Why do we pay billions to Spain to travel through our own Sahara

واش في خبارك ان اي طياره غاده في السما ديال المغرب ولا كدوز على السما ديال المغرب المغرب كيتخلص عليها 700 دولار حتى ل 1200 دولار على كل طياره وكل نهار كدوز 1500 طياره تقريبا في السما ديالنا ايوا حساب شحال ديال الفلوس اواه كيفاش هي قول لي حى احنا عندنا بحال مضيق هرمز اللي داز يخلص تقريبا غير هو احنا عندنا السما واسعه بزاف كدخل فلوس قليله ماشي بحال المضيق ومعروفه راه قد ما كيضيق قد ما الثمن كيطلع وعوتاني على حساب الزبون تما را كيدوزوا ناقلات النفط هنا را الطائرات المدنيه ايوا هذه زوينه هذه كتسمى السياده على المجال الجوي اي دوله ما عندهاش غير الارض عندها الارض السماء والبحر والقانون الدولي تيقول ان اي دوله عندها السياده الكامله على السما ديالها حنا المغرب بغينا نسدوا السما ديالنا نسدوها والله واحد لا داز بغينا نحبسوا على دوله محدده مادوش مادوش وهذاشي دارته الجزائر الحريبيه دارت على الطائرات المغربيه ديالنا ومنعات على الطائرات المدنيه والعسكريه المغربيه دوز من السما كامله ديال الجزائر وولينا كنضربوا واحد الدوره قدا قداش المهم حتى حنا بغينا نديروها را نديروها غالقاونا ولاد الناس وحنا المغرب كنفرضوا الفلوس اللي بغينا على الطائرات اللي باغين يدوزوا من السما ديالنا وما عند الحق حتى شي طياره دوز من السما ديالنا الاى تشاورات معنا نعم سيدي ايوا اراك ل السما ديال الصحراء المغربيه كيفاش بلانها بلانها انها يوميا كيدوزوا من السماء ديال الصحراء ديالنا تقريبا 100 طياره في النهار لكن المغرب ما كيتخلص منها والو تريال وبالعكس وهو تيخلص اويلي اويلي كيفاش وتيخلص شكون المغرب تيخلص اسبانيا والسينغال ايواش جاب السينغال الهضره وبلاتي تبع وغنفهمو لا لا وبلاتي ما تزربش علي عاود وخيي دابا المغرب يقدر يمنع ولا يتحكم في السماء ديال الصحراء المغربيه بحال السما ديال الفوق لا واش عندنا السياده على المجال الجوي ديال الصحراء لا واش خصنا الا بغينا ندوزوا من السماء ديال الصحراء ديالنا خصنا حتى نتشاور مع السباليون وهي اللي تقيدنا وتقول لنا ها منين دوزوها ونتبعوا التعليمات ديالها نعم ايوا را ما يمكنش ايوا را هذا الشي اللي عطى الله ايوا ها الغدر بدا لاستيك تقطع ايوا كيفاش واش رجعنا الارض ديال الصحراء المغربيه ونسينا السما ديالها والسما بقات مستعمرها اسبانيا ولا كيفاش سيداتي سادتي حلقه اليوم موضوع خطير جدا اليوم غادي خصنا نفهموا كيفاش خصنا ندير باش نفهموا كيفاش ندير من يتحكم في سماء الصحراء المغربيه علاش تنخلصوا اسبانيا الملايير باش ندوزوا وشنو القصه ديال هذا الشي اعطونا لايك اشتركوا في القناه تابعوني على الانستغرام وعلى بركه الله نبداو وباش نفهموا علاش المغرب تيخلص اسبانيا الملايير كل عام منين تيدوز من السماغ ديال الصحراء المغربيه ناخذوا واحد المثال واضح وبسيط وتابع معايا مزيان مزيان وحل معيا عقلك غادي ناخذوا مثال ديال طياره مغربيه لارام غادا تقلع من طنجه وغادا تمشي لاكادير غادا تبلاصي في اكادير غادا تحط الركاب وغادي تهز بلايص جداد وغادا تكمل من اكادير حتى للداخله زوينه مثال ساهل وحلو ايوا اشنو كيطرى مورا الكواليس اللي ماكنشوفوش حنايا قبال ما الطائره المغربيه تحرك من طنجه الشركه ديال الطيران لارام كتصيفط خطه الطيران من طنجه لاكادير للسيستم المركزي ديال اي اف بي اس واللي كيسقيها المكتب الوطني للمطارات اوندا والوحدات المراقبه الجويه المغربيه والابراج ديال المغرب هذ الخطه تتكون فيها منين خارجه الطياره فين غاديه شنو الطريق الجوي شنو النوع ديال الطياره وشنو المطارات سكور الا وقع شي مشكل المراقبه الجويه المغربيه ولا المكتب الوطني ديال المطارات اوندا تيكون عارف قبل ما الطياره تحرك عارف كلشي ان الطياره غادي تمشي من طنجه حتى اكادير المغرب عنده سما وحده كيتحكم فيها اولا منطقه جويه وحده كبيره سميتها منطقه كازا الجويه شاده السماء ديال المغرب كامل بدون الاقاليم الجنوبيه هذ المنطقه الجويه مقسومه على جوج ديال المراكز مراقبه مركز مراقبه جويه ديال كازا كازابلانكا اسي سي ومركز مراقبه جويه ديال اكادير اكادير اسي سي وهذ المراكز تابعه للمكتب الوطني ديال المطارات اوندا اللي هي المؤسسه المغربيه اللي كتسير السما ديال المغرب البيلوط ديال لارام هو باقي في الباركينغ ديال مطار طنجه كيطلب الاذن من برج المراقبه طنجه واش صافي نخرج من الباركينغ واش نمشي للمض مدرج وبرج المراقبه ديال طنجه تيقيده ووقف يلاه طلع يلاه قلع ومين كطلع الطياره للسماء وكتبعد على المطار برج المراقبه ديال طنجه ما بقاش مسؤول سلات المهمه دياله هنا ولات الطياره في السماء البيلوط كيبدل الفريكونس ديال الراديو وكيهضر مع مركز مراقبه كازا اللي هو اللي شاد ديك لازون ديال السما وكيسير الطيارات اللي دايزه تما هاد مركز كازا للطيران ديجا عارف انها الطياره جايه فهو اللي تيبقى يهضر مع البيلوط تيقولله بقى فهاد الطريق زيد السرعه نقص راك غادي مزيان برافو ومنين تيقرب لازون ديال السما ديال اكادير البيلوط تيبدل الراديو لمركز المراقبه اكادير هو اللي تيكمل معه الرحله حتى كتقرب الطياره لمركز اكادير مني صافي الطياره غادا توصل لمطار اكادير وغادا تبغي تبلاصي في الارض البيلوط غادي يسالي الهضره مع مركز المراقبه وغادي يبدا يهضر مع برج اكادير لان برج اكادير هو المسؤول على الهبوط وهكا البرج ديال اكادير تيشوف واش المدرج خاوي ياك ماكيناش الطياره باغا تقلع وهو اللي تيعطي لديك الطياره الاذن بالهبوط فاذا لاحظتوا هنايا فهمنا ماكناش اسبانيا نهائيا هذاشي كامل داخل في المنظومه المغربيه ديال المكتب الوطني ديال المطارات اوندا والمغرب هو اللي تيتحكم في كل شيء وهو اللي كيسير كل شي ايوا اراك لي وصلت الطياره الاكادير وصلت سالمه غانمه الركاب صلوا على النبي على السلامه ودابا غادا تبدا الرحله المرعبه من اكادير للداخله داخله فين كاينه كاينه في الصحراء المغربيه مزيان نفس الشيء قبل ما تقلع الطياره من اكادير كتصيفط خطه الرحله للنظام المركزي اي اف بي اس اللي كيوصل الخبيزه للمغرب والاسبانيا المغرب المكتب الوطني للمطارات سبانيا مركز مراقبه كناريا اسبانيا عندها ثلاثه ديال المناطق جويه منطقه مدريد الجويه منطقه برشلونه الجويه ومنطقه كناريا الجويه جويه منطقه كناريا الجويه فيه مركز مراقبه واحد هو مركز مراقبه كناريا فلاس بالماس تابع للاناير وهي المؤسسه الاسبانيه ديال الملاحه الجويه وهي اللي كتسير المجال الجوي للصحراء المغربيه دابا الطياره المغربيه وهي مازال في الباركينغ ديال اكادير البيلوط غادي يهضر مع البرج ديال اكادير ولا تورد كونطرول د اكادير هو اللي كيعطيه الاذن بالاقلاع كيطلع للسما كيولي كيهضر مع مركز مراقبه اكادير وهو فين غادي للداخله الداخله فين في الصحراء المغربيه مزيان دابا الطياره غاده في السماء في امان الله وهي غاده غاده غاده غاده اشويه كدخل للسماء ديال الصحراء لهد لازون اللي كتحكم فيها اسبانيا ولا نقولوا كتسيرها كتسيرها كتجي رطبه شويه كتسيرها منطقه كناريا الجويه بحال بغيتي تقول كاين الحدود في السماء البيلوط منلي كيوصل لديك الحدود في السماء المغرب ولا المراقبه الجويه ديال المغرب تتقول البيلوط انا صافي سالات المسؤوليه ديالي هنا شوف هضر دابا مع الصبليون البيلوط كيبدل الراديو ديو لمركز مراقبه كناريا وكناريا هي اللي كتبقى تسير في البيلوط دوز من هنا اناري المهم عندك غمامه كبيره تما دوز من لهيه طلع شويه هبط خلي مسافه الامان مع الطياره الاخرى وهذ المسافه كامله ديال الصحراء المغربيه كتبقى كتحكم فيها اسبانيا حتى كتقرب توصل الطياره للمطار ديال الداخله وكتسلمها لبرج المراقبه ديال الداخله وبرج الداخله هو اللي تيعطي الاذن بالهبوط ووصلت طيارنا ووصلت طيارتنا بخير وعلى خير وعلى سلامتها ولكن هي وصلات بخير وعلى خير ولكن احنا تخربق لنا الميموار ديالنا كيفاش اش واقع علاش اسبانيا داخله معنا في الصحراء ديالنا ايوا اجي نفهموا القصه من الاول في 1944 غادي يتلاقاوا كاع الدول في شيكاجو وغيديروا اتفاقيه شيكاكو للطيران المدني الدولي واسوا منظمه الطيران المدني الدولي ماكفاهمش رسم الحدود على الارض رسموا الحدود حتى في السماء وولات عندنا هذه السمه ديال اسبانيا هذه السمه ديال فرنسا وخرجوا قانون كل دوله دوله عندها كامل سياده على السما ديالها كل دوله عندها سياده كامله وحصريه على المجال الجوي اللي فوق ترابها تحبس اللي بغات وتدوز اللي بغات تفرض القوانين ديالها المهم ديك الساعه المغرب مازال ما استقلش المغرب غادي ياخذ الاستقلال سنه 1956 وولى دوله مستقله كامله السياده واوطوماتيكمون تياخذ السياده على السماء المشكله ان في هذا الاستقلال استقل غير الجزء الشمالي اما الصحراء باقى تحت الاستعمار الاسباني بالارض ديالها وبالسما ديالها ومن بعدها جات اتفاقيه الامم المتحده لقانون البحار 1982 اللي كتعطي لكل دوله السياده على البحر ديالها وعلى السما ديال البحر ديالها مزيان ايوا تبع تبع معايا الله يرحم بها الوالدين دابا وصلنا للنكعه ديال الموضوع وهذه هي الثغره اللي كيستغلوها الاعداء باش يقولوا اه شو المغرب ما عندوش السياده على الصحراء والسياده على المجال الجوي ديال الصحراء باقي لاسبانيا وهذه غالطه 100% وخصنا نفرقوا ما بين السياده على المجال الجوي والاداره ديال المجال الجوي حيث المدير ماشي هو مول الشي وماشي اي واحد تيسوق طوموبيل فراه ديالو ديك الطوموبيل قبل 1975 الصحراء المغربيه كانت سميتها الصحراء الاسبانيه بالنسبه للقانون الدولي الارض تابعه لسياده اسبانيا ومعها السياده على المجال الجوي وعلى المجال البحري فمنين قسموا قسموا بهذا الشكل وهذاشي كله تابع لاسبانيا للمنطقه الجويه جويه كناريا واسبانيا دارت انظمه مراقبه جويه في المجال الجوي اللي كان عندها في 1975 خرجت اسبانيا من الصحراء صافي غير خرجات فقدات السياده على الارض ديال الصحراء واوطوماتيكمون فقدات السياده على المجال الجوي ديال الصحراء ما بقاش عندها نهائيا حنا درنا المسيره الخضراء واسترجعنا الاقليم ديال العيون الساقيه الحمراء وغنينا العيون عينيه الساقيه الحمراء ل ومراها منين خرجت موريتانيا من منطقه التيرس الغربيه استرجعنا اقليم الداخله وادي الذهب هذاشي كله درناه ولكن الامم المتحده ما اعترفاتش لينا بالسياده على الصحراء ديالنا وبالتالي منظمه الطيران المدني الدولي بقى عندها السيستيم القديم ديال المنطقه الجويه كناريا اللي كتسير شكون كتسير اسبانيا الامم المتحده ماكتعترفش الاسبانيا بالسياده على المجال الجوي ديال الصحراء ولا على السماء ديال الصحراء صافي اسبانيا انت خرجتي سيري الله يعاونك والمنطقه ولات بالنسبه للامم المتحده هي منطقه غير متمتعه بالحكم الذاتي ايوا هنا المنظمه ديال الطيران المدني الدولي اش دارت خلات داكشي ما هو بقات خدامه بالسيستيم القديم وعلاش ما بدلاتوش ياك اسبانيا خرجات من الصحراء الجواب بكل بساطه حتاش منظمه الطيران المدني ماشي مكلخه وهي كتفرق ما بين السياده الجويه وبين تسيير المراقبه الجويه ماشي بحال الاعداء المغرب اللي كيخلطوا بيناتهم منظمه الطيران المدني ماشي محكمه وما كتقرر لا الصحراء مغربيه ولا ماشي مغربيه هي كتهتم بالسلامه والامن ديال الطائرات المدنيه وماكتبدل شي حاجه حتى كيكون اتفاق مدني كامل مكمول وها هي وها هي موريتانيا دوله كامله السياده ولكن ماطاتهاش التسيير ديال المراقبه الجويه علاش حيت ما تقدش عليها وعطاتها الوكاله اقليميه افريقيه للملاحه الجويه ا اس او سي ان ا نفس الشي السنغال والنيجير ومالي ولكن مادوخنيش علاش تنخلصوا اسبانيا باش ندوزوا في السما ديال الصحراء ديالنا الجواب حنا ما تنخلصوش اللي كتخلص هي شركه الطيران سواء كانت مغربيه ولا اجنبيه وايه اسيدي ولكن علاش كتخلص ماكتخلصش الثمن ديال الدخول للصحراء لا كتخلص مقابل سربيس رسوم خدمه الملاحه الجويه دوك المراقبين الجويين دوك الرادارات دوك وحدات الانقاذ بحال شركه كتخلص شركه وصافي وبالنسبه للطيران الحربي والطائرات العسكريه المغربيه واش نفس القضيه ولا لا واش طائره عسكريه مغربيه خصها تهضر مع اسبانيا ولا كندا الجواب لا ماكتصيفطش خطه تجاريه عاديه وماكتخلصش رسوم عبور بحال شركه طيران وماكتلبش من كناريا سمحوا لي راه بغيت ندير مهمه طائره كتخدم باوامر عسكريه مغربيه كاين غير استثناء بسيط جدا هو الا كانت طائره عسكريه غادا تدوز في مسار مدني ولا في عبور عادي ولا غادا قريبه من طائرات مدنيه هنا ممكن يكون تنسيق مدني عسكري غير باش ما يوقعش خطر وهذاشي اللي كاين تنخلصوا اسبانيا ماشي لانها هي مولاد الصحراء ولكن هي اللي باقى كدير الخدمه ديال المراقبه الجويه المدنيه في جزء من الصحراء المغربيه بسبب واحد التقسيم قديم اللي باقي ما تبدلش في 2022 بدات المشاورات ما بين المغرب واسبانيا باش تنقل اداره المجال الجوي للمغرب وراهم دابا تيهضوا على هذا الشي ويكون خير ان شاء الله وخلاص صافي منلي غادي يطبق الحكم الذاتي في الصحراء المغربيه والسياده غادا تبصم لينا الامم المتحده راها ديالنا ديك الساعات غادا تحيد اسبانيا من المعادله نهائيا سيداتي سادتي حلقه اليوم سلات شكرا شكرا لكم بزاف على المتابعه ما تنساوش تعطونا لايك تشتركوا في القناه تابعوني على الانستغرام كان معكم خوكم وحبيبكم يونس مسرار السلام عليكم دوزوا بخير يلا