تاريخ الصف الثالث الفصل الخامس الدرس الثالث استعمار فرنسا لتونس مستر غريب رجب

ليس للحياه قيمه الا اذا وجدنا شيئا نناضل من اجله كفاح الشعب التونسي ضد الاستعمار الفرنسي بسم الله الرحمن الرحيم السلام عليكم ورحمه الله وبركاته حبايبي طلبه الصف الثالث الثانوي اهلا بكم النهارده هنتكلم على الاحتلال الفرنسي لتونس 1881 1956 هنبدا ناخد قصه تونس من البدايه من اول الاحتلال لحد الاستقلال واتفقنا ان الفصل الخامس الدروس اللي موجوده فيها كلها مفصله يعني كل درس جاي لوحده بنحكي قصه بلد لوحدها عشان بس معظم الطلبه بيقولوا يا مستر هو ليه لخبط لنا الدنيا ليه بيجيب ده الاول وبعد كده بنرجع تاني للجزء ما حكاش ليه الاحتلال الفرنسي الاول وحكى بعد كده الاحتلال الانجليزي لا احنا هنا بناخد الدوله نفسها التي وقعت تحت الاحتلال تعال نتكلم الاحتلال الفرنسي لتونس سنه 1881 ونتكلم على ايه العوامل اللي خلت فرنسا تروح تحتل تونس يعني ايه اللي خلى فرنسا توجه انظرها نحو تونس ان فرنسا عايزه تكون امبراطوريه موجوده في شمال افريقيا طيب ايه اللي اداها الرغبه القويه جدا انها تروح لتونس بعد احتلالها للجزائر يبقى الاول هي بدات بالجزائر 1831 وبعد كده قالت بس طالما انا حطيت رجليها في الجزائر يبقى مش هفلت تونس خالص يبقى هاخد تونس وهاخد المغرب وهاعمل امبراطوريه ليا في شمال افريقيا يبقى هنا العوامل اللي شجعت فرنسا رغبتها في تكوين امبراطوريه يعني في توسع ما يسمى بالمد الاستعماري في شمال افريقيا يعني ايه توسع الماده الاستعمال الشمال افريقيا عايزه توسع ممتلكاتها في منطقه شمال افريقيا كنوع من انواع ان في توازن قوه بينها وبين انجلترا انجلترا تاخد حته هي لازم كمان تاخد حته ويسيطروا الاتنين على العالم لان دول القوتين القدامى اللي كانوا موجودين اللي ظهروا في القرن 17 واستمرت التنافس بتاعهم حتى القرن ال18 ضعف البياض مين هم البياض اللي هم حكام تونس ومين يعني ايه كلمه البياض ويعني ايه حكام تونس قل لي كده معلومه بس افهمها بص خد بس المعلومه اللي انا هقولها لك ديت بيقول لي كده بكل بساطه من اول مصر وبعد مصر ليبيا وبعد ليبيا عندي تونس والجزائر كل دول كانوا من ممتلكات الدوله العثمانيه راح واحد قال لي يا مستر انت نسيت المغرب اقول له لا المغرب كان حكمها مستقل عن الدوله العثمانيه وكان حكمها للامام وكان حاكم المغرب اللي موجود هناك بيسموه امير المؤمنين فكان بينافس المكان الدينيه للسلطان العثماني وكان بينافس الدوله العثمانيه فالمغرب لها كيان مستقل بعيد خالص عن الدوله العثمانيه مصر وليبيا وتونس والجزائر دي ممتلكات الدوله العثمانيه في شمال افريقيا طيب الدوله العثمانيه ممتلكات ايوه طب هتقدر تحكم الممتلكات دي كلها لا ليه لان الممتلكات بتاعتها واسعه وممتلكاتها منتشره في كل مكان فعملت في مصر حكما مباشرا واصلا كده كده هي بتحكم المناطق دي بشكل غير مباشر وعملت في ليبيا كمان حكم مباشر وعملت في تونس حكمه مباشر وكمان في الجزائر برضو فاهمني بالراحه بالنسبه لمصر اقامت اسره محمد علي في مصر بيحكموا مصر بشكل مباشر ومصر تابعه للدوله العثمانيه بشكل غير مباشر في ليبيا عملوا اسره اسمها الاسره الكرمنانيه في ليبيا بتحكم ليبيا بشكل مباشر وفي تونس البياض اللي هم الحكام وفي الجزائر اللي هم حكام الجزائر اللي احنا اتكلمنا عنهم يبقى كل الممتلكات الدوله العثمانيه وعايزك بس تاخد بالك كان يلقب برجل اوروبا المريض يعني الرجل اللي عنده ممتلكاته مش قادر يحافظ على الممتلكات بتاعه لذلك فرنسا اتشجعت بعد محطه رجلها في الجزائر قالت بس طب وايه المشكله لما اخد جنب الجزائر واكمل الالبوم اخد الجزاير وتونس وبعد الجزائر وتونس هاخد المغرب والدنيا هتبقى زيطه بالنسبه لي فاللي شجعها انها تحتل تونس وجودها في الجزائر رقم اثنين ضعف البياض اللي هم الحكام التوانسه اللي بيحكموا بشكل مباشر تونس وهم اصلا تبع الدوله العثمانيه بشكل غير مباشر ومش هيقدروا يقفوا طبعا ضد الاستعمار الفرنسي الموقف السلبي للدوله العثمانيه في الدفاع عن الجزائر يبقى اللي شجع فرنسا في ان هي تفكر في احتلال تونس موقف الدوله العثمانيه اللي موجود في الجزائر السلبي نتيجه ان الدوله العثمانيه طبعا كانت بتواجه اطماع داخليه اللي هي اطماع محمد علي طيب الدوله العثمانيه لما حست ان فرنسا احتلت الجزائر قالت بس ده الاطماع الفرنسيه هتعدي اكتر من كده لا والله ما هسكت ده انا لازم احمي ممتلكاتي ممتلكاتك فين يا دوله عثمانيه ممتلكاتي في شمال افريقيا طب انت هتحميها ازاي قالت ان البياض اتفقنا كلمه البياض يعني الحكام اللي موجودين في تونس لم يكونوا على مقبره لحمايتها وان الاسره القرمنليه اللي موجوده في ليبيا لم تكن على مقدره لحمايتها يبقى الدوله العثمانيه عايزه او حاسه من اطماع فرنسا انها تتخطى الجزائر يبقى دلوقتي ارادت الدوله العثمانيه حمايه ممتلكاتها من الاطماع الفرنسيه ولما اجي اكلمك على الاطماع الفرنسيه كاني بكلمك على اطماع دول الوفاق لان فرنسا وانجلترا في الوقت ده هيحطه ايديهم في ايدين بعض بعد كده يبقى موقف الدوله العثمانيه من الاطماع الفرنسيه في شمال افريقيا خاصه في تونس ومن بعد تونس ليبيا هي السلطان عثمان قال كده انا لازم احمي تونس واحمي ليبيا لان انا قريت الدرس كويس واستفدت من فكره ان فرنسا مش هتفلت اي دوله تاني لانها تحط رجليها بعد كده بعد احتلالها للجزائر فالدوله العثمانيه قررت بقى حمايه ممتلكاتها عايزه تستعيد الحكم المباشر على طرابلس اللي احنا بنسميها ليبيا وعلى تونس يعني عايزه تطرد البياض من تونس وعايزه تطرد الاسره القرمنليه من ليبيا ركز ركز قوي في الكلام اللي انا بقوله لك طب يبقى الدوله العثمانيه الموقف اللي خدته ده بناء على ايه بناء على اطماع الفرنسية اللي في الجزائر تحركت الدوله العثمانيه لانقاذ ممتلكاتها اللي موجوده في شمال افريقيا ليه بعد الاطماع الفرنسيه اللي ظهرت في الجزائر كانت الجزائر نقطه فاصله في تاريخ الدوله العثمانيه هقول لك لما خدوا الجزائر كموقف او فرنسا احتلت الجزائر وحثت الدوله العثمانيه على ضياع ممتلكاتها قررت حمايه باقي الممتلكات يبقى الدوله العثمانيه هنا بتفكر تحمي باقي ممتلكاتها فعلى طول اتحركت الدوله العثمانيه سنه 35 وبعثت اسطول لطرد الاسره الكرمانيه واستعاده ليبيا كسيطره مباشره يبقى سنه 35 على طول تبعت اسطول وتطرد الاسره القرمليه ليه لمواجهه الاطماع الفرنسيه في طرابلس مستر يعني ايه يعني هي حست ان فرنسا حاطه عينيها على ليبيا وعلى تونس فتجري على طول وتروح مسيطره على ايه مسيطره على ليبيا سنه كام 35 في القرن ال19 في النص الاول من القرن 19 وتستعيد حكم ليبيا المباشر من سنه 35 وضعف الدوله للقرمنليه والاسره القرمنليه خلاص بدات تبقى ليبيا تحت الحكم المباشر العثماني ففرنسا طلعت لها ايه هي ليبيا اصلا حد يبص لها فلم تتحرك فرنسا بالنسبه للي عملته الدوله العثمانيه في استعاده الاسره الكرمانيه طب ما تحركتش ليه قال لك لان ليبيا تفتقر للمغريات الاقتصاديه ليبيا ما كانتش محطه اطماع اي حد فقلت لي ازاي يا مستر ما هي ليبيا دلوقتي دوله غنيه بالبترول ودلوقتي حلف الناتو عمال يضرب في ليبيا والقصص اللي موجوده دلوقتي والحرب اللي حاصله من بعد القذافي هقول لك ده الكلام ده بعد ظهور البترول انما الاول ليبيا مقسومه لقسمين شريط ساحلي قريب شويه من الساحل الايطالي مطل على البحر المتوسط وده اللي تقريبا كان في الموارد وبقيت ليبيا صحراء فما فيش حد هيفكر اصلا فالدوله العثمانيه لما رجعت سلطتها المباشره تونس معترضتش ليه قالت الافتقار ليبيا المغريات الاقتصاديه والمغريات الاستعماريه طب المفروض مين اللي كان يتكلم في ليبيا ويعترض دولتين اللي المفروض يعترضوا على استعاده الدوله العثمانيه للحكم المباشر سنه كام 1835 مين اللي يعترض ايطاليا لقرب ليبيا من الساحل الايطالي المفروض بس ايطاليا ما اتحركتش لان ايطاليا في الفتره ديت كان فيها نزاعات داخليه خد بالك من المعلومات اللي انا بقولها لك مش هتلاقيها مع اي حد يبقى سنه 35 ايطاليا كمان متحركتش لان كان فيها نزاعات داخليه كانت مقسومه بمعنى الاصح وكان فيها حروب اهليه فايطاليا مش فاضيه ايطاليا هتبدا تفضى امتى سنه تسعه وخمسين من 1859 طب المفروض الدوله الثانيه اللي تدخل انجلترا على اساس ان هي محتله مصر اقول لك لا انجلترا بقى مش هتتكلم ليه لان انجلترا احتلت مصر 1881 في الفتره ديت كانت انجلترا بعيده خالص عن الحكم المصري فبالطريقه ديت ما حدش هيعترض الدوله العثمانيه فرحت بقى وقالت بس خلاص ده احنا سيطرنا على ليبيا تعال بقى بعدها بسنه ناخذ التجربه تاني ونروح نسيطر على تونس فسنه 1836 بعدها بسنه حاولت فرنسا السيطره على تونس ولكن حاولت الدوله العثمانيه السيطره على تونس ولكن اعترضت فرنسا للدعائيه فرنسا بان تونس لها كيان مستقل الله طب ما هي ليبيا ليها كان مستقل ما تكلمتيش ليه قالت هو كده انا اتكلمت عشان انا طمعانه في ليبيا يبقى ظهرت الاطماع الفرنسيه في تونس ليه لان فرنسا لما اعترضت فرنسا على استعاده الحكم المباشر العثماني واعترضت بان لتونس لها كيان مستقل و ظهرت فرنسا بانها حامل حمى للبياض عشان تكسب ود البياض اللي موجودين في تونس ودعت باستقلاليه تونس ولا يجوز التدخل في شؤونها كده احنا شفنا موقف فرنسا تجاه الدوله العثمانيه وقفت فرنسا موقف معادي لطمعها في تونس بس هل تونس هتكون لقمه طريه بالنسبه لفرنسا تروح تحتلها قال لي ابدا ده فرنسا طمعانه في تونس بشكل كبير وانجلترا كمان طمعانه في تونس وايطاليا كمان طمعانه في تونس بس ايطاليا امتى زي ما انا لسه قايل لك بعد عام 59 هل كان لفرنسا السهل الانفراد بتونس نقول له لا اشمعنا يعني قال لي لان تونس محطه اطماع دول كبرى كم دوله تلات دول مين التلات دول فرنسا عشان تكون مستعمره فرنسيه في شمال افريقيا بعد احتلالها للجزائر انجلترا عشان تنافس استعماري ما كسبش فرنسا تحتل تونس ايطاليا عشان ايطاليا بعد وحدتها وبعد ما ايطاليا اتجمعت وبدات تبقى امبراطوريه سعت لاستعاده الافكار القديمه للامبراطوريه الرومانيه ايه القصه دي ما هي كانت طرمبه مسيطره على العالم كانت روما سيده العالم القديم بلا منازع وكانت بتسيطر على كل اجزاء الشرق والغرب الدنيا كانت مولعه خالص مع روما لدرجه البحر المتوسط كان اسمه بحر الروم وكل الدول الواقعه على البحر المتوسط شمال وجنوب كان تبع الدوله الرومانيه فلما خلصت من النزاعات الداخليه والحروب الاهليه اللي جوه بدات تقول خلاص بقى هو انا كمان ما ليش نفس انا ليا رغبات استعماريه وهتبدا ايطاليا تظهر في الفتره ديت وتحط رجلها شويه هنا في ليبيا وتحط بعد كده رجليها شويه بعد الثوره المهديه تروح حاطه رجليها في افريقيا وفي شرق افريقيا لما تاخد الصومال وتدخل مناطق هناك وتحط رجلها شويه عايزه يبقى لها مستعمرات وتبدا ايطاليا تبدا تلقط رزقها زي ما بيقول كده وتسيطر على مناطق كتيره في العالم يبقى تونس يا عيني عليك يا تونس محطه اطماع دول كبرى فرنسا عايز اكون مستعمره انجلترا مش هتسيب فرنسا عشان تنافس استعماري ايطاليا لها نفس انها تستعيد الذكريات القديمه اللي كانت ظاهره في العصور الوسطى وعايزه تسيطر بشكل كبير على تونس الموضوع صعب الموضوع صعب فكل دوله فيهم سعد في تسابق استعماري عشان يغرقوا تونس في الديون زي ما عملت انجلترا في مصر فالفكره هنا ان الدول الكبرى ومعظم البلاد التي وقعت تحت الاحتلال قبل الحرب العالميه الاولى كان في البدايه كله التدخل اقتصادي حط بقى في الدوله كده حطها في مصيده الديون وتعال اقول لها انت عايزه ايه بس خدي القروض اللي انت عايزاها بس الفوايد ودي فلوس ناس وهنصدق وتبدا تدخل الدوله في دوامه الديون وتيجي في الاخر تقول شكرا احنا عايزين فلوسنا مش معايا فلوس ادفع لكم فلوس خلاص اسمح لنا ان احنا نتدخل في شؤون الدوله بيقول حصل تسابق استعماري ما بين فرنسا وانجلترا وايطاليا الاول دخلوا عن طريق التماحيج انا اسف في اللفظ يعني بداوا كده المحن والتماسيك للاداره التونسيه كسبوا الاعوان خد بالك كلمه الاعوان دي كانت سبب في قيام ثوره 52 في مصر اللي هم عايزين يقضوا على الاستعمار واعوانه الاعوان دول اللي هم داخل الاداره هم اللي هيوصلوا الموضوع خلاص بقى اللي هيوصله لموضوع للبياض والامتيازات داخل الاداره التونسيه فرنسا تجري وانجلترا تجري وكل واحد فيهم يجري بحيث ان هو يكسب الاعوان داخل الاداره التونسيه مستر هي ايه الاداره التونسيه البياض وهنا بقى بدات الاداره التونسيه تبقى في اتجاه احنا عايزين نحدث البلاد وكاني بحكي لك عن التجربه المصريه وكاني بحكي لك عن اللي حصل في مصر في فتره الخديوي اسماعيل وفي فتره الخديوي سعيد خد بالك التزامن هنا الموضوع في نفس الوقت بل وتونس كمان التجربه التونسيه كانت قبل التجربه المصريه شويه يجي الباي محمد سنه لحد سنه 59 من سنه 55 ل 59 ده تقريبا كده يتزامن مع فتره حكم سعيد عندنا هنا في مصر لان اسماعيل مسك الحكم بعد سعيد من سنه 63 او سنه 62 يعني الباي محمد اصدر عهد الامان بمقتضاه تساوي المواطنين امام القانون ده مين ده يا جماعه الباي محمد سنه كم في خمسينيات القرن ال 19 في العقد السادس اصدر عهد الامان ودي كانت بدايه الاصلاحات مستر يعني ايه كلمه عهد اتفاق وتعهدت الحكومه التونسيه بان تقول للمواطنين سواء امام القانون امسك الباي محمد الفتره ديت فتره يتزامن مع فتره حكم سعيد كان بدايه التدخل هنا وكان بدايه التدخل في شؤون مصر في عصر سعيد والدنيا بدات ايه يتدخلوا كده في شؤون مصر الدوله الاوروبيه فاصدر عهد الامان يعني ايه عادل امام بمثابه دستور مثلا بمقتضاه تساوي المواطنين امام القانون يبقى هنا بيحقق فكره المساواه كلمه المساواه هنا انا سمعتها اكتر من مره لما نقول الباي محمد حقق فكره المساواه يبقى اذا يتشابه مع سعيد لما حقق العداله الاجتماعيه في التجنيد خد بالك بقى بالشبه لما نيجي نتكلم على فكره المساواه يتشابه مع دستور 23 في الاجراءات الديمقراطيه اللي عملها الدستور لما نيجي نتكلم على كلمه المساواه تحقيق فكره العداله الاجتماعيه يتماشى مع ثوره 52 لما نيجي نتكلم على فكره المساواه يبقى هنا الافكار تتشابه مع افكار الامم المتحده لتحقيق مبدا المساواه بين المواطنين امام القانون وده النص ده ورد عندنا اللي نيل الدنيا اكتر الباي محمد الصادق وما حدش يقول لي مش الباي محمد هو الباي محمد الصادق قلت لك ازاي يعني محمد ده شخص والباي محمد الصادق شخص تاني ظهر الباي محمد الصادق سنه 1861 قبل اسماعيل يعني المفروض اسماعيل كان ياخد الباي محمد الصادق قدوه وما يعملش زيه وقال خلاص يا جماعه انا هعمل دستور يبقى بدايه الحياه الدستوريه وبدايه المؤسسات الدستوريه ابتداء من الباي محمد الصادق فعمل دستور والدستوره اللي انا هعمل مشروعات زي مشروعات السكك الحديديه يعني مشروعات النقل والمواصلات والمواني والبرق اللي هي وسائل الاتصال بس على يد شركات فرنسيه انجليزيه ايطاليه ده مين ده الباي محمد الصادق طيب تصرف الباي محمد الصادي يتشابه مع ايه مع معاهده بلطه لمان اللي تم فرضها على مصر اشمعنى يعني لان الباي محمد الصادق فتح الباب امام الدول الاوروبيه للاستثمار داخل تونس طب الباي محمد الصادق يتشابه مع مين مع الخديوي اسماعيل الباي محمد الصادق شبه الخديوي اسماعيل في ايه طموحاته اعلى من امكانياته ان الاتنين فتحوا باب الاستدانه على مصراعيها ان الباي محمد الصادق فتح التدخل امام الدول الاوروبيه زي مين زي اسماعيل بالظبط المهم الدول التلاته حصلوا على امتيازات من الاداره التونسيه والدول الثلاثه بقى ليهم الحق في امتلاك اراضي والحق في امتلاك اراضي بمعنى ان خلاص بقى لهم الحق في الامتلاك والتدخل في الشؤون الداخليه زي فكره انشاء الاستثمارات الاجنبيه اللي موجوده في مصر وزي فكره البيوع الجبريه لما الدول الاوروبيه سيطرت بشكل كبير على اراضي كبيره داخل مصر خد بالك انا بحاول ان انا اشبه لك التجربه المصريه بالتجربه التونسيه بحيث ان انت تبقى عندك وعي المهم فضلوا ورا تونس لحد ما تونس في الديون وفضلوا ورا تونس لحد ما تونس فلست يعني ايه فلست يعني بقت على الجنط يا معلم ما عادش معهم فلوس اصلا زي ما حصل في مصر في عهد مين اسماعيل الفكره بقى انا عندي ثلاث دول مين التلات دول فرنسا وايطاليا وانجلترا فيقول لي الموضوع صعب جدا ان فرنسا تنفرد بتونس ولكن الظروف الدوليه في الفتره ديت تم تهيئها او تهيات ان فرنسا تاخد تونس تعالى نركب طياره كده ونطلع بره تونس اصلا هنتكلم عليه هنتكلم على معاهده اسمها معاهده سنه 1878 التاريخ ده يفكرك بحاجه 1878 اه بيفكرني باللجنه الاوروبيه الدوليه اللي جات مصر بحيث ان هي تسيطر على مصر ايه معادله ايه معادله ايه المعادله ديت وتخص تونس المعاهده بتاعه سان ستيفان وما تخصش تونس في حاجه انما هتبدا كل الامور تتهيا بحيث ان فرنسا احتلت تونس تعالى نتكلم على معادله هاجي اتكلم على معادله دي معاهده ما بين روسيا والدوله العثمانيه ففرضت روسيا على الدوله العثمانيه معاهده اسمها معاهده دي بتتشابه الى حد ما مع صلح كتاهيه طب شبه صلح كتاهيه في ايه ان سان ستيفانو سياسه امر واقع صلح كتاهيه سياسه امر واقع سان ستيفانو تسويه لانهاء الحرب صلح كوتاهيه تسويه لانهاء الحرب بين الدوله العثمانيه وبين محمد علي وفي النهايه الدوله العثمانيه هتخسر هنا ممتلكات وتخسر هنا ممتلكات يعني في كتاهيه خسرت بعض الممتلكات لمحمد علي وكمان في سان ستيفانو هتخسر بعض الممتلكات لروسيا المهم يعني الدوله العثمانيه عملت ايه فرضت معاهده سان ستيفانو روسيا فرضت معاهده سان ستيفانو على الدوله العثمانيه بعد الهزيمه سببها لما اتهزمت الدوله العثمانيه زي ما احنا قل نا سنه 78 على طول فرضت عليها معاهده سان ستيفن قالت لها دوله عثمانيه بما انك ان بيني وبينك مشاكل وعشان ننهي المشاكل ديت طبعا روسيا طمعانه في اراضي الدوله العثمانيه وروسيا مش قادره تمد ايديها على اراضي الدوله العثمانيه بشكل مباشر تاني كده فهمني بالراحه معادله روسيا طمعانه في اراضي الدوله العثمانيه سمي بقى الدوله العثمانيه في الفتره ديت رجل اوروبا المريض يبقى راجل اوروبا المريض اللي هو الدوله العثمانيه راجل عنده ممتلكات اعتبره كده زي تورتايه كبيره قوي فروسيا بعد ما هزمت الدوله العثمانيه عايزه تمد ايديها وتهبش في اراضي الدوله العثمانيه بس مش عارفه قلنا لها ايه اللي مانعك ما تمد ايدك يا دوله عثمانيه وهبيش اللي انت عايزاه خدي اللي انت عايزاه من الاراضي الدوله العثمانيه قالت لي والله يا مستر كان على عيني تلاقي اللي منعك قالت لي انا موقعه على اتفاقيه اسمها اتفاقيه التوازن الدولي واتفاقيه التوازن الدولي ديت كلمه ظهرت اكتر من مره وظهرت ضد محمد علي في معاهده لندن ان كان محمد علي خلل على التوازن الدولي يعني انت يا دوله يا روسيا لو اخذتي اراضي الدوله العثمانيه يبقى انت خدتي النصيب الاكبر من العالم انجلترا فرنسا هيزعلوا فتعملي ايه يا روسيا هتعملي ايه قالت بس انا هزمت الدوله العثمانيه طب وبعدين العب لعبه حلوه يا دوله يا عثمانيه انت عايزاني ننهي الحرب قالت لها اه انهي الحرب قالت لها بس بشرط تدي لدوله بلغاريا استقلالها ودوله بلغاريا دوله من ضمن دول شرق اوروبا ودوله مسيحيه كانت تحت حكم الدوله العثمانيه في الوقت اللي الدوله العثمانيه كانت بتسيطر على شرق اوروبا كله فقالت لها خلاص ادي البلغاريا استقلالها فالدوله العثمانيه وافقت يبقى بص بقى سان ستيفانو خسرت الدوله العثمانيه بلغاريا خسرت ممتلكات ولا لا يبقى دلوقتي ده اسمها تسويه لانهاء الحرب بلغاريا راحت لروسيا قالت لك كتر خيرك يا روسيا انت الواجب اللي انت عملتيه معايا ده انا مش هنساه قالت لها بصي يا بلغاريا انا ما بعملش واجبات مع حد انت هتبقي تحت التوجه الروسي يعني انا مكان ما اقول لك روحي تروحي وتبقي عامله زي كلب الصيد وتبقي عامله زي مخلب القط تروحي تقتنسي اراضي الدوله العثمانيه وتجيبها لي قالت لها حاضر يبقى دلوقتي لما الدوله العثمانيه هزمت اتهزمت من روسيا فرضت عليها معاهده بمقتضى معاهده ادى لظهور دوله بلغاريه كبرى كانت كمخله قط في انتزاع اراضي الدوله العثمانيه واعطائها لمين لروسيا كده الدوله العثمانيه بمقتضى سان ستيفانو هتكون تحت التوجه الروسي وبلغاريا بمقتضى سان ستيفانو هتاخد اراضي الدوله العثمانيه وروسيا تكون حققت الهدف المراد منه وهي سيطرتها على اراضي الدوله العثمانيه بحيث انها لا تثير خلل في التوازن الدولي الموضوع هنا كبير قوي يا جماعه بكل بساطه معاهده روسيا عايزه تاخد بها اراضي الدوله العثمانيه فتدي لبلغاريا استقلالها يبقى نتائج اقتطاع اجزاء من شرق اوروبا طيب نتائج معادله ثاني ستيفانو ان خسرت الدوله العثمانيه ممتلكات لها في شهر اوروبا ظهرت دوله بلغاريا على اكتاف روسيا كان لظهور دوله بلغاريا سببا لان الدوله العثمانيه او ان روسيا تبدا تلعب بمبدا التوازن الدولي تتنصل الدوله العثمانيه تتنصل يعني تبدا تتنكر روسيا من التزاماتها تجاه الدول الاوروبيه بشكل غير مباشر والسيطره على اراضي الرجل المريض فجاه نبص نلاقي ان انجلترا وفرنسا قرات الموقف فاصبحت اوروبا على شفا حرب اوروبيه وده اللي احنا بنقوله العالم وفقا لمبدا العولمه قريه صغيره العالم وفقا لمبدا العولمه قريه ايه صغيره يعني ايه قريه صغيره اذا حدث خلل في اي جزء من اجزاء العالم سواء كان في اقصى الشرق ياثر بشكل مباشر على الدول اللي موجوده في غرب العالم وده لو احنا حبينا نطبق الموضوع ده دلوقتي بالازمه الروسيه الاوكرانيه اثر على اقتصاد مصر بالسلب ايوه طب احنا مالنا برسيا تضرب اوكرانيا ولا اوكرانيا تضرب روسيا اثر عندنا اعمال عندنا مشكله غذاء في استيراد القمح ورفع اسعار القمح بشكل كبير يبقى اذا العالم وفقا لمبدا العولمه قريه صغيره اذا اهتز طرف فيها اهتز العالم كله وده اللي حصل المشكله اللي حصلت ما بين بلغاريا وروسيا تتاثر بيها اوروبا واوروبا تستعد لان روسيا اقلت بمبدا التوازن الدولي سادس شبه لندن بس الفكره هنا ان الدول الكبرى هتقف موقف ضد ضد مين قال لي هتقف موقف ضد روسيا فواقفوا كده وخلاص وهيخشوا حرب ضد روسيا لحد ما طلع مستشار المانيا اللي هو والمانيا في الوقت ده كانت لسه بقى كان لسه طالع جديد والدنيا بقى ايه المانيا بعد ما اتحدت وبدات تظهر المانيا تاني كان هي كمان لها رغبات توسعيه فدعى انا بسميه الراجل العاقل ده اسمه صوت العقل اللي موجود فوق اوروبا اقعدوا بس كده يا جماعه بدل ما نحارب كل واحد نفسه في حاجه ياخدها من الدوله العثمانيه يبقى نسوي مشاكلنا على حساب الرجل المريض يبقى روسيا تاخد جزء وانجلترا تاخد جزء وفرنسا تاخد جزء وايطاليا تاخذ جزء وانا كمان اخد جزء انت مين انا المانيا اللي لسه ظاهره جديد في المانيا طالعه نفسها كمان يبقى عندها رغبات توسعيه هي كمان ما هي هيصه ما هو الدوله العثمانيه خلاص بقى اذا العجل وقع كترت سكاكين وزي ما بيقولوا فتعبس مارك العقد مؤتمر اسمه مؤتمر برلين يبقى مؤتمر برلين من اهم المؤتمرات اللي بتيجي ايه مدى الارتباط بين سان ستيفان وبرلين برلين مترتب على نتائج ليه لما حصلت مشكله هيحاربوا طلع صوت العقل قال نقعد بدل ما نحارب نحافظ على كيان الدول الاوروبيه ونحافظ على وحده الدول الاوروبيه ونسوي مشاكلنا على حساب الرجل المريض اللي نفسه في حاجه ياخدها المهم الظروف هيئت بقى بص بقى في مؤتمر برلين اللي الدوله اللي داعيه بسمارك المستشار الالماني طيب لو انت جيت بصيت اثناء انعقاد المؤتمر انجلترا والدوله العثمانيه وفرنسا دول نعتبرهم كده في كف وهنا على الطرف كمان روسي وجنبهم ايطاليا والمانيا والنمسا فرنسا سمع الحوار قالت باس وربنا لافضحكم ما هعديها يا دول يا مجتمعه الحقوا انجلترا بتبدا تخلق خلاص بقى انت عايزه ايه يا فرنسا اسكتي عايزه ايه قالت لها انا عايزه تونس فتساهلت انجلترا الاحتلال فرنسا لتونس مقابل ان تساهلت فرنسا لاحتلال انجلترا القبرص لجزر البحر المتوسط وطلعت الدوله العثمانيه خسرانه قبرص وخسرانه تونس وخسرانه بلغاريا وبالطريقه ديت اكتر الدول المتضرره من مؤتمر برلين هي مين هي الدوله العثمانيه مين اللي كان طمعان في تونس ايطاليا فايطاليا طالعه غاضبه شايطه ليه قال لك لانها كانت طمعانه في تونس فطالعه خسرانه ومين تاني المانيا طب يا جماعه حاسبه على المشاريب يا جماعه ده انتم قاعدين عندي ده انتم قاعدين في ارضي يا جماعه الدنيا اي حاجه قطعه ارض قالوا لها يلا يا المانيا احنا هنستبعدك من سياسه المساومات اللي ظهرت في تونس والنمسا كده كده ماشيه مع الطيار لذلك دول هيدخلوا في تحالف ودول هيدخلوا في تحالف يعني ايه بقى يا مستر نتائج يعتبر برلين اقتنصت انجلترا قبرص من الدوله العثمانيه مقابل حمايتها حمايتها من مين من بلغاريا ومن دوله ومن روسيا فطبعا فرنسا غضبانه اتنازلت لها عن تونس ايطاليا غضبانه دبه دماغك في الحيط وبالطريقه ديت كانت مؤتمر برلين موجه ان فرنسا تاخد تونس والنيجرى تاخد جزر البحر المتوسط اللي هي جزيره قبرص واللي ايطاليا خرجت غاضبه فانضمت للحلف الالباني النمساوي والمجر ضد التحالف الروسي الفرنسي الانجليزي وبكده خلاص بقى فرنسا احتلت تونس واعلنت الحمايه عليها بعد ما خلت من اي معارضه دوليه بعد ما اطمنت لموقف انجلترا اكثر الدول اللي كانت معترضه على سياستها فطبعا هنا فرنسا في الجزائر حاولت ان هي تمحو الشخصيه ونجحت في الجزائر انما في تونس حاولت تتبع نفس السياسه اللي هي محاوله نسخ الهويه الشخصيه العربيه الاسلاميه يعني ايه يعني حاولت تتبع سياسه الفردسه زي ما عملت في الجزائر ولكن هنا التوانسه تصدر الفكره ديت وتمسكوا بفكره الجامعه الاسلاميه قل لي بقى محاوله مسق الهويه ده بنسميها سياسه ايه فرنسا اتبعتها في الجزائر مين اللي اتصلت لها في الجزائر جماعه علماء الجزائر بتاعه عبد الحميد بن باديس وبشير الابراهيم تصدر التوانسه للفرنسيين حفاظا على الهويه واحفظا على اللغه واحفظا على قوميتهم العربيه الاسلاميه وبداوا يدافعوا بشكل كبير طيب وحاولوا كمان ان هم يتمسكوا بفكره الجامعه الاسلاميه وهنا يقول لك ظهرت تاثير ارتباط التوانسه بالدوله العثمانيه من خلال فكره الجامعه الاسلاميه هنقول لك تمسك التونسيين بفكره الجمع الاسلاميه دي بسميها فكره قوميه دينيه فكره قوميه دينيه اكتر الشعوب الصوره بفكره الجامعه الاسلاميه نقول له الشعب التونسي طيب لو انا قلت لك تتشابه فكره الجامعه الاسلاميه مع جماعه يعني هنا التوانسه لما تمسكوا بفكره الجماعه الاسلاميه هنا شبه مين شبه جماعه علماء الجزائر طب كلام جميل قوي ده شبه ايه تاني قال لي فاكر جريده المؤيد وجريده العالم الاسلامي اللي كان عاملها مصطفى كامل ايوه نفس الفكره بالضبط وبداوا يتمسكوا بالفكره ويدافعوا عن عقيدتهم ويدافعوا عن اللغه بتاعتهم وما يدروش الفرنسيين ان هم يمحو الشخصيه لذلك فشلت فرنسا في تونس بسبب فكره التمسك بالجامعه الاسلاميه عملوا بقى احزاب وطنيه للاستقلال وهكذا تعال نتكلم على كفاح الشعب التونسي بعد الحرب العالميه الاولى حاول زعماء الحركه عرض القضيه على مؤتمر الصلح نقول لهم كده يا جماعه والله العظيم كل قضيه عربيه عرضت على مؤتمر الصلح فهي فاشله قال لي طب ليه هم ما خدوش الفكره العظه والموعظه اقول لك يا عم الحاج كلهم سافروا في نفس الوقت يعني سعد زغلول كان قاعد على الترابيزه معاه خالد عبد القادر مع مندوب تونس هيبقى معاه فيصل ابن الشريف حسين ومعه الشريف حسين كل دول قاعدين على ترابيزه واحده ومعاهم كمان خالد عبد القادر كل دول قاعدين فنقول له كل قضيه عربيه عرضت على مؤتمر الصلح فهي فاشله فاشله ليه لان الدول الكبرى لا تقيم وزنا الا لمصالحها طب ليه اعمل حاجه لان الرئيس الامريكي ويلسون كان بيقول ادعاء كاذب خلاص بقى فهم حاولوا الاستفاده من مبدا حق تقرير المصير ولكن المؤتمر في النهايه فشل في تحقيق الاستقلال بين الحربين العالميتين يظهر شخصيه الحبيب بورقيبه حبيب بورقيبه ده يعتبر اول رئيس لتونس حبيب بورقيبه اتعلم لغه عربيه اصلا هو عربي واتعلم لغه فرنسيه بس استخدم الكلام ده كله في تحريك الجماهير طب اللغه العربيه هيستخدمها في تحريك الجماهير عن طريق اسلوب الخطابه واللغه الفرنسيه عن طريق عرض قضيه بلاده داخل الاجواء الفرنسيه نفسها هل مجالس التشريعيه وعلى الحركه الوطنيه يعني بدا ينشر فكره استقلال بلاده بشكل كبير الحبيب رقيبه اتعلم اللغتين بس استخدمها لخدمه قضيه بلاده استخدمها لخدمه قضيه بلاده يعني ايه يعني الراجل ده عكس عباس فرحات اللي اتنازل عن قضيه بلاده بالرغم ان هو جمع بين الثقافتين وتعلم يعني حبيب برق يبقى عكس جماعه الاندماج عكس جماعه مثقف الجزائر يتشابه مع دور مصطفى كامل بشكل كبير بعد الحرب العالميه الثانيه فرنسا في الاول بقى اول الحرب فرنسا الدكه تحت اقدام الجيوش الالمانيه هتلر خد صوره سيلفي كده مع برج ايفل يعني دك فرنسا فازاي فرنسا تضرب وازاي فرنسا تتاثر بالحرب العالميه وازاي فرنسا تتبهدل في الحرب العالميه وفي النهايه نيجي نلاقيها محتله تونس فلذلك ان هزيمه فرنسا في البدايه ادت لتحريك الجماهير وبداوا يطالبوا بالاستقلال اوشكت الحرب على الانتهاء او في نهايه الحرب فرنسا حاولت قيد الحريات وتقبض على اعضاء المؤتمر الوطني اللي متجمعين اللي عايزين يطالبوا بالاستقلال نفس فكره اي محتل وحاولوا على ان هم يقبضوا على اعضاء المؤتمر الوطني وقياده حريتهم ولكن وجد وجد الدق رهيبه جدا ووجدت نوع من انواع الاعتراض والاستنفار الكبير قوي من الشعب التونسي وفي النهايه عرضت القبعه الامم المتحده وحصلت فرنسا او حصلت تونس على الاستقلال من فرنسا سنه 56 الا بعض التواجد العسكري في قاعده بنزرت البحريه ودي فضلت محتفظه بيها لحد سنه 63 وبالطريقه ديت لم تحقق تونس الاستقلال الكامل لكامل اراضيها الا بعد زوال القوات الفرنسيه عن قاعده بنزرت اخر المناطق اللي كانت موجوده فيها لذلك انا بشبهه بالاحتلال الانجليزي اللي كان موجود في اخر منطقه اللي هي منطقه قناه السويس كده احنا خلصنا كفاح الشعب التونسي وان شاء الله كده فاضل لنا درسين في الفصل الخامس نخلصهم على خير ذاكر درس الدرس واستعين بالله وان شاء الله معك خطوه بخطوه مع الدكتور القيصر انت على طول من الممتازين والسلام عليكم ورحمه الله وبركاته