علامات الجفاف عند الاطفال و الرضع علاج الجفاف عند الاطفال و الرضع

الجفاف عند الاطفال لو الطفل عنده نزله معويه وعنده اسهال وعنده ترجيع وانت مرفتيش تعوضي السوائ في البيت ممكن الطفل يجيله جفاف ودي حاجه قاتله للاطفال طب اعراض الجفاف يا دكتور عند الطفل ايه اعرف ازاي ان الطفل عنده جفاف عد معايا اول حاجه هتلاقي كميه البول الميه اللي الطفل بيعملها قلت عن الطبيعي بتاعه هتلاقي الطفل ده ريقه بقى ناشف تحط ايدك في بقه تلاقي مافيش لعاب ريقه ناشف هتلاقي الطفل ده عينه دخلت لجوه بقت غائره لو ده طفل رضيع وفتحه النافوخ دي موجوده هتلاقيها دخلت لجوه هبطت هتلاقي الطفل نيمان مدروخ درجه وعيه مش حلوه هتلاقي الطفل بدا الجلد بتاعه يبقى ناشف جاف يفقد الليونه الطبيعيه بتاعته يعني احنا الجلد بتاعنا لين تمسكه تلاقيه لين لا الطفل ده تمسك تلاقي الجلد ده مش الليونه الطبيعيه بتاعته الطفل ده لو عيط ما ينزلش دموع مافيش اصلا سوائل في جسمه خلاص وخدي بالك مش شرط تستني لما الاعراض دي كلها تظهر عرض واحد بس من دول يقلقك يقوللك ان الطفل ده بادئ يدخل في جفاف طيب لو الطفل بادئ في جفاف او عنده اعراض جفاف اتصرف ازاي يا دكتور هنا لازم تروحي للدكتور او المستشفى دلوقتي حالا طبلا لان الولد ده ممكن يحتاج ان هو يعلق محاليل بالوريد يحتاج يتحجز في المستشفى بقى ونعلقله محاليل نركب كانيولا ونعلق محاليل دي قصه تانيه الجفاف الافضل جدا ان انت تتجنبيه ما تستنيش لما ابنك يجي له جفاف يا ست الكل لان بنشوف ساعات حالات جفاف متاخره والطفل بيبقى على وشك انه يروح مننا من كتر ما الام دي او الاب ده استنى في البيت كتير قوي فالجفاف ابوس ايديكم ما تستنوش لما الطفل يجي له جفاف ابداي محلول الجفاف مع الرضاعه مع السوائ و واهتمي بالسوائ وركزي فيها ما تركزيش في الاسهال وروحي للدكتور بتاع الطفل يبدا علاجه من بدري دي القصه طيب في بعض حالات بقى برده لازم اقولها ساعات الطفل بيبقى عنده ترجيع واسهال وندي للطفل علاج للترجيع والترجيع ما يقفش مهما تعمل ما بيقفش تدي له محلول جفاف يرجع تدي له اكل يرجع تدي له رضاعه يرجع في الحاله دي يا دكتور هنعمل ازاي هنعوض السوائل ازاي في الحاله دي الطفل لازم يتحجز في المستشفى لازم لان الطفل ده انا مش عارف اعوض له بالفم فانا لازما بقى اركب له محاليل بالوريد اعوض بيها اللي الطفل بيفقده لحد ما الترجيع عند الطفل يقف او يتحسن. فهمت حاجه؟ فلو طفلك بيرجع وعنده اسهال وادي للطفل العلاج بتاع الترجيع والطفل بيرجع كل اللي بياخده انت مش عارفه تعوضي بالفم لانه بيرجع شكرا مش هتعملي حاجه روحي المستشفى على طول عشان الطفل ده هيتحجز في المستشفى يعوض المحاليل دي بالوريد لحد الترجيع بتاعه ما يقف او يتحسن ويخرج من المستشفى بالسلامه حتى لو الاسهال كان لسه موجود لان في الحاله دي الترجيع وقف فانا هعرف اعوض بالفم مش محتاج ان انا اعوض بالوريد ماشي كده يبقى النقطتين اللي يخلوكي تروحي المستشفى حالا وفورا اول حاجه ان الطفل اصلا يكون باين عليه علامات جفاف روح المستشفى على طول الحاجه الثانيه ان يكون الطفل ده بيرجع مع الاسهال والعلاج ما بيوقفش الترجيع فاذا انت مش عارفه تعوضي السواي روحي المستشفى ما تستنيش غير كده نقدر ندي محلول الجفاف بالفم واحده واحده وطالما الطفل بياخده عارفين نعوض السوائل ما فيش مشكله خالص تقدري تعوضي بمحلول الجفاف بالفم والطفل مش ظاهر عليه اعراض جفاف عادي خالص اعملي ده لحد ما تروحي للدكتور ثاني يوم يكمل المهمه مش تعملي ده وخلاص مش تعملي ده وتقعدي في البيت لا هتعملي ده لحد ما تروحي المستشفى او للدكتور علشان نشخص السبب وندي العلاج المناسب ‏S