العصبية أسباب و كيفية التخلص من العصبية

اهلا بيكم حلقه جديده من سلسله في الرحله كنت نزلت على الانستغرام انه بعتولا اسئله وايه الاسئله بتاعتكم جاوبنا على شويه اسئله وفي كان كذا سؤال متكرر عن العصبيه عن اداره العصبيه وردود الافعال وازاي ان انا اتخلص من العصبيه بتاعتي فقررت ان احنا نعمل الحلقه دي عن العصبيه اسبابها وعلاجها وازاي نقدر ان احنا نكون اهدى كده في حياتنا طيب تعالوا الاول نفهم فهم ان العصبيه دي مش هي المشكله العصبيه هي عرض لمشكله ثانيه هي دي اللي احنا محتاجين نعالجها فنقدر ان احنا نكون هاديين اكت عندنا ثبات انفعالي اكت عندنا سلام اكت طيب تعالوا في الحلقه دي هنتكلم عن ست اسباب رئيسيه بيسببوا لنا او بيزودوا عندنا العصبيه طيب اول سبب موجود جوانا هيكون سبب ان انا جوايا في الترا تراكمات كتير من مشاعر موجوده جوايا طيب المشاعر اللي موجوده جوايا دي انا مش بعالجها مش بعرف اتعامل معاها صح فبتفضل تتراكم تتراكم تتخزن تبوظ الدنيا اكت فزي ما بيقولوا كده انا بقيت على اخري انا خلقي في مناخيري ده من ضمن اسبابه اني عندي تراكمات كتير من مشاعر متخزنه جوايا مش متعالجه ما طلعتش بره جسمي فبالتالي ايه اللي بيحصل؟ بكون ابو لمس كده زي ما بيقولوا اي حد بيلمسني بيبتدي يخبطني يناديني بس مامي اي حد يعمل اي حاجه على طول اقوم متعصبه يبقى اول حاجه محتاجه اسال نفسي هل انا عندي تراكمات جوايا في المشاعر طيب هل انا بعرف اصلا اعبر عن المشاعر بتاعتي لان في بعض الاوقات انا مش بس عندي تراكمات انا مش عارفه اعبر كمان عن اللي جوايا فاي ما حد جي يكلمني او على طول متعصبه لاني مش عارفه عارفه اشرح اللي جوايا مش عارفه اعبر عنه طيب في الحاله دي هنعمل ايه؟ يبقى انا لو عندي ده هحتاج ان انا يوميا اكون بدرب نفسي اني اقعد اكتب اعبر عن اللي جوايا واطلع وانفس عن اللي جوايا بغض النظر المشكله اتحلت او ما اتحلتش بس انا لازم انفس واتكلم واعبر واطلع وممكن ده بنعمله بالكتابه العلاجيه ممكن اعمله ان انا حتى اقعد اتكلم فيه مع نفسي بصوت عالي ي واطلعه واعبر بيه واسمح لنفسي اني انا اشعر المشاعر دي فمهم قوي ان انا اعبر وانفس عن المشاعر اللي متخزنه جوايا طيب لو انا حاسه ان انا عندي غضب بقيت اجريسيف بقيت عصبيه وحاده قوي يا نرمين مع العصبيه بتاعتي هحتاج في الاول ابتدي امارس رياضه الرياضه دي شويه تكون عنيفه او قويه جري ا اروح مثلا اجري اعمل سباحه ان انا مثلا اعمل فيتنس حاجات تمارين تكون صعبه شويه عشان افرغ فيها الطاقه الزياده اللي موجوده في جسمي وبعد مع الكتابه ومع الرياضه وبدات اشعر فعلا اني بدات افرغ الطاقه الزياده دي هبتدي ادرب نفسي اني امارس انواع ثانيه بقى من الرياضه هي ان انا امشي عشان اهدى هي ان انا مثلا اعمل استرتشات اعمل يوجا اعمل حاجات على الهادي عشان اهدي نفسي فالاول بفرغ وبعد كده ببتدي ان انا اهدي طيب في سبب ثاني يخليني اكون عصبيه او اكون عصبي ان انا يكون العالم الداخلي بتاعي مكركب في كركبه جوايا الكركبه اللي جوايا دي ليها اسباب كتير قد يكون جوايا صراع داخلي خناقه دايما جوايا ما بين صح وغلط ما بين اعمل حاجه ولا ما اعملهاش ما بين اعيش كده ولا اعمل كده في خناقه جوايا في صراع داخلي ممكن يكون جوايا جلد للذات فالصوت اللي جوايا شغال على طول عمال يجلدني انت غلط انت غبيه انت ما بتتعلميش انت انت فالدوشه والكركبه اللي جوه دي مخلياني على طول عصبي ممكن يبقى دماغي زي ما يقول لك على طول شغاله عندي اوفرنكينج عندي طول النهار دماغي شغاله فاي حد جي يكلمني اقوم متعصبه مهم قوي افهم انا الكركبه اللي جوه عندي في العالم الداخلي بتاعي ايه طيب لو لقيت عندي اوفرنكين عاملين حلقه عندنا في القناه عن الاوفرنكين نسمعها عندي صراع داخلي هنلاقي في الحلقات شويه ننزل تحت هنلاقي حلقتين عن الصراع الداخلي عندي جلد الذات في حلقه عن جلد الذات كل ما يخص المشاكل اللي من جوه البيرن اوت الاحتراق النفسي هنلاقي حلقه كامله عن الاحتراق النفسي يبقى لو انا عندي مشاكل داخليه هروح احدد المشكله بالظبط سواء سمعتها من عندي من حد تاني متخصص متابعاه هروح احدد المشكله الاوفرينك والله جلد ازاي الصراع الداخلي واروح اعالج المشكله دي السبب الثالث اللي بيخليني عندي عصبيه ان الكركبه بقى واللخبطه دي في العالم الخارجي بقى بتاعي مش بس في العالم الداخلي دنيتي كده زي ما بنقول مبهوقه مكركبه مش متظبطه مش مترتبه فبتلاقي الناس دي ما عندهاش اداره للوقت الناس دي حياتها مكركبه البيت مكركب المكتب مكركب الكتب مكركبه كل المكان اللي انا قاعد فيه اصلا مكركب اصلا متلخبط الطريقه اللي برتب بيها ورقي لو انا بشتغل لو انا بذاكر بحضر مواد كلها مكركبه دايما متاخره عن مواعيدي لان انا ما عنديش اداره وقت فمش بعرف احسب الوقت فبجري فطول ما انا بجري او وقع مني تاسك فبالتالي بكون اكث عرضه للعصبيه يبقى انا محتاجه اسال نفسي يا ترى العالم الخارجي بتاعي مكركب يبقى انا محتاج ابتدي ارتبه انا عايزه دايما اكون حريصه البيئه اللي انا قاعده فيها تكون مترتبه طيب عايزه اكون ببتدي دي اتفرج بره ايه الكركبه محتاجه اعمل تايم مانجمنت محتاجه اعمل اداره لوقتي محتاجه ان انا ابقى كل يوم عارفه انا هعمل ايه ورايا ايه واحط تايم ووقت محدد للحاجه اللي انا هعملها وللحاجه اللي انا هبتدي اخطط ليها ما يبقاش يومي اللي هو بصحى من النوم وقاعده على الكنبه ها طب اعمل ايه طب انام طب اتفرج على المسلسل طب انزل طب اعمل اللي انا كنت عايزه اقوله النهارده طبخت بعد ما نزلت الولاد بكره طبخت قبل ما يرجعوا على طول بعده نمت ونزلت بعد كده رجعت جاريه اطبخ مهم قوي يبقى عندي روتين وعندي سيستم وما عنديش حاله من العشوائيه في حياتي من اكت يا جماعه الحاجات اللي جهازنا العصبي مش بيحبها العشوائيه جهازنا العصبي عايز امان والامان بالنسبه له سيستم يعني انا لو عندي عصبيه يبقى معناه ان اكيد ما فيش امان ولو انا عايزه هدوء ثبات انفعالي سلام يبقى ده هيكون مربوط بالامان جهازي العص عصبي طول ما هو مستعجل بيجري متوتر مش عارف انا ورايا ايه متاخره متلهوجه الدنيا مكركبه هو مش بيشعر بالامان هو عنده لخبطه فبالتالي هكون اكث عرضه ان انا اكون انسانه عصبيه يبقى هحتاج جدا انظم حياتي وانظم روتين وابقى ليا سيستم وابقى عارفه كده ايه اولي من اخري كده زي ما احنا بنقول السبب الرابع اللي يخلينا عندنا عصبيه ان انا بحط ترجمه معينه على الاف الافعال اللي بتحصل او الاحداث وبتكون الترجمه دي دايما بتكبر بتهول ا بشخصن قوي الامور وباخدها بشكل كده شخصي جدا وبحساسيه فبالتالي بتولد عندي غضب وبالتالي عصبيه يعني مثلا ناخد مثال واحده مثلا رايحه شغل النهارده وهي متشيكه ولابسه وجميله وحلوه فواحده زميلتها قالت لها ايه ده شكلك حلو قوي ما عرفتكيش شكلك زي القمر النهارده هي بتقول لها كومبليمون حلو بتقول لها حاجه حلوه طيب فهي ردت عليها ايه او مشيت بعد ما مشيت رايحه بتحكي للناس تصوروا بتقول لي كذا كذا قصدها ايه يعني قصدها ان انا قبل كده ما كنتش حلوه قصدها يعني ان انا باجي الشغل مبهدله كل يوم يعني قصدها ان انا ماارفش ايه قصدها فبدا يبقى عندها غضب وبدات تتعصب وبدات تبقى في حته وحشه ليه لان الترجمه اللي انا حطيتها يبقى هي شايفه ان انا مش حلوه وكذا وكبرت الموضوع في الوقت ان احنا عادي بشر كلنا عندنا تفاوت يوم بننزل عادي مش عاملين مجهود في اللبس يوم بننزل متشيكين يوم بننزل غاسلين وشنا يوم بننزل حاطين ميك اب كلنا عندنا بلس اور ماينس درجه الحلاوه الشياكه الاهتمام ما فيش حد يعني كله عنده بلس اور ماينس فلما اجي اقول لك النهارده الله شكل مش معناه ان اللي فات كله مش موجود وان كل اللي فات وحش بس النهارده الله في حاجه حلوه وحد بيديكي كومبليمون حلو يبقى انا محتاجه واحده مثلا اخت جوزك جابت لك هديه معينه انت كنت متخ متخيله انها هتجيب لك هديه احسن فروحتي اتعصبتي وقعدتي تقولي لجوزك هي ايه هي مش مقدراني هي مش بتحبني دي راحت ما عملتش مجهود دي كذا كذا قعدت شخصنت الموضوع وحطيت عليه ترجمه انها مش محترماني وانها مش مقدراني وان بس انا ما حاولتش اروح اشوف الموضوع من زاويه ثانيه مش يمكن اخته ده هي ما عندهاش فن اختيار الهدايا دي سكيل مش عندها مش يمكن عندها ولاد صغيرين مش فاضيه تنزل تلف بروقان وبمزاج عشان تجيب لك الهديه اللي انت فهي الست كتر خيرها نزلت عملت الواجب جبت لك هديه وخلاص ليه كل ترجمه فيها نظريه مؤامره فيها تهويل فيها شخصنه يبقى لو انا بعمل كده هحتاج ادرب عقلي ان لما اقفش نفسي متعصبه ومتضايقه مهم جدا ان انا ابتدي اشوف ايه الترجمه اللي انا حطاها على الحدث الترجمه اللي انا حطاها على الحدث اللي حصل في حياتي او الفعل في حياتي وابتدي اسال نفسي ايه ترجمه ثانيه انا ممكن احطها طب ايه زاويه تانيه للقصه انا ممكن اشوفها؟ طب ايه ممكن حاجه تانيه لو انا مشخصنه الموضوع ايه ممكن تكون ليها علاقه بالطرف الثاني مالهاش علاقه بيا بحاول ادرب عقلي ان يكون عنده مرونه وان هو مش كل حاجه لازم اقف اشوفها من زاويه التهويل والشخصنه وان انا ادي الامور اكبر من حجمها طيب خامس حاجه ممكن بتسبب لي العصبيه ان انا يكون عندي عادات في يومي غلط يعني ايه مش مظبطه الاكل بتاعي ما عنديش نظام زي ما قلنا جهازي العصبي مش بيشعر بالامان ا يوم اصحى افطر يوم اصحى ما افطرش يوم اتغدى الساعه 3:00 يوم ما بتغداش يوم بقعد لحد الساعه 10 بالليل مش حاطه حاجه في بقي اللخبطه عندي في العادات بتاعتي ما عنديش اوقات ثابته للاكل مش مظبطه النوم بتاعي بسهر كتير بصحى بدري ملخبطه نومي بصحى وارجع انام في نص اليوم وافضل كتير منين لما احب انام اقوم يقوللك سقطت كده على الكنبه قعدت ساعتين ثلاثه يوم ثاني ادخل انام كذا اللخبطه في العادات ان العادات غلط كل يوم بجيب اكل من بره في ناس تقول لي انا كل يومين بروح الشغل بطلب اكل بطلب فطار او بطلب غداء فبالتالي معدتي مش بيقل لها بنزين نضيف الاكل يا جماعه من اكت الحاجات اللي الناس مش بتنتبه ان هو ليه تاثير كبير جدا على الحاله المزاجيه وعلى العصبيه وعلى النفسيه والعكس كل ما يتضايق اروح اكل واكل اكل غلط فانا اعتقد ان انا بساعد نفسي وانا ببوظ بعكها اكت الاكل هو بالظبط بنزين انا بدخله في جسمي كل ما الاكل بيكون نضيف وبيكون صحي كل ما جسمي داخل له بنزين نضيف كل ما هو هيقدر يتعامل بشكل افضل والعكس كل ما انا بدخل لجسمي اكل بايظ مش مظبوط ومصنع و ومتلخبط كل ما انا اللي داخل لي بنزين مش نضيف فبالتالي زي ما في العربيه كده لما بنحط بنزين غلط بيكسر في الموتور البنزين ده هيكسر فيا الاكل الغلط ده هو بيكسر فيا وفي نفسيتي وفي حالتي وفي كل حاجه يبقى مهم ان انا ابتدي اتبنى عادات صحيه جديده تكون في الروتين بتاعي بمعنى ايه ابتدي اظبط مواعيد نوم مواعيد اكل لو انا مثلا بشرب كافيين كتير ابتدي اقلل ولو بشرب كافيين ايفن مهم قوي لما اشرب القهوه اشربها بشكل صحي الناس اللي بتفتح عينها تشرب قهوه غلط جدا لازم اصحى افطر وبعد لما افطر اشرب القهوه لكن مش ادخل الكافيين على طول على الريق الناس اللي بتشرب بدايل القهوه اللي هي فيها كافيين بس هي مش قهوه يا جماعه الحاجات دي مضره جدا خد قهوه قهوه فيها انتي اكسدنتس الحبوب بتطحن بتتشرب بايا كانت الطريقه نروح بقى نقرا وندور ونشوف ايه هي العادات اللي عندنا غلط ونروح نشوف ايه الصح بتاعها ونبتدي ندخله في حياتنا طيب اخر او السبب السادس بيسبب لنا او بيكون وراه بتيجي العصبيه ممكن يكون يا جماعه كل حد فينا عنده حاجات معينه بتعصبه يعني مش لازم اكون على المطلق انسان عصبي او انسانه عصبيه اه انا بعرف اتحكم في انفعالاتي في 1 ا 3 ا بس في جزئيه معينه دي ما بعرفش بقى اتحكم فيها عندي مش حاجه معينه بتعصبني في الحاله دي هيكون مطلوب مننا حاجتين اول حاجه ابتدي دي ان انا احاول اتغير على قد ما اقدر او اولد كوبن ميكانزم والحاجه الثانيه اني لازم اقول للطرف اللي قدامي ان الحاجه دي بتعصبني يعني ناخد مثال حد مثلا زي حالاتي بيحب قوي المواعيد والالتزام والكلام ده طيب لو الحد ده بيتعصب لو حد اتاخر عليه يعني مثلا انت رايحه متفقه مع صاحبتك تتقابله الساعه 4عه صاحبتك دي مواعدها مش مظبوطه بتيجي 4عه ونص بتيجي 5سه الا ربع بتيجي خمسه ممكن اوقات فانت كل مره بيحصل ده بتتعصبي وبتتخانقوا مع بعض طيب انا هحتاج اعبر لها واشرح لها واقول لها ان الحاجه دي بتعصبني وبتضايقني وان بليز انا بحب الالتزام وكذا كذا كذا والله استجابت خير وبركه ما استجابتش وهي مصره طيب الكوره في ملعبك عايزه تفضلي محتفظه بهذه الصداقه خلاص صاحبتي جميله وتحفه بس ده العيب الوحيد اللي فيها فانا مش هقطع علاقتي بيها يبقى هنا هيبقى مطلوب مني اولد كوبن ميكانزم طريقه اتعامل بيها مع ده عشان ما تعصبش زي مثلا ايه زي مثلا هقول اه انا وانا نازله مع صاحبتي ولا بقول لك ايه انا هلبس وقاعده وانت نازله كلميني انا مش هنزل غير وانت نازله يبقى انا ما رحتش قعدت في المكان وفضلت مستنياها انا قاعده في بيتي بلبس بتفرج على حاجه بحبها ولابسه اول ما تقول لي يلا فانا خففت من على نفسي وجع الانتظار او ان انا مثلا انا مهيئه نفسيا عادي ان هي موعدها مش مظبوطه فقلت لنفسي خدي الكتاب اللي بتحبيه ان كيس انها اتاخرت تقعدي تقريه خدي والله اللاب توب خلصي شغل علي متاخر خدي ماارفش ايه عندك شويه مكالمات هتقعدي تعمليها طول ما هي لسه ما جتش يبقى بدي عقلي في ستيت والله جت في معادها خير وبركه اتاخرت انا مش هفضل قاعده بجز وبهز في رجلي وما جتش انا عندي بلان بي هستفيد بالوقت ده الى ان هي تيجي يبقى انا هنا بحاول اساعد نفسي بحاول ان انا مدى ما افضل اغذي عقلي بافكار واه وما بتحترمنيش و 100 مره اقول لها ما تتاخريش وبرده بتتاخر لا لا انا هعمله ديستراكشن تعال بص احنا هنستفيد بالوقت ده وهنعمل كذا كذا فساعد نفسي ان انا اهدى دول كده كانوا ست اسباب رئيسيين بيسببوا لنا العصبيه كل واحد كده يقعد يقول اه انا عندي رقم واحد وثلاثه انا عندي اثنين واربعه انا جميع ما سبق ايا كان ونقعد نظبط حته حته حاجه اخيره عايزه اقولها لكم تساعدنا في موضوع العصبيه اا هتلاقوا دايما كتير ناس تقول لكم في العصبيه اعملوا ميديتيشن او مارسوا التامل كتير بقول احلى من الميديتيشن واحلى من التامل انك تدرب نفسك يبقى عندك خشوع في الصلاه ان انت امسك دماغي لو انا بقى بدرب عقلي ان انا امسكه وابقى عندي حاله الخشوع دي ادرب نفسي الخشوع في الصلاه من اكث الحاجات اللي بتعمل للانسان حاله سكينه وبتخليك كده جراوندد وبت بتخليك ثابت. تمارين تاني بحبه جدا هيساعدنا ان احنا يبقى لينا باور على نفسنا بعد ما نخلص الصلاه يا جماعه اعمل لنفسك ورد معين دقيقتين ثلاثه هفضل قاعد بعمله وانا قاعد على الارض ما قمتش يعني انا قاعده على سجاده الصلاه بصلي مثلا هعمل تسبيح عدد معين هقرا صور معينه هعمل استغفار معين هدعي ربنا ايا كان كلنا نبقى بنخلص نبقى عايزين نجري خلاص نسلم ونقوم بقى نشوف مصالحنا نشوف اللي ورانا اعمل الورد ده وانت قاعد في حته جواك طب نقوم نقوله واحنا ماشيين طب نقوم نقوله واحنا بنطبخ او بنرد او بنفت لا هفضل قاعده الدقيقتين الثلاثه دول هقول وانا قاعده هتلاقوا بجد الناس اللي مش متعوده على الموضوع ده هتلاقوا في الاول في مقاومه كده وحته عايزه تقومك وحته لا اثبتي حته بتقول مستعجله وانت بتفكريها تهدى كل دي تمارين سبحانك يا رب احنا بنروح ناخد من الغرب تمارين كتير نعمل نعملها عشان نهدى ونكون ونكون واحنا دنا لو عملنا اللي ربنا قال لنا عليه واللي رسولنا علمه لنا دي اقوى تمارين بتعلمك يبقى عندك سلف كنترول تمسك نفسك تثبت نفسك تدخل نفسك في الخشوع في الطمانينه في السكينه فبالتالي تقعد ساعتين ثلاثه كده تمام هادي رايق قادر تتحكم في انفعالاتك يلا الله اكبر الصلاه على وقتها تدخل ثاني في نفس الحاله تقدر ان انت تثبت تكون هادي اكت وهكذا لحد ايه ما تدخل تنام لما كل يوم هنعمل ده مره في مره في مره في مره هنلاقي جهازنا العصبي بقى الغالب عليه هو السكينه خشوع الهدوء الثبات فهتلاقوا اوتوماتيك زي ما قلت لكم العصبيه دي عرض مش هي المشكله بداتوا تلاحظوا ان مستوى العصبيه بدا يقل عندكم اتفقنا يا حلوين اتفقنا بشكركم جدا وهشوفكم ان شاء الله في حلقه تانيه ‏Ah.