الثورة التي صنعها البريطانيين الثورة العربية الكبرى الجزء الاول ساعة الصفر

استنى استنى استنى استنى هي مش دي نفس اللعبه اللي الانجليز بيفكروا فيها يعني الشريف حسين تمرد على اللي ليه فضل عليه ليه الخيانه دي كل واحد عاوز يستغلنا لصالحه هو احنا لعبه للدرجه دي يا اد الذينه ومن هنا نظره الانجليز اتغيرت تماما من نظره استحقار واستهتار وتقليل الى نظره استغلال بسم الله الرحمن الرحيم السلام عليكم ورحمه الله وبركاته اعزائي المشاهدين في منتصف سنه 1909 توماس ادوارد لورنس والمعروف باسم لورنس العرب يتوجه الى منطقه الشام العربيه واللي ساعتها كانت تحت الحكم العثماني وسبب الرحله دي هو ان لورنس كان موهوم بالحروب الصليبيه وكان بيدور على القلاع والاثار المرتبطه بالصليبيين في اي مكان في العالم واول ما عرف ان منطقه الشام فيها كثير جدا لم يتردد في الذهاب لهناك ولكن هذا العشق للحروب الصليبيه تحول الى عشق للحضاره العربيه لما لقي نفسه ب بدل ما بيدور على اثار الصليبيين بينخر في التراث العربي وبيلف في المقاهي والاسواق والشوارع العربيه ويتكلم مع العرب ويقرا كتب وروايات عنهم وده اللي خلاه ان هو لازم يرجع ثاني لمنطقه الشام بعد ما يتخرج من الجامعه بتاعته في انجلترا وهو ده اللي حصل فعلا لما اتيحت له فرصه العوده الى الشرق الاوسط مع بعثه اثريه بريطانيه هتنقط عن اثار للمتحف البريطاني وخلي بالك هي لا كانت بعثه اثريه ولا حاجه كل ده كان تمويه مش اكتر علشان البعثه دي هي بعثه تجسسيه مهمتها انها تجمع اكبر قدر ممكن من المعلومات عن منطقه الشرق الاوسط ولكن علشان العثمانيين ما يكشفو البعثه دي قالوا لهم احنا بعثه اثريه لان في بوادر قلق وحرب بتلوح في الافق وكل الدول بتحرس على الحدود بتاعتها وماحدش هيسمح لخبراء اجانب ان هم يدخلوا ارضه في الاوقات العصيبه اللي زي دي والظاهر كده ان قرار البريطانيين بالتجسس على العثمانيين كان صحيح لان بعد اربع سنين بالضبط من بدايه عمليات التجسس وبالتحديد سنه 1914 تبدا واحده من اكبر الحروب في تاريخ البشريه وهي الحرب العالميه الاولى اللي كانت فيها الدوله العثمانيه وبريطانيا اعداء وطبعا بريطانيا اللي بقى لها اربع سنين عايمه بجوا سسها في الاراضي العثمانيه جمعت كم مهول من المعلومات سواء معلومات عن جغرافيا المكان او عن الشعوب او عن الحكومه العثمانيه او حتى عن الشخصيه العربيه في العموم وكل ده بفضل لورنس اللي قدم لهم معلومه غايه في الاهميه والمعلومه دي هي ان الشريف حسين امير مكه بيخطط مع عرب الجزيره للانفصال عن الدوله العثمانيه وانشاء دوله عربيه مستقله وهو ده اللي البريطانيين عاوزينه بالضبط يا سلام البريطانيين عاوزين ان دوله عربيه مستقله تتاسس من امتى الحنيه دي كلها يعني لا طبعا هي بريطانيا يعني ملاك الانجليز عاوزين اي تفكك في الدوله العثمانيه علشان يستغلوها لصالحهم خلي بالك فرق تسد وما اكثر التفكك في الدوله العثمانيه سواء في شرق اسيا او في البلقان او حتى في الشمال عند الشعوب الروسيه يا راجل ده الخلافات العثمانيه العربيه شغاله من قبل الحرب العالميه الاولى بحوالي 100 سنه من ايام الدوله السعوديه الاولى والشيخ محمد عبد الوهاب وحتى من قبل كده كمان ولكن نقدر نقول ان بدايات التوترات العربيه العثمانيه بدات في اواخر القرن ال 18 الفتره اللي بدات فيها الدوله العثمانيه تعاني من ضعف شديد ومن علامات الضعف دي هو خساره الاراضي المصريه لصالح فرنسا اولا ثم محمد علي ثانيا واللي كان اول واحد يطبق التجنيد الاجباري في تاريخ مصر الحديث التجنيد الاجباري اللي عجب السلاطين العثمانيين جدا لان بصراحه كده يعني الدوله العثمانيه الجيش بتاعها بقى ضعيف والسبب الرئيسي لهذا الضعف هو تعداده القليل جدا وكل ما يتم اختباره في معركه كبيره ضد الروس اللي هم الاعداء الازلي للعثمانيين يتهزم هزيمه ساحقه والاتراك كعدد اقل من ان هم يطلعوا جيش كبير يحكم هذه المساحه الشاسعه من الامبراطوريه العثمانيه علشان كده السلطان العثماني اصدر فرمان باقرار التجنيد الاجباري في كامل اراضي الدوله العثمانيه الاراضي العثمانيه اللي منها شبه الجزيره العربيه بمعنى اصح يعني العرب هيتم تجنيدهم اجباريا هيخدم في الجيش العثماني غصب عنهم ودي حاجه ضد طبيعتهم العرب مش بتوع اجبار ما ينفعش انك تخليهم يعملوا حاجه غصب عنهم تقوم تجندهم اجباريا وكمان هيدفعوا عن عن ارض مش ارضهم وعن شعوب مش من نسلهم تخيل معايا كده ان انسان عربي يروح يحارب في البلقان علشان يدافع عن يونانيين ولافين ولا يروح يحارب الروس علشان يدافع عن الاتراك انت كده بتنته ك كل عادات وتقاليد العرب واللي هي حاجات مقدسه عندهم اياك تلعب في الثوابت اللي بقى لها اكث من 1500 سنه ما تغيرتش ده غير ان اللي كان بيموت منهم في حرب او معركه العثمانيين ما كانوش بيعوضوا اهله فكانت الاسره العربيه معرضه ان هي تخ اخسر راجل البيت اللي بيرعاه وبياخد باله منها والاسره اللي من غير راجل بتتبهدل جامد فتخيل نفسك مواطن عربي صاحبك اتجند في جيش غريب ومات دفاعا عن شخص غريب وبعد موته انت شايف اسرته بتعاني من غير ما حد ياخد باله منها هل انت هتوافق على التجنيد اللي عمل في صاحبك كده هل هتوافق انك تحط اسرتك في خطر المعاناه ولكن علشان اكون وضحت الصوره كامله ففي بعض المصادر اللي بتقول ان كان في بعض العرب اللي كانوا مرحبين بالتجنيد الاجباري ده في منهم اصلا اللي كان بيطوع في الجيش العثماني اللي هو بيروح يتجند بمزاجه وخصوصا الفقراء اللي هيلاقوا في الجيش العثماني اللي مش هيلاقوه في اي مكان ثاني في الجيش انت هتضمن انك تلاقي حاجه تاكلها حتى لو هتاكل بكميات قليله مش احسن ما ما تلاقيش حاجه تاكلها خالص وانت فقير وهتلاقي مكان تنام فيه بامان بدل ما انت بتنام في الشارع في عز البرد وممكن اي حيوان مفترس يهجم عليك ويقتلك او حتى قطاع طرق يخلصوا عليك ولو تعبت هتلاقي دكتور يعالجك ما هو الجيش كده صحه الجنود مهمه ده ايه الحلاوه دي ده والنبي فعلا جندولي في الجيش وفي فئه ثاني خالص من المتطوعين كانوا بيشوفوا الدوله العثمانيه انها وريثه الخلافه الاسلاميه والتطوع في جيشها هو واجب ديني للدفاع عنها والدفاع عن الاسلام ككل فكان في اللي بيطوع في الجيش على اساس ان هو جيش المسلمين ولكن علشان اكون اكثر دقه فالناس اللي بيطوع في الجيش كانوا قله قليله جدا زي الشويه اللي تطوعوا للقتال في الحرب العالميه الاولى ولكن العرب في العموم مع مبتهمش فكره التجنيد دي خالص وحتى لو في شويه منهم رحبوا فالغالب العظمى كانوا رافضين وحتى اللي كان مرحب تحول الى رافض سنه 1908 ليه لان السلطان عبد الحميد الثاني واللي كان بيحكم الدوله العثمانيه ساعتها كان بدا حركه اصلاح في كامل الدوله العثمانيه من سنه 1878 وحركه الاصلاح دي كان غرضها اعاده احياء الدوله العثمانيه المتهالكه او زي ما كانت بتتسمى رجل اوروبا الضعيف ومواكبتها بالاحداث الجاريه في الع العصر الحديث الممالك الاوروبيه شغاله زي النار واحنا واقفين محلك سر ما بنعملش اي حاجه عمالين نخسر اراضي وبس شويه في افريقيا شويه في شرق اسيا شويه في اوروبا شويه في المناطق العربيه وده اللي خلى السلطان عبد الحميد الثاني يحاول يخلي الدوله العثمانيه اكثر انفتاحا على العالم لان من وجهه نظره الانغلاق اللي كان فيه العثمانيين هو سبب ابتعادهم عن الحداثه العالميه اللي هو يعني سبب تخلفهم وسبب تخلف كل الشعوب اللي بيخدعوا لسلطتهم احنا قافلين عليهم بالضبه والمفتاح ومانعي اي سبيل من سبل التطور ان هو يعدي الحدود العثمانيه وده ما ينفعش افتح لي يا ابني الباب على البحري خلينا نشوف العالم الخريجي ده بيعمل ايه ولكن مين اللي ما عجبوش الكلام ده القوميين الاتراك والللي بداوا يحسوا ان اللي بيعمله عبد الحميد الثاني ده هو تخلي عن الهويه التركيه الاصيله وخصوصا بعد الغاء الدستور القديم اللي بيقيد صلاحياته يعني السلطان اصبح منفرد بالحكم ما حدش يقدر يكلمه ولا يعارضه وده اللي خلى القوميين الاط راك واللي كانوا متجمعين في حزب اسمه حزب الاتحاد والترقي ينظموا تمرد على السلطان في منطقه البلقان المنطقه الاكثر اضطرابا في العالم فيما يعرف بثوره تركيا الفتاه في يوليو 1908 الثوره دي كان في اطراف كتير بتدعم واللي كان منهم الشريف حسين امير مكه فانت هنا هتبتدي تستغرب يعني الشريف حسين دعم تمرد ضد عبد الحميد الثاني اللي هو اصلا جابه لاماره مكه يعني تمرد على اللي ليه فضل عليه الله ليه الخيانه دي هو اللي حصل ان الشريف حسين زي ما قلنا من شويه كان عاوز ياسس دوله عربيه مستقله في شبه الجزيره ولكن امر زي ده كان مرفوض تماما من طرف السلطان والشريف حسين ما راحش كده للسلطان مره واحده وقال له لو سمحت انا عايز انفصل لانه عارف ان الدوله العثمانيه ضد مبدا الانفصال في العموم ومنطقه البلقان تشهد ده كلها صراعات بسبب محاولات الانفصال وده شيء يعني منطقي في حاكم هيوافق ان هو يفرط في ارض ملكه وتحت سيطرته ده يبقى حاكم غبي بصراحه والسلطان عبد الحميد الثاني ما كانش بهذا الغباء بالعكس ده تاريخيا مصنف ان هو اخر السلاطين العثمانيين الاقوياء وده اللي خلى الشريف حسين يدعم التمرد عليه علشان يقلل شويه من صلاحياته وبالتالي يسهل تحقيق الهدف اللي الشريف حسين كان عاوزه لدرجه ان خط السكه الحديد اللي بيربط ما بين الشام والحجاز كان المفروض ان هو يمتد الى مكه ولكن الشريف حسين عطل عمليه المد لان السكه الحديد لو اتمدت لهناك يبقى مع السلامه كده السلطان هيقدر يفرض سيطرته التامه على مكه مكه اللي كانت بعيده جدا عن اسطنبول عاصمه الدوله العثمانيه وبعيده برض عن امراء الشام المواليين للعثمانيين مع انها تعتبر مركز الاسلام واهم ارض اسلاميه على الكوكب الا ان بعدها عن عاصمه الحكم مديها شويه استقلاليه والتمرد على عبد الحميد الثاني ينجح بالفعل ويضطر السلطان ان هو يرجع الدستور القديم الدستور اللي سحب شويه من صلاحياته واداها لحزب الاتحاد والترقي اللي عمل التمرد وبالتالي اصبح الحزب بينافس السلطان راس براس كل ما السلطان يقول يمين الحزب يقول شمال ما خلاص الحكم المطلق بتاعك يا عم السلطان انتهى دلوقتي في دستور وبرلمان يفصلوا بينا وبعد الاحداث دي كلها با اقل من سنه وبالتحديد في ابريل 1909 يحاول السلطان ان هو ينظم تمرد على الحزب زي ما اتعمل ضده ولكن هذا التمرد يفشل في تحقيق اهدافه ومش بس كده ده التمرد كمان تحول الى ثوره مضاده اطاحت بالسلطان عبد الحميد الثاني علشان يجي مكانه اخوه السلطان محمد الخامس واللي ما كانش بنفس قوه عبد الحميد الثاني وهو ده اللي الحزب كان عاوزه بالضبط سلطان ضعيف يسهل السيطره عليه محمد الخامس نسبيا اصبح لا يحكم ملكيه دستوريه زي اللي بنشوفها في الايام دي والدوله العثمانيه كلها اصبحت في ايد اعضاء حزب الاتحاد والترقي واللي اصبحوا بيقب بالاتحادية واللي هو برده حاجه منطقيه جدا هم فكروا نفس التفكير بتاع السلطان ما فيش اي حاجه اتغيرت ما حدش هيتنازل عن ارض مسيطر عليها وهنا الشريف حسين بعد ما كان حليف للاتحاديين اصبح الد اعدائهم فانت هنا هيجي على بالك سؤال مهم هو معلش يعني ليه ما حدش فكر يعزل الشريف حسم لا السلطان عبد الحميد الثاني عزله لما عطل خط السكه الحديد ولا الاتحاديين عزلوه لما عرفوا نواياه الانفصاليه خبر ايه هو ماسك عليهم زله ايوه حصل انت بتتكلم صح هو فعلا ماسك عليهم زله والز لله دي هي الدستور والبرلمان واللي بيدوا الشريف حسين صلاحيات بتمنع عزله بالطرق العاديه او علشان اكون اكثر دقه يعني فالدستور والبرلمان بيدوا صلاحيات لولاه الدوله العثمانيه في العموم يعني زمان ما قبل التمرد بتاع تركيا الفتاه 1908 كان عبد الحميد الثاني بيعزل اللي على مزاجه وبرده بيعين اللي على مزاجه ما هو ما فيش حاجه تقول له لا انما دلوقتي في دستور وبرلمان يعني ممكن قرار عزله ده يكون مخالف الدستور او ممكن حتى اعضاء البرلمان يعارضوه يعني شوف يا اخي سبحان الله الاتحاديين عملوا تمرد علشان يجيبوا دستور وبرلمان وهم هم نفس الدستور والبرلمان قيدوا صلاحياتهم في مواجهه المعارضه وخلي بالك الشريف حسين ما كانش سهل برده هو عارف انه محمي بالقوانين الجديده بس لو الاتحاديين حطوه في دماغه لا دستور ولا برلمان هيلحق هيعزل هيعزل ولكن اللي كان حامل شريف حسين من بطش الاتحاديين هو ان اعداد المعارضين بداوا يزيدوا جدا يعني مش الشريف حسين بس اللي عامل لهم مشاكل ده في كتير وخصوصا بعد بدء تطبيق سياسات القوميه التركيه او المعروفه تاريخيا باسم التتريك يعني ايه تتريك يعني كل شعوب الدوله العثمانيه هتخض للهويه التركيه اللي هو يعني هيبقوا اتراك بالعافيه وده اللي مش بس ما عجبش العرب ده ما عجبش حد خالص الدوله العثمانيه فيها عدد مهول من الشعوب المختلفه دي امبراطوريه حرفيا في مركز الكوكب يعني فيها من الاعراق كل ما لز وطاب زي مثلا الشعوب السلافيه في البلقان او الفرس اللي في شرق اسيا او الروس الموجو مجودين في الشمال وخلي بالك كل عرق من الاعراق دي بيتفرع منها اعراق ثاني كتير تخيل انت ان كل الناس دي انت مصمم تخليهم اتراك اكيد طبعا هيعملوا لك مشاكل ضخمه جدا وهو ده اللي حصل مع العرب الدوله العثمانيه عاوزه تطبق الهويه التركيه عليهم وتمحي هويتهم العربيه سواء في اللغه او في المعاملات او في العادات او التقاليد او القوانين وده امر صعب ان لم يكن مستحيل ما ينفعش انك تجيب شخص عربي وتقول له انت لازم تبقى تركي غصب عنك الشريف حسين حاسس ان اللي هو عاوز يعمله بيتقلب عليه يعني انا عاوز اعمل دوله علشان الم فيها العرب مع بعض تقوموا انتم تخلونا اتراك غصب عننا اقول لكم يمين تقولوا لي شمال الكلام ده مش هيحصل ومن هنا الشريف حسين قرر ان هو يدور على بديل ثاني لانه خلاص فقد الامل في العثمانيين كلهم جربنا السلاطين ورفضوا وجربنا الاتحاديين رفضوا برض والثالثه ثابته احنا هنجرب الانجليز ودي كانت بدايه العلاقات ما بين الشريف حسين وما بين بريطانيا فانت هنا هيجي على بالك سؤال مهم هو ليه الشريف حسين لازم ياخد اذن حد ما يعمل ثوره ولا تمرد ولا انقلاب لوحده لازم يعني يستاذن هو ايه العرب اتكتب عليهم الذل وان هم يستاذنه من الغرب لا ما هو انت نسيت حاجه مهمه جدا السلاح الشريف حسين يعني هيجيب سلاح منين انت فاكر ان هو لو اعلن الانفصال عن العثمانيين هيسيبو في حاله هتلاقي الجيش العثماني كله فوق دماغه وما تقوليش ان الجيش العثماني ضعيف الكلام ده كان زمان ايام الحروب بالقوس والسهم والسيف اللي ممكن تعملهم في بيتك انما دلوقتي في بنادر ورشاشات ومدافع ثقيله يعني اللي معاه سلاح يكسب والعثمانيين على ضعفهم معاهم سلاح انما العرب على ضعفهم برض مش معاهم سلاح ومين اللي هيوفر لهم سلاح الانجليز وعلى فبراير سنه 1914 كانت الاتصالات بين الشريف حسين والانجليز بدات بالفعل لما ارسل ابنه الامير عبد الله الى القاهره علشان يقابل اللورد كيتشنر ويقول له على رغباته وتطلعاته وان العرب مستعدين يقتلوا العثمانيين لو مديتو بالسلاح والتدريب لازمين ولكن الظاهر كده ان اللورد كيتشنر ما اقتنع بكلام الامير عبد الله ولا اقتنع بافكار ابوه الشريف حسين انتوا جايين تشتغلون ي عاوزين تفهموني انكم العرب المسلمين ممكن تتحالف مع الانجليز ضد العثمانيين المسلمين زيكم امال انتم شايفين اني مختوم على افايه اكيد الموضوع فيه ملعوب ولكن اللورد كيتشنر بالاضافه لكونه ضابط جيش محترف فهو برض كان سياسي ودبلوماسي ذكي وفضل ان هو ما يرفض طلب الامير عبد الله كده مره واحده ولا يبين له اصلا ان هو هو رافض وقال له بص كده خليي على تواصل انا هرفع الموضوع للقيادات العليا الانجليزيه وهتوصل معاك ثاني وفي نفس الوقت اللي كان فيها الامير عبد الله بيتواصل مع الانجليز كان الامير فيصل بيتواصل مع عرب الشام اصل معلش يعني قبل ما نشوف الانجليز لازم نتاكد هل العرب كلهم معانا ولا لا مش انا اتعب واقنع الانجليز ويدون سلاح واديه للعرب وفي الاخر يخونوني وينقلب عليا علشان كده الشريف حسين زي ما بعت ابنه عبد الله علشان يتواصل مع الانجليز بعت ابنه فيصل على علشان يتواصل مع زعماء العرب اللي موجودين في الشام وزعماء العرب ساعتها كانوا بيتمثل في حزب العربيه الفتاه وده حزب اتاسس سنه 1911 في باريس وهو اصلا كان وريث لحزب ثاني اسمه حزب الناطقين بالضاد واللي اتاسس سنه 1909 واكيد يعني من كل الاسماء دي اللي بتشع لغه عربيه نفهم ان الحزب ده كان معمول لمنافسه حزب تركيا الفتاه العربيه الفتاه هينا فيس تركيا الفتاه منطقيه يعني والتصدي للقوميه التركيه اللي عاوزه تلتهم الهويه العربيه واعضاء حزب العربيه الفتاه وصلوا لاتفاق مهم جدا مع الامير فيصل وهو ما يعرف ببروتوكول ديمشق واللي بينص على انشاء دوله عربيه مستقله في كامل اراضي شبه الجزيره والشام والعراق واعتراف بريطانيا بهذه الدوله ومساندتها مع منح بريطانيا امتيازات اقتصاديه وعسكريه في الدوله العربيه الجديده وده كان الاتفاق اللي حصل ما بين الامير فيصل وحزب العربيه الفتاه مش فاضل بس غير ان هو يقدمه للانجليز على علشان يوافقوا عليه وعلشان اجيبها لك على بلاطه يعني لو البروتوكول ده اتقدم لاي مسؤول انجليزي حتى لو كان البواب بتاع قصر بيكنج هام مش بعيد يرميه في وشهم ايه يا اسطى ده كله يعني انتم عاوزين تعملوا دوله عربيه بالحجم ده وعاوز نعترف بيها ونساند وكمان نديكم سلاح وندربك ببلاش لا وايه هتقدم لنا امتيازات للاو النبي هي دي الاغراءات بالنسبه لكم امتيازات ضعفنا احنا كده يعني وهنوا فق على طول وبعدين يعني انا ايه يديني ضمانات ان انتم ما تخونو ما يمكن اديكم اللي انتم عاوزينه وتتحالف مع العثمانيين بعد كده ما احنا لسه حاكين القصه دي من شويه ولكن كل الكلام ده كان قبل ظهور لورنس على الساحه او بمعنى اصح قبل ما لورنس يصبح ضابط مخابرات في الجيش البريطاني لورنس قدم معلومات للمخابرات الانجليزيه ان العرب مش بيطيقوا العثمانيين والكلمه من لورانس موثوقه لان بالاضافه لكونه انجليزي اللي هو ابننا وحبيبنا واكيد هثق فيه فهو برده الاكثر معرفه بشؤون العرب عاش سياسه التتريك وسخط الناس عليها وعاش فتره التجنيد الاجباري ومحاوله هروب الناس منه وسمع كل الكلام السلبي والشتايم اللي بيقولها الشعوب العربيه على العثمانيين العرب مش معاهم سيره غير ذم العثمانيين بلاطين وسياسيه وضباطه وولادهم ومن هنا نظره الانجليز لطلبات الشريف حسين وبروتوكول دمشق اتغيرت تماما من نظره استحقار واستهتار وتقليل الى نظره استغلال وخصوصا مع قيام الحرب العالميه الاولى الحرب اللي كانت الخنادق فيها هي الخصله المميزه كل جيش موجود في الخندق بتاعه ما بيعملش حاجه غير ان هو بيرمي قذايف على الجيش الثاني حرب راكده ما فيش فيها اي حاجه جديده غير موت الجنود وصرف الفلوس والموارد وده اللي كان هيجنن الانجليز وخصوصا ضد العثمانيين نظرا للمساحه الجغرافيه المهوله اللي العثمانيين بيسيطر عليها وكل ده استوجب فتح جبهه حرب جديده ضدهم يعني احنا بنحارب العثمانيين من الجبهه الاوروبيه بس ودي جبهه زي ما انت شايف كلها خنادق لازم كمان نحاربهم من الجبهه الاسيويه علشان قوتهم تتوزع ويسهل القضاء عليهم فانت هنا هيجي على بالك سؤال مهم هو معلش يعني مش فتح جبهه جديده زي ما هيفرق قوات العثمانيين هيفرق كمان قوات الانجليز ما هو زي ما العثمانيين هيقسموك وبالتالي هيصبح اضعف الانجليز كمان هيعملوا نفس الحركه هيقسموك وهيصحبني ماسبوش حاجه ومين قال لك ان الانجليز هم اللي هيفتحوا الجبهه الجديده في حد غيرنا هو اللي هيقوم بالوظيفه دي والحد ده هو العرب فاكرين الشريف حسين هو ده المفتاح اللي هيحل معضله الحرب وهيساعد انا في القضاء على الدوله العثمانيه وعلى سنه 1915 واثناء ما الحرب العالميه الاولى فق وجهه كانت الاتصالات ما بين الشريف حسين واللورد ماكماهون وصلت لذروتها ما خلاص دلوقتي ماكماهون هو اللي محتاج الشريف حسين وخلي بالك هنري ماكماهون ده مش شخص قليل ده المندوب السامي البريطاني في مصر واعلى قياده انجليزيه في الشرق الاوسط كله ايه رايك يا عم الشريف انا موافق على كل طلباتك عاوز تعمل دوله عربيه موافق عاوزها تكون مستقله موافق عاوزنا نعترف بيها موافق عاوزها تمتد من مصر لايران شامله شبه الجزيره العربيه والشام والعراق موافق عاوز سلاح وزخيره واستخبارات عسكريه انجليزيه برده موافق بص انت بس اؤمر وانا هنفذ وما تشيلش هم اي حاجه كله عل يا معلم ما تشيلش هم وعلشان اثبت لك حسن النيه هسيب معاك واحد من امهر ضباط الاستخبارات انجليز وحذر فذر مين الضابط ده توماس ادوارد لورنس لورنس كان بمثابه المستشار الانجليزي للشريف حسين بيوفر له كل المعلومات اللي هو عاوزها وبيعمل تنسيق بينه وبين الجيش الانجليزي اللي في مصر وبيوفر له سلاح وذخيره في حاله ان حصل اي عجز وبيدي له معلومات استخباراتيه انجليزيه حساسه جدا عن العثمانيين اه امال ايه دي نتاج اربع سنين من التجسس ويمكن من قبل كده كمان ده احنا اللي نعرفه قليل ومش كده وبس ده الانجليز كمان انشقوا ما يعرف بالمكتب العربي في القاهره واللي كان غرضه نشر دعايه مضاده للدعايه العثمانيه والالمانيه اصل العثمانيين والالمان من ساعه ما بدات الحرب وهم عمالين يلعبوا في دماغ العرب اللي موجودين في شمال افريقيا وبينشر دعايه سلبيه ضد الانجليز في مصر وضد الايطاليين في ليبيا وضد الفرنسيين في تونس والمغرب والجزائر اللي هو بالعربي يعني بيتم نشر دعايه ضد اي احتلال موجود في اي دوله عربيه على امل انهم يثوروا عليهم ويساعدوك في الحرب استنى استنى استنى استنى هي مش دي نفس اللعبه اللي الانجليز بيفكروا فيها اللي هو ثوره ومش ثوره وتاكل نفسك من جوه واحنا ننتصر في الاخر يا اد الذينه يعني العثمانيين والالمان كانوا بيفكروا بنفس طريقه تفكير الانجليز كل واحد عاوز يستغلنا لصالحه هو احنا لعبه للدرجه دي اه والله للاسف دي يعني حقيقه مره لابد من الاعتراف بيها ولكن عارف ايه اللي يغيظ ان احنا بيتلعب بينا بقى لنا 100 سنه ولحد الان لسه ماتعلمناش 100 سنه ولسه زي ما احنا بيتلعب بينا اللي هو يعني صباح الفل خالص فانت هنا هيجي على بالك سؤال مهم هو ازاي الشريف حسين ما حسش ان في حاجه غلط يعني الانجليز اللي من كام شهر بس كانوا مترددين ان هم يتحالفوا معاه دلوقتي بيرموا بياضهم وبيدوا وعود بالعبيط هو معلش يعني مش كل ده يخلي الشريف حسين يشك شويه اصل من امتى الحدايه بتحد في كتاكيت لا خلي بالك الشريف حسين كان هيشك فعلا لو كل ده كان حصل في توقيت مختلف انما احنا دلوقتي في الفتره ما بين 1914 و 19916 الفتره اللي انجلترا فيها كانت موحوه في الحرب موحوه حرفيا والخنادق كان ممكن تؤدي الى هزيمتها وبتدور على اي حد يطلعها من الوحله اللي هي فيها فكل اللي فكر فيه شريف حسين ان هو المنقذ بالنسبه للانجليز غيروا موقفهم من التردد للموافقه التامه علشان هو ده سبيلهم الوحيد علشان كده تلاقي ان طلباته يعني كان مبالغ فيها شويه انها تتقدم لحد زي الانجليز ما كانش يعرف ان في لعبه كبرى بتتلعب من من ورا ضهره وعلى سنه 1916 كان بدا الشريف حسين بمساعده اولاده في تجميع القوات اللي هيحارب بيها قبائل من كامل انحاء الجزيره العربيه والشام والعراق بيدعو للحرب ضد العثمانيين وبيقدم لهم وعود بالنصر المؤكد وانهم هيتحرق من ذل التجنيد الاجباري وذل سياسات التتريك اللي هتمحيني وعذاب الضرايب الضخمه والولاه العثمانيين الدكتاتوريين امثال احمد جمال باشا اللي كان محول منطقه الشام الى ارض من رعب وكل ده والعثمانيين مش حاسين باي حاجه مشغولين في اوروبا واللعب كله بيحصل في اسيا ولكن السر ده ما يستمر كتير لان الاخبار بدات تتسرب للعثمانيين ان الشريف حسين بيفكر ان هو يتمرد عليهم وهنا تقرر القيادات العثمانيه عزل الشريف حسين من ولايه مكه وتعيين علي حيدر باشا على الاماره مكانه ولكن الاوان كان فات لان خلاص كل شيء اصبح جاهز وفي 10 يونيو 1916 شريف حسين يضرب طلقه من بندقيته في سماء مكه وسط تجمع ضخم من مناصريه معلنا بدء الثوره العربيه الكبرا الثوره اللي هتنتهي بكارثه على العرب احنا بنعيشها لحد وقتنا هذا واستنونا في الحلقه الجايه ان شاء الله و بسك دي كانت كل حاجه لحلقه النهارده يا ريت لو عجبتك الحلقه دي ما تنساش تعمل للا وشارك في القناه ولو عندك اي سؤال تكتبه لي تحت في التعليقات وان شاء الله اجاوب عليه في حاله الاسئله اللي بنعملها كل اسبوع ولو عجبتك الحاله دي تشيرها مع اصحابك و شكرا