كلمة عن الامام الشافعي فقه شافعي الصف الأول الإعدادي أ حذيفة عيد

السلام عليكم ورحمه الله وبركاته اهلا بكم طلبه وطالبات الصف الاول الاعدادي الازهري انا حذيفه عيد وده اول درس من دروس ماده الفقه الشافعي ان شاء الله هندرس مع بعض السنه دي ماده جديده اسمها الفقه الفقه مبدئيا احنا السنه دي هقدم لك المواد الشرعيه بصوره مبسطه جدا وسهله جدا وجميله هتخليك تحب المنهج ان شاء الله وتدخل الامتحان تحل كل الاسئله بسهوله لكن احنا مش بنتعلم المواد الشرعيه يه عشان ندخل نكتب في الامتحان ان هو يسالني سؤال فاجاوب عليه او اجيب درجه نهائيه او كده لا احنا نتعلم العلوم الشرعيه لان انت كانسان مسلم مطلوب منك تعرف امور دينك احكام دينك احكام دينك دي كلها بقى هتعرفها في المواد الشرعيه السنه دي اللي هي الفقه والتفسير والتوحيد والحديث هي دي امور دينك كمسلم يعني لما يجي واحد مثلا يسالك انا عايز اتعلم الصلاه هصلي ازاي انت دلوقتي عايز تتعلم الصلاه هتصلي ازاي هتلاقي في كتاب الفقه اللي احنا هندرسه سوا ده باب اسمه باب الصلاه جزء كده معين في الكتاب بيتكلم عن الصلاه يعرفك ازاي تصلي ازاي طب عايز اتوضى عشان اصلي هتوضى ازاي طيب ايه الميه اللي هستخدمها في الوضوء عشان اصلي بتوضى اي ميه تقابلني كده مثلا بتوضى بيها لا ده في انواع معينه من المياه هي اللي بينفع استخدمها في الوضوء او الطهاره ف مثلا واحد عايز يصوم انت دلوقتي جاي بدات تتعلم الصيام هتصوم ازاي فهتلاقي في الفقه باب اسمه باب الصيام طيب عايز تزكي معاك فلوس اشتغلت وبقى معاك فلوس عايز تطلع زكاه عن المال ده هتزكي ازاي هتلاقي في الفقه باب اسمه باب الزكاه فكل حاجه في دينك هتتعلمها في كتاب الفقه ده فانت استعين بالله عز وجل كده وركز بقى معايا وخد النيه لله عز وجل انك تتعلم العلوم الشرعيه لدينك ولنفسك مش عشان المدرسه والامتحان والكلام ده اطلاقا انا بتعلمها عشان اخدم ديني عشان انا كانسان مسلم لما حد يجي يسالني يقول لي انت درست ست في الازهر عرفني ازاي اصلي عرفني ازاي اصوم عرفني ازاي اتعامل في احكام البيع والشراء ابيع واشتري ازاي ويكون البيع والشراء ده حلال ما يكونش فيها حاجه حرام كل الحاجات دي ان شاء الله هندرسها مع بعض في كتاب الفقه طيب مبدئيا كده الكتاب اسمه كتاب الفقه الشافعي كتاب الفقه الايه الشافعي فقبل ما نبدا في منهج الفقه نفسه هناخد فكره عن الامام الشافعي الامام الشافعي ده اللي هو ايه اللي هو صاحب المذهب ده لان احنا عندنا اكث من مذهب مذهب فقهي في ائمه كتير كتبوا في الفقه فاحنا اللي هندرسه السنه دي فقه شافعي فاول درس عندي بعنوان كلمه عن الامام الشافعي هنتكلم شويه كده عن الامام اللي قال في الكتاب ده اللي قال في المذهب ده احنا هندرس كتاب اسمه الفقه الشافعي فعايزين نعرف مين المؤلف الشخص اللي كتب الكتاب ده اللي هيعلمنا بقى احكام الصلاه احكام الصيام من رؤيته هو فاول حاجه نسبه ومولده اتولد فين ونسبه ابوه مين جده مين اذكر ما تعرفه عن الامام الشافعي من حيث نسبه ومولده بيقول لك دلوقتي انت دلوقتي كواحد بتدرس فقه شافعي ايه اللي تعرفه عن صاحب المذهب الشافعي ده الشخص اللي قال لي في كتاب الفقه الشافعي فقال لي هو فقيه الامه وسلطان الائمه محمد بن ادريس ابن العباس ابن عثمان ابن شافع ابن السائب ابن عبد يزيد ابن هاشم ابن عبد المطلب ابن عبد مناف جد النبي صلى الله عليه وسلم يعني هو كده بيلتقي مع النبي صلى الله عليه وسلم في جد من اجداده تمام وصل لها بن عبد المطلب بن عبد مناف اللي هو جد النبي صلى الله عليه وسلم يبقى الشافعيه من سلاله النبي صلى الله عليه وسلم طيب اتولد فين؟ فقال له ولد في غزه سنه 150 هجريه اتولد في مدينه غزه نسال الله ان يفرج كربهم وان يطعم جيعهم وان يشفي مرضاهم يا رب وان ينصر مجايديهم ربنا ينصرهم ويثبتهم على اعدائهم ويخذل اللي بيخزلهم فالامام الشافعي اتولد فين اتولد في غزه سنه كام 150 هجريه طيب نشاتئ العلميه بدايه بقى ما بدا ايه يدرس العلم ويتعلم العلوم الشرعيه زي ما احنا بندرس دلوقتي علوم شرعيه كده النشاه العلميه ديت اتعلم العلم الشرعي ده فين فقال لي الامام الشافعي اتعلم العلم الشرعي في اكت من مكان يعني انت دلوقتي وانت بتدرس فقه مثلا بتدرس فين؟ بتدرس في مصر اهو في الدوله في البلد اللي انت عايش فيها الامام الشافعي بقى درس الفقه والحديث والعلوم والشهادات في اكت من بلد هيسافر من بلد لبلد عشان يتع تعلم اول حاجه في مكه اول ما بدا يتعلم العلم الشرع يتعلم فين؟ في مكه قال طب هو ليه ماتعلمش في غزه مش احنا قلنا اتولد في غزه ليه ماتعلمش في غزه اول ما اتعلم اول ما بدا العلم الشرعي فقال لي الاول كم كان عمر الشافعي حين حمل الى مكه وحين حفظ القران الكريم وحين حفظ موطى الامام مالك بيقول لك الشافعيه دلوقتي لما راح مكه راح مكه وعنده كام سنه لما اجاوبك على السؤال ده هتعرف هو ليه ما بداش العلم الشرعي في غزه فقال لحومي الى مكه وهو ابن سنتين ونشا بها راح مكه وعنده كام سنه؟ عنده سنتين وهو طفل عنده سنتين ابوه خده وسافر على فين؟ على مكه يبقى ما لحقش يتعلم حاجه فين؟ في غزه نشا فين؟ في مكه بدا يكبر كده فين؟ في مكه وحفظ القران الكريم وهو ابن سبع سنين وهو عنده سبع سنين بدا يحفظ حفظ القران الكريم كامل تمام وحفظ موطى الامام مالك وهو ابن 10 سنين لما يبقى عنده 10 سنين حفظ موطى الامام مالك اللي هو كتاب الفقه الملكي زي ما انت بتدرس كتاب الفقه الشافعي دلوقتي في كتاب اسمه الفقه الملكي في ناس في ولا اعداد زيك كده بيدرسوا مذهب ملكي مش شافعي فهو حفظ كتاب الفقه الملكي وهو عنده كام سنه 10 سنين من شيخ الشافعي الذي تعلم عليه الفقه في مكه وكم كان عمره حين اذن له بالافتاء وكيف كانت طفولاته وصبها بيقول لك مين الشيخ اللي الشافعي تعلم على ايديه يعني انا بقول لك مين المدرس الشرعي اللي انت بتتعلم على ايدي المواد الشرعيه دلوقتي هتقول مثلا انا بتعلم من الاستاذ حذيفه مثلا او الاستاذ بتاعك في المدرسه او في المعهد اللي انت فيه فالشافعي بقى مين الشيخ اللي علمه الفقه فقالوا تفق على شيخي مسلم ابن خالد مفتي مكه المعروف بالزنجي شيخ اسمه مسلم بن خالد الشيخ ده كان مفتي في مكه تمام في مدينه مكه كان ده المفتي بتاعها زي مفتي جمهوريه مصر العربيه مثلا دلوقتي كده فقال لي كانوا بيلقبوه بالزنجيه طيب زن بالافتاق وعنده كام سنه يعني بقى يفتي الناس لما حد يساله ده حلال ده حرام يسال يقول رايه في الاحكام الشرعيه انت فقال لي اذن له في الافتاء وهو ابن 15 سنه كان عنده 15 سنه تمام اذن له ايه يعني كان لسه في الاعداد اهو مثلا في ثالثه اعدادي مثلا ازنوا له في ايه او في اولى ثانوي كان بيفتي الناس زيه زي المشايخ الكبار دلوقتي الموجودين وكان في صباه يجالس العلماء ويكتب ما يستفيده هو طفل طفل صغير كده قدكم كده مثلا كان بيعمل ايه؟ كان بيقعد مع العلماء ومع المشايخ عشان يتعلم منهم ويسجل الحاجه اللي هيستفيدها اه انا بتكلم في الفقه بتكلم في الحديث بتكلم في التفسير يكتب ويسجل عشان يتعلم طيب المرحله الثانيه كانت في المدينه بعد ما تعلم الفقه والعلوم الشرعيه في مكه نقل للمدينه خلاص اتعلم كل العلم المتاح قدامه في مكه فقرر يسافر مكاناني عشان يتعلم فيه زي الناس دلوقتي اللي بتتعلم كل حاجه موجوده في مصر فيقرر يسافر يكمل دراسته خارج مصر طيب من الامام الذي رحل اليه الشافعي في المدينه دلوقتي الشافعي لما راح المدينه يتعلم ليه ساب مكه وراح المدينه فقال لي راح الى الامام مالك بن انس بالمدينه ولزمه مده كان الامام مالك المشهور صاحب المذهب المالكي موجود ومن اعلم اهل الارض في الوقت ده فقرر الامام الشافعي ان هو يسافر المدينه عشان يتعلم العلم الشرعي من مين؟ من الامام مالك طيب اتعلم من الامام مالك وعايز يتعلم اكتر هيعمل ايه؟ فقال لي سفر في بغ بغداد المرحله الثالثه فين؟ في بغداد بغداد في العراق فسافر العراق عشان يتعلم علوم شرعيه تمام طيب امتى الشافعيه هيروح بغداد وهيقعد هناك قد ايه مثلا والعلماء اللي في بغداد ايه رايهم فيه هيحبوه وهيتعاملوا معاه ولا مش هيحبوه متى اقدم الشافعي بغداد يعني امتى الشافعي سافر راح بغداد وكم سنه اقامها هناك عاش كم سنه في بغداد وما موقف علماء بغداد منه العلماء ما بقى والمشايخ اللي في بغداد هيحبوه ولا هيكراوه عشان هو مثلا عالم كبير كده واعلم منهم مثلا فقال لي ثم قدم بغداد سنه 195 هجريا فاقام بقى سنتين راح بغداد سنه كام 195 هجريه طب هيقعد كام سنه هناك قال لي قعد هناك سنتين يتعلم العلم الشرعي طيب موقف العلماء اللي هناك ايه منه فقال لي اجتمع عليه علماؤها ورجع كثير منهم عن مذاهب كانوا عليها الى مذهبه كل العلماء اللي هناك حبوه اجتمعوا على علمه وبقوا يسمعوا منه ويحضروا دروس علمي وكان في علماء منهم على مذاهب ثانيه سابوا المذاهب بتاعتهم واتبعوا المذهب بتاعهم ما الكتاب الذي صنفه الشافعي ببغداد الشافعي لما عاش في بغداد هيالف كتاب هنا ايه هو الكتاب ده فقال لي صنف الشافعي ببغداد كتابه القديم المسمى بالحجه الف كتاب اسمه ايه الحجه ده المذهب القديم عشان عندنا في في المذهب الشافعي هنلاقي مذهب قديم ومذهب جديد وهو في بغداد كانه مذهب ولما يجي مصر بعد كده يعيش في مصر هيالف مذهب جديد هيغير بعض الحاجات اللي كانت في الكتاب الايه القديم طيب الشافعيه عاش في بغداد سنتين والف كتاب هناك اسمه الحجه ما البلد التي رحل اليها الشافعي بعد بغداد ومات رجع الى بغداد مره ثانيه دلوقتي الشافعيه هيسيب بغداد وهيسافر لمكان وبعدين هيرجع لبغداد تاني فايه البلد اللي سافرها ديت وامتى هيرجع لبغداد تاني فقال لي ثم عاد الى مكه فاقام بها مده ده بعد ما ساب مكه وراح المدينه وبعدين ساب المدينه وراح بغداد هيسيب بغداد ويرجع لمكه ثاني فهيقعد في مكه فتره تمام وبعد كده ثم عاد الى بغداد مره ثانيه سنه 198 هجريا فاقام بقى شهرا بعد ما يرجع لمكه ويقعد فيها فتره هيرجع لبغداد ثاني فهيقعد فيها ايه فاقام بها اشهرا هيقعد اشهر ممكن يقعد كام شهر كده مثلا فيها طب وبعد كده قال ثم بعد كده رابعا في مصر هيروح يعيش فين؟ في مصر هيسيب بغداد خالص بقى ويرجع يروح يعيش فين؟ في مصر تكلم عن خروج الشافعي الى مصر ثم اذكر الكتاب الذي وضع فيه مذهبه الجديد دلوقتي الشافعي بيقول لك احكي لي الشافعي هيعمل ايه في مصر وايه الكتاب اللي هيالفه ده هيعمل فيه ايه؟ فقال ثم خرج الى مصر ولم يزل بها ناشرا للعلم ملزما للاشتغال بجامعها العتيق راح مصر فقعد ينشر العلم في مصر وبعدين فضل قاعد في الجامع العتيقي اللي هو اسمه مسجد عمرو بن العاص تمام وفي مصر ظهرت نواهبه ومقدرته الكلاميه فاملى على تلاميذه كتابه الجديد التي عبر عنها بالقول الجديد ومنها كتاب الام وهو عمده مذهبه الجديد الف كتاب في مصر تمام اسمه كتاب الام ده المذهب الايه الجديد طيب فضله وكنته العلميه يعني ميزه الشافعي ده بقى وممكنته بن العلماء اذكر ما تعرفه عن فضل الشافعي ومكانته العلميه وما الحديث النبوي الذي حمل عليه في فضله ومكانته بيقول لك فضل الشافعي يعني لما اجي اقول لك من العلماء الموجودين دلوقتي فلان وفلان وفلان ايه فضل الشافعي بقى بين العلماء فقالوا انتشر علمه ومذهبه في جميع الافاق وتقدم على الائمه في الخلاف والوفاق قال لك العلم بتاعه انتشر في كل مكان تمام في كل البلاد وبقى اتقدم على كل الائمه الموجودين في وقته تمام في الخلاف والوفاق يعني المسائل الخلافيه كان متقدم عليهم فيها بيعرف يظبط الامور فيها ومسائل الوفاق المتفقين مع بعض فيها برده كان متقدم على الكل وعليه حمل الحديث النبوي المشهور عالم قريش يملا طباق الارض علما في حديث النبي صلى الله عليه وسلم قال عالم من قريش هيملا الارض علم فكان هو الايه الامام الشافعي طيب وفاته متى متى توفي الشافعي مات امتى؟ فهل لي انتقل الى رحمه الله تعالى يوم الجمعه اخر شهر رجب سنه 204 هجريا مات يوم جمعه في اخر شهر رجب سنه 204 هجريا التعريف بمؤلف كتاب فتح القريب الكتاب اللي احنا بندرسه السنه دي بقى اسمه فتح القريب في حد قال في كتاب مش ده الكتاب الاصلي الامام الشافعي كاتبه ده في حد كتبه يسره وبسطه كده خد جزء منه وبسطه فاحنا هنعرف مؤلف في الكتاب ده اول حاجه نسبه عاملينه بيقول اكتب نبذه مختصره عن مؤلف كتاب فتح القريب من حيث نسبه ومولده الراجل اللي جا جاب كتاب الامام الشافعي وخد جزء منه لخصه لنا وبسطه لنا كده عشان نعرف ندرسه فقال لي هو محمد بن القاسم ابن محمد ابن ابي عبد الله شمس الدين الغزي ثم القاهري الشافعي ولد في رجب سنه 59 و800 هجريا 859 هجريا بغزه ونشا بها يبقى بقى تولد سنه كام؟ 859 اتولد فين؟ في غزه طيب نشئاته العلميه او ال ا ازاي بقى تعلم وبدا ياخد العلوم الشرعيه اذكر ما تعرفه عن عن النشاه العلميه للامام محمد بن قاسم رحمه الله زي الامام الشافعي كده نشا فين اتعلم فين سافر فين فقال لي اولا في غزه بدايه ما بدا يتعلم العلم الشرعي فين؟ في غزه نشا بها فحفظ القران الكريم وبعض العلوم الشرعيه واللغويه وغير ذلك نشا بقى يعني كبر وبقى شاب كده فين؟ في غزه فحفظ القران الكريم في غزه وتعلم العلوم الشرعيه وعلوم اللغه العربيه في غزه تمام المرحله الثانيه في القاهره بعد ما اعلم في غزه قرر انه يسافر القاهره عشان يتعلم من العلماء اللي موجودين فين؟ في مصر فقال لي ثم قدم الى القاهره في رجب سنه 881 هجريه فاخذ الفقه والقراءات والقراءات والقراءات والاصول والفروض اللي هي المواريث على بعض علماء كالعباس عبادي والجوجري وغيرهما تعلم الفقه الفقه اللي احنا بندرسه وتعلم القراءات اللي هي علوم القران الكريم وتعلم اصول الفقه وتعلم علم المواريث الميراث هناخده بعد كده من العلماء الموجودين في مصر وتميز في الفنون واشير اليه بالفضيله والسكون والديانه والعقل والتقنع باليسير طيب ما الوظائف التي تولاها محمد بن قاسم رحمه الله ومتى توفي ايه الوظائف لما يجي مصر هيتولى وظائف ايه الوظائف او الشغل اللي هيشتغل فيه فال اشتغل بالافتاء والتدريس والامامه والخطابه في مدرسه السلطان الغوري بالقاهره اصبح اشتغل مفتي بقى مفتي الديار المصريه في الوقت ده وبقى امام وخطيب في المساجد او في مدرسه السلطان الغوري في القاهره وتولى اعمالا في الازهر وغيره مسك وظائف في المسجد الازهر وغيره واماكن ثانيه طيب مات امتى؟ فقال لي توفي سنه 918 هجريا رحمه الله ونفع بكتبه مات سنه 18 هجريا كده احنا خدنا فكره عن الامام الشافعي صاحب المذهب اللي هندرسه وخدنا فكره عن المؤلف اللي كتب الكتاب اللي احنا بندرسه السنه دي يعني لو استفدت حاجه من الدرس شارك الفيديو على صفحتك عشان اصحابك كمان يستفيدوا زي ما انت بتستفيد وديل ل كل اصحابك على القناه عشان يستفيدوا وتابعنا طول السنه ان شاء الله عشان تستفيد وتقفل معانا الامتحانات ان شاء الله وسيب لنا تعليق صغير بذكر الله اول صلاه على النبي صلى الله عليه وسلم واستودعكم الله الذي لا تضيع ودائعه والسلام عليكم ورحمه الله وبركاته.