مراجعة ليلة الامتحان تربيه وطنيه اولي ثانوي الترم التانى 2025

من صغرنا واحنا بنبني عشنا مع بعضنا معلش يا جدعان انا اسف انا اسف بص انا مش هطول عليك انا عارف ان انت ابيض وعلى الله حكايتك انا عاجبني قوي الصوره بتاعتي دي جامده قوي اقسم بالله انت هتخش تتفرج على حاجه كده بسرعه تحط الماده في جيبك وتتكل على الله خش على طول في الموضوع يا نجم العالم يلا بينا يلا بينا يا اولى ثانوي على طول نخش نفرم ونقطع التربيه الوطنيه اللي انا واثق اللي انت ما تعرفش حاجه عنها غير اسمها ده انت لو عارف يا ابن الحلال اسمها يبقى كويس بس انا اقول لك على حاجه هتخرج من المحاضره تدعي لي وتخش تقفل الامتحان وتخرج تقول ربنا يكرمك وقبل ما تخش الامتحان انا بقول لك على حاجه انت هتنجح انا اللي بقول لك يا عم قبل ما نبتدي انت هتنجح بس ركز معايا وحبني بس الشويه دول عشان تاخد مصلحتك ها وتعال اقول لك ايه هي اصلا التربيه الوطنيه دي التربيه الوطنيه دي يا ابني ماده من اسمها تربيه وطنيه بتزرع فيك حاجات عشان تبقى وطني عشان تحب بلدك عشان تحب مصر فالنهارده هنتكلم معاك في جزئيتين صغيرين في الماده دي وهو الفصل الثالث والرابع واحد يقول لي يا مستر طب هو فين الفصل الاول والثاني اقول لك ما انت اخدتهم الترم الاولاني ما تتعبنيش عشان انا مخنوق اصلا فاهم ف فشغل دماغك طيب الفصلين دول هيكلموني عن ايه يا مستر اول فصل بيكلمك عن الشباب اللي هو انت يعني بعد الشر عليك الشباب وتحقيق التنميه الاجتماعيه والفصل الثاني بيكلمني عن شويه شخصيات مهمه في مصر اثروا وناس كده عملوا لنفسهم اسم جامد قوي فهنعرفهم طيب تعال بقى نخش في الموضوع على طول عشان الموضوع والله العظيم سهل وجميل قوي كده كده الملزمه اللي بشرح منها دي هتلاقيها تحت في صندوق الوصف وهتلاقيها في اول كومنتس ها ف واخد لي بالك انت فهتلاقيها تاخدها تفتحها تذاكر معايا تخش تقفل تدعيلي يلا يلا يلا اللي بعده اسمح لي بس اللي تخليني يعني ايه في حماس وكده عشان ايه ننجز مع بعض الدنيا بص يا ابن الحلال الفصل الاول بيتكلم عننا او بيتكلم عن الشباب وتحقيق التنميه الاجتماعيه طيب بص يا ابن الحلال الراجل في البدايه بيقول لي هو مين اصلا هم الشباب يعني الشباب دول مين اقول لك يا ابن الحلال الشباب هي مرحله عمريه تتسم بالح حيويه ها ها حيويه في نشاط واحد يقول لي يا مستر انا بصراحه على طول نايم مش عارف اعمل ايه هو انا كده مش شاب اقول لك لا انت شاب بس انت يعني سعفان الكسلان قوم اتحرك اعمل اي حاجه بيقول لك الشباب عندهم حيويه يعني خليك نشيط والنمو الذهني دماغك شغاله وبتنمو وبتشتغل وبتكبر وبتاخد معلومات ودماغك بتزيد وانت فاهم حاجه ونمو نفسي واجتماعي ونفسيا بيحصل لك نطج واجتماعيا بتتعامل مع الناس فواضح قوي ان مرحله الشباب مرحله كلها حيويه ونشاط طب كلام جميل وبعد كده بدا يكلمني عن اهميه المرحله دي ايه لازمتها المرحله دي ايه لازمتها بص يا استاذي بيقول لك هي العمود الفقري للامه العمود الايه الفقري يعني ايه العمود الفقري يا مستر معلش العمود الفقري ده ها اللي بيخليك صالب طولك فتخيل لو انت ما عندكش عمود فقري هتحصل ليه؟ اه مش تعرف تصلب طولك هتبقى نايم ا واخد لي بالك انت فنفس الكلام الشباب بالنسبه للمجتمع العمود الفقري اللي بيخلي المجتمع صالب طوله فده مهم المجتمع اللي فيه شباب ناضجين بيشتغلوا بيجتهدوا المجتمع بيبقى صالب طوله بيقول لك ان الشباب دي مرحله القوه التي تبني وتحمي اه اه الشباب بيبني المجتمع بعلمه بفكره بمهاراته بكل حاجه يمتلكها وان هو كمان بيحمي المجتمع بيحمي المجتمع سواء علميا فكريا ثقافيا يا اخي حتى لو عسكريا بيحمي المجتمع طيب قال لك همزه الوصل بين الحاضر والمستقبل يعني ايه يعني يا ابن الحلال عمرنا ما هنتقدم وهنفرق عن الوقت اللي احنا موجودين فيه دلوقتي قدام غير لما يكون معاك شباب فعلا بيشتغلوا وهدفهم ان هم يؤدوا لتقدم المجتمع. طيب وده هيكون عن طريق ايه يا مستر؟ عن طريق اللي كل واحد فينا يقوم بدوره انت كطالب تجتهد وتكبر وتحقق احلامك وتساعد بلدك وهكذا. الراجل بيقول لك وقود كل حركات التغير الاجتماعي. يعني ايه يا مستر الكلام ده؟ يعني ايه وقود؟ يعني بنزين؟ يعني اللي بيحرك اي تغير اجتماعي بيحصل. هتقول لي يا مستر ازاي بس فهمني بالراحه اقول لك يلا فاكر ثوره 25 يناير طب كنت تسمع عنها صح لو سالت اي حد هيقول لك ان الثوره دي اللي عملها الشباب مستر انت عايز تقول لي ايه عايز اقول لك ان الشباب هم اللي بيقدروا يغيروا في المجتمع هم وقود اي ثوره ممكن تقوم او اي حاجه تتغير في المجتمع بتحصل عن طريق الشباب فده كده بالنسبه ل من هم الشباب اهميه الشباب وخليني اقول لك بقى عن خصائص الشباب ايه المميزات اللي موجوده عند الشباب واظن اللي احنا قلناها كمان شويه طيب قال لك هي القدره على التخيل والابداع اه يا ابن الحلال انت كشاب محتاج ان انت تبدع محتاج ان انت تتخيل دي المزايه بتاعتك فلو انت مش بتتخيل ومش بتبدع وقاعد مسحول في ببجي والتليفون والتيك توك والفيسبوك اعرف ان انت عطلان ومضحوك عليك معلش بعد كده بيقول لك الاستقلال والاعتماد على النفس الشباب بيعتمد على نفسه الشباب بيطلع لارض العمل ويواجه ويتعلم ويقف على رجليه ليه مش يستنى بابا ياكله ولا ماما تسنده ولا اي حاجه من الحاجات دي هو طوله بيقف يواجه لان هو عنده استقلال ذاتي قال لك التمتع بالحيويه والنشاط ودي احنا قلناها قال لك تقبل الافكار الجديده والاستجابه للتغيرات الاجتماعيه يعني ايه تقبل الافكار الجديده لو جينا بصينا للفرق بينك وبين جدك او ستك لو اديت جدك او ستك تليفون حديث قوي ومش عارف ايه هم مش قادرين يتكيفوا مع الوضع ده هم متعودين على الحاجات الحاجات البدائيه هم شايفين ايه يا عم ده وايه التكنولوجيا دي وايه الحاجات اللي بتحصل دي وايه الذكاء الاصطناعي ده لكن انت كشاب صغير قادر تتاقلم مع اللي بيحصل ومع التطورات ومع التغيرات هو ده اللي بيقصده بتقبل الافكار الجديده والاستجابه للتغيرات الشباب هم اللي بيقدروا يواجبوا اللي بيحصل ده يبقى انا كده كلمتك يا ابن الحلال عن من هم الشباب كلمتك عن اهميه الشباب كلمتك عن خصائص الشباب طيب خليني اكلمك على المخاطر المهدده للشباب في المجتمع يعني ايه؟ يعني ايه هي المشكلات ايه هي المشكلات اللي بتواجه الشباب اللي احنا عايزين يعني ا نخلي بالنا منها الراجل قال لك بص في ثلاث انواع ركز كده معايا الله يراضيك عشان تبقى مدرك وفاهم ايه هم الثلاث انواع وايه هم الثلاث مشكلات اللي بيقابلوا الشباب عموما طيب فالراجل بيقول لي بص اول حاجه واول مشكله عند الشباب ان يكون في شاب حواليه غلط خلي بالك بس هو ما وقعش فيه او ما عملهوشاني نوع شاب حواليه غلط وهو وقع فيه بس خلي بالك من حاجه لم يعاقب وفي نوع تلت ايه هو شاب حواليه غلط وعمل غلط وتعرض للعقاب مش فاهم هفهمك اول نوع عندنا واول مشكله ان يكون مثلا واحد قاعد في منطقه فيها تجار مخدرات فيها ناس بتعمل حاجات غلط او حواليه ناس مش كويسين وهو ما وقعش في الغلط دي اول تحدي بيقابل الشباب هو لسه محافظ على نفسه ها واحد مثلا عنده ازمه اقتصاديه حواليه او اي حاجه هتخليه يطلع من المدرسه ما يكملش تعليمه ولكن هو بيقاوح وكمل تعليمه ده اول نوع يعني حواليه غلط وما وقعش في الغلط ثاني نوع حواليه غلط ووقع في الغلط بس لم يعاقب بمعنى واحد حواليه تجار مخدرات وحواليه ناس غلط كتيره بقى زيهم بس ما تعاقبش لسه ما اتسجنش يبقى ده ثاني نوع ثالث نوع حواليه ناس غلط ركز كده ووقع في الغلط واتعاقب دخل السجن فهي دي الثلاث انواع اهو اول نوع الذي واجه الخطر ولم يقع في حواليه خطر حواليه مشاكل بس ما وقعش فيها مثل الشباب الذين يعيشون في ظل ظروف اقتصاديه صعبه صعبه تجعله عرضه للتسريب من المدرسه واحد عايش حياه صعبه اقتصاديا كفلوس وده معرض ان هو يسيب المدرسه ولكن هو ما سابش المدرسه ثاني نوع الشباب الذي وقع في الخطر وقع في الغلط ولكنه لم يتعرض للعقاب ماتحبسش ما حدش قال له انت عملت ايه او المعاناه مثل الشاب المنحرف الذي لم يسجن ثالث نوع الشاب الذي تعرض بالفعل للعقاب او المعاناه مثل الشباب المسجون اللي هو عمل حاجه غلط واتعاقب عليها يبقى ثلاث انواع ما تنساهمش عمل غلط وما دخلش او حواليه غلط وما دخلش فيه عمل الغلط وماتحاسبش عمل الغلط واتحاسب دول الثلاث تحديات والثلاث انواع والثلاث مشكلات اللي بيقابله الشباب الراجل بعد كده بيقول لك السياسات الوطنيه للشباب عايز يقول لك هو معلش يعني ايه السياسات وكلمه سياسات يعني حاجه قانونيه حاجه حكوميه ايه السياسات وايه القوانين اللي اتحطت عشان خاطر الشباب الغلبان ده نقدر نديله حقه ايه هي؟ قال لك بالراحه بس خليني افهمك ايه هي الاول السياسات الوطنيه دي قال لك هي نصوص حكوميه ما معنى نصوص حكوميه؟ يعني قوانين قال لك هي نصوص حكوميه تضمن توجهات الدوله بخصوص الشباب يعني شويه القوانين اللي بتتحط عشان نقدر نساعد الشباب نوفر لهم فرص عمل ا نامنهم نفتح لهم مجالات في التعليم دي اسمها النصوص الحكوميه او السياسات الحكوميه او السياسات الوطنيه طيب الراجل بيقول لك وهي ايه هي المبادئ بتاعتها يعني ايه هي الحاجات اللي هي بتاكد عليها قال لك بص الغاء تهميش الشباب اول حاجه القوانين دي بتاكد ان ما ينفعش نهمش الشباب لازم نخلي الشباب ليه دور لازما ندخله في الحياه السياسيه والحياه الاجتماعيه ونخليه موجود ونخليه يشارك في الانتخابات ويشارك في المشاكل ويشارك في التحديات اللي بتقابل الدوله ونخليه يتعلم ما نهمشوش ابدا نخلي للشباب دول لان هم دول فعلا وقود ودي الامه ثاني حاجه تلبيه احتياجات الشباب نلبي احتياجاتهم نشوفهم عايزين شغل عايزين يتعلموا عايزين ياخدوا كورسات عايزين اي حاجه نقف معاهم وحل مشكلاتهم لو شاب عنده مشكله نساعده لو قدامه ازمه نقف معاه احنا كدوله بالقوانين اللي بنحطها الاستفاده من قدرات الشباب وما ادراك ما قدرات الشباب المدفونه المكبوته انت حواليك كميه شباب اللهم بارك عندهم افكار وعندهم عندهم طموحات وعندهم شغف وعندهم حاجات كتيره بس مش لاقيين اللي يدعمهم فالمفروض ان السياسات الوطنيه بتدعم الحته دي وبتاكد على الحته دي يبقى احنا اول حاجه ما بنهمشهمش ثاني حاجه بنلبي احتياجاتهم ثالث حاجه بنستفاد من قدراتهم طيب الراجل بيقول لك ايه هي فوائد بقى السياسات الوطنيه دي القوانين دي ايه فوائدها هتعود علينا بايه قال لك اول حاجه تحقيق اهداف الشباب اول فايده هتتم ان الشباب هيحقق اهدافه عن طريق القوانين اللي محطوطه عشانه اي واحد عنده حلم عنده امل في حاجه عايز يعملها هيقدر يعملها التوزيع العادل للثروات في ثروات في البلد اه في خير في البلد اه طب ازاي نوزعه بطريقه صح عن طريق القوانين دي عن طريق ان ازاي كله يستفاد ازاي نفتح مصانع ونفتح ا مجالات كتيره للشباب يشتركوا فيها وهكذا مشاركه الشباب في اتخاذ القرار بالدوله لازم يبقى الشباب ليه دور لازم يشارك في الحته السياسيه لازم يشارك في الحته الحزبيه لازم يشترك في القرارات السياسيه اللي لها علاقه بالدوله قال لك خلق اطار للاهداف المشتركه والعمل الجماعي بنعمل اطار كده ان كلنا نشتغل مع بعض وكلنا ننتج مع بعض لان الهدف في الاخر هو خدمه المجتمع هو ده المبادئ وهي دي الفوائد اللي احنا هناخدها لما نلتزم بالسياسات الوطنيه للشباب موضوع كله قايم على النفع للمجتمع طيب الراجل بيقول لك ما هي مجالات تمكين الشباب ازاي ان احنا نمكن الشباب يعني عايز يقول لك من الاخر ازاي ما يبقاش الكلام اللي احنا بنقوله ده كلام على ورق ازاي نخلي الشباب بالفعل موجود على ارض الواقع وبيساعد في المجتمع قال لك بص مجالات تمكين الشباب اول حاجه من خلال نشر الديمقراطيه وحقوق الانسان بص المجال السياسي والمجال الاقتصادي والمجال الثقافي والمجال الاجتماعي في المجال السياسي ننشر الديمقراطيه وحقوق الانسان يعني من الاخر نبقى واقعيين يبقى في ديمقراطيه يبقى في مشاركه حقيقيه من الشباب في الحته السياسيه نحترم حقوق الانسان كل ده في المجال السياسي طب في المجال الاقتصادي ازاي نمكن الشباب قال لك يتمثل في مواجهه البطاله نساعدهم ان هم يلاقوا الشغل يشتغلوا ينتجوا وكمان نحس على العمل الحر عارف يعني ايه العمل الحر العمل الحر اللي اخدتوه في ثانيه ثانوي لو انت يعني لا ثاني ثانوي اولى ثانوي العامل الحر ده اللي انت تكون تعمل مشروع خاص ليك انت يعني مش شغال ولا موظف عند حد ولا في الحكومه فالحكومه او الدوله لازم تشجع الشباب اللي هو يعمل عمل حر المشاريع الصغيره تبقى انت بقى ايه انت صاحب الشغل وانت اللي بتفكر وانت اللي بتبدع كل ده بينمي وبيمكن الشباب اقتصاديا طيب يبقى فكره الاقتصاد اي حاجه ليها علاقه بالفلوس فكره السياسه اي حاجه لها علاقه بالقوانين وبالدوله طيب المجال الثقافي ازاي نمكن الشباب ثقافيا؟ قال لك يتمثل في تطوير التعليم والاهتمام بالثقافه المصريه. لازم نهتم بالتعليم. نهتم بالتعليم نطور التعليم. الثقافه المصريه تتطور عشان خاطر فعلا الشباب يبقى ليه دور ما نقولش ده لسه صغير. يا اخي ده الاسكندر الاكبر غزى العالم وهو عنده 20 سنه. لازم احنا كمصريين ثقافتنا تتغير. مش اي واحد صغار نقول ده لسه ما عندوش خبره. خبره ايه؟ بص العيل زي مثلا خلينا مثلا نكون في الكوره انا لساني علق ليه؟ انا مالي في ايه؟ ما تهد شويه لمين؟ لمال اللي هو بتاع برشلونه ده عيل عنده 17 سنه يعني لسه في ثالثه ثانوي يعني لسه بياخد مصروفه من امه ومن ابوه يعني زي ما بيقول لك ابراهيم الفيق ده كده لسه ماشي بقيد بقيد المدرسه مش معهوش بطاقه وبيعمل ايه في العالم ومكسر الدنيا ليه؟ لان احنا وثقنا فيه لان الناس اديته قدره الناس اديته مكانته بقى هو اللي شايل الفرقه عيل مجرم عيل مجرم رمني الواد ده متربي تحت الكوبري ف فليه ليه هو كده لان خد الثقه الثقافه متغيره الواد بيجي يتكلم وبيلعب ايه ده يا عم ده عموما زي ما قلت لك كده الاسكندر الاكبر 20 سنه وغزى العالم فالكلام ده بيجي من خلال اللي احنا بنغير بقى ثقافتنا ونهتم بالتعليم ونعرف ان الشباب دول فعلا يقدروا يعملوا حاجات كتيره برده في المجال الاجتماعي من خلال توفير مبدا التكافؤ بين الفقراء والاغنياء برده في الحته الاجتماعيه لازم يبقى في تكافل لازم يبقى في فرص للغني والفقير مش بس الغني اللي يشتغل والفقير يركن لا كل ده بيمكن الشباب وبيدخل الشباب في الحياه عموما وفي المجتمع عموما سواء سياسيا او اقتصاديا او ثقافيا او حتى اجتماعيا طيب الراجل بيقول لك مشاركه الشباب تحقق التنميه الاجتماعيه طب ايه دليلك ايه دليلك ان لما الشباب بتشترك في المجتمع في تحقق للتنميه يعني المجتمع بيبقى بيتقدم للافضل ايه الدليل دليل على الكلام ده قال لك بص يا ابن الحلال الكلام ده بيكون من خلال ايه؟ من خلال ان الشباب لما بتخش في المجتمع اول حاجه بتحصل اول حاجه بتحصل العمل والاجتهاد وتاديه الواجبات من اجل رفعه الوطن الشباب لما بيخش وبياخد مكانه بحقه وحقيقي بيشتغل وبيجتهد وكل ده بيدي رفعه المجتمع سواء بقى كل واحد في مجال الدكتور المدرس العامل العالم كل واحد بيجتهد فالمجتمع بينمو وبيق يكبر ثاني حاجه بيقول لك لما يبقى في شباب ايه اللي هيحصل المشاركه في تحقيق التنميه عن طريق الاجتهادات في اداء العمل كل واحد يادي عمله باجتهاد المجتمع هيتقدم خلاص معروفه المشاركه في مجالات العمل التطوعي وده اللي احنا هناخده كمان شويه كمان شويه ايه انت انا انا جاي معايا اللي انت فاهم اكبر من اولى ثانوي ها العمل التطوعي اللي انت من الاخر بتعمل خير من غير ما تستنى مقابل بتساعد في المجتمع من غير ما تستنى مقابل شفت انت جمعيه رساله والجمعيات الخيريه او اي حد بيعمل عمل خيري بيروح يساعد الناس من غير مقابل هو مين اكت حد يف يعني يقدر يعمل الكلام ده الشباب مين اللي يروح يساعد الفقراء يبني لهم بيتهم يساعد حد محتاج يعمل حاجه الشباب فاحنا لو اهتمينا بالشباب الحته بتاعه العمل الخيري والتطوعي دي هتزيد طيب مواجهه الاثار السلبيه الناتجه من الكوارث والازمات اه لو في ازمه في كوارث في زلازيل اي حاجه ايه زلازيل دي زلازل زل يعني اي حاجه حضرتك ايه اللي هيحصل؟ اللي هيتصدى للكلام ده مين؟ الشباب الشباب الشباب الله يرضى عنكم قال لك برده من ضمن الحاجات المهمه اللي هتؤدي لتقدم المجتمع وهتؤدي لتنميه المجتمع على المشاركه في العمل السياسي لازم تبقى عارف ان احنا لو يعني اعتمدنا على الحته الشبابيه في الحته السياسيه هتفرق معانا جدا لان الشباب كله حماس وكله كله نشاط وكله فكر وكله ابداع فلازم ندي اهميه للشباب كده احنا خلصنا الجزء الاولاني والفصل الثالث عندنا لما هتيجي تبص عليه بشكل بسيط ومختصر اتكلمنا عن الشباب مين هم الشباب ايه اهميتهم ايه الخصائص بتاعتهم اتكلمنا عن المشاكل اللي بتقابلهم وهي ثلاث انواع اتكلمنا عن حاجه اسمها السياسات الوطنيه او القوانين اللي بتتحط للشباب ايه هي ايه المبادئ اللي المفروض نحطها وايه الفوائد اتكلمنا ازاي نمكن مكن الشباب في المجتمع واتكلمنا عن ان الشباب لما بيشارك في تنميه المجتمع ايه اللي بيحصل طب كلام جميل خلي بالك ان اصلا الاسئله بتيجي بشكل مباشر مباشره يعني ما فيهاش يعني لو حفظت الكلام ده او لو فهمته كويس هتخش تحل على طول مش الاسئله بقى اللي هي لفه والدورانات اللي بتحصل في المواد الثانيه لا اسئله اختياريه ومقاليه مباشره طيب الراجل بيكلمني بعد كده عن شخصيات مصريه رائده وانجازات عالميه عايز يقول لي والله ان في عندنا في مصر شويه شخصيات ناس كده الله اكبر عليها مالهاش حل ما تيجي نعرفهم كده وناخد قصتهم بشكل بسيط قال لك اول واحد زكي نجيب محمود ها محمود مش محفوظ زكي نجيب محمود ماله يا عم زكي ده عمك زكي ده لقب بفيلسوف الادباء واضح قوي ان هو جمع ما بين الفلسفه وما بين الادب بقى والمقالات والحاجات الجامده دي وادي اديب الفلاسفه اهو اهو اهو فكان اديبا يعني كاتب وراجل مفكر يحاول مزج الفلسفه بالادب اهو زي ما بقول لك بيدمج ما بين الاثنين بيدخل الفكر الفلسفي مع الادب ويعد من ابرز الفلاسفه العرب في القرن العين يعني تقدر تصنفه كده كايه فيلسوف واديب واخد لي بالك انت ده مين ده زكي نجيب محمود طيب نشاته وتعليمه عايزين نعرف نشاه الراجل ده وتعليمه ودنيتها فيها ايه الراجل ده بيقول لك ولد زكي نجيب محمود بمحافظه دمياط حلو يعني في المشبك هناك اه قريه ميت الخولي وبعد اربع سنوات يعني بعد اربع سنوات انتقلت الاسره الى السودان وهناك اكمل تعليمه وعندما تخرج عمله بالتدريس حتى سنه 1934 يبقى لحد دلوقتي الراجل ده اتولد في دمياط بعد اربع سنين راح السودان ا اعلم في السودان وبعد كده اشتغل هناك مدرس وبعدها سافر من السودان لانجلترا بعثه دراسيه لينال درجه الدكتور دكتوراه في الفلسفه يبقى واضح قوي ان الراجل ده طلع من مصر على السودان على انجلترا خدت دكتوراه هناك وبعدين قال لك كتاباتها الفلسفيه في مجال الصحافه اشتغل في الصحافه وكتب شويه كتابات عايزين نعرف فكره ودنيته فيها ايه قال لك اتصل بالصحافه في زمن مبكر يعني من وهو صغير مع مجله الرساله كان في مجله اسمها الرساله وعن طريقها تعرف عليه الاستاذ احمد واثمر ذلك عن اشتراكهما في تاليف ثلاثه كتب وهي قصه الفلسفه اليونانيه كتب ثلاث كتب قصه الفلسفه اليونانيه وقصه الفلسفه الحديثه وقصه الادب في العالم يبقى اتكلم عن الفلسفه اليونانيه الفلسفه الحديثه والادب في العالم واضح ان هو مزج زي ما قلنا ما بين الفلسفه وما بين الادب عام 1965 عهدت اليه وزاره الثقافه باصدار مجله الفكر المعاصر وزاره الثقافه لما شافت اجتهاداته وشافت كتاباته قالوا له تعالى انت هتكتب عندنا في مجله الفكر المعاصر وبعد عودته من الكويت واضح ان هو سافر الكويت ورجع انضم الى اسره الاهرام الادبيه وشارك بمقالات اسبوعيه تنشر كل ثلاثاء في جريده الاهرام وبدا ينشر مقالات طبعا الاول كان المصدر بتاع الثقافه الجرانيين والصحف والكلام ده فالناس دي كان لها قدر عالي جدا يبقى واضح قوي ان الراجل ده راجل فيلسوف راجل اديب راجل ليه فكر راجل لف حتت كتيره راجل عمل انجازات عظيمه جدا اسهاماته الفكريه ايه هي الاسهامات اللي هو عملها بره براجل بيقول لك مرت حياه زكي نجيب محمود الفكريه بثلاث مراحل دماغه وفكره طبعا كل واحد فينا كل فتره بيبقى ليه كده ايه يعني فكر معين فكره بني ادم بالذات البني ادم اللي هو المثقف اللي بيتعلم ما بيبقاش جامد كل مرحله تلاقيه بيتطور تمام ففكره عدى بثلاث مراحل المرحله الاولى امتدت حتى سفره الى اوروبا انشغل فيها بنقل الحياه الاجتماعيه في مصر في البدايه قبل ما يسافر لاوروبا اول حياته يعني كان دايما منشغل بالادب بالمصري وبحاجه اللي هو شايفها حواليه ما هو لسه ما اطلعش على اللي بره فكان بيتكلم عن مصر وعن الاجتماعيات في مصر وعن الحياه في مصر وهكذا قال لك بعد رجوعه من اوروبا هنا بقى سافر لاوروبا سافر انجلترا ورجع بقى في تغير في يعني هو راح هناك شاف تطورات وشاف ان هم سابقنا في حاجات فرجع بقى بدا اللي هو ايه عايز يغير شويه عندنا في شويه حاجات عشان نبقى زي الناس اللي بره دي بعد رجوع من اوروبا مع عائلته تغير غير سلم القيم والاخذ بحضارات الغرب شايف اللي احنا محتاجين ناخد من الغرب شويه دي ثاني مرحله يبقى هو لسه راجع شاف الناس دي جامده في حاجات كده فتاثر بيهم بعد كده بقى بعد ماريسي وريكس كده قال لك ايه شهدت عودته الى التراث العربي باحثا عن سمات الهويه العربيه شاف بقى اللي انا لا احنا فعلا الحضاره بتاعتنا القديمه بقى اللي هو زمان زمان كان عندنا تراث وعندنا قيم محتاجين نرجعها ثاني يبقى الاول كان متقوقع حول المجتمع بتاعه بعد كده لما رجع من انجلترا تفتح وشاف اللي احنا ناخد من الغرب بعد كده رجع تاني قال لك ايه احنا برده عندنا تراث وعندنا حاجات محتاجين يعني نتمسك بيها فهو عامل زي مكس كده عارف اللي هو ايه مكس قال لك ايه احنا محتاجين ناخد الكويس من عندهم وبرده الحاجات الكويسه اللي عندنا طيب وده الصح عموما فالراجل بيقول لك ايه قدم ذكي نجيب محمود سيرته الذاتيه قدم سيرته الذاتيه في ثلاث كتب هي قصه نفس وقصه عقل وحصاد السنين قصته كتبها في الثلاث كتب دول مكانه التراث كان شايف ان التراث اللي انا بقول لك عليه بقى اللي هو بتاعنا زمان ليه مكانه كبيره جدا كان يرى ان ترك التراث كله انتحار ما ينفعش اسيب كل القديم بتاعي وكان ينتمي الى ان لا نعيش عاله على غيرنا شايف برده اللي احنا ما نعيشش على غيرنا يعني ما ناخدش بحضارات الناس الثانيه وخلاص على كده مكانات الاسلاف مكانه الاسلاف اللي هي القدماء يعني الناس اللي قبلينا دعا الى الاعتزاز بالاسلاف فلا يقتصر على علماء الدين بل يجب نضيف اليهم اسماء العلماء والمرؤرخين والشعراء والفلاسفه زي ما قلت لك هو قال لك ان احنا لازما نرجع لورا ونجيب الادب ونجيب الكلام والقيم اللي كانت موجوده ورا مش بس الحاجات الدينيه ده كمان الحاجات العلميه طيب كلام جميل وبعد كده قال لك رؤيته في النهوض بالامه العربيه قال لك كانت رؤيته زكي نجيب محمود قائمه على ثنائيه الدين والعلم قال لك لازم نجمع ما بين الدين والعلم فالدين هو المحرك الاساسي في دعوته الى العلم ولا فهم للدين بدون الاستفاده من الانجازات العلميه يعني انت مش تقدر تفهم الدين غير لما تربطه بالعلم يبقى ده شيء مهم جدا هو وصل له في الاخر اهتم بالعلم اهتم بالتطور ولكن تمسك بدينك تمسك بقيمك تمسك بتراثك يبقى حياته مرت الاول متاثر بالمجتمع المصري بعد كده متاثر بالغرب بعد كده قال لك لا احنا محتاجين نتماسك بالتراث بتاعنا اه احنا ممكن ناخد من عندهم بس ما نتماسك بالتراث بتاعنا وفي الاساس احنا محتاجين لما حتى نتقدم يكون عندنا دين لان الدين من غير يعني الدين العلم من غير دين مالوش لازمه والدين من غير علم برده مش هينفع فلازم اللي احنا نربط ونمسك على الاثنين طيب ده كده بالنسبه ل زكي نجيب محموداني واحد هنتكلم عنه هو مصطفى مشرفه مصطفى مشرفه وبيلقب ب اينشتاين العرب راجل كان علامه فكره عالي قوي قوي قوي قوي نشاته قول ده في دمياط الله ده دمياط بقى بلد العباقره عام 1898 السهاماته العلميه عمل ايه مصطفى مشرفه ده؟ قال لك عالم رياضيات وفيزياء مصر نبغ في سن مبكر من وهو صغير كان اول من قام ببحوث حول ايجاد مقياس للفراغ انت متخيل كان بيحاول يقيس الفراغ راجل دماغه عاليه قوي كان احد القلائل الذين عرفوا سر تفتيت الذره من ضمن الناس القليلين اللي عرف ازاي يفتت الذره واحد العلماء الذين حاربوا استخدامها في الحرب كان بيحارب ان احنا نستخدم الذره دي في الحرب فهو راجل مفكر علام علامه راجل رياضي راجل فيزيائي راجل كان بيحاول يشوف مقياس للفراغ راجل دماغه شغاله واشتغل في الذره كمان قال لك السماته في نهضه الامه او في نهضه الامم كان من المؤمنين باهميه العلم كان شايف ان العلم ده حاجه مهمه جدا خلي بالك ان في الوقت ده ما كانش في ناس كتيره بتهتم بالعلم في تقدم الامه ونشر في جميع فئات الشعب كان عايز يخلي العلم ينتشر في فئات الشعب كلها الف العديد من الكتب منها النظريه النسبيه الذره والقنابل العلم والحياه نحن نحن والعلم وكان يقول الحكومه التي تهمل في دراسه الذره هي حكومه تهمل الدفاع عن وطنها الراجل ده كان مهتم بالعلم لابعد الحدود الراجل ده كان بيسهل العلم كان بيقدم العلم بشكل بسيط كان بيدعو دايما ان احنا نتمسك بالعلم كان شايف ان الحكومه اللي ما تهتمش بالعلم وما تهتمش بالذره مش هتقدر تدافع عن نفسها لان الشعوب هتتقدم وهيبقى معاها اسلحه واحنا لا وده فعلا اللي حصل قال لك اسهاماته الادبيه اسهاماته الادبيه زي ما هو كان راجل شاطر قوي في العلم كان برده ليه اسهامات في الادب كان مشرف حافظا للشعر اه بيحفظ شعر ملم بقواعد اللغه العربيه يعني كان شاطر كمان في اللغه العربيه وله مناظره شهيره مع الدكتور طه حسين الراجل ده بما انه كان حتى ليه في اللغه العربيه وفي الادب كان بيناظر مين طه حسين راجل برده علامه ايهما انفع للمجتمع الادب ام العلوم كان بيناظر هو ايه اللي احسن الادب ولا العلوم نشر للدكتور مشرفه ما يقرب من 30 مقال يبقى الراجل ده تحدث عن العلم تحدث عن الادب تحدث في حاجات كتيره مين ده مصطفى مشرفه يبقى لما هاجي اختار مثلا لما يكلمنا عن زكي نجيب محمود اي حاجه ليها علاقه بالفلسفه ليها علاقه بالادب ليها علاقه بالتراث والكلام ده كله يبقى كل ده زكي نجيب محمود طب لو اكلمنا بقى عن العلم كلمنا عن الربط بين العلم والادب يبقى ده مين مصطفى مشرفه طيب هنتكلم بعد كده عن ادوار الراجل ده عمل ايه؟ خلي بالك ان كان دوره عظيم جدا جدا وهو اللي اثر كمان على سميره موسى طب ايه ادواره؟ كان له دور في تطوير العلوم في كليه العلوم تطوير كليه العلوم اهتم بالبحث العلمي انشا قسم اللغه الانجليزيه والترجمه ما كانش موجود قبل كده حول دراسه الرياضيات البحثيه الى اللغه العربيه طبعا الرياضه حاجه صعبه الغاز فسهلها وحولها للغه العربيه الراجل ده كان ليه دور كبير قوي في حته ان يخلي العلوم سهله سمح لاول مره بدخول الطلبه العرب للكليه الطلبه العرب اللي هم جايين من الدول العربيه سمح لهم ان هم يخشوا الكليه الراجل ده كان يعني بيحارب من اجل العلم ونشر العلم وتسهيل العلم للناس طب في احياء التراث الراجل ده اشتغل ازاي يحيي التراث او الحاجات القديمه قال لك يرى انه لا يزدهر حاضر امه لا تهتم بدراسه ماضيها احنا محتاجين يا جماعه نرجع للماضي الماضي بتاعنا مشرف محتاجين نعرفه عشان الاجيال اللي طالعه تعرف ان الماضي بتاعها ماضي عظيم جدا وحضاره عظيمه جدا فلابد من الوقوف عند نوابغ الاسلام والعرب فساهمهم في احياء الكتب القديمه قال لك لازم نقف عند الناس القدام العباقره العلماء المسلمين القدام اللي فعلا لهم دور عظيم في تقدم حتى الغرب عشان خاطر نعرف قد ايه احنا قيمتنا كبيره جدا جدا جدا في الحياه السياسيه برده كان ليه دور راجل كان يعني كله نشاط وكله حيويه يرى استاذ الجامعه انه لا يقتصر دوره على العلم فقط يعني شايف ان الراجل الدكتور بتاع الجامعه دوره مش بس ان هو يبقى راجل عالم او يتعلم بس قال لك فلابد ان يكون ذي اثر فعال في المجتمع يبقى ليه دور في المجتمع يعني الراجل ده من الاخر بيقول لك انت مش بتاخد العلم كده وخلاص لا لازما تكون ليك تاثير قال لك برده كان ليه تاثير في الحياه الاجتماعيه في المجتمع ما بين الناس شارك في انشاء جمعيه الطفوله المشرده ودي جمعيه بتلم الاطفال المشرده وهكذا يبقى مصطفى مشرفه ده راجل ليه ادوار كثيره جدا في كليه العلوم في احياء التراث في الحياه السياسيه في الحياه الاجتماعيه وغيرها كتير توفى عام 1950 وتخيل مين اللي نعاه مين اللي سئل عليه اينشتاين العالم اينشتاين لا اصدق ان مشرفه قد مات انه ما زال حيا بيننا من خلال ابحاثه ازاي حي ما بينا من خلال ابحاثه من خلال العلم اللي قدمه والحاجات اللي قدمها زي ما احنا بنتكلم عنه دلوقتي طيب يبقى احنا كده اتكلمنا عن زكي نجيب محمود اتكلمنا عن مصطفى مشرفه اخر واحده هنتكلم عنها خالتنا وعمتنا وجوز مراه خال ابويا اللي هي مين؟ سميره موسى سميره موسى دي بقى ايه قصتها؟ قال لك يا عم ان الست دي قصتها قصه سميره موسى مسكوري ده اللقب بتاعها الشرق تلميذه العلامه مشرفه يعني هو هي كانت تلمسته مالها بقى نشاتها ولدت عام 1917 بمركز زفت وهي اول عالمه ذره مصريه اول ست مصريه تشتغل تبقى عالمه ذره وكانت اول معيده في كليه العلوم هي تقريبا كانت واخده اول كل حاجه يبقى اول عالمه ذره اول معيده في كليه العلوم وا بجامعه فؤاد جامعه القاهره طيب ماشي يلا بينا حياتها الاجاب جامعيه مالها حياتها الجامعيه ايه اللي حصل في حياتها الجامعيه خلي بالك لان مصطفى مشرفه دافع عنها بقوه قال لك اختارت سميره موسى كليه العلوم حابت تخش كليه العلوم اللي كان فيها مين مصطفى مشرفه بجامعه القاهره ولفتت نظر استاذها الدكتور مشرفه حصلت على بكريوز العلوم وكانت الاول على دفعته يعني هي دخلت وبقت الاولى على الجامعه ولكن الجامعه كانت رخمه شويه مش عايزه تعينها دكتوره رافضين طب مصطفى مشريف اقول لهم يا جماعه ازاي دي الست دي دماغها كويسه وطالعه الاول حقها مش عارفه ايه رفضوا الراجل عمل موقف عظيم جدا عمل ايه؟ قال لهم خلاص لو انتوا ما دخلتوهاش الكليه دي وبقيت دكتوره انا هتنازل وهستقيل وهطلع من الكليه طبعا هم عارفين قيمته فعشان كده وافقوا بص بص وعينت معيده بالكليه وذلك بمساعده الدكتور مصطفى مشرفه الذي دافع عن تعيينها بشده وقدم استقالته دفاعا عن حقها الى ان استجابت الجامعه وتم تعيينها بالفعل يبقى الراجل كان ليه خير عليها هويتها الشخصيه ايه هي هويتها ها وافكارها الشخصيه كانت مولعه بالقراءه بتحب القراءه جدا وحرصت على تكوين مكتبه كبيره تمت التبرع بها الى المركز القومي من كتر القراءه جمعت كتب كثيره جدا ولكن بعد كده لما استفادت منها قامت متبرعه بها للمركز القومي للبحوث كما نمت موهبتها في فن التصوير كانت بتحب التصوير وتحب الحياكه يعني الخياطه واضح قوي ان الست بتعمل حاجات كتيره قوي علميا متفوقه بتحب القراءه بتحب ال التصوير بتحب ال الخياطه فعندها ها مواهب كتيره جدا يعني سبحان الله طيب وبعد كده تخيل ان هي على فكره بعد كل اللي عملته ده هي ماتت وعندها 35 سنه بس ومتتها كانت حولها علامات استفهام كتيره يعني الراجل بيقول لك اسهاماتها كان لها اسهامات في العلم في الطب في السياسه اسهاماتها العلميه قال لك حصلت على درجه الماسجير وسافرت في بعثه الى بريطانيا سافرت لبريطانيا وحصلت على الدكتوراه في الاشعه السينيه ودي نوع من الاشعه اللي يعني ا بتستخدم في زي بالضبط بالضبط كده اللي هي بتاعه اللي بتعمل اشعه حد عنده كسر الكلام ده دي الاشعه السينيه توصلت لمعادله تفتيت المعادن الرخيصه عرفت ازاي تفتت المعادن الرخيصه ركز في الحته دي وكيفيه صناعه القنبله الذريه كانت بتحاول توصل لحاجه تفيد بها بلدها ازاي ان انا يعني مثلا الكنابل والحاجات دي بتبقى بتستخدم معادن غاليه جدا هي عايزه بقى تعملها من حاجات رخيصه ها من المواد متناوله الجميع يبقى في متناول الجميع قامت بتاسيس هيئه الطاقه الذريه بعد ثلاث اشهر من اعلان دوله اسرائيل عملت ا حاجه اسمها هيئه الطاقه الذريه بعد ما اسرائيل تمت اعلانها كدوله ده دليل ان هي كانت عايزه تعمل حاجه تفيد بها الامه العربيه كلها طيب الطبيه كانت تنتمي او تتمنى ان يتقدم علاج السرطان كان نفسها علاج السرطان ده يتقدم ويبقى سهل جدا يتعالج باسبرينه كده في العالم فكانت تقول اتمنى ان يكون علاج السرطان بالذره مثل الاسبرين عايزه العلاج السرطان وكانت نفسها ان يعني في مجال الطب ده ان السرطان ده يبقى مش مرض ملعون او اللي هو يقضي على حياه الناس كده من غير ما حد يقدر يوقفه اخر حاجه اسهاماتها السياسيه كانت تامل ان يكون لمصر والوطن العربي مكان وسط التقدم العلمي زي ما قلت لك كانت دايما شايفه نفسها مصر وا يعني والوطن العربي يكون ليه مكانه غير المكانه المتاخره اللي هم فيها دلوقتي ولفت انتباهها الاهتمام المبكر من اسرائيل بامتلاك الاسلحه النوويه وسعيه انفراض بالتسليح النووي في المنطقه كانت شايفه ان اسرائيل معاها نووي واحنا كمان محتاجين نبقى عندنا نووي عشان نقدر ان احنا نتكلم مع الناس دي ند بند ما يبقوش هم اقوى مننا نشاطاتها الاجتماعيه والانسانيه يعني زي ما كان لها نشاطات علميه واسهامات طبيه واسهامات سياسيه برده في الناحيه الاجتماعيه والانسانيه كان لها دور قال لك شاركت في جميع الانشطه الحيويه حيث انضمت الى ثوره الطلاب 1932 كان في ثوره للطلاب شاركت فيها فالحته الاجتماعيه حتى هي موجوده فيها شاركت في مشروع القرش لاقامه مصنع محلي للترابيش عارف الترابيش دي كان لها يد فيه وكان لها مصانع اشتركت فيها شاركت في جمعيه الطلبه للثقافه العامه والتي هدفت لمحو الاميه كان في جمعيه كده للطلبه عايزه تثقف الناس وتلغي محو الاميه كما شاركت جمعيه النهضه الاجتماعيه وانضمت الى جامعه انقاذ الطفوله المشرده اللي كان فيها مصطفى مشرفه يبقى هي كان ليها انشطه كتيره جدا سواء علميه او سياسيه او حتى طبيه او حتى اجتماعيه وفات تها الست دي موتتها كانت غريبه جدا قال لك استجابت الدكتور سميره موسى الى دعوه للسفر الى امريكا جالها دعوه اللي هي تسافر امريكا وقبل عودتها بايام تلقت دعوه لزياره معمل نووي في كاليفورنيا وفي الطريق ظهرت سياره كبيره لتصطدم بسياراتها عارف كده حوالي كاليفورنيا حته كده يعني ايه صباح الفل يعني فهي طالعه ف كانت رايحه لمكان ثاني دخل فيها عربيه والعربيه وهي ماتت السواق بتاعها اختفى ما ظهرش لحد دلوقتي فموتها كان غامض ده وتلقى بها في وادي عميق وقفز سائق السياره زميلها الهندي في الجامعه الذي يقوم بالتحضير للدكتوراه والذي اختفى الى الابد وما حدش يعرف عنه اي حاجه وانتهت قصه سميره موسى وماتت سميره موسى بالرغم ان هي عاشت بس 35 سنه ولكن قدمت لنا حاجات عظيمه جدا وكبيره جدا وبكده في ثلاث ورقات بس اكون خلصت لك منهج التربيه الوطنيه الاولى ثانوي الترم الثاني حبيب قلبي وعمري وحياتي بس كده والسلام عليكم ورحمه الله وبركاته.