات حطلي اياه فراغ قاللي مثال عليه عضلات جدار المعده شو العضله يلي مثال عليها جدار عضلات المعده شو هي اسمها عضلات تذكر اسمها عضله ملساء هلا شغال تكتب ملساء بس الافضل تكتب ملساء لا اراديه تمام هيك تكتب الجواب حط لك فراغ ثاني قال لك لونه لهي العضله شو لون العضله الملساء اللا اراديه لونه اتفقنا نحن كل العضلات لونهم احمر ماعد العضلات الملساء لونهم ابيض شاحب هيك بكون خلص درس العضلات و بهالحاله بكون خلصنا قسم الدعامه والحركه ان شاء الله يكون الدروس عم تستفيدوا عليها رجعا اللي لقى في فائده بالدروس ينشرها ولحتى تنتشر الفائده ان شاء الله اللي عنده سؤال بامكانه يكتب بالتعليقات ونجاوب عليها والسلام عليكم