مش هتنساه بعد كده الدرس الأول علوم تالتة اعدادي الحركة في اتجاه واحد الصف الثالث الاعدادي

لو انت مش بتاخد درس فانا هنا علشان اساعدك من غير ما تدفع ولا جنيه لان باذن الله في القناه هنشرح المنهج كله بالكامل اكنك معايا في حصه بالظبط وكل درس هتسمعه هيكون معاه الرسوم التوضيحيه بتاعته والخرائط الذهنيه اللي هتخلي المعلومه تثبت في دماغك وتتحول لفهم حقيقي بسم الله الرحمن الرحيم ابشركم بسنه سودا وخلونا نسمي الله ونبدا في اول درس لثالثه اعدادي الترم الاول الدرس الاول بيتكلم عن الحركه في اتجاه واحد وكلمه الحركه دي كلمه مش جديده علينا بس خلونا الاول نفرق ما بين السكون وما بين الحركه يعني احنا امتى نقرر ان الجسم ده في حاله سكون وامتى نقول ان الجسم ده في حاله حركه تعالوا بينا نشوف الرسمه اللي معانا معانا لاعب في لعبه تخطي الحواجز فاحنا هنا هنوصف الحاجز بان هو جسم ساكن ليه بقى الحاجز ده جسم ساكن؟ هتقول لي لان الحاجز ده مكانه ساكن او ثابت بمرور الزمن يعني الحاجز ده لو عدى عليه دقيقه عد عليه ساعه عد عليه ساعتين عمره ما هيغير مكانه فعلشان كده احنا بنوصف الحاجز ده بانه في حاله سكون ليه؟ لانه يظل في موضعه يعني في مكانه بمرور الزمن انما اللاعب اللي بيتحرك على الحاجز بنقول عليه ان هو في حاله حركه يعني لما نوصف اللاعب هنقول ان ده جسم متحرك ليه جسم متحرك؟ لان مكانه بيتغير بالنسبه للحاجز بمرور الزمن فعلشان كده احنا بنقول ان اللاعب ده في حاله حركه علشان هو بيغير مكانه بالنسبه للحاجز الحاجز دايما ثابت ما بيتغيرش انما مين اللي بيتغير اللاعب فاحنا لو هنقارن ما بين اللاعب وما بين الحاجز هنقول ان الحاجز ده ساكن واللاعب هو اللي بيتحرك ومن المثال ده نعرف نطلع تعريف الحركه يعني انا مش عايزك تحفظ التعريف افهم الاول وبعد كده هتلاقي نفسك بتجيب التعريف بكل بسهوله لو انا سالتك يعني ايه حركه اللاعب اللي احنا قلنا عليه ان هو بيتحرك يعني ايه بيتحرك هتقول لنا ان هو بيغير مكانه بمرور الزمن وده طبعا بالبلدي طب لو احنا حبينا نقولها بشكل علمي هنقول ان الحركه هي تغير موضع جسم يعني تغيير مكان جسم بالنسبه لجسم ثاني ثابت زي اللاعب اللي بيتخطى الحاجز اللاعب متحرك انما الجسم ساكن بمرور الزمن يعني بعد ثانيتين بعد ثلاثه الحاجز برده برده هيفضل ثابت انما اللاعب هو اللي بيتحرك طيب تعالوا بينا نشوف انواع الحركه قال لك والله الحركه ليها انواع كتير احنا علينا نوع واحد بس منهم الحركه في اتجاه واحد اللي هو عنوان الدرس الحركه في اتجاه واحد دي الحركه اللي الجسم بيمشي فيها في نفس الاتجاه بس خلي بالك ممكن يكون ماشي في نفس الاتجاه بس يكون الطريق مستقيم او منحني او ممكن يكونوا الاتنين مع بعض يعني في الصوره اللي قدامك ده طريق مستقيم العربيه اللي ماشيه عليه دي عربيه ماشيه في اتجاه واحد طيب لو الطريق ده منحني برده ده حركه في اتجاه واحد ليه؟ لان هو ماشي في اتجاه واحد مش ماشي في اتجاهين اتجاهين يعني مثلا ماشي شمال وماشي يمين في نفس الوقت انما العربيه ما بتعرفش تمشي غير في اتجاه واحد بس يبقى الحركه في اتجاه واحد لما نقولها بشكل علمي هي الحركه التي يتحرك فيها الجسم في مسار واحد يعني في طريق واحد الطريق ده ممكن يكون مستقيم وممكن يكون منحني وممكن يكون عامل زي الطرق اللي احنا بنمشي عليها شويه من ده على ده شويه مستقيم وشويه منحني ومش عايزك تتلخبط ما بين الطريق المنحني والطريق اللي ليه اتجاهين الطريق المنحني ده مساره واحد بس انما الطريق اللي ليه اتجاهين شمال ويمين مثلا ده مش اتجاه واحد وقبل ما نروح للامثله خلي بالك ان الحركه في اتجاه واحد هي ابسط انواع الحركه يعني الحركه دي ما فيش ابسط منها ان انت ماشي في اتجاه واحد بس اشهر الامثله على الحركه في اتجاه واحد حركه المترو وحركه القطار وزي ما انت شايف في الفيديو اللي قدامك ممكن يكون القطار ماشي والسكه بتاعته منحنيه ما فيهاش اي مشاكل المهم هو ماشي في اتجاه واحد بس طيب ايه الاسئله اللي بتيجي على الجزئيه دي؟ السؤال اللي بيجي سؤال علل يقول لك تعتبر حركه القطار او حركه المترو من امثله الحركه في اتجاه واحد اقول له لان القطار بيتحرك للامام او للخلف لكن مش بيتحرك يمين وشمال في نفس الوقت بيتحرك للامام او للخلف في مسار مستقيم او منحني او كلاهما معا يبقى القطار بيتحرك يا اما لقدام يا اما لورا لكن مش بيتحرك يمين وشمال في في نفس الوقت والمسار بتاعه ممكن يكون مستقيم او ممكن يكون منحني او ممكن يكون الطريقين مع بعض ده كان بالنسبه للمقدمه اللي فهمتنا يعني ايه حركه ويعني ايه سكون تعالوا بينا بقى نروح للجزئيه اللي بعدها وجزئيه مهمه جدا السرعه عايزك تركز معايا في جزئيه السرعه لان باقي الدرس بالكامل مبني على السرعه اول حاجه يعني ايه سرعه السرعه هي عباره عن كلمه مصطلح بنوصف بيه حركه حركه الاجسام يعني ايه نوصف بيه حركه الاجسام يعني بنقول ان الراجل ده ماشي بسرعه او الراجل ده ماشي بطيء فاحنا هنا بنوصف حركه الجسم سريع ولا بطيء وكمان ممكن نقارن ابراهيم اسرع من خالد مثلا فاحنا هنا بنقارن شخصين واحد اسرع من الثاني العربيه الفلانيه اسرع من العربيه الثانيه فالسرعه هي عباره عن مصطلح بنستخدمه ليه علشان نوصف او نقارن حركه الاجسام وعلشان برده احنا هنا بنتكلم في السرعه من مفهوم علمي فاحنا هناخد حالتين هيوضحوا لنا كويس قوي يعني ايه سرعه تعالوا نشوف الحاله الاولى معانا عربيتين ومعانا ستوب وتش وهنشوف العربيتين دول في خلال خمس ثواني هيقطعوا كام متر فانا هظبط التايم بتاعي على خمس ثواني وبعدين نحرك العربيتين العربيه الاولى باللون الاحمر قطعت مسافه 100 متر والعربيه الثانيه اللي هي باللون الازرق قطعت مسافه 50 متر وجيت انا هنا سالتك مين فيهم اسرع من الثانيه؟ هتقول لي طبعا العربيه الحمراء لان هي في نفس الخمس ثواني قطعت 100 متر انما العربيه اللي باللون الازرق قطعت يا دوب 50 متر بنفس الخمس ثواني يعني نص المسافه طيب لو قلت لك احنا معانا شارع طوله 100 متر ومعانا عربيتين واحده حمراء وواحده زرقاء وخلينا العربيتين دول مشيوا لاخر الشارع العربيه الحمراء وصلت في خمس ثواني والعربيه الزرقاء وصلت في 10 ثواني وجيت سالتك انا برض مين فيهم اسرع هتقول لي برده العربيه الحمراء تعالوا بقى نفسر ليه العربيه الحمراء كانت اسرع في الحالتين في الحاله الاولى العربيه الحمراء قطعت مسافه اكبر قطعت 100 متر في نفس الخمس ثواني انما العربيه الزرقاء قطعت 50 بس طب وفي الحاله الثانيه استغرقت زمن اقل خمس ثواني انما العربيه الزرقاء قطعت نفس ال 100 متر ولكن في 10 ثواني فاحنا هنا لما حبينا نوصف السرعه وصفناه بحاجه من اثنين يا اما مسافه اكبر في نفس الزمن يا اما نفس المسافه بس في زمن اقل فعلشان كده قال لك والله السرعه بتعتمد على عاملين ايه العاملين اللي بتعتمد عليهم السرعه يعني احنا دلوقتي عايزين نوصف الحاجه دي ان هي سريعه ايه العوامل اللي احنا هنستند عليها قال لك والله هنستند على المسافه اللي بيقطعها الجسم مين بيقطع مسافه اكبر يا اما بنعتمد على الزمن مين اللي وصل اسرع من التاني يعني مين اللي خد وقت اقل من التاني طيب والله لحد دلوقتي كلام جميل وزي الفل بس احنا عايزين قانون عايزين حاجه ملموسه نحسب بها السرعه قال لك والله السرعه علشان نحسبها ليها قانون بيقول ان السرعه بتساوي المسافه على الزمن يعني انا لو قسمت المسافه على الزمن يديني السرعه على على طول وبرده في اختصارات يعني مثلا بدل ما تكتب السرعه ممكن تكتب حرف العين ممكن بدل ما تكتب المسافه تكتب حرف الفاء الزمن حرف الزي فانت ممكن تقول ان الع بتساوي الفاء على الزي طيب ما نشوف مسائل يا مستر عشان عايزين نشوف السرعه بتتحسب ازاي اقول لك استنى ناخد الوحدات والتعريف وباذن الله هغرقك امثله طيب احنا بعد ما شفنا القانون عايزين نستنتج تعريف علمي للسرعه يعني احنا لو اتسالنا بشكل علمي مش هنقول ان السرعه واحد بيمشي مسافه اطول والكلام ده كله احنا عايزين كلام علمي قال لك والله السرعه لها تعريفين التعريف الاول يا اما المسافه المقطوعه خلال وحده الزمن يعني انت مشيت مسافه قد ايه في زمن قدره كام ده تعريف السرعه او المعدل الزمني للتغير في المسافه يعني في خلال الزمن المعين ده مسافتك اتغيرت بقت قد ايه لان احنا طبعا قلنا ان السرعه بتعتمد على المسافه وعلى الزمن فيا اما يبدا بالمسافه يا اما يبدا بالزمن يعني هي دي هي دي المسافه المقطوعه خلال الزمن او المعدل الزمني للتغير في المسافه تعالوا بينا نروح للوحدات وحدات القياس دي معناها ايه معناها ان انا لو عايز اغير من سن لمتر او من متر لكلوتر اعملها ازاي ركز معايا لو انا هحول من الصغير للكبير هقسم يعني لو انا هحول من السنت للمتر الكبير هقسم على 100 طيب لو انا هحول من المتر الصغير للكيلو متر الكبير هقسم على 1000 طيب تعال ناخد العكس لو انا معايا كيل متر وعايز احوله لمتر اضربه في 1000 يعني الكيلو الواحد في 1000 متر طب لو انا معايا متر وعايز احوله لس اضربه في 100 يعني المتر الواحد في 100 سم طيب وحدات الزمن الزمن وحداته ثابته وسهله لو انا هحول من ثانيه لدقيقه بقسم على 60 من دقيقه لساعه بقسم اقسم على 60 من ساعه لدقيقه ما دام هروح من كبير لصغير من الساعه للدقيقه هضرب في 60 طيب من دقيقه لثانيه هضرب برض في 60 ما دام من الكبير للصغير بنضرب من الصغير للكبير بنقسم طبعا وحدات المسافه والزمن ما فيهمش اي مشاكل ومافيش اختلاف عليهم لان احنا متربيين على الكلام ده من زمان تعالوا بينا نروح لوحدات القياس الجديده عليك اللي هي وحدات قياس السرعه اول حاجه انا بقسم المسافه على الزمن المسافه وحده القياس بتاعتها المتر والزمن وحده القياس بتاعته الثانيه فانا لما اقسم مسافه على زمن علشان اجيب السرعه فهتديني متر لكل ثانيه او ممكن تديني الوحده الاكبر من المتر اللي هي كيلو متر لكل ساعه طيب انا بقى في السرعه ما عنديش غير تحويله واحده بس يا اما احول من كيلو متر لكل ساعه لمتر لكل ثانيه يا اما يحصل العكس لو انا هحول من الكيلو الكبير للمتر المتر الصغير هضرب في 5 على 18 طيب لو انا هحول من المتر الصغير للكيلو متر الكبير هقسم 5 على 18 طيب يا مستر احنا عايزين نفهم ال 5 على 18 دي جت منين ركز معايا انا عندي 1 م هقسمه على واحد ساعه هي مش السرعه كيلو متر لكل ساعه او كيلو متر على الساعه الاتنين نفس المعنى فانا هجيب 1 كيلو هقسمه على 1 ساعه الكيلو متر فيه كام متر في 1000 احنا مش قلنا علشان نحول من كيلو لمتر بنضرب في 1000 فانا معايا كيلو متر واحد هضربه في 1000 ومعايا عايز احولها لثانيه فانا هضرب الوا في 60 في 60 ال 60 الاولى علشان احوله لدقيقه وال60 الثانيه علشان احوله لثانيه ف 1000 على 60× 60 هتديني 3600 1000 على 3600 هتديني 5 على 18 متر لكل ثانيه انا ابتديت الوحده بتاعتي بكيل متر وحولت الكيلو لمتر وحولت الساعه لثانيه يبقى ال 5 على 18 دي لو انا عايز احول من الكيلو متر الكبير للمتر الصغير هضرب في 5 على 18 من المتر الصغير للكيلو الكبير هقسم 5 على 18 الله اكبر عليك ايه الحلاوه دي ايه الحلاوه دي طيب سؤال متى يتساوى مقدار السرعه مع مقدار المسافه خلي بالك السرعه مش بتساوي المسافه ولكن المقدار يعني السرعه بواحد المسافه بواحد السرعه ب 100 المسافه ب 100 وقف الفيديو كده وفكر فيها امتى السرعه تساوي المسافه الاجابه ببساطه لما المسافه تكون خلال وحده الزمن يعني ايه الكلام ده وحدات الزمن هما الثانيه والدقيقه والساعه دول وحدات الزمن فلو الجسم بيقطع طلع مسافه معينه في واحد ثانيه او واحد دقيقه او واحد ساعه المسافه هتساوي الزمن ما فهمتش حاجه تعالوا ناخد مثال لو انا عندي عربيه ماشيه بسرعه 80 م لكل ساعه فانا دلوقتي العربيه دي بتمشي 80 كيلو في زمن قدره 1 ساعه يبقى السرعه بتاعتي كام؟ 80 كم والمسافه كام؟ 80 كيلو يبقى هنا مقدار السرعه بيساوي ساوي مقدار المسافه ولكن هم الاتنين مش بيساووا بعض لان ده وحدته كيلو متر لكل ساعه والمسافه وحدتها كيلو متر بس ولكن المقدار الرقم اللي جنبهم بيتساووا مع بعض فيه طب سؤال كمان ما معنى قولنا ان وسؤال ما معنى قولنا ان احنا عارفين من سنه ثانيه الطلبه اللي كانت متابعه معايا من سنه ثانيه عارفين ان ما معنى قولنا ان بيجي في شكل سؤال وفي شكل مساله تعالوا نشوفه بيجي ازاي في شكل سؤال بيقول لي ما معنى ان طائره تتحرك بسرعه مقدارها 500 كل م في ساعه او 500 كل م لكل ساعه وفي طالب تاني يقول 500 كل م على الساعه الثلاثه دول صح ايه معنى الكلام ده اقول له الطياره بتقطع مسافه قدرها 500 كل م فياعه واحده سهله صح الطياره بتتحرك بسرعه 500 كم لكل ساعه يبقى الطياره بتاعتنا بتقطع مسافه 500 كم في الساعه الواحده طيب سؤال كمان بيقول لي سياره متحركه بتقطع مسافه مقدارها 100 متر في زمن قدره 2 ثانيه هنا بقى هو جايبها لك على شكل مساله لان هو مديك 100 متر بس مش مديك ثانيه واحده مديك ثانيتين فانا هقول له والله السرعه بتساوي المسافه على الزمن وطبعا احنا قلنا السرعه ممكن نختصرها في الحرف ع والمسافه في الحرف فاء والزمن في الحرف ز المسافه بتاعتنا بكام؟ ب 100 موجوده من المساله والزمن ثانيتين 100 على 2 تديني 50 متر لكل ثانيه يبقى خلاصه الكلام معنى الكلام اللي انت بتقوله لي ده ان السياره بتتحرك بسرعه قدرها 50 متر لكل ثانيه 100 ب 100 ب 100 بخدر يبقى واحده واحده قبل ما ندخل على المسائل تعالوا كده ننشط الذاكره ونراجع كده على السريع احنا خدنا ايه احنا خدنا حاجه اسمها الحركه في اتجاه واحد واول تعريف خدناه الحركه الحركه هو ان جسم بيتغير بالنسبه لجسم ثاني بمرور الزمن زي مثلا ما تكون بتتمشى في الشارع فالشارع ثابت زي ما هو وانت اللي بتتحرك فاحنا بنقول ان انت بتتحرك ليه؟ لان مكانك انت بيتغير بالنسبه للارض اللي ثابته مكانها بمرور الزمن وقلنا ان احنا هندرس نوع واحد من انواع الحركه اللي هو الحركه في اتجاه واحد يعني ايه حركه في اتجاه واحد يعني الجسم بيتحرك في مسار واحد والمسار ده ممكن يكون مستقيم ممكن يكون خط مستقيم او ممكن يكون منحني او ممكن يكون الاثنين مع بعض شويه مستقيم وشويه منحني لكن قلنا لو الجسم بيتحرك يمين وشمال في نفس الوقت في مسارين يبقى الحركه بتاعته مش في اتجاه واحد كده هتبقى في اتجاهين وقلنا كمان ان الحركه في اتجاه واحد دي ابسط انواع الحركه اشهر الامثله على كده قلنا المترو وقلنا القطار وبالنسبه للسرعه فالسرعه بتعتمد على عاملين اساسيين المسافه والزمن يعني علشان نحكم على الجسم ان هو سريع يا اما بيقطع مسافه اكبر يا اما بياخد زمن اقل علشان يوصل قانون السرعه قانون مهم جدا السرعه علشان نجيبها بنقسم المسافه على الزمن والسرعه لها تعريفين يا اما المسافه المقطوعه خلال وحده الزمن وحده الزمن اللي هو الوحده اللي هو ثانيه او دقيقه او ساعه يا اما المعدل الزمني للتغير في المسافه وحدات القياس مهمين جدا وتقريبا ما فيش مساله بتيجي غير وفيها تحويل وحدات فالله يبارك فيكم ركزوا كويس على الوحدات بعد اذنك بيبص للساده المشاهدين وقول لهم يعملوا لايك وسبسكرايب للموقع اقول لهم ايه يعملوا اعملوا لك اشتراك لبتاع وقول لهم يفعلوا زر الجرس اول سؤال معانا هيكون سؤال ماذا يحدث للسرعه في الحالات الاتيه وخلي بالك معايا لان انا هقول لك على طريقه سهله جدا تجيب بيها مسائل ماذا يحدث بسهوله؟ السؤال الاول بيقول لي ايه اللي هيحصل للسرعه لو قطع جسم متحرك نفس المسافه في نصف الزمن؟ طبعا في الكتاب جايب لك طريقه معقده شويه ان انت تفترض ان المسافه الاولى بكذا والمسافه الثانيه بكذا وتقعد تقارن وهكذا ولكن انا هقول لك على حاجه بسيطه احنا هنجيب القانون ونعوض السرعه بتاعتنا بتساوي المسافه على الزمن هو في المساله بيقول لك الجسم قطع نفس المسافه نفس المسافه يعني واحد في نصف الزمن مادام قال لك نصف الزمن يبقى احنا هنعوض عن الزمن بنص فلو قسمت الواحد على نص على الاله الحاسبه هتلاقي ان 1 على نص بيساوي 2ين معنى ان السرعه بتساوي انين معنى كده ان تزداد سرعه الجسم الى الضعف واحده واحده احنا ما عملناش حاجه احنا جبنا القانون نفس المسافه عوضنا عنها بواحد نص الزمن عوضنا عنه بنص طيب تعالوا ناخد واحده كمان علشان تثبت في دماغنا بيقول لك استغرق جسم متحرك ضعف الزمن لقطع نصف المسافه اقول له والله بسيطه احنا هنكتب القانون بتاعنا السرعه بتساوي المسافه على الزمن بكرر فيه كتير علشان تحفظه ويثبت في دماغك الجسم اتحرك ضعف الزمن يعني الزمن هنعوض عنه باثنين وقطع نص المسافه يعني احنا هنعوض عن المسافه بنص نص على الاثنين يديني ربع معنى كده ايه السرعه بقت بربع يعني السرعه بتقل للربع يبقى الاجابه بتاعتنا تقل سرعه الجسم الى الربع لو اقل من واحد فمعنى كده ان هي بتقل لو اكتر من واحد يبقى بتزيد يعني هي ممكن تزيد للضعف تزيد لاربع امثال انما تقل الى النصف تقل الى الربع وهكذا اقل من واحد تقل اكبر من واحد بتزيد بالمناسبه في سؤال فكر وراجع مع معلمك باذن الله لو انتم عايزين السؤال ده هسيب لكم الحل بتاعه في صفحتنا على فيسبوك ركز معايا ايه اللي بيخلي السرعه تتغير؟ يعني امتى نقول ان الجسم ده بقى سريع؟ امتى نقدر نقول ان الجسم ده هيبقى بطيء؟ ركز معايا لان احنا هناخد العلاقه ما بين السرعه والمسافه والزمن اول حاجه احنا قلنا ان السرعه اللي هي عين بتساوي الفاء على الزاي؟ البسط بيتناسب طرديا مع البسط يعني ايه الكلام ده؟ يعني لو المسافه بتزيد السرعه هتزيد معاها انما البسط بيتناسب عكسيا مع المقام يعني العين في البسط انما الزي في المقام فالعلاقه ما بينهم عكسيه يبقى واحده واحده العلاقه ما بين المسافه وما بين السرعه علاقه طرديه يعني كل المسافه ما بتزيد السرعه بتزيد بس خلي بالك الزمن ثابت ليه علشان القياس بتاعنا يطلع مظبوط الزمن ما ينفعش يتغير الزمن بتاعنا ثابت لو زودنا المسافه السرعه هتزيد وده بالمناسبه اللي بيجي في سؤال علل يقول لك علل تزداد سرعه الجسم المتحرك كلما زادت المسافه المقطوعه خلال نفس الزمن ليه لما السرعه بتزيد المسافه برض بتزيد معاها ليه لما المسافه بتزيد السرعه برض بتزيد معاها اقول له لان السرعه بتتناسب طرديا مع المسافه بس بشرط عند ثبوت الزمن طيب بالنسبه للسرعه والزمن قال لك والله العلاقه ما بينهم عكسيه يعني في مثال العربيه الثاني لما قلنا العربيتين هيقطعوا 100 متر الاولى قطعت ال 100 متر في خمس ثواني والعربيه الثانيه قطعت ال 100 متر في 10 ثواني مين فيهم اسرع اللي الزمن بتاعه كبير ولا اللي الزمن بتاعه قليل اللي الزمن بتاعه اقل اللي هو الخمس ثواني يبقى العلاقه ما بين السرعه وما بين الزمن علاقه عكسيه كل ما السرعه بتقل الزمن بيزيد طيب لو الزمن بيقل السرعه تزيد وهكذا واحد يقل التاني يزيد ولكن بشرط عند ثبوت المسافه علشان يبقى الحكم بتاعي مظبوط 100% لازم تكون المسافه بتاعتي ثابته زي العربيتين قلنا ان احنا هنحركهم مسافه 100 متر وبعدين نشوف مين فيهم اسرع برض على الجزئيه دي برض بيجيب لك سؤال علل يقول لك تزداد سرعه الجسم المتحرك كلما قل الزمن المستغرق لقطع نفس المسافه احنا قلنا ان المسافه ثابته السرعه بتزيد ولكن الزمن بيقل ليه؟ لان العلاقه ما بينهم علاقه عكسيه يبقى لان السرعه تتناسب عكسيا مع الزمن عند ثبوت المسافه لو انت وصلت لحد هنا فانت اكيد عجبك الشرح بتاعنا وشفت احنا قد ايه بنتعب في المحتوى ده فاتمنى ان انت ما تبخلش علينا بدعمك البسيط لايك بس للفيديو ويا سلام لو دعوه حلوه منك في التعليقات هكون مبسوط بيك جدا وخلونا نسمي الله ونروح لقوانين السرعه ايه ده يا مستر هو في قوانين هو قانون واحد السرعه وهنستنتج ج منه باقي القوانين احنا قلنا لو عايزين نحسب السرعه فاحنا بنقسم المسافه على الزمن طب ما ناخد مثال لو انا عندي عربيه شغاله بالطاقه الشمسيه بتقطع مسافه 100 متر في زمن اربع ثواني وعايزين نحسب سرعه العربيه دي نحسبها ازاي؟ اقول لك ركز معايا اول حاجه احنا بنجيب المعطيات يعني ايه الحاجات اللي معانا معانا المسافه لان هو في المساله بيقول لك مسافه قدرها 100 م يبقى المسافه بتاعتنا ب 100 متر ومعانا الزمن بيقول لك في زمن قدره اربع ثواني وعايزين نجيب السرعه فاحنا هنقسم المسافه على الزمن المسافه بتاعتنا ب 100 والزمن بتاعنا باربعه 100 على الاربعه على الاله الحاسبه او تحسبها بدماغك يبقى 25 ولكن وحده قياس السرعه هي متر لكل ثانيه انما الزمن وحده قياسه هو الثانيه والمسافه وحده القياس بتاعته المتر وحده القياس بتاعته الاساسيه اللي انت بتحسب بيها المسائل هي المتر والثانيه وم متر لكل ثانيه لكن ممكن طبعا تكون بالكيلو ممكن تكون بالدقيقه وكل ده هنشوفه في المسائل بتاعه النهارده تعالوا نروح للمساله الثانيه اللي بدل ما نحسب فيها السرعه هنحسب المسافه علشان نجيب المسافه فاحنا هنضرب السرعه في الزمن والمثال على كده بيقول لك تتحرك سلحفاه بسرعه 2 سم لكل دقيقه لمده 10 دقائق احسب المسافه خلي بالك في المساله لو ما طلبش منك ان انت تحول وحدات ما تحولش يعني احنا خدنا تحويلات الكيلومتر والمتر والثانيه والدقيقه وكل التحويلات دي ما تستخدمهاش الا لو طلب منك في المساله احنا عايزين المسافه فاحنا هنضرب السرعه في الزمن السرعه بتاعتنا 2 سم لكل دقيقه والزمن بتاعنا 10 دقاق 2× 10 يديني 20 سم طيب يا مستر ده الوحده الاساسيه هي المتر ما لناش دعوه مادام ما طلبش منك حل بالمعطيات اللي موجوده طيب لو انا عايز احسب الزمن فانا بقسم المسافه على السرعه ومثال على كده بيقول لك ما الزمن الذي تستغرقه سياره يعني احنا عايزين نحسب الزمن لعربيه بتتحرك بسرعه 28 متر لكل ثانيه علشان تقطع مسافه قدرها 1008 متر اقول له سهله وبسيطه انا علشان احسب الزمن بقسم المسافه على السرعه المسافه بتاعتنا كام 100 والسرعه بتاعتنا 28 لو قسمت ال 1008 على 28 الناتج بتاعها هيكون 36 ووحده قياس الزمن هي ايه؟ هي الثانيه طبعا انت تقدر تلم كل ده في مثلث واحد السرعه بتساوي المسافه على الزمن الزمن بيساوي المسافه على السرعه انما المسافه بتساوي السرعه في الزمن تعالوا بينا نروح لمسائل اصعب شويه المثال اللي معانا بيقوللي في طائره تحركت من احد المطارات وقطعت مسافه قدرها 846 متر خلال ساعه واحده بس علشان توصل لمطار القاهره وعايزين نحسب السرعه ولكن بالوحدتين مره هنحسبها بالكيلومتر لكل ساعه والمره الثانيه هنحسبها بالمتر لكل ثانيه قبل ما ابدا في حل المساله عايز اعرف المعطيات اللي معانا المعطيات اللي معانا معانا المسافه 846 كم مش هي قطعت مسافه قدرها 846 يبقى المسافه بتاعتنا ب 846 كم والزمن بتاعنا بيقول خلال 1 ساعه يبقى الزمن بتاعنا 1 ساعه اول حاجه السرعه بتساوي المسافه على الزمن المسافه بتاعتنا كام 846 كيلو والزمن بتاعنا بساعه 846 على 1 يديني 846 كم لكل ساعه بس هو في المساله قال لك انا عايزها بوحده الكيلو متر لكل ساعه وعايزها بالمتر لكل ثانيه نحسبها ازاي سهله وبسيطه احنا علشان نحول من الكيلومتر الكبير للمتر على الثانيه الصغير بنضرب في 5 على 18 يبقى هناخد ال 846 نضربها في 5 على 18 على الاله على طول تطلع لك 235 متر لكل ثانيه يبقى ده المطلوب منا جبناها له بالكيلو وجبناها له بالثانيه المثال اللي بعده بيقول لك يسافر ماجد بسياره سرعتها 50 كم لكل ساعه بينما تسافر ليلى بسياره ثاني سرعتها 22 متر لكل ثانيه خلي بالك ماجد 50 كل م لكل ساعه انما ليلى 22 متر ولكن لكل ثانيه هنا كيل متر لكل ساعه هنا متر لكل ثانيه وعايز منا في المساله دي حاجتين اول حاجه بيقول لك وضح بالحسابات الرياضيه اي السيارتين اسرع مين اسرع من مين هنشوف الكلام ده ثاني حاجه عايزنا نحسب الفرق في المسافه ما بين العربيتين بوحده الكيل بعد مرور ساعه يعني بعد ساعه عايز يحسب الفرق ما بين المسافتين وتعالوا بينا نبدا نحل الحل بتاعنا هيكون يا اما نحول من كيلو متر لكل ساعه لمتر لكل ثانيه او نحول العكس من المتر لكل ثانيه للكلو متر لكل ساعه احنا هنختار ايه؟ احنا هنغير سرعه سياره ليلى بدل ما هي بوحده المتر لكل ثانيه هنخليها بوحده الكيلو متر لكل ساعه طيب علشان نحول من المتر لكل ثانيه الصغير للكيلو متر لكل الساعه الكبير هنقسم 5 على 18 السرعه بتاعه ليلى 22 نقسمها على 5 على 18 تديني 79.2 كم لكل ساعه بما ان عربيه ماجد بتتحرك بسرعه 50 كم لكل ساعه وعربيه ليلى بتتحرك بسرعه 79.2 02 كم لكل ساعه يبقى سياره ليلى اسرع من سياره ماجد وده اول مطلوب معانا ثاني حاجه هو طالبها منا عايز الفرق في المسافه المسافه اللي هتقطعها ليلى بعد ساعه واحده هتكون 79.2 مش هي بتتحرك بسرعه 79.2 كم لكل ساعه يبقى هي في الساعه بتقطع 79.2 0.2 كم طيب بالنسبه لما بيقطع 50 كم ساعه يبقى المسافه اللي هتقطعها ليلى بعد الساعه 79.2 طيب وماجد 50 كم الفرق ما بينهم 79.2 نطرح منها 50 الناتج بتاعنا 29.2 02.2 كم المثال اللي بعده في سنه ذكاء كده شويه هنشوفه مع بعضينا بيقول لك قطار بدا رحله طولها 200 كم الساعه 6:00 الصبح يعني هو الساعه 6 الصبح ابتدى الرحله الرحله بتاعته طولها كام 200 م والقطار ماشي بسرعه قدرها 40 متر لكل ساعه متى يكون موعد الوصول احنا عايزين نعرف هو هيوصل امتى يعني بمعنى اصح امتى هيخلص ال 200 متر اللي عليه المعطيات اللي معانا في المساله معانا المسافه 200 كم ومعانا السرعه 40 كم لكل ساعه عايزين نحسب الزمن طيب احنا علشان نحسب الزمن بنعمل ايه؟ بنقسم المسافه على السرعه المسافه بتاعتنا 200 كل م والسرعه بتاعتنا 40 نقسم ال 200 على ال 40 يديني خمس ساعات لان طبعا الوحده كيلو متر لكل ساعه والمسافه كيلو متر يبقى الزمن بتاعنا بالساعه خلي بالك بقى هو مش عايز الزمن هو عايز موعد الوصول يعني هو عايز يعرف القطار هيوصل امتى هو ابتدى الحركه بتاعته الساعه 6 الصبح في خلال خمس ساعات هو هيكون خلص ال 200 يبقى 6 + 5 هيوصل الساعه 11 هو اتحرك الساعه 6:00 بعد خمس ساعات هيكون وصل يعني هيوصل الساعه كام؟ هيوصل الساعه 11 يبقى موعد وصول القطار الساعه الح صباحا ده كان الجزء الاول من الدرس بكل الاسئله اللي فيه لو الشرح عجبك اتمنى ما تنسناش في لايك وما تنسناش في دعوه كريمه منك نشوفكم على خير في الجزء اللي جاي السلام عليكم