الاستفهام قواعد الوحدة الخامسة توجيهي 2009 الأستاذ أحمد القواسمي

بسم الله الرحمن الرحيم والصلاه والسلام على رسول الكريم طلابي الفخمين اخر قاعده بحنا اليوم الاربعاء يوم لطيف اليوم ان شاء الله جاهزين نخلص كل القواعد اللي عننا اخر وحده اسمها الاستفهام شيء بقمه المياصه وقمه اللزاذه وقاعده كثير سهله شد لي حيلك خلصها معي وروح اكسر فخاره هلقد قول انا ختمت الفصل الاول يعني باذن الله تكون يا رب فاهم كل شيء الله يا رب يعطيني ويعطيك الف عافيه شد لي حيلك ويلا يا معلم الاستفهام اللي هو هيك سؤال مش اخذنا نحن الامر بالوحده الرابعه عننا نفس الشيء على الاستفهام اخذنا امر حقيقي وامر بلاغي بدنا ناخذ استفهام حقيقي واستفهام بلاغي وخلصنا كل شيء اول شيء بلش معي يا سيدي العزيز قبل ما يدخل على الاستفهام الحقيقي والبلاغي بدنا ندخل بس على معلومه هون ادوات الاستفهام ادوات الاستفهام انت بتعرف انه الاستفهام سؤال صح انا لما اسال بشغله احكي له مثلا كم الساعه اداه الاستفهام هون هي كم لما احكي له هل زرت خالك هل اوكي لما اجي احكي كي من جاء من هي اسمها اداه استفهام هلا ادوات الاستفهام يقسم الى نوعين حروف استفهام اسماء استفهام من الحروف من الاسماء تعال نشوف اسماء الاستفهام كم زي كم طالبا في الصف ما من متى اين كيف ان ايان ماذا يعني كلهم بس حروف الاستفهام هل والهمزه هل جاء خالد الا هل هي تعتبر حرف مش الاسم والهمزه اجاء ابوك هون ايضا الا هي تعتبر حرف يعني احفظهم بس هل والهمزه حروف والباقي اسماء بالضبط انت وحش هل والهمزه حروف والباقي اسماء فلو قال لي استخرج اسم استفهام او استخرج حرف استفهام تكون فارق شو عارف شو الفرق فالحروف هم هل والالف اوكي والباقي هم اسماء استفهام طيب سؤال بالله اه ليه بنستخدمهم شو بتفرق كل واحده عن الثانيه يعني كم شو بتفيد هل شو بتفيد؟ هذا هيك بس يعني اعرف لي اياهم لانهم مطلوبين معنا في المنهاج وكثير سهلين ورا تفهمهم فهم قبل ما تحفظهم حفظ اول شيء كم بالك ليش بستخدم كم انا لما اقول لك مثلا كم طالب بالصف رد علي شو بدك تحكي ام 10 20 يعني ايش بطلب منك تعيين العدد اذا ليش اعرفها كل واحده ايش بتفيد اوكي رح اجيب لك سؤال يحكي لك استخرج اسم استفهام يفيد تعيين العدد فتحكي لي كم فاذا لما اجي اتعين عدد معين مثلا زي كم لبثتم رد يوما او بعض يوم فبالتالي انت بتعين عدد اوكي فمن هي تستخدم لتعيين الاعداد كم هل تستخدم لطلب التصديق يعني مثلا هل درست الكتاب ايش بدك ترد تحكي اه او لا فانت بطلب منك تصدق هذا الشيء اوكي انا عندي معلومه انا بدي اطلب اصدقها فبستخدم ايش هل متى متى ايش بتفيد بالك للزمن اوكي متى تعيين الزمان عكسها مين اين لتعين المكان لما اجي احكي لك متى جئت رح ترد بوقت بزمان لما احكي لك اين كنت فرح ترد بمكان فاذا متى للزمان اين للمكان هدول سهلين الهمزه طلبه تعيين كيف يعني ايه ا من جاء ام اخوك يعني عين واحد فيهم اي مثلا اجاء ابوك ام خالك فان عين فتستخدم لطالب التعيين الهمزه الما تستخدم لغير العاقل وحكينا عليها بانواع ما بس من للعاقل كيف يعني بنحكي من واضع علم العروض بده يكون الاجابه بني ادم عاقل اما ما الكبرياء اوكي لما نيجي نحكي مثلا ما لونك المفض فضل الا وان عاقل فلما جيت حكيت هون مثلا ما واضع علم العروض بتقول لي الجمله غلط المفروض تحكي من واضع علم العروض لانك تستخدم للعاقل العاقل من وهي ممكن تيجي بسبب خطا ترى ممكن اجيب زيها واحط ما واحط لك خط واقول لك سوا بخطا تقول لي غلط المفروض من لانك بتحكي عن عاقل اعرفهم هي من للعاقل ما لغير العاقل كيف للحل كيف يعني هي اصلا مرتبطه حتى في سؤالنا الطبيعي نحكي كيف حالك احفظها كيف حالك فكيف للحال زي مثلا كيف رايت الامن في الاردن اعطيني الحال كيف وجدت الامان في الكذا فبالتالي يا سيدي العزيز ببين عندك السؤال كيف للحال اوكي فاهم هذول كم تعيين عدد هل طلب التصديق متى تعيين زمان اين للمكان الهمزه طلب التعيين ما لغير العاقل من للعاقل كيف للحال هذول سهلين صح طيب عننا يا سيدي العزيز ان اؤي هذول الاثنتين محطوطين عنا بالكتاب من استزيد يعني هذول معلومه لك قراءه مش رح يجي عليهم سؤال بالمره اي شيء استزيد ما بيجي بدك تعرف شغله ان نستخدمها لل معنى من اين او متى او كيف كيف يعني اول شيء ممكن تكون ان بمعنى من اين زي لما اقول لك انا لك هذا يعني من وين لك هي ممكن تكون انا جئت يعني متى جئت وممكن تكون انا يحيي هذه الله بعد موتها بالتالي كيف فبمعنى كيف فهذول الثلاثه يعرفهم معرفه ما رح يجوا اي بتكون بحسب المضاف اليه ليش لانه اي ممكن يكون مضاف الى عاقل مضاف الى غير عاقل مضاف الى زمان مضاف الى مكان لما نحكي اي موظف اعجبك بس بدك تعرف انه اي بعديها دائما ترمين كسرين في اي وقت لانه بعديها دائما مضاف اليه مجرور وهذول الاثنتين قراءه ما رح يجوا ايان ايان تستخدم لتعيين الزمان بالعاده اكثر ايه عننا مشهوره يسالونك عن الساعه ايان مرساها يعني متى اوكي بتيجي بمعنى متى بس فباختصار شديد هذول يا سيدي العزيز الادوات بدك تعرف كل واحده لايش بنستخدمها كمعلومه سريعه لو اجاك ايش اداه الاستخدام او ايش اداه الاستفهام هي شو بنستخدمها اوكي ممكن تكون عارفها وممكن زي ما حكينا نتيجه اسئله صوب خطا فهمت فهمت ادخل معي على انواع الاستفهام طبعا زي ما قال لي على الامر ايام اخذنا الامر في الوحده الرابعه في عندي امر حقيقي وامر بلاغي الاستفهام ايضا في منه استفهام حقيقي واستفهام بلاغي اول شغله الاستفهام الحقيقي متى السؤال بيكون حقيقي مش بلاغي لما اسال سؤال انا عن جد بعرفه كيف يعني طلب العلم بشيء لم يكن معلوم من قبل ويحتاج الى جواب زي لما اقول لك ايه اين يقع المدرج الروماني هسا انا عن جد ما بعرف فلذلك تلك هذا استفهام حقيقي ايه كم ساعه من هون للعقبه فانا عن جد ما بعرف فسالت هذا السؤال عشان اعرف لما اجي احكي مثلا اي مين كسر هذا القزاز انا عن جد ما بعرف فبالتالي هذا اسمه استفهام حقيقي صعبه متى بتكون استفهام حقيقي لما اسال سؤال انا عن جد ما بعرف اجابته طلب العلم بشيء لم يكن معلوم من قبل كثير مسخم طيب بيجي بمقابلها مين الاستفهام البلاغي وتعال نعرف المعاني البلاغيه للاستفهام كثير سهلين وحلوين ونخلص الوحده اول معنى بلاغي استفهام يفيد التقرير طبعا البلاغي يعني انا بسال سؤال انا عارف اجابته بس بستخدمه لشيء ثاني اول واحد التقرير وهي كثير سهله هو حمل المخاطب طبعا مش تحمله هيك يعني ولا حمل اكتب معناها اجبار اجبار المخاطب على الاقرار بمضمون الاستفهام كيف يعني اخلي اللي قدامي يقر يعترف في هذا الشيء طيب كيف هي مسخر واحده فيهم كثير تافهه كيف بدك تعرفها بيكون اولها ا واداه نفي كيف يعني ا ليس ا لست لم اهلا اما الا اذا شفت او اداه نفي باول شيء تكمل تكمل خلص او اداه نفي اما الا اليس الستم مش انت اللي مش انت اللي اول ما تشوف او وا اداه نفي علىسريع تقرير علىسريع تقرير ناخذ مثال مثلا في عندكم جارتكم بنتها خطبت وما بدها تحكي لحدا ف مخبي هيك عشان عين الحسود وكذا فرحنا قلنا لها التمنا كل النسوان الحاره رحنا لها بحكي لها شو سمعنا بنتك خطبت اللي بتحكي لا والله ما حدا معبرها ولا حدا اجا عننا قلنا لا اله الا الله لسه ما قرتش لازم نخليها تقرف ايش نحكي لها الستم اطلع هيتنا فيه الستم من زارتكم سياره حمراء ونزل منها شب معه بوكيه ورد هي قالت اه فاحنا ايش سوت هون قرت اعترفت استعملوا هذا الاسلوب فبالتالي او ادتنا في اطلع اليس الله بكاف عبده الم تصر انت على دراسه هذا التخصص الستم خير من ركب المطايا باختصار شديد او اداتنا فيه تكمل تقرير تقرير هي كثير سهله اجبر اللي قدامي يحكي اه يعترف في هذا الشيء صعبه لا اثنين التعجب احمد هو درسنا استفهام ولا تعجب لا اكيد استفهام بس يفيد التعجب كيف يعني مثلا الحجه عندك طبخت مقلوبه وطلعت كثير زاكيه فانت قلت لها كيف طلعت معك زي هيك هساه هل انت بدك المقادير انت بدك انه وضعنا الدجاج فوقها العديد من الباذنجان والزهره لا انت بتعجب انه واو كيف طلعت زي هيك او مثلا انا واياك حلينا سؤال وانا حليته اسرع منك فانت قلت لي كيف خلصته بسرعه فانت ما بدك الطريقه انت متعجب فلما يكون الاستفهام بيعطي معنى التعجب زي اني لاعجب كيف يمكن ان يخون الخائنون كيف بتخونوا بلدكم انت ما بدك تعرف الاجابه انت متعجل يقول احمد شوقي في يوم من الايام احمد شوقي نفو على اسبانيا فهو طالع في النهر النيل هيك طالعينه هي هي طالع هو في السفينه وهي بحر وهي هو قاعد هون فهو حزين هيك على الوضع اللي فيه فايش بيحكي يا ابنه اليم اليم البحر بنت اليم السفينه ما ابوك بخيل ما له مولع بمنع وحبسي ليش مانعيني عنك وحابسيني عنك وليش طردوني طيب ما هو عارف ليش طردوه بس هو بتتعجب وبالعاده اي سؤال تساله لحالك زي ليش وضعي بيخزى ليش هيك صار في لي جبت علامه بتخسف الماده ليش هيك انا سويت هذا السؤال ساله لحالك يفيد التعجب وصلت يفيد التعجب كيف تكفرون بالله وكنتم امواتا فاحياكم ما لي لا ارى الهدهد هي الاشياء كلها يا سيدي العزيز بتكون استفهام يفيد التعجب انه انت تتعجب من شيء معين ما بدك اجابه بس انت متعجب اللي بعده ثلاثه النفي استفهام يفيد النفي متى الاستفهام السؤال بفيد النفي لما اسال سؤال اجابته لا او لا فانه اكتبها هون انت اجابته لا زي لما اقول لك اسمع ايه هل من خالق غير الله لا فبالتالي انا مش بسالك هذا السؤال انا مثلا مش عارف الاجابه لا انا عارف بس انا خرجته عشان انفيه اوكي هي طريقتي انا ايش طريقتي انا؟ انها بتكون اجابته لا زي مثلا هل يخفى القمر؟ لا هل جزاء الاحسان الى الاحسان؟ معقول تحسن لحدا وما يحسن اليك؟ لا هل يستوي الذين يعلمون والذين لا يعلمون؟ لا هل يستوي الاعمى والبصير؟ لا هل ربك يظلم احدا؟ لا هي طريقتنا ننا. في طريقه ثانيه للكتاب شو بيحكي لي؟ ممكن تشيل اداه الاستفهام وتحط محلها اداه نفي ما او لا. يعني هون مثلا وهل يخفى القمر؟ ممكن تحكي لا يخفى القمر تشيلها وتحط الا بتزبط برضه هل جزاء الاحسان الا الاحسان؟ ما جزاء الاحسان الا الاحسان هل يستوي الذين يعلمون لا يستوي الذين يعلمون والذين لا يعلمون فيعني ممكن تفيد فالنفي كثير سهله اهم شيء تكون مركز على امثلتنا هذول بيجوا نفسهم وتركز ايضا على المعنى انه بكون اجبتها لا او طبعا لا اربعه التهويل طبعا هم خمسه كثير سهلين اربعه التهويل وبالعاده هي بتكون موجوده بالايات ايضا لما اجي جي مثلا القارعه ما القارعه اوكي مثلا لما نيجي نحكي مثلا الامتحان ما الامتحان هي بنسميها تهويل عشان بيكون تخويف شديد الحرب وما ادراك ما هي الحاقه ما الحاقه القارعه ما القارعه هون الاستفهام يفيد التهويل التخويف عشان افرجيك انه هذا الشيء كثير مخيف تمام فبالتالي بتكون موجوده بالايات زي ما حكينا او ممكن تكون بالامور العاديه عننا زي اقول لك الامتحان ما الامتحان خمسه التشويق وتعتبر اسهلهم وهي لما تشوف بدك تشوق حدا لحدث معين فبتقول له اقول لك ايش صار هذك الجاوم ما تحكي لحدا اه بالله عليك ايش صار طيب اللي حكى لا حسبي الله فيك لما اجي اقول لك يا سيدي العزيز احكي لك ايش صار تحكي لحدا هون بيحكي لك اه بالله شو صار انا هون شوقتك اثرت فضولك فهون بالعاده ببلش اولا ادلكم هل ادلك احكي لك اعمل لك اسوي لك فبالتالي هي بتكون تشويق زي فوسوس اليه الشيطان قال يا ادم هل ادلك على شجره الخلد وملك لا يبل شوف مثلا لما راح ابليس على سيدنا ادم وكان بامكانه يحكي له هي الشجره بتخليك خالد اوكي ومش رح تموت بس هو ما جاب له اياك ساله تشويق قال له هل ادلك على شجره بتخليك عايش ما بتموت وراح فبالتالي هذا ظل السؤال يعني يثير فضول سيدنا ادم لحد ما اجا وخلاه انه هو يحكي له وين الشجره والى اخره يقول عليه السلام لا تدخلون الجنه حتى تؤمنوا ولا تؤمنوا حتى تحابوا اولا ادلكم على شيء اذا فعلتموه تحاببتم قالوا الصحابه بلى يا رسول الله قال افشوا السلام بينكم فبالتالي اولا ادلكم هل ادلك هيك بتكون تشويق بعدين الدرس خلص والله والله بس هيك خلصنا معطيني من باب استزيد في معلوماتي انه ممكن يكون في عننا شيء بنفيد الانكار والتحقير والتمني هذول الثلاثه بس نعرفهم على السريع شو الفرق بين هذول الثلاثه الانكار هو استفهام بيكون اوله ا بس مش ا واداه نفي بس ا اوكي ا واداه نفي تقريب زي وبيكون انت بتنكر شيء معين انه شو الغب هذا اللي بصير زي مثلا ماشي انت ومستعجلين ودكم تطلعوا على فارده معينه وواحد هيك موقف الشارع حاط سيارته بنص الشارع هذا غباء يعني فبتقول له ا اتعيق السار بسيارتك فيعني شو الغباء هذا فبالتالي هي انكار او مثلا واحده بتطبخ باميه وبتحط سكر فهذا غباء يعني تقول لها اتضعين سكر على الباميه فبالتالي هذا انكار اوله اه وبعدين بيكون في شيء اللي عندك انه هذا غباء يعني اتاكل وتدخن في رمضان مثلا في الايه واذ قال لابراهيم لابيه ازر اتتخذ اصناما الهه هذا بيعبد اصنام وبالتالي هذا اسمه انكار معلومه هي التحقير بالعاده التحقير بتكون بالمهن يكون مهنه يعني واحد عامل حاله انه هو نجار معلم وهو مش عارف يعمل خزانه بتقول له ا انت من يدعي العلم وتجهل في عمل خزانه هذا شو هذا فهذا بنسميه تحقير ا من يدعي التطوير وما زلت جاهل باصوله قال المتنبي لما هجا كافور من ايه الطرق ياتي مثلك الكرم اين المحاجم يا كافور والجلم فبالتالي بالتالي هي كرم وكذا ومهن هي بنسميها تحقير التمني التمني زي ما اخذنا بالامر لما يكون السؤال موجه لحدا غير عاقل زي مثلا فهل لنا من شفعاء فيشفع لنا او مثلا فمن لي بالعين التي كنت مره تشوف عين شيء غير عاقل بس زي ما حكينا هذول بس استزيد من باب الاستزاده لكم اهم شيء ركز على المعنى الحقيقي متى بكون الاستفهام بمعنى حقيقي الاستفهام معنى حقيقي لما اسال سؤال مش عارف اجابته صح ومتى بكون بلاغي خمسه ايش هم اللي حكيناهم الخمسه نبلش فيهم يا سيدي العزيز اول واحده اللي اللي هي التهويل، التشويق، التهويل، التشويق، التقرير والتعجب والنفي. الخمسه هذول لا تنساهم يا سيدي الكريم. بس خلص الدرس. اول سؤال هون بحكي لك استفهم باداه استفهام مناسبه عن مكتشف الدوره الدمويه لو بدي استفهم عن اسال عنه هذا مكتشف الدوره الدمويه اني اداه بستخدم من ليش لانه عاقل من مكتشف الدوره الدمويه صح طيب لو بدك تسال عن عدد المتفوقين في امتحان الثانويه شو بتستخدم عدد كم عدد المتفوقين لانه كم تستخدم تعيين العدد بس يعني هذول سهلين يلا مين حقيقي ومين بلاغي جاهز اين تقع جامعه ال البيت؟ هذا حقيقي لانه هو مش عارف الاجابه سالك مواطن كيف اصل الى مجمع اللغه العربيه في عمان برضه حقيقي الست بس بس ما تكملش خلص الست او اداه نفي هذا بلاغي تقرير ولست ابالي بعد ادراك العلا اكان ترابا ما تناولت ام كسبه يعني انا صراحه مش عارف بعد ما وصلت هو كان هيك ولا كان هيك فهذا تعجب تقرير ايه عفوا بلاغه اعلل خرج الاستفهام الى الامثله عن معناها الحقيقي الى معاني بلاغيه اوضحها تعال نعرف ايش البلاغيات يا ايها الذين امنوا هل ادلكم تشويق هذا التشويق يا سيدي العزيز الستم خير من ركب المطايا الستم هذا تقرير لانه او اداه نفي اوقف واحد سيارته بنص الطريق فساله رجل اتعوق غيرك عن السير في الطريق شو الغبى هذا هذا انكار هذا حكينا عنه في امثله الانكار اللي هي بامثله الاستزاده بس خليك معي ثانيه صغيره يا اهلا وسهلا وين كان السؤال بالضبط ايوه هي فرع جيم بحكيلنا يا سيدي العزيز في فرع جيم اوقف سيارته في نص الطريق فساله اتعوق انكار طيب احمد سؤال اه مش الانكار كانت معنا باستزيد او بالاستزاده هي الموجوده بالضبط بس عشان هيك نحن شرحناهم الثلاثه لانها موجود عليها مثال في الكتاب يعني هو الاصل انها الوزاره تحذف فرع جيم بحكم انكم حطيتوها في استزيد بس طالما حطوها نحن اضطرينا نشرحها للطلاب وصلت لانه بينكر شيء معين واوله اه لانه اوله ا يلا اختار رمز الاجابه احدى ادوات الاستفهام ها يطلب بها شرح الاسم او حقيقه المسمى اذا بدك تسال شيء عن واحد عن اسمه شو بتحكي ايوه ما اسمك او ما الدراسه او حقيقه شغله معينه المعنى البلاغي ارست اعمهم جوده وابصر شو شو هذا التقرير او اداه نفي احدى الجمل الاتيه الضمه استفهام حقيقي ما لي لا ارى الهدهد لا هتعجب اتعصي الاداره في قرار اتخذته هذا انكار اين يقع المركز الجغرافي هيه هل يست يستطيع احد ان ينكر دور الاردن في رعايه المقدسات؟ لا هذا نفي اذا هي نفي وهذا كان انكار وهذا كان تعجب وهي الحقيقه وبعدين استنى بدي اوصل لصفحه واحده وينها هيها انا هون خلصت انا هون خلصت احبائي طلاب وطالبات الصف الاول ثانوي ها نحن نصل الى ختام هذه الدوسيه التي حملت عنوان خطوه نجاح خطوه نرجو ان تكون قد اثمرت فهما ونمت فيكم الشغف باللغه اللغه العربيه التي نعتز بها هويه وانتما لم تكن هذه الصفحات سوى بدايه لمشوار من الفهم والوعي والتذوق الادبي واللغوي خطوناها معا نحو التميز والتفوق تذكروا دائما ان النجاح لا يكون بكميه المعلومات فقط بل بصدق النيه والمثابره والاحترام وحب المعرفه فامضوا في طريقكم بكل ثقه ولتكن اللغه العربيه رفيقه دربكم وخطوه نجاح واحده من خطوات كثيره نحو مستقبل مشرق لا تنسوا ان العلم رحله وكل صفحه تقراونها ها هي خطوه خطوه جديده نحو النضج والوعي هذه الدوسيه ليست نهايه الطريق بل هي محطه من محطات التعلم بنيتها لكم من القلب بنيتها لكم من القلب وسعيت فيها لان تكون واضحه ممتعه مليئه بما يعينكم على الفهم الحقيقي للحفظ المؤقت كونوا طلابا يحترفون السؤال للتردد ويصغون الى الجواب بعين المفكر لا بعين الحافظ اجعلوا من اللغه العربيه نافذتكم للفهم لا للحفظ فقط فهي لغه العقل والروح لا ماده اختبار فحسب خطوه نجاح هي بين ايديكم الان فاتموا الخطوه بالعمل وانطلقوا لما بعدها بثقه وامل كنت وما زلت محبكم احمد القواسمي والله يعني صراحه اخر حصه بتكون انا ما بحبها صراحه يعني بتكون حصه وداع والى اخره نحن رح نقطع ما يقارب اسبوع الان بعد هيك ما في حصص عشان اللي متراكم عليه يعيد وبعديها باذن الله رح نبدا بالمكثف ورح نخبركم كل شيء على التليجرام يعني صراحه اكيد انا ما شفتكم وما شفتكم وجه لوجه مع انه كان شرف لي وسعاده اني انا التقي فيكم والحلو انه انا في محافظه عمان والحمد لله في اغلب محافظات المملكه صار الطلاب بيعرفونا واغلبهم حتى بمكالماتكم لطيفه والمسجات الرائعه واغلبهم احمد تعال عنا والى اخره وبدنا نشوفك انا صراحه انا اللي نفسي اشوفكم وانبسطت كثير في معرفتكم في هي المرحله صراحه ما كنا مجرد بس ماده ومحتوى وسلام عليكم يعني حتى لو انتم مش قدامي لكن انا حاس بروحكم قاعده معي فالله يا رب يعطيكم الف عافيه والله ما حدا بينبسط بعلامتك المرتفعه بعدك انت وبعد اهلك الا معلمك وانا كثير بستنى في لحظه النتائج تطلع تقول لي احمد جبت كذا احمد انا خلصت وجبت علامه عاليه هذا الشيء من ورا الفيديوهات انا بنبسط جدا فالله يا رب يعطيك الف عافيه شد لي حيلك بالله عليك ابسطني دائما في علاماتك العاليه نحن لسه معنا المكثف وبعد المكثف عننا شهر واحد بامكانك انك انت تختم فصل اول بكل امانه وبكل ثقه شد لي حيلك الله يا رب يسمعني عنك كل اخبار طيبه ويعطيك الف عافيه