الدرس الأول المحور الثاني الطاقة الحرارية و حالات المادة علوم السادس الابتدائي ترم أول 2026

بسم الله والصلاه والسلام على سيدنا محمد وعلى اله وصحبه وسلم اجمعين السلام عليكم ورحمه الله وبركاته معاكم ميس عزه الملكي والنهارده ان شاء الله هنشرح الدرس الاول من المفهوم الاول في المحور الثاني المحور الثاني بعنوان الماده والطاقه والمحور الاول في الطاقه الحراريه وحالات الماده الدرس الاول من المفهوم الاول المحور الثاني بيتكلم عن الطاقه الحراريه وبيتكلم كمان عن حالات الماده في سؤال في البدايه كده بيدعونا للتفكر ده علامه صح او علامه خطا تتكون السحب البيضاء المتصاعده يعني هي اصلا كانت ميه على الارض واتبخرت يعني تصاعدت طلعت لفوق بسبب تبخر مياه الينبوع اللي هي ميه على الارض ثم تكثفها بعدها رجعت تاني بعد ما كانت بخار ماء يعني بعد ما كانت غاز تحولت الى سحب اللي هي سائل او ماء طبعا ده ينفع عادي جدا يبقى العباره دي صحيحه يتحول ماء لينبوع الميه بتاعه بركه ميه صغيره كده اللي هي شبه الصوره دي دي ميه ينبوع ا بتتحول الميه بتاعتها الى بخار نتيجه فقد حراره عشان بردت لا فقد الحراره معناها تبرد هي لو هتتحول الى بخار يبقى سخنت يبقى العباره دي عباره خاطئه بتتكون الماده يعني ايه ماده بس الاول هي اي حاجه ا لها وزن لو حطيناها على ميزان الكتله كده يطلع لها كتله يعني يطلع لها رقم على الميزان يبقى لها ثقل وفي نفس الوقت لو حطيناها على ترابيزه هتاخد حيز هتعمل زحمه هتاخد مكان من الفراغ ده فاي ماده زي دي زي الحديد والنحاس والالومنيوم والبلاستيك والخشب واي ماده تقدر تمسكها بايدك بتتكون من حاجه اصغر منها اسمها الجسيمات بتكون صغيره جدا والجسيمات دي ليها اسم ثاني اسمه الجزيئات يبقى الماده كبيره جواها جزيئات او جسيمات دي اصغر منها وهذه الجزيئات تتكون من جسيمات بالغه الصجر الصغر كل ماده من دول جواها جزي جزيئات والجزيئات جواها جسيميت وبتبقى اصغر منها اللي بنسميها الذرات يبقى ايه اللي اصغر من الجزيء؟ حاجه اسمها ذره طيب يبقى الماده زي مثلا مكعب الثلج كده بيتكون من جزيئات الماء اللي هي الجزيء الصغير اللي قدامك ده كل جزيء من دول بيتكون من حاجه اصغر اسمها الذرات بتمتلك جسيمات او جزيئات جزيئات الماده طاقه بتجعلها او بتخليها في حاله حركه مستمره يبقى جسيمات الماده جواها طاقه بتخليها على طول بتتحرك يعني الثلج ده يا ميس بيتحرك؟ اه طبعا الجزيئات اللي جوه بتتحرك والميه كوبايه الميه بتاعتي برده جواها جزيئات والجزيئات دي عماله تتحرك حتى لو انت مش شايفها هي بتتحرك ساعات لو الماده صلبه زي دي بتبقى حركه اهتزازيه خفيفه جدا في موضعها لو سائله بتتحرك حركه انت ما تقدرش تشوفها بعينك المجرده قوي لو غازيه لا انت بتقدر تشوف الحركه دي بتحدد حركه الجسيمات الكثير من خصائص الماده يعني لو الماده دي ا الجزيئات بتاعتها بتتحرك بسرعه يبقى الماده دي غازيه ولو بتتحرك بحركه متوسطه تبقى سائله ولو بتتحرك حركه بطيئه جدا تبقى الماده دي صلبه زي طبعا اللي بنسميه حاله فيزيائيه يبقى لو بنتكلم على مكعب الثلج طب ما هو ميه طب والميه طب ما هي ميه سائله طب والبخار طب ما هو ميه بس متبخره بما ان كل دول ماده واحده اللي هي الميه معنى كده ان كل مره شكلها بيتغير ده بنسميها حاله فيزيائيه معنى كده ان الحالات الفيزيائيه الماده بتتغير في منها الصلب وفي منها السائل وفي منها الغاز الطاقه الحراريه اللي هي طبعا السخونه او البروده وعلاقتها بحالات الماده وايه علاقتها بانها تحول الثلج يبقى سائل وتحول السائل يبقى غاز قال لي لاحظ تغير حالات الماده في الصور التاليه لو نبص على البراد كان جواه ميه سائله اللي بيطلع بخار اللي هو الغاز معنى كده ان السائل اتحول والغاز طيب عندي هنا الثلج كان او الجيلاتي كان صلب بعد شويه بيسيح بيبقى سائل ده معناه برده ده تغير فيزيائي حصل بسبب ان الثلج اكتسب حراره يعني سخن وبدا يسيح طب لو بصينا هنا بصوا الميه بتتجمد لما نحطها في الفريزر يبقى هي كانت سائل كانت ميه اتحولت لثلج برده ده تغير فيزيائي حصل للماده غير شكلها بس ما غيرش الحاجه اللي جوه ما غيرش ان دي ميه كده لاحظنا ايه عند البراد ان بتتبخر الميه امتى نتيجه التسخين لدرجه الغليان سخنها لحد ما توصل ل 100 اللي هي درجه غليان الماء ساعتها هيتبخر طب هو كل الماده بتغلي عند 100 لا في مواد بتغلي عند 70 زي الكحول مثلا في مواد بتغلي عند اعلى او اقل على حسب الماده طيب لاحظنا ايه في الصوره الثانيه انصهار يعني يسيح ما اقولش بقى في الامتحان يسيح اسمها انصهار انصهار الايس كريم عند تركه خارج الفريزر يعني بره الفريزر لفتره طبعا ده تحول من الحاله الصلبه الى الحاله السائله طب لاحظنا ايه في الصوره الثالثه؟ تجمد الماء عند وضعه في الفريزر لفتره ده معناه ان اتحول من سائل الى صلب يعني بعد ما كان ميه اتجمد وبقى ثلج تقدروا تقولوا لي كده هو الصوره دي صوره بتعبر عن ايه؟ عن تحول السائل اللي هي الميه السائله اللي جوه الكاتل الى غاز اللي هو البخار اللي طالع ده تقدروا تقولوا لي ايه اللي بيعبر عنه الصوره دي؟ ان الشمع بيسيح بعد ما كان صلب بيبقى سائل اهو شايفين بينزل اهو تحت بيبقى سائل ده معناه ان الثلج بيتحول من الصوره الصلبه الى الصوره السائله اللي هو طبعا الشمع اللي قدامنا ده دلوقتي ايه اللي بيعبر عنه الصوره دي؟ مكعبات الزبده كانت ماده صلبه بدات بالحراره بانها تكتسب حراره يعني تسخن انها تتحول الى صوره سائله من صلبه الى سائله ده نفس برده ايه اللي بيحصل مع الجيلاتي ده او الايس كريم ده المفروض ان هو بيتحول من صلب الى سائل باكتساب الحراره يعني لما يسخن يكتسب حراره دي معناها يسخن طبعا بيعتمد تغير حاله الماده من حاله الى اخرى على مقدار الطاقه الحراريه اللي هي النار او السخونه التي تمتلكها الماده كل ما تسخن هيتغير حالتها طبعا ا برده لما تبرد بيتغير حالتها يعني عندما تكتسب ا طاقه حراريه كلمه تكتسب طاقه حراريه دي تعلم تترجمها انها تسخن بس ما اقولش في الامتحان تسخن بقى اسمها تكتسب طاقه حراريه هيحصل لها ايه تزداد سرعه جسيماتها الجسيمات مات اللي جواها سرعتها تزيد تتحرك بسرعه بسرعه ويبتدوا يتباعدوا عن بعض وقد تنصهر او تتبخر يعني لو هي ثلجه هتسيح ولو هي ميه هتتبخر اما لما بتفقد الماده طاقه حراريه اعلم تترجم كلمه تفقد الماده طاقه حراريه دي الى انها تبرد اول ما الماده تبرد بتقل سرعه جسيمتها يعني جسيمتها بتبقى حركتها بطيئه قوي وبيبتدوا يقربوا من بعض عشان يتدفوا وقد تتكثف او تتجمد يعني لو هي بخار ترجع تاني ميه ولو هي ميه ترجع تاني ثلج ده بالظبط اللي انت شايفه في الصوره دي انت شايف ايه شايف ان كل ماده موجوده عندنا حاطين لك ليها صوره للجسيمات بتاعتها الثلج ماده صلبه بصوا جسيماتها بتتحرك في مكانها حركه اهتزازيه وكلهم لازقين في بعض عشان يتدفوا عشان هو فقط حراره يبقى بردان لكن لو بصينا على الميه لا بتتحرك اسرع طب الغاز بيتحرك اسرع واسرع وجزيئاته ابعد عن بعض يبقى كل ما الماده تبقى بارده ده نقول عليها ايه طبعا جسيماتها قريبه وفي نفس الوقت بايه بتهتز حركه اهتزازيه بسيطه جدا في مكانها يعني بطيئه لكن الميه بصوا الميه قال لي المفروض انها حركتها اسرع شويه من الصلبه لانها سائله وفي نفس الوقت متباعدين سن عن بعض طب والغازيه اسرع جدا وابعد جدا عن بعض تمام اللي هي السخنه كل ما نسخن كل ما نوصل للحركه دي شايفينها سريعه ازاي بيسالني كيف ترتبط التغيرات في الطاقه الحراريه؟ ان الحاجه تسخن او تبرد وانتقال الحراره وازاي الحراره بتتنقل؟ ودرجات الحراره بجسيمات الماده ايه علاقه درجات الحراره بجسيمات الماده ايه علاقه انتقال الحراره؟ ايه علاقه الطاقه الحراريه نفسها يبقى اتفقنا عندما تكتسب الماده طاقه حراريه يعني تسخن تزداد سرعه جسيماتها زي ما شفنا في البخار فترتفع درجه حرارتها كل ما تتحرك اسرع معنى كده انها بتسخن اكت حرك ايدك اسرع وادعكهم في بعض هتلاقي ايدك سخنت طب عند فقد الماده طاقه حراريه يعني تبرد بتقل سرعتها بتبقى بطيئه قوي فبتنخفض درجه حرارتها لما تبطا ايدك الحراره هتبقى اهدى شويه مش هتبقى سخنه قوي نشاط اثنين عن تشكيل الزجاج سؤالين للتفكر كده صح ولا غلط سرعه الجسيمات بتاعه الشمع بتظل ثابته سواء كان في حاله صلبه او سائله لا طبعا السرعه بتتغير اتفقنا وشوفنا مثال على كده يعني السريعه دي بتبقى سخنه يبقى دي الحاله هتبقى سائله لكن البطيئه اللي هي الصلبه فمعنى كده ان السرعه هتتغير يبقى العباره دي خاطئه تنصهر يعني بيسيح ما تقولش بقى يسيح في الامتحان اسمها تنصهر تنصهر الشمعه عندما تكتسب جسيماتها طاقه حراريه قلت لك تكتسب دي يعني ايه؟ يعني تسخن صح كده؟ هل بتسيح لما تسخن؟ ايوه طبعا بتقوم الطاقه بدور مهم في عمليات تصنيع وتشكيل المواد المختلفه زي الزجاج كده يعني احنا ممكن علشان نعمل زجاج انتوا عارفين اصلا الزجاج بيتعمل من ايه؟ من الرمله يجيبوا رمله ويطحنوها ناعم قوي يحطوا عليها مواد كيميائيه مختلفه لحد ما يعملوا الازاز اللي انت بتشوفه بس بشرط في وجود حراره مرتفعه جدا يبقى الطاقه اللي هي الحراره بتفرق في تصنيع الزجاج اه طبعا هي مهمه جدا ودي اساسيه وضروريه بيشكل الزجاج منذ القدم من ايام اجدادنا الفراعنه تحت درجات حراره مرتفعه جدا يعني لازم يسخن قوي قوي قوي زي ما بيتضح في المراحل بتاعته اللي هي دي اول حاجه بيحصل عمليه اسمها صهر الزجاج بنسيحه بيتسخن الزجاج كويس قوي لحد ما يصبح سائل ويكون قابل للتشكيل بصوا بينزل ازاي من المغرف دي سائل خالص بعد كده مرحله جمع الزجاج بيجمع الزجاج المنصاهر اللي سايح ده على اطراف انبوبه تكون مجوفه يعني انبوبه فاضيه من جوه زي ماسوره قديمه معدن مثلا بعدها تشكيل الزجاج بيقول لي ينفخ ينفخ الهواء في الانبوبه المجوفه الانبوبه الفاضيه اللي هي زي الماسوره دي بننفخ من الناحيه الثانيه لحد ما يعمل اشكال مختلفه في الزجاج زي ما حاصل هنا كده بعدها بيتم تبريد الزجاج بيبرد الزجاج باستخدام الماء ياخدوه يحطوه زي ما هو كده جوه الميه ا عشان يثبت على شكله ما يتغيرش شكله بعد كده وبعدها بيتحول طبعا الى ماده صلبه قويه لان انا قمت بتبريده ولما يبرد بيبقى صلب ولما يسخن بيبقى سائل نشاط ثلاثه بيقول ما الذي تعرفه عن الطاقه الحراريه وعلاقتها بحالات الماده تعرف ايه انت عن الطاقه الحراريه وايه علاقتها بحالات الماده في البدايه سؤالين كده للتفكر صح ولا غلط تتميز جزيئات الماده الصلبه اللي هي زي الثلج بانها مترابطه وقريبه جدا من بعضها اه شفنا ده في الفيديو من شويه يبقى العباره صحيحه كل ما الماده تبقى صلبه كل ما يبقوا ماسكين في بعض تتحرك جزيئات الماده الغازيه بسرعه كبيره لذا فان جزيئاتها متباعده اه شفنا الغازيه فعلا كل واحده بعيده عن الثانيه وكمان بيتحركوا بسرعه تمتلك الماده مقدار طاقه حراريه يعني سخونه معينه بيعتمد على حركه جسيماتها اه لو بتتحرك جسيماتها ببطء يبقى الماده دي صلبه ولو بتتحرك بحركه متوسطه تبقى غازيه ا تبقى قصدي سائله ولو بتحرك بسرعه جدا تبقى غازيه فمثلا بتمتلك كل حاله من حالات الماده مقدار طاقه حراريه مختلف نظرا لاختلاف حركه الجسيمات زي ما شفنا هنا بصوا شفتوا الصلبه الصلبه حركتها اهتزازيه في موضعها يعني بسيطه جدا ومتماسكه شبكه في بعضها السائله ا حركتها اسرع سنه ومتباعده شويه الغازيه حركتها سريعه جدا ومتباعده جدا برده يبقى زي ما قلنا نترجم الكلام ده نظري يعني ايه يعني الماده الماده الصلبه زي الثلج تمتلك طاقه حراريه اقل يعني هي بارده بارده يعني ساقعه لان جسيماتها اللي هي الكور الصغيره اللي جواها دي تهدز في موضعها بتتحرك مكانها عشان كده هي ساقعه عارف لو سرعت كانت هتدفع طيب الحاله السائله تمتلك طاقه حراريه متوسطه ولا ساقعه قوي ولا سخنه قوي لان جسيماتها تتحرك بسرعه وحريه اكبر فهي ولا سقعانه ولا حرانه طيب اما الحاله الغازيه تمتلك طاقه حراريه اكبر يعني سخنه جدا وده ده لان جزي جسيماتها بتتحرك بسرعه عاليه قوي وبحريه تامه فبتتحرك جامد جامد جامد فبتحتك ببعض تسخن زي ما ايدك لما بتحتكها ببعض ايدين اثنين في بعض بص لما بتدعك ايديك في بعض بيحصل ايه كل ما تسرع كل ما هتسخن اكث كل ما انت تدفى يبقى معروف كده الغازيه سخنه علشان بتتحرك اسرع ادى طبعا الاختلاف في الطاقه الحراريه للماده من حاله الى اخرى الى اختلاف الخصائص او الصفات بتاعتها كده لو بصينا على مكعب ثلج اللي هو حاله صلبه هنلاقي شكل الماده ثابت واخد المكعب كده نفس الشكل اللي انا حطيته فيه من الاول حجم الماده ثابت لا بيزيد ولا بيقل غير قابل للانضغاط يعني ما اقدرش اضغطه عن كده لان هو مليان من جوه اا كمان بالنسبه لانتشار الفراغ لا ما بينتشرش لانه ماسك نفسه كويس ماده صلبه هو زي الحديد زي الدهب زي الفضه زي الثلج كل المواد الصلبه دي ماسكه نفسها كويس بالنسبه للحاله السائله لا شكلها بيتغير حطيتها في كوبايه تاخد شكل الكوبايه حطيتها في ازازه هتاخد شكل الازازه لكن حجمها برده ثابت انت نفس لو لو حطيت 100 ملي في كوبايه هيفضلوا 100 ملي حطيت نفس ال 100 ملي في ازازه هيفضلوا 100 ملي يبقى كميتهم ثابته حجمهم ثابت طيب غير قابل للانضغاط ما بيتضغطش هو اصلا برده قريب شويه من بعض فمش هيقبل ضغط ما بتنتشرش في الفراغ يعني لو سبت الازازه مفتوحه مش هتيجي تلاقي الميه نقصت مش هتنقص ما تخافش اما بالنسبه للحاله الغازيه شكلها متغير على حسب طبعا هي بتبقى طالعه من البراد بخار مالوش معين ما تقدرش تحدد شكلها فشكلها بيتغير كمان حجمها بيتغير يعني انت لو سبت ازازه برفان مفتوحه مليانه لاخرها هترجع تلاقي نصها بس ده لان حجمها مش ثابت هي غاز حره الحركه بتمشي بتهرب بالنسبه لقابليتها الانضغاط بتقبل تنضغط عادي والدليل على كده انبوبه البوتاجاز مش الانبوبه انت بترجها بتلاقيها سائل اه بس لو فتحنا الانبوبه هتلاقي غاز ايوه ده معناه انه كان غاز واحنا ضغطناه حولناه سائل جوه الانبوبه بالنسبه للانتشار لا بينتشر وعلى حريه تامه كمان بينتشر في الفراغ بسهوله نستنى انتج ايه من اللي فات ان هناك خواص للمواد الصلبه سائله وغازيه كل واحده فيهم ليها صفاتها ومنها سرعه حركه الذرات والجزيئات في منها اللي سريعه قوي قوي قوي زي الغازيه في منها اللي بطيء قوي قوي زي الصلبه والسائله دايما متوسطه في كل حاجه طيب بيقول لي تحديد حاله الماده هي صلبه ولا سائله ولا غازيه من شكلها ده بيتم من خلال ثبات او تغير حجمها وشكلها لو شكلها بيتغير يبقى هي كده مش صلبه لو شكلها بيتغير بسهوله يبقى هي كده غازيه وهكذا هنحل تدريبات سلاح التلميذ على الدرس الاول صح ولا غلط توجد الماده في ثلاث حالات صلبه وسائله وغازيه طبعا صح اي ماده في منها الثلاث حالات تتباعد جزيئات الماء بعضها عن بعض عندما تكتسب طاقه حراريه يعني تسخن اه فعلا لما تسخن بيبعدوا عن بعض حرانين بقى طيب تكون جسيمات الماده في حاله سائله مترابطه وقريبه جدا من بعضها البعض لا اللي قريبين قوي من بعض دول الماده الصلبه مش السائله طيب تعتمد حاله الماده على مقدار الطاقه الحراريه اللي بتمتلكها يعني هي لو سخنه بتمتلك طاقه حراريه كبيره يبقى هي مثلا غازيه لو هي بتمتلك طاقه حراريه قليله يبقى هي صلبه وهكذا اه فعلا حاله الماده بتتغير حسب الح الطاقه الحراريه اللي عندها يعني حسب سخونيتها السؤال اللي بعده اختر الاجابه الصحيحه يتم تثبيت شكل الزجاج وتحويله الى ماده صلبه قويه امتى طالما عايزه يبقى صلب ماسك نفسه يبقى ابرده اي من المواد التاليه تكون جزيئاتها اكثر تباعدا عن بعضها يعني تكون بعيده جدا عن بعضها مخاصمين بعض طبعا دي كده الماده الايه الغازيه زي ايه طبعا زي الهواء لان الزبده المنصهره دي سائله والحديد صلب والنحاس صلب واحنا بنقول اكثر تباعدا يعني غاز يبقى محتاجين الهواء تمتلك جزيئات ايه طاقه حراريه متوسطه ولا هي سخنه قوي ولا هي بارده قوي دور على سائل يبقى الماء طيب اجب عن الاسئله التاليه ماذا يحدث عند نقل سائل من اناء لاخر بالنسبه لحجمه وشكله والله لو سائل ولا حجمه هيتغير ولا شكله هيتغير. بالنسبه للحجم لا يتغير يظل السائل بنفس الكميه بالنسبه للشكل ياخذ شكل الاناء الجديد الذي يوضع فيه يعني بيتحط بياخد شكل الحله الجديده اللي بيتحط فيها او الطبق او الكوبايه او ايا كان الاناء قارن بين حاله الماده السائله وحاله الماده الغازيه من حيث الطاقه الحراريه لكلا منهما هقول السوائل تمتلك طاقه حراريه متوسطه لكن الغازات تمتلك طاقه حراريه عاليه حدد الحاله التي يمكن ضغط الماده فيها امتى اقدر اضغط الماده طبعا يمكن ضغط الماده في الحاله الغازيه لان جزيئاتها متباعده ويوجد بينها فراغ كبير ما الحاله ما حاله الماده التي قد تكون غير قابله للانضغاط ماده ما ينفعش تنضغط وبتحتفظ بحجم ثابت وشكل غير ثابت طبعا هتكون الحاله السائله علل تمتلك الماده الصلبه طاقه حراريه منخفضه ليه الماده الصلبه بارده يعني مش سخنه طبعا جزيئات الماده الصلبه قريبه جدا من بعضها وحركتها سريعه اقصد حركتها بطيئه لان عشان كده هي بارده ما بتتحركش بسرعه السؤال اللي بعده اكمل جسيمات المواد اي متقاربه وتتحرك ببطء طبعا اللي قريبه بتتحرك ببطء الماده الصلبه تتقارب جسيمات الماده ايه عندما نقط حرارتها لما بتقرب من بعض يبقى هي بتفقد حراره يعني بتبرد كلما انخفضت سخونه الماء كل ما الميه تبرد تنخفض سخونتها يعني تبرد فان سرعه حركه جزيئاتها لما يبقى كده سرعه الحركه بتاعه الجزيئات بتاعتها بتقل ولا بتزيد هي كده بتبرد يبقى الحركه بتاعتها هتقل صح كده تتم عمليه تشكيل الزجاج عن طريق طبعا الاول بيحصل تسخين اللي هو انصهار وبعدها تبريد السؤال اللي بعده اذكر حاله الماده التي يمثلها الثلج طبعا الحاله صلبه اذكر ا صلبه طبعا ا اذكر خصائص الثلج من حيث الشكل والحجم طبعا ثابت شكله ثابت وحجمه ثابت ما تاثير اكتساب الطاقه الحراريه على ترابط وسرعه جسيمات الثلج لما يكتسب حراره يعني يسخن هيحصل له ايه طبعا تزداد المسافه بين جزيئاته و وتزداد سرعتها لو حد عنده سؤال يسيب لي في التعليقات هرد عليكم في اقرب وقت واسيب لكم روابط جميع دروس المنهج بالترتيب في صندوق الوصف عشان توصلوا لها بسهوله لو مهتم توصلك فيديوهاتنا اول باول فعل زر الجرس واضغط على زرار الاشتراك كده احنا خلصنا واتمنى تكونوا استفدتوا واترككم في رعايه الله والسلام عليكم ورحمه الله وبركاته ‏No.