افضل شرح لدرس التكاثر في الانسان التكاثر في الانسان الصف الثاني الاعدادي الترم الثاني

يا رب يا رب استرها معايا يا رب انا واحد مش فاكر اي حاجه خالص تعالوا بينا نبدا مع بعض بسؤال مهم ايه اللي بيخلي الكائنات الحيه تفضل موجوده على كوكب الارض من ملايين السنين فكر فيها كده ليه لحد النهارده لسه في نباتات ولسه في حيوانات ليه لحد النهارده لسه في بني ادمين احنا ليه عايشين لحد النهارده ليه ما حصلناش انقراض علشان في عمليه اسمها التكاثر التكاثر هو السر في بقاء واستمرار الكائنات الحيه الكائنات الحيه اللي هو الانسان والحيوان والنبات ايه السر اللي مخلينا كلنا عايشين لحد النهارده ان احنا بنتكاثر وعلشان التكاثر حاجه مهمه جدا فده موضوع درسنا النهارده التكاثر في الانسان لا يا عم يا عم عيب يا عم استغفر الله العظيم يا رب شوف بقى التكاثر بكل بساطه هي عمليه الهدف منها ايه احنا ليه بنتكاثر علشان عشان نضمن استمرار النوع او نضمن بقاء النوع ان احنا نفضل مستمرين على كوكب الارض احنا لحد النهارده لو ما عملناش تكاثر مش هنموت بس لو ما عملناش تكاثر مش هيجي حداني من نسلنا مش هيجي حد ثاني من نفس نوعنا طيب هل الانسان بيتكاثر لا جنسيا زي النبات مثلا ولا هو بيتكاثر جنسيا زي النبات برده ولا هو بيتكاثر شويه من ده على ده خلي بالك معايا الانسان ما ينفعش يتكاثر لا جنسيا ليه؟ لان الافراد اللي بتنتج عن التكاثر اللاجنسي بتكون نسخه طبق الاصل من الفرد الابوي يعني انت زرعت درنه بطاطس هيطلع لك بطاطس نفس اللي كانت من نوع الدرنه انما الانسان كل فرد بيكون مميز عن غيره يعني كل واحد فينا صفات مختلفه له شخصيه مختلفه ليه شكل مختلف له لون مختلف فعلشان كده الانسان بيتكاثر بطريقه جنسيه فقط لان الفرد الناتج عن التكاثر اللاجنسي بيكون نسخه طبق الاصل من الفرد الابوي انما الانسان كل فرد بيكون مميز عن غيره فبكده احنا عرفنا ان الانسان بيتكاثر جنسيا طيب الموضوع ده بيتم ازاي؟ قال لك والله بيتم عن طريق التكاثر التزاوجي يعني ايه التزاوجي؟ يعني بنزوج ذكر لانثى ده اسمه تزاوج وبعد التزاوج كل فرد من دول بيكون عنده اجهزه تناسليه مختلفه عن الثاني يعني الاجهزه التناسليه في الذكر غير الاجهزه التناسليه في الانثى طيب ليه الاختلاف ده؟ لان دور الجهاز التناسلي عند الذكر غير دور الجهاز التناسلي عند الانثى وده اللي احنا هنشوفه النهارده احنا هنبدا بمين؟ احنا هنبدا بالجهاز التناسلي في الذكر وبعدين على طول نروح للجهاز التناسلي في الانثى الجهاز التناسلي في الذكر عباره عن اربع اجزاء رئيسيه هو بيتكون من اربع اجزاء لا هو بيتكون من اجزاء كتير بس احنا هناخد الاربع اجزاء الرئيسيه اللي هم رقم واحد الخصيتين والخصيتين دول هم بالضبط المصنع اللي بيكون الحيوانات المنويه طيب انا مش عارف يعني ايه مصنع بيكون حيوانات منويه والكلام ده كله هناخده بالتفصيل احنا هنا بس بنستعرض الحاجات اللي احنا هناخدها كمان شويه يبقى الخصيتين هما المصنع اللي بيكون الحيوانات المنويه تاني حاجه الوعاءان الناقلان الوعاءان الناقلان كل وعاء بيكون مختص بخصيه احنا عندنا خصيتين يبقى معانا اين وعاء ناقل دول عاملين زي المواسير اللي بتاخد الحيوانات المنويه من الخصيتين وتوديهم للمكان اللي احنا هنعرفه في درس النهارده ان شاء الله. ثالث حاجه عندي الغدد الملحقه ودي بتضيف سوائل كده مهمه علشان تحافظ على الحيوانات المنويه عامله بالضبط زي ما انت بتحط الاكل كده في الثلاجه علشان الاكل ما يحمضش ولا يفسد ولا يحصل فيه اي مشاكل. اخيرا هناخد القضيب وده العنصر المهم اللي بينقل الحيوانات المنويه لجسم الانثى اثناء التزاوج. طبعا الدرس ده مهم وعلى عكس كل الدروس هتلاقينا ماشيين فيه بالراحه وبنشرح فيه حته حته لان هو هيفيدك جدا في المستقبل سواء في حياتك الشخصيه او في الدراسه مش عارف انا كبس عل النوم ليه تعالوا بينا كده نسمي بسم الله ونصلي على سيدنا محمد ونبدا في اول حاجه الخصيتين اول حاجه تعالى نوصفهم يعني ايه خصيتين قال لك والله الخصيتين هما غدتين بيضويتين الشكل يعني شكلهم مش دائري 100% الشكل الدائري في شكل قريب منه اسمه الشكل البيضاوي وبيكونوا فين؟ الموقع بتاعهم فين بالظبط؟ قال لك والله الموقع بتاعهم مش بيكون جوه جسم الانسان دول بيكونوا بره جسم الانسان في حاجه اسمها الكيس الصفن ايوه وبالظبط يعني مكانهم فين؟ قال لك الكيس ده بيكون متدلي ما بين الفخدين وباكد عليكاني ان مكانهم بره تجويف جسم الانسان واحد برده هيسالني ليه مكانهم بره جسم الانسان وده سؤال مهم جدا والاجابه الاجابه عليها تكون بسيطه السؤال بيقول لك علل وجود الخصيتين داخل كيس الصفن خارج تجويف جسم الانسان كيس الصفن ده عامل زي العازل الحراري بيعزل درجه حراره الجسم عن الخصيتين درجه حراره الجسم في الطبيعي بتكون حوالي 37 الحيوانات المنويه بتموت لو درجه الحراره زادت عن ال 35 فعلشان كده هم بيكونوا خارج تجويف جسم الانسان والكيس الصفن ده بيحافظ عليهم من الحراره الزياده ده يبقى الاجابه النموذجيه بتاعتنا هتكون ايه؟ لحفظ درجه حرارتهم اقل من درجه حراره تجويف الجسم بحوالي قد ايه؟ بحوالي درجتين طيب احنا ليه بقى بنحافظ على درجه حرارتهم؟ لان دي الدرجه المناسبه لنضج الحيوانات المنويه طيب ايه وظيفه الخصيتين؟ قال لك والله وظيفه الخصيتين هم حاجتين في بدايه الدرس احنا قلنا ان هم مصنع لانتاج الحيوانات المنويه يبقى رقم واحد هو انتاج الحيوانات المنويه والاسم اسم العلمي للحيوانات المنويه هي الامشاج المذكره يعني انت لو لقيت امشاج مذكره او حيوانات منويه الاثنين نفس المعنىاني حاجه الخصيه بتفرز هرمون مهم مهم من هنا للصبح اسمه التستوستيرون ممكن تاخده على مرتين وممكن تقطعه على ثلاثه براحتك لحد ما يجي معاك من مره واحده التستيرون وده اسمه هرمون الذكوره يعني ايه هرمون الذكوره يعني الراجل ده هو اللي بيتحكم في مظاهر بلوغ الذكر يعني الهرمون ده هو اللي مسؤول عن مظاهر البلوغ يعني ايه مظاهر البلوغ خد عندك رقم واحد نمو شعر الوجه والشارب ومناطق ثانيه في جسم الانسان زي الابط والعانه ثاني حاجه خشونه الصوت في فتره المراهقه ودي من اصعب المراحل اللي بتمر على الشباب ان انت بتلاقي ان صوته بقى خشن وبقى بيجعر كتير فدي برده من مظاهر البلوغ ثالث حاجه كبر حجم الاعضاء الجنسيه او الاعضاء التناسليه بتاعته تلاقي الاعضاء بتاعته كده بدات تكبر اخيرا العضلات برده بتبدا بتاعته تتضخم والعظام بتاعته بتكبر وده كله بيحصل بسبب هرمون التستوستيرون طيب سؤال احنا قلنا الخصيتين بيكونوا خارج تجويف جسم الانسان طيب ايه اللي هيحصل لو واحده كانت حامل وبعد ما خلفت اكتشفت ان ابنها الخصيتين بتوعه مش بره تجويف جسم الانسان ده جواه النتيجه هنا بتكون ان الحيوانات المنويه بتاعته هتموت ليه لان هي اعلى بدرجتين هي داخل تجويف جسم الانسان فدرجه الحراره جوه الانسان بتكون ون 37 فبالتالي الحيوانات هتموت فبالتالي هيبقى عقيم الجزئيه دي بتيجي في اسئله ما النتائج المترتبه على عدم خروج خصيتي الجنين خارج تجويف جسم الانسان اثناء نمو في الرحم يعني اثناء نمو الجنين لو الخصيتين ما كانوش بره تجويف الانسان ايه اللي بيحصل اقول له لن تستطيع الخصيتين انتاج الحيوانات المنويه كل ما تيجي تكون الحيوانات المنويه بتموت وبالتالي الشخص بيصبح عقيم طيب يعني ايه عقيم يعني مش بيخلف ده كان بالنسبه لاول جزء رئيسي اللي هو الخصياطين العيال خلاص اتخانقوا قفلوا خالص لقد حتفها المناقشه بالنسبه لهم مالها المناقشه لقد حتفها المناقشه بالنسبه لهم في الموضوع ده اه لك حتفها ثاني جزء رئيسي الوعاءان الناقلان الوعاء الناقل هم عباره عن وعائين كل واحد فيهم متصل بخصيه زي ما انت شايف في الصوره اللي قدامك ولكن دي صوره جانبيه يعني زي ما تكون مصور واحد صاحبك كده بالجنب فانت شايف ان هو في عين واحده لكن في عين برده زيها من الجنب الثاني فدي صوره جانبيه الخصيه وفي خصيهاني زيها من الناحيه الثانيه ومعاها برده وعاء ناقل يبقى هم خصيتين معاهم اثنين وعاء ناقل الوعاء الناقلان زي ما قلنا ان يتصل بكل خصيه وهو عباره عن انابيب كثيره الالتواء اسمها البربخ الانابيب الكتير دي بنسميها البربخ اللي هي شبه الاندومي زي ما انت شايف كده وبعدين البربخ ده بيمتد منه انبوب كده طالع منه اسمه الوعاء الناقل لو بصيت للصوره اللي قدامك فانت شايف الخصيه وشايف الحاجات اللي شبه الاندومي ده البربخ وبعدين في حاجه اسمها الوعاء الناقل ده امتداد منه او طالع كده منه فهنا البربخ ليه وظيفه والوعاء الناقل له وظيفه البربخ ليه وظيفتين مهمين جدا طبعا احنا قلنا ان الخصيه هي عباره عن مصنع للحيوانات المنويه طب بعد الحيوانات المنويه دي ما بتتصنع بتكون لسه عامله زي الطفل الصغير بنوديها للبربخ علشان البربخ ده يخزن الحيوانات المنويه طيب وبعد بعد ما يخزن الحيوانات المنويه قال لك والله بيستكمل نضج الحيوانات المنويه الحيوانات المنويه بتبقى لسه صغيره بتبدا تنضج كده وتكبر فين؟ في البربخ يبقى البربخ له وظيفتين تخزين حيوانات منويه واستكمال نضج الحيوانات المنويه كرر معايا كده واحفظ لان الدرس ده مليان معلومات فانا عايزك توصل لاقصى استفاده كرر كده معايا وركز معايا وهنقول المعلومه مره واثنين وثلاثه وهنبسطها اكت من مره لحد باذن الله ما تفرم الدرس طيب بالنسبه للوعان النقل قلان الوعاء الناقل وظيفته ان هو بياخد الحيوانات المنويه من الخصيه يوديها للقناه البوليه التناسليه القناه البوليه التناسليه اللي هي بتكون في اخر القضيب كده وهي عباره عن فتحه بيطلع منها الحيوانات المنويه طيب تعال نعرف البربخ لو انا سالتك يعني ايه بربخ يعني لو بصيت للصوره اللي قدامك تعرف تستنتج التعريف طبعا هو عباره عن انابيب كثيره الالتواء قلنا شبه الهندومي متصله بمين متصله بالخصيتين وظيفتهم ايه؟ استكمال نضج وتخزين الحيوانات المنويه بيخزن وبيكمل نضج الحيوانات المنويه طيب قبل ما نخلص الفقره بتاعتنا دي سؤال ايه اللي هيحصل لو حصل لقدر الله قطع في الوعاء الناقل ايه اللي هيحصل قال لك والله الحيوانات المنويه مش هتقدر توصل لمكانها فين مكانها مش هتقدر توصل للقناه البوليه يعني مش هتطلع من جسم الانسان يعني مش هيحصل اخصاب فبالتالي هتبقى عقيم يبقى لا قدر الله ايه النتائج المترتبه على حدوث قطع في الوعاء الناقل اقول له يتوقف انتقال الحيوانات المنويه من الخصيه للقناه البوليه طب ايه المشكله يصبح الشخص عقيم الجزئيه اللي بعدها الغدد الملحقه هم عباره عن ثلاث غدد رئيسيه بيشتغلوا مع بعض كده اكنهم فريق متكامل ووظيفتهم مهمه جدا في عمليه التكاثر طيب في الاول تعالوا نعرف ايه هم الثلاث غدد الغده الاولى اسمها الحويصلتان المنوي تان وهم بيكونوا اثنين وبعدين غده البروستاتا وغدتاها كوبر غدتا كوبر دول غدتين ولو بصيت على الصوره اللي قدامك فدي طبعا صوره ابتداء من المثانه لحد القناه البوليه وهنا دي الحويصله المنويه وبعديها دي غده البروستاتا اللي هي شبه القلب دي او شبه التفاحه وبعدين في الاخر اللي عامله زي حرف التي دي الشرطه او الداش دي هي غده كوبر الوظيفه بتاعتهم ان هم بيصبوا افرازات حاجات كده سائله ولازجه كده زي الميه بس لازجه شويه بيصبوها على الحيوانات المنويه وبعدين الحيوانات المنويه دي بتلاقيها كده بتذبح عامله زي السمكه بتسبح فين؟ في السائل المنوي ايه وظيفه بقى السائل المنوي ركز معايا اول حاجه مجرى البول بيكون حامضي البول بتاع الانسان بيكون حامضي 100% فالسائل المنوي بيعادل حموضه مجرى البول عارفين الاحماض والقلويات السائل ده بيكون قاعدي علشان يعادل حموضه مجرى البول ليه علشان الحيوانات المنويه اللي في تموت شاني حاجه من اهميه السائل المنوي ان هو بيغذي الحيوانات المنويه يعني بيديها غذاء وبيسهل تدفقها بيسهل تدفقها ازاي يعني زي ما انت شايف في الصوره هو بيكون عباره عن سائل والحيوانات المنويه بتسبح فيه وبتكون سهله في الحركه وبتكون حره كده في الحركه لو جيت سالتك ايه هو تعريف السائل المنوي فتعريف السائل المنوي هو سائل قاعدي هو مش قلوي هو سائل قاعدي علشان يعادل حموضه مجرى البول بيتكون من ايه؟ بيتكون من افرازات طيب الافرازات دي احنا جبناها منين؟ من الغدد الملحقه في الجهاز التناسلي مين هما الغدد الملحقه؟ الحيصلتان المنويتان وغده البروستاتا وغدتها كوبر بعد الافرازات دي ما بتتصب على الحيوانات المنويه بتخلي الحيوانات المنويه تسبح فيه بحريه يبقى السائل المنوي هو عباره عن سائل قاعدي بيتكون من افرازات الغدد الملحقه بالجهاز التناسلي الذكري وظيفتهم تسبح فيه الحيوانات المنويه طيب لو الغدد دي فشلت في شغلها وما قدرتش تفرز السائل المنوي ايه اللي هيحصل؟ وده اللي بنشوفه في اسئله ما النتائج المترتبه على عجز الغدد الجنسيه عن افراز السائل المنوي يعني الغدد دي لو ما افرزتش السائل المنوي ايه اللي هيحصل؟ الحيوانات المنويه هتموت بسبب حموضه مجرى البوي الشديده وبالتالي الشخص هيكون عقيم رقم اربعه معانا واخر حاجه القضيب القضيب هو العضو اللي من خلاله بنقدر ننقل السائل المنوي والبول الاثنين مع بعض علشان كده في وصف القضيب بيقول لك هو عضو يتكون من نسيج اسفنجي هو شبه الاسفنجه كده يعني مش صلب ولا هو رخو هو شبه الاسفنجه بتمر جواه القناه البوليه اللي بنخرج منها البول وكمان القناه التناسليه اللي بنخرج منها الحيوانات المنويه ده كله بيتم عن طريق فتحه بوليه تناسليه الفتحه دي مش للبول فقط الفتحه دي للبول والحيوانات المنويه الاثنين مع بعض علشان في الجهاز التناسلي للانثى الكلام ده يختلف كتير اللي انا عايزك تخلي بالك منه ان الاثنين بيخرجوا من نفس الفتحه ولكن مش في نفس التوقيت كل واحد فيهم بيكون ليه زمن مختلف عن الثاني ولكن البول بيكون ليه بقايا في مجرى البول فعلشان كده الحيوانات المنويه دي لازم تكون قاعديه علشان تعادل الحموضه ايه وظيفه القضيب قلنا خروج السائل المنوي والبول الاثنين مع بعض ولكن في زمنين مختلفين من خلال قناه بوليه وتناسليه في نفس طيب هنا احنا وصلنا لجزء مهم جدا احنا كل شويه نقول وده هيسبب عقم ده هيسبب عقم ما تيجي نجمع النقط دي كلها مع بعض ايه اللي ممكن يخلي الراجل عقيم فكر كده فيهم وقف الفيديو كده وفكر فيهم وبعدين جاوب عليا اول حاجه عدم خروج الخصيتين بره تجويف جسم الانسان لما الطفل بينمو في بطن الام وبعدين وبعدين عند الولاده بيلاحظوا ان الخصيتين بتوعه مش برا تجويف جسمه هنا بنعرف ان الشخص ده عقيم وتاني حاجه لا قدر الله لو حصل قطع في الوعائ الناقلان الحيوانات المنويه مش بتوصل لمكانها فبالتالي الشخص بيبقى عقيم اخر حاجه من الغدد الجنسيه اللي هم الحويصلتان المنويتان والبروستاتا وكوبر يفشلوا في ان هم يفرزوا السائل المنوي اللي هو عجز الغدد الجنسيه عن افراز السائل المنوي وبالتالي حموضه مجرى البول هتقتل الحيوانات المنويه الخلاصه ان كل جزء في الجهاز التناسلي ليه دور مهم جدا ولو اي جزء لا قدر الله حصل فيه خلل العمليه كلها بتبوظ ولو انت وصلت لحد النقطه دي في الدرس بتاعنا النهارده اتمنى ان انت تدعمنا بحاجه بسيطه منك زي اللايك اللي بتعمله على الفيديو لان احنا حقيقي بنتعب في المحتوى بنتعب في الاكريبت اللي بنكتبه بنتعب في المونتاج بنتعب في حاجات كتيره حتى الصوت اللي انت بتسمعه فابسط حاجه منك لو مش هتكتب لنا كومنت حلو يشجعنا اعمل لنا لايك راتب ده انت كافر تعالوا دلوقتي حالا نبدا شرح الجهاز التناسلي في الانثى اول حاجه لازم تعرفها ان الجهاز التناسلي في الانثى مختلف تماما عن الجهاز التناسلي اللي في الذكر مش مجرد شكل يعني هم مش مختلفين في الشكل مختلفين في الشكل وكمان مختلفين في الوظيفه مختلفين في كل حاجه بس في الكتابه هتلاقيه مركز على فرق مهم جدا اللي هو الفرق الجوهري ان الجهاز التناسلي مهيا لاستقبال او استضافه الجنين يعني الجهاز التناسلي للانثى ده مهيا لايه يعني مجهز لايه ان ان هو يستقبل الجنين وطبعا هو بيستقبل او بيستضيف الجنين في خلال فتره اسمها فتره الحمل طيب الجهاز التناسلي في الانثى بيتكون من كام جزء رئيسي برده بيتكون من اربع اجزاء رئيسيه رقم واحد وهما المبيضان المبيضان دول هم الغده اللي بتنتج البويضات ايه البويضات اللي هي الامشاج المؤنثه لو هنشبهه بحاجه فاحنا هنقول زي الخصيتين في الذكر اللي كانوا بينتجوا الحيوان الحونات المنويه اللي هم الامشاج المؤنثه في الانثى بقى عندي المبيض هو اللي بينتج الامشاج المؤنثه اسمها ايه بويضاتاني حاجه هيكون عندي قناتين مهمين اسمهم قناه فلوب ودي عامله زي انابيب كده طويله بتخرج من كل مبيض الوظيفه بتاعتها ان هي بتنقل البويضه بعد ما تنتج في المبيض علشان طبعا يحصل الاخصاب وهنشوف كل الكلام ده ان شاء الله بالتفصيل رقم ثلاثه بيكون عندي الرحم وده المكان اللي الجنين بيعيش جواه خلال فتره الحمل وعلشان كده بيقول لك صله الارحام هي جايه كده من الرحم فلو حد فيكم قطع رحم بعيدا عن الدرس وبعيدا عن كل حاجه صل الارحام بتاعتك لان لا يدخل الجنه قاطع رحم نرجع لدرسنا الرحم هو عباره عن كيس عضلي بيمتد علشان يقدر يشيل الجنين جوه منه وهو بيكبر طيب المعلومات دي علينا اه علينا بس احنا هنشوفها بالتفصيل احنا بس كده بنستعرض الحاجات اللي احنا هناخدها بس هنشرحهم بالتفصيل رقم اربعه المهبل ودي عباره عن قناه بتوصل ما بين الرحم وما بين البيئه الخارجيه ودي القناه اللي بيخرج من خلالها الجنين وقت الولاده وكمان بيخرج منها الدوره الشهريه اللي هنشوفها ان شاء الله في درس النهارده قبل ما نبدا انا عايز اقول لك ان انت لو بصيت على الجهاز التناسلي كده للانثى هتلاقي برده ان هو منظومه متكامله زيه بالضبط زي الجهاز التناسلي في الذكر بينتج بويضات بينقل بويضات بيستقبل جنين وفي قناه لولاده الجنين فسبحان الله على كل حاجه طبعا وعلى كل حاجه محسوبه بدقه علشان يحصل التكاثر وفي الاخر تحصل الولاده فسبحان الله طبعا احسن الخالقين فخلونا كده نصلي على سيدنا النبي ونبدا في اول حاجه المبيضان المبيضان هما غدتين صغيرين جدا كل واحده فيهم تقريبا في حجم او في شكل كده اللوزه المقشوره يعني لو عندك لوزه متقشره هتلاقيها في نفس حجمها وكمان شبهها كتير مكانهم فين؟ مكانهم بيكونوا تحت تجويف البطن ولكن من ناحيه الظهر يعني هم تحت التجويف كده بتاع البطن ولكن من الناحيه الثانيه من الظهر ايه الوظيفه بتاعتهم؟ قال لك والله ليهم وظيفتين مهمين جدا اول حاجه ان احنا زي ما قلنا في المقدمه ان هو بينتج البويضات اللي هي الامشاج المؤنثه ودي عمليه اسمها التبويض وعمليه التبويض دي برده لها تعريف هي عمليه انتاج بويضه ناضجه يعني احنا مش هننتج بويضه اي كلام دي لازم بويضه كده تكون ايه؟ ناضجه طيب كل قد ايه؟ كل 28 يوم طبعا احنا عندنا بيكون في مبيضين كل 28 يوم المبيض بيطلع واحده ولكن بالتناوب مع المبيض الاخر يعني ايه الكلام ده؟ يعني انا عندي المبيض الاول وعندي المبيض الثاني المبيض الاول طلع بويضه بعد 28 يوم المبيض الثاني يطلع بويضه بعديها يرجع المبيض اول يطلع بويضه بعد 28 يوم تاني المبيض اللي بعده اللي هو رقم اثنين يطلع بويضه يبقى المبيضين كده مع بعض كل 28 يوم بيطلعوا بويضه طيب لو سالتك المبيض الواحد بيطلع بويضه كل قد ايه كل 56 يوم لان هو بيطلع واحده في 28 يوم وبيستنى 28 يوم ثانيين لحد المبيض الثاني ما يطلع واحده وبعدين يرجع هو يطلع مكانها لو انت ما فهمتهاش كويس فكر فيها اكت من مره او ممكن تقول ان المبيض على بعضه كله كده بيطلع بويضه كل 28 يوم المبيض الواحد مش المبيضين على بعض الواحد بيطلع بويضه كل 56 يوم ثاني وظيفه من وظائف المبيض ان هو بيفرز هرمونات انثويه كم هرمون اثنين الهرمون الاول اسمه البروجسترون البروجسترون وده مهم جدا الاستمرار للحمل ده في حاله طبعا انه حصل اخصاب لان لو ما حصلش اخصاب ما فيش حمل اصلا فده مهم جدا اثناء فتره استضافه الجنه طبعا في الكتاب مش موضح لك الاهميه ودي حاجه كويسه احنا عايزين نختصر على قد ما نقدر لان الدرس كبير لكن لو انت برده عايز معلومات اكث تقدر تبحث عنهم ممكن اسيب لك لينك في صندوق الوصف في شويه معلومات عن البروجسترون لو انت عايز تزود معلومات لو انت عايز تكمل معانا الدرس يلا بينا نروح على الهرمون الثاني الاستروجين هرمون الاستروجين ده المسؤول عن مظاهر البلوغ عند البنات زي ما كان عندنا التستوستيرون اللي كان مسؤول عن مظاهر البلوغ غ عند الرجال احنا دلوقتي هنتكلم عن البلوغ عند البنات رقم واحد الهرمون ده بيعمل نمو لشعر الابط والعانه زي ما كان عندنا خشونه في الصوت البنات العكس هتلاقي في نعومه في الصوت وهتلاقي صوتها كده بدا ايه يسرسع رقم لاثه الدهون بتبدا تتراكم في اجزاء معينه من الجسم رابع حاجه طبعا نمو الثديين واخيرا الدوره الشهريه والدوره الشهريه دي برده لها اسم ثاني اللي هو الطمس تعالوا ناخد شويه معلومات كده عن الدوره الشهريه او الطمس. الطمس دي بتبتدي في سن البلوغ تقريبا ما بين 11 ل 14 سنه. ده الطبيعي. في ناس بتكون بعد كده وفي ناس بتكون قبل كده ولكن الطبيعي من 11 ل 14. الدوره الشهريه دي برده بتحصل كل 28 يوم بس هي بتتكرر في حاله واحده بس لو ما حصلش الحمل. يعني لو ما حصلش حمل ولسه البنت ماتجوزتش بيحصل كل 28 يوم الدوره الشهريه او الطمز طيب في حاله ان هي بقى تزوجت وبعدين حصل حمل الدم اللي بينزل في الدوره الشهريه ده بيتحول لحاجه كده شبه المخدات بتحمي الجنين وانا برده مش عايز ازود عليك المعلومات لان الدرس كبير اصلا فخلونا كده ايه نختصر يبقى الدوره الشهريه بتبتدي من 11 ل 14 سنه وبتكون كل 28 يوم بشرط ان ما يحصلش ش حمل طيب السؤال بقى الموضوع ده بيستمر لحد قد ايه؟ يعني الدوره الشهريه دي بتفضل من سن 11 لحد سن كام؟ قال لك والله بيتوقف عند سن الياس ولو ان الواحد معترض شويه على كلمه سن الياس دي لا بارك الله في اللي افتكس اسم سن الياس ده لان كلمه الياس كلمه تقيله شويه ولكن احنا هنمشي باللي مكتوب علينا في الكتاب سن الياس عند الاناث هو السن اللي بيتوقف عنده تماما المبيضان عن افراز البويضات يعني اول المبيضان ما يمتنعوا عن انتاج البيضات هنا البنت بتكون وصلت لسن الياس وده بيكون من سن 55 لسن 55 سنه يبقى تاني سن الياس عند الاناث هو السن اللي بيتوقف عنده تماما انتاج البويضات وده بيكون ما بين 45 ل 55 سنه ده كان بالنسبه للمبيضان تعالوا بينا نروح لقناه فالوب قناه فالوب هي بالضبط قناه عضليه بتكون كده مبطنه بالداخل بحاجه اسمها الاهداب الاهداب دي كلمه مش جديده علينا الاهداب دي حاجه كده بتكون عامله زي الشعيرات او عامله زي الايد كده بتسهل حركه البويضه وركز معايا احنا هنا بنتكلم جوه قناه فالوب جوه القناه بيكون عندي ايه الاهداب اللي هي شبه الشعيرات دي وبعدين في طرف قناه فالوب من بره بيكون عندي حاجه اسمها زوائد اصباعيه الزوائد الاصباعيه دي هي اللي بتلتقط البويضه اول ما تطلع من المبيض يبقى وصف قناه فالوب هما قناتان عضليتان مبطنتان باهداب من الداخل مش من الخارج وكل واحده منهم بتبدا بفتحه قمعيه شبه الزوائد الاصباعيه فتحه قمعيه يعني بتكون مفتوحه كده وشبه القمع يعني تكون كبيره من البدايه وبعدين كل ما بتروح بتبقى شبه القمع كده بتبدا ايه ترفع الموقع بتاع قناه فالوب فين قال لك والله هي بتبدا بالقرب من المبيض وبتنتهي عند الركن العلوي للرحم هي بتبدا منين؟ من عند المبيض يعني زي ما انت شايف المبيض قدامك هي بتبتدي قريب منه جدا علشان تعرف تلتقط البويضه زي ما قلنا وبعدين بتنتهي فين؟ عند الركن العلوي للرحم زي ما تقول كده عند الكتف بتاع الرحم علشان هي بتاخد البويضه تحطها جوه الرحم ودورها انتهى لحد كده ايه بقى وظيفه قناه تفال؟ قال لك رقم واحد التقاط البويضه الناضجه من المبيض اول المبيض ما ينتج بويضه هو عن طريق الزواج ض الاصباعيه بتاعته اللي شبه الصوابع دي بيلتقط الايه؟ البويضهاني حاجه بيعملها ان هو بياخد البويضه دي ويبدا عن طريق الاهداب يحرك البويضه يفضل يخليها ماشيه ماشيه ماشيه لحد ما يوصلها للرحم طيب الكلام ده بيعمله ازاي؟ عن طريق ان هو بيعمل انقباض وانبساط يبدا يضيق العضلات بتاعته وبعدين اكنه بيسحب الهواء وعن طريق سحب الهواء والاهداب المبطنه اللي جوه دي بيقدر يحرك البويضه يبقى وظيفه قناه فالوب بيلتقط البويضه من المبيضين عن طريق الزوائد الاصباعيهاني حاجه بيدفع البويضه باتجاه الرحم عن طريق حاجتين اول حاجه انقباض وانبساط العضلات بتاعته ثاني حاجه الاهداب المبطنه اللي جوه منه طيب هل في اسئله على الجزئيه دي اقول لك اه في سؤال اسمه علل بس عايز اسالك سؤال مهم سؤال لولبي يعني علل هل محلات الجزاره دي بتبيع لحمه يا نهار اسود تبدا قناه فالوب بفتحه قمعيه الشكل وكمان فيها زوائد اصباعيه ومبطنه باهداب من الداخل طبعا السؤال ده لامم الجزئيه كلها اول حاجه ليه قناه فالوب بتبدا بفتحه قمعيه الشكل اقول له لالتقاط البويضه الناضجه من المبيض طيب ليه فيها زوائد اصباعيه اقول له لان هي بتلتقط بواسطه الزوائد الاصباعيه طب والاهداب اقول له الاهداب دي بتعمل حاجه مهمه دفع البويضه باتجاه الرحم عن طريق الاهداب ده كان بالنسبه لكل ما يخص قناه فالوب. تعالوا بينا نروح للجزئيه رقم لاه الرحم. الرحم هو عضو مجوف يعني عضو فاضي من جوه مش مليان وهو شكله عامل كده زي الكومتره. اهم حاجه بتميز الرحم ان له جدار عضلي قوي وده اللي بيسمح له ان هو يتمدد علشان يقدر يستوعب الجنين. عامل كده زي البلونه او الاستك بيقدر يتمدد علشان الجنين لما يكبر هو يكبر كمان معاه ويبدا ايه يتمدد ودي مش كل حاجه في الرحم الرحم برض بيكون مبطن بغشاء مخاطي بيكون مليء او غني بالشعيرات الدمويه والغشاء المخاطي ده هو عباره عن ماده كده لازجه مهمه جدا اثناء الحمل طيب دي بتعمل ايه؟ قال لك والله الغشاء المخاطي ده اللي هو مليء بالشعيرات الدمويه بيعمل لي حاجه اسمها المشيمه المشيمه دي بتكون عباره عن غذاء للجنين وبتحمي الجنين وبتكون عامله كده زي ما قلت لك عامله زي المخدات كده بتحافظ على الجنين لو الام اتخبطت او حصل لها حاجه وخلي بالك معايا لو ما حصلش حمل الغشاء المخاط اللي هو غنيء بالشعيرات الدمويه ده بينزل على هيئه دم ودي اللي بتكون الدوره الشهريه او الطمس علشان كده قلنا ان الدوره الشهريه لو حصل حمل ما بتنزلش وبتبدا تعمل لي المشيمه اللي هي بتغذي مين الجنين لو تهت مني تعال نبدا في الرحم واحده واحده الرحم هو عضو اجوف عامل زي الكومترا له جدار عضلي علشان يقدر يتمدد كده ويستوعب الجنين هي عباره عن عضلات ملساء يعني مش عظام هي عضلات بتبدا تنقبط كده يعني تتمدد وكمان مبطن بغشاء يعني من جوه كده في البطن بتاعته في غشاء مخاطي مليء بالشعايرات الدمويه وده اللي بيكون لي المشيمه لو حصل الحمل لو ما حصلش حمل بينزل على هيئه دم فين في الض الدوره الشهريه الموقع بتاع الرحم موجود فين بالظبط؟ قال لك والله هو موجود داخل تجويف عظام الحوض ما بين المثانه وما بين المستقيم زي ما انت شايف في الصوره اللي قدامك ده الرحم موجود ما بين المستقيم اللي على اليمين والمثانه اللي على الشمال هو موجود في النص بالظبط الوظيفه الاساسيه بتاعه الرحم ان هو بيستضيف الجنين وبيحميه لحد ما يتولد قلت لك بيعمل له حاجه كده زي المخدات كده بيعمل له احلى استضافه لحد ما ينزل للدنيا بتاعتنا. حاجه بيغذي الجنين عن طريق المشيمه اللي بتكون في بطانه الرحم. وده طبعا بيكون عن طريق الحبل السري اللي هو بياخد الغذاء وبيوديه للجنين لحد ما يكبر. والجزئيه دي برده بيجي عليها سؤال علل يبطن الرحم بغشاء مخاطي غانب الشعيرات الدمويه. ايه فايده الغشاء المخاطي اللي بيكون مليء بالشعيرات الدمويه ده؟ اقول له والله بيكون المشيمه. طيب ايه اللي استفدناه من تكوين المشيمه؟ اقول المشيمه دي هي اللي بتغذي الجنين اثناء فتره الحمل عن طريق مين؟ عن طريق الحبل السري. الجزئيه الرابعه معانا المهبل. المهبل هو عباره عن انبوب حاجه كده شبه الانبوب العضلي للقدره على ان هو يتمدد اثناء الولاده. ربنا سبحانه وتعالى ادله القدره ادى المهبل القدره ان هو يقدر يتمدد يقدر يتشد كده زي الاستك علشان يقدر يستوعب الجنين وهو نازل. المكان بتاعه بيمتد من اول الرحم يعني من عند العنق كده بتاع الرحم وبينتهي بالفتحه التناسليه في الانثى علشان يعرف يخرج الجنين. الوظيفه بتاعته ان هو بيمتد عند الولاده لحد ما يخرج المولود او الجنين. وبكده نكون خلصنا الجهاز التناسلي كامل في الانثى. لو استفدت منا ما تنساش تعمل لايك. ما تنساش تدعينا دعوه حلوه. اشوفكم على خير ان شاء الله في اخر جزئيه معانا في الدرس. والسلام عليكم. ‏M.