تجربة غير مسبوقة تكشف عن القوة الخامسة في الطبيعة هتغير كل حاجة نعرفها عن الكون

من اول يوم الانسان رفع عينه للسما وسال هو ليه كل حاجه بتتحرك كده ومن وقتها بدات رحله طويله جدا رحله بنحاول فيها نفهم ازاي الكم بيشتغل واللي اكتشفناه لحد دلوقتي ان كل فعل في الطبيعه مهما كان بسيط وراه قوه بتدفعه او بتشده يعني التفاحه اللي وقعت من الشجره دي الجاذبيه الشراره اللي بتخرج لما توصل سلكين لبعض دي الكهرومغناطيسيه النواه اللي جوه الذره ومش بتنفجر رغم ان البروتونات اللي فيها كلها موجبه دي القوه النويه القويه اللي ماسكاهم بالعافيه حتى لما ذره تتحلل وتخرج منها طاقه دي القوه النواويه الضعيفه اربع قوى هم اللي بيحكموا كل شيء بنشوفه في الكون من دوران الكواكب لتوهج النجوم من سقوط المطر لحركه الالكترونات في الاسلاك اللي بتنور بيتك ولفتره طويله جدا العلماء كانوا فاكرين ان القصه خلصت لحد كده وان الاربع قوى اللي بيحكموا اليه عمل الكون دول هم كل حاجه ولكن الحقيقه ان الكون عمره ما بيخلص مفاجات لان كل ما نحس اننا وصلنا لنهايه الفهم بيطلع اننا كنا لسه عند العتبه بس علشان كده تجربه النهارده هتكشف لنا عن القوه الخامسه في الطبيعه واللي ما بقتش مجرد كلام على ورق انما بقى ليها ادله ملموسه وتاثيرات واضحه وهتحل كل الغاز الفيزياء قبل بقى ما ندخل في موضوع الدراسه المثيره دي واللي هتغير مستقبل العالم وتقربه من الخيال اكتر ما ما تنساش ان التفاعل بتاعك هو الاكسجين اللي بيخلي القناه دي تعيش فلو بتحب النوع ده من المحتوى همتكم معانا نوصل الفيديو ده ل 5000 لايك اهلا وسهلا بيكم انا عماد عصام وده موضوع جديد من العلم بالملعقه على قد ما النموذج القياسي للفيزياء اللي هو الاطار العملم اللي بنفهم بيه كل التفاعلات دي ناجح جدا في وصف العالم لكنه برده مليان فجوات لسه مازال في حاجات مش مفهومه خالص زي الماده المظلمه اللي بنشوف شوف تاثيرها على حركه المجرات بس مش قادرين نشوفها ولا نلمسها وزي الجاذبيه اللي مش عارفين ندمجها في قوانين ميكانيكا الكم مهما حاولنا وزي السؤال الابدي ليه بعد الانفجار العظيم الماده العاديه غلبت الماده المضاده الاسئله دي فتحت باب جديد من الشك والفضول عند العلماء قالوا يمكن يكون في حاجه ناقصه يمكن يكون في قوه خامسه في الطبيعه قوه لسه ما اكتشفناهاش تكون مستخبيه في الاماكن اللي ما حدش بص فيها كويس ويمكن تكون القوه دي مش في السما ولا في اعماق المجرات لكن جوه الحته اللي ما حدش يتخيل فيها سر جديد جوه الذره نفسها لان الذره دي رغم صغرها فيها علم كامل فيها شحنات بترقص وجسيمات بتتفاعل وطاقه بتتولد وبتختفي وكل ده ممكن يكون بيتاثر بحاجه احنا لسه مش شايفينها العلماء بقى مؤخرا بداوا يسمعوا الهمسات اللي جوه الذره دي همسات خفيفه جدا كان الالكترونات بتتكلم مع النيترونات بلغه احنا لسه مش فاهمينها واللغه دي ممكن تكون هي نفسها لغه القوه الخامسه القوه اللي بتربط بين المعلوم والمجهول علشان العلماء يفهموا الهمس ده قرروا انهم يسمعوا للذرات كويس جدا وادق من اي مره قبل كده واللي اكتشفوه هناك كان اغرب مما توقعوه العلماء قرروا انهم لو عايزين يلاقوا القوه الخامسه يبقى لازم يدوروا في المكان اللي كل حاجه في الكون بدات منه جوه الذرات فزمان كنا بنفتكر ان الذره دي كانها نظام شمسي صغير الكترونات بتلف حوالين نواه زي ما الكواكب بتلف حوالين الشمس بس لما بدانا نبص اعمق اكتشفنا ان القص اعقد من كده بكتير ولقينا ان جوه النواه نفسها في عالم بيغلي بروتونات موجبه نيوترونات مالهاش شحنه وقوى بتشد وتزق كانها معركه صامته بتحافظ على توازن خفيف جدا العلماء شافوا ان لو في قوه جديده فعلا اكيد هتسيب بصمتها جوه العالم الدقيق ده وده هيكون في الطريقه اللي الالكترونات بتتفاعل بيها مع النواه او في الطاقه الصغيره اللي بتتبدل لما الالكترون بيقفظ من مدار لمدار ثاني وهنا بدا يظهر اسم جديد جسيم يووكاوا الجسيم ده مش متاكدين انه موجود فعلا بس لو طلع حقيقي هيبقى هو الرسول او الوسيط اللي بينقل القوه الخامسه دي زي ما الفوتون بينقل القوه الكهرومغناطيسيه او الجلوم بينقل القوه النوويه القويه لو جسيم اليوكاوا ده فعلا بيشتغل جوه الذرات فده معناه ان في تفاعل خفي بيحصل بين النيوترونات والالكترونات تفاعل صغير جدا لدرجه انه عدى من تحت رادار كل تجاربنا القديمه العلماء هنا بقى قرروا انهم يعملوا تجربه من نوع جديد تجربه بتركز على الاختلافات الصغيره جدا بين نظائر عنصر واحد وده اللي هيخليهم يشوفوا اثار القوه الخامسه في الطبيعه لو كانت موجوده فعلا العلماء في التجربه دي اختاروا عنصر الكالسيوم طيب ليه الكالسيوم بالذات؟ لانه عنده اكث من نظير يعني ذراته ليها نفس عدد البروتونات لكن عدد النيوترونات بيختلف والاختلاف الصغير ده بيدي فرصه ممتازه انك تلاحظ لو في اي حاجه مش مظبوطه في سلوك الالكترونات كل نظير من الكالسيوم بيكون له نغمه مختلفه شويه وكان الذره اله موسيقيه بتعزف لحنها اللي شد العلماء ما اكث هو الطريقه العلميه الدقيقه اللي استخدموها فالطريقه اتعملت بتعاون بين جامعه ماينز بالمانيا وجامعه زيورخ في سويسرا وجامعه ملبورن باستراليا ومعاهم فرق متخصصه في مطيافيه الليزر عاليه الدقه التقنيه اللي بتقدر تقيس انتقالات الالكترونات بين مستويات الطاقه بدقه مش ممكن تتصورها فكره التجربه الاساسيه انهم هيقيسوا كل انتقال ذره لكل نظير ويحللوا الاختلافات باستخدام حاجه اسمها الكينج بلوت او مخطط الملك ودي عباره عن خريطه بتوري العلماء ازاي الخصائص الطاقيه للالكترونات بتتغير بين نظائر مختلفه ولو كل شيء كان ماشي صحب النموذج القياسي فالنقاط دي كلها على المخطط هتطلع خط مستقيم واي انحراف حتى لو بسيط جدا ممكن يكون دليل على وجود شيء غريب زي قوه جديده بتشتغل جوه الذره لما العلماء بداوا يرسموا المخطط باستخدام خمس نظاير مختلفه من الكالسيوم لاحظوا انحراف بسيط ولكنه واضح عن الخط المستقيم الانحراف ده ظهر في بعض الانتقالات الذريه اللي حصلت اسرع وابطا من المتوقع او طاقه انتقالها طلعت او نزلت بمقدار غير محسوب يعني ما كانش الانحراف ده بسبب خطا تجريبي لان الفريق قضى شور في اعاده التجارب ومراقبه درجات الحراره والاهتزازات وضبط الاجهزه وكل حاجه صغيره اتاخدت في الاعتبار الحسابات النهائيه اشارت الى ان الجسيم اللي ممكن يكون ورا الانحراف ده لو موجود فعلا فوقتها كتلته ممكن تتراح من 10 الكترون فولت لحد 10 مليون الكترون فولت والرقم ده صغير جدا على المستوى العياني لكنه في عالم الجسيمات ممكن يغير شكل الكون كله اللي حصل ده خلى العلماء يعيشوا حاله من الحماس والترقب مع بعض التحفظ يعني احنا بنتكلم عن احتمال وجود قوه خامسه في الطبيعه حاجه ماحدش شافها قبل كده حاجه ممكن تغير فهمنا لكل الفيزياء اللي عرفناها من مئات السنين ولكن السؤال الطبيعي هنا هو ازاي القوه جوه الذره ممكن تاثر على حاجه كبيره زي الكون؟ هنا بيجي دور الفكره الجميله في الفيزياء وهو ان الكون الكبير والذره الصغيره مرتبطين ببعضهم بطريقه في منتهى الدقه كل حركه دقيقه جوه النواه ممكن يكون لها انعكاس بعيد على المجرات والنجوم وحتى على الماده المظلمه اللي بنحاول اننا نفهمها العلماء دلوقتي بيخططوا لتجارب جديده مش بس علشان ياكدوا الانحراف اللي لقوه لكن كمان علشان يحددوا خصائص القوه الخامسه دي زي مدى قوتها نطاق تاثيرها وطبيعه الجسيم اللي بينقلها التجارب دي هتستخدم عناصر ثانيه غير الكالسيوم نظائر عندها تفاعلات مختلفه وتقنيات محسنه لمراقبه الالكترونات بدقه اعلى من اي وقت فات المثير ان القوه الخامسه لو تاكد وجودها فعلا هتفتح الباب لفهم الماده المظلمه الحاجه الحاجه الغامضه اللي بتحكم حركه المجرات بس لحد دلوقتي ما قدرناش نلمسها او نشوفها بشكل مباشر يعني ممكن نكشف ان جزء كبير من الكون اللي حوالينا اللي كان غامض لقرون عنده علاقه بالقوه الخامسه دي كمان العلماء متحمسين لفكره دمج الجاذبيه مع ميكانيكا الكم وده من اكبر الاحلام اللي كانت بالنسبه لهم شبه مستحيله ازاي نوحد قوانين الكون الكبيره زي الجاذبيه مع العالم الدقيق للالكترونات والنوى الذريه او اثبات وجود القوه الخامسه دي ممكن تكون هي قطعه البازل الكبيره المفقوده وهي المفتاح اللي هيخلي التوحيد ده ممكن. من الناحيه التقنيه بقى كل خطوه في القياسات دي كانت حاجه مذهله تقدر تتخيل انهم بيشتغلوا مع الذرات شبه متوقفه عن الحركه بدرجه حراره تقارب الصفر المطلق علشان اي اهتزاز او طاقه زايده ما تاثرش على النتيجه يعني بيستخدموا الزارات في منتهى الدقه علشان يظبطوا حركه الالكترونات وبيقيسوا الانتقالات بين مستويات الطاقه بدقه بتوصل لعشرات او حتى مئات الهيرتز وده مستوى دقه ما كانش ممكن يتخيله الفيزيائيين قبل 20 سنه فاتوا. النتيجه اللي ظهرت في الكينج بلوت او مخطط الملك اللي قلت لك عليه كانت بسيطه جدا على الورق ولكن في الواقع كانت صادمه للعلماء. خط مستقيم كان المفروض يوضح كل البيانات ولكن الانحراف اللي ظهر كانه بيقول ان في حاجه اكبر بكتير من اللي نعرفه. العلماء استخدموا برامج حسابيه متطوره جدا لتحليل كل فرق وكل اختلاف طفيف علشان يتاكدوا ان ما فيش اي حاجه غلط في الاجهزه او في الحسابات وبعد ما عملوا كل ده بداوا يتخيلوا السيناريوهات المختلفه وهو ان هل ده مثلا مؤشر على جسيم جديد موجود فعلا هل ده مجرد تاثير مجهول للنوع على الالكترونات هل في حاجه فيزيائيه جديده محتاجه لاعاده صياغه كل قوانين النموذج القياسي الحقيقه ان الخيال هنا واسع جدا والاحتمالات تكاد تكون لا نهائيه وكل تجربه جديده بتتعمل كل تعديل صغير في القياسات بيقربهم خطوه من اجابه الاسئله الكبيره هل في قوه خامسه في الطبيعه واحنا لسه ما اكتشفناهاش وهل هي المفتاح لفهم اسرار الكون والجزء الاجمل في القصه دي ان كل خطوه علميه صغيره بتعلمنا حاجه عن الكون ككل العلماء دلوقتي عندهم دليل على ان العالم الدقيق مش مجرد تفاصيل صغيره لكنه ممكن يكون الخيط اللي بيربط بين عالم المايكرو والماكرو يعني كل خطوه في فهم الذره ممكن تفسر حاجه في حركه النجوم توزيع الماده في المجرات وحتى في اسرار الماده المظلمه وفي الوقت اللي كان العلماء بيخططوا فيه للتجارب الجديده الجمهور والمهتمين بالفيزياء كانوا محتارين ومتحمسين هل احنا فعلا على ابواب اكتشاف تاريخي هل ده فعلا بدايه فيزياء جديده قوه خامسه وجسيم وكاوا واسرار الذره كل ده ممكن يغير غير فعلا كتب الفيزياء اللي اتعلمناها في قلب كل ده بقى في رساله اعمق وهي ان الكون عمر مفاجاته ما هتخلص وان كل اكتشاف جديد مهما كان صغير ممكن يفتح ابواب لعوالم اكبر من خيالنا في النهايه العلماء اللي بيشتغلوا على الذرات الدقيقه دي مش بيحاولوا بس انهم يفهموا الذره نفسها لكنهم بيحاولوا يفهموا الكون كله ومع كل ده بيجي شعور غريب احنا بنتكلم عن حاجه صغيره جدا ذره مره واحده ولكن تاثيرها ممكن يكون على حجم الكون كله كل ذره في جسمك وكل ذره في الارض او في النجوم او في المجره ممكن تكون شايله سر القوه الخمسه همسه خفيه بتربط المعلوم بالمجهول فتخيل معايا كده احنا كنا فاكرين اننا فهمنا قوانين الطبيعه خلاص اننا وصلنا لحدود العلم لكن الذره دي الصغيره جدا بتقول لنا ان في اسرار لسه ما اكتشفناهاش اللي العلماء بيعملوه بقى دلوقتي مش بس تجارب في منتهى الدقه ده زي محاوله الاستماع لاسرار الكون من داخل قلبه نفسه. طبعا احنا كبشر الفضول ده هو اللي بيخلينا نتقدم كل اكتشاف جديد عن الذره وكل انحراف بسيط في مخطط الملك كل جسيم محتمل زيكاوا بيبعت لنا رساله واحده وهي ان العلم مش نقطه ده باب مفتوح دايما كل خطوه فيه بتخليك تشوف الكم بطريقه جديده في الاخر القوه الخامسه لو موجوده مش بس هتكون اكتشاف علمي دي هتكون عباره عن الجسر بين العوالم بين المجهري والكوني بين المعروف والمجهول هتخلينا نفهم ان الكم مش بس معقد ده كمان مليان جمال دقيق ونظام مدهش واسرار صغيره بتهمس للناس اللي عندهم الشجاعه انهم يسمعوا يعني كل مره بترفع عينك للسم وبتفكر في ذره صغيره في جسمك افتكر ان في عالم كامل من المعلومات مستنيك وان كل اكتشاف جديد مهما كان صغير بيقربنا خطوه من فهم اكبر لغز موجود في الكون نفسه لازم كمان تكون عارف ان الرساله واضحه العلم عمره ما هيقف كل نقطه بنوصل لها بتفتح ابواب جديده وكل خطوه بحثيه حتى لو في مختبر صغير ممكن تقودنا الاكتشافات تغير كل اللي كنا فاكرينه عن الواقع والفضول الانساني هو اللي دايما بيخلينا نسمع الهمسات الخفيه دي ونترجمها ونفهم اسرار الكون المدهش هستنى اعرف رايك في حلقه النهارده في التعليقات ولو وصلت لحد هنا يبقى اكيد الفيديو عجبك فما تنساش تعمل لايك وكالعاده هسيب لك المصادر تحت الفيديو في الديسكربشن واشوفكم قريب على خير في فيديو جديد ومفيد ان شاء الله.