المنظمات الاقليمية في اسيا و اوروبا دراسات تانية اعدادي ترم ثاني الدرس كامل بطريقة الكينجو

سلام الله عليكم احبتي الكنجويه في كل بقاع الكره الارضيه النهارده طالعين نتكلم عن المنظمات الاقليميه في قارتي اسيا وقاره اوروبا الدرس الاخير في الوحده الثالثه يلا يا ابطال شد حيلك وما تراكمش ذاكر وربنا معاك ويوفقك الامتحانات خلاص على الابواب تابع معانا عشان تعرف اصل الحكايه نبدا ونقول بسم الله الرحمن الرحيم وبه نستعين وعليه نتوكل اللهم صل وسلم وبارك على سيدي وحبيبي محمد عليه افضل صلاه وسلاما عليك يا رسول الله. حبايبي الكنجاويه في كل مكان درس النهارده يقال عنه ان درس تثقيل جدا ان شاء الله بعد ما تسمع الفيديو ده هتلاقيه من ابسط واسهل الدروس عندك يلا بينا نبدا ونقول بسم الله هنتكلم النهارده عن حاجه اسمها المنظمات الاقليميه والمنظمات الدوليه بص كده خلي في دماغك كده فكره محدده انت لوحدك مثلا لو انت رايح تشتغل تشيل حاجات كتيره كيره اكيد بتاخد اثنين ثلاثه معاك من صحابك او اثنين ثلاثه معاك من صحابك عشان يشيلوا معاك فالشيل هتخف علي وتنجزوا وقت اسرع وتوصلوا بامان ده اللي طبقته مجموعه كبيره جدا من الدول في العالم ظهر فكر اسمه تكتلات اقتصاديه يعني ايه يا مستر تكتل اقتصادي يعني كانها منظمه كده خاصه بمجموعه من الدول بيشتغلوا مع بعض عشان يحققوا اهداف معينه معينه اهداف بقى اقتصاديه اهداف سياسيه اهداف عسكريه اهداف اجتماعيه ليها اهداف كتيره جدا طب الاول هو ايه الفرق ما بين كلمه منظمه اقليميه ومنظمه دوليه اقول لك ببساطه كلمه منظمه دوليه اعرف ان هي بتجمع العالم كله يعني جميع دول العالم زي منظمه الامم المتحده حاليا طب ما هي المنظمه الاقليميه يعني خاصه باقليم انت عارف يا بطل ان كلمه اقليم هي مساحه من الارض يعني حته كده من الارض فيها شويه دول قرروا يعملوا منظمه درس النهارده بيقدم لنا ثلاث منظمات منظمه اسمها مجلس التعاون لدول الخليج العربي ومنظمه اسمها الاتحاد الاوروبي ومنظمه دول جنوب شرق اسيا او اسيا ايه دولت هنتعرف عليهم واحده يبقى اتفقنا ان هم الدول دي هتتجمع مع بعض عشان يتعاونوا مع بعض ويحققوا تنميه ويبقى كمان عندهم تنميه مستدامه مستقبليه ويحافظوا على البيئه ويسهلوا على بعض ويكملوا احتياجات بعض بتبدا التكتلات دي او الدول دي ان هي بترفع عن بعضها حواجز جمركيه يعني يخفض الجمرك او يلغيه تماما ما بين السلع بتاعتهم وبيبداوا او ان هم يوحدوا السياسات بتاعتهم الماليه يعني كاني انا في الدوله الثانيه كاني موجود في دولتي بالظبط بيقول لنا الدرس كده في البدايه ان التجارب العالميه عشان تواجه الازمات والتحديات خلاص انا داخل في مشكله اواجهها لوحدي ولا يبقى معايا اصحابي يبقى معايا اصحابي نفس القصه قالوا التحديات دي وان احنا نحقق الطموحات بتاعتنا كان لابد من انشاء منظمات واتحادات وهنا يجيلك سؤال بما تفسر ليه الدول اتجهت الى انشاء المنظمات او التكتلات ايا كان جالك هتقول لي عشان ما بينهم مصالح مشتركه في مصلحه هم عايزين يقووها عايزين يعززوها عايزين يخلوها احسن ما بينا شراكه محدده في مشروع معين فاحنا ايد على ايد هنبني ونعمر اثنين نحقق تنميه وسلام ما بينا يبقى احنا كده ما بينا تنميه وسلام وضع رؤيه افضل رؤيه يعني خطه مستقبليه زي ما انت شفت كده شغل الاجندات اللي احنا خدناه طوال السنين اللي فاتت سواء السنه اللي فاتت خدت اجنده مصر وعندك رؤيه مصر 2030 يعني خطتنا المستقبليه لتحقيق التنميه واستدامه الموارد يعني تفضل الموارد عايشه معانا فتره زمنيه طويله يبقى احط رؤيه افضل للمستقبل عشان الاجيال القادمه الكلمه دي اسمها رؤيه مستدامه يبقى اول ما اسمع كلمه مستدامه اعرف ان هي خاصه بالجيل اللي جاي اللي هو حضرتك وحضرتها وعيالكم وعيال عيالكم ان شاء الله يبقى في خطه ان الموارد ما تنتهيش ونفضل دايما بشكل احسن بعد ما اخدنا المقدمه الجميله بتاعتنا دي يلا بينا نخش مع بعض مع اول منظمه اقليميه ودي خاصه بالدول بتاعتنا الدول العربيه ربنا كده يجعلهم دايما سالمين امنين من اي شر بيقابلو قال لنا المنظمه بتاعتنا اسمها مجلس التعاون لدول الخليج العربي خد بالك المنظمه دي كان زمان ودي معلومه ليك اسمها منظمه مجلس التعاون الخليجي هنا كلمه الخليجي لاقوه ان هي بتشمل الخليج العربي كله وفي دول على الخليج العربي مش موجوده في المنظمه دي فعشان كده قالوا احنا هنختصها يعني هنخليها منظمه الخليج العربي قال لي منظمه التعاون دي بتضم كام دوله ست دول سعوديه امارات بحرين قطر كويت عمان سعوديه امارات بحرين قطر كويت عمان تعالوا نشوف مع بعض المنظمه دي انشات سنه 1981 والتاريخ ده ليك انت سيبك منه خالص قال لي تعال نبص كده اتاسس في مدينه اسمها مدينه الرياض مدينه الرياض دي موجوده فين؟ في السعوديه يبقى تعال نعد كده الدول المظلله معانا واحد المملكه العربيه السعوديه بها المقر المقر في مدينه اسمها مدينه الرياض جميل قطر امارات اهي بحرين كويت سلطنه عمان يبقى 1 2 3 4 5 6 عندي طبعا الدوله دي اسمها ايه انت عارفها اللي بتبعت الصواريخ بقى وعامله لنا حظر من الساعه ت:00 دوله ايران هي بتطل على الخليج اه ما المضيق ده حضرتك اسمه مضيق هرمز والدول دي بتطلع السفن بتاعتها بترول بتطلعه من المضيق عشان يروح اوروبا وامريكا فبالتالي الدول ما بيج ما يجيلهاش بترول فتاثرت وحصلت ازمه طاقه دوله العراق هي دوله بتطل على الخليج ولكن مش موجوده معاهم طيب كل ده جميل جدا تعال نتعرف بقى على الدول دي ونتعرف اهداف المجلس ايه يا مجلس ده على فكره اللوجو بتاعه مجلس التعاون لدول الخليج العربي بسم الله الرحمن الرحيم طبعا ده لوجو مميز جدا بيعبر عن الهويه بتاعتنا العربيه الاسلاميه فقال لي الناس دي يجتمعوا مع بعض مبدئيا في شويه كلمات هتلاقيهم مقررين عشان ما تصعبش عليك القصه اي منظمه من دول هتيجي حبيبي تعمل حاجه اسمها تكامل ما بين الدول في جميع الميادين اثنين هتعمق الروابط ما بين الشعوب يعني الشعوب كده والناس اللي عايشين جواها بيبقوا كانهم كيان واحد كانها دوله واحده تحط انظمه متم مثله يعني شبه بعض فين؟ قال لي في المجالات بتاعتهم الاقتصاديه والماليه والتجاريه والعلميه والصحيه وغيره يعني زي ما قلت لك المواطن من اي دوله لما يروح دوله ثانيه يحس ان هو في بلده لان النظام شبه النظام الثاني فاحنا بنعمل وحده واحده دفع عجله التقدم العلمي اه والتكني يعني التكنولوجيا بتاعتهم في المجالات ويعملوا مع بعض مراكز بحوث علميه ومشاريع مشتركه تعال نبص تاني يبقى الهدف من هنا هنحقق التكامل هنعمق الروابط حقق التكامل هنعمق الروابط بين الشعوب بين الشعوب في مختلف المجالات هنحط نظام متماثل فين في المجالات الاقتصاديه والصحيه تعلم تعليميه نعمل مراكز بحوث نهتم بالتكنولوجيا والتقنيه ندفع عجله التقدم العلمي بتاعنا ونعمل مشروعات ما بينا تبقى مشروعات مشتركه عشان ايد على ايد هنبدا نكبر التجاره بتاعتنا خاصه ان هم مميزين في تجاره النفط ايه النفط ده البترول العربي انت عندك السعوديه انت عارف ان هي من اولى الدول كمان في البترول حاجه جميله جدا بنفتخر بيه ربنا دايما يحمي الوطن العربي كله من اي شر يا رب ويخليهم كده دايما ايد واحده. الجزئيه اللي جايه بيقول لي ايه دوره المجلس ده لما عملوه عمل ايه بالناحيه الاقتصاديه وناحيه الامان والسياسه بتاعتهم هنتكلم دلوقتي عن التنميه الاقتصاديه والاجتماعيه الخاصه بيهم قال لي بيعمل ايه قال لي تعال نبص كده مع بعض الناس دي قالوا احنا لازم نعمل تنميه اقتصاديه واجتماعيه اجتماعيه خاصه بالشعوب على فكره اقتصاد خاصه بالفلوس والموارد هتعملوا ايه يا شباب قالوا هنعمل سوق خالجيه مشتركه ما بينا يبقى انشاء سوق مشتركه خالجيه انشاء سوق مشتركه خالجيه ونعمل استثمار في قطاعات جديده عندنا يعني ما نعتمدش بس على النفط البترول عايزين نهتم بقطاع الزراعه عشان يبقى عندي اكتفاء ذاتي بنزرع اكلنا ما الزراعه دي مصدر غذاء رئيسي ومصدر مهم لمواد خام ثانيه مصنعه زي عند حضرتك قصب السكر وعندك البنجر عندك القطن عندك المطاط راجع يا حبيبي وعندنا كمان السياحه نهتم بالنشاط السياحي بتاعنا نسعى للتحول نحو اقتصاد اخضر وكلمه اقتصاد اخضر ده عشان يحمي دايما البيئه وانت درسه قبل كده بيقلل انبعاثات الكربون يحافظ على البيئه يبقى ما عنديش احتباس حراري البيئه بتاعتي تبقى بيئه صحيه هنطور كمان البنيه التحتيه بتاعتنا سواء المواني اللي على الخليه خليج العربي او المطارات بتاعتي يبقى تطوير المواني والمطارات وشبكه الطرق ليه بنعمل ده لتسهيل التجاره بتاعتنا واهتمام بالبنيه لو جالك كده البنيه التحتيه كمان عشان احقق اقتصادي الاخضر لازم اقلل اعتمادي على البترول والفحم والغاز والحاجات دي دي اسمها وقود حفري واتجه نحو هو مصادر الطاقه المتجدده يبقى الاعتماد على الطاقه المتجدده طيب ده بالنسبه للاقتصاد كلها موارد يبقى الموارداني سوق خليجيه مشتركه اقتصاد اخضر اهتم بالبنيه البنيه التحتيه قطاعات جديده استثماريه زراعه وسياحه يبقى كلها خاصه بالموارد والفلوس تعال نبص على الجانب المجتمعي المجتمع يعني الشعوب قال لي انا لازم احقق للمواطن الخليجي جوده حياه ارفع مستوى معيشته يبقى تحسين جوده الحياه لجميع مواطنين الخليج العربي اثنين بص البنوته دي زعلانه ازاي محرومه مثلا من تعليمها في دوله ثانيه محرومه مثلا من خدمات صحيه خدماتها السياسيه مش مديينها حقوقها وكلمه ادي المراه حقوقها لازم تبقى عارفها اسمها تمكين المراه والشباب يبقى لازم امكن المراه والشباب واقضي على كافه اشكال العنف ضد الاطفال يبقى الدول دي جايه لها اهداف بتحققها يبقى اهدافها الاجتماعيه جوده حياتيه لجميع مواطنين تمكين المراه والشباب دعم الطفل من خلال نبذ العنف ضده يعني نقضي على اشكال العنف كلها طب قو لي بقى يا مستر هم هيحققوا امن وسلام ازاي ازاي يعني اقول لحضرتك ببساطه هم بيكافحوا الظواهر اللي عندهم سلبيه يعني بيقعدوا مع بعض ويخططوا عشان يكافحوا الارهاب والجريمه المنظمه من خلال ايه ان هم يتبادلوا مع بعض المعلومات يبقى انا عارف في هنا ارهاب ما فيش هنا ارهاب في منظمات طالعه عايزه تعمل عنف يبقى هم بياخدوا على الكلام ده كله وينسقوا جهودهم الامنيه عشان كده هم دايما بيسعوا لتطبيق مبادئ حقوق الانسان يبقى من موضوع الامن كمان مكافحه الارهاب مكافحه الجريمه المنظمه تطبيق حقوق الانسان يبقى في الامن جريمه منظمه ارهاب تطبيق حقوق انسان ثلاث عناصر احفظهم بذكاء طيب هي مصر ليها علاقه بدول الخليج العربي ولا هم لوحديهم؟ قال لك لا لا تعال احنا عندنا بقى هنا في دعم وتقدير جامد جدا سواء على المستوى السياسي سياسه الدوله والامن والامان بتاع المنطقه ومنطقه الشرق الاوسط ملفات كبيره بينا وبينهم او على المستوى الاقتصادي طب ايه اللي حصل على المستوى السياسي والامني؟ قال لي سنه 2022 وقعنا مذكره اسمها مذكره التفاهم ليه ده؟ قال لي ده بيحصل ما بينا تشاور بين مصر والامانه العامه المجلس ده في حاجه اسمها الامانه العامه فيها امناء ناء مساعدين وامين عام دولت حضرتك اللي بيدوروا الدنيا داخل الاتحاد فوقعنا معاهم مذكره تفاهم سياسي يبقى التشاور السياسي التفاهم سياسي مذكره 2022 طب في مجال الاقتصاد قال لي السنين اللي فاتت دي مصر شهدت مجموعه كبيره جدا من الاستثمارات من دول الخليج العربي يبقى عندي تدفقات خليجيه الى مصر في مختلف المجالات وبكده كده يبقى خلصنا اول منظمه معانا وهي منظمه مجلس التعاون لدول الخليج العربي لو انت حابب توقف الفيديو لحد هنا تذاكر وتكمل اوكي ما عندناش مشكله بعد كده حضرتك ورقه وقلم ولخص نفسك كلمه كلمتين في كل حاجه هتلاقي نفسك عديت الامتحان خلاص وانت بطل قصتك يلا بينا نبص على المنظمه رقم اين تاني منظمه معانا حبايبي اسمها دول الاتحاد الاوروبي طبعا دي دول مشهوره جدا زمان يعني شويه كده قليلين كانوا عباره عن 8 دوله طبعا المنهج بتاعنا جديد فهم واخدين اخر تحديث اخر تحديث للدول دي هي عددها 27 من الدوله اللي فقدت خرجت من الاتحاد الاوروبي لان خد بالك المنظمات دي اللي بيخرج منها ما بيبقاش عليه غرامات ولا حاجه قال لي بص الدوله دي يا مستر اسمها دوله ايه بريطانيا عشان تبقى عارف ان الاتحاد الاوروبي ده صبر شويه كتار جدا قبل ما يبقى بالشكل الحالي قعد حوالي نص قرن يعني 50 سنه عشان يوصل للهيئه الحاليه بتاعته يبقى انا عندي الدول اعضائهم 27 دوله احفظهم يا مستر حبيبي اقراهم بس وركز بس اقراهم بس اقراهم كده كل ما تيجي تذاكر واحده قرايه كده سريعه اهم حاجه هنا بعد خروج بريطانيا بقى عددهم سبعه 27 طبعا اهي الدول الاعضاء عندنا بلجيكا استوانيا المانيا بولندا سلوفاكيا استونيا لاتفيا ليتوانيا فنلندا السويد ايرلندا ايطاليا اليونان بلغاريا رومانيا مش هتقعد تحفظ ده كله هتقراهم قرايه سريعه تعال نبص بقى الاتحاد الاوروبي ده اتحقق ايه او هو اتعمل ليه قال لي انا عندي شويه اهداف انا عايز احققها كم هدف عليا انا عندي خمس اهداف واحد اوفر حريه وامن وعداله بص كلها كلمات واحده حريه امن عداله مساواه عدم تميز بين مواطن الاتحاد هم بينبذوا دايما التعصب يعني مش عايزين يبقى في هناك بقى تفرقه بين مسلم ومسيحي بين واحد لونه ابيض وواحد لونه اسود ما فيش عندهم تمييز عنصري مش عايزين عنصريه وان كان على الورق ولكن بعض الفئات من المجتمعات لازم يبقى فيها طبعا تنمر وتمييز عنصري ومن هنا لازم حضرتك تتعلم حاجه مهمه التنمر ده مش في دنا خالص ولا في اخلاقنا اتعيب الخالق ام المخلوق اوعى تتباهى قدام حد او تعيب على حد يصيبك الله مما ابتلى به غيرك فاحمد ربنا دايما على النعمه اللي انت فيها يبقى بنوفر حريه امن عداله مساواه ثاني حريه امن عداله مساواه وما فيش تمييز بين المواطنين هنامن حدودنا الخارجيه ونوفر في الداخل حريه انتقال ما بين الدول يعني حضرتك في قطر كده تلاقيه ماشي كده ما بين الدول يعني ممكن اروح اتغدى في فرنسا واتعشى في المانيا عادي جدا حدودهم السياسيه مش زي عندنا بقى سلك شائك لا عادي مفتوحه على بعضها قال لي ليه ده قال لي عشان هم عاملين مع بعض اتفاقيه تلغي الحدود وبتبقى في حريه في التنقل والحياه والعيشه وكل حاجه نحقق تنميه مستدامه واهي قلت لك هتتكرر الكلام دهاني طيب واستقرار عندهم الاسعار ما بيحبوش الاسعار تعلى وتنزل زي كده عندنا في بعض الدول الناميه كل يوم سعر حاجه عايزين ياخدوا على الفقر تماما ويحموا حقوق الانسان ويبقى في احترام ما بين الشعوب زي ما قلت لك ما فيش تمييز عنصري المساهمه في تحقيق السلام والامن والتنميه المستدامه للارض كلها يعني هم حاطين لنفسهم دور عالمي مش دور بس اقليمي عايزين يبقى ليهم دور في تحقيق السلام والامن خاص بالعالم كله واستدامه الموارد للارض تاني كده يبقى لهم هدف اه افتكر كده اوروبا حاجه هدفها اعلى شويه حريه عدل مساواه ما فيش تمييز بين المواطنين يحموا حدودهم الخارجيه حريه داخليه يعني تنقل داخلي يحققوا تنميه تنميه مستدامه استقرار الاسعار يقضوا على الفقر كمان استقرار الاسعار عاري يقض على الفقر تمام وحمايه حقوق انسان وحمايه حقوق انسان والمساهمه في تحقيق السلام والامن تنميه مستدامه لكوكب الارض طيب كل ده جميل قال لي طب ايه دورهم تعال نبص دورهم في الامن والسلام الاتحاد الاوروبي ده نجح انه يحصد على جائزه نوبل ايه جائزه ايه جائزه نوبل 2012 هي مش دي بتروح لشخص قال لي لا ما الاتحاد الاوروبي ده بيتعامل ككيان واحد طب ليه؟ قال لي تعالى لجهوده في تعزيز السلام والديمقراطيه يبقى هنا لو جاللك دلل ان ده ارسم مبادئ السلام بعد الحرب العالميه الثانيه تقول لي الاجابه صح ليه يا مستر صح حيث ان الاتحاد حصل على جائزه نوبل السلام 2012 ليه تقديرا لجهوده تعزيز والديمقراطيه ديمقراطيه يعني مبدا الحريات وحقوق الانسان في اوروبا وحول العالم طب بيعمل ايه كمان عشان خاطر يبقى في عنده امن وسلام انا لسه قايل لك ليه دور عالمي قال لي بيبعت بعثات عسكريه في مناطق الازمات حول العالم يبقى له دور يتجاوز حدود دوله صح ولا غلط صح ازاي بيبعت بعاسات عسكريه في المناطق اللي فيها ازمات بيرسل بعاسات عسكريه في المناطق اللي فيها ازمات يعني ممكن يبقى في ازمه في الشرق الاوسط افغانستان مثلا مع اي حد باكستان يبعت فرقه عسكريه خلاص في زلزال ضرب باكستان يروح يساعده هكذا يبدا يبقى ليه دور محوري عالمي طب بالنسبه للاقتصاد وده اهم حاجه قال لي تعالى الاتحاد الاوروبي الميزه اللي فيه ان عنده ثاني اقوى عمله في العالم متداوله بعد الدولار وهي عمله اليورو اليورو ده عمله موحده في الاتحاد الاوروبي يعني انت لو معاك فلوس في فرنسا هي الفلوس فين؟ في المانيا هتبدا ان انت تروح تصرفها هي في لاتفيا ليتوانيا هكذا فقال لي يعد الاتحاد قوه اقتصاديه تجاريه على مستوى العالم نجح في اصدار عمله موحده اوروبيه اسمها اليورو وده ساهم في ايه؟ بيقول لك ايه النتائج المترتبه على اصدار اليورو ساهم في تحقيق وحده اقتصاديه بين الاعضاء بقوا خلاص بقى هل في عمله موحده في مجلس التعاون لدول الخليج العربي ما فيش عمله موحده العمله الموحده فقط في الاتحاد الاوروبي وده خلاهم وحده اقتصاديه موحده بين الاعضاء كلهم طب يا عم بالنسبه للمجتمع خلاص بقى احنا قلنا المجتمع يعني بيهتموا بالاشخاص اللي عايشين داخل الاتحاد الاوروبي خاصه الطفل اهتم بالطفل جدا ازاي؟ قال لي الطفل ده حطوا له شويه حاجات واستراتيجيات وخطط لضمان ان وصول الاطفال المحتاجين للتعليم يعني طفل محتاج تعليم ورعايه صحيه ورعايه اجتماعيه وتغذيه وسكن هنوصل له وكمان انا بكافح يعني اي حد بيعمل ممارسه عنف ضد الطفل بيقبضوا عليه وممكن يتسجل سواء بقى الايذاء ده اعتداء جنسي او تنمر يعني انت هناك لو تنمرت على طفل ممكن يقضيك تخش السجن والاعتداء الجنسي هكذا ودي طبعا ناس بتبقى مرضى ربنا يعفو عنا وعنكم جميعا يا رب قال لي بيستخدموا شعار اسمه متحدون في التنوع هم هناك عندهم التنوع ده عادي ولكن خد بالك لان مش اي تنوع احنا كثقافه نتقبله ما يبقاش عندي ظاهره العولمه سائده ونتقبل خاصه مثلا العالم الملون الكتير اللي بيبقى منتشر اللي فيه بعض الشباب بتلبس تيشيرت عليه اعلام ملونه حبيبي العلم ده علم الناس اللي هي اسمهم شواز يعني الناس اللي هم ضد مبادئنا الاسلاميه واحنا عمرنا ما بنعترف بده ولازم تبقى انت عارف عارف ان دي مش موضه ولا حاجه كويسه ركز جدا يبقى هنا بياكد ان الاتحاد في التنوع على الرغم من ان احنا مختلفين ثقافيا او لغات طبعا الاوروبيه كلهم لغاتهم مالهم مختلفين فهم عندهم اختلاف وبيؤمنوا بالاختلاف ده عادي جدا يبقى هنا التنميه الاجتماعيه خاصه بالفرد اهم حاجه اتحاد اوروبي يركز عليها الطفل الاتحاد بيكافح ضد العنف ضد الاطفال سواء الاعتداء الجنسي او التنمر و عاملين شعار اسمه متحدون في التنوع يعني احنا متنوعين ومختلف مختلفين ثقافيا واجتماعيا ولغه ودين وهويه ولكن احنا متحدون ما فيش ما بينا تنمر طبقا لحقوق الانسان وزي ما اتكلمنا حبيبي عن مصر مع منظمه مجلس التعامل لدول الخليج العربي هكلمك برده هنا عن مصر مع الاتحاد الاوروبي العلاقات بتاعتنا علاقات وثيقه اهمها قال لي في اتفاقيه ما بينا مشتركه ازاي يعني تستهدف تخفيض الرسوم الجمركيه يعني احنا لو بندي لهم حاجه ما يفردوش علينا جمرك كتير وهم لما يبعتوا لنا حاجه ما نفرضش جمرك كتير على المنتجات الصناعيه والزراعيه ودي طبعا مفيده لينا لانها بتفتح لنا سوق جديد نقدر ان احنا نبيع فيه منتجاتنا الحاجه الثانيه في مجال الامن والدفاع لتعزيز التعاون بنعمل ايه؟ قال لي بص كده اهمها الاثنين اشتركوا مع بعض في رئاسه المنتدى العالمي عشان يكافحوا الارهاب ويتع تعاون لمواجهه الجريمه المنظمه زي تهريب المهاجرين غير الشرعيين بنتعاون مع الاتحاد الاوروبي ونتعاون ما بين القوات البحريه المصريه وقوات البحريه الاوروبيه يبقى قوات بحريه يبقى نركز مع بعض في الجزئيه دي اشتركنا معاهم في مجالين الامن والدفاع الامن والدفاع قال لي قوات بحريه اوروبيه وبحريه مصريه اشتركوا مع بعض اثنين رئاسه المنتدى لمكافحه الارهاب نتعاون لمواجهه الجرائم المنظمه زي الهجره غير الشرعيه يبقى هجره غير شرعيه وجريمه منظمه قوات الدفاع البحريه وقوات الدفاع البحريه المصريه والاوروبيه بيتعاونوا مع بعض وطبعا احنا هنا عملنا اتفاقيه مشتركه عشان نخفض الجمارك ما بينا وما بينهم في المنتجات بتاعتنا الصناعيه الزراعيه يلا بينا نبص على اخر منظمه معانا وهي دول جنوب شرق قاره اسيا اسيا ثالث منظمه معانا هي دول جنوب شرق اسيا اللي بلغت النهارده 10 دول واسمهم اسان اسمهم ايه اسان تعال نبص كده مع بعض قال لي دي منظمه اقليميه اسيويه نشات فين في بانكوك هنا كده بانكوك دي موجوده فين يا مستر في تايلاند يبقى تبقى عارف هنا كده بانكوك دي فين دي في تايلاند قال لي سنه 1967 بدات بخمس دول ووصلت ل 10 يعني عددهم التوتال النهائي 10 الخامسه كانت مين؟ اندونيسيا ماليزيا فلبين سنغافوره تايلاند اندونيسيا ماليزيا الفلبين دي طبعا اهي اندونيسيا وهنا كده سنغافوره وعندي كمان مين تايلاند يبقى دي الدول دول ثانيه دخلت بعد كده زي كمبوديا فيتنام لاوس ميانامار هكذا قال لي بص الى 10 دول بيعيش فيها حوالي 700 مليون نسمه طب السكان بتوع الاتحاد الاوروبي قال لي وصلوا لنص مليار نص مليار يعني حوالي 500 مليون نسمه اكبر الدول بالمناسبه دوله المانيا لكن دول 700 مليون نسمه الاعضاء ما بينهم يعني ال 10 دول دول بيتبادلوا الرئاسه دوريه لمده سنه يعني كل دوله هتبقى رئيسه لمده سنه يبقى ممكن هنا يجيلك سؤال ذكاء مثلا يعني رئيس دوله فيتنام يرقص جنوب شرق اسيا او منظمه جنوب شرق اسيا كل ام سنه يبقى كل تسع سنين بيرقص مره لانه بيبقى العاشر رقم 10 طيب قال لي بص كده معايا الدول الاعضاء اهم زي ما احنا قلنا عليهم اهداف الرابطه انت يا رابطه ايه اهدافك زي ما اخدنا الاهداف هناخد هنا اهداف قال لي دولت عايزين كانوا بيلقبوا نفسيهم بعض الدول بالنمور الاسيويه ليه سموا نفسهم نمور قال لك اه اعلى قفظه حيوان قفظه النمر فهم عايزين يقفزوا من مرحله التاخر لمرحله التقدم فيقول لي تسريع ده بيدل على تسريع النمو الاقتصادي ويعملوا تقدم اجتماعي وتنميه ثقافيه من خلال ان هم يعملوا مع بعض جهود مشتركه هنعز السلام والتعاون في جميع المجالات المختلفه ونتعاون مع المنظمات الدوليه والاقليميه الاخرى يبقى اهدافك ايه يا رابطه هنسرع عجله عجله التنميه نسرع عجله التنميه السلام والتعاون وان نتعاون مع منظمات اخرى سواء منظمه دوليه او منظمه اقليميه طب ايه المجالات بتاعه عمل الرابطه قال لي تعالى بقى بص الكلام اربع مجالات مهمين جدا قال لي اول مجال احنا شايفين دلوقتي لك بتاع الدول العظمى الدول الكبيره زي الدول الراسماليه الولايات المتحده الامريكيه رقم واحد في العالم دايما بتحط الدول اللي عندها اسلحه نوويه في مقصد لان هي مش محتاجه حد يمتلك سلاح قوي عايزه دايما هي تنفرد بالسلطه وتبدا مسيطره على الاحداث العالميه فقال لي اول واحده هم مش عايزين صداع فقالوا احنا هننشر السلام ونحل دايما النزاعات ما بينا بطريقه سلميه وخد بالك حل النزاع بطريقه سلميه ما بين الثلاثه عادي يعني ما فيش دوله بتعمل منظمه بيقعدوا يضربوا في بعض من مبادئ التكتلات حل النزاعات ما بينهم بطريقه سلميه يعني ما فيش عندك دوله تاخد الجيش بتاعها اتعاركت مع دوله تروح تقضي عليها لا ده ممنوع يبقى اعلنت التزامها كمان بخلو منطقه اسان من الاسلحه النوويه احنا مش هنمتلك نووي سيبونا بقى كده احنا عايزين نسرع التنميه بتاعتنا احنا دول اصلا صغيره وعايزين كده نكبر ونبقى دول حديثه والمواطن بتاعنا يعيش في سلام ورخاء اثنين هنتصدى اي جريمه الكترونيه خاصه بقى بالانترنت وهكذا وتهريب المخدرات والاجار بالبشر يبقى تهريب مخدرات جرائم الكترونيه اتجار بالبشر هيعملوا ايه؟ تصدى ليهم يعني هيوقفوهم لاثه هنعمل منطقه للتجاره الحره بينا نلغي فيها قيود الجمركيه يعني الغاء الجمارك ما بينا وده هيخلي ايه؟ ان احنا نتبادل بشكل اسرع ونعمل تكامل اقتصادي ما بينا ويبقى عندي استثمارات داخل المنطقه بتاعتي يبقى هيلغوا الجمارك ما بينهم انشاء منطقه لالغاء اسمها تجاره حره تجاره حره بناء هويه اقليميه مشتركه ويبقى عندنا انتماء ونعزز المواطنه بتاعتنا في وسط العالم كله يبقى عندنا مواطنه وعندنا هويه وعندنا حضاره وعندنا ثقافه يبقى دول اسمها دول جنوب شرق اسيا جايه تستر اسمها في ارقام الدول العظمى او الدول الكبيره وطبعا زي ما اخدنا في المنظمات مصر مع المنظمات الاخرى مش هنسيب برض مصر مع اسيا قال لي لنا دور في علاقات اقتصاديه وعلاقات علميه وثقافيه العلميه والثقافيه احنا عندنا مناره العالم الاسلامي وهو الازهر الشريف بص الحته دي يبقى عندي الاف من الطلاب الوافدين يعني قادمين من رابطه اسان يدرسون في الازهر الشريف دي سهله يبقى الدول دي بتبعت الاف من الطلاب عندها يتاسسوا ويتعلموا عندنا في الازهر الشريف طب العلاقات الاقتصاديه قال لي بيربطنا ما بينهم علاقات علاقات اقتصاديه ازاي؟ قال لي تزداد الصادرات والوردات ما بينا وما بينهم وفي 2016 وقعنا معاهم معاهده الصداقه صداقه احنا اصحاب احنا مع بعض في 2016 ليه يا عم عشان نحسن الجوده الانتاجيه في مصر في مجالات الصناعه المشهوره في دول الرابطه خاصه مجال كبير اسمه مجال الاستذراع السمكي هم عندهم هناك مزارع سمكيه كبيره فاحنا عايزين نستفيد منهم مصر بالمناسبه من اهم الدول في المزارع السمكيه عندنا مثلا بركه اسمها بركه غليون دي بتثمر كثير جدا من الثروه السمكيه اللي بتعوض نقص اللحوم وتعوض نقص البروتينات مصدر مهم جدا الغذاء يبقى انا عندي علاقات اقتصاديه ما بينا وما بينهم صادرات وووردات وقعنا معاهم معاهده اسمها معاهده الصداقه وقعنا معاهم معاهده اسمها معاهده الصداقه ليه نحسن جوده انتاجيه في مجالات صناعه مشهوره نحسن جوده ده انتاجيه في مجالات صناعه مشهوره زي مجال الاستزراع السمكي وبكده حبايبي زي ما وعدتك وفيت فيديوهين نزلوا كده بسرعه عشان نلحق مع بعض طلبه الازهر عينيا ليكم باذن الله نخلص المنهج على خير فاضلنا درسين لو عجبك الفيديو ما تبخلش علينا وعلى مجهودنا باللايك والشير والكومنت الجميل وابعت لاصحابك خلي عيلتنا تكبر وخلينا مع بعض مكملين وفي ثالثه ان شاء الله هنكون مقفلين انت بطل قصتك عاش كنجاويه يا ملوك الحته دي بحبكم كتير جدا ويلا