كيف حول المسلمون سرًا عسكريًا صينيًا لثورة مذهلة غيرت العالم

تخيل انك عايش في عالم ما فيهوش جوجل ولا يوتيوب ولا فيسبوك ولا ويكيبيديا ما فيهوش واتساب ولا ايميل مش بس كده ده ما فيهوش حتى ورقه تكتب عليها طب لو عاوز تبعت رساله لحد هتعمل ايه؟ ببساطه هتذبح خروف وتسلخ جلده وتنشفه وتجهزه علشان تكتب عليه كلمتين طب عندك تجاره وعاوز تسجل حساباتك هتحتاج قطعه من النبات البردي اللي مش بيطلع غير في مصر بس طب لو كنت بتحب القرايه زي حالاتي كده وحبيت بقى تنسى الكتاب ممكن تقضي سنه كامله بتنسخه بايدك والنسخه الواحده تكلفك ثمن بيت بالكامل وعلشان تعرف معلومه واحده في العالم ده ممكن تسافر شهور علشان تعرفها بشكل شفهي كده او هتضطر تدفع ثروه ضخمه بقى باختصار انت عايش في عالم المعلومه فيه حكر على الكهنه والملوك والاغنياء بس اللي حكيته لكم ده مش خيال ده كان الواقع لالاف السنين المعلومه كانت اغلى سلعه في التاريخ مش علشان ما حدش عارف حاجه لا علشان ما فيش وسيله رخيصه اصلا تنقل بيها المعرفه من شخص لشخص ومن جيل لجيل ومن مدينه لمدينه لحد ما جت حاجه غيرت المعادله دي تماما وقلبت الموازين حاجه غالبا هتكون موجوده على مكتبك دلوقتي الورقه الورقه اللي ممكن تكون شايفها شيء عادي وبديهي كانت في يوم من الايام هي الانترنت بتاع العصور الوسطى وده مش مبالغه ابدا ولا تشبيه مجازي الورق عمل في القرن الثامن الميلادي نفس اللي عمله الانترنت في القرن الع بالظبط كان هو السلاح السري للبشريه الورق ببساطه خفض تكلفه نقل المعلومات بشكل دراماتيكي وبالتالي غير شكل الاقتصاد والعلم والسياسه والمجتمع الورق عمل ثارات علميه وعالميه وبنى امبراطوريات العالم قبل الورق كان حاجه يا جماعه وبعده كان حاجه ثانيه خالص القصه دي بطلها مش مخترع الورق ولكن بطلها اللي حول اختراع من سر عسكري صيني لثوره عالميه غيرت وجه الدنيا. مين بقى اللي عمل الثوره دي؟ مين اللي اخد من اقصى شرق اسيا تكنولوجيا سريه محتكره وحولها لصناعه عالميه غيرت مسار البشريه؟ الاجابه المدهشه المسلمين. ازاي بقى الورق كان سر حربي صيني؟ وعلاقه معركه حربيه عجيبه في وسط اسيا بنقل التكنولوجيا دي وليه مدينه سمر قند المسلمه كانت هي السيليكون فالي بتاع صناعه الورق وازاي قدر المسلمين يخفضوا تكلفه المعلومات لدرجه خلت المعرفه لاول مره في التاريخ متاحه لعامه الناس وازاي اتنقل الورق من العالم الاسلامي لاوروبا وليه بنقول ان اللي عملوا الورق وقتها بيشبه بالضبط اللي بيعملوا الانترنت النهارده ده اللي هنحاول نجاوب عليه مع بعض في حلقه النهارده اهلا بيكم في الحلقه ال1 من سلسله اقتصاد الحضاره الاسلاميه اللي هنتكلم فيها عن واحده من اهم الصناعات في التاريخ انا اشرف ابراهيم وده المخبر الاقتصادي ويا قوم استغفروا ربكم ثم توبوا اليه ثم توبوا اليه يرسل السماء عليكم مدرارا ويزلكم قوه الى قوتكم لو عندك زنس فاكيد عارف قد ايه اداره الحسابات ممكن تبقى مرهقه وتاخد وقت كبير فواتير مصروفات متابعه مدفوعات وتقارير وكل ده بسهوله ممكن يتحول لفوضه علشان كده حابب اشارك معاكم تطبيق المحاسبه من اوودي منصه اداره اعمال فيها اكث من 45 تطبيق بس هكلمكم النهارده عن تطبيق المحاسبه تحديدا اللي تقدر منه تنشئ فواتير احترافيه في ثواني وتتابع المدفوعات بسهوله وكمان تبعت ريمايندرز تلقائيه للعملاء المتاخرين عن الدفع كمان اداره المصروفات والمعاملات بقت اسهل خصوصا مع استخدام الاي اي لتقليل الادخال اليدوي وتوفير الوقت ومن المميزات المهمه جدا كمان الربط البنك الذكي اللي بيخليك تزامن حساباتك البنكيه وتتابع العمليات الماليه بشكل لحظي مع مطابقه سهله لكشوفات الحساب غير كده التطبيق بيوفر لوحات تحكم وتقارير واضحه تساعدك تتابع الوضع المالي للبزنس بتاعك وتتخذ قرارات افضل بشكل اسرع ولو شغلك في مصر فدي نقطه مهمه جدا لان تطبيق المحاسبه من اودو متوافق مع اللوائح الضريبيه من مصلحه الضرايب وكمان متكامل مع الفاتوره الالكترونيه واستخدام الكيو ار كود الضريبي واكث حاجه مميزه انك تقدر تستخدم تطبيق المحاسبه مجانا مدى الحياه بالاضافه للاستضافه والدعم نعم مع اول تطبيق مجاني من اودو لو حابب تعرف تفاصيل اكث او تجرب التطبيق بنفسك هتلاقي اللينك تحت الفيديو وفي التعليقات علشان نفهم عظمه اللي حصل وقبل ما ندخل في قلب الثوره اللي عملها المسلمين لازم الاول نفهم الدنيا كان شكلها ايه قبل ما يدخلوا اللعبه دي حوالي سنه 105 ميلاديه وتحديدا في الصين واحد اسمه تسايلون اخترع الورق الراجل ده اخد لحاء الشجر وشباك الصيد القديمه والقماش القديم قديم وخلطهم ونقعهم ودقهم مع بعض لحد ما طلع منهم شيء مسطح رفيع ممكن تكتب عليه كان اختراع عبقري جدا هنا الصينيين فهموا بسرعه ان الاختراع ده مش مجرد اداه للكتابه ده اداه قوه اداه لاداره امبراطوريه متراميه الاطراف علشان كده عملوا ايه بقى فرضوا على طرق صناعه الورق حصار كامل وخلوه سر من اخطر اسرار الدوله واكثرها حراسه الصين تعاملت مع صناعه الورق زي ما امريكا بتتعامل النهارده مع تكنولوجيا اشباه الموصلات او زي ما الدول بتتعامل النهارده مع تكنولوجيا الاسلحه النوويه يعني سر قومي ممنوع يخرج من الصين واي حد يحاول يسربه ممكن يتعدهم كانوا بيصدروا الورق عادي ولكن كمنتج نهائي مش معروف اتعمل ازاي وثمنه غالي اما طريقه صنعه نفسها كانت من اخطر الاسرار في نفس الوقت ده باقي العالم كان بيعاني في تسجيل المعرفه الحضارات الثانيه زي الرومان ال والفارسيه وقبلهم الحضاره الفرعونيه كانوا بيعتمدوا بشكل اساسي في الكتابه على حاجتين الاولى هي ورق البردي وده كان بيتصنع من نبات البردي اللي بينمو على ضفاف النيل بس وكانت مشكلته ان مصر محتكراه وكان غالي جدا ده غير انه كان هش وسهل يتلف من الرطوبه والحشرات ومناخ اوروبا الرطب كان بيبوظه بسرعه بالاضافه الى ان مساحته كانت محدوده والحاجه الثانيه اللي كان بيتم استخدامها في الكتابه كانت الرقوق الجلديه كانت عباره عن جلود حيوانات وبالذات غنم وماعس بيتم معالجتها بطريقه معقده جدا علشان تبقى صالحه للكتابه وكانت غاليه جدا برده علشان تعمل نسخه واحده من كتاب زي الانجيل مثلا كنت محتاج جلود قطيع كامل من الخرفان ممكن يوصل ل 300 خروف ده خلى الكتاب ثمنه يوصل ثروه ضخمه ما كانش حد بيمتلكها الا الملوك والاديره والمعابد الغنيه بس علشان كده نقدر نقول ان الاقتصاد قبل الورق كان اقتصاد الندره المعرفيه المعلومه كانت سلعه فاخره اللي معاه فلوس وقوه هو اللي يقدر يمتلك المعلومه ويوثقها العقود والقوانين والمعرفه العلميه كلها كانت محبوسه في ايد نخبه قليله جدا اما بقى اغلبيه الناس فكان العالم بتاعهم قائم على الذاكره الشفهيه وبس تعالوا ننتقل سريعا للجزيره العربيه ونشوف الوضع في وقت بعثه النبي صلى الله عليه وسلم سنه 610 ميلاديه في الوقت ده الورق كان موجود في الصين بالفعل زي ما قلنا ولكن ما كانش وصل للجزيره العربيه في زمن النبي صلى الله عليه وسلم ولا الخلفاء الراشدين وكان العرب في الوقت ده بيستخدموا مواد متعدده للكتابه على حسب اللي كان متوفر منها زي الرقوق او جلود الحيوانات اللي اتكلمنا عليها وزي اللخاف اللي هي صفائح الحجاره الرقيقه البيضاء وزي العصب اللي هو جريد النخل وزي الاكتاف ودي كانت عظام عريضه زي عظام اكتاف الابل والغنم وبالنسبه بالنسبه للباردي برده انه ما كانش منتشر قوي في مكه والمدينه علشان كده اول ما تم جمع القران الكريم في عهد ابي بكر الصديق ثم عثمان بن عفان رضي الله عنهما نصوص القران جمعت من الرقاع زي الجلود والعظام وجريد النخل وغيرهم وفضل العرب يستخدموا الادوات دي في الكتابه والمراسلات في عهد الخلافه الراشده لحد ما جينا للخلافه الامويه الفتيه اللي بسطت نفوذها على الشرق والغرب وهزمت الامبراطوريات الفارسيه شرقا والرومانيه شمالا وغربا في عهد الخليفه الاموي الوليد بن عبد الملك انطلق القائد الشهير قتيبه بن مسلم يقود الفتوحات الاسلاميه في بلاد اسيا الوسطى ففتح مدن رئيسيه على طريق الحرير زي بخاره وثمر قند واجزاء كبيره من بلاد ما وراء النهر وبلاد ما وراء النهر كانت معروفه بالمنطقه التاريخيه في اسيا الوسطى اللي كانت واقعه بين نهري جايحون اللي هو دلوقتي اوكسوس وسيحون اللي هو دلوقتي جاكسارتس يعني بنتكلم في وقتنا الحالي عن حدود اوزبكستان وطاجكستان واجزاء من تركمانستان وكازغستان وقرغستان المهم استقر حكم المسلمين تحت الخلافه الامويه على المناطق دي كلها لحدود الصين وبعد سقوط الخلافه الامويه تاسست الخلافه العباسيه ومسك الخليفه القوي ابو العباس عبد الله السفاح سنه 750 ملا لاديه وركزوا معايا في اللي جاي ده بقى هنا في وسط اسيا كان في قوتين عظمتين بينهم صراع نفوذ وسيطره الامبراطوريه الصينيه تحت حكم اسره تانج الصينيه والدوله الاسلاميه في عهد الخلافه العباسيه اللي كانت يا دوب لسه متاسسه كل طرف فيهم كان بيحاول تثبيت نفوذه السياسي والاقتصادي والعسكري في اسيا الوسطى وخصوصا على طرق التجاره زي طريق الحرير والمسلمين بيسيطروا على اغلب مناطق اسيا الوسطى لحد قرب حدود الصين زي ما قلنا وفي سنه 751 ميلاديه يعني بعد تاسيس الخلافه العباسيه بسنه بس وتحديدا على ضفاف نهر طلاس في المنطقه الواقعه دلوقتي على الحدود بين كازاغستان وقرغستان حصلت معركه كانت نقطه تحول في تاريخ الاقتصاد العالمي المعركه دي كانت بين جيش الخلافه العباسيه الصاعد بقياده زياد بن صالح وجيش امبراطوريه تانج الصينيه اللي حابت تستغل القلاقل اللي حصلت مع سقوط الخلافه الامويه وقالت تستعيد جزء من المناطق اللي المسلمين فتحوها المعركه دي كانت من اهم المعارك في التاريخ مش علشان مين كسب ومين خسر فيها لا علشان اللي حصل بعدها المعركه انتهت بانتصار حاسم للمسلمين ولكن الغنيمه الاهم في المعركه دي ما كانتش ذهب ولا فضه الغنيمه كانت مجموعه من الاسرى الصينيين وسط الاسرى دول كان في جنود عاديين ولكن كان في كمان كنس حقيقي عدد من الحرف فيين اللي بيعرفوا سر صناعه الورق دي اللحظه اللي غيرت كل حاجه القاده المسلمين بذكاء اقتصادي وعسكري فاز فهموا قيمه الناس دي فاخذوهم لاهم مدينه تجاريه في المنطقه وقتها وهي سمر قند وهنا خلونا نقف شويه وقفه مهمه قوي قبل ما نرجع للي حصل في سمر قند بعد كده اللي حصل في طلاس ده اسمه في علم الاقتصاد نقل التكنولوجيا عبر الصراع او تكنولوجي ترانسفر ثرو كونفليكت الحروب يا اخوانا رغم مقاسيها كانت دايما واحده من اسرع الطرق لنقل المعرفه والتكنولوجيا بين الحضارات اللي كان بيحصل في شهور بالقتال كان ممكن ياخد قرون بالطرق التجاريه السلميه والاثر الصينيين دول كانوا بمثابه براءه اختراح حيه تم الاستحواذ عليها من قبل المسلمين ودي مش حاجه نادره بتحصل في التاريخ الحرب العالميه الثانيه مثلا نقلت تكنولوجيا الصواريخ من المانيا لامريكا والاتحاد السوفيتي عن طريق العلماء الالمان سواء اللي اتاثروا او اللي انشقوا بس هنا في فرق مهم جدا وركزوا معايا ارجوكم مش كل حد بياثر تكنولوجيا بيعرف يستخدمها وكتير من الحضارات اخذت تكنولوجيا من غيرها وما عرفتش تطورها او تنشرها اللي ميز المسلمين هنا انهم مش بس اخدوا التكنولوجيا ولكنهم حسنوها وصنعوها على نطاق واسع وحولوها لصناعه اقتصاديه حقيقيه وده ياخدنا للي حصل في سمر قند المدينه الواقعه دلوقتي في اوزبكستان بس لازم اوضح ان بعض المؤرخين المعاصرين زي جوناثان بلوم بيقول ان الورق كان معروف في سمر قند قبل معركه تلاص المهم المسلمين بنوا اول مركز لانتاج الورق خارج الصين في سمر قند واختيار سمر قند ما كانش صدفه طب ليه لان سمر قند كانت بتتميز بموقعها الاستراتيجي على طريق الحرير يعني بتقع في قلب شبكه التجاره العالميه وكان عندها وفره في الميه من نهر زرفشان والميه ميه عنصر اساسي في صناعه الورق والاهم ان سمر كان عندها وفره في الماده الخام الجديده اللي هيستخدمها المسلمين بعد كده زي ما هنعرف دلوقتي هنا المسلمين ما عملوش مجرد قص ولزق للتكنولوجيا الصينيه في صناعه الورق ولكنهم عملوا اعاده اختراع للصناعه دي وعملوا تحسينات جوهريه ضخمه اول حاجه عملها المسلمين انهم حسنوا المواد الخام نفسها الصينيين كانوا بيستخدموا لحاء شجره توت بشكل اساسي ولكن المسلمين جربوا ومواد خام مختلفه زي الكتان والقطن والقنب مع الملابس الباليه وطلعوا ورق افضل استخدام المواد دي بدل لحاء الشجر خلى الماده الخام ارخص متوفره بكميات ضخمه في كل المدن الاسلاميه وبالتالي ده حرر الصناعه من الاعتماد على ماده خام واحده مرتبطه بمكان معين ثاني حاجه عملها المسلمين انهم طوروا اساليب الانتاج فدخلوا الميكنه في تصنيع الورق فبدل الاعتماد على الطرق اليدويه لهرس الالياف وتحويلها العجينه زي ما كان الصينيين بيعملوا استخدم المسلمين طواحين مائيه لعمليه الهرس دي دي كانت خطوه ميكنه حقيقيه يعني حولوا الصناعه لشكل اوتوماتيكي جزئيا وخدوا بالكم يا اخوانا ده قبل الثوره الصناعيه الاوروبيه بقرون طويله دي كانت قفزه هائله في كفاءه الانتاج المكنه اللي بتشتغل بقوه الميه تقدر تعمل شغل عشرات العمال وبجوده اعلى وبشكل اسرع الحاجه الثالثه اللي المسلمين عملوها انهم حسنوا الجوده جوده بتاعه الورق نفسها لما اضافوا النشا لمعالجه سطح الورق وده خلا اقل امتصاصا للحبر وبالتالي الكتابه عليه بقت اوضح واسهل والحبر ما يسحش الابتكارات الاصيله والتحسينات الجوهريه اللي عملها المسلمين دي كانت نتيجتها ان تكلفه الورق انخفضت بشكل كبير وجودته اتحسنت وكميه الانتاج زادت ومن ثمر قند انتشرت الصناعه دي بسرعه البرق راحت بغداد عاصمه الخلافه العباسيه ومركز العالم في الوقت ده واسس فيها الوزير الفضل بن يحيى البرماكي اول مصنع ورق في عهد هارون الرشيد وبعدها انتشرت لدمشق والقاهره وفاس وقرطبه في الاندلس كل مدينه كبيره في العالم الاسلامي بقى فيها مصانع ورق في القرن العاشر الميلادي كانت مصانع الورق منتشره في كل ركن من اركان العالم الاسلامي بغداد لوحدها كان فيها اكث من 100 محل لبيع الكتب في شارع واحد هو شارع الوراقين على حسب بعض الروايات ده رقم مذهل حتى بمعايير النهارده مش من 1200 سنه وهنا نقدر نقول ان اللي حصل كان اول ثوره صناعيه حقيقيه في تاريخ صناعه المعلومات المسلمين حولوا الورق من منتج نادر وفاخر زي الحرير كده لمنتج شبه جماهيري متاح لطبقات واسعه من المجتمع بدل ما كان حكر على قله لان سعره انخفض بشكل دراماتيكي وجودته زادت سعر الورق لما انخفض ما كانش مجرد سلعه انخفض سعرها وخلاص ولكن انخفضت معاه تكلفه توثيق ونقل وتخزين المعلومات وده ادى لاثار اقتصاديه اعمق مما نتخيل ببساطه حصل تغيير هيكلي في اقتصاد المعلومات في العالم كل وقتها في علم الاقتصاد في مفهوم اسمه تكلفه المعلومات وده ببساطه يعني قد ايه بيكلفك انك تنتج معلومه وتخزنها وتنقلها لحد ثاني فلما التكلفه دي تبقى عاليه المجتمع كله تقدمه بيتباطا ولما بتنخفض بيحصل انفجار علمي ومعرفي وده اللي حصل بالفعل. طب ايه الاثار الاقتصاديه اللي حصلت بشكل سريع ومختصر عشان وقت حضراتكم؟ اول حاجه توسعت الاداره الحكوميه. الخلافه العباسيه كانت امبراطوريه ضخمه جدا ممتده من المغرب غربا لحدود الصين شرقا. اداره امبراطوريه متراميه الاطراف بالحجم ده ما كانتش هتدار بنفس الكفاءه باستخدام الرقوق الجلديه الغاليه جدا دي. لاول مره بقى عند الدوله اداه رخيصه وفعاله لاداره شؤونها فبنت جهاز اداري متطور الدواوين اللي هي الوزارات بلغه النهارده توسعت وبقت بتستخدم الورق لتسجيل الضرايب واوامر الجيش والمراسلات بين الولاه والخليفه بقت اسرع وادق الورق كان هو السوفت وير بتاع الاداره الحكوميه ثاني حاجه التجاره ازدهرت بشكل غير مسبوق بعد البدء في توثيق العقود قبل الورق كثير من المعاملات التجاريه كانت شفهيه او بتتسجل على مواد غاليه فلما الورق بقى متاح التجار بداوا يوثقوا كل حاجه يكتبوا عقود البيع والشرا ويوثقوا ديونهم ويستخدموا السكوك وبالمناسبه كلمه شيك اصلها كلمه سك العربيه اصلا التوثيق ده قلل من مخاطر التجاره وزود ثقه المتعاملين في الاسواق اللي بتبعد عن بعضها الاف الاميال من قرطبه في الغرب لبكين في الشرق الورق هنا كون بنيه تحتيه للثقه في الاقتصاد ثالث حاجه حصلت بفضل الورق كان واحد من اهم التطورات وهو تطور علم المحاسبه عند المسلمين لما بقى عندك وسيله كتابه رخيصه بقيت تقدر تسجل كل دخل وكل مصروف وكل معامله والكتب العربيه في المحاسبه زي كتاب الخراج لابي يوسف بتوضح ان كان في نظام محاسبي متطور جدا والممارسات دي ما كانتش هتبقى ممكنه بدون ورق رخيص لتسجيل كل معامله وكل حركه فلوس رابع حاجه عملها الورق كان نمو الاسواق لما المعلومات بتنتشر بسهوله الاسواق بتنمو التاجر في بغداد بقى يقدر يبعت لشريكه في القاهره تفاصيل الاسعار والبضائع المطلوبه وبالتالي اسعار السلع وفرص الاستثمار واخبار القوافل التجاريه كل ده كان بيتم تداوله مكتوب على ورق فالورق هنا سرع من تدفق المعلومات وبالتالي خلى الاسواق اكثر تكاملا وكفاءه اللي عمله الورق هنا هو انه قلل بشكل حاد من تكاليف التعاملات او الترانزكشن كوستز في الاقتصاد وده خلق مؤسسات فعاله جدا قللت بدورها من تكاليف التعاملات وده زود النمو الاقتصادي بشكل كبير في عالم اقتصاد اسمه دوجلاس نورث حصل على جائزه نوبل في الاقتصاد سنه 1993 مع روبرت فوجل بسبب مساهماته في التاريخ الاقتصادي والاقتصاد المؤسسي نظريته بتاعه الاقتصاد المؤسسي بتشرح الفكره اللي جسدها المسلمين عمليا قبل قرون لما طوروا صناعه الورق وخفضوا تكلفه المعلومات والتوثيق فبانوا منظومه مؤسسيه اكثر كفاءه خلت الاقتصاد ينمو وغيرت مسار التجاره والمعرفه في العالم ركزوا معايا بقى في اللي جاي ده معلش لما تكلفه المعلومه نزلت بسبب الورق اللي حصل في العالم الاسلامي كان انفجار معرفي ما حصلش قبل كده في التاريخ عدد الكتب اللي تم انتاجها في العالم الاسلامي في قرنين بس بعد انتشار الورق ممكن يكون اكث من اللي انتجته اوروبا في 1000 سنه قبل بعض المؤرخين بيقدروا ان العالم الاسلامي في القرن العادي عاشر كان بينتج كتب اكت من اي حضاره ثانيه على وش الارض بيت الحكمه في بغداد ما كانش مجرد مكتبه ده كان مركز ضخم للترجمه والنسخ والانتاج المعرفي وبيشتغل فيه مئات النساخ والورقيين والمامون لما قرر يترجم كل كتب اليونان والفرس والهنود للغه العربيه كان محتاج الاف الصفحات من الورق لو كان لسه بيستخدم رقوق جلديه كان التكلفه هتبقى فلكيه والمشروع كان هيفشل قبل ما يبدا المكتبات في الدوله الاسلاميه هي ازدهرت بشكل غير مسبوق من مكتبه بيت الحكمه في بغداد لمكتبه قرطبه اللي كان فيها على حسب بعض الروايات اكث من 400000 مجلد لمكتبه القاهره الفاطميه وكل ده كان مبني على اساس واحد ورق رخيص ومتاح ونتيجه ده كان ازدهار في العلوم وظهور العلماء الخواريزم كتب كتب الجبر والحساب اللي لسه بتستخدم مبادئها لحد النهارده وابن سينا كتب القانون في الطب في اكث من مليون كلمه والرازي كتب اكث من 200 كتاب في الطب والكيمياء والفلسفه والبيروني كتب في الفيزياء كل دول وغيرهم قدرت اعمالهم تنتشر وتقرا وتناقش في كل مكان الطالب في قرطبه كان بيقدر يقرا كتاب لعالم في بغداد بعد شهور قليله من كتابته ده انتاج معرفي ضخم ما كانش ممكن ابدا من غير وسيله كتابه رخيصه ومتاحه وهنا مش مقصود ان الورق هو اللي خلى العلماء دول اذكياء الذكاء كان موجود بس الورق هو اللي وفر وفر البنيه التحتيه للابتكار والبحث العلمي وخلى الذكاء ده ينتج ويتوثق وينتشر ويتراكم من غير الورق ابن سينا كان هيفضل ذكي بس ما كانش هيقدر يكتب مليون كلمه وما كانش هيقدر ينشرهم وما كانتش هتوصل لاوروبا وتترجم وتاسس الطب الحديث الورق كمان عمل ثوره في التعليم نفسه التعليم ما بقاش حكر على الاغنياء فظهرت الكتاتيب والمدارس اللي بتعتمد على نسخه رخيصه من الكتب والمعرفه بقت متاحه لقطاع اعرض من المجتمع هنا الورق ولد سوء افكار حيوي وتنافسي الافكار بقت تنتشر اسرع وتم نقدها وتطويرها اسرع وده ادى لقفزه حضاريه هائله ده بالضبط اللي الاقتصاديين بيسموه النهارده اقتصاد المعرفه او النولدج ايكونومي وده بالمناسبه اللي عملت الدكتوراه بتاعتي فيه الورق بالنسبه للاقتصاد الاسلامي القديم كان زي كابلات الانترنت بالنسبه للاقتصاد الرقم الحديث مش هو المحتوى بس هو الوسيله اللي من غيرها المحتوى ما كانش هيو وصل لحد هنا سؤال مهم جدا ازاي صناعه الورق انتقلت من العالم الاسلامي لاوروبا الحقيقه ان القصه ما انتهتش في حدود العالم الاسلامي لان الورق كمل طريقه لاوروبا عن طريق بوابتين اساسيتين وهم الاندلس وثقليه في الاندلس مدينه شاطبه القريبه من فالنسيا بقت واحده من اهم مراكز صناعه الورق في العالم الجغرافي الادريسي كتب عنها في القرن الثاني عشر الميلادي ان فيها ورق ما فيش زيه في العالم ويص صدر للشرق والغرب ومن الاندلسقليه صناعه الورق وصلت لطوليطله حوالي سنه 1085 وبعدها انتشرت في ايطاليا وتاسست مصانع في فابريانو وتريفيزو في القرن الثال عشر وبعدها انتقلت لفرنسا والمانيا وده فتح الباب لحركه النهضه الاوروبيه ولاختراع الطباعه على ايد جوتنبرج في القرن الخام عش يعني لو تتبعنا الخط ده هنلاقي سر صيني محتكر اتاخد لثمر قنب واتطور في بغداد ودمشق والقاهره ووصل للاندلسقليه ومن هناك دخل اوروبا واسس لعصر النهضه والطباعه ده خط واحد متصل والمسلمين كانوا الحلقه الاهم في السلسله دي المسلمين فهموا بدري ان الاستثمار في نقل المعرفه مش اقل اهميه من انتاج المعرفه نفسها وعلشان كده ما بانوش مدارس بس بانوا مصانع ورق وما بانوش مساجد بس بنوا مكتبات وما بانوش جيوش بس بنوا شبكات تجاريه تنقل البضايع والافكار مع بعض علشان كده عملوا ثوره عالميه من خلال صناعه الورق اللي كان تاثيره زي اختراع الانترنت كده لما ظهر الانترنت في التسعينات ايه اللي حصل؟ تكلفه نقل المعلومه انخفضت لحد ما بقت تقريبا صفر وايه اللي ترتب على كده ثوره اقتصاديه ضخمه وشركات جديده ظهرت زي جوجل وامازون وفيسبوك والصناعات كامله اتغيرت والتعليم اتغير والتجاره اتغيرت والاعلام اتغير نفس الحاجه حصلت مع تطور صناعه الورق في العالم بفضل المسلمين اسف اني طولت عليكم بس الموضوع مهم جدا وحاولت اختصره بقدر الامكان في النهايه السؤال اللي لازم نساله لنفسنا ليه المسلمين النهارده بقوا متاخرين في الانتاج المعرفي وحركه التقدم العلمي على مستوى العالم كده ليه ما بيتعلموش من اجدادهم اللي كان عندهم جراه خلتهم ياخدوا سر صيني ويحولوه لثوره عالميه الاجابه على السؤال ده هي اللي بتفرق بين حضاره بتتقدم وحضاره بتتفرج شاركنا رايك في التعليقات ولو الحلقه دي عجبتك ما تنساش تعمل لايك وشير للفيديو وتشترك في القناه لو كنت لسه مش مشترك علشان يوصلك كل حلقه جديده من سلسله اقتصاد الحضاره الاسلاميه واهم حاجه تحكي لاصحابك وحبايبك عننا يمكن يستفيدوا سلام ا