اتحداك هتحب الفيزياء و هتفهمها بشكل مختلف بعد الفيديو دا تجارب فيزيائية ممكن تعملها في البيت

بتعتبر الفيزياء هي المفتاح الاول لفهم الكون فالفيزياء او الفيزيقه معناها الحرفي هو فهم الطبيعه وظواهرها والمعنى ده في مقابل مصطلح الميتافيزيقى اللي بتعني الحاجات غير الطبيعيه يعني الفيزياء في الاصل مش بتتكلم عن حاجات مجهوله او غامضه زي الجن او العفاريت الفيزياء بتبص على الطبيعه اللي احنا شايفينها وحاسينها واحيانا لامسينها بايدينا وعلى الرغم فعلا من صعوبه الوصف ده على هيئه كلام ومعادلات الا ان تطبيق الكلام ده على هيئه تجارب او مشاهدات بيحول الصعوبه متعه حقيقيه ولو كنت واحد من اللي بيستثقله دم الكلام الفيزيائي النظري فجرب تدخل عالم الفيزياء من الباب العملي يعني جرب الاسلوب بتاع حلقتنا النهارده ولاحظ ازاي الظواهر بتحصل قبل ما تقرا عنها ولو حسيت ان الموضوع مش بالصعوبه اللي كنت متوقعها فخليك متاكد ان كل الفيزياء بتكون كده لما بتشوفها بعينيك للاسف يا صديقي صعوبه الفيزياء بتبقى بسبب اساليب التدريس وضعف المخصصات التعليميه فكتير من ظواهر الفيزياء بتبقى محتاجه المعامل وموارد ضخمه علشان تتفاهم بصوره اسهل بس برده الشيء الايجابي في الموضوع انه مازال موجود بعض التجارب والملاحظات اللي مش هتكلفك حاجه حاجات ممكن تعملها بنفسك في البيت وتغير مفهومك تماما عن الفيزياء همتكم بقى معانا في اللايكات علشان الفيديو ينتشر ويساعد في تغيير مفهوم الناس عن الفيزياء ولو حد بيشوفنا لاول مره يا ريت يشترك في القناه ويطلب اي موضوع علمي عايز تبسيط عنه وما تنسوش تشتركوا في قناتي الثانيه غموض بلا حدود بنتكلم فيها عن ظواهر غريبه وقصص واقعيه حصلت بالفعل بعض الظواهر والقصص دي ما زالت غامضه ومن غير تفسير لحد النهارده والبعض لقينا له التفسيرات اللي كانت اغرب من الحقيقه نفسها اهلا وسهلا بكم انا عماد عصام وده موضوع جديد من العلم بالملعقه كل موضوع في السلسله بتاعتنا دي هيكون محتاج لادوات بسيطه لشرحه وبالتجربه هتكلم عنه وان شاء الله هتكون الحلقات مناسبه للجميع حتى اللي ميولهم ادبيه والهدف ان الكل يهتم بدراسه وفهم العلوم بصفه عامه والفيزياء بصفه خاصه ومافيش شك ان تجربه وملاحظه الطبيعه هي لغه بيفهمها الجميع الكل بيتعلم من التفاعل مع الطبيعه وكل حاجه بتحصل خلال التفاعل ده بتبقى فرصه لفهم ظاهره جديده ايا كان عمر او ثقافه اللي تعرض للظاهره دي فالطفل الصغير لما بيلمس حاجه سخنه وتلسعه ممكن يتعلم من الموقف ده اكت من حاجه ممكن ساعتها نفهمه يعني ايه درجه الحراره وكمان ممكن يفهم معنى التوصيل الحراري فالمفروض انه هيتعلم ان الطبيعه فيها مواد عازله للحراره ومواد غيرها موصله كمان لما بينط الطفل من مكان عالي ورجله بتوجعه برده بتبقى فرصه صل فهم عده مصطلحات زي الوزن والارتفاع ورد الفعل والجاذبيه ولو فاكر ان الكلام ده بديهي وبيقتصر بس على الظواهر اللي سهل ملاحظتها فخلينا ندخل على طول في الغريق وخليني اقول لك على تجربه بسيطه تقدر تعملها بنفسك وهتتعلم منها حاجات كتير وكل الادوات المطلوبه في التجربه دي هي مجرد بالونه من بتاعه الاطفال وعمله معدنيه اول حاجه مطلوب منك انك تنفخ البالونه حاجه بسيطه وتدخل العمله المعدنيه جواها وبعدين تنفخ البالونه كويس وتربطها وتبدا تلف البالونه والعمله اللي جواها باقصى سرعه على قد ما تقدر زي ما انت شايف قدامك كده وتستمر في تدوير البالونه مثلا لمده ثواني وبعد مرور الثواني دي وقف البالونه وثبت ايدك ساعتها بقى بص بعينك جوه البالونه ولاحظ سلوك العمله المحبوسه باختصار هتلاقي ان العمله مستمره في الدوران من غير ما تقف وكانها شغاله بالبطاريه ويمكن ايدك توجعك وتنزلها قبل ما العمله تبطل دوران جوه البلونه الحقيقه ان المفروض ان العمله دي تفضل تلف جوه البالونه للابد والحل الوحيد لرجاعها لحاله السكون والثبات هو انها تتاثر بمؤثر خارجي جديد وهيبان كمان شويه المعنى ده بصوره اكبر بس مؤقتا كده لو حبيت ان اترجم اللي عملته في التجربه دي بكلام نظري ممكن نقول الاتي الجسم المتحرك هيفضل متحرك لو ما اثرتش عليه اي قوه خارجيه ومتهي لي برده ان اقدر اقوله من غير اي تجارب الاتي الجسم الساكن بيفضل ساكن لو ما اثرتش عليه اي قوه خارجيه يعني انت مثلا لو كنت لوحدك في البيت ومعاك كوبايه شاي وحطيتها على التراب بيظه لو سبتها ودخلت الحمام مثلا هترجع تلاقيها دخلت المطبخ لوحدها ما فيش شك ان اي حركه لكوبايه الشاي هتبقى بسبب مؤثر خارجي لو رجعت مثلا ولقيت كوبايه الشاي دي مقلوبه فبديها تعرف ان في قوه معينه اثرت عليها سواء بقى حد وصل للبيت وخبط في الكوبايه وهو معدي او ممكن شويه هواء جامدين وقعوها او حتى ممكن يكون حصل زلزال المهم ان الكوبايه ماتحركتش من تلقاء نفسها الحقيقه ان التجربه والكلام اللي ممكن تحس انه تافه ده علمنا ثلاث حاجات حاجات اساسيه في الفيزياء الحاجه الاولى اننا شفنا بعيننا قانون نيوتن الاول للحركه والحاجه الثانيه اننا شفنا برض ظاهره القصور الذاتي او الانرشيا والحاجه الثالثه ان التجربه دي ساهمت في الاجابه على سؤال متعلق بدوران الارض وعلشان تتاكد من الكلام ده ركز معايا في نص قانون نيوتن الاول للحركه وافتكر اللي شفته بعينيك القانون بصيغته النظريه بيقول الجسم الساكن يبقى ساكنا والجسم المتحرك بسرعه ثابته يبقى متحركا ما لم تؤثر في قوه تغير من حالته او هتلاقي برضو صيغه تانيه للقانون بتقول الجسم المعزول يكون اما ساكنا او متحركا بسرعه ثابته مقدارا واتجاها ولو الصيغه الثانيه غامضه شويه ما تقلقش هتبان اكتر دلوقتي المهم حاليا اننا نعرف فين هي ظاهره القصور الذاتي ظاهره القصور الذاتي او الانيرشيا دي معناها هو نزعه الجسم انه يحافظ على حالته يعني لو كان الجسم متحرك هيفضل متحرك ولو كان في حاله السكون هيفضل ساكن وثابت في مكانه وكلمه نزعه دي معناها ان الجسم لما بتتوفر له الظروف المناسبه بينفذ القاعده دي بحذافرها لكن لو اتاثر الجسم بقوه خارجه عن ارادته فبيضطر انه يغير من حالته غصب عنه وطبعا كل الرغي النظري اللي قلناه ده بيتلخص في معادله واحده من اربع رموز اللي انت شايفها قدامك دي بس المشكله ان لو حد مش فاهم الرغي ده كله هيعتبر ان الاربع رموز دول بتوع المعادله عباره عن طلاسم وبالفعل المعادلات والرياضيات عموما هي نوع من الشفره وهو ده صديقي تحديدا اللي بيخضع البعض وبيخليه يكره كل العلوم اللي بتتعمل بالرموز بينما بقى لو قدرت انك تفهم الكلام النظري او حتى سبت الكلام خالص ورقبت الظواهر بعينيك هتقدر تفهم الشفره بكل سهوله فانت مثلا لو عملت تجربه البالونه والعمله دي قدام طفل صغير هتلاقيه هو نفسه بيقول لك نص قانون نيوتن حتى لو ما كانش فاهم سبب الظاهره يعني زي ما البعض ممكن ما يكونش عارف سبب دوران العمله وقت كبير ففي الفيزياء احيانا موضوع فهم الظاهره مش بيفرق كتير وبالفعل موجود ظواهر كتير العلماء شايفينها وراصدينها بل ومستفيدين منها في تطبيقات في الحياه لكنهم فعلا مش فاهمين سببها وبتحصل ازاي يعني على سبيل المثال قدر العلماء انهم يطوروا كثير من الادوات والابتكارات التكنولوجيه بناء على ملاحظه السلوك المجنون للجسيمات زي مثلا ان ما حدش عارف لحد النهارده يعني ايه الالكترون ممكن يكون موجود في عده اماكن في نفس الوقت وما حدش عارف ازاي ممكن يكون في جسيمات دون ذريه بتتواصل مع بعض بشكل فوري بغض النظر عن المسافه ما بينهم وبسرعه اكبر الاف المرات من سرعه الضوء وفي اللا زمن اصلا لكن بناء بقى على ملاحظه التصرفات المجنونه دي اتعمل افضل واكفا اجهزه تكنولوجيه على الاطلاق اللي هي الكمبيوترات الكميه ولو كنت اول مره تسمع الكلام ده فما فيش داعي تلخبط نفسك وركز بس في موضوعنا وخليك بس عارف انها ظواهر فيزيائيه موجوده وممكن تشوفها بعينيك وبالتاكيد مش كل الظواهر اللي بيتم مراقبتها في الطبيعه مش بيبقى مفهوم سبب سلوكها واغلب الظواهر الطبيعيه بيبقى مفهوم عنها كل حاجه المقصود بس ان تعليل الظاهره من عدمه مش بيعطل شغل الفيزياء ولا الفايده اللي بتيجي من وراها لكن عموما ومن حسن الحظ ان التجربه البسيطه دي بتاعه العمله والبالونه مفهومه من كل جوانبها فمبدئيا السبب اللي خلى العمله المعدنيه تستمر في الدوران جوه البلونه انها شبه معزول عن المؤثرات الخارجيه والسبب في كده ان العمله كانت بتلف في فضاء البلونه من غير ما تتلمس مع اي شيء تقريبا وبناء على قانون نيوتن فطبيعي انها تحاول تحتفظ بحالتها المتحركه والحقيقه انها كان لازم تفضل محتفظه بحالتها من الحركه على طول طالما ما فيش اي مؤثر خارجي فكان لازم تستمر في الدوران بس في الواقع ان العمله فعلا هتبطل حركه الدوران في خلال وقت صغير والسبب في كده ان السرعه عمرها ما هتكون ثابته فبمجرد انك ماسك البالونه بايدك ده بيسبب عدم ثبات للسرعه والسبب ان انت نفسك بتتهز من غير ما تحس فحتى النفس اللي بتاخده مش بتقدر تاخده بانتظامه بيخليك مش ثابت ده غير ان البالونه موجود فيها الهواء اللي انت نفخته وجزيئات الهواء دي هتبطا من حركه العمله وهتخليها كمان تخبط في حواف البلونه ده غير احتكاك العمله بجسم البلونه وفي النهايه المؤثرات دي كلها هتوقف العمله عن الدوران بس الفكره ان التجربه فهمتك انك لما عزلت العمله قدر الامكان حسيت برغبتها في الاستمرار متحركه اما في البدايه قبل التاثير بقوه الدوران اللي عملتها بايدك وقت سكون العمله العمله كانت في حاله تلامس مع جسم البالونه المطاطي يعني تقدر تقول العمله كانت جزء من البالونه نفسها وكانت النتيجه انك لما لفيت البالونه يعني اثرت عليها بقوه العمله كمان اتاثرت بنفس القوه ولفت معاها زي بالظبط لما تكون واقف في الاتوبيس وتبقى جزء منه فعلى الرغم من انك بتكون جوه الاتوبيس واقف او قاعد ومش بتتحرك الا ان الاتوبيس لما بيقف فجاه انت كمان بتتاثر وده بسبب حاله التلامس والاتحاد بين جسمك وجسم الاتوبيس اما بقى لو كان الاتوبيس ده بيتحرك بسرعه مش بتتغير وكمان لو كان ماشي على ارض مستويه كانه الطياره طايره في الجو انت مش هتبقى عارف اصلا اذا كان بيتحرك ولا واقف غير لما تبص من الشباك ده على اعتبار ان كل الشبابيك مقفوله ومشغله التكييف وما فيش اي هواء خارجي بيخبط في وشك والكلام ده بيفهمك حاجه بتعتبر غريبه شويه عند البعض السؤال الشهير بتاع ازاي الارض بتدور حوالين نفسها بسرعه 1670 كم في الساعه واحنا مش حاسين بيها والاجابه انك بتكون جزء من الارض ولان الارض بتدور بسرعه ثابته ومنتظمه ولا بتفرمل ولا بتحود ولا بتطلع ولا بتنزل فانت مش بتحس بيها ده غير ان الغلاف الجوي المحيط بالارض اللي احنا وكل حاجه على الارض موجودين جواه بيدور هو كمان بنفس سرعه دوران الارض علشان كده لو انت راكب عربيه او ات اوتوبيس وماشي بسرعه ورميت كوره تنس مثلا او عمله معدنيه في الهواء مش بتخبط في وشك وبتنزل ثاني على ايدك وده لان كل الهواء اللي جوه العربيه او الاتوبيس بيكون بيتحرك بنفس سرعتك وسرعه العربيه وبالتالي اي حاجه بترميها بتتحرك بنفس السرعه وفي نفس الاتجاه علشان كده صديقي في مثال البلونه ففي البدايه فعلا العمله كانت جزء من البلونه وعلشان عشان كده اتاثرت بالقوه اللي البالونه اتاثرت بيها وبدات الدوران معاها بس لما بدات العمله في الدوران سابت جسم البالونه وبدات تطير في الفضاء بتاعها يعني خلاص شبه ما بقتش جزء منها كانك انت بالضبط طلعت الفضاء وما بقتش جزء من الارض وعلشان كده لما اثرت على حركه دوران البلونه ووقفتها التاثير ده ما اتنقلش للعمله بشكل فوري لانها بقت منفصل عنها وكان المفروض انها تستمر في الدوران لو ما فيش اي نوع من المؤثرات وده لان الكون كله اتخلق فيه خاصيه اسمها القصور الذاتي واللي هي عباره عن ظاهره المل الاحتفاظ بالحاله للجسم المعزول عليها وبما ان حاله العمله كانت هي الحركه في اللحظه اللي كانت فيها شبه معزول عن البلونه فكان لازم تستمر في الدوران لكن طبعا الحاله ما كانتش حاله عزل تام زي ما قلنا وده اللي بيخلي الكواكب تدور في الفضاء بشكل مستمر بسبب ان ما فيش هواء ولا مؤثرات خارجيه توقف دورانها زي ما قلنا في الجزء الاول ان الفيزياء مفتاح لفهم الكون فالفيزياء على حسب اشهر التعريفات بتعرف على انها الاداه المختصه بدراسه وملاحظه الماده والطاقه والتفاعل ما بينهم والكون اصلا زي ما هو معروف مكون من الماده والطاقه وبالتالي فدراسه الفيزياء ممكن اعتبارها درس مجاني بتقدمه الطبيعه للبشر وكل اللي بيعمله العلماء انهم بيلاحظوا ظاهره معينه بتحصل في الكون وبيسجلوها وطبعا بيحاولوا يستفيدوا من الظاهره دي في عمل تطبيقات تسهل الحياه على الناس لكن برده زي ما قلنا حتى لو ما امكنش فهم سبب وجود ظاهره معينه فعدم الفهم ده مش بياثر على فكره الاستفاده منها في كل الاحوال ودايما بنضرب المثل بظواهر ميكانيكا الكم العجيبه فتقريبا كل ظواهر العلم ده لا هي مفهومه ولا بيحكمها اي منطق بشري معروف لكن في نفس الوقت بيتم الاستفاده من الظواهر دي في اهم التطبيقات الموجوده في عصرنا الفكره الرئيسيه اللي بتثبتها الفيزياء ان ملاحظه الظواهر والقدره على تقليدها هو هدف غايه في الاهميه في حد ذاته وده تقريبا اللي بنعمله في السلسله دي احنا بنحاول نتعلم الفيزياء عن طريق ملاحظه بعض التجارب البسيطه واللي على الرغم من بساطتها الا انها بتسلط الضوء على عدد كبير من الظواهر والمفاهيم المهمه كل اللي محتاجينه في التجربه دي هو حته سلك من النحاس وحجر بطاريه من اي نوع وقطعه مغناطيس قويه ويفضل يكون المغناطيس من نوع النيوديميم وده لانه بيعتبر مغناطيس قوي وخواصه بتوضح التجربه بصوره افضل وكمان علشان لو اللعبه اللي هنعملها عجبتك ممكن تديها لاي طفل اكيد هيتبسط بيها وحتى حتى لو ما عندكش النوعيه دي من المغناطيس هات اي نوعيه مش هيحصل مشاكل المهم بس خلي بالك من التصميم من غير شرح كتير انت مطلوب توصل للشكل اللي قدامك يعني المطلوب انك تشكل السلك بحيث يبقى لامس في البطاريه من طرف والمغناطيس من الطرف الثاني ولو حريف بقى تقدر تدلع المكونات البسيطه دي بقصائيص ملونه وشويه مكعبات والنتيجه زي ما انت شايف كده انت عملت لعبه بتتحرك وبتدور حوالين نفسها ومادام التجربه نجحت بقى عايزك تركز معايا في الجد انت عارف ايه اللي انت عملته في اقل من دقيقه ده؟ انت عملت موتور بسيط باستخدام القوه الكهرومغناطيسيه والقوه الكهرومغناطيسيه دي واحده من الاربع قوى اللي بتحكم الكون وزي ما هو واضح من الاسم بتاعها هي قوه بتعتمد على اتحاد الكهرباء مع المغناطيسيه باختصار كقاعده عامه ممكن نقول ان الكهربا بتولد مجال مغناطيسي والعكس صحيح فمرور تيار كهربي في سلك بيولد حواليه مجال مغناطيسي وبتعرف الظاهره دي بقانون امبير وبرده لو تعرض سلك المجال المغناطيسي متغير بينشا التيار الكهربي في السلك وبتعرف الظاهره دي بقانون فرداي وطبعا كلمه المجال دي بتعبر عن المنطقه المؤثره للتيار الكهربي او المغناطيسي يعني مثلا المجال المغناطيسي او الحقل المغناطيسي هو المنطقه اللي قدام المغناطيس واللي بتظهر فيها خواصه فاكيد كلنا جربنا قبل كده اننا نمسك مغناطيس ونحس انه بيشد الحاجه اللي معاك قبل حتى ما يلمسها واهم حاجه بقى المعلومه المرتبطه بتجربتنا وهي القوه المسمى بقوه لورينز قوه قوه لورينس دي نسبه للعالم الهولندي هنريك لورينتز اللي اكتشفها واللي فاز بجائزه نوبل في الفيزياء الراجل ده اكتشف انه لما بيمر تيار كهربي في سلك عمودي على خطوط المجال المغناطيسي بيحصل تفاعل بين التيار والمجال المغناطيسي والتفاعل ده بيؤدي لحدوث قوه ميكانيكيه بتحرك السلك والقوه الميكانيكيه دي بيطلق عليها قوه لورينز انا عايزك بقى تشوف كم مفهوم فيزيائي في منتهى الاهميه وصلك من لعبه يمكن تكون مستهيفها غالبا ما فيش حد فينا لو جرب لعبه جذب الاوراق الصغيره بالمساطر والاقلام فكلنا حكينا المساطر في الصوف وفي شعرنا ولمينا بيهم الورق بس هل حد جرب قبل كده يعمل الحكايه دي مع الميه؟ يعني هل جربت قبل كده انك تجذب الميه مش الورق؟ عموما هي دي تجربتنا دلوقتي وخلونا نشوف ايه اللي هيحصل ممكن مثلا تحط كوبايه بلاستيك او بالونه او اي حاجه مش لازم يعني مسطره المهم افتح حنفيه الميه وخليها ضعيفه علشان تبقى خفيفه والتاثير يبان لما تقرب للمايه بالكوبايه او البلونه هتلاحظ على طول ان سرسوب الميه الخفيف ده بينجذب للبالونه والتقوس بتاعه بيبقى واضح بالنسبه بقى لتفسير الحكايه دي فبيرجع لتوليد الاستاتيك الكتريستي او الكهرباء الساكنه عن طريق الاحتكاك فالموضوع ببساطه ان كل شيء في الكون مكون من ذرات وكل الذرات بيبقى فيها الكترونات سالبه بروتونات موجبه ونيوترونات متعادله والالكترونات السالبه دايما بيبقى عددها قد البروتونات الموجبه وعلشان كده بيقال ان الذره متعادله كهربيا بس عمليه الاحتكاك دي بقى يا صديقي بين اي مادتين بتؤدي الخلل في عمليه التعادل الكهربي فبعض ذرات المواد بتخسر الكترونات من الاحتكاك والبعض الثاني بيكتسب الكترونات وفي كلا الحالتين بتتحول بعض ذرات الماده اللي حكيناها لذرات مشحونه مش متعادله فحالتنا دي اتحولت بعض ذرات البالونه لذرات شحنتها موجبه او يعني باسلوب الفيزيا البالونه بقت مشحونه واللي حصل بالضبط ان البالونه خسرت الكترونات وبالتالي بقى عدد البروتونات الموجبه في الذره اكتر وعلشان كده اصبحت ذرات البالونه ايون موجب اما الميه بقى فطبعتها كده لازم يبقى فيها ايونات سالبه الايون السالب او اسمه برض الانيون هو عباره عن ذره كسبانه الكترونات يعني شحنتها سالبه والايون الموجب او الكاتيون هو ذره خسرانه الكترون وشحنتها موجبه عموما عمليه فقد او اكتساب الكترونات بالاحتكاك بتخضع لعوامل كتير اهمهم نوع الماده والمميز بقى في الميه بناء على طبيعتها انه بيبقى فيها نوعين من الايونات فالمايه بتؤين وبتذيب كل المواد تقريبا علشان كده بيطلق عليها يونيفرسال سولفنت واصلا اليه عباره عن جزيء بيتكون من ذرتين هيدروجين وذره اكسجين ده غير ان المايه بيبقى مختلط فيها برده بعض الشوائب والاملاح المعدنيه واللي برده مكونه من ذرات خلينا دلوقتي بس مع الاكسجين والهيدروجين اللي بيحصل ان في اليه بيتم انتاج ايونات الهيدروكسيد السالبه والهيدروكسيد ده اختصار لكلمتين اللي هم الهيدروجين والاكسجين وكمان بيتم تم انتاج ايونات الهيدروجين الموجبه والحكايه دي بتخلي الميه اصلا جزيء قطبي بيتفاعل حتى مع نفسه وبرده كلمه جزيء قطبي دي يعني ليه قطب سالب وقطب موجب زي البطاريه الخلاصه ان ما دام البالونه مشحونه بالموجب والمايه فيها جزء مشحون بالسالب يبقى طبيعي ان المايه تنجذب للبالونه بنفس طريقه الورقه والمسطره وبصفه عامه فالكهرباء الساكنه اللي بتنتج من الاحتكاك دي هي نوع من الكهرباء وممكن نعتبر النوع ده من الكهرباء اضعف من الكهرباء المتحركه وده بسبب ان الكهرباء المتحركه بتبقى عباره عن سل من الشحنات اللي بتتحرك في دايره مقفوله طبعا التعامل مع الميه ومعرفه بعض خصائصها في التجربه دي كان مفيد لزياده حصيله المعلومات يعني تجربه بسيطه عملناها في اقل من نص دقيقه استفدنا منها ب فكره مش بطله عن الكهرباء وحالات التاين وخصائص الميه ومعنى القطبيه في التجربه دي احنا محتاجين بقى حته خشب او حته بلاستيك صغيره وبالمره كمان ممكن اي نوع من الماكولات يقدر يطفوا على سطح الميه زي مثلا حبوب وبكورن فليكس اللي الراجل ده عمل بيهم التجربه كمان هنحتاج لقطعه من المغناطيس وحبازه لو كان من النوع القوي بعد كده كل المطلوب اننا نقرب قطعه المغناطيس من حته الكورن فليكس اللي طافيه على سطح الميه يا ترى تفتكر هنلاحظ ايه لما تعمل التجربه دي بنفسك يا الصديق هتلاقي ان حته الكورن فليكس زي ما يكون نفسها تشبك في المغناطيس يعني لما اتحرك المغناطيس شمال او يمين او قدام او ورا هتلاقي حته الكورن فليكس بتنجذب معاها في الطريق اللي تختاره لو كررت برده نفس التجربه مع حته البلاستيك او الخشب هنلاقي ان نفس النتيجه ونفس الظاهره بتتكرر الخشب او البلاستيك برده هيمشي ورا المغناطيس لكن يا ترى ايه تفسير القصه اللي حصلت دي كلها؟ مبدئيا تفسير انجذاب قطعه الكورن فليكس للمغناطيس له سببين مش سبب واحد السبب الاول ان الكورن فليكس بقى الانواع كثير من الاكل بتحتوي على عنصر الحديد واللي بيعتبر مكون رئيسي في اكل البشر ومش محتاجه طبعا نقول ليه الحديد بينجذب للمغناطيس هو الحديد بطبيعته اهم واكث عنصر بينجذب لاي مغناطيس بل ان انواع كتير من المغناطيس بتتصنع اصلا من الحديد المهم طبعا ان الكلام ده مش بيفسر انجذاب البلاستيك او الخشب للمغناطيس البلاستيك والخشب لا فيهم حديد ولا هم مواد بتتاثر بالمغناطيس يا ترى ايه تفسير انجذابهم هم كمان للمغناطيس في التجربه دي؟ تفسير انجذاب البلاستيك والخشب اللي على سطح المايه المغناطيس واللي برده هو السبب الثاني في انجذاب حبايه الكورن فليكس هو طبيعه المايه نفسها طبيعي ما دمنا اتكلمنا في التجربه اللي فاتت عن خصائص المايه المرتبطه بالكهرباء كان لازم تتوقع اننا هنتكلم عن خصائص المايه مع المغناطيس فزي ما قلنا ان الكهرباء والمغناطيسيه في الفيزيا اخوات مش بيتفارقوا والمهم ان المايه باختصار بتعتبر من الداجنتيزم والمواد الدايا مغناطيسيه دي بتتاثر بالمجال المغناطيسي بس يا ترى تفتكروا ايه هو نوع التاثر؟ هل ممكن نقول ان المواد الضايه مغناطيسيه بتنجذب للمغناطيس زي ما التجربه كانت بتوحي؟ الاجابه طبعا هي لا والف لا العكس هو اللي صحيح المواد الض مغناطيسيه بتتنافر مع المغناطيس مش بتنجذب له صحيح ان تنفر المواد الضغطيسيه مش بيبقى قوي زي بعض المواد لكنه في النهايه بيعتبر قدر من التنافر وممكن مشاهدته بالتجربه هنا طبعا بيظهر سؤال جديد هو ليه حته البلاستيك في التجربه كانت بتجري ورا المغناطيس السبب يا صديقي ان الميه بما انها من المواد الدايه مغناطيسيه اللي بتتنافر مع المغناطيس فهي بتحاول انها تبعد عنه باي طريقه بس المشكله برده ان السؤال هيبقى الميه هتبعد عن المغناطيس هتروح فين؟ الموقف بالنسبه للمايه بالضبط كالتالي المغناطيس متعمد عليها وهي شايله حته البلاستيك ومحصوره في طبق مقفول فما فيش اي مكان تهرب فيه الميه من المغناطيس الا القاع بالفعل التصرف اللي بتعمله الميه انها بتخفف منسوبها في الحته اللي متركز عليها المجال المغناطيسي يعني كانها بتعمل حفره صغيره في السطح بتاعها علشان تهرب شويه من القاع وتهرب من تركيز المجال المغناطيسي وعلى فكره مش الميه لوحدها اللي عندها الخاصيه دي فالمواد الض مغناطيسيه متعدده ومن امثلتها الذهب والنحاس وحتى الهواء والخلاصه ان الحفره اللي بتعملها الميه دي علشان تهرب من المغناطيس بتتسبب لحته البلاستيك او الخشب انها تتحبس فيها لثواني ويبان انها بتنجذب للمغناطيس عالم الفلك والفيزياء النظريه البرازيلي مارسيلو جليزر في حديث عمله مع مؤسسه جون تمبليتون الداعمه للابحاث العلميه قال جمله مهمه جدا اثناء كلامه عن كتابه مفجر الكون الواعي اللي بيتكلم فيه عن تواصلنا الخاطئ مع الكون وهي انه ما ينفعش اي انسان يعتقد انه منفصل عن الكون ومش جزء منه والحقيقه انه قياسا على فلسفه جليزر فاعتقادنا بصعوبه الفيزياء جاي بشكل اساسي بسبب انه تم فصلنا عن الكون وظواهره واتدرست لينا الفيزياء كعلم منفصل مبهم مليان قوانين وارقام غريبه بنضطر اننا نحفظها ونروح ننساها في الامتحان في حين ان الفيزياء اصلا اساسها هو دراسه الماده والطاقه والتفاعل ما بينهم زي ما قلنا في بدايه السلسله دي واللي هم اصلا الكون باكمله بما في الانسان كجزء لا يمكن فصله عن الكون يعني ببساطه يا صديقي الانسان والكون مع بعض في تفاعل وحركه مستمرين والفيزياء قاعده على جنب بتراقب التفاعل ده وبتسجله وبتدرسه وبتطبقه في تطبيقات علميه بتفيدنا في حياتنا وبتساعدنا نفهم الكون اكث ونعرف ازاي نتعامل معاه وبالتالي الفيزياء مش المفروض تكون صعبه ابدا بل انها اصلا بتعتبر اداه مفتاح لفهم الكون وتفاعلنا معاه وده بالضبط اللي احنا بنحاول نوصل له في السلسله دي عن طريق تطبيق بعض التجارب البسيطه تقريبا كده ما حدش فينا واحنا صغيرين ما جربش ان هو بيشرب العصير ينفخ في الشاليمو علشان العصير يعمل بابلز بس عمرك بقى جربت تقص الشاليمو ده نصين من غير ما تفصلهم عن بعض وتنفخ وتشوف هيحصل ايه خلينا نشوف التجربه دي من كتر بساطتها انا مش محتاج منك اكث من شاليمو وكوبايه فيها ميه ومقص ويا ريت بقى لو تقدر توقف الفيديو وتجيبهم دلوقتي وتطبق التجربه دي معايا كل اللي انت هتعمله انك هتقص شاليمو بحيث تقسمه ثلث وثلتين او حتى نصين بس خد بالك ما تفصلش جزئين الشاليمو عن بعض يعني خليهم ماسكين في بعض من طرف وبعد كده اتني بقى الشاليمو من عند الفتحه اللي عملتها بالمقص زي الشكل اللي قدامك ده كده بحيث يبقى نص الشاليمو عمودي على النص الثاني يعني يبقى بينهم زاويه 90 درجه دلوقتي كده انت خلصت اداه التجربه الرئيسيه فاضل بس انك تجربها بانك تسقط طرف منها في كوبايه الميه ميه وبعدين انفخ في الطرف الثاني وحرك الشلمول اللي في الميه لفوق ولتحت وقول لي ايه اللي حصل كل اللي انت هتقوله انك اكيد سمعت صوت صفاره وصوتها بيختلف كل ما ترفع وتنزل في الشاليمو اهي الفيزياء بقى قاعده على جنب دلوقتي وبتسجل ايه التفاعل اللي حصل بينك وبين الكم من حواليك وايه السفاره دي وجت منين وازاي انت سامعها يعني تقريبا الفيزياء سالت كل الاسئله اللي ممكن تيجي على بالك اللي حصل ببساطه يا صديقي هو انك حولت الهواء الساكن لموجات صوت يقدر عقلك يترجمها وتسمعها بس ازاي بقى الكلام ده حصل خليني اشرح لك لو جبنا دلوقتي الطبق وحطينا فيه ميه وسبناها لحد ما تهدى خالص ورحنا جايين موقعين فيها نقطه ميه فسطح الميه اللي في الطبق بعد ما كان ساكن هيتحول لموجات وده بالضبط اللي حصل في الهواء لما انت نفخت فيه الهواء اللي جوه الانبوب او الشلموه عباره عن هواء ساكن نسبيا لانه مقفول عليه من كل الجهات تقريبا وما فيش حاجه تحركه لكن لما انت جيت نفخت في الشاليمو انت هنا خليتها هواء متحرك يخبط في الهواء الساكن اللي جوه الانبوبه وبالتالي بنفس اللي حصل مع سطح الميه الهواء اللي جوه الشاليموه هيتحول لموجات والموجات دي بقى هتقدر تخرج من الفتحه اللي انت عملتها بالمقص وهتتحرك في الهواء وفي المقابل ودنك قاعده في تفاعل مستمر مع الكون بتلقط منه اي موجات وتحولها لاشارات عصبيه علشان يقدر المخ انه يترجمها فتقدر انها تسمع الصوت وتتفاعل مع لو في حاجه للتفاعل ده وده بالضبط اللي حصل مع الموجه اللي خرجت من الشاليمو واللي اللي قطتها ودنك وحولتها لاشارات عصبيه وخليتك تقدر تسمعها الفيزياء بقى ما سكتتش بل انها خدت التفاعل اللي حصل ده واستفادت بيه في مجالات مختلفه زي الات النفخه الموسيقيه مثلا اللي هي زي الناي والاهم هو جهاز قياس سرعه الرياح بالصوت المعروف بالانيوميتر الصوتي الجهاز ده صديقي هتلاقيه في محطات الارصاد الجويه لانه بيساعد علماء الارصاد الجويه في التنبؤ بانماط الطقس وده عن طريق ان الجهاز بينتج موجه صوتيه ويرسلها في الهواء وبيستقبلها ثاني باليه شبه شبه القلال ودننا بتلقط بيها الموجات وبعدين بيحسب الوقت اللي الموجه الصوتيه رجعت فيه وبالتالي بيقدر يعرف الرياح قويه ولا ضعيفه على حسب الموجه رجعت في وقت قد ايه وبالتجربه البسيطه دي تبقى عرفت ازاي بيتم انتاج الموجات الصوتيه وازاي الانسان بيقدر يتفاعل مع الكون ويلقط الموجات الصوتيه دي ويرد عليها لو احتاج وكمان عرفت طريقه استفاده الفيزياء من التفاعل ده وشفت مثال على نوعيه التطبيقات العلميه اللي نقدر نستفيد بيها منه علشان نعمل التجربه الثانيه هنحتاج الادوات دي كوبايه ورق او بلاستيك كيس نايلون بتاع المطبخ استك فلوس شمعه مكتب او اي شمعه بتقف لوحدها مقص او كتر وكبريت وبعد بقى ما تجيب الادوات دي هات الكوبايه البلاستيك وافتح فيها فتحه من تحت بالقطر او المقص وبعد ما هتفتح الفتحه اقلب الكوبايه على الناحيه الثانيه واقفل الفتحه الواسعه بكيس النايلون وامسكه عليها بالاستيك زي ما هو واضح قدام قدامك كده بعد كده بقى هات الشمعه وولعها ووجه فتحه الكوبايه الصغيره ناحيه نار الشمعه على بعد كام سم واضرب بصباعك في النص زي الشكل اللي قدامك كده على الكيس النايلون المقفول بيه الفتحه الكبيره للكوبايه واللي هيحصل انك هتلاقي نار الشمعه اطفت تعرف بقى ان التيارات بتطير بنفس الاليه دي اللي هي اسمها مبدا يرنولي عايزك تتخيل معايا صديق ان ذرات الهواء مرصوصه ورا بعض زي احجار الضمنه كده وانت رحت جاي زيق حجر فيهم فالحجر ده راح واقع وموقع معاه الاحجار اللي وراه بالترتيب اهو ده بالضبط اللي انت عملته مع جزيئات الهواء لما ضربت على كيس النايلون فانت فعليا زقت جزيئات من الهواء وده خلى كل الجزيئات تتحرك لقدام لحد ما الهواء طال الشمعه فراحت الشمعه اطفت واللي حصل لجزيئات الهواء او احجار الضمنه ده تطبيق من تطبيقات قانون حفظ الطاقه واللي بينص على ان الطاقه لا تفنى ولا تستحدث من العدم ولكن يمكن تحويلها من صوره الى اخرى فالطاقه اللي انت اديتها لجزيء او مجموعه جزيئات من الهواء ما نفذتش لكنها اتحولت لقوه حركت جزيئات الهواء اللي قدام الجزيئات اللي انت حركتها بس على الجانب الاخر بقى ايه اللي خلى جزيئات الهواء دي بعد ما خرجت من الفتحه توصل لحد الشمعه بدل ما تتشتت في الهواء بما انه كله هواء يعني الاجابه يا صديقي هي مبدا برنولي للسوائل والغازات يعني انت لو جبت خرطوم ميه ورحت موجهه ناحيه جردل فيه ميه لو بصيت جوه الجردل هتلاقي ان الخرطوم عامل خط جوه الميه اللي فيه الفيزياء بقى بتقول ان الخط ده حصل لان ميه الخرطوم سريعه في حين ان ميه الجردل ساكنه وكل ما زادت سرعه الميه او الغاز كل ما الضغط بتاعه قل والضغط بتاعه دي قل معناها ان الغاز او السائل المحيط بيه هيكون ضغطه اعلى منه وبالتالي بيقفل على الغاز السريع وبيحصره في حيز صغير فبيبقى شكله عباره عن خط مستقيم بيمشي لقدام بدل ما يتشتت وده بالضبط هو مبدا برنولي وهو هو نفس اللي بيحصل في جزيئات الهواء اللي انت زقتها فما تمش تشتتها في باقي الهواء لكنها اتحصرت في خط مستقيم بسبب ضغط الهواء المحيط وبالتالي الهواء السريع اللي انت عملته قدر انه يوصل لحد الشمعه ويطفيها الفيزيا بقى قدرت تستفيد من المبدا البسيط ده في صناعه الطيارات فهنلاقي ان جناح الطياره له تصميم هندسي مميز والتصميم ده بيخلي ضغط الهواء فوق الجناح اقل من ضغط الهواء اللي تحته وبالتالي الهواء اللي تحت بيقدر يزق الجناح والهواء اللي فوقيه فالطياره بترتفع وبتطير تخيل ان بالتجربه البسيطه دي احنا قدرنا نشرح قانون حفظ الطاقه في الفيزياء وقانون برنولي للسوائل والغازات وعرفنا واحده من الاليات اللي بتساعد الطياره في انها تطير دلوقتي بقى انا عايزك تدخل المطبخ وتنقي لك طبقين واحد استانلس او الومنيوم وواحد بلاستيك عادي او حتى ورق ومكعبين ثلج ويلا بينا علشان نعمل التجربه الثالثه اهم حاجه الطبقين دول يكونوا ناشفين تماما بعد كده هتجيب مكعبين الثلج وتحط كل مكعب منهم في طبق وتقعد تراقبهم اللي هيحصل ان في خلال ثواني هتلاقي ان مكعب الثلج اللي في طبق الالومنيوم او الاستانلس بدا يسيح بشكل اسرع من المكعب اللي في الطبق البلاستيك وده بالرغم من ان اصلا الطبقين نفس درجه الحراره ومكعبين الثلج اكيد نفس درجه الحراره هم كمان طيب امال ايه بقى اللي حصل يا عمده؟ اللي حصل يا صديقي هو اللي بتسميه الفيزياء بخاصيه تبادل او انتقال الحراره والفكره في الخاصيه دي هي ان الاجسام المختلفه بتنقل الحراره بينها وبين بعض يعني انت مثلا لو مسكت مكعب الثلج في ايدك بعد كم ثانيه هتلاقي ان ايدك بقت ساقعه والثلج بدا يسخن ويسيح وده معناه ان ايدك خدت من حراره الثلج والثلج هو كمان خد من حراره ايدك اللي حصل بقى في حاله الاطباق هو ان الالومنيوم او الاستانلس موصل جيد للحراره في حين ان البلاستيك موصل ضعيف للحراره فاللي حصل هو ان الالومنيوم نقل حراره الغرفه للثلج اسرع من البلاستيك فمكعب الثلج اللي على الطبق الالومنيوم ساح اسرع وطبعا بما ان جسم الانسان هو جزء من الكون بينطبق عليه قوانين الفيزياء فالفيزياء استفادت من الخاصيه دي في مساعده الانسان كالعاده وابسط تطبيق على خاصيه تبادل الحراره هو الفوطه الساقعه اللي بتحطها على راسك او على رقبتك او تحت الابط علشان تقلل بيها درجه حراره جسمك لو عندك سخونيه او بتاتشات التبريد اللي بتتباع في الصيدليات ده غير طبعا استخدام الهيت اكستشينجرز او المبادلات الحراريه في معظم الصناعات واللي بتوفر قدر كبير جدا من الوقود بعد ثلاث اجزاء من سلسله التجارب الفيزيائيه البسيطه اللي كان هدفنا فيهم اننا نوريك قد ايه الفيزياء مش معقده ولا حاجه انت دلوقتي يا صديقي بقيت عارف اكت مني اننا نقدر نقول ان الفيزياء هي علم دراسه الماده والطاقه والتفاعل ما بينهم زي ما شرحنا باستفاضه شويه في الجزء الاول وقلنا ان ده تقريبا بيقول ان الفيزياء دورها هو دراسه الكون كله بكل حاجه فيه لو شفت الجزء الثالث فانت عرفت ان الانسان جزء من الكون ولا يمكن فصله عنه وهم الاثنين في تفاعل مستمر مع بعض طول الوقت والفيزياء قاعده على جنب بتراقب التفاعل ده وتسجله تدرسه علشان نفهم اكت عمليه سير الكون وتستفاد بيه في تطبيقات عمليه بتنفعنا كنا كمان وصلنا لسبب كرهنا للفيزياء او سبب نظرتنا ليها بانها علم صعب وغالبا مش بنفهمه ولو شفت الجزء الثالث فانت اكيد عرفت السبب ولو فاكره اكتبه لنا تحت في التعليقات قانون باسكال بينص على ان الضغط اللي بيتم على السائل موجود في وعاء ما بيتنقل بشكل متساوي لجميع اجزاء السائل وبيؤثر على جدار الوعاء بنفس القدر اما بقى مبدا ارخميدس فبينص على ان اي جسم مغمور كليا او جزئيا في سائل بيتعرض لقوه دفعه عموديه الى اعلى بتساوي وزن السائل المزاح لكن بقى في قاعده بتقول ان كل ما زاد الضغط على الغاز كل ما كثافته زادت طبعا يا صديق انا مش عايزك تقلق خالص من الكلام المكلكع ده انا بس حبيت ارص لك القوانين صماء كده زي ما هي علشان تعرف قد ايه القوانين والمبادئ الفيزيائيه بتبقى صعبه ومش مفهومه وهي مرصوصه قدامنا كده ومطلوب مننا اننا نحفظها لكن ببساطه خالص انا عايزك تقوم دلوقتي تدخل المطبخ وتجيب ازازه بلاستيك وتملاها ميه على الاخر وتجيب كم عود كبريت وتحطهم في الازازه وبعدين تقفلها بالغطا بتاعها وراقبهم وشوف ايه اللي هيحصل اللي انت شايفه دلوقتي ان عدان الكبريت طافيه في الميه لكن جرب كده تضغط على الازازه هتلاقي ان عدان الكبريت بدل ما كانت عايمه وطافيه فوق غاصت ونزلت لتحت ولو سبت الاقزازه وفكيت ضغط ايدك من عليها هتلاقي ان عدان الكبريت رجعت طفت على السطح زي ما كانت من تاني انت كده صديقي شفت بعينك شرح للقوانين والمبادئ الفيزيائيه اللي لسه قايلينها من شويه لكن خليني انا الاول افهمك ايه اللي حصل بالظبط وايه علاقته بالقوانين اللي رصيناها فوق دي انت طبعا يا صديق عارف ان الميه سائل وليها خواص السوائل بس اللي غالبا ما تعرفوش ان عود الكبريت ده مسامي يعني جواه في مسام او سكوب صغيره والمسام دي جواها هواء والهواء ده غاز ويه خواص الغازات الخواص دي بقى الفيز لاحظتها وحطيتها في قوانين ومبادئ خاصه بالسوائل والغازات ومنهم الثلاث مبادئ اللي قلناهم من شويه المبدا الاول لو تفتكر هو قانون باسكال قانون باسكال كان بيقول ببساطه اننا لما نضغط على السائل سواء بقى بايدينا او بمجبس او باي شيء بيعرف يضغط الضغط ده هيتنقل لكل اجزاء الميه وهيزقها وهتدخل في اي مسام او مكان فاضي يعني لو عندك ازازه ميه مليانه للنص وانت جيت ضغطت عليها بايدك هتلاحظ ان الميه منسوبها ارتفع لفوق وده على عكس الغازات مثلا الغازات لو اتضغطت مش بتتحرك من مكانها لكن بتكش وحجمها بيقل يعني تخيل ان الغاز ده علبه عصير او كان كولا مثلا وانت رحت جاي دايس عليه اللي هيحصل انه هيتكرمش وهياخد مكان اصغر الغازات بقى بتتصرف بنفس الطريقه طيب يا ترى ليه بقى الميه او السوائل بتتصرف بطريقه والغاز بيتصرف بطريقه مختلفه الفكره كلها في طبيعه ترتيب الجزيئات او الذرات الموجوده في كل وسط منهم يعني السوائل ذراتها بتكون قريبه جدا من بعضها وبالتالي لو جيت زقيت ذره هتحرك الذره اللي بعدها لكن الغازات بقى ذراتها بتكون متباعده جدا عن بعض فانت لو زقيت ذره هتقرب من الذره اللي جنبها بس مش هتزقها لانها اصلا بعيده عنها فلما نيجي نضغط على كميه معينه من الغاز هنلاقي ان حجم الغاز بيقل يعني شويه الغاز لو كانوا شاغلين مساحه علبه مثلا 20 سم مربع لما الغاز ده يتضغط ممكن شويه الغاز دول نفسهم يتحطوا في علبه مساحتها 10 سم مربعه وخلي بالك ده بالضبط اللي بيحصل في اسطوانات الغاز الموجوده في العربيات اللي بتشتغل بالغاز انت ممكن تحط اكتر من متر مكعب في انبوبه حجمها اصغر من متر مكعب بس في تفصيله هنا بقى لازم تاخد بالك منها وهي ان الغاز لما بيتضاغط كثافته بتزيد لان في وحده او حيز من المكان عدد الذرات فيه زادت لما الذرات قربت من بعضها يعني ببساطه كده انت لو جبت شويه بلي وحطيتهم في طبق واسع هتلاحظ ان البلي متنور لكن لو قربت البلي مع بعض هتلاقي في مكان معين من الطبق بقى مليان بلي هو فعليا الطبق كان فيه نفس كميه البلي لكن لما نضغطهم بقى البلي متركز على حته واحده فلما تبص عليه انت شخصيا هتلاحظ اكن عدد البل يبقى اكث بس هو مش اكت ولا حاجه لكن كثافته هي اللي بقت اعلى في الحايز ده من المكان وده بالضبط اللي بيحصل مع ذرات الغاز بقى عندنا مبدا في الفيزياء بيقول ان كل ما زاد الضغط على الغاز كل ما كثافته كمان زادت لان الفراغات او المسافات بين الذرات قلت لو جينا بقى نرجع للتجربه دلوقتي واللي بالمناسبه اتسمت بالغواص الديكارتي لانه بيعتقد ان الفيلسوف الفرنسي رينيه ديكارت هو اللي اخترعها هتلاقي ان الدنيا بقت اوضح شويه انت يا صديقي لما ضغطت على الازازه فانت شفت قانون بسكال لما الميه كلها اتحركت ومنسوبها علي ودخلت جوه مسام عيدان الكبريت وتقلته وشفت قانون كثافه الهواء لما عدان الكبريت غصت لتحت لان الغاز اللي جوه المسام بتاعها اتضغط فكثافته زادت وبالتالي بقى اثقل من كثافه الميه وقدر يغوص فيها شفت كمان مبدا ارخميدس لما عيدان الكبريت رجع طاف تاني والطف وده لسببين السبب الاول هو انك شلت الضغط فالمايه خرجت من مسامع دان الكبريت ورجعت لطبيعتها وكثافه الهواء قلت ورجعت هي كمان لطبيعتها والسبب الثاني هو قانون ارخميدس اللي بيقول انك حتى لو ما شلتش الضغط فكده كده عيدان الكبريت هتطف تاني وده عملا بالقاعده الشهيره اللي بتقول سيب نفسك والميه هترفعك على قد ما ده يبان مبدا مثير للميمز لكنه مبدا فيزيائي برده اسمه مبدا ارخميدس بيقول ان السوائل لو جسم اتغمر فيها وازعها لتحت هيتمارس عليه قوه دفع للا الاعلى او يعني هتزقه لفوق بقوه بتساوي قوه وزن السائل اللي الجسم ده ازاحه ودي طبيعه السوائل عموما علشان كده لو حد رماك في الميه بتنزل لتحت بقوه فبتزيح الميه وانت نازل لتحت وساعتها بتقوم الميه كرد فعل طبيعي زقاك لفوق علشان السائل اللي انت قحته ده يرجع لمكانه من ثاني وعلشان كده عيدان الكبريت كانت هتطفو ثاني لوحدها اما عن التطبيقات اللي الفيزياء استفادت بيها من المبادئ دي فاكيد السفن احنا اعتمدنا فيها على مبدا ارخم ميدس واحنا بنصممها اما بقى قانون باسكال فعايز اقول لك انه تقريبا كل يوم بيحصل قدامك بس انت مش بتشوفه وده لان فرامل العربيه بتشتغل بيه اساسا فلما بندوس على دواسه الفرامل الضغط ده بينقل الزيت بقوه من خزان زيت الفرامل ويوصله لحد نظام الفرامل في العجل ويمارس عليه قوه ضغط بتتسبب في ان العجل يقف واحد من اهم فروع الفيزيا صديقي هو فرع الميكانيكا وده فرع الفيزياء اللي بيهتم بدراسه حركه حركه الاجسام تحت تاثير القوه المختلفه بما فيها الحاله اللي الجسم بيفضل فيها ساكن علم الميكانيكا الكلاسيكيه بقى تقريبا قام على قوانين نيوتن الثلاثه والثلاث قوانين دول احنا ممكن نفهمهم ونفهمهم لاي حد كويس جدا بتجربه واحده بس ويبقى ضربنا ثلاث عصافير بحجر واحد مبدئيا كده احنا محتاجين لخيط طويل شويه وهندخل في شاليمو بحيث يبقى حر الحركه ويروح ويجي معاك وبعدين هتوصل طرفين الخيط في الصاله مثلا من الحيطه للحيطه في النص وهتجيب بالونه تنفخها وتربطها بس ما تربطهاش جامد علشان هنحتاج نفكها من تاني او ممكن تلزقها بلزق بحيث ما يخرجش منها الهواء وبعدين بنفس اللزق الزق البالونه في الشاليمو بحيث تبقى بالشكل اللي قدامك ده طول ما البالونه واقفه قدامك كده انت شايف بعينك قانون نيوتن الاول او قانون القصور الذاتي اللي بيقول ان يبقى الجسم الساكن ساكنا والجسم المتحرك بسرعه ثابته متحركا ما لم تؤثر عليه قوه خارجيه وغير من حالته بعد كده بقى حاول تخلي البالونه تسرب هواء بس ما تفتحهاش على الاخر واللي هتلاحظوا ان البالونه اتحركت بس ببطء ولو زودت التسريب هتتحرك اسرع شويه وبكده انت شايف قانون نيوتن الثاني للحركه واللي بينص على ان كل ما زادت القوه المؤثره على الجسم زادت حركته فكل ما قوه الهواء زادت انت هتلاقي ان البالونه بتتحرك اسرع لكن يا صديقي القانون ده كمان ليه تكمله خاصه بالكتله فلو حابب تشوفه عملي ممكن تزود حجر مثلا وتربطه بالبالونه وقتها هتلاحظ ان حركه البالونه رجعت تبقى ابطا وهنا تكمله القانون اللي بتقول ان كل ما زادت كتله الجسم قل تسارعه وعايز الفت انتباهك برده لان ده نص القانون لكن بعد شرحه النص الحقيقي بقى القانون نيوتن الثاني نقدر نقوله دلوقتي وهيكون ابسط عليك قانون نيوتن الثاني بينص يا صديقه حرفيا ان اذا اثرت قوه على جسم ما فانها تكسبه تسارعا يتناسب طرديا مع قوته وعكسيا مع كتلته دلوقتي بقى انت ممكن تشيل الحجر وتفك اللزق وتفتح ثقب البالون على الاخر هتلاقي ان البالونه انطلقت بسرعه من اول الحبل لاخره لان الهواء اللي خرج بقوه من البالونه خلاها تتحرك بنفس القوه للاتجاه المعاكس وهو ده نص قانون نيوتن الثالث واللي بيقول لكل فعل رد فعل مساون له في المقدار او القوه ومضاد له في الاتجاه فلما الهواء كان قوي عكس اتجاه حركه البالونه البالونه اتحركت بنفس القوه للاتجاه المعاكس وبكده اقدر اقول لك مبروك انت كده فهمت مقدمه الميكانيكا او الفيزياء الكلاسيكيه بالنسبه لقوانين نيوتن بقى صديقي فعليها تطبيقات كثير جدا مؤثره حوالينا وفي كل مكان بدايه من حزام الامان والاير باج اللي حرفيا بينقذوا حياتنا واللي اتعملوا بناء على قانون نيوتن الاول اللي هو القصور الذاتي واللي بيقول ان جسمنا هيفضل بيتحرك بنفس سرعه العربيه لو العربيه وقفت فجاه وده هيعرضنا لصدمات قويه ممكن تؤدي للوفاه ده بالاضافه طبعا لتصميم العربيات نفسه اللي بيتراع فيه قانون نيوتن الثاني بتاع التسارع وده لان المصممين بيحسبوا انسب شكل ووزن للعربيه علشان يحسن من التسارع بتاعها وصولا بقى للصواريخ اللي اليه انطلاقه بتعتمد بشكل اساسي على قانون نيوتن الثالث وكنا شرحناه بتفصيل اكث في حلقه سفن الفضاء الشراعيه هسيب لك اللينك بتاعها تحت في الديسكربشن دلوقتي بقى صديقي سيب الصاله ثاني وادخل المطبخ وهات كوبايتين ميه فاضيين واملى واحده فيهم ميه ساقعه والثانيه ميه سخنه وحط في كل كوبايه فيهم بالتساوي كم قطره من قطرات لون الطعام ولاحظ اللي هيحصل طبعا اللونين هيبداوا ينتشروا في الميه زي ما احنا عارفين بس الغريبه بقى انك هتلاحظ ان اللون في الميه السخنه بينتشر اسرع بكتير من انتشاره في الميه الساقعه وخليني اقول لك ان دي حاجه مش غريبه ولا حاجه لان الفيزياء عندها تفسير وخليني اشرحه لك فاكر لما اتكلمنا في التجربه الاولى عن ذرات وجزيئات الميه والفرق بينها وبين ذرات الغاز او الهواء هي جزيئات الميه دي بالضبط هي السبب في اختلاف انتشار اللون ما بين الميه الساقعه والسخنه زي ما شفت السبب في كده صديق ان جزيئات المايه في حاله حركه مستمره عباره عن انتقالات من مكانها ودورانات واهتزازات وكل ما زادت درجه حراره الميه كل ما زادت حركه جزيئاتها وعلشان كده بنقدر نشوف الميه وهي بتغلي لان في حركه سريعه بتظهر فيها وهي دي بقى حركه الجزيئات اهي حركه الجزيئات دي بقى بتخلي الماده اللي تركيزها عالي في منطقه معينه من الكوبايه تتنقل وتنتشر في الجزء اللي تركيزه منخفض او الخالي تماما من الماده دي والماده دي في حاله التجربه هي لون الطعام علشان كده لون الطعام بيتنقل من مكانه المتركز فيه لبقيه اجزاء الميه بالتساوي وده المعروف علميا بخاصيه الانتشار حركه جزيئات الميه دي بقى اكتشافها عالم النبات الاسكوتلندي روبرت براون لما كان بيدرس حبوب اللقاح ولاحظ تحت الميكروسكوب انها بتتحرك حركه عشوائيه سريعه جوه الميه او المحلول اللي محطوطه فيه واكتشف براون ان حبوب حبوب اللقاح بتتحرك كده بسبب اصطدامها بجزيئات اليه اثناء حركتها فاتسمت الخاصيه دي لجزيئات المايه بالحركه البروانيه وقدر وقتها براون وعلماء النبات عموما انهم يفهموا حركه حبوب اللقاح في البيئه المائيه وازاي الحركه دي ممكن تاثر على عمليات التلقيح والتكاثر في النباتات وده لان حركه حبوب اللقاح في الميه او العصير النباتي من المكان اللي تركيزه عالي للمكان اللي تركيزه منخفض بيساعد في وصول حبوب اللقاح للنباتات كلها او اكبر قدر منها وحتى ان الحركه العشوائيه دي هتساعد الحشرات اكث زي النحل في انه يقدر يلتقط حبوب اللقاح وينقلها لباقي نباتات وده طبعا غير التطبيقات اللي قدرت الفيزياء تستفيد بيها من اكتشاف الحركه البراونيه زي مثلا عمليات تنقيه وتحليه الميه اللي بيتم فيها احيانا استخدام مواد كيميائيه بتساعدها الحركه البراونيه على الانتشار اسرع في الميه وسهوله التفاعل معاها ده بالاضافه كمان لان استخدام نماذج الحركه البراونيه بيساعدنا اكث اننا نفهم ازاي الخلايا السرطانيه بتنتشر في انسجه الجسم وده بيساعدنا على صنع ادويه بتقدر تقاوم انتشار الخلايا السرطانيه وبتستهدفها بشكل ادق وحتى ان النماذج الحركه البراونيه بتستخدم في البرمجه في توليد ارقام عشوائيه بغرض التشفير وبيتم استخدامها في برامج الاي اي او الذكاء الاصطناعي علشان تقدر البوتات تتوقع او تتعامل مع البيانات العشوائيه النهارده هنكمل مع بعض سلسله تجارب هتحببك في الفيزياء ممكن تعملها في البيت هتلاقي الحلقات اللي قدمناها قبل كده من السلسله على القناه في بلاي ليست لوحدها واللي بيميز السلسله دي ان حلقاتها منفصله يعني مش بتبقى الحلقه الجديده معتمده على الحلقه اللي قبلها بس هو الفكره ان حلقتنا النهارده هتكون مختلفه شويه والسبب اني فكرت في ربط التجارب اللي هتتعمل في الحلقه دي بسلسله حدوته فيزياء الكم من الصفر واللي برده هتلاقيها في بلاي ليست لوحدها على القناه سبب ارتباط الحلقه دي بسلسله حدوته فيزياء الكم من الصفر اني تعهدت لكم اني هبدا من الصفر ومش هسيب اي حاجه واظن اللي تابع السلسله حس بالبطء اللي انا ماشي بيه بس فعلا مهما حاولت اكون بطيء وبشرح ميكانيكا كم من الصفر فمش هقدر اشرح بعض المفاهيم اللي بتبقى متعلقه بفهم الفيزياء نفسها من الاساس وعلشان كده فكرت ان حلقه التجارب بتاعه النهارده تساهم شويه في شرح بعض المفاهيم دي خلونا نبدا دلوقتي ونعمل شويه تجارب والمعنى هيوضح اكت شويه التجارب اللي هنعملها في الفقره دي هتكون بسيطه جدا وسريعه بس هي تبقى محتاجه بس لدقه الملاحظه عاده احنا بنبدا التجارب بتاعتنا بتحضير الادوات المطلوبه للتجربه بس الاداه المطلوبه النهارده هي اداه متخصصه شويه ولذلك مش مهم انها تكون عندك لكن المهم تراقب كويس معايا الاثر اللي هتعمله والاداه دي يا صديقي هي التيونينج فورك او الشوكه رنانا باختصار كل اللي هنستفيده من الاداه دي انها تولد لنا بعض الموجات ولو كنت من اللي شافوا سلسله حدوته فيزياء الكامل من الصفر فاكيد انت فاكر ان قلت لك ان توليد الموجات ممكن يكون بكذا طريقه حتى رمي الطوبه في الميه بيتسبب في توليد الموجات بس طبعا ما كانش هينفع اقول لك هات طوبه من الشارع واملى البانيو وتعال نعمل التجربه فعلشان كده الشوكه الرنانه دي هتحل لنا المشكله للعلم بس التيونينج فورك او الشوكه الرنانه دي عاده اللي بيستعملوها بيشتروا منها طقم كامل والسبب ان كل شوكه منهم بيبقى ليها تردد معين هتلاقي كل واحده منهم مكتوب عليها التردد بتاعها وطبعا الشوكه الرنانه دي مش الغرض منها بس عمل التجارب بتاعتنا هي ليها استعمالات كتير خصوصا عند اطباء الانف والاذن والحنجره وكمان عند الموسيقيين المهم خلونا في استخدامها معانا احنا دلوقتي احنا هنجيب حاجه خفيفه زي مثلا كره بينج بونج او غطاء ازازه ويفضل انك تعلق الكره او الغطا دول بخيط في الهواء علشان تبعدهم عن الاحتكاك هو طبعا الهواء نفسه هيعمل الاحتكاك لكن بصوره اقل واخبط الشوكه الرنانه في اي حاجه علشان تنشط التردد وعلى طول بعدها قرب الشوكه من الكره او الغطا هتلاحظ يا صديقه زي ما انت شايف ان الغطا بيتنطر لما الشوكه بتقرب منه كان الشوكه والغطا مختلفين في الشحنه وبيتنافروا وهي دي بس الملاحظه اللي انا عايزك تاخد بالك منها دلوقتي خلينا بقى نشرح تجربه كمان وبعد كده نجمع التجارب دي مع بعضها ونشوف ده هيفهمنا ايه في الفيزياء تعالى بقى للتجربه الثانيه هتجيب اي جسم اسطواني زي مثلا الانبوبه اللي قدامك وكمان هتجيب طرف شمعه وتحطها قدام الطرف البعيد للانبوب يعني ممكن تجيب ازازه بلاستيك وتقصها من الطرفين وتجيب شمعه وتحطها قدام الطرف البعيد للانبوبه وبعد ما تخبط الشوكه وتقربها للطرف الاول من الانبوبه هتلاحظ ان لهب الشمعه الموجود على الطرف الثاني اتاثر بالتردات اللي خرجت من الشوكه يعني ما احتاجناش حتى المره دي اننا نقرب الموجات جدا من الشمعه بس انا عايزك يا صديقي تكون واخد بالك ان التجربتين اللي فاتوا الوسط فيهم كان الهواء وبكده نبقى لاحظنا انتقال الموجات في الهواء تعال بقى المره دي نشوف اثر الموجات في وسط مختلف اللي هو الميه بمنتهى البساطه برده هتملى كوبايه ميه وتقرب الشوكر الرنانه منها وتخبط الشوكه الرنانه وتحطها في الميه هتلاحظ زي ما انت شايف الطرطشه اللي عملتها الموجات في الميه اهو بالتجارب اللي ابسط من البساطه دي غالبا هتكون فهمت ان العبارات النظريه اللي كانت مبهمه ابسط من البساطه وخليني برده افكرك بالعبارات دي وعايزك تطبق اللي شفته بعينك احنا قلنا ان الموجات هي عباره عن اضطرابات بتحصل في وسط او بدون وسط وبتكون الموجات عباره عن عمليه نقل للطاقه في نفس اتجاه انتشار الموجه هعيد الجمله مره ثانيه علشان المفروض تكون في حته معينه هي اللي مش واضحه الموجات هي اضطرابات بتحصل في وسط او بدون وسط وبتكون عباره عن عمليه نقل للطاقه في نفس اتجاه انتشار الموجه لو ركزت صديق غالبا هتلفت نظرك جمله في وسط او بدون وسط المره دي انت بنفسك عينت يعني انتقال الموجات في وسط اما الموجات اللي بتتنقل من غير الحاجه لوجود وسط فهي اللي اتكلمنا عليها في سلسله حدوته فيزياء الكم من الصفر والموجات دي بتاعه سلسله الكم بتسمى الموجات الكهرومغناطيسيه واللي قلنا ان كتير منها بيجي لنا من الشمس والفضاء بصفه عامه وطبعا الفضاء معروف انه مش وسط فيزيائي يبقى الموجات الكهرومغناطيسيه بتتنقل بدون وسط اما الموجات اللي عملناها في التجارب فبتسمى الموجات الميكانيكيه وزي ما شفت فهي بتحتاج لوسط علشان تظهر وتتنقل فيه والموجات الكهرومغناطيسيه دي هيلطف الكهرومغناطيسي للضوء يبقى الموجات الكهرومغناطيسيه بتتنقل بدون وسط اما الموجات اللي عملناها في التجارب فبتسمى الموجات الميكانيكيه وزي ما شفت فهي بتحتاج لوسط علشان تظهر وتتنقل فيه لكن الموجات الكهرومغناطيسيه هي مجرد اشعاع والاشعاع ده بيكون مكون من مجال كهربي ومجال مغناطيسي وبتقوم المجالات دي بدور الوسط لانها بتهتز وبتخلي الموجه تنتشر في اتجاه عمودي عليهم بس كده متشكرين لمجموعه التجارب الاولى اللي عرفتنا النوعين بتوع الموجات المجموعه الثانيه من التجارب بقى هنتعلم منها مفهومين او ظاهرتين في غايه الاهميه وانا عايزك يبقى عندك صبر علشان ممكن يتهيا لك في البدايه ان الظاهرتين دول ما لهمش علاقه ببعض بس في النهايه تكتشف مدى الارتباط اللي بينهم واهميتهم عموما التجربه الاولى مش مستبعد ان بعضكم يكون عملها بالفعل النهارده انت مطلوب منك تجيب كوبايتين واحده هتسيبها فاضيه والثانيه تملاها بميه او اي نوع من السوائل وبعدين حاول انك تصب الميه من الكوبايه المليانه للكوبايه الفاضيه ولو ما كنتش سريع وحريف يبقى هتعمل زي اصحابنا اللي قدامك الميه غالبا هتقع وتغرق مكان وهي كده بس التجربه سيب بقى التجربه دي كده في دماغك على جنب وهنرجع لها كمان شويه تعالى نعمل واحده ثانيه ابسط من التجربه اللي فاتت هتجيب شمعه تولعها وتحط قدامها حاجز منحني وليكن مثلا ازازه مدوره كل اللي مطلوب منك انك تنفخ ببوقك على الاقزازه اللي واقفه ساتر قدام الشمعه ورغم ان المنطق بيقول ان الاقزازه المفروض انها تحمي الشمعه من الهواء الا انك هتلاحظ ان لهب الشمعه بيتاثر واحتمال يطفي كمان خز هزن بقى الظاهره اللي شفتها في ذهنك وتعال نغير الوسط ونستخدم الميه التجربه اللي هنعملها على فكره ممكن تتعمل برده في الهواء بس هو هيبقى صعب انك تلاحظها علشان لازم تعمل اعدادات بصريه معينه فخلينا نعملها على وسط الميه وهتدي نفس النتيجه هات بقى حاجه مناسبه واملاها ميه وهات كمان كره ومعاها مصدر هواء ممكن بلور او مثلا سشوار الشعر هيبقى اسهل من خرطوم الميه والبهدله احنا عايزين بس نزق الميه بهوا السشوار او دفع الميه من الخرطوم ولو استعملت استشوار زي الراجل ده وزقيت الميه في حته بعيده عن الكوره هتلاحظ ان الميه بتتحرك بصوره طبيعيه وبشكل يبدو مستقيم بس لو قربت السشوار وخليت جزء من الهواء اللي طالع منه يخبط في الكره الاول يعني كانك خليت الكره تحمي الميه شويه وتبقى ساتر زي الازازه اللي كانت قدام الشمعه كده هتلاحظ ان الميه اللي بتتزق من الهواء بدات تنحني حوالين الكوره او ممكن نقول ان الهواء انحنى حوالين الكوره وزق الميه الموجوده ورا الانحناء تعالى بقى دلوقتي نشوف تفسير الكلام اللي فات ده كله ايه في التجربه الاولى لما حاولنا نملى الكوبايه الفاضيه من الكوبايه المليانه الميه كانها انحنت وفضلت لازقه في الكوبايه المليانه يعني كانها برده ما حبتش تقع على طول في الكوبايه الفاضيه في التجربه الثانيه بتاعه لهب الشمعه والاقزازه اللي قدامها لما نفخنا على الاقزازه اللي كانت عباره عن ساتر للشمعه الهواء اثر على الشمعه كانه طلع من فوق الاقزازه ونزل عليها من الناحيه الثانيه يعني برده كان الهواء انحنى حوالين الازازه ووصل للشمعه في التجربه الثالثه كمان لما حطينا كوره قدام الهواء الهواء لف حوالين الكوره وراح زق الميه بزاويه منحنيه او محدبه باختصار بقى صديق التجارب البسيطه دي ادت لفهم ظاهره غايه في الاهميه هقول مؤقتا على اسمها وهنرجع لها كمان شويه بتسمى بكوندا ايفيكت او تاثير كوندا تكريما لمكتشفها المهندس الروماني هنري كوندا وطبعا هقول لك على التطبيقات بتاعه الظاهره دي بس كمان شويه لما نفهم الظاهره الثانيه انا قلت لك هنعمل شويه تجارب هنتعلم منهم مفهومين او ظاهرتين مرتبطين ببعض فتعال بقى نكمل التجارب علشان نفهم الظاهره الثانيه هنجيب حته ورق صغيره علشان تكون خفيفه لاننا هنستعمل برده الهواء اهم حاجه قبل ما تنفخ في الورقه خليها منحنيه زي ما صديقنا عامل امسك طرف الورقه بشكل منحني وانفخ فوقيها هتلاحظ ان النفخه بتاعتك عملت نتيجه عكسيه ورفعت الورقه لفوق بدل ما تنزل لتحت طب قبل ما نعمل التجربه اللي بعدها خليني يا صديق اسالك سؤال بسيط لو انا جبت مصدر هواء قوي زي البلاور مثلا وسلطته على بالونه تفتكر هيحصل ايه؟ مش المنطق بيقول ان الهواء القوي ده هيبعد البالونه لبعيد معلش انا عارف ان السؤال والتجارب كلها بسيطه النهارده بس اصبر للاخر وانت هتنب لما تعرف اللي طلعنا بيه من البساطه دي ركز بقى في المقطع اللي قدامك وشوف اللي حصل اهو الدكتور اللي ماسك في المحاضره بلاور قد المدفع ده بيوري لك النتيجه الهواء في منتهى القوه والبالونه واقفه ومتثبته في مكانها وحتى لو حاولت تميل الهواء شمال شويه او يمين شويه برده البالونه مش هتبعد يعني مش زي ما المنطق بيقول ان الهواء هيبعد البلونه اديها صديق الظاهره الثانيه وبتسمى برنولي برنسبل او مبدا برنولي برده على اسم مكتشف فها الفيزيائي السويسري دانيل برنولي بتنص الظاهره دي على ان ضغط المواقع بيقل مع زياده سرعه تدفقها وبيزيد ضغطها مع تناقص سرعه التدفق خلينا بقى نقول الكلام ده بصوره اسهل اولا اوعى تكون ناسي ايه هي الموائع الموائع يا صديقي بتعرف على انها المواد القابله للانسياب وكمان بتقدر تاخد شكل الانحناء اللي بيحتويها يعني بالبلدي بتبقى حاجه مايعه مش ثابته ولا ناشفه وعموما علشان ما تلخبطش نفسك اهم المواقع هم الميه والهواء المهم لو فسرنا تجربه الورقه المنحنيه اللي نفخنا فيها فطلعت لفوق بدل ما تنزل لتحت او حتى البلونه اللي فضلت ثابته رغم اننا بنزقها بهوا بلور قوي هنلاقي اننا لما خليناع تحديدا الهواء يبقى سريع في واحد من الجوانب فتبعا لمبدا برنولي فاحنا قللنا الضغط في الجانب ده تحديدا يعني بعباره ثانيه الضغط في الحته المقابله او العكسيه بقى اقوى وهو ده اللي خلاها تغلب على سرعه تدفق الهواء نفس الكلام بينطبق على حته الورقه اللي نفخنا فيها احنا سرعنا الهواء فوقيها يعني قللنا الضغط وكانت النتيجه ان الضغط تحت الورقه بقى اقوى ورفعها كده تقريبا انا فسرت مبدا برنولي قبل تاثير كواندا لكن الحقيقه ان مبدا برنولي ما كانش هيشتغل اساسا من غير تاثير كواندا لو فاكر التجارب اللي عملناها بتاعه الشمعه اللي بتطفي من ورا الازازه واللي الهواء فيها كان حابب انه يعمل الكيرف الغريب ده وينحني فوق الازازه او برده التجربه بتاعه الميه اللي بتقع لما نملى كوبايه ثابته من كوبايه مليانه واللي كان الميه برده كانت حابه تفضل متعلقه بالكوبايه المليانه اللي بتصب السائل هتقتنع مبدئيا ان تاثير كواندا ده ليه اسم ثاني وهو الول اتااتشمنت ايفيكت او ظاهره التعلق بالجدار تاثير يا صديقي او ظاهره التعلق بالجدار ببساطه بتقول ان المواقع بتميل دايما للحركه المنحنيه لما بيكون في فرصه بدل من السير في خط مستقيم اما الربط بين تاثير كواندا ومبدا برنولي يا صديقي فاللي ممكن يفهمه لك اكت درس صغير في الطيران الطياره بترتفع عن الارض وقت الاقلاع بسبب ان الضغط فوق الجناح بتاعها بيكون اقل من الضغط تحت الجناح علشان كده قوه الضغط تحت الجناح بترفع الطياره لفوق وكل الكلام ده طبعا ما كانش هيحصل لو لا فهم مبدا برنولي ومبدا كوندا علشان نقدر نصمم عن طريقهم اجنحه الطيارات المصانع صديقي بتصنع اجنحه الطياره بصوره منحنيه او محدبه نسبيا والانحناء الموجوده في الاجنحه دي هي اللي بتخلي الهواء يلزق في الجناح والهواء اصلا بيتعلق في الجناح بسبب ظاهره التعلق بالجدار او تاثير كواندا فالطياره لما بتجري في ممر امار الاقلاع بتتعرض للهواء السريع والهواء لما بيلاقي الحته المنحنيه بيلزق فيها اما الحته المقابله فالهواء بيمر بسرعته الكبيره واختلاف سرعه الهواء ده بيؤدي لاختلاف الضغط تبعا لمبدا برنولي يعني بيكون ضغط الهواء فوق الجناحين اقل من الضغط تحتهم وده اللي بيخلي الهواء يشيل الطياره تجارب في منتهى البساطه صحيح بس في النهايه بتقوم عليها صناعه الطيارات بالكامل يا ترى بقى كم واحد حاسس ان في حاجه غريبه لما حاول يصب الشاي من كوبايه لكوبايه هل في حد فكر فيكم قبل كده ان الموضوع ده وراه ظاهره فيزيائيه وبيتم استخدامها كمان في تصميم الطيارات؟ هستنى اشوف رايكم في الكومنتات ولو وصلت لحد هنا يبقى اكيد الفيديو عجبك فما تنساش تعمل لايك وكالعاده سيب لكم المصادر تحت الفيديو في الديسكربشن واشوفكم قريب على خير في فيديو جديد ومفيد ان شاء الله