فوائد الموز فوائد لا تصدق في 3 دقائق فقط ما لا تعرفة عن الموز

تعالى اقولك على فوائد الموزة اللي في ايدي دي في تلات دقايق فقط الصيدلي حازم منير يحييكم ونقول بسم الله الرحمن الرحيم مبدئيا كده لو سالتني على اهم فايدة للموز هاقولك وبلا شك فايدته لمريض الضغط فالموزة اللي في ايدي ديت بعيدا على انها غنية بالمغنيسيوم ولكن انا يهمني اكتر البوتاسيوم اللي فيها فالموزة دي فيها حوالي 400 ملي جرام من البوتاسيوم واحنا بنحتاج ان احنا نتناول يوميا من البوتاسيوم 4700 ملي جرام طيب ليه بوتاسيوم لان ببساطة البوتاسيوم علاج ممتاز في تنزيل ضغط الدم المرتفع فاكرين حلقة البوتاسيوم اللي قارنا فيها تاثير البوتاسيوم على تنزيل الضغط مقارنة مع ادوية علاج الضغط هاسيبلكم رابط الحلقة في اول تعليق ما فيش رياضي ما بياكلش موز لان الرياضيين عارفين فايدته المهمة جدا في امداد الطاقة والفيتامينات والمعادن ده غير المغنيسيوم والبوتاسيوم اللي فيه اللي مهمين جدا للعضلات كمان فيتامين ب6 اللي في الموز مهم جدا للاعصاب ولو عندك ارق قبل النوم جرب تاكل موزة يوميا هتلاقي مزاجك بقى حلو وفي نفس الوقت الارق قل وده بسبب المغنيسيوم والتريبتوفان اللي موجودين في الموز الموز عزيزي المشاهد مفيد في علاج الامساك وده بسبب الالياف اللي فيه ومفيد ايضا في علاج الاسهال لان هيعوض المعادن اللي بنفقدها اثناء الاسهال دايما لما بكون جعان وعايز اشد جوعي باي سناكس بختار الموز ليه لان الموز بيعطيني الشعور بالشبع والامتلاء ده انا عايز اقولك ان عندي وصفة صحية جدا ليك وهي انك ممكن ما تتعشاىش وتستغنى عن وجبة العشاء مقابل انك هتاكل مكان العشاء موزة مع كوب زبادي يوناني واللي هيسالني ايه ميزة الزبادي اليوناني هاقولك ان النوع ده من الزبادي غني جدا بالبروتين والدهون وبكده انت هتكون اكلت وجبة عشاء متكاملة فيها كربوهيدرات ودهون وبروتين وفيتامينات ومعادن وفي نفس الوقت مش هترفع السكر جامد نتيجة الدهون والبروتين اللي موجودين في الزبادي اليوناني هيقللو من ارتفاع السكر الناتج عن تناول الموز معنى كلامك يا دكتور ان الموز ممنوع على مريض السكر هاقولك بالعكس ده الموز ممكن يحسن من حساسية مستقبلات الانسولين يعني هيقلل من مقاومة الانسولين بس بشرط يكون الموز اخضر لكن الموز الاصفر هيرفع السكر اما الموز الاسود زي الحتة السوداء اللي في الموزة ديت فده ممنوع منعا باتا على مريض السكر بس انا يا دكتور مريض سكر ومش بحب اكل الموز الاخضر هاقولك مش مشكلة كل موزة صفراء مرتين فقط في الاسبوع وما تنساش تحط جنبيها كوباية زبادي يوناني زي ما وصفتلك من شوية عزيزتي الام حطي لابنك في اللانش بوكس موزة يوميا فهي افيد بكتير من الاكل اللي غير الصحي اللي بتحطيه ابنك لو تم الست شهور ابداي اكليه موز بشرط ان ما يكونش عنده حساسية من الموز لان الفاكهة دي كنز حرفيا للاطفال ولو انتي حامل عايزك تاكلي موزة على الاقل تلات مرات في الاسبوع وبما اننا في موسم الكاكا او الكاكي فانا برشح لكم تشوفو الحلقة اللي ظاهرة امامكم دلوقتي شفا الله مرضانا ومرضاكم وما تنسوش تشتركو بالقناة وتفعلو الجرس وتتابعوني على صفحة الفيسبوك حازم منير يحييكم دمتم بخير والسلام عليكم