الأكسدة و الاختزال

👁 1 مشاهدة

الأكسدة و الاختزال

أ. معاذ الشلال · ⏱ 4:35 · 933.7K مشاهدة · 13 years ago

النص الكامل للفيديو

بسم الله الرحمن الرحيم قالوا قديما التاكسد هو اتحاد عنصر مع اكسجين عشان يسوي ماده يسمونها اكسيد الكذا وقالوا الاختزال هو فقد المركب الاكسجين انه يقط الاكسجين اللي عنده هذا كلام قديم هذا كلام قديم ما نحتاجه الحين اكتشفوا الحين ان الاكسده هي فقد الالكترونات والاختزال هو اكتساب الالكترونات مختصر مفيد شوف وياي هنا المغنيسيوم شنو صار فيه صار كاتيون يعني قط الكترونات اذا هذه اكسده وشوف تحت الكبريت اكتسب الكترونين حلو وصار انيون اذا هذا نسميه اختزال خوش تعال شوف هذا كلوريد الصوديوم شلون تكون تذكرون في الرابطه الايونيه الصوديوم كان يقط الكترون على الكلور يصير هذا موجب وهذا سالب بعدين يتحدون فاللي صار موجب هذا فقد الكترون اذا يسمونه حصل له عمليه اكسده فقد الكترون اذا يسمون حصل له عمليه شنو اكسده زين وهذا الحبيب اللي اكتسب الكترون يقولون صار لعمليه شنو اختزال انزين منو الرجال اللي خلى الصوديوم يفقد السبع اللي خل ومنو السبع اللي خلى الكلور يكتسب اللي خلى الكلور يكتسب هو الصوديوم فيسمون عامل مختزل ليش لانه يخلي الناس يختزلون قصب عليهم حلو واللي خلى الصوديوم يفقد هو الكلور ها فيسمون عامل مؤكسد ليش لانه يخلي الناس ها يتاكسد قصبا عليهم اذا العامل المؤكسد هو ماده تكتسب الكترونات والعامل مختزل وهو ماده تفقد الكترونات تعال شوف ه التفاعل هني نبي نفكك عشان نحدد منو اللي صار له اختزال من اللي صار له اكسده هذا طبعا في حاله اي كيو يعني محلول يعني اقدر افكك الى كاتيون وانيون واللي على اليسار دائما يكون كاتيون واللي على اليمين دائما يكون انيون مثل ما انت شايف طبعا هني ضربت باثنين ليش لانه اصلا كان في مولين فضربت مولين من الفضه وولين من النترات حلو هذا في الحاله الصلبه اذا ينزل مثل ما اهو يا جماعه هذه شرحناها في الايون المتفرج رجعوا لها وهني هذا في حاله المحلول اذا قدرنا نفكك الى كاتيون وانيون تمام وهني الفضه كانت في الحاله الصلبه اذا نزلناها مثل ما هي لانها صلبه ما نقدر نفكك تعال خلي نشوف شنو صار في كل واحد هذا كان كاتيون حلو وصار هني ما عليه اشاره يعني صفر يعني اكتسب الكترون يعني اكتسب الكترون دام اكتسب معناته شو نسميها عمليه ه يلا اللي يكتسب شو نقول عنه صار له اختزال دام اكتسب صار له اختزال حلو تعال خلينا نشوف هني النحاس شنو صار فيه فقد الكترونين فقد شنو الكترونين اذا نقول صار لعمليه تاكسد صار لعمليه تاكسد اللي صار له اختزال نسميه عامل مؤكسد تماتيك ها اللي صار له تاكسد نسميه عامل مختزل دائما اعكس ها تاكسد عامل مختزل اختزال عامل مؤكسد شوف وياي النترات هني مثل ما دشت مثل ما طلعت عشان ك نسميها ايون متفرج وهذا خذيناه بالدرس اللي طاف ايون متفرج يعني ما سوى شي دش وطلع مثل ما هو هني منو العامل المؤكسد من العامل المختزل من اللي صار له اكسده من اللي صار له اختزال تعال شوف وياي تذكرون في الرابطه الايونيه نفس الشيء الصوديوم كان يفقد الكترونات لان هذا فلز وهذا لا فلز تذكرون ه الكلام طبعا ناسينا ادري المهم ان الصوديوم هني فقد الكترون حلو كل ذره صوديوم فقدت الكترون اذا صارت لها عمليه شنو عمليه اكسده اللي يفقد تصير له عمليه اكسده اذا هو عامل مختزل على طول دام صار عمليه اكسده معناتها عامل مختزل واللي صار له عمليه اختزال يعني كسب الكترونات نسميه عامل شنو ما ادري عنكم والحمد لله رب العالمين