دور الزلازل والبراكين والنيازك في تغيير سطح الأرض علوم الثاني الاعدادي المنهج الجديد الوحدة الرابعة

دور الزلازل في تغيير سطح الارض اولا يعني ايه اصلا زلازل؟ الزلازل دي عباره عن هزات ارضيه سريعه وورا بعض او متتاليه بتحصل لقشره الارض وبتكون اهتزاز مفاجئ الاهتزازات دي بتكون طبيعيه وبتكون متكرره وممكن تكون ضعيفه ما نحسش بيها او ممكن تكون قويه جدا فتعمل دمار واسع جدا زي ما احنا عارفين ان الارض اللي تحتنا مش كتله واحده كبيره دي بتتكون من صفائح كبيره بتتحرك ببطء ولما بتحتك ببعض او تصطدم ببعض بيحصل الزلازل ايه العلاقه ما بين الزلازل وحركه الصفائح التكتونيه طبعا نظريه الصفائح التكتونيه بتفسر ازاي وليه بتحصل الزلازل لما بتتحرك الصفائح دي بتتجمع طاقه كبيره جوه الصخور اللي موجوده عند الحدود بتاعتها فبالتالي الطاقه الكبيره دي بتكون اكبر من ان الصخور تتحملها فبتتكسر الصخور فجاه الطاقه اللي متخزنه دي بتتحرر في لحظه واحده او فجاه فتتنقل من خلال الصخور على شكل موجات زلزليه اللي هي الهزات الارضيه اللي احنا بنحس بيها النوع ده اسمه الزلزال التكتوني وده الاكثر شيوعا او انتشارا على سطح الارض يعني كيف تتكون الزلازل هنقول ان الزلازل دي بتتكون لما تتحرك الصفائح التكتونيه وتضغط على الصخور بتخزن الطاقه في الصخور لما الصخور دي تتكسر نتيجه الطاقه الكبيره اللي اكبر من قدرتها دي بتتحرر بقى الطاقه فجاه وبينتج عن كده موجات زلزليه اللي هي بتسبب الهزات الارضيه اللي هي الزلازل التكتونيه الزلازل التكتونيه دي بتحصل عند حدود الصفائح اللي هي بتكون سبب في معظم الزلازل في العالم دور الزلازل في تغيير سطح الارض طبعا الزلازل مش بس بتقتصر على الاهتزاز لا ده ممكن كمان تغير سطح الارض بطرق كتير اول حاجه ظهور او غمر بعض الجذر والسواحل يعني ممكن سواحل تظهر او جزيره تظهر او جذر وسواحل موجودين بالفعل يحصل ليهم غمر او يختفوا الزلازل القويه ممكن ترفع جزء من قاع البحر الى الاعلى فبالتالي هتكون جزيره جديده او ممكن تهبط اجزاء من الساحل او تنزل لاسفل تحت مستوى سطح البحر فبالتالي بنقول عليها حصل غمر بالميه للمنطقه دي فبالتالي ممكن الزلازل تكون جذر وسواحل او تغمر جذر وسواحل ثاني حاجه انهيارات وانزلاقات ارضيه طبعا اهتزاز الارض بيؤدي لتحرك الصخور والتربه من الاماكن بتاعتها على المنحدرات فبالتالي بيحصل حصل انهيارات جبليه وانزلاقات او ان الاراضي دي بتتزحلق على بعض بس طبعا بتكون ضخمه فبالتالي هتغير تضاريس المنطقه دي وزي ما قلنا يعني ايه تضاريس يعني شكل الارض باللي عليها جبال صخور سهول هضاب ثالث حاجه تكون تشققات ارضيه لما الصخور دي هتنكسر هتتشكل الشقوق او الفجوات اللي هي الاماكن الفاضيه الطويله في الارض ممكن تمتد كمان لمسافات كبيره زي عده كيلورات التشققات دي بتغير شكل السطح وبتاثر على الطرق والمباني حدوث ظاهره تسونامي او امواج البحر العملاقه لما بيحصل زلزال قوي في قاع البحر يعني زلزال بس في منطقه فيها بحر بالتالي هيدفع كميه ضخمه من الميه لفوق الميه دي هتتحرك على شكل موجات ضعيفه جدا وسريعه اللي احنا بنسميها تسونامي لما توصل للش شاطئ هتغمر السواحل وتغير الشكل بتاعها وهتتسبب كمان في خسائر كبيره. شده الزلازل والاثار بتاعتها طبعا الزلازل بتختلف في القوه بتاعتها وفي الشده بتاعتها نقدر نقول في زلزال ضعيف في زلزال متوسط في زلزال قوي جدا الزلزال الضعيف ده مش هيحس بيه الانسان الا باجهزه حساسه ليه زي مثلا لما يحصل زلزال صغير بيحصل يوميا في اماكن مختلفه مش بنحس بيه او نشعر بيه اما في زلازل متوسطه دي بتحصل اهتزازات بسيطه بسيطه من غير تدمير زي بعض الزلازل اللي بتحصل مثلا في البحر المتوسط اما ثالث نوع هو الزلزال القوي جدا اللي بيسبب دمار واسع جدا وخسائر بشريه وماديه زي الزلازل اللي بتحصل في اليابان او في تركيا احيانا الخسائر الناتجه عن الزلازل القويه ممكن تكون خسائر بشريه وفيات مثلا او اصابات نتيجه انهيار المباني او خسائر ماديه زي تدمير الطرق والكباري وشبكات الميه والكهرباء والغاز كل دي خسائر ماديه ايه هي امواج التسونامي دي كلمه يابانيه معناها موجه الميناء دي عباره عن امواج في البحر عملاقه بتنتج عن زلزال قوي في قاع البحر او انفجار بركاني دي ممكن تسافر الاف الكيلومترات بسرعه ممكن توصل ل 800 كم في الساعه لما هتوصل للشاطئ هترتفع عشان تعمل عمل جدار مائي ضخم الجدار ده هيغمر المدن الساحليه يعني هيغطيها بالميه وهيغير شكل الشاطئ تماما دور البراكين في تغيير سطح الارض يعني ايه البركان البركان ده عباره عن فتحه او شق في القشره الارضيه بيخرج منه حاجات ايه الحاجات اللي بتخرج منه اول حاجه الصخور المنصهره اللي هي المجمى ثاني حاجه الغازات الساخنه هنا ثالث حاجه الرماد البركاني يعني ممكن نلاقي حالات الماده الثلاثه في البركان الحاله السائله زي الصخور المنصهره دي اللي هي سايحه جدا من درجه الحراره المرتفعه جدا ثاني حاجه الغازات الساخنه اللي هي بتخرج في شكل غاز او الصخور اللي بتتطاير مع البركان ده لما المواد دي بتوصل لسطح الارض بتنفجر بقوه كبيره وبعد كده بتبرد وتتصلب فلما هتبرد هتنشف على الشكل اللي هي كانت سايحه عليه فبتكون بقى تضاريس جديده زي الجبال او الجذر نقدر نقول ان البركان ده عامل زي صمام امان للارض لما بيتجمع ضغط او حراره في باطن الارض جزء منها بيندفع ويخرج من خلال الفوهه بتاع البركان دي فبتكون امان للارض العلاقه ما بين البراكين وحركه الصفائح التكتونيه عشان نفهم سبب حدوث البراكين لازم نفهم نظريه الصفائح التكتونيه اول حاجه عند الحركه التباعديه للصفائح اللي هي لما تبعد عن بعض ودي شرحناها بالتفصيل قلنا ان هيتكون فراغ ما بين الصفائح فالمجمه او الصخور المنصهره هتطلع من تحت الوشاح الى اعلى عشان تملا الفراغ اللي فوق ده لما توصل للسطح هتبرد وتتصلب فهتكون قشره جديده زي مثلا البحر الاحمر اللي تدريجيا بيتسع او يوسع نتيجه الحركه دي لما هيحصل حركه تقاربيه للصفائح دي يعني هتتصادم الصفائح بالتالي هتنزلق احدى الصفائح تحت الصفيحه الثانيه او هتتزحلق تحتها فالصخور هتنصهر نتيجه الحراره والضغط العالي لان زي ما احنا عارفين كل ما بننزل لباطن الارض كل ما درجه الحراره بتزيد وبالتالي المجمع او الصخور المنصهره دي هتطلع للسطح من خلال الشقوق وتكون براكين جديده عند مناطق الالتقاء ما بين الصفائح دي اذا لو كانت الحركه تباعديه او تقاربيه هتساعد في الاخر في تكوين البراكين او نشوء البراكين على حدود الصفائح التكتونيه دور البراكين في تغيير شكل سطح الارض طبعا البراكين من اقوى العوامل اللي بتعيد تشكيل التضاريس بتاعه الارض وقلنا التضاريس اللي هي الجبال او السهول او الهضاب او شكل سطح الارض بمحتوياته عموما من اثارها تكوين جبال بركانيه لما هتتراكم طبقات الحمم او الرماد فوق بعض بعد كل ثوران للبراكين دي هتتكون جبال بركانيه ضخمه زي جبال حراطرات اللي موجوده في السعوديه الجبال دي شبه اكوام الحمم الصلبه اللي اتجمعت مع مرور الوقت او عبر الزمن ثاني حاجه تكوين سهول منبسطه وهضاب لما هتخرج الحمم دي وهتنتشر لمسافات كبيره بعد كده تبرد هتتكون سهول بركانيه واسعه لو تراكمت الطبقات دي فوق بعض هتبقى هضام ثالث حاجه تغطيه الوديان والانهار الوديان طبعا جمع وادي الحمم المنصهره دي ممكن تغطي مجرى الانهار او مجاري الانهار والوديان اثناء اندفاعها وبالتالي هتؤدي الى انها تختفي يا اما بشكل مؤقت او تختفي نهائيا فبالتالي هتؤدي لتغطيه الوديان والانهار. رابع حاجه تغيير مسار الانهار طبعا نتيجه تراكم الحمم دي في بعض المناطق بتجبر الانهار على انها تغير المسار الطبيعي بتاعها وبالتالي بتسلك مسارات جديده او طرق جديده. خامس حاجه تكوين جذر بركانيه لما هيحصل الثوران في قاع البحر هتتراكم الحمم المنصهره او السايحه جدا الساخنه جدا دي لغايه ما توصل لسطح الميه فتكون جزيره جديده زي جزر هواي اللي موجوده في المحيط الهادي اضرار البراكين طبعا رغم ان البراكين ليها دور في تشكيل سطح الارض بس برده ليها اثار خطيره زي مثلا الخسائر البشريه البراكين دي بتطلع غازات سامه ورماد بركاني اثناء انفجارها وبالتالي لما يحصل استنشاق للغازات السامه دي او الرماد البركاني هيسبب الاختناق الامراض ثاني حاجه حراره الحمم دي ممكن تؤدي لاحتراق المناطق القريبه من البركان ده برده ممكن يحصل خسائر بيئيه زي مثلا تغطيه المدن والقرى بالرماد البركاني اللي خارج من البركان ده وبالتالي ممكن يؤدي دي لاختفاء المدن دي او الكره بالكامل طبعا التلوث اللي بيخرج للهواء او الميه بالغازات اللي بتخرج من البركان او الرماد اللي بيخرج منه او ممكن الغازات دي تخرج وتستمر في دوره المياه في الطبيعه فتكون امطار حمضيه فبالتالي نتيجه اختلاط الغازات البركانيه دي ببخار الميه اللي موجود في الجو لما الميه هتمشي في دورتها الطبيعيه في الارض ممكن تكون امطار حمضيه طبعا في تشابه ما بين الزلازل والبراكين فنقدر نقارن ما بينهم ما بين البراكين والزلازل البراكين بتحصل بسبب حركه الصفائح التكتونيه وصعود المجمه من باطن الارض المجمه زي ما قلنا هي الصخور المنصهره جدا نتيجه الحراره المرتفعه جدا في باطن الارض اما الزلازل فدي عباره عن حركه الصفائح التكتونيه وبيطلع منها طاقه او بتتحرر الطاقه بتحصل فين؟ البراكين عند حدود الصفائح والزلازل برده بتحصل عند حدود الصفائح بينتج عن البراكين خروج مواد منصهره وغازات لكن الزلازل بينتج عنها اهتزازات وتشققات في الارض البراكين بتكون جبال وجزر جديده وبتغير التضاريس على الارض اما الزلازل فهي بتتسبب في تشققات وزلازل وتسونامي طبعا باختصار الاثنين مش بيحصلوا في اماكن عشوائيه لا دي بتتوزع في نمط او في شكل واضح على امتداد حدود الصفائح التكتونيه دور النيازك في تغيير سطح الارض يعني ايه النيازك اصلا النيازك دي عباره عن كتل صخريه او معدنيه بس بتيجي من الفضاء الخارجي اثناء دورانها في الفضاء ممكن تدخل الغلاف الجوي للارض بسرعه كبيره جدا لما هتحتك بالهواء بتاع الغلاف الجوي هتشتعل وهتضيء وغالبا هتحترق قبل ما توصل لسطح الارض لكن بعضها ممكن يكون كبير وصلب فيقدر يخترق الغلاف الجوي ويسقط على الارض يعني ببساطه النيزك ده عباره عن صخره جت من الفضاء الخارجي وسقطت على الارض كبيره جدا ازاي النيازك دي هتغير شكل سطح الارض لما النيزك هيسقط على الارض كبيره جدا ممكن توصل السرعه دي لعشرات الكيلومترات في الثانيه الواحده ممكن يصطدم بقوه انفجاريه ضخمه كانها انفجار قنبله ضخمه جدا ده ممكن يؤدي لتغيير شكل سطح الارض بطرق مختلفه ايه هي الطرق دي اول حاجه تكوين فوهات او حفر ضخمه لما هيصطدم النيزك بالارض هيحفر حفره عميقه ودائريه اسمها فوها نيزكيه من امثله الحفر دي حفره اريزونا اللي موجوده في الولايات المتحده الامريكيه او حفره جبل الكامل اللي موجوده في الصحراء الغربيه في محافظه الوادي الجديد الحفر دي ممكن يوصل القطر بتاعها لكيلومترات كتيره وتفضل الاثار بتاعتها واضحه لالاف السنين ثاني حاجه تغيير تضاريس سطح الارض النيازك الكبيره ممكن تغير شكل الارض في المنطقه اللي بتسقط فيها ممكن ترفع اجزاء من القشره الارضيه او تدمر اجزاء ثانيه ممكن كمان تسبب جبال صغيره او منخفضات جديده طبعا بتاثر على المناخ والحياه فالعلماء بيعتقدوا ان سقوط نيزك ضخم قبل ملايين السنين كان هو السبب في انقراض الديناصورات السبب كمان ان النيزك ده لما اصطدم بالارض اطلق غبار كثيف جدا في الغلاف الجوي فحجب ضوء الشمس لفتره طويله فالارض بردت واختلت بقى السلاسل الغذائيه اللي موجوده في الارض وبالتالي ادى لانقراض الكائنات الضخمه من وجهه نظرهم التكنولوجيا الحديثه لحمايه الارض من خطر النيازج طبعا وكالات الفضاء بتخاف من سقوط نيازج كبيره على الارض ممكن تسبب كوارث عشان كده وكاله الفضاء الامريكيه ناسا طورت نظام جديد عشان تحمي بيه الارض النظام ده اختصروه في كلمه دارت طبعا كل حرف من حروف الكلمه دي بيرمز لمصطلح طويل اللي هو معناه ناء اختبار تحويل مسار كويكب مزدوج فكره النظام ده ان في مركبه فضائيه صغيره بتصطدم عن عمد او قصد بنيزك في الفضاء الاصطدام ده هيغير مسار النيزك او المدار بتاعه او اتجاهه شويه عن اتجاهه الاصلي بالشكل ده نقدر نمنع النيزك ده من انه يصطدم بالارض في المستقبل عشان كده قلنا ان النظام ده عباره عن درع فضائي وقائي بيحمي الارض من النيازك الكبيره