حقيقة دكتور ضياء العوضي حمية الطيبات طب ولا عك

الراجل ده مختلف مافيش حد زيه .ما حدش سابقني فيها خالص وماحدش قال اللي انا قلته. نسف كل الكلام القديم في الطب .الكلام المتخلف اللي عفى عليه الزمن .كلام الدكاتره اللي زهقونا بشرب الميه 3 لتر في اليوم .3 لتر ميه ليه انا بشرب شجره موز. والخضار اللي قرفونا بيه خيار وسلطه وخس وحاجات مالهاش طعم ولا ريحه .الخضار مش مهم قوي الاخضر ده مش مهم .ولا الشيكولاتات اللي طول عمرهم حارمنا منها ومن السكريات والحلويات والكنافه والبسبوسه والمربى والحلاوه والنوتيلا .مسموح تاني بالحلويات بقى زي المربى العسل الشيكولاتات زي النوتيلا. وكلامه ده مش من فراغ ده مش واحد قرا كلمتين وخلاص ده دكتور بجد ومش اي دكتور كمان ده دكتور رعايه مركزه .انا دكتور رعايه مركزه بقالي اكترمن 20 سنه بخدم المجال ده. يعني شاف الامراض في اصعب حالاتها .شفت عيانين في مختلف الامراض بمختلف التخصصات في اسوأ االحالات .وقعد وفكر. فكرت في منشا الامراض ايه اللي خلى الامراض تبقى كتيره بالشكل ده .وطلع لنا بعلاج نهائي لكل حاجه كل الامراض اللي ما حدش عرف يعالجها هو قدر يعالجها .لو انا فشلت ان انا اعالجك ما حدش تاني هيعرف يعالجك اه. والاجمل من كل اللي فات ده ان العلاجات بتاعته سهله قوي وكلها عن طريق الاكل نظام اكل جديد نظام الطيبات .نظام الطيبات .الكلام ده طب ولا عك ولو هو عك ازاي استاذ دكتور بيعك وازاي لسه شغال في جامعه عين شمس العريقه المرموقه المحترمه وازاي يعني الراجل عمل ابحاث ودراسات وبعدين تقولوا عليه بيعك وازاي عالج بنظام الطيبات بس حالات الفشل الكلوي اللي كانت بتغسل ثلاث مرات في الاسبوع وخلاها تغسل مره واحده وحالات السكر من النوع الاول والعقم وغيرهم وغيرهم الموضوع كبير وترند واللي كنا فاكرينه صح طلع غلط واللي كنا فاكرينه غلط طلع صح .الفراخ والخضار والميه طلعوا غلط .والمربى والشيكولاته و البسبوسة طلعوا صح .ركزوا معايا في حلقه جديدة من برنامج طب ولاعك في موضوع طلبتوه مني كتير قوي في رسائل واتساب وايميلات وتعليقات ورسائل فيسبوك وماسنجر وتيليجرام وتويتر وغيره .من بريطانيا دكتور محمد منصور طبيب الباطنه والكلى قناة الدكتور وخلينا نبدا باننا نتعرف على الراجل. اخدت لقب مدرس في كليه الطب قسم الرعاية المركزة .كلام جميل يا اهلا وسهلا يا دكتور طيب حضرتك يا دكتور بتعالج امراض ايه 90% من الامراض اللي انت تعرفيها وما تعرفهاش اتعالجت معايا بفضل الله الحمد لله .ما شاء الله ده بيعالج كل حاجه الامراض اللي نعرفها واللي ما نعرفهاش بس يا دكتور الحالات اللي راحت لاساتذة في تخصصاتهم ومعرفوش يعالجوها مش معقوله يعني حضرتك هتعالجها .أنا شفت حالات كتير زمايلنا كتير واساتذتنا كتير قالوا مالناش يد فيها ومش هنعرف نعمل معاها حاجه لا الحمد لله حققنا معاها .هو انا حاسه مغرور شويتين بس معلش معذور ده راجل عالم وباحث واكتشف اللي ما حدش في الدنيا اكتشفه قبله زي .زي اينشتاين كده ايوه زي اينشتاين يبقى لازم نتعرف على نظام الطيبات بتاعه ونسأل ايه هي الاكلات المفيده او المسموحه في نظام الطيبات القشطه والشيبسي والبطاطس المحمره والعصاير المعلبه والحلاوه الطحينيه وحلاوه المولد والبسبوسة .المربى العسل الشيكولاتات زي النوتيلا. والسجاير والخمره والحشيش والترامادول ما جتش على دول يا راجل ما فرقتش يعني بس اكيد السكر والملح مش مسموحات مثلا ده ملايين الادلة والشواهد والدراسات اثبتت ان زياده السكر في الاكل واحدة من اهم اسباب السمنه اللي بتسبب تقريبا كل الامراض قلب وضغط وسكر وجلطات والتهاب مفاصل وحتى سرطانات وكمان ثابت علميا ان زياده الملح في الاكل بترفع الضغط اللي بيسبب جلطات القلب وجلطات المخ وفشل القلب ونزيف العين وغيره عشان كده حتى الناس بتسمي دي السموم البيضا صح السموم البيضا مش ثلاثه السموم البيضا واحد الملح مش سم السكر الابيض مش سم نعم ازاي طيب .ولا عمري اعترفت حتى بمصطلح نشويات كلمة نشويات يعني تحط عيش مكرونه رز بطاطس كل دول اسمهم نشويات كلام مش صح ايه ده لا بجد انا انا مش فاهم بقى يعني انا بحاول افهم والله يعني ايه مش معترف بمصطلح نشويات دي كيمياءعضويه حضرتك مش اراء فلسفيه علم يعني مش مزاج. يعني انا لما الاقي في الشارع ثلاث عربيات ركنين جنب بعض مرسيدس وبيجو وتويوتا ما ينفعش اقول عليهم عربيات عشان حضرتك مش معترف ان هم عربيات لا هي عربيه غصب عن اي حد ما دام عندها اربع عجلات وشكلها عربيه وفيها موتور وبتمشي تبقى عربيه انت ممكن تحب الياباني تكره الصيني تقول الالماني افخم من الفرنساوي لكن هم عربيات عاجبك او مش عاجبك ما تفكرش ان شركات العربيات دلوقتي قاعده حاطه ايديها على قلبها وبتقول يا ترى يا رب دكتور ضياء هيعترف بعربياتنا انها عربيات ولا هنضطر نبيعها انها عجل ولا ثلاجات ولا ايه الحكايه .حضرتك مفكر النشويات قاعده مستنياك تعترف بيها عشان تبقى نشويات هي اسمها نشويات ستارش نوع من الكربوهيدرات فيه كربون وهيدروجين واكسجين ولما بتتكسر بتدينا جلوكوز ولما بنحط عليها صبغه ايودين بتدينا لون ازرق بس كده مش محتاجه فلسفه .انتوا متاكدين يا جماعه ان الراجل ده دخل ثانوي واخد علوم زينا وبعدين لما هي دي المسموحات ايه هي بقى الممنوعات في نظام الطيبات ده طيب .البيض واللبن والزبادي والفراخ والخيار والخس والجرجير والفلفل الملون اعراض اطفالك كلها اللي بتشتكي منها سلس بولي احلام وكوابيس مزعجه العيال عندها فوبيز عندها بانيك اتاكس نفسيتها تأخرها الاوتيزم الاي دي اتش دي كل اللي بيظهر في سن اطفالك وهم صغيرين وانت مش عارف سببه فاكره نفسي كله من ورا الاكل مافيش طفل بياكل فراخ ما بيحلمش الكوابيس. ايه ده معقوله كل الامراض النفسيه دي طلع سببها الفراخ الكوابيس والقلق والتوتر والتوحد وفرط الحركة الاوتيزم والاي دي اتش دي وانا اللي قاعد اقرأ ابحاث واشوف دراسات واتكلم مع خبراء واساتذة طب نفسي ومتخصصين علاج توحد ومتخصصين تخاطب واشوف ناس بتحقق تحسن كويس مع الاطفال دول وكتير منهم فعلا بيتحسن وبيعيش حياة طبيعية سواء بعلاج سلوكي او نفسي او حتى ادوية وتطلع المشكله كلها في الفراخ يعني العلم بقى له سنين قاعد يدور في اسباب التوحد وفرط الحركه والتوتر عند الاطفال ويلاقي عوامل وراثيه موجوده في الجينات بتأثر على تطور المخ في بعض الحالات او بتأثر على تكسير الكاتيكولامين في حالات ثانيه ويلاقي عوامل في البيئه ممكن بسبب عنف اب او ام او انفصال او خناقات او ضغوط نفسيه او طفل وحيد اتربى في بيئه منعزله بسبب غربة الاهل او تنمر او تحرش بالطفل وهو صغير او أذى تعرض له او حتى تعرض لدخان السجاير او او او او تقوم تطلع الفراخ .الطفل ياكل الظهر سلايس البيتزا بالليل يكون بيكح وعنده كحه ببلغم وسخونيه .لا والله مش قادر كده بصراحه مش هستحمل انا كده طب بجد يا جماعه عشان خاطر العلم وعشان خاطر ولادنا خلينا نعمل تجربة علمية كلنا النهاردة عايزين كل واحد يشوف الفيديو ده النهاردة يدي ابنه او بنته سلايس بيتزا ونتابع حرارتهم لغايه بالليل على مدار اليوم المفروض حسب نظرية دكتور اينشتاين ان كل الاطفال حرارتها هتزيد وهيبدأ يجي لهم كحة وبلغم على ما يجي الليل انا عايز اقول لكم بصراحة ان انا ما استحملتش استنى لغايه ما اسجل الفيديو واديت اولادي كلهم بيتزا امبارح اكثر من سلايس بصراحه والغريب ان ماحدش فيهم لا حرارته زادت ولا جالله كحة ببلغم جرا ايه يا دكتور اينشتاين ده انت استنتاجاتك طلعت ولا استنتاجات دكتور أحمد أمين في الوصيه .مش ملاحظ ان الادوية معظمها بتنتهي باين مورفين تراميسين انسولين الادوية اللي انت قلتها دي كلها بتيجي من البروتين ففيها اين ما عدا الانتينال عشان بتاع اسهال. بس انا برضه عايز اعرف انت ازاي اتأكدت ان الامراض كلها سببها الاكل يعني الدليل بتاعك ايه الدليل بتاعي كل الحواديت القديمه فلان صحي اكل كسرة خبز في شويه زيت ومشي فلان راح عمل مشوار ورحله طويله عريضه ماكلش فيها غير ثمره فاكهه ولا عنقود عنب يعني دليلك ان الناس زمان كانت بتاكل اكل طبيعي وما بتمرضش. حضرتك متاكد انك قريت كويس. اصل انا عادي قريت بصراحه ان الناس زمان كان كتير جدا بيجي لهم سوء تغذيه وكان بيجي لهم امراض كتير وكانوا بيموتوا بيها امراض اصلا لما بتجي لنا دلوقتي بنعالجها بسهوله بحبتين مضاد حيوي وبنعيش عادي بعدها وحتى ما بقيناش بنعتبرها امراض خطيره وحكيت الكلام ده بالتفصيل في فيديو تاريخ تطور الطب فده مش دليل ان اكلهم كان سبب لانعدام الامراض مثلا ولا عندك دليل اقوى .نلاقي سيدنا نوح قعد بنى سفينه في 1000 سنة وعمره ما قال لهم ادوني الاوميجا 3 من على مع الكميدينوما حصلش.امم تصدق لا فعلا دليل قوي يعني سيدنا نوح بنى السفينة في 1000 سنة وعمره ما قال لهم هاتوا الاوميجا 3 من على الكمودينو معلش ممكن اعرف حضرتك جبت المعلومه دي منين معلومه الاوميجا 3 والكمودينو يعني مكتوبه في القرآن ولا في الانجيل ولا في التوراة ما هي دي الكتب اللي انا اعرفها وصلت لنا فيها قصه سيدنا نوح وعلى حد علمي ان مش مذكور في اي كتاب منهم سيدنا نوح كان بياكل ايه وهل كان بياخد اوميجا 3 ولا لا وهل كان عنده كمودينو ولا لأ وهل كان بيتبع مثلا نظام الطيبات بتاع حضرتك ولا لأ لا لا لا ده اكيد كلام فاضي وانت شكلك بس كنت مصطبح او مش مركز او متقل شوية في نظام الطيبات بتاعك بالليل ف يعني أثر على تركيزك قدام الكاميرا اكيد عندك دليل اقوى دليل حقيقي على ان النظام بتاعك ده اللي انت بتجربه في الناس المريضه اللي بتتعلق بقشاية دي ووثقت فيك دي اكيد عندك دليل اقوى صح قول لي بصراحه جبت نظام الطيبات ده منين يعني عرفت منين ان الفاصوليا واللوبيا والفول مضرين للانسان واذ قلتم يا موسى لن نصبر على طعام واحد فادع لنا ربك يخرج لنا مما تنبت الارض من بقلها وقثائها وفومها وعسها وبصلها قال أتستبدلون الذي هو ادنى بالذي هو خير. اه بس هو ادنى ادنى مش يعني. ادنى الطعام ما قالش ادنى وافضل ادنى الطعام هذا هو ادنى الطعام. موجودة طبعا تمام وضربت عليهم الذلة والمسكنة .اه اوكي يعني دكتور اينشتاين اكتشف ان ربنا لام بني اسرائيل ان هم بيطلبوا الفول والعدس بدل المن والسلوى فبدل ما يتعلم الدرس مثلا انه المفروض يقبل الخير اللي ربنا اختاره إنه ما يعملش زي بني اسرائيل لا هو قال لك دي الاية دي نازلة علشان نعمل منها دايت وبناء عليه يبقى اللوبيا والفاصوليا والفول مضرين واللي ياكلهم تضرب عليه الذلة والمسكنة يعني يجي له المرض برافو عليك طيب يا دكتور اينشتاين ما تكمل قراية القرآن بقى وتظبط الدايت بتاعتك ما هو ربنا نهى سيدنا ادم عن شجرة التفاح يبقى التفاح مضر واللي ياكله يخرج من جنة الصحة ويعيش في المرض ونهى بني اسرائيل عن صيد السمك يوم السبت يبقى السمك مفيد طول الاسبوع لكن يوم السبت السمك مضر ويجيب المرض انت بتفهم القرآن ازاي بس ده قرآن يا عم ده كلام ربنا ده مش كتاب وصفات الشيف شربيني بس ثانية واحدة بس يعني دكتور اينشتاين اللي احنا كنا فاكرينه عمل ابحاث ووصل لعلوم ما حدش يعرفها طلع في الاخر فتح المصحف وقرا ايتين ومخه سواحه ففسرهم تفسير غلط وبناء عليه راح مطلع من دماغه نظام غذائي وشغال بيه وبيعالج بيه الناس وكمان راح ملبس عليهم كلمتين علميا وطبيا غلط زي مثلا ايه ان الفول هو سبب انيميا الفول وان الفول هو سبب القولون العصبي مع ان اي دكتور هيبقى عارف ان المعلومة الاولانية غلط تماما وان اسم انيميا الفول ده اصلا اسم غلط اسمها جي 6 بي دي واسبابها حاجات كتير جدا غير الفول وان المعلومة الثانية ناقصة جدا وان بعض الناس بس هم اللي بيجي لهم اضطراب في القولون لما ياكلوا اكلات معينه من ضمنها الفول بنسميها الفود ماب يعني مش كل الناس بتتعب مع الفول ولا حتى كل الناس اللي عندها قولون عصبي بتتعب مع الفول فلما حد بيتعب مع الفول دول بس اللي بنقول لهم يوقفوا الفول او غيره من المكونات اللي سببت لهم مشاكل وده شيء طبيعي اي حاجة بتسبب تحسس او مشكلة بنوقفهاحتى لو كانت احسن اكل زي العسل او اللبن او الفراولة او الموز او غيرها. الحكاية بس حكاية تفسير القرآن دي قصة تانية و وربنا سبحانه وتعالى بيقول لهم انا جايب لكم سمان وجايب لكم من وسلوى وانتم عايزين تاكلوا فول انما يعني مش معناه ان الفول حاجه وحشه اوكي خلينا تفسير القران ده نتركه لرجاله .الظريف واللي عجبني ان زي ما شفتوا كده استاذ محمود سعد اخد باله من العك اللي بيحصل فقال له ايه نسيب التفسير لاهل التفسير احسن وقال له كمان ان ربنا قال الذي هو ادنى الفول والعدس اقل من السمان لكن ما قالش انه اكل مضر مثلا او بيجيب امراض لكن دكتور اينشتاين مصر يفسر على مزاجه ومصر يكمل عشان نظام الطيبات بتاعه يمشي لا لا لا لا ده كده نسميه نظام الخبائث بقى مش الطيبات مدام انت عايز اي اسم ديني وخلاص يبقى الخبائث لايقه اكثر على التجميعه العجيبه بتاعتك دي وبعدين مدام نظام الطيبات بتاعك ده جاي من القرآن طب فين الاية اللي بتتكلم عن فوايد البسبوسة والنوتيلا ولا هو اي هاتش وخلاص وفين الايات اللي بتكلمنا عن اضرار الخضروات الورقية واضرار الفراخ حد فيكم افتكر عم جوده اللي كان بيطلع اي حاجه مكتوبه في القرآن ويعملها عصير ويسميه بقى المشروب الفضي المشروب الذهبي الثلاثي الخماسي اي حاجة المهم انها مذكورة في القرآن ولا فاكرين امين صبري اللي بعد ما فاشل في الكلية وفي التعليم فتح المصحف وقرا كلمتين فهمهم غلط برده وبناء عليه اكتشف ان التبرع بالدم حرام ومضر ولا جميل قدسي اللي جمع الفواكه المذكورة في القران وبدأ يكتشف اسرارها الكمترى شبه الرحم تبقى علاج للعقم عين الجمل شبه المخ تبقى علاج لضعف الذاكرة الفاصوليا شبه الكلية تبقى علاج للفشل الكلوي سهلة و اهو اي هبد جميل باسم الدين واحنا طيبين وبنصدق لكن في ملاحظة غريبة هتلاحظو في فيديوهاته ماقدرتش الاقي لها تفسير انه دايما بيتكلم عن مشكلتين بيقول ان هم منتشرين جدا مع ان نسبتهم لا تتعدى واحد ل 2% تقريبا من الشباب السلس البولي وتاخر البلوغ وكمان مركز على ان الفراخ هي سبب كل الامراض والمشاكل بدون ما يقول اي دليل على الكلام ده ومع ان الناس كلها بتاكل فراخ وما عندهاش مشاكل انا قلت اسأل صديقي برد احسن ذكاء صناعي في العالم وكانت اجابته ان ده يا اما بسبب اضطراب عقلي او مشكله نفسيه يا اما ان الشخص ده عانى من حادثه او صدمه وهو صغير وكان لها علاقه بالفراخ اثرت على تفكيره وعلى تصوره للعالم .صدمه وهو صغير فراخ سلس بولي تأخر بلوغ مش فاهم طيب نظام الطيبات وطلع كله خبائث وكله عك لكن برضه ده دكتور يا اخوانا يعني يمكن لما يعالج الامراض بقى تكون الناس بتتحسن مثلا مش معقوله تكون علاجاته هي كمان عك. معظم الامراض اللي حضرتك تعرفها وقفنا لها الدوا من عنده السكر والضغط ارتجاع المرئ قولون عصبي .السكر النوعين نوعين اه عالجته ازاي بالاكل امتنع عن واحد اتنين تلا تة وبطل الدوا خلاص .بيوقف الانسولين لمرضى السكر من النوع الاول وبيعالجهم بالاكل طب بص انا طبعا بعالج مرضى سكر من النوع الاول كتير وعمري ما سمعت ان في حد في الدنيا عالجهم بدون دواء بس مش مهم كلامي رحت راجعت الابحاث والاخبار والتاريخ في العالم كله لقيت ان اخر مرة حد عالج مريض سكر من النوع الاول بدون انسولين او مضخه او زراعه كان قبل سنه 1919 وكانوا دكاتره امريكان دكتور الن ودكتور جوزلين كانوا بيسموها حميه المجاعه ستارفيشن دايت كانوا بيمنعوا الاطفال من الاكل تماما تقريبا مش يقولوا لهم كلوا كذا وما تاكلوش كذا كانوا بيمنعوهم من الاكل تقريبا نهائيا وكانوا الاطفال يا عيني برده بيموتوا خلال شهور لسنوات بعد ما يتحولوا جلد على عضم فلو حضرتك عالجت طفل واحد بس من السكر من النوع الاول ابعت الحاله دي لاي مجلة علمية محترمة وهتاخد نوبل بكرة ده مش هيستنىوا معاد حفلة نوبل السنة الجاية عشان يدوك الجايزة ده هيدوها لك بكره بس مش مرضى سكر بس هم اللي تحسنوا معاه ده بيحكي عن اطفال راحوا له بعد ما داخوا مع غيره .طفله كمان اسمها فريده عندها سنة عندها ميوتيشنال بروبليم او طفرة جينية مش متسمية لان هي اول كيس هم يشوفوها عندها مشكلة في الامتصاص على مدار الامعاء الدقيقه كلها بداية من الاثنى عشر اسهال بصفة مستمرة تم عرضها علي الحمد لله من شهر كويس البنت جت النهارده للعياده سنانها طلعت اربع دروس وسنة .طولت سنتي ونص شعرها تقل وكثافته زادت طوله زاد بدأت تتكلم دلوقتي بقى في كونتاكت مع مامتها مش عارفين يسكتوها بدأت تقعد لوحدها .اتجوزت وخلفت اربع عيال خلصت ماجستير ودكتوراة فتحت شركة استيراد وتصدير ودلوقتي راكبة مركبة فضائية وطالعة على المريخ كل ده حصل للبنت في قد ايه قلتلي مامتها جابتها لك امتى. تم عرضها عليا الحمد لله من شهر. ما شاء الله في شهر وبعد ما كل اساتذة طب اطفال في مصر على كلامك فشلوا في علاجها وفشلوا حتى في تشخيصها وقالوا انها طفرة جديدة اول مرة تحصل انت فاهم اصلا يعني ايه تشخص طفل بطفرة جينية اول مرة تحصل انت بتقول طفرة جينية اول مرة تحصل عشان بنت عندها سنة عندها اسهال وما بتاكلش راحت لدكتور اطفال ادها دوا اسهال ما تحسنش حضرتك تطلع تسميها طفرة جينية اول مرة تحصل في العالم الكلام ده يتقال على الرصيف مش دكتور متعلم يقوله طفره جينيه دي معناها ان البنت اتعمل لها كل التحاليل الاوليه والمتخصصه وتعمل لها كل الاشعات المقطعيه ورنين والمناظير قولون وفم وغيره وبعدين لما تأكدنا ان ده مش مرض ولا متلازمة احنا نعرفها نقوم نعمل للبنت فحص جيني ونلاقي اختلافات او طفرة جديدة نعرف نحدد مكانها وشكلها في جينات البنت وساعتها بقى لو ده حصل فعلا فالبنت دي حالتها هتتنشر في اي مجلة علمية تتبعت لها بدون اي صعوبة وهتبقى حالة بتدرس وحتت سمى باسم مش هنسيبها من غير اسم وحتتسجل كحالة طبية جديدة صفاتها الوراثية كذا وصفاتها الشكلية كذا مش اول دكتور اطفال يقابلها عندها اسهال يقول دي حالة غريبة ومش عارفين اسمها فاديناها علاج اسهال ومخفتش فنقوم نبعتها لحضرتك وحضرتك تقول لها كلي نوتيلا يا توتو كلي بسبوسة يا نغة بطلي فراخ يا حلوة وهتبقي جميلة ان شاء الله .انتوا متاكدين يا اخوانا ان الراجل ده دخل كليه طب بس سيبك مني انا ومن كلامي هو انا فاهم ايه في الطب هو انا يعني عشان استشاري في تخصصين في مصر من سنين ولا عشان شغال في انجلترا وادربت تدريب الاختصاص العالي في تخصصين برده هنا في انجلترا ولا عشان شهادات ولا بوردات ولا عشان اشتغلت رعاية مركزة زيك برده على فكرة يبقى انا يعني فاهم حاجة اكيد انت اللي فاهم فانت بعد ما عالجت البنت اللي عندها طفرة جينية نادرة على كلامك والبنت دلوقتي على كلامك برضه سننت وقعدت واكلت وكبرت واتحسنت واتجوزت ودخلت الجيش بسم الله ما شاء الله كل المطلوب منك بس انك تبعت بيها تقرير صغير خالص باسم كيس ريبورت لاي مجلة علمية الكيس ريبورت ده اي دكتور امتياز في اول حياته يعرف يكتبه مش محتاج تجهيزات مثلا ولا مصاريف ولا تجهيزات دول زي ما انت بتقول ولا حاجه وهساعدك يا سيدي وهسيب لك مخصوص روابط لمجلات بتقبل كيس ريبورتس عشان اسهل عليك الموضوع اهو هتلاقيها في وصف الفيديو مالكش حجه اهو فلو كلامك ده صدق مش كذب وانا متاكد انك صادق طبعا هتكذب ليه عشان يعني شهره ولا مشاهدات ولا عشان المرضى يصدقوا ان عندك علاجات لكل حاجه وييجوا يتعالجوا عندك مش معقوله يعني الطب امانة مش كده ولا ايه فلو انت صادق يبقى كلها اسبو عين ونلاقي حالاتك دي اتنشرت في مجلات علميه ونلاقي العالم كله بيتكلم عن العالم المصري اللي اكتشف علاجات للامراض المستعصيه كلها والسنة الجاية ان شاء الله تكون اخدت جائزة نوبل في الطب غير كده تبقى نصاب وعشان مابقاش برده قصرت معاك في اي حاجه فلو انت مش فاهم اصلا يعني ايه كيز ريبورت او مش فاهم اي حاجه في البحث العلمي فحسب لك فيديو شرحت فيه بالتفصيل وبشكل مبسط جدا في فيلم كرتون يعني ايه بحث علمي ويعني ايه انواعه ومراحله وازاي تنشر حالة زي بتاعتك دي يلا مالكش حجة بقى ابعت وانشر ونوبل مستنياك الا لو انت نصاب انا بصراحة ما رضيتش اجيب حتت بيهبد فيها في صميم تخصصي في امراض الكلى عشان عيب والله قلبي وجعني من الهبد مع الجهل مع الثقه اللام متناهيه والبارانويا والشعور بالعظمة خليط عجيب بصراحه عايزين تشوفوا حتة بسرعة حاضر. انا معايا حالات فشل كالوي كانت بتغسل ثلاث مرات في الاسبوع بقت بتغسل مرة واحدة ومرتين حتى الفشل الكالوي اتحسن يا الله نفس اللعبة القديمة اللي سبقوا فيها نصابين كتير وبيضحكوا بيها على الغلابة بيشتغل على مرضى الفشل الكلوي الناس اللي خلاص كليتينهم مش شغالين نهائي وبيروحوا مراكز الكلى يغسلوا دمهم ثلاث مرات في الاسبوع على مكن الغسيل. لما مريض منهم بيكلم دكتور فرانكشتاين ما هو خلاص بقى ما طلعش اينشتاين ولا حاجه يقوم دكتور فرانكشتاين يبدأ معه نظام الخبائث بتاعه ويبدأ المريض ياكل بسبوسة وشيكولاتة وجبن وفواكه وعصاير معلبة طبعا اي دكتور كلى سامعني فاهم يعني ايه جبن وفواكه وعصاير معلبة لمريض بيغسل كلى وازاي الحاجات دي ممكن تموته في لحظة بسبب جرعة البوتاسيوم اللي في الشيكولاتة والفواكه او على الاقل تجيب له اعراض تخلي عيشته لا تطاق بسبب الفوسفور العالي اللي في الجبن والحاجات المعلبة المهم بعد ما يبدأوهم على نظام الخبائث يقول لهم بس من النهارده هتغسلوا غسلتين في الاسبوع بدل ثلاثة وممكن كمان غسلة واحدة بدل ثلاثة طبعا المريض المسكين يفرح وينبسط ويدعي للدكتور الجميل الطيب اللي انقذه من غسيل الكلى والمسكين مش عارف ان قلة الغسيل دي بتعلي مستوى السموم في جسمه وان جسم الانسان محتاج على الاقل 12 ساعة في الاسبوع على ثلاث جلسات كل جلسه اربع ساعات عشان السموم اللي في الدم تخرج وان دكتور فرانكشتاين ده كده بيموته بالبطيء وبيقصرعمره وبيجيب له كل مضاعفات مرض الكلى بس بدري بيدمر له عضله القلب وشرايين المخ بدري بس مش مهم المهم ان المريض فرحان وبيدفع وكمان المريض المسكين ده ممكن يطلع معاه بعد كدة في لايف يقول انه بفضل دكتور فرانكشتاين قلل جلسات غسيل الكلى ما لو على كده يا حبيبي انا من بكرة ممكن اروح لكل مرضى غسيل الكلى بتوعي واقول لهم من بكرة نغسل غسلة واحدة في الاسبوع او غسلتين في الاسبوع واتاخد بالاحضان بس بقى تسببت في انهم كلهم كده يموتوا بدري او يجي لهم مضاعفات بدري. ممكن على الاقل عشان خاطري تهبد بعيد عن مرضى الكلى. زي الاميلويد ما ده مشاكل تغذويه زي فابري سندروم متلازمه فابري الحاجات دي كلها انا عالجتها على فكرة .بسم الله ما شاء الله عالجت اميلويد و فابري بالاكل ومن غير علاج انت عارف ان الحالات دي كتير منها مش بتخف اصلا بالعلاج وبعضها بيموت بفشل القلب او فشل الكلى لو ما تشخصش بدري انت عارف ان علاج مرض فابري ثمنه فوق ال 300000 دولار في السنه الواحده للمريض وان المريض بيمشي عليه العمر كله انت عالجتهم من غير دوا بسم الله ما شاء الله لا ده انت لازم تنشر الحالات دي هتبقى اغنى واحد في العالم ونوبل مستنياك مش قصدي تنشر على يوتيوب زي ما بتعمل عشان تجيب مشاهدات وتجيب مرضى تانيين تنصب عليهم لا قصدي تنشر في مجلة علمية محترمة عشان ناس بتفهم تراجع وراك وتشوف انت فعلا عالجتهم ولا ضحكت عليهم واخدت فلوسهم والعيانين ما تحسنوش غير بس نفسيا بالتاثير الوهمي بلاسيبو ايفيكت ممكن تجاوبني وتقول لي ازاي لما واحد عنده اميلويد ولا فابري قلبه ولا كليته باظت ممكن تقول لي صلحتها ازاي يعني ايه دليلك انك صلحت الكليه او القلب يعني عملت له ايكو على القلب ولقيت ان القلب فعلا اتحسن بعد ما كتبت له روشتة بسبوسة ومنعت عنه الفراخ ولا عملت له تحاليل وظائف كلى ولقيتها اتحسنت بعد روشتة النوتيلا .حلو يا ريت انشر بقى التحاليل قبل وبعد وبقول لك نوبل مستنياك اللي انا كنت مستغربه في الاول هو كم المذيعين والقنوات اللي استضافته عشان يقول كلام غريب. اعراض سوء الامتصاص موجوده اعراض نقص الفيتامين موجوده مع ان مصر كلها بتاكل سلطه وبتشرب ميه .يعني عشان الناس عندها نقص فيتامينات ووزنها زايد اقوم اقول ان السبب هو السلطة والمية مش هقول مثلا ان السلطة والمية هم الحاجات الصح اللي الناس بتعملها ولولاهم كان زمان نقص الفيتامينات اكثر واوزان الناس اعلى يعني السبب مش السكريات والحلويات والزيوت وقلة الحركة وقلة الرياضة والقاعدة على الموبايلات مثلا لا السلطة والمية هما السبب برافو عليك تصدق فعلا عنده حق احنا لو جبنا اثنين واحد منهم خليناه ياكل بسبوسة وشيكولاتة وحلويات كل يوم لمده شهر والثاني ياكل سلطه ويشرب ميه بس لمده شهر فعلا هنلاقي اللي بياكل سلطه وميه تخن وطلع له كرش واللي بياكل بسبوسة وحلويات ونوتيلا خس وطلع له سكس باكس عنده حق انت كويس ولا ايه فاهم كويس. لكن المذيع المحترم اللي ريح قلبي بصراحه هو استاذ محمود سعد وانا شخصيا بصراحه بحترمه وبحترم ثقافته ويمكن من اكتر المذيعين ومقدمي البرامج اللي بحترمهم في مصر بعد ما استضافه في الفيديو اللي شفنا حتت منه استاذ محمود سعد عمل فيديو تاني يحكي فيه حقيقه اللي حصل وخلينا نسمع من استاذ محمود سعد نفسه وهسيب لكم رابط الفيديو بتاعه في وصف الفيديو تتفرج عليه براحتك حصل بيننا تشابك في الحوار لانه انا توقفت عند انه قدم بحث يا دكتور فيقول لي لا مافيش ابحاث ومافيش بتاع انا عامل تجارب على مرضى وعندي تجارب واقدر اقدم .يا دكتور لازم يبقى في حس وتناقشنا مناقشه كده .الله عليك جبت الخلاصه والله يا استاذ محمود لانه في نقطه في منتهى الخطورة في الموضوع ودي انا قلتها له في التسجيل وبره التسجيل انه ما ينفعش ابدا ان انا اجرب او اقول لمريض وقف الدوا بتاع الضغط أو وقف الدواء بتاع السكر وانا هعالجك بالاكل الا لما يكون عندي دراسة و جربنها على الارانب وعلى الفران وعلى البني ادمين اللي بيطوعوا وعلى كذا ونقر ده ونطلعه .انما عشوائي كده ده ما ينفعش ما سمعتوش خالص في العالم بصراحة يعني دي في منتهى الخطورة لانك ممكن توقف دوا السكر الراجل يجي له غيبوبه .ايه الجمال ده يا استاذ محمود قلت كل حاجه والله لا وشوفوا الجمال لما أستاذ محمود سعد بيشرح له حتى في الفيديو الاولاني اللي استضافه فيه زي ما يكون بيشرح لطالب ف اولى اعدادي من العيال اللي عندهم مشاكل في دماغهم وفاكرين نفسهم عباقرة عارفين العيال اللي بنشوفهم كل شوية على صفحات المواقع التعبانة تلاقي طالب في ثانوي يخترع قطار يسير بسرعة اكبر من سرعة الصوت .طالبة في اداب الفيوم تخترع صاروخ فضائي وغالبا الحاجات دي بتبقى ترند وبنضحك عليها يومين وبتروح فاستاذ محمود سعد قاعد بيشرحله زي مابنشرح للعيال دول ان الدنيا مش بتمشي كدة ياحبيبي اسمعوا دي المفروض تعمل لها ورقة بحثية عشان تتنشر في المجلات الطبية العالمية فعلا كبرت في نظري وفي نظر متابعينك زيادة يا استاذ محمود في اي بلد محترمة في العالم بتخاف على ناسها وبتحترم مرضاها لازم نقابة الأطباء ووزارة الصحه تفتح تحقيق فوري في الكلام ده يعني الجهات المسئولة تشوف ايه الحكاية فأنا كنت متصور ان الدكاترة هتبعت تقول له تعال يا دكتور اتفضل عندنا قول لنا انت بتعمل ايه ونشوف الحكاية دي ايه لان هو انا قلت له الكلام ده هو اعترض عليه قلت له انت ما بتعملش حاجة جديدة انت بتعمل تغذيه علاجيه التغذيه العلاجيه دي موجوده في العالم كله بقالها سنين وشغال فيها دكاترة كتير قوي والحمد لله فعلا لقيت اخبار كتير عن ان عيادته اتقفلت واخبار عن ان جامعه عين شمس بتنهي التعاقد معاه كلام محترم من جامعة محترمة لكن لسة كمان لازم نشوف نقابة الاطباء بتحقق في الموضوع لان ارواح الناس مش لعبة والمريض بيتعلق بقشاية ولو مات يبقى ذنبه في رقبة كل اللي شاف اللي بيحصل وكان عارف كويس انه نصب وسكت احنا ممكن نقعد نتفرج على العك ده لحد بكرة ومش هنخلص واحد قاعد لايف على يوتيوب 24 ساعه في اليوم سبع ايام في الاسبوع بيعمل لايف كل ساعتين اللي قدامك دي قناة واحدة من قناتين بتوعه على يوتيوب وفي القناة دي لوحدها بيطلع ثلاث مرات لايف في اليوم وفي كل لايف غلطات وعك بالجملة تقول لي طب هو ليه بيعمل كدة اقول لك انت قدام واحد بيدور على الشهرة بكل الطرق ولانه ذكي وعارف طريقه ومذاكر كويس خلطة الشهرة السحرية وماشي على الكتالوج فبدأ على طول ينفذ الخطوات زي الكتاب ما بيقول اول خطوة خالف تعرف لازم تقول حاجة جديدة وغريبة وما حدش قالها قبل كدة حتى لو انت عارف 100% انها غلط مش مهم المهم انها هتفرقع والناس كلها تتكلم عنك. يعني انا اصلا اول واحد قلت ان الخضار ده ممنوع اصلا ما يتاكلش مش للبني أدمين اساسا ثاني خطوة سمع الناس الكلام اللي هم بيحبوه قول لهم النوتيلا حلوة البسبوسة مفيدة الخضار يع اللي عايز يخس ياكل سكر وبطاطس براحته فرح الناس ثالث خطوه احكي قصص ناس تحسنت معاك واحكي عن الست اللي ما كانتش عارفه تحمل رغم انها اتجوزت سبع مرات لكن لما جت لك العياده ويا سبحان الله مع انها خلاص كانت اطلقت وما بقاش معاها راجل لكن حملت في توأم عندك في العيادة .معايا 12 كبل حملوا كان عقم .وما فيش مانع تطلع كم واحد من دول معاك لايف في فيديوهات طلع معاك مثلا واحد كان مشلول وعاجز ومعاق وبمجرد انك تحط ايدك على راسه يقوم يجري زي الحصان الموضوع ده هيكلفك شويه بس مش مشكلة اصرف دلوقتي هتلم اضعاف قدام .رابع خطوه ابعت لكل القنوات والمذيعين عشان تطلع معاهم سواء بفلوس او من غير فلوس بقول لك اصرف دلوقتي على الشهرة ما تستخسرش بكرة الفلوس هتجي لك اضعاف .خامس خطوة ودي مهمة جدا دخل الدين في الموضوع باي شكل الناس بتصدق اي حاجة عليها ختم الدين سمي الدايت بتاعك الطيبات دور على ايتين في القران والزقهم في كلامك باي طريقة حتى لو مش راكبة المهم تخلي كلامك ما يبقاش كلامك انت ده كلام ربنا هنعترض عليك يبقى هنكفر بقى والعياذ بالله .طب اقول لك رأي تاني رأي ربنا اه "اتفضل" واذ قلتم يا موسى لن نصبر على طعام واحد و طب انا اصدق مين الكتالوج الالهي ولا الكاتلوج المصري .بدأت تطلع لي ادلة قرانية انا ما كنتش عمري ما شفتها خلاص فانا بقيت مستقر نفسيا بعد كدة .سادس خطوة اللي يقول لك فين الدليل على كلامك او انت جبت الكلام ده منين قول له لا مافيش دليل علمي ده فتح من ربنا .معنى شريف قراني يهب على القلب ويتلقفه العقل ولا يعرفه الدارسون .سابع خطوه نقول مبروك كده ضمنت الشهرة برافو عليك نجحت اقعد وارتاح ولم الفلوس وما تقلقش كدة كدة على ما الناس ما تجرب كلامك وتكتشف انه نصب وتنفض من حواليك هيكون عد سنتين ولا ثلاثه ولمت لك فلوس حلوه تقدر تحطها في مشروع يجيب لك فلوس بقيه عمرك او لو انت ذكي شويه كمان تكون شفت لك حكاية ثانية جديدة تعمل بيها فرقعة جديدة بعد ما القصة القديمة ما تهرشت خلاص وتبدأ تضحك على الناس بحاجة جديدة وسبوبة جديدة والرزق يحب الخفية واتعلم من اللي سبقوك اللي بدأ بنصائح ثورية للمذاكرة وازاي تذاكر وتتفوق ولما الناس اكتشفوا ان هو نفسه ساقط في الكليه قال لك اخترع علم جديد وسماه ديناتولوجي ولما اتكشف ان ده لا علم ولا يحزنون راح بادئ دين جديد وبقى له اتباع وبيبيع لهم الوهم كل يوم بفلوس. ولا اللي بدأ ىبنصائح تنمية بشرية ولما لقاها مش بتأكل عيش يا عيني والسوق مليان قال لك اقلب على العلاج النفسي ولما لقى نفسه مش فاهم ولا دارس علم نفس مش نافع فيه بدأ تسجيلات ابتهالات وترانيم تساعد على النوم والاسترخاء ولما لقاها يا ولدي مش بتجيب فلوس قال لك بعالج بالطاقة ودي اللي دايما بتنجح في الاخر هتقول لي طب يعني هو يا دكتور ما فيش احتمال مثلا ان الدايت ده يكون مفيد وفعلا يكون بيعالج كل حاجة واحنا اللي مش عارفين الطريقة بص انا مش هجاوبك على السؤال ده لكن انا هسالك سؤال وانت هتجاوب على نفسك هو لو في ميكانيكي عمل قناه يوتيوب النهارده وطلع يقول للناس على فكرة يا جماعة انا عرفت الحل لكل مشاكل العربيات اللي في العالم انا اكتشفت هيكون فيها اي مشاكل نهائي وبعدين قال لك على حاجة واحدة بس تعملها ايا كانت الحاجة دي ايه قال لك مثلا انفخ عجل العربيه وزوده واظبطه على 45 او اي حاجه زود زيت العربية المهم اختار حاجة معينة وقال لك ان هي دي حل مشاكل كل مشاكل العربيات يعني ما فيش حاجة اسمها الموتور بايظ او بيسرب زيت ما فيش حاجة اسمها تيل الفرامل عايز يتغير ولا ترموستات فيه مشكلة ولا سنسور حركة ولا دورة مية ولا دورة زيت ولا اي حاجة الموضوع كله هو ظبطة الهواء في العجل او الموضوع كله هو زود الزيت حاجة واحدة بس بتحل كل مشاكل العربيات .هتقول عليه ايه؟ عبيط مش كده بالظبط .كل الامراض عندي انا ببص لها سواسية .اي انسان عاقل وعنده حتة مخ هيبقى عارف ان كل مشكلة لها سبب وان لو عايزين نعالج اي مشكلة لازم نلاقي السبب الاول ونشوف المتخصص فيه يصلح السبب ده بالطريقة المناسبة له .ليه بقى لما حد بيقول الكلام العبيط ده في الطب مش بنقول عليه عبيط مع ان التعقيد اللي في خلية واحدة في جسمك او حتى في نواة خلية واحدة في جسمك أعقد من كل الاجهزة اللي في كل العربيات ازاي هو نوع دايت معين بيصلح كل حاجة وبالذات لما يكون الدايت ده اصلا مضر وغلط انت اصلا لو بصيت على دايت الخبائث ده هتلاقي ان كثير من الحاجات اللي هو بيسمح بيها هي في الحقيقة مضرة لاكثر الناس زي السكر والحلويات بانواعها والشيبسي والعصاير المعلبة وغيرها لكن هو بيعرف يقنعك بكلامه بانه يخلط كلمتين علميين على كلمتين انجلش على هبدة بلدي تقوم الهبدة تعدي في النص بذات لو حضرتك مش متخصص وهتلاقي ان اغلب الحاجات اللي هو مانعها هي حاجات مفيدة لأغلب الناس زي اللبن والبيض والفراخ والفول وكتير من الخضروات والبطيخ والشمام اللي هو محرمهم وغيرهم اما بقى تفاصيل اللبن وهو مفيد ليه وممكن يكون مضر لمين وامتى فده شرحته بالتفصيل وبالادلة العلمية في فيديوهين اتفرج عليهم براحتك واما البيض اللي يعتبر من افضل مصادر البروتين فدة اتكلمت عنه بالتفصيل في فيديو مكملات الرياضيين برده بالدليل العلمي وهسيب لك رابط الفيديو لو عايز تتفرج عليه هتقول لي يا دكتور يعني انت ضد الاكل الصحي ولا انت مش مقتنع ان غذائك هو دوائك وان انت ما تأكله ولا انت عايز تقول ان التغذية اصلا ملهاش دور في العلاج لا لا لا بالعكس طبعا الكلام ده صح جدا والتغذية مهمة قبل العلاج للناس اللي صحتها سليمة ومهمة كجزء اساسي من العلاج لما يكون عندنا مرض وانا كطبيب بعالج المرضى هنا في مستشفيات انجلترا عدد كبير فعلا من مرضاي بحولهم بعد ما اكشف عليهم او نقعد مع بعض في العيادة بحولهم لدايتشن او مختص تغذية كجزء من برنامج العلاج بتاعهم بس تغذية علاجية مدروسة بناء على علم مش بناء على احلام او هلاوس بتيجي لواحد تقول له الخيار حرام والفراخ حرام وحتى المرضى اللي مش بحولهم على دايتشن بيكون في جزء من وقتهم معايا في العياده بنتكلم فيه بالتفصيل عن التغذية والرياضة واللايف ستايل بتاعهم وبنحاول نحسنه مع بعض ونتابعه مع بعض لانه جزء مهم جدا من العلاج خصوصا ان غالبية مرضاي هم مرضى ضغط او سكر او متلازمة ايض ونزول الوزن مهم جدا في علاجهم هتقول لي طب ليه يا دكتور في ناس بتتابع الراجل ده اولا زي ما انت شايف اسلوبه مقنع وواثق جدا في نفسه والثقة دي للاسف بتطمنك وبتقنيعك حتى لو هي غلط ثانيا وده مهم لان في كثير جدا من الحالات المرضية والمشاكل المنتشرة عندنا سببها اصلا نفسي فلما المريض اللي عنده اعراض معذباه ومطلعة عينه وسببها نفسي يروح لحد يقنعه باي حاجة ايا كانت ايه الحاجة دي ما دام عرف يقنعه يبقى المريض هيتحسن لان نفسيته اتحسنت وده جزء من التاثير الوهمي او البلاسيبو اللي شرحته قبل كده بالتفصيل وعشان كده هتلاقي دكتور فرانكشتاين بيقول بكل فخر: انا معالج حساب 712 حالة فايبرومايالجيا طبعا غالبا حالات الفايبروميالجيا هتتحسن معاك وهتتحسن مع اي حد يقول لها اي حاجة بثقه لان ما فيش مرض عضوي دي الآم سببها نفسي وبتعذب صاحبها او صاحبتها فالمريضة ما اتحسنتش عشان بدأت دايت الخبائث ومنعت الفراخ لكن عشان اقتنعت انها لقت العلاج المناسب او الشخص المناسب تتعالج معاه هتقول لي طب احنا يا دكتور ما كناش نعرف الراجل ده انت ليه بتتكلم عنه انت كده بتشهره هقول لك عندك حق لما اتكلم عنه في قناة وصفحة عليها الحمد لله فوق المليون متابع وهو عنده 16000 متابع يبقى اكيد انا بعرف ناس بيه وهم ما كانوش يعرفوه من الاول لكن أولا انا بتكلم عنه عشان اوعي الناس واحذرهم منه لان الشخص ده كل يوم بيسبب مشاكل وامراض ويمكن وفيات اللي ناس بتسمعه فيبقى نحاول نلحق ننقذهم ونمنع الضرر عنهم بدري .ثانيا هو صحيح ما فيش حد لسه بيتابعه لكن هو قاعد يطلع في قنوات كتير سواء مع حد محترم زي استاذ محمود سعد جايبه عشان يشوف ايه الكلام العجيب اللي هو بيقولوا ده او زي قنوات كتير ثانيه بيدفع لها فلوس عشان يطلع ويحط رقم موبايله على الشاشة عشان الناس تحجز عنده نوع من الدعاية في الطب ممنوع والمفروض ما يحصلش في دولة محترمة زي مصر. ثالثا والأهم لان كل شويه يطلع لنا واحد يخترع حاجه ويعمل فرقعه ويبقى ترند لفتره وده ان كان مقبول في اي حاجه ثانيه فمش مقبول في الطب فلما نتكلم عن دكتور فرانكشتاين ونفهم اللعبه ونعرف كتالوج الشهره اللي بيشتغلوا بيه مش هنحتاج نتكلم عن كل واحد يطلع لنا بعد كده رابعا بقى انتوا جايين دلوقتي تسألوني طالع اتكلم عنه ليه وانتوا بقى لكم اربع شهور هاريني رسائل وتعليقات وايميلات وواتساب و ماسينجر بتقولي اتكلم عنه خلاص طب انا غلطان ومش هرد على رسائلكم تاني سامعك يا اللي بتقول انا حاسس يا دكتور ان انتوا خايفين ل الراجل ده ياخد منكم السوق صح يعني يا راجل يا طيب هو لو افترضنا ان دايت الخبائث دي او طريقته في العلاج نجحت انا وغيري من الدكاتره ايه اللي يمنعنا ان احنا نعالج الناس بيها بكرة وناخد فلوس احنا كمان يعني لو دايت الخبائث ده فيه اي خير ما انا كمان ابدأ اعمل عنه فيديوهات من بكرة وابدأ اعالج المرضى بيه في العياده واكلم الناس عنه وكل حاجة بالعكس هي دي طريقه تطور الطب واحد يجرب حاجة وتنفع فالكل يستعملها بس تنفع بجد مش تضيع الناس وتدمر صحتهم .خلاصة الكلام اي دولة محترمة فيها واحد زي ده بيقول انه بيعالج امراض مستعصية مالهاش علاج في امريكا وانجلترا والمانيا واليابان لازم الدولة دي تجيبه وتقعد معاه تقول له ورينا بتعالج المرضى ازاي وورينا الدليل ان هم خفوا فعلا من المرض وحاجة من اثنين يا اما فعلا يورينا انه بيعالجهم وانهم بيخفوا ويثبت ده بالاشعات والتحاليل ساعتها الدولة تدعمه وتدي له براءات اختراع وهتبقى الدولة دي من اغنى دول العالم وهيجي لها المرضى من كل دول العالم يدفعوا لها مليارات عشان يتعالجوا يا اما يطلع نصاب وبيضحك على الناس الغلابة يبقى ساعتها مش كفاية ان عيادته تتقفل او انه ينطرد من الجامعة لكن لازم يتحاسب قدام القضاء على المرضى اللي تسبب في تدهور حالتهم لما وقفوا العلاج ولازم يتمنع من الظهور في اي قناه او على اي شاشة ويمكن يدخل السجن لو طلع يستاهل اشوفكم الفيديو الجاي سلام عليكم ‏c