كيف نُربّي أطفالنا مالياً أ صلاح اليافعي

مره من المرات قال لي واحد قصه انه في جهه كانت تستثمر اموال الايتام وهم الاوصياء عليه فيقول لي ان والله احنا اخذنا اموال هذا اليتيم واستثمرنا سنوات ثم بعد ذلك لما وصل الى سن القانوني في انه يستلم الورث ماله وسلمنا هذا المبلغ وكان مبلغ كبير جدا جدا جدا يقول للاسف ان هو ضيع كل المبلغ اللي استثمرنا في سنه واحده ليش لانه ما كانت عنده مهاره ولا فهم لقيمه المال سبعه مفاهيم وقيم احنا محتاجين ان نطورها ونعزز في نفوس ابنائنا المفهوم الاول ان المال مال الله سبحانه وتعالى واحنا الوسائل في ايصال المال لكم فهم يعتقدون ان المال جاي من عندنا واحنا اي تي ام وقت ما تبي بابا ابي يعطيك لا المال مال الله سبحانه وتعالى وان هذا هو رزق الله سبحانه وتعالى واحنا اسباب ووسائل في ايصال المال المفهوم الثاني ان نعزز عندهم قيمه العطاء فكما الله سبحانه وتعالى اعطانا هذا المال احنا نرجعه للاخرين ونعطي الاخرين ونعزز عنده قيمه الصدقه حلو انه لما تروح المجمع وانت تاخذ من المجمع وتشتري من السوق طيب تقول الان حق الابناء احنا اخذنا احنا الان لازم نعطي فيقولون لك شلون بابا نعطي نعطي عن طريق الصدقه يلا خذ لك انت 10 ريال 50 ريال روح حطها في صندوق تبرعات فيصير عنده ارتباط ان باباه بعد ما نطلع من المجمع وقبل نطلع من المجمع لازم نتبرع ولازم نعطي المفهوم الثالث قيمه الكرم انه نشجعه ان انا بعطيك هذا المال بس فكر انك انت تعزم رفيجك او تقولين له تعالي انا بشتري لك هذا العصير ويكون نوع من المشاركه بينك وبين اصدقائك فيتولد عنده قيمه الكرم ومشاركه الاخرين المفهوم الرابع مفهوم الاستثمار حطيته 10 ريال دائما عزز عنده انه والله استثمر جزء منها يمعها الحصاله وبعدين يبدا يتعلم على الاستثمار الابعد انك والله شلون الان هذا المبلغ اللي بعطيك اياه شلون تضاعفها طيب شلون اضاعف طيب تعطيه بعض المشاريع البسيطه اللي يقدر يسويها داخل حدود الاهل انه يبيع ويشتري فيتعلم بعض قيم التجاره والاستثمار المال وقيمه نعم المال الصالح للعبد الصالح المفهوم الخامس في التربيه الماليه انه نعدل عنده قيمه ومفهوم ضبط الرغبات وتاجيل الرغبات لما يروح الدكان ما نقول له روح اشتر حبيبي اللي تبي ولا لما يروح محل الالعاب يقول لك انا ابي العاب وايد فاي شيء يشوفه يبيه ونعطيه لا وكلما اشتهيت اشتريت كما ورد عن سيدنا عمر بن الخطاب نعزز عند هذا المفهوم انه مو كل شيء تبيه تحصله فيصير عنده نوع من الانضباط الذاتي وشيء بسيط انه لما يروح الدكان ويشتري بعض الاطفال يفتح الشيء اللي شراه في الدكان او انا اشوف بعض الاطفال لما يروحون محلات الالعاب يفتح اللعبه عند الباب ويقعد يلعب بهذه اللعبه نقول له لا يا حبيبي افتحها بعدين او افتحها في السياره لا يتعود على انه الان يحقق رغباته هذه منافيه للضبط الذاتي المفهوم السادس ان المال نسبي بمعنى انه يمكن خرده بسيطه هي عند الطفل انه ما تسوي له شيء فلما يروح محل العاب وعنده 5 ريال يعني شنو بيشتري من محل العاب ب 5 ريال الا يمكن يشتري له كوره صغيره ولا ستيكر فيصير عنده مفهوم المال الكثير والمال القليل احنا نبين له انه ممكن درهم يسبق الدينار شلون يعني يسبق الدينار انك انت لما تتبرع الفقير لما يطلع من جيبه دينار واحد ولا 10 ريال وهي كل ثروته او كل ما يملك وهو تبرع بكل ماله وهذاك الثري الغني اللي عنده ملايين في البنوك يتبرع ب 1000 ولا ب 10000 ولا ب 200000 فهو تبرع بنسبه بسيطه من ثروته فاحنا نبين له مثل هذه المفاهيم كذلك عشان يوضح عنده المفهوم الخرده احيانا بعض الاطفال تعطيه خرده يقوللك لا ما ابي فنقول له ترى الخرده هذه اللي انت بالنسبه لك خرده قد تكون ثروه عند اخر وتسد حاجته وجوعه ليوم كامل الامر السابع هي ليست من المفاهيم انما من المهارات حلو انه يبدون يتعلمون ويعرفون لما يروحون السوق يشوفون قيمه السلع يقارن بين السلع لما تسافر عطى شويه من الميزانيه خل يسجل شنو الاشياء اللي صرفوها وبعدين في نهايه اليوم يعرفون كم صرفوا ان