شرح درس أسلوب التفضيل وصوغ اسم التفضيل 2026 نحو الصف الثالث الإعدادي الترم الثاني كامل بالأمثلة

بسم الله والصلاه والسلام على سيدنا محمد وعلى اله وصحبه وسلم اجمعين السلام عليكم ورحمه الله وبركاته معاكم ميس عزه الملكي والنهارده ان شاء الله هنشرح الدرس السادس نحو اسلوب التفضيل وصوغ اسم التفضيل يعني ايه اسلوب تفضيل اصلا كلمه اسلوب في اللغه العربيه لما بقولها لك يبقى انا مش عاوزه حاجه واحده انا عاوزه مكونات التفضيل ده كله يعني ايه يعني انت لما بتروح لواحد وتقول له ان انت عايز ساندوتش برجر هل هيديك العيش بس لا طبعا طب هل هيديك قطعه البرجر بس برده لا هل هيديك الخص بس برده لا طب هل هيديك الكاتشب بسيقول لك كده انا اديتك الساندوتش لا طالما قلت انا عاوز ساندوتش برجر يبقى لازم تلاقي كل المكونات موجوده العيش والبرجر والخص والكاتشب والطماطم وكل حاجه برده ده نفس الكلام لما اقول لك استخرج اسلوب تفضيل يعني ايه استخرج اسلوب تفضيل يعني انا عاوزه اطلع كل مكوناته مش حاجه واحده بس لما اقول لك انا عاوز اسم تفضيل يبقى ده واحد من المكوين زي لما اقول لك عايز برجر بس طب لما اقول لك ان انا عاوز المفضل يبقى انا كده عاوز العيش بس بتاع البرجر ماشي طيب لو انا قلت لك ان انا عاوز المفضل عليه يبقى انا كاني عاوز الطماطم او الخص بس من الساندوتش يبقى ده كله اسمه ساندوتش البرجر اللي هو عندي هنا في الدرس اسمه اسلوب التفضيل لما يطلب مكون واحد بس يبقى هاته له يبقى لو طلب اسلوب التفضيل هجيب له حاجه اسمها المفضل وحاجه ثانيه اسمها اسم التفضيل نفسه وحاجه حاجه ثالثه اسمها المفضل عليه والثلاث مكونات دول واحد انين 3لا هم دول اللي بيشكلوا او بيكونوا اسلوب التفضيل كانه ساندوتش البرجر كامل في الامتحان لما يقول لك عايز المفضل عليه او عايز اسم التفضيل او عايز المف عايز المفضل او المفضل عليه او اسم التفضيل انا بجيبه ازاي؟ بجيبه من اسم التفضيل الاول واللي دايما بيكون على وزن افعل يعني ايه على وزن افعل يعني كلمه زي اكبر زي اطول زي اقصر زي اجمل زي اشد زي اسرع المهم انها تكون على وزن افعل يا ميس انا حاسس ان شفت الكلام ده قبل كده هو مش ده اسلوب التعجب لا افعل التعجب حاجه وافعل التفضيل حاجه افعل التعجب بتيجي قبلها ما اسمها ما التعجبيه زي ما اسرع الفهد ما اجمل الفتاه ما انشط التلميذ يبقى انا بجيب ما واجيب ا حاجه او فعل على وزن افعل ساعتها نقول عليه اسلوب التعجب لكن المره دي هجيب حاجه على وزن افعل وهيبقى اسمه اسلوب تفضيل لان انا كده بفضل حاجه على حاجه ثانيه يعني ايه مثلا يعني عارف كده لما ماما تحب تقنعك بكليه معينه عايزاك تدخلها وتقول لك ان الطب افضل من الهندسه يبقى هي كده ماما فضلت الطب اللي هو اسمه المفضل على الهندسه اللي هي اسمها المفضل عليه يبقى دايما اللي في المفضل ده بيكون اكتر من التاني في فعل معين يعني يا اما عشان اكبر منه او عشان افضل منه او عشان اسرع منه او عشان اجمل منه زي هنا بيقول لك الارض اكبر من القمر يبقى معنى كده ان احنا فضلنا الارض على القمر في فعل اللي هو بتاع جاي اكبر من الفعل ايه كبر يبقى جايه من فعل ان هو بيبين ان الارض اكبر من القمر كده فهمنا ان اسم التفضيل هو برده اسم مشتق من الفعل يعني اكبر ده اسم ينفع احط لها الف ولام واقول الاكبر طالما ينفع تاخد الف ولام يبقى هي اسم لكن جايه من فعل اسمه كبر زي المضارع بتاعها يكبر والماضي بتاعها كبر صح طيب يبقى دايما اسم التفضيل اسم مشتق من الفعل على وزن افعل للدلاله على ان في اثنين اثنين في صفه ما يعني بمعنى اصح الارض والقمر كبار الاثنين مشتركين في صفه الكبرى لكن الاولى اكتر من الثانيه اكبر من انيه وزاد احداهما على الاخر يبقى كده الارض زياده في الكبرى عن القمر في هذه الصفه زي انفع فاقول مثلا العلم انفع من اللعب ده معناه ان اللعب مفيد وان العلم مفيد الاثنين مفيدين لكن في واحد اكتر من الثاني عشان كده فضلت العلم على اللعب طيب عندي زي اكثر مثلا لما اقول التفاح اكثر من العنب يبقى انا كده فضلت عدد التفاح قلت ان عدده اكتر من العنب يبقى في من العنب كتير وفي من التفاح كتير لكن التفاح اكتر عشان كده عملته في صيغه اسم تفضيل طب بيقول الطريقه المباشره في طريقتين عشان اصيغ منهم اسم تفضيل يعني انا عندي فعل اسمه كبر ينفع اجيب منه اسم تفضيل اه اسمه اكبر طيب هل مثلا ايه سري مثلا يسرع او سرع ينفع اجيب منه اسم تفضيل اه اللي هو اسرع طب مثلا ا جمله اللي هو جايه من الجمال تمام ينفع اجيب منها اسم تفضيل اه اللي هي اجمل يبقى دول كلهم ينفع اجيب منهم اسم تفضيل بالطريقه المباشره دي اللي هي الطريقه العاديه دي لكن في بعض الافعال مثلا زي استنتج استنتج ده انا عايزه اقول ان في واحد بيستنتج اكت من الثاني صح كده بس استنتج ما ينفعش اجيب منه في اسم تفضيل على وزن افعل صعبه كده جرب جرب يستنتج وتخليها على وزن افعل صعبه جدا ساعتها هنتابع معاه طريقه ثانيه اسمها الطريقه الغير مباشره وهي انك تجيب واحد من المباشر دول اللي هو اصلا ينفع يتجاب منه اسم تفضيل زي اكبر او اسرع او اجمل او اكثر او اشد اي واحد اي واحد يعجبك وتجيب اللي بعديه بعديه من الفعل اللي انت ما كنتش عارف تجيب منه اسم تفضيل تجيب المصدر يعني ايه المصدر يعني الاسم من الفعل ده مش فاهم يا ميس بص يا سيدي انت ينفع تجيب من الفعل كثر اسم تفضيل ماشي هينفع ان انا اقول اكثر اه يبقى دي طريقه مباشره ان انا على طول احط له الف بقى خلاص اسم تفضيل لكن عندي فعل زي يستنتج يلا هات لي منه اسم تفضيل على وزن افعل مش عارف مش عارف اقول ان المهندس استنتج من المعلم لا انا عايزه اقول ان في واحد اكثر استنتاجا صح كده مش هينفع اقولها استنتج دي يبقى هعمل ايه هروح جايب فعل زي اكثر لان ده فعل ينفع يشتق بشكل مباشر يبقى انا هجيب اكتر من عندي وهجيب من الفعل يستنتج ده الاسم منه اللي هو ان انا احط له تنوين في اخره يبقى استنتاج يبقى اكثر استن اكثر استنتاج يبقى اي فعل مش عارف اجيب منه اسم تفضيل على وزن افعل زي كده هحط واحد من عندي يكون لايق عليه من اللي هو على وزن افعل واجيب المصدر بعديه على طول لو جينا مثلا نشوف المثال بتاع الفعل يستمتع انا مش هينفع اقول علي استمتع من ابراهيم لا مش لايقه مش هينفع بطريقه مباشره يبقى نحط من عندنا اكثر وبعدين الاسم من يستمتع يبقى علي اكثر استمتاعا من ابراهيم كده منطقي ده الفرق ما بين الطريقه المباشره والطريقه الغير مباشره طب انا امتى بصيغ اسم التفضيل من الفعل مباشره ا بطريقه مباشره ده بس لو كان الفعل ليه الشروط دي كلها يعني لازم الفعل يكون ثلاثي الماضي منه ثلاث حروف وبس لازم يكون مثبت غير منفي يعني ايه مثبت غير منفي يعني ما ينفعش تقول انا مثلا لو عايزه اجيب من الفعل يجمل واجيب اسم تفضيل هيبقى اجمل عادي لكن هو لا يجمل لا يجمل يعني مش جميل ينفع اجيب منه اسم تفضيل لا مش هينفع ساعتها هجيبه بطريقه ايه هجيبه بطريقه غير مباشره طب ودي تتعمل ازاي هقول له خليها طب تيجي في وقتها عشان اوريكوا المثال مباشره يبقى لازم يكون مثبت وغير منفي عشان يصاغ بطريقه مباشره لازم كمان يكون تام يعني ايه تام يعني غير ناقص يعني يكون فعل عادي اي فعل خلقه ربنا ما عدا اخوات كان ما ينفعش اجيب من كان اسم تفضيل ما فيش حاجه اسمها اك مش هم المفروض اسمهم كان اصبح اضحى امس ظل بات سار ليس تعالى على ظل كده في حاجه اسمها اظل طب كان في حاجه اسمها اكون تمام طب في لا ما ينفعش يبقى كله الا كان واخواتها لازم يكون متصرف يعني ايه متصرف يعني ما يكونش جامد برده مش فاهم يا ميس يعني بمعنى اصح يكون فعل ينفع يجي منه ماضي ومضارع وامر يعني انا مثلا عندي الفعل زي ا كبر ينفع يكبر ينفع اكبر كل ده ليه تصريفاته يبقى هو متصرف طب الجامد ده شكله ايه هم ما فيش غير الافعال الجامده اللي قدامك احفظهم ان دول ما ينفعش يجي منهم صيغه ا تفضيل او اسم تفضيل بطريقه مباشره اللي هم ليس ونعمه وبئس وعسى وحبزه ولا حبزه دول اللي ما بيصغش منهم اسم تفضيل بطريقه مباشره طب لازم كمان يكون قابل للتفاوت في وعطى ينفع يبقى في حد ازيد من الثاني في حاجه او حد يكون اقل من الثاني في حاجه لكن ما ينفعش فعل زي ما هو ايه اللي ابراهيم اموت من حسين ما هو الاثنين ماتوا ما ينفعش يبقى في واحد فيهم اكتر من من الثاني في الموت او اقل من الثاني في الموت ده فعل غير قابل للتفاوت ما فيش منه كميات هو يا عايش يا ميت وطالما قلت على حد انه مات فما فيش حد هيكون ازيد منه ولا حد هيكون اقل منه اذا الفعل مات ما ينفعش يتصاغ منه صيغه مبالغه بطريقه مباشره برده الفعل فن فن دي الفناء يعني خلاص الانتهاء ينفع اقول ان في واحد افنى من الثاني لا طبعا خلاص الفناء معناه الانتهاء يبقى ده فعل غير قابل للتفاوت يبقى ما ينفعش اصيغ منه اسم تفضيل بطريقه مباشره ولا بطريقه غير مباشره طب وهلك في حاجه اسمها محمد اهلك من ابراهيم برده لا ما ينفعش لان الهلاك هو برده النهايه او الفناء وساعتها ما فيش حد اكت من الثاني فيها مثال لا ياتي دول منهم اسم تفضيل لانهما غير قابلان ولا للزياده ولا للنقصان فلا يمكن ان نقول احمد اموت من محمد ما فيش حاجه اسمها كده طالما الاثنين ماتوا يبقى ما فيش حد اكتر من الثاني لازم كمان يكون مبني للمعلوم وليس مبني للمجهول يعني الفعل هتكون جاي منه جاي اسم التفضيل يبقى كبر تمام كبر ما ينفعش يبقى كوبي ما ينفعش يبقى مبني للمجهول لازم يكون مبني للمعلوم طيب بالنسبه بقى لانه لو كان جاي الوصف منه على وزن افعل اصلا يعني واحنا بنوصفه يعني زي حمرا خلاص لو انا جيت اوصف ورده هقول ان هي لونها احمر طب ومؤنثها حمراء اي حاجه وصفها احمر ومؤنثها حمراء يعني وزنها افعل ومؤنثها فعلاء ما ينفعش اجيب منها اسم تفضيل ليه؟ لان هيطلع اسم التفضيل منها نفس وصفها فانا مش هبقى عارف هو ده وصف ولا اسم تفضيل ما هو ده على وزن افعل والتاني على وزن افعل زي عوره برض اعور تمام كده اصلا اعور لسببين مش هتنفع انها تصاغ منها اسم التفضيل لانها برض من الافعال الغير قابله للتفاوت يعني ايه يعني ما فيش حاجه اسمها محمد اعور من حسين هم الاثنين عور ما فيش حد فيهم ازيد من الثاني ده غير برده ان الوصف منها على وزن افعل ومؤنثها فعلاء يعني اعور عوراء برده مش هيصاغ منها اسم التفضيل مباشره لو بصينا على المثال اللي قدامنا هنلاقي العلم انفع من المال ده معناه ان العلم اكثر في النفع من المال الاثنين مفيدين لكن العلم اكتر يبقى ده اسمه المفضل وده اسم التفضيل وده المفضل عليه ولو طلب منك في الامتحان تجيب له الاسلوب هتطلع الجمله كلها لو طلب بس المفضل يبقى العلم لو طلب اسم التفضيل يبقى انفع ولو طلب المفضل عليه يبقى المال كده عرفنا الاستخراج تعال بقى نشوف الفعل انفع ده ليه هو نفع نجيب منه اسم التفضيل بشكل مباشر اهو قلت انفع على وزن افعل لانه ثلاثي الماضي منه نافع ثلاث حروف فقط لانه مثبت ما فيش اداه نفي لانه تام مش واحد من اخوات كان لانه متصرف بيجي منه ماضي ومضارع وامر نفع وينفع وانفع قابل للتفاوت يعني في منه حاجات ازيد في حد بيزيد في النفع وفي حد بيقل في النفع في شخص مفيد وشخص مش مفيد قوي في شخص اصلا مش مش مفيد اصلا طيب كمان هو مبني للمعلوم نافع مش مبني للمجهول ليس الوصف منه على وزن افعل ومؤنثها فعلا لو انا جيت اوصف حد بالنفع هقول عليه نافع بصوا مش على وزن افعل ما بداش بالالف هو نافع مالهاش دعوه بافعل ولا مؤنثه فعلاء عشان كده ينفع يصاغ منه اسم التفضيل بالشكل ده اللي هو على بشكل مباشر برده اسرع تطبق فيها نفس الشروط لو طلب منك في الامتحان تستخرج الاسلوب هتقول له اسلوب التفضيل كله الطائره اسرع من القطار ده الاسلوب كامل طب لو طلب المفضل يبقى الطائره لو طلب اسم التفضيل يبقى اسرع لو طلب المفضل عليه اللي هو القطار طب خلاص خلصنا الاستخراج ليه الفعل اسرع اشتق اشتقيناه ليه قصدي اسم التفضيل اسرع اشتقيناه من الفعل بشكل مباشر على وزن افعل اهو هقول لانه برده ثلاثي مثبت تام متصرف قابل للتفاوت مبني للمعلوم ليس الوصف منه على وزن افعل اللي مؤنثها فعلا يلا بينا صيغ بقى بيجي كده في الامتحان صغ يعني هات لي الشكل بتاع اسم التفضيل من الافعال الاتيه يعني هو معترف ان دي افعال وعايز منك تجيب اسم التفضيل كثر يبقى اكثر شد يبقى اشد جدر جدر يبقى اجر حق يبقى احق يبقى ينفع يصغ على وزن افعل عادي هحط الف في اولها وخلاص كده خلصنا اما بقى الطريقه الغير مباشره بيصاغ اسم التفضيل من الفعل الغير غير ثلاثي والوصف منه على وزن افعل وفعلاء طالما الفعل طلع غير ثلاثي اكت من ثلاث حروف او كان الوصف منه افعل فعلاء زي احمر حمراء كده ساعتها تعال معايا هقول لك الطريقه ازاي الاتيان باسم التفضيل بس من دماغك يكون مستوفي الشروط ويستحسن دايما تستخدم اكثر هتلاقيه لايق مع كله اكثر على وزن افعى جبناه من عندنا يا ميس نعمل ايه يعني انت ده جايبه من دماغك خليك فاكر الاتيان بقى بالمصدر الصريح ايه يا ميس المصدر الصريح ده الاسم من الفعل يعني روح للفعل وحط له تنوين بالفتح بقى اسم خلاص يعني يستخرج بقت استخراجا مثلا يستمع يبقى ا استماعا وهكذا ده اسمه مصدر صريح خلي بالك عشان عندك نوع ثاني من المصادر اسمه مصدر مؤول وهنحتاجه برده هو انك تحط ان قبل الفعل المضارع يبقى يستخرج يبقى ان يستخرج تمام يستمع يبقى ان يستمع ساعتها انا كده استبدلت موضوع ان انا احول الفعل لاسم يعني يا اما تجيب مصدر صريح يا اما تجيب مصدر مؤول. طيب بيعرب هذا المصدر تمييز اوعى تنسى ان بيجي في الامتحان يحطه لك ايه؟ اا يحط لك تحتيه خط. انت دايما اول ما تلاقي واحد كده من اسماء التفضيل جاي وراه اسم منون عليه فتحتين اعرف على طول ان اللي عليه تنوين ده هو تمييز. سهله كده زي هنا بص بيقوللك ايه القاهره اكثر جايبها من عنده من بيتهم وعايز يجيب من الفعل يزدحم مصدر اسم تفضيل قصدي راح حاطط اكثر من عنده وجاب الاسم منها اللي هو ازدحاما يبقى القاهره اكثر ازدحاما من الاسكندريه طب ساعتها وانا بعرب عادي هقول ان اكثر ا انا مثلا بقول القاهره مبتدا يبقى القاهره مالها اكثر يبقى اكثر ده خبر وبعدين اللي جاي بعد افعل التفضيل دي اللي هي اكثر اجمل اطول اسرع اشد دايما بيبقى تمييز يبقى ازدحاما ده يعتبر ايه؟ تمييز وخدناها اصلا في درس التمييز ان من الحاجات اللي بيجي فيها تمييز في الامتحان ان يجي بعد افعل التفضيل اسم منون عليه فتحتين طيب ليه انا جبت من ازدحاما طريقه غير مباشره لاسم التفضيل كده ليه احتجت ان انا احط له اسم تفضيل من عندي وبعدين هو جبت المصدر الصريح منه علشان هو كان غير ثلاثي ازدح حمه جايه من الفعل ايه زا جايه من الفعل ازدحمه عدهم واحد 2 3 4 5 طالما اكتر من لاثه مش فارق معايا بقى عدد حروفه ايه هنجيبه بطريقه غير مباشره اجيب من عندي واحد مباشر واروح حاطط ده وراه وراه تنوين وخلاص طيب بالنسبه بقى للالوان زي احمر واخضر وبتاع اقول ازاي ان الورده دي لونها احمر من دي مش هينفع بصوا انا حتى نطقتها بين ان في حاجه غلط هو ايه الورده دي احمر من دي احمر كده اتفهمت غلط صح لكن كان المفروض اقول اشد حمره او اكثر حمره قلت لك ثبت معاك الفعل ده هينفع مع كله تمام يبقى اقول الدم اشد حمره من الورد يبقى انا جبت برده المصدر الصريح بعد واحد من اسماء التفضيل من عندي طب اشمعنى حصل ده مع احمر او مع حمرا علشان الفعل حمراء الوصف منه على وزن افعل احمر ومؤنثها فعلاء اللي هي حمراء يلا بينا بقى بقى نجيب اسم التفضيل من زرقه اه ده لون والميس قالت لي كل الالوان هحط لها تاء مربوطه زرقه واحط لها التنوين بالفتح واحط قبلها اسم تفضيل من عندي اللييس قالت لي خليك في اكثر بيليق مع كله حصل يبقى انا كده هقول ايه بقى عشان ا عشان زرقه دي هقول مثلا ال الكتاب اكثر زرقه مش هينفع اقول ازرق هيبقى اكثر زرقه او اشد زرقه من القلم مثلا طب اهتم تم اهتم ده رباعي يعد معايا كده كم حرف؟ 1 2 3 4 يبقى مش هينفع اجيب بطريقه مباشره تبقى طريقه غير مباشره وهقول الام اكثر اهتماما المعلمه يبقى الام بتهتم اكتر خلاص يبقى انا جبت اكثر من عندي وحطيت تنوينتمام بقت اهتماما وساعتها زرقه واهتماما عشان جايين بعد اسم تفضيل من عندي هيتعربوا تمييز طيب لو كان بقى فعل منفي او مبني للمجهول اعمل ايه عشان اجيب اسم التفضيل قال لي بص كده معايا المفروض اقول عايز عايز اجيب اسم تفضيل من ان محمد ما بيخونش اكتر من علي يعني ممكن علي تفلت منه مره لكن محمد ابدا يبقى انا عايزه ايه ما بيخونش دي نفي المفروض كان قصده يقول لا يخون صح طيب ساعتها اعمل ايه عشان اجيب اسم تفضيل وافضل محمد على علي في عدم الخيانه هقول ايه اقول مثلا الوطني او محمد اجيب اسم تفضيل من عندي اكثر او اقدر او احق خلي بالك دايما في المنفي بيليق اكتر كلمه اقدر او احق خلاص يبقى الوطني اقدر وبعدين بدل اللا دي هحط حاجه اسمها الا وهسيب الفعل زي ما هو مش هغيره الا يخون يبقى انا عملت ايه بصوا كده معايا هو كان اسمها لا يخون الفعل عندي اللي انا عايزه اجيب اسمه من التفضيل اسمه لا يخون وده فعل مضارع عادي كل اللي انا عملته عشان هو منفي انا عايزه احوله مصدر مؤول خلي بالك بالك يبقى ان يخون ان يخون وعايزه احط معاها لا يبقى انا في حاجتين عايزه احطهم عايزه احط ان مع الفعل المضارع وعايزه احط كلمه لا في اللغه العربيه ما فيش الاثنين دول ما يجوش جنب بعض ابدا عارف المغناطيس اهم بيتشدوا لبعض زي المغناطيس وبيبقوا كلمه واحده بس ان ومعاها لا بيبقوا معناهم الا يبقى انا اول ما اشوف الا دي مش كلمه واحده دول كلمتين دول ايه كلمتين اللي هم ان ولا طب هي اندي جت منين؟ فاكر لما قلت لك ان انا عندي نوعين من المصادر مصدر اسم وصريح وهو انك تروح للفعل وتحط له تنوين بس خلاص جه الاسم منه زي يستنتج استنتاج استن تاجا طيب ده اللي احنا عمالين شغالين بيه من الصبح او تحط له ان وتسيبه مضارع زي ما هو ان يستنتج صح كده يستنتج يبقى الاثنين دول ده كده اسمه مصدر صريح والتاني اسمه مصدر مؤول اللي هو ان والمضارع خلاص طب انا وهو منفي يستنتج ده وهو منفي في كلمه لا يبقى انا محتاجه اعمل ايه محتاجه ادمج ان مع لا لان هم بيتشدوا لبعض زي المغناطيس فيطلع معايا كلمه جديده اسمها الا يبقى لو انا عايز انفي عايز اجيب مصدر ا قصدي اسم تفضيل من فعل مضارع منفي هعمل ايه هحط الا قبليها وخلاص ولازم اكون جايب قبلها اكثر او اقدر او افعل او اشد اي واحد ايه من اسماء التفضيل المباشره يبقى كده انا عرفت ان انا لو عايز اجيب من الفعل يخون اللي هو عنده لا اسمه لا يخون عايزه اجيب منه اسم تفضيل يبقى اجيب واحد تفضيل عادي من عندي اللي هو اقدر اجمل اكتر اقصر اطول اسرع احق شوف اللي لايق المهم يكون على وزن افعل جبته من عندك حط الا وحط الفعل المضارع اهو بص مثال عايزك تحله بيقول لك لا يتكاسل يلا نجيب منه اسم التفضيح هحط من عندي اكثر او اقدر او احق بس انا بحب مع النفي يا اما اقدر يا اما احق يبقى هقول التلميذ احق الا يتكاسل خدتوا بالكم الا مش لا بس الا واسيب يتكاسل زي ما هي وعملت ايه كنت حاطط قبلها اقدر خلاص او احق اي حاجه يبقى التلميذ احق الا يتكاسل عن الايه عن المعلم يبقى يبقى المفروض التلميذ ما يكسلش خالص المدرس ممكن لو كسل سنه تتلحق لكن انت عندك امتحانات بالنسبه بقى ليتجن يتجنب خلي بالك ده مبني للمجهول عارف الضمه اللي في اوله دي زي يتبع ساعتها برده هجيب فعل تفضيل من عندي اللي هو اجمل احق اولى اقدر وبرده هجيب ان والفعل المضارع بس من غير لا يبقى كده هقول ايه الحق احق ان يتبع يبقى انا حطيت ان مع يتبع عشان ان هو مبني للمجهول يبقى لو طالع معايا الفعل مبني للمجهول حط ان قبليه وسيبه زي ما هو وهات واحد اسم تفضيل من عندك طبعا القاعده بتقول يجوز ان يتقدم المفضل عليه على المفضل متخيل يعني مثلا احنا متعودين ان ان احنا نقول محمد اكرم الرجال يبقى انا فضلت محمد على كل الرجال في صفه الكرم صح كده او في فعل الكرم طيب تعالوا بقى نشوف ايه اللي حصل هنا ها انا كده جبت اسم التفضيل الاول هو والمفضل عليه ورميت محمد في الاخر اللي هو المفضل يبقى ينفع المفضل يتحط في الاخر اه ينفع فهقول اكرم الرجال محمد كده فين المفضل محمد برده وفين المفضل عليه الرجال وفين اسم التفضيل اكرم طب ده هيفرق في ايه هو ده اللي بيفرق في الامتحان ان هو بيجيب لك الجمله دي مش هيجيب لك السلكه انا فاهمه فهيعمل ايه بقى انت تشوف مين اللي افضل فيهم كلهم الرجال ولا محمد فبيقول لي اكرم الرجال محمد يبقى مين اللي افضل واحد محمد يبقى اذا محمد هو المفضل والرجال مفضل عليه واكرم اسم التفضيل في ثلاث اسماء ثلاثه بس من اسماء التفضيل هي سماعيه يعني انا ما بخليهاش على وزن افعل انا بشيل منها الالف اللي اصلا بتعرفني ان في اسم تفضيل فانت متخيل ان هيطلب منك في الامتحان تستخرج اسم تفضيل من فعل موجود فعلا في اسم تفضيل فعلا في القطعه بس ما فيهوش الالف اللي بتخليك تعرف تطلع اسم التفضيل شلنا الالف وحذفناها اللي هو الثلاث افعال دول اللي هم خير وشر وحب يبقى خير وشر وحب هم دول الثلاثه بس اللي ما بجومش على وزن افعل وبيجوا سماعي يعني هم كده بس اسماء تفضيل مش هحط لهم حاجه زي المؤمن القوي خير ما قالش اخير ما حطش الالف قال خير من المؤمن الضعيف كده المفضل هو المؤمن القوي اسم التفضيل خير المفضل عليه المؤمن الضعيف في بقى الافعال غير قابله للتفاوت فاكرينها اللي هي زي ما وزي هلك وزي فن وكل الافعال الجامده اللي ما فيش منها ماضي مضارع امر زي ليس ونعم وبئس وحبذ ولا حبذ والافعال اللي بتدل على عيب زي اعور لا يصغ منها اسم تفضيل اصلا ما تحاولش تجيب منها اسم تفضيل لان هي ما فيهاش حد افضل من الثاني في حاجه ولا حد اكت ولا حد اقل اسم التفضيل عادي يجي مذكر يعني ينفع اللي هو اكثر تمام يعني مثلا احنا عرفنا خلاص اللي هو صيغ اسماء التفضيل المذكره يعني اكبر ده صيغه تفضيل اصغر اسم تفضيل مذكر اول افضل ادنى اقصى اعلى على وزن افعل كلهم صح عادي يجي منه مؤنث بصوا اكبر يبقى كبرى اصغر يبقى صغرى اول يبقى اولى افضل يبقى فضله اا ادنى يبقى الدنيا ا اقصى يبقى القصوى اعلى يبقى العليا وخلي بالك بيجي دم اندكت كتير جدا في الامتحان وناس مش بتبقى واخده بالها يعني يلاقوا كلمه الصغرى وبيدوروا على اسماء تفضيل مش لاقيين طب ما الصغرى موجوده هو لازم يجيب المذكر ما تنفعش المؤنث يعني طيب كمان غير ان هو في منه مذكر وفي منه مؤنث بيجي مفرد اا زي مثلا ا اكبر تمام ويجي مثنى زي كبريان جمع تمام زي اكابر ما فيش مشكله يعني انت لو لقيت اكابر طلعها طب ما هي على وزن برده اسماء التفضيل ما فيش مشكله ويعرب حسب موقع في الجمله يعني لو جا في اول الجمله يبقى مبتدا جا مثلا مكان الخبر يبقى خبر جا مكان فعل يبقى فعل جا مكان فاعل قصدي يبقى فاعل ا وكمان المؤنث مثلا من على وزن افعل بيبقى على وزن فعل زي ا زي اكبر وكبرى اصغر وصغرى قلنا الحته دي من شويه وجمع المذكر دايما يجي مثلا على وزن افاعل زي اكابر صح كده اكبر جمعها ايه اكابر وجمع المؤنث منها فعليات ففي ناس لقت كبري مثلا كبريات ما عرفتش تستخرجها في الامتحان كده القاعده بتقول ان اسلوب التفضيل بيتكون من ثلاث اجزاء لو طلب الاسلوب تطلع الثلاث اجزاء المفضل واسم التفضيل والمفضل عليه و ويعني ايه اصلا اسم تفضيل هو اسم مشتق من الفعل على وزن افعل يبقى اسم التفضيل اللي قلنا عليه جزء مهم جدا في اسلوب التفضيل لازم يكون على وزن افعل وبيدل على ان في اثنين اشتركوا في صفه واحده بس في واحد فيهم زاد على الثاني يعني زاد على الاخر بيصاغ من الفعل مستوفى الشروط مباشره يعني لو الفعل ثلاثي كل الشروط اللي قلناها موجوده عليه ان هو قابل للتفاوت وانه متصرف مش جامد وانه لو كل الشروط موجوده يبقى ينفع اصيغ اسم التفضيل بشكل مباشر على طول طب ايه هي الشروط فكريني بيها اولا انه يكون ثلاثي الماضي بتاعه ثلاث حروف مثبت ما يكونش فيه اداه نفي اللي هي لا والا كنت هجيب من عندي واحد تفضيل واحط الا واجيب الفعل المضارع من الفعل اللي انا ما عرفتش اجيب منه الاول ده كمان لازم يكون تامي يعني ما يكونش واحد من كان واخواتها لازم يكون متصرف يعني فعل فعل يكون في منه ماضي ومضارع وامر كمان يكون قابل للتفاوت يعني يكون في ينفع يزيد او ينقص عند حد عن الثاني ما ينفعش زي ما ينفعش هلك ما ينفعش الافعال دي كمان مبني للمعلوم ما ينفعش يكون اوله مضموم والا هجيب ان ومعاها الفعل المضارع بدال كمان لازم يكون اي حاجه غير الافعال اللي الوزن منها في الصفه وانا بوصف حد افعل واللي هي مؤنثه فعلا يبقى ليس الوصف منه على وزن افعل اللي مؤنثه فعلاء يعني ما ينفعش كمان يدل على لون او عيب يعني ما ينفعش اعور وما ينفعش احمر وازرق اوعى تجيب اسم تفضيل من احمر وازرق مباشره كده والا هتبقى صفه مش هيبقى اسم تفضيل امال اعمل ايه هجيب تاء مربوطه للكلمه دي وفيها تنوين بالفتح واحط قبلها ايه اسم تفضيل من عندي يبقى اكثر حمرا اكثر زرقه اا وهكذا الفعل بقى غير الثلاثي او اللي كان الوصف منه على وزن افعل فعلاء فعشان تجيب منه اسم التفضيل ساعتها هتجيب جيب واحد من عندك اللي هم اي اسم تفضيل من عندك زي اكثر كده تحط بعديه المصدر الصريح اللي هو نفس الفعل بس تحط له تنوين هيتحول اسم معاك ويعرب هذا المصدر تمييز خلي بالك اللي بيجي دايما بعد افعل التفضيل بيكون تمييز تمييز منصوب وعلامه نصبه الفتحه الفعل بقى لو طلع معاك منفي او مبني للمجهول بيجي عن طريق الاتيان باسم التفضيل من فعل مساعد مستوفي الشروط بتجيب من عندك فعل زي احق او اقدر انا قلت لك ده افضل حاجه مع المنفي والمبني للمجهول افضل حاجه تجيب من عندك فعل يكون مستوفي الشروط على وزن افعل اللي هو اقدر او اولى او اوفى وبعده تجيب المصدر المؤول اللي هو ان والفعل المضارع عرفنا يعني ايه مصدر مؤول يعني ان والفعل المضارع زي ان يجتهد ان يسعى ان يذاكر ان يفكر كل دي مصادر مؤوله تعالوا نحل مع بعض التدريب ده اجعل كل فعل فيما يلي اسم تفضيل في جمله هنا خضره مش هينفع اجيب مباشر ما ينفعش تقول لي اخضر ليه لان هو الوصف انه افعل اللي هو اخضر ومؤنثها فعلاء اللي هي خضراء طالما ينفع افعل فعلاء يبقى خلاص مش هينفع اقول منه على طول فعل اسم تفضيل يبقى افعل امال اعمل ايه ما ينفعش اخضر امال اعمل ايه هجيب من عندي واحد زي اشد او اكثر اي واحد يعجبك عايزني اثبت اكثر اهو يا سيدي اكثر وبعدين هحط معاها الفعل ده بعد ما تحط له تنوين خضره عشان يبقى في تنوين احط له تاء مربوطه يبقى خضره يبقى اكثر خضره حطها بقى انت في جمله جمله من عندك هقول مثلا الذرع اكثر خضره من لون المنزل مثلا يبقى الذرع اكثر خضره من لون المنزل طب بالنسبه بقى ايه ليه تحضر لا تحضر الفعل ده فعل ماضي بس مش ثلاثي ده اكت من ثلاث حروف حروف يبقى هجيب برده من عندي اكثر وبعدين تنوين اه يبقى اكثر ايه تحضرا اكثر تحضرا طيب عندي لا يهان لا ده منفي برده ما ينفعش يجي مباشر هجيب من عندي ايه؟ اي فعل من اللي انا عارفه ممكن اكثر بس انا قلت لك في النفي والمبني للمجهول يا ريت تخليها اقدر او احق فهقول ايه؟ اقدر بعدين عشان منفي يبقى الا فاكر لما احط ان مع لا اللي هي الا اقدر الا يهان يبقى هقول المسلم اقدر الا يهان من الكافر يبقى كده المسلم ممكن حتى تستغنى عن الكافر دي وتقول المسلم اقدر الا يهان هنحل مع بعض ثوب الخطا في مالي بيقول وجهك ابيض من البد البدر هو كده عايز يفضل وشك على البدر ماشي شكرا طب نعمل ايه لا كده الصيغه دي غلط ليه يا ميس ما هو على وزن افعل اهو ما انا قلت لك في الالوان والعيوب ما ينفعش امال اعمل ايه ها يبقى انا هجيب من عندي اسم تفضيل زي اشد او اكثر يا سيدي كلكم بتحبوا اكثر بتبقى لايقه على كله يبقى اكثر وبعدين اجيب الايه المصدر الصريح من ابيض اللي هو ايه ممكن بياضا مش كل الالو الوانها ينفع معاها التاء المربوطه خلي بالك يبقى اكثر بياضا اكثر بياضا طيب حول هذه الجمله الى اسلوب تفضيل يلا بينا اهتم الابناء بالعلم يبقى الابناء اكثر ايه بقى اهتماما بالعلم ليه لان الفعل اهتم ده فعل اكث من ثلاثي مش ثلاثه اكتر فما ينفعش اقول ايه الابناء اهتم بالعلم مش لايقه لكن ينفع اقول اكثر اهتماما سهله طيب حول اسم الفاعل الى اسم تفضيل هو فين اسم الفاعل؟ هيكون على وزن فاعل او هيكون على وزن ميم مضمومه وكسر ما قبل الاخر طب يلا بينا بيقول الجنه هي الغايه الساميه لكل مؤمن م مو ميم مضمومه من كسر ما قبل الاخر فمؤمن هو ده اسم الفاعل خلاص طلعنا اسم الفاعل يلا بقى نحوله اسم تفضيل هينفع من الفعل ايه امن امن ده اكتر من ثلاثي خلي بالك ا الالف اللي عليها موجه بحر دي دي مش الف واحده دي عباره عن الف همزه وجنبها مد بالالف فدول اكت من ثلاث حروف فهنقول فهنجيب من عندنا اكثر ونجيب من الفعل امن ا اسم ا المصدر منه اللي هو ايمانا يبقى هقول اكثر ايمانا جايه من الفعل مؤمن جايه من اسم الفاعل مؤمن اهو هنا علل الخطا في الجمله يعني بعد مش بس هصلح الخطا لا انا هعلله يعني اقول هو غلط ليه عارف انا عيني وقعت عليه وعملت لك دايره على طول ليه لان اموت مش منطقه فيش حاجه اسمها المنافق اموت من الكافر لو الاثنين ماتوا فالاثنين نفس المصير ولا حد اكتر من الثاني طب ليه غلط هقول لان الفعل ده غير قابل للتفاوت عرفنا يعني ايه علل يعني اقول هو ليه ما ينفعش اصلا يجي بالشكل ده وبكده نبقى خلصنا وهستناكم في المراجعات اللايك والشير بيساعدنا نستمر وعشان توصل لكم فيديوهاتنا اول باول فعل زر الجرس واضغط على زرار الاشتراك كده احنا خلصنا واتمنى تكونوا استفدتوا واترككم في رعايه الله والسلام عليكم ورحمه الله وبركاته