10 نصائح بيستخدمها عباقرة الإقناع في العالم حتى تمتلك عقول الجميع 169 يوميات مغترب رجع مصر

سلام عليكم يا رب كلكم تكونوا بخير وبصحه وعافيه ان شاء الله موضوعنا النهارده مهم زي كل المواضيع المهمه بتاعتنا موضوعنا النهارده هو ازاي تقنع اللي قدامك بشيء مين مكان اللي قدامك احنا كل يوم في حياتنا بنكون في حاله اقناع مستمره من غير ما ناخد بالنا سواء وانت بتحاول تقنع مديرك مثلا بزياده في المرتب او بتقنع اصحابك بمكان خروجه او حتى بتقنع نفسك انك تنزل الجيم يعني الفكره مش انك تكون رغاي او بتعرف تزوق الكلام او كده لا الحقيقه ان الاقناع ده علم وفن وليه اصول وليه اصول وقواعد نفسيه لو انت فهمتها هتملك كده مفاتيح قلوب الناس وعقولهم بكل سهوله السر دايما بيكون مش في ايه اللي انت بتقوله لكن في ازاي تقوله وازاي يعني تلمس الوتر الحساس اللي بيحرك لك الشخص اللي قدامك ويخليه يشوف وجهه نظرك كانها مصلحته الشخصيه في الموضوع ده هنعرف الخلاصه اللي هتخليك شخص مؤثر ومقنع لابعد الحدود. تخيل كده انت لو معاك ريموت كنترول كده لعقول الناس اللي حواليك تقدر بكلمتين تخليهم يثقوا فيك ويوافقوا على اي فكره انت بتقولها وهم مبسوطين. الموضوع ده مش سحر ولا انك انت بتنيمهم مغناطيسي ولا اي حاجه دي مجرد كده ارقام او شفره معينه شفره نفسيه تقدر تقولها لو عرفت تفكها ما فيش حد هيقدر يقول لك لا تاني ابدا مهما كان الطلب صعب انت مش محتاج تكون عبقري او شخصيه كاريزما كده بالفطره انت محتاج بس تفهم هم الكتالوج بتاع النفس البشريه اللي قدامك وايه اللي بيخلي الناس تاخد قراراتها ده اللي انت محتاجه النهارده هنحكي كده على حاجات لو انت طبقتها كلامك هيكله مفعول السحر وهتتحول من شخص بيحاول يقنع الناس لشخص الناس هي اللي بتدور على رايه وبتنفذ كلامه بكل حب وثقه ركز كده في كل حاجه هنقولها للنهايه. اول حاجه لو حكينا كده ايه هي اسرار الاقناع والتاثير اول حاجه من اسرار الاقناع والتاثير انك تبدا باللي هو عاوزه مش اللي انت عاوزه بمعنى اكبر غرطه اكبر غلطه بنقع فيها كلنا يعني واحنا بنحاول بنقنع حد هي اننا بنبدا بكلمه انا محتاج انا عايز والحقيقه ان ما فيش حد مهتم بيك الكل مهتم بمصلحته عشان تقنع اي حد لازم تلبس نظارته وتشوف الدنيا من زاويته هو وتدور على الفايده اللي هتعود عليه هو لو وافق على كلامك لو قدرت تربط فكرتك بمصلحه مباشره ليه هتلاقيه هو اللي بيجري وراك ساعتها عشان ينفذ اللي انت عاوز كانه كده حلل مشكلته هو الموضوع عامل كده زي الصيد انت مش بترمي للسمكه الاكل اللي انت بتحبه لا انت بترمي لها الاكل اللي هي بتحبه عشان تعرف تصطادها بذكاء فكر دايما ايه اللي هيرجع على الشخص ده من ورا كلامي مهمه جدا تفكر في الجمله دي دايما هل هيوفر وقت مجهود ولا هيحس يعني ببرستيج وكده قدام الناس لما لما تلاقي الاجابه ابدا بكلامك بعد ما تسال نفسك الاسئله دي وتلاقي الاجابه بتاعه الاسئله دي ابدا بكلامك كده بيها فورا بيها على طول لما لو ليه مصلحه وسيب طلبك للاخر خالص وده فن مش تغليف الطلب في صوره هديه ولا فرصه لا ده فن الاقناع الذكي بيبدا بكلمه انت مش انا ودي القاعده الذهبيه اللي بتفرق ما بين الشخص المؤثر والشخص اللي بيضيع وقته على الفاضي خليك دايما فاكر ان المفتاح في ايده هو لما بتيجي بتحاول تقنع حد وانت بس بتديله السبب المنطقي عشان يفتح لك الباب بكل رضا وكل حب يبقى اول حاجه لازم تبدا بيه هو انت عاوز ايه مش انا عاوز دي اول حاجه اول سراني حاجه كلمه لان دي مفعولها سحري العقل البشري متبرمج انه يدور على سبب لكل فعل بيحصل حتى لو كان السبب ده بديهي او بسيط جدا ومفهوم في تجربه اثبتت انك لو طلبت من حد يعديك في طابور وقلت له عشان انا مستعجل نسبه موافقته دي بتزيد بفرق كبير قوي طيب كلمه عشان بتعمل رنه عشان انا مستعجل بتعمل رنه جامده قوي في ودن المخ بتديله اشاره ان في مبرر فبيوقف المقاومه بتاعته ويبدا بقى يتقبل الطلب بتاعك بتلقائيه استخدم القوه دي في حياتك بدل ما تقول انا عاوز اخلص الشغل ده لا قول عاوزين نخلصه عشان نلحق نرتاح ونبدا بكره فايقين انت خدته معاك في الموضوع صاحب الشخص الاخر خليته معاك كشخص وتاني حاجه بديت المصلحه عن اي شيء عشان كذا الاضافه البسيطه دي بتخلي كلامك ليه وزن وقيمه وبتحسس اللي قدامك انك شخص منظم وعن عندك منطق في طلباتك منطق واضح المخ المخ بيكره الفراغ ولما بتسيب طلبك من غير تبرير بيبدا الشخص يشك في نواياك كده او يحس انك بتتحكم فيه وخلاص لكن لما بتدي السبب انت كده قفلت باب الاعتراضات قبل ما يتفتح اصلا وبتخلي الطرف الثاني انه يحس ان هو بيعمل الصح الكلمه دي بتشتغل زي السحر لانها بترضي فضول العقل اللي قدامك وبتخلي الناس تميل للموافقه كنوع من التعاون المنطقي استخدمها فعلا بذكاء في كل جمله يطلب تطلب فيها حاجه استخدمها بدام انت الطلب ده مشروع وانت بتوجه كلامك للشخص اللي هو فيه في ايديه تنفيذ الطلب ده وانت محتاج لازم تبرر له علشان كذا وتحطه هو معاك في الموضوع هتلاحظ ان كل الابواب اللي متقفله ابتدت تتفتح لك ثالث حاجه المعامله بالمثل احنا كبشر عندنا غريزه قويه جدا مزروعه فينا من الاف السنين وهي ان احنا لازم نرد الجميل لاي حد قدم لنا حاجه مفيده فلو حد عمل لك خدمه صغيره بتفضل حاسس بنوع من الدين كده في رقبتك تانيب ضمير ولازم ترد في اقرب فرصه عشان ترتاح نفسيا استغل الذكاء ده بانك تكون المبادر دايما بالخير قدم معلومه ساعد في مشكله او حتى ارمي كلمه تشجيع كده صادقه لما بتبدا بالعطاء انت كده بتبني رصيد عند البني ادم اللي قدامك عفوا بتشيل رصيد على اللي قدامك بتخليه هو مستعد نفسيا ان هو يوافق على طلباتك يعني كنوع من رد الجميل او رد التقدير خلي عندك رصيد عنده الاقناع هنا مش بيجي بالضغط لا بيجي بالود اللي انت زرعته بذكاء ومن غير تصنع او محاوله لفرض السيطره عليه الشخص اللي قدامك هيحس بضغط داخلي كده لطيف ان هو لازم يوافق على كلامك وانت كده هتكون كسبت قلبه قبل ما تطلب مصلحتك بادر انت دايما بعرض عطاء معين ايا كان القاعده دي هي اللي بتخلي الناس الكريمه والخدومه دايما كلامهم مسموع ومحبوب لان دايما الكل حاسس بجملهم وتاثيرهم الطيب بس خلي بالك لازم يكون عطائك ده طالع بصدق مش تمثيليه مكشوفه لان الناس فعلا بتحس باللي بيحاول يشتري خاطرها لغرض فلما تكون انت معطاء بجد الناس هي اللي هتدور ازاي ترضيك وتنفذ لك اللي انت عاوزه من غير ما تطلب حتى بلسانك اي حاجه دي اقوى وسيله انك تبني نفوس كده وتاثير طويل الامد لان دايما اليد العليا دايما هي اللي بتكسب احترام وثقه كل اللي حواليها. رابع حاجه الناس بطبيعتها بتموت في الحاجه اللي هي القليله او اللي ممكن تخلص بسرعه. ده مبدا اسمه مبدا الندره اللي بيحرك قراراتها دايما في الحياه. الخوف من ان حاجه تفوتنا اقوى بكتير من الرغبه في اننا نكسب حاجه جديده وده اللي بيخلينا نتحرك بسرعه انت لو قدرت تبين ان الفكره اللي انت بتقولها او العرض اللي انت بتقدمه للي قدامك متاح لفتره محدوده هتلاقي استجابه فوريه وموافقه سريعه جدا الشخص هيتحول من وضع التفكير الهادي لوضع القرار السريع عشان ينفذ عشان ما يفقدش الميزه الميزه اللي انت قلتها له او يحس ان هو خسر فرصه العمر فبدل ما تقول الطريقه دي كويسه قول انا بكلمك عشان الطريقه دي مفتوحه لعدد معين وهتقفل بكره ده تزود قيمه كلامك انت كده مش بتضغط عليه انت كده بتنبهه لفرصه هو ممكن يخسرها الانسان بطبعه بيكره الخساره بيكرهها اكتر من اي حاجه في الدنيا الندره بتخلق قيمه فوريه للحاجه وبتخلي كلامك كده ليه هيبه وانه اللي بتقوله ده مش محتاج لاي حد في اي وقت استخدم المبدا ده بصدق في شغلك او في اقناع صحابك كده بخروجه معينه وهتلاحظ ان ترددهم اختفى شويه وطلع كده ايه الحماس منهم ويلا بينا لما الناس تعرف انك بتقول انك لما بتقول فرصه بتبقى فعلا فرصه هتلاقيهم بيتحركوا وراك وهم مغمضين وواثقين في تقييمك للامور دي استراتيجيه كده بتسرع عمليه الاقناع وبتخلي الشخص ياخد الخطوه اللي انت عايزها من غير ما يضيع وقت في التفكير السلبي دي رابع حاجه خامس حاجه احنا بنرتاح وبنثق كده في الناس اللي بنحس انهم شبهنا في التصرفات وده اللي بنسميه في علم النفس تاثير المرايه لو قدرت تنسخ لغه جسد ونبره صوت الشخص اللي بتكلمه بذكاء هتحسسه بالامان والثقه من غير ما ينطق كلمه لو هو بيتكلم بهدوء انزل بايقاع ع كده كلامك وكون هادي زيه لو هو متحمس جاري حماسه حركات ايدك ونظراتك وكده الحركه دي بتوصل رساله للعقل الباطن بتقول له انا زيك وفاهمك في حواجز موجوده نفسيه بتتكسر ويستقبل كلامك كده بصدر رحب جدا الاقناع بيبدا من الالفه والالفه بتيجي من التشا شابه في التفاصيل الصغيره اللي اغلب الناس مش بتاخد بالها منها في الكلام جرب تلاحظ كده وضعيه قعدته استخدم بعض الكلمات كده اللي هو بيكررها هتلاقيه ابتدى يحس انك اقرب شخص بيفهمه في القاعده السر هنا مش انك تكون مرايه بلطافه ومن غير ما يبان بتقلد دي اهم حاجه السر انك انت تكون فعلا مرايه بلطافه من غير ما يفهم انك انت بتقلده او انك انت بتمثل او او الى اخره السر هنا انك تكون فعلا فعلا حاسس بيه وبكل حركاته وبتصرفاته عشان الموضوع ما يبقاش غريب او يسير شكوكه لما الشخص يحس انك منه عقله يبطل يحلل كلامك بشكل نقدي وبيدخل في حاله من القبول التلقائي كده لكل حاجه انت بتقولها دي المرحله اللي تقدر فيها تمرر اي فكره وانت مطمن انها هتتسمع بقلب مفتوح كانك كده بتنطق باللي بيدور هو عليه في عقله بناء الرابط ده هو نص المشوار في اي عمليه اقناع لاي حد لانه بيحولك من خصم او غريب لصديق موثوق دي خامس حاجه سادس حاجه لازم نسيب مساحه للاختيار ما حدش بيحب يحس ان هو مجبور على حاجه الاجبار دايما بيولد العناد فورا حتى لو كانت الفكره دي في مصلحه الشخص اللي قدامك الذكاء انك تخلي اللي قدامك ده يقتنع وهو فاكر ان هو اللي اختار بكامل ارادته ومن غير اي ضغط خارجي بدل ما تدي امر مباشر لا اديله بدائل كلها بتوصل لك للنتيجه اللي انت عاوزها في الاخر وسيبه هو يقرر الانسب مثلا بدل لازم نعمل كذا لا اسال كده تحب نبدا بالجزء ده دلوقتي ولا نخلص الجزء الثاني ده دلوقتي ولا نخلص تجيبها له كده انت ثبت الهدف وغيرت الوسيله في الحالتين انت وصلت لهدفك بس هو اختيار الطريقه فهو بيحس بمتعه السيطره والقرار وده بيريح نفسيته جدا وبيرضي غروره اذا كان مغرور طبعا لما الشخص بيختار بنفسه بيبقى عنده التزام ادبي قدام نفسه ان هو ينفذ اللي اختاره ومستحيل ابدا يرجع جع في كلامه بسهوله الطريقه دي انت بتمتص اي غضب وبتحول العلاقه من امر وتنفيذ لتعاون واختيار وده قمه الذكاء الاجتماعي والتاثير الهادي خليك دايما المهندس اللي بيبني الطرق وسيب اللي قدامك حريه ان هو يختار الطريق اللي هو عايزه اللي يريحه وفي الاخر انتوا هتوصلوا هتوصلوا سوا بس ده فن السيطره الناعمه كده اللي بتخليك توصل لاهدافك من غير ما تخسر ود اي حد او تحسسه ان هو مجرد كان اداه. الاقناع الناجح هو اللي بيسيب الطرف الثاني حاسس ان هو كسبان ومبسوط بقراره اللي انت اصلا كنت عاوزه من البدايه. الست حاجات دول مهمين قوي. اول حاجه احنا قلناها دي يعني اول جمله احنا بحب نحكي بيها اللي هي ابدا باللي هو عاوزه مش اللي انت عاوزه دي اول حاجه تاني حاجه اللي احنا اكلمنا فيها مفعول كلمه لان كذا لان كذا عشان كذا مفعول كلمه عشان او لان سحري التبرير تبرير الطلب ثالث حاجه قاعده المعامله بالمثل هتبتدي انت بالخير معاه في الاول هو اكيد لما تيجي تطلب منه طلب مش هيرفضه لك دي وسيله اقناع جميله جدا اللي هي المعامله بالمس رابع حاجه قلناها اللي هي الندره والخوف من الفوات الحاجه تخلص هي دي تحسسوا ان الحاجه دي اخر فرصه لو ما لحقناش دي وسيله اقناع خامس حاجه مهمه اللي هي انك انت تجاري انك انت تبقى مرايه للشخص اللي قدامك في تصرفاته لما بتيجي تطلب حاجه في قعدته في حركته في نبره صوته السادس حاجه والاخيره اللي احنا اتكلمنا فيها ان هي لازم نسيب له مساحه الاختيار لما بنيجي نقنع حد بشيء بنقول له حاجتين في النص او ثلاثه والثلاثه بيادوا لنفس الغرض هو هيختار واحده منهم فانت سبت له حريه الاختيار فدي دي ا اشبعت شيء عنده اللي احنا اتكلمنا فيه. نصيحتي ليك ان الاقناع ده امانه ومسؤوليه كبيره في ايدك. استخدمه دايما في الخير وفي بناء علاقات حقيقيه وما فيش فيها اي تلاعب. خليك دايما حقيقي وكلامك طالع من قلبك لان الكذب مالوش رجلين يعني ما تحاولش تقنع بحاجه غلط. والناس مهما كانت بسيطه عندها حاسه شم قويه جدا للشخص اللي بيحاول يضحك عليها او يمثل دور مش دوره اتعلم تسمع اكتر ما بتتكلم لان في السمع هتعرف مفاتيح الشخص اللي قدامك وايه اللي بياثر فيه وايه اللي بيقلقه وده هيديك القوه كده انك ترد في الوقت الصح بالكلام الصح طور من لغه جسدك ونبره صوتك وخليك واثق في نفسك بس من غير غرور لان الثقه دي هي بتجذب الناس ليك زي المغناطيس كده وبتخلي كلامك ليه هيبه طبيعيه والاهم من ده كله خليك مرن في طريقتك لو اسلوب معين ما نفعش جرب غيره اسلوب جرب غيره ماينفعش جرب غيره وفكر دايما ان المكسب لازم يكون عشان العلاقه تدوم وتكبر مش مجرد مصلحه الاقناع مش معركه لازم حد يخسر فيها الاقناع هو رحله مشتركه لتبادل الافكار بينك وبين الشخص اللي قدامك انك توصله لقرار مريح لكل الناس لو طبقت الكلام ده بصدق هتلاقي نفسك بقيت مؤثر بجد في حياه اللي حواليك وكل كلمه بتقولها هيبقى لها وزن وقيمه وبتغير في الواقع فعلا في النهايه الاقناع مش مجرد مهاره انت بتتعلمها كده وخلاص لا ده فن بيعتمد على الذكاء العاطفي وتقديرنا الحقيقي للبشر اللي بنتعامل معاهم كل يوم فلو قدرت انت تدمج بين القواعد النفسيه اللي شرحناها دي وبين روحك الحلوه واسلوبك المصري الاصيل هتفتح لنفسك ابواب كتيره قوي ما كنتش تحلم بيها في حياتك الشخصيه والعمليه ايه خليك دايما الشخص اللي كلامه مريح ومقنع في نفس الوقت وابدا من النهارده ابدا النهارده كده طبقها في ابسط مواقف حياتك وهتنبهر كده بالنتائج اللي انت هتحققها الدنيا دي كلها قايمه على التواصل الفعال فخلي تواصلك كده هو البصمه اللي بتسيب اثر طيب في كل مكان انت تروحه وبوابه نجاحك الداعيه الاقناعه انك تقنع الشخص اللي قدامك دي مش حاجه هينه دي ليها قواعد وليها طريقه وليها سيستم وليها سياسه استراتيجيه كده تحياتي لكم ونشوفكم في فيديو جديد ان شاء الله