أحيراً أسئلة متوقعة 100 X 100 دراسات اولى اعدادى الترم الثانى خلاص مفيش وقت

السلام عليكم ورحمه الله وبركاته اهلا بكم سنه اولى اعدادي ازيكم عاملين ايه؟ يا رب تكونوا بخير معاكم مستر سعيد السيد ودي قناتكم ذاكرلي اون لاين بعد ما عملنا فيديو المراجعه النهائيه في الدراسات الاجتماعيه واللي بالمناسبه هقول لكم ازاي تشوفوه لكن في نهايه الفيديو ده هنحل مع بعض النهارده يا شباب اخر امتحان مهم جدا وفي اسئله متوقعه بنسبه كبيره فركزوا معايا وكملوا الفيديو ده للنهايه لان زمايلكم اللي في المحافظات الثانيه بفضل الله دخلوا الامتحان لقوا الاسئله اللي توقعناها بالنص قبل ما نبدا لو شايف انك بتستفاد من المحتوى اللي بنقدمه ما تبخلش علينا باللايك الجميل والاشتراك في القناه علشان ده بيدعمنا ويشجعنا اننا نعمل لكم فيديوهات اكث اول سؤال معانا النهارده يا شباب بيقول لك امامك خريطه لقاره افريقيا اكتب ما تشير اليه الارقام رقم واحد اولى دول افريقيا انتاجا للاسماك من المصايد الطبيعيه ها دي دوله ايه؟ دي المغرب برافو عليكم طب رقم اثنين دوله تحتل المركز الثاني افريقيا من حيث عدد السكان ها دي دوله اثيوبيا اما المركز الثالث فهي مصر طب لو قال لك المركز الاول طبعا نيجيريا اكث دوله فيها سكان في افريقيا طب رقم لاثه اولى الدول الافريقيه المنتجه لمعدن الحديد دي دوله ايه يا شباب ها دي جنوب افريقيا طب رقم دوله منتجه للكوبلت ها دي دوله الكونغو الديمقراطيه وعشان ما تنسوهاش يا شباب كوبلت كونغو حرف الكاف احفظوها كده حرف الكاف بيعبر عن كونغو كوبلت كونغو طب رقم خمسه دوله اعتمدت على الزراعه الذكيه مناخيا طبعا سهله جدا دي بلدنا مصر طب رقم سته مسطح مائي ده المحيط الهندي طيب بعد كده بقى معانا مجموعه اسئله ثانيه بتقول لك صوب ما تحته خط تعد دوله نيجيريا اكبر دول افريقيا جذبه للمهاجرين لا هنشيل نيجيريا ونحط جنوب افريقيا دي اكبر دوله افريقيه بيجي لها مهاجرين من بره طيب تعرض الزعيم المصري محمد كريم للنفي الى جزيره مالطا على يد الاستعمار البريطاني لا طبعا ده اللي راح جزيره مالطا او اتنفل لجزيره مالطا يا شباب كان اسمه ايه ده الزعيم سعد زغلول طب انشا عباس باشا الاول مدرسه ابتدائيه في مدينه دنقله لا المدرسه اللي انشاها عباس باشا الاول كانت في مدينه الخرطوم عاصمه السودان طيب فاكرين مين بقى عينوا عليها ناظر ده عينها رفاعه الطهطاوي ناظرا عليها طيب احتلت بريطانيا جزيره مدغشكر بدعوه مكافحه تجاره الرقيق لا دي احتلت جزيره اسمها زنجبار في تنزانيا وقالت انها راحت تحارب تجاره الرقيق طيب انشا سعيد باشا مجالس الاقاليم لاشراك السودانيين في حكم بلادهم لا ده انشا مجالس اسمها المجالس العرفيه طب فاكرين بقى مجالس الاقاليم اللي بيقول لي عليها في الجمله دي كانت بتعمل ايه او معموله ليه ده كانت عشان تفصل في الخصومات المدنيه والتجاريه علشان ممكن تجيلك بما تفسر ركزوا معايا طب يعتبر النقل البري اسرع وسائل النقل على الاطلاق لا طبعا ده اسرع وسائل النقل على الاطلاق هو النقل الجوي اللي بالطيارات بعد كده يا شباب معانا مجموعه اسئله ثانيه بتقول لك بما تفسر وركزوا معايا قوي في الاسئله دي تعاني قاره افريقيا من مشكله سكانيه ليه؟ ده بسبب بقى زياده عدد السكان بشكل لا يتناسب معدلات النمو الاقتصادي كمان بسبب سوء توزيع السكان داخل بعض الدول الافريقيه وارتفاع نسبه فئه صغار السن وهي فئه غير منتجه طيب سجلت كلا من نيجيريا وتشاد وليسوتو اعلى معدلات للوفيات بافريقيا اشمعنى يعني الثلاث دول دول عندهم معدلات وفيات كبيره جدا هقول ده بسبب تفشي او انتشار الامراض المستوطنه وارتفاع وفيات الاطفال والامهات طيب الهرم السكاني لقاره افريقيا من النوع ذي القاعده العريضه او اتساع قاعده الهرم السكاني بافريقيا الاثنين اجابتهم واحده سؤال مهم وبيتكرر كتير يا شباب ليه قاعده الهرم قاعده عريضه الهرم السكاني في افريقيا بسبب ارتفاع معدل المواليد طب رغبه محمد علي في القضاء على المماليك اللي فروا الى السودان ليه محمد علي كان عايز يقضي على المماليك حتى اللي هربوا للسودان لانه كان خايف ها من تجمعهم او تحالفهم مع بريطانيا والعوده لاستعاده حكم مصر طب اهميه معدن البوكسايت ليه معدن البوكسايت مهم يا شباب قوله ده لانه بيعتبر الخام الاساسي لانتاج الالومنيوم اللي بيدخل في العديد من الصناعات زي صناعه الطائرات والسيارات طب بيقول لك بما تفسر تعاني قاره افريقيا من انخفاض حركه السياحه بها ليه حركه السياحه قليله في افريقيا يا شباب هقول ده بسبب بقى عده امور زي الظروف المناخيه السيئه في عدد من الدول جو حر جدا احيانا في بعض الدول فالسياح ما بيحبوش يروحوا هناك كثره الامراض والاوبئه المتوطنه كمان ضعف شبكات النقل والمواصلات والبنيه التحتيه ما فيش وسائل نقل السياحي تنقلوا من خلالها ممكن ازود واقول له في ازمات ونزاعات عسكريه في افريقيا كمان السكان المحليين في افريقيا بيتحدثوا لهجات محليه او لغات محليه ولا يجيدون اللغه الانجليزيه مش بيتكلموا انجليزي فما بيلاقوش حد السياح للاسف يساعدهم في البلاد دي طب بما تفسر ارسال فرنسا اسطولا لحصار سواحل الجزائر اه ليه فرنسا ارسلت اسطول عشان تحاصر سواحل الجزائر هقول له ده بهدف حاجتين المطالبه باسقاط الديون المستحقه على فرنسا للجزائر كمان مع منح الاولويه ليها في الامتيازات التجاريه والاقتصاديه قالت لها يا جزائر فرنسا هي رقم واحد في اي تجاره او اقتصاد هتعمل ايه طيب تقدم ميناء بورسعيد المرتبه الح في النقل البحري ليه ميناء بورسعيد تقدم وبقى ممتاز جدا هقول له ده بسبب ايه ها جاوبوا معايا يا شباب التطوير الكبير اللي شاهده وكمان موقع الاستراتيجي على المدخل الشمالي لقناه السويس قبل بقى ما نتنقل على مجموعه الاسئله اللي معانا بعد كده يا شباب حابب الفت انتباهكم لحاجه مهمه جدا اليوتيوب بيقول لنا ان اكت من 75% من اللي بيشوفوا محتوى القناه غير مشتركين للاسف ليه الجحود ده ليه ده طب ما تجرب يا اخي انت غرمان حاجه انت عندك حاجه تخسرها فلو انت شايف انك بتستفاد من المحتوى اللي بنقدمه ما تبخلش علينا بلايك للفيديو دلوقتي وتشترك في القناه لو انت مش مشترك طيب مجموعه الاسئله اللي معانا بقى بعد كده بتقول لك من هو قسم السودان الى خمس مديريات مستقله تتبع كل منها نظاره الداخليه في القاهره ده مين؟ ده سعيد باشا برافو عليكم قسمها لخمس مديريات اما محمد علي فقسمها لسبعه اما الخديوي اسماعيل فقسمها ل 12 طيب اول رئيس لجمهوريه جنوب افريقيا من السكان الاصليين كان اسمه ايه يا شباب؟ كان اسمه نيلسون منديلا وده بالمناسبه حصل على جائزه نوبل للسلام ف بيقول لك تولى رئاسه الحزب الوطني بعد وفاه مصطفى كامل وانشا اول نقابه للعمال في مصر ده مين يا شباب؟ ده محمد فريد طيب اول روائي افريقي يفوز بجائزه نوبل في الادب عام 1986 ها بيقوللك روائي افريقي هقول له ده ويلي سوينكا طب لو قال لك اول مصري هقولله طبعا نجيب محفوظ فاز بجائزه نوبل في الادب طيب زعيم غاني ساهم في التحرر الوطني وتم اعتقاله من قبل المستعمر ها زعيم من غانا يا شباب ده اسمه كوامينكروما طيب قام بتشكيل تنظيم الضباط الاحرار ده كان اسمه الرئيس جمال عبد الناصر الراحل مجموعه الاسئله اللي معانا بعد كده بتقول لك دليل على صحه العبارات الاتيه يتعرض الافارقه المهاجرين بطرق غير شرعيه للكثير من المخاطر ايه دليلك على الكلام ده هقول له ايوه ده بيتعرضوا للغرق في البحر او الاستغلال والحرمان كمان من حقوقهم في الدول اللي بيهاجروا ليها طيب قام محمد علي بعده امور للنهوض بالزراعه في السودان ايه دليلك على كده؟ ايه هي جهود محمد علي في الزراعه يا شباب؟ قلنا ان هو ارسل مزارعين مصريين عشان يدربوا السودانيين على اساليب بقى الزراعه المتقدمه كمان اهتم بمشروعات الري فاللي هي انشا السواقي وحفر قنوات الري وادخل زراعه بعض المحاصيل زي القطن وقصب السكر وبعض اشجار الفاكهه طيب بيقول لك دلل قامت مصر بجهود كبيره لتنميه الزراعه ايه دليلك ان مصر قامت بجهود كبيره عشان تنمي الزراعه هقول طبعا حيث اقامت مصر ها العديد من المشروعات القوميه للاستصلاح الزراعي كمان وفرت الميه اللازمه من خلال بقى ان هي عالجت مياه الصرف الصحي او حلت مياه البحر او المياه الجوفيه ومش بس كده دي عملت كمان استثمار ودفعت فلوس في البحوث الزراعيه عشان تزود بقى الانتاج الزراعي بتاعها طيب السؤال اللي بعد كده بيقول لك يواجه النقل النهري او الملاحه النهريه في افريقيا العديد من المشكلات ايه هي المشكلات اللي بتواجه النقل النهر يا شباب هقول له بقى الانحدارات الشديده وسرعه جريان المياه وكمان وجود الشلالات والجنادل وانتشار المستنقعات ومش بس كده كمان بعض الانهار اللي بتتعرض للجفاف لفترات طويله خلال العام كل دي مشاكل بتقابل النقل النهري طيب لجات بعض الدول الاوروبيه الى استخدام الثقافه كوسيله للسيطره على الدول الافريقيه اه سؤال حلو جدا ايه دليلك ان بعض دول اوروبا استخدمت الثقافه كوسيله للسيطره على الدول الاف افريقيه هقول له بقى حيث قامت بانشاء المدارس ونشر لغتها وجعلها بقى لغه الدوله الرسميه زي ما عملت كده ايه فرنسا في الجزائر خلت اللغه الفرنسيه هناك تسود وتنتشر بعد كده يا شباب معانا مجموعه اسئله ثانيه بتقول لك اختر الاجابه الصحيحه اي من مواقع التراث العالمي الاتيه يعود تاريخه للرومان ويعد مثال مذهل للتكيف مع المواقع الجبليه يا ترى مدينه ديمه القديمه لا دي لام القديمه دي موجوده في كينيا مدينه جميله ايوه دي موجوده في الجزائر اما محميه غابه دجه فهي موجوده في الكاميرون مدينه لاليلا دي مش عليكم يا شباب طيب بعد كده معانا سؤال بيقول لك يدخل نقط في الصناعات الكهربائيه وتنتج افريقيا منه 15.7% 7% من الانتاج العالمي يا ترى الكروم ولا الحديد ولا البوكسايت ولا النحاس صناعات كهربائيه بقى والاسلاك طبعا هو النحاس طيب الدوله التي تحتل المرتبه الاولى كصاحبه اطول شبكه سكك حديديه في افريقيا هي ايه ها سكك حديديه يا شباب يبقى جنوب افريقيا على طول في المركز الاول وبيجي بعدها مصر طيب بيقول لك تتصدر دوله تشاد الدول الافريقيه في اعداد ايه تشاد هي الاولى في اعداد اعداد الابل طب لو قال لك الابقار هقول له اثيوبيا رقم واحد طب الاغنام والماعز دوله نيجيريا ما ننساش المعلومات دي يا شباب مهمه جدا وبتيجي في الامتحانات طب يوجد مقر الاتحاد الافريقي بمدينه ايه الخرطوم ولا طرابلس ولا اديس ابابا ولا القاهره طبعا مقر الاتحاد الافريقي موجود في اديس ابابا اللي هي عاصمه اثيوبيا اما الكوميس موجوده في دوله ايه معلومه مهمه برده في دوله زامبيا طيب اخر بقى مجموعه اسئله معانا النهارده بتقول لك اجب بما هو مطلوب امام كل عباره مما ياتي ما النتائج المترتبه على زياده عدد السكان بشكل لا يتناسب معدلات النمو الاقتصادي بافريقيا ده ادى لايه؟ هقول له ده ادى الى زياده الضغط على الخدمات وكمان زياده استهلاك الموارد الطبيعيه زي المياه العذبه والطاقه والارض الزراعيه وبالتالي هيقل بقى نصيب الفرد من الموارد الطبيعيه وبيهدد الكلام ده الامن الغذائي والمائي في افريقيا. طيب ما النتائج المترتبه على رفض حاكم الجزائر مطالب فرنسا باسقاط الديون في بدايه القرن 19؟ لما حاكم الجزائر قال لفرنسا لا انا مش هسقط الديون وانا عايز الفلوس بتاعتنا. عملت ايه فرنسا؟ ها؟ اصدرت فرنسا بقى الاوامر لاسطولها انه يحتل الجزائر ونجحوا للاسف في ده بعد مقاومه شديده من اهل الجزائر. طيب السؤال اللي بعد كده بيقول لك ما المقصود بكلا من؟ تعريفين مهمين جدا. الهرم السكاني وتجاره الرقيق يعني ايه هرم سكاني يا شباب هقول ده رسم بياني بيوضح توزيع السكان حسب بقى النوع اي الذكور والاناث وحسب الفئات العمريه طيب تجاره الرقيق يعني ايه تجاره رقيق ها تعريف مهم ده عمليه بيع وشراء البشر كعبيد واستغلالهم في العمل الاجباري وحرمانهم من حريتهم وحقوقهم طيب السؤال اللي بعد كده بيقول لك ما العلاقه بين كلا من حركه القشره الارضيه وتركز المعادن في افريقيا هل في علاقه ما بينهم؟ هقول له طبعا ده حركه القشره الارضيه دي اثرت على تركز المعادن في بعض المناطق دون غيرها في شكل بقى عروق او تكوينات مائله زي عروق كده ايه؟ الذهب طيب ما العلاقه بين كلا من المناخ وتوقف الكشوف الجغرافيه المصريه في افريقيا هل في علاقه ما بين المناخ وتوقف حركه الكشوف الجغرافيه بتاعه المصريين؟ ايوه طبعا هقول له غزاره الامطار وارتفاع درجات الحراره كانوا انه سبب في توقف الكشوف الجغرافيه دي في افريقيا. طيب ركزوا معايا يا شباب. ماذا يحدث اذا لم تفرض الدول الاوروبيه معاهده لندن عام 1840 على محمد علي؟ ايه اللي كان هيحصل؟ هقول له بقى لاستكمل محمد علي توسعاته الخارجيه ولم يتخلى ابدا عن معظم الاراضي اللي حكمها خارج مصر. وبكده يا شباب يكون خلص امتحان النهارده. استنى ما تقفلش الفيديو انزل بص على الوصف او اول تعليق مثبت هتلاقيني سايب لك رابط فيديو المراجعه الذهبيه النهائيه في الدراسات الاجتماعيه لازم لازم تشوفوه يا شباب قبل امتحان الترم الثاني وفي النهايه لو شايف انك استفدت من الفيديو ده ما تبخلش علينا باللايك الجميل والاشتراك في القناه علشان تتابع كل فيديوهاتنا اول باول سلام