دمج الإطار النظرى والدراسات السابقة معًا فى فصل واحد

اهلا بكم معاكم مريان عياد من قناه باحث علمي متميز النهارده نتعلم مع بعض ازاي ندمج فصل الاطار النظري مع الدراسات السابقه دراساتنا اللي بنكتبها سواء رسائل ماجستير او دكتوراه هي عباره عن نوعين ناس بيكتبوا فصل الدراسات النظري فصل الاطار النظري لوحده وفصل ثاني اسمه الدراسات السابقه وفي ناس المشرفين بيطلبوا منهم ان هم يدمج الفصلين مع بعض يبقى اسمه الاطار النظري والدراسات السابقه فيعتقد الباحث بقى ان هو عادي بيكتب فصل الاطار النظري وفصل الدراسات السابقه لوحده وبعدين يلزق في بعض كده جنب بعض يحطهم جنب بعض طبعا الكلام ده غلط خالص ليه لان في طريقه لهذا الدمج ازاي بقى بندمج كل ده هنشرح النهارده ازاي ادمج ايه اهميه الدمج ده ادمج الفصين مع بعض يعني ايه اهميته واخر حاجه ازاي اوثق هذا الدمج تعال نشوف مع بعض في البدايه هراجع لك في دقيقه كده احنا كنا بنعمل ايه اصلا في فصل الدراسات السابقه لوحده كنا بنحط ادي المرايه اهي كنا بنحط مقدمه للفصل ده وبنحط نحط له محاور على حسب المتغيرات الموجوده عندي في الدراسه وبنحط نبدا نحط الدراسات بنقول مثلا المحور الاول الدراسات التي تناولت المتغير بتاعك وعلاقته بقى بمتغيرات معينه تمام والمحور الاني نشوف المتغير الثاني وهكذا ادي دي مثال كده ادي المقدمه حطيناه وبعدين حطينا المحور الاول وقلنا الدراسات اللي تناوله المتغير الاولاني وبعدين بنعمل ايه بقى بنبدا نحط اسم ا الكاتب اللي هو كتب لنا هذه الدراسه طبعا انا ببدا اسرد الدراسات اللي ليها علاقه بالايه بالمحور ده حط الاسم وبعدين قلت لك بنحط الهدف بتاع الدراسه وبعدين بحط الادوات العينه طبعا اللي اللي مطبق عليها هذه الدراسه دي تاني حاجه وثالث حاجه كنا بنحط الادوات بتاعه هذه الدراسه اللي طبقتها على العينه تمام واخر حاجه كنا بنوصل الى ايه نعرض النتائج يبقى انا كنت بعمل كا حاجه في الفصل ده بحط اربع حاجات ليهم علاقه بهذه الدراسه الهدف العينه الادوات واخلصهم كده في فقره حلوه زي دي كده وبعدين اخش على دراسه اخرى واعرض الاربع حاجات دول وهكذا ودراسه اخرى وهكذا لغايه ما المحور الاول يخلص والمحور الثاني والفصل يبقى كده انتهى بمنتهى السهوله والبساطه ا الفصل الاطار النظري كان كان جواه ايه بقى عشان نعرف الفرق ما بين الفصل والدمج الفصل اطار النظري كنت شرحها لك قبل كده في فيديو منفصل ان انا برده بعرضه في محاور وبعرض كل متغير الحاجات الاساسيه اللي بحس ان هي مهمه ان انا اتناولها في رسالتي زي مثلا مفهوم المتغير ده اهميته مكوناته لو هو ليه مكونات خصائصه ا مثلا المهارات بتاعته والاستراتيجيات على حسب متغيرت في ايه ايه اللي ينفع تتناوله في هذا الفصل وهكذا لو في متغير ثاني تمام وبنبدا بقى نعمل ايه في في الفصل ده بحط مقدمه برده عن الفصل مقدمه عامه كده بتكون من عندي مش بوثق من حد مش باخدها من حد يعني وبعدين ببدا بقى احط فقره وفي نهايه الفقره دي اعمل ايه بوثق بكون جايباها من مين من مرجع واحد اهو في نهايه الفقره وثقت او اوثق في بدايه الفقره احط فقره جديده واقول فلان قال ا واحط ابدا احط الايه احط فقره وبعدين اخش على فقره ثالثه واحط التوثيق بتا بتاعها ليه باحث يعني من مرجع تاني وهكذا بفضل اقول بحط في فقرات واوثق في اول الفقره او في نهايه الفقره و وفي نهايه مثلا العنصر ده او النقطه دي اللي انا بتكلم فيها احط بقى ايه راي الشخصي او راي الباحث تمام بحطه في في النهايه وهكذا اخش على عنصر تاني وهكذا ويخلص ايه عندي كده الايه المحاور بتاعتي والاطار النظري طيب ده الفرق ما بين فصل دراسات الصب وفصل الاطار النظري طيب لو انا عايزه ادمج بقى بقى بعمل ايه تعال نشوف كده انا جايبه لك دراسه اجنبيه علشان هم دايما بيعملوا الدمج ده ما بيفصلو خالص تمام سريعا كده الرساله اللي انا جايبه لك او البحث اللي انا جايباه لك ده بيتكلم عن المدرسه السعيده تمام ادي الابستراكت الملخص نبدا نخش كده في المقدمه بص كده عامل لك اول حاجه ادي الانترودكشن اللي هي المقدمه وحاطط فقره زي لسه ما قايله لك فقره بتبقى ايه ايوه من عنده من خالص ذهنه كده ما بوثق من حد تمام بعدين بيبدا بقى بصي كده نركز بقى الدمج بيحصل ازاي الدمج بيبقى ليه ثلات انواع بص كده ادي انا محضر لك هنا بقوللك ان الدمج ليه ثلاث انواع لا اما بدمج كلمات لا اما بدمج تعريفات او جمل لا اما النوع الالث بدمج نتائج مشتركه ما بين الدراسات او اهداف مشتركه ما بين الدراسات اقول تاني كلمات او تعريفات وجمل او نتائج مشتركه ما بين دراسات يعني الدراسه دي ودي ودي اتفقوا على نتيجه واحده او الدراسه دي ودي ودي اتفقوا في هدف واحد بيسعوا لنفس النقطه البحثيه دي بحطهم مع بعض في فقره تمام او ادمج تعريفات بدل ما اقول فلان عرف التعريف ده وفلان عرف التعريف ده كل واحد في فقره لا لا الدمج بقى بدمج التعريفات مع بعض وهوريك دلوقتي ازاي بندمج لا اما بدمج كلمات وهوريك الثلاث انواع دول طيب يلا نبدا مع بعض كده بص كده هترجم لك سريعا كده بيقول لك ان هناك ا بعض التعريفات اللي تناولت السعاده بصفه عامه ومن ضمن التعريفات دي ادي واحد الاولاني عرف السعاده على انها مشاعر الفرد ا مشاعر رضا الفرد ككل تمام بعد ما حط التعريف الجميل ده عمل ايه حط التوثيق بتاعه قال فلان سنه 2008 طيب بعدين حط تعريف تاني في جمله كده وبعد ما خلص التعريف راح قال ايه راح وثقه اهو ادي التوثيق في الايه اهو في نهايه التعريف وبعدين دخل في تعريف اخر قال لنا فلان عرف السعاده على انها ا الشعور مشاعر الفرد زي الفرض والسرور والامل والرفاهيه الجسديه والروحيه وبعدين راح وثقها اه اذا هو عباره عن ايه حط تعريف وتوثيق وبعدين رجع حط تعريف تاني خلاص كده وراح وثقه ده تعريف التاني وبعدين راح حط تعريف ثالت اهو وراح وثقه يعني في نهايه كل تعريف يحط التوثيق الشخص اللي عرف السعاده بهذا المفهوم تمام وبكده انا قارئ اعمل ايه استفاد ايه استفاد ان انا اخرج من الفقره دي بان انا اخدت مفهوم عام عن السعاده بدل ما تحط لي التعريف بالكامل كده ان احط ثلاث اربع خمس سطور للتعريف لا باختصار كده فلان قال كذا وفلان قال كذا وفلان قال كذا انا كده كقارئ اخدت ايه خدت فكره عامه عن مفهوم السعاده تمام كده هو عمل ايه دمج التعريفات مع بعض في كمان نوع اخر من الدمج للتعريفات وده اللي الصراحه بفضله جدا هوريهولك دلوقتي تمام اهو ادي النوع التاني لدمج التعريفات وده اللي بفضله جدا يقولك ايه لقد تعددت التعريفات التي تناولت مصطلح كذا ويمكن استخلاصها من خلال فلان بص كده انا كاني بقول كده للقارئ انا اطلعت على تعريف فلان تمام ادي مرجع وتعريف فلان التاني ده ادي مرجع وبعدين شفت كمان تعريف فلان تمام ادي مرجع تالت وبعدين رحت كمان للكتاب ده وشفت التعريف بتاعه وادي مرجع رابع بدل بقى ما مسر تعريف كل واحد في فقره وده اللي بيحصل في فصل الاطار النظري لا انا بقول له ان انا قريت الاربع تعريفات واستخلصت ان المصطلح بتاعنا ده يمكن فهمه في الخمس نقاط دي الخمس نقاط دي اه يبقى انا بعمل ايه بقى في الدم الدمج بيبقى عباره عن قراءه تحليليه قراءه بنسميها قراءه ناقده مش ناقله مش بقعد انقل من هنا لهنا من الكتاب ده للرساله بتاعتي ومن الرساله دي للرساله بتاعتي لا الدمج ده بيبقى فيه نوع من الرقي شويه في الكتابه ان انا بعمل بيبقى في شخصيه الباحث واستخلاصه الباحث بتبقى اكبر من ان انا بفصل ما بين الاطار النظري والدراسات السابقه تمام يبقى من خلال الاربع تعريفات دول انا طلعت ان المفهوم ده احنا نقدر نفهمه من خلال الخمس نقاط دي او نعرفه من خلال الخمس نقاط دي تمام يبقى ده كده اول نوع من الدمج اسمه ايه دمج التعريفات او الجمل لاما احطها سطور كده جمل ورا بعض واخد واخد في الاخر افهم من الجمل دي كلها تكون لي فقره مفهومه تمام كده او ان انا ادمج التعريفات زي ما فهمت حضرتك تمام طيب نشوف النوع اني من الايه من الدمج بصي كده ادي فقره تانيه ننزل كده تحت نشوف كده دمج عمل ايه بيقول لك كده ركز معايا في الفقره دي بقى بيقول لحضرتك في السنوات الاخيره ا بدا الدراسات تتزايد في الاهتمام بدراسه البيئه المدرسيه ومن اهم الدراسات اللي اهتمت بان احنا المفروض نهتم بالبيئه المدرسيه السعيده ها خلاص كده بدا يسرد لك فلان ادي مرجع كده ايه يبدا يسرد لك الناس اللي اهتموا بالنقطه البحثيه دي او بالهدف ده وادي مرجع ثاني وادي مرجع ثالث تمام وادي مرجع رابع وهكذا بقى حط مراجع اللي اطلع عليه ا مرجع خامس وسادس وسابع عشان وقتنا اذا هو هنا جمع ايه بيقول انا يا جماعه لما قريت ودرست بالبلدي كده لما قريت ودرست وبصيت في عملت مسح كده للدراسات لقيت ان دي الدراسات اللي اهتمت بان هي تدرس البيئه المدرسيه السعيده خلاص بدل ما يقول لي فلان قال وفلان اهتم دراسته بكذا وفلان هدف دراسته الى كذا نفس الكلام بنكرر لا انا ده ضميت كله الكل اللي كان عنده نفس الهدف حطيته في فقره فهمتني كده هو ده كل الناس اللي هدفت لنفس الدراسه حطيتهم في فقره طيب ممكن اعمل ايه كل الناس اللي وصلت لنفس النتيجه احطهم برض في فقره زي كده بالظبط اقول مثلا توصلت الكثير من الدراسات على ان هناك علاقه ما بين مثلا الخجل والتحصيل الدراسي وافتح اقول مثال مثل ايه على سبيل المثال فلان وفلان وفلان وفلان وفلان وفلان بدل ما حط الدراسات ورا بعض زي فصل الدراسات السابقه كده كل دراسه ب فقره لا انا بعمل الدمج هو ده الدمج دراسات اتفقت في هدف او اتفقت في نتيجه طيب واحد يقول لي حلو خالص الكلام ده طيب اهم حاجه تفهمها لنا ازاي نوثق ازاي اوثق بص كده بفتح قوس اهو نعمله بالشمال كده اهو عشان التوثيق ده مهم جدا واحد يقول لي ليه مهم اقول لك انا بص كده ده في واحد هنا انا جايباه لك موثق غلط انت ممكن تاخد زي توثيق كده بيقول ايه اتفق كلا من سمير عبده سنه كذا وايمن ابروس سنه كذا السنه حطتها ما بين قوسين مع الصفحه وفلان والسنه ما بين قوسين وصبحي سليمان السنه ما بين قوسين لا انا ما شفتش الكلام ده مش موجود هنا في الدراسه دي هو قوس واحد شايفوا قوس واحد ضم كل المراجع اهو ضم اهو نهايه القوس اهو كده كل المراجع اتحطت ما بين ايه ما بين قوس واحد ما بين كل مرجع والتاني فاصله منقوطه اهي انا هحاول اقربلك عشان تشوف اهي فصله منقوطه دي اللي نازله لتحت وما بين كل المرجع نفسه لو ههم متكون من شخصين ها بص كده حاطط ايه حاطط كوم والعلامه دي طيب واحد يقولي معلش علميني كده بالراحه كده انا بعمل الحاجات دي ازاي اول حاجه بتفتح القوس سهله كده بفتحه ازاي القوس ده اتفتح ازاي بندوس شيفت ت اهو دوست شيفت ت تمام استنيه واحده نخليه كده طيب بعد ما دوست شيفت تس بعمل ايه بكتب اسم الشخص الاولاني ثانيه اهو هكتب مثلا فرانك طبعا اول حرف بالكابيتال فرانك كوه الكومه دي جتلي ازاي بكتبها منين من حرف الواو في الكيبورد انا كاتبه بالانجليزي اهو حرف الواو موجود قدامك دوس عليها تظهر لك العلامه دي وبعدين تكتب السنه 2020 مثلا ط انا كده خلصت المرجع ده افصل ما بينه وما بين اخوه مرجع اخر بالعلامه دي الفاصله المنقوطه بتاعه الانجلش دي بجيبها منين من زرار برض من الكيبورد مكتوب عليه حرف الكاف ماشي كده كاف بالعربي بدوس عليه يطلعي العلامه دي طيب لو في اتنين بقى مثلا مارك مثلا مارك ماشي و مثلا مريان بص كده دول حطيت ما بينهم الايه العلامه دي العلامه دي اللي هي زي اند جبتها منين العلامه الجميله دي من فت سب دي منين من فت سب امال جبنه دي منين من حرف الواو وجبنه دي منين من حرف الكاف معلش انا بشرح بالراحه علشان الناس اللي ايه يعني اللي مش عارفه الطريقه بعدين بعمل ك برض بحرف الواو وبعدين اكتب السنه 2000 مثلا و12 بفصل ما بين المرجع والتاني بالفاصله المنقوطه وهكذا طب افرض انا عايزه ادخل معاهم واحد عربي ينفع اه طبعا حول الى عربي ففت وبعدين ادوس الفاصله المنقوطه بتا العربي اللي هي دي تمام بجيبها منين بجيبها من شيفت ح خلاص وبعدين اكتب بقى الشخص بتاعنا بقى اللي هو احنا العربي ده انقل بس الموس واكتب عبد مثلا العزيز فاصله الفاصله بقى بتاعتنا العاديه دي اهي فاصله واكتب 2000 مثلا و19 واقفل القوس يبقى انا كده عملت ايه بص كده هو ده التوثيق بتاعنا طبعا القوس نشيله من هنا واحطه هنا تمام كده و حط في النهايه نقطه يبقى انا بحط ما بين الباحث والاخر العلامه دي اللي هي اند وما بين الباحث والسنه العلامه دي وما بين طبعا العربي بنحط فصله عاديه وما بين العربي والاجنبي بنحط الفصله المنقوطه دي دي طريقه التوثيق السليمه مش احط ما بين قوس السنه لا ما بنعملش كده تمام تمام اخر نوع بقى من انواع الدمج اسمه دمج الكلمات انا شرحتلك دلوقتي دمج التعريفات او الجمل دمج النتائج المشتركه ما بين الدراسات او الاهداف المشتركه ما بين الدراسات وفي الحاجه الثالثه هي دمج الكلمات بتحصل ازاي دمج الكلمات ه هديلك مثال مثلا هنا بعرف مفهوم السعاده فبقول ايه يعد مفهوم الويل بينج من المفاهيم الحديثه نسبيا وقد تناوله الباحثون من رؤى مختلفه كما ترجم بمصطلحات مختلفه مثل بص كده بدمج بقى بدل ما احط ايه فلان ده انه عرف الويل بينج على انها جوده الحياه واحط التعريف بتاعه بالكامل زي ما بنعمل في القطار النظري لا ده انا بقول بس ان الدراسه دي اطلقت على المصطلح ده جوده الحياه بص كده حطيت كلمه واحده تمام وبعدين وثقت وبعدين رحت حطيت بقول بقى ان في ناس كمان عرفوه ان هو اسمه على انه السعاده في دراسه فلان وفلان ما بين كل واحد والثاني الفصله المنقوطه اللي انا لسه قايله لك عليها تمام وما بين المرجع واخوه بنحط ايه فاصله ما بين سوري المرجع والسنه بنحط فاصله عاديه وما بين كل مرجع والتاني بنحط ايه فاصله منقوطه تمام طبعا احنا بنحط اللقب فقط الجد فقط ولكن لو المشرف شايف ان احيانا المشرف بيطلب ان انت تحط الاسم واللقب ق فالموضوع ده متوقف على المشرف في طريقه التوثيق يعني ثالث حاجه في دراسه ثانيه قالت ان هي الرفاهيه اطلقت على المصطلح ده او ترجمته ان هي الرفاهيه وفي دراسه تانيه قالت ان هو الهناء تمام وفي دراسه تانيه قالت ان هي عرفت المصطلح ده على انه الحياه الطيبه ايه ده انا عملت ايه دلوقتي اه بدل ما عدت اسرد اسرد زي ما متعوده في الاطار النظري تعريف ورا تعريف ورا تعريف لا انا حطيت كلمه ورا كلمه ورا كلمه وده مكتوب كلهم في ايه في فقره كده القارئ ايه فهم بمنتهى البساطه ان المصطلح ده بيطلق عليه اسماء كتير وكده انا فهمت الدراسات دي اللي تناولته خلاص كده بس اخر سؤال بقى واحد هيسال لي هو انا الدمج ده اعمله في كل فصل الاطار النظري والدراسات السابقه لما بدمجهم بعمل كده دايما بدمج في كل الفقرات لا طبعا ما بقدرش اعمل كده ولكن اعمل كده على قد ما اقدر طب لو في فقر فيها دراسه واحده فيها مشكله لا طبعا ما فيهاش مشكله فقره تاني فيها دراسه واحده او دراستين مافيش مشكله وبعدين ابدا ادمج فهمتني كده هو انا كده خلصت لك كل ما يخص الدمج شرحتلك طرق الدمج الثلاثه واهميه الدمج وازاي بوثق لما بدمج في نهايه كل فقره بوثق ازاي كده انا خلصت واتمنى لكم كل التوفيق من قلبي شكرا ‏i