شرح درس جغرافية التنمية ومجالاتها جغرافيا تانية ثانوي مع مستر إسلام حسن

بص يا صديقي انا جاي اسير الجدل واقول لك ان منهج جغرافيا تانيه ثانوي كامل متوقف على تاسيسك خمس دقايق في حلقه النهارده منهج جغرافيا ثانيه ثانوي هي اسهل جغرافيا حرفيا من اولى اعدادي لكن عشان تقفلها محتاج خمس دقاق تتاسس في منهج جغرافيا ثانيه ثانوي بالتحديد يلا بينا نذاكر الخمس دقائق دول وبعدين ندخل في درسنا يلا بينا بص يا صديقي الخمس دقاق اللي جايين دول انا هاسك في منهج جغرافيا ثانيه ثانوي تفهم ايه اللي حصل عشان تعرف تستوعب المنهج كله. بص الدول دول العالم من 30 سنه كانت بتهتم بالتنميه الاقتصاديه. يعني ايه؟ يعني الدول كانت بتهتم بانشاء المصانع، انشاء الشركات بغض النظر المصنع او الشركه ده بيفيد البيئه ولا بيضرها؟ اللي حصل كما انت توقعت ان المصانع والشركات عملت ضرر كبير جدا للبيئه. الدول عبت فلوس جامد ولكن للاسف اتلاقت ان الفلوس دي مش هتقدر تعوض الضرر اللي حصل في البيئه. فالدول بدا مخها والوعي بتاعها يزيد باهميه البيئه الفلوس مهمه لكن انا ممكن اعيش من غير فلوس البيئه مهمه استحاله تعيش من غير البيئه فعلى طول الدول بدات تشوف العيوب اللي عملتها المصانع وبدات تحلها انا عايز اقول لك ان انت كده اتاسست في منهج جغرافيا ثانيه ثانوي طب اتهزر يا مستر والله بتكلم بجد كده تم تاسيسك بالكامل في منهج جغرافيا ثانيه ثانوي يلا بينا نبدا في الجد بسم الله بص يا صديقي مقدمه الجغرافيا جغرافيا التنميه هي دي منهجك في جغرافيا ثانيه ثانوي المقدمه بتقول ان العالم اخر 30 سنه كان بيهتم بالتنميه الاقتصاديه الدول كانت بتبني مصانع شركات منشات غالبا بتضر البيئه الدول كانت بتهتم بالتنميه الاقتصاديه بغض النظر عن الضرر البيئي الناتج عنه وده ادى لازمات بيئيه خطيره ايه يعني يا مستر اللي حصل يعني تلوث بيئي اسمع الاخطار اللي حصلت تقلص مساحه الغابات مستر مصر اصلا ما فيهاش غابات يبقى انا بقى بره عني الموضوع ده افهمك الغابات بالنسبه للانسان هي المصدر الرئيسي المصدر الاول للاكسجين في العالم واح اه والله الانسان بيتنفذ اكسجين الاكسجين بيجي من الاشجار والاشجار دي بتكون موجوده بكثافه في الغابات فلما تقل مساحه الغابات ايه اللي هيقل غاز الاكسجين هيقل في العالم ارتفاع درجه حراره سطح الارض انت بتكون عايش لي في القاهره او في الجيزه وتقول لي ايه دول التكييف بموت الجو حر شغال لي التكييف يا بنت شغل الهوايه ما بالك انت باب اللي عايشين في الصحراء واللي عايشين في وسط افريقيا واللي عايشين في اسوان والاقصر درجه الحراره بتوصل ل 55 انت ب 45 بتفرهض فارتفاع درجه حراره سطح الارض مش فكره ان الانسان يشغل تكييف في جليد موجود عند القطبين الجليد ده بسبب ارتفاع درجه حراره سطح الارض لو حصل فيه ذوبان للجليد هيحصل صل فيضانات مدمره وصباح الفل ذوبان الجليد ده حرفيا مش ممكن فيضان عادي ده فيضان مدمر ده غير فقدان التنوع البيئي يعني ايه يا مستر فقدان التنوع البيئي يعني في حيوانات معينه معرضه للانقراض تخيل ان الفيل الفيل حاليا معرض للانقراض و مستر انت بتتكلم بجد اه والله الفيل حاليا من الحيوانات المعرضه للانقراض بسبب الانسان نقص الموارد غير المتجدده يعني عندك على سبيل المثال النفط اللي هو البترول الفحم الغاز الطبيعي اللي هي الموارد غير المتجدده لو الانسان استنزفها جامد عشان يشغل المصانع الموارد دي مش هتلاقيها موجوده في دولتكاني فدولتك مش هيكون ليها لازمه وده بجد تلوث الماء والهواء صديقي احب اقول لك ان شويه الكوارث اللي انا اتكلمت عليهم دول دول هم دول اساس منهج التنميه الاقتصاديه التنميه الاقتصاديه بشكل غير واعي كل هدفك الفلوس تبني مصنع تشغل المصنع هيحصل كل ده طب يا مستر ما طبيعي ان المصانع موجوده في اي دوله خد بالك في مصانع مش بتضر البيئه وده هو هدف منهج جغرافيا ثانيه ثانوي يقول لك ايه المصانع ايه الحاجات اللي تستخدمها عشان تفيد البيئه او تضرها يلا بينا نبدا بسم الله بص يا صديقي منهج جغرافيا تانيه ثانوي اسمه جغرافيه التنميه يعني ايه كلمه التنميه التنميه ده مفهوم بدا يظهر في ستينات القرن العشر تحديدا بدا يظهر سنه 1960 في التاريخ ده بالمناسبه انا كاتبه لك في المذاكره بتاعتنا اللي انت بتتلاقيها في قناه الواتساب قناه الواتساب دي بينزلك عليها امتحانات مراجعه نهائيه عروض للمنصه بتاعتي والمذاكره بتاعتك كمان مجانيه فستينات القرن ال اللي هو تاريخ 1960 تحديدا في التاريخ ده يا بطل الانسان بدا يفكر في مفهوم التنميه فاول ما فكر فكر في الفلوس قال لك انا هخترع مفهوم التنميه الاقتصاديه بدا المفهوم ده اللي هو مفهوم التنميه الاقتصاديه في الظهور اولا في علم الاقتصاد يعني كان في تنميه اقتصاديه لا كان اسمه علم الاقتصاد فمن علم الاقتصاد اتولدت التنميه الاقتصاديه وبدا الانسان يركز على التنميه الاقتصاديه يبني مصانع يبني شركات بهدف استثمار الموارد الاقتصاديه المتاحه عندي بترول كتير ابني له مصانع كتير وحسن توزيع العائد لما هص صدر البترول هيجي لي فلوس اوزعها على الناس مستر بس في حاجه انت قلت لما هيجي لي فلوس هوزعها على الناس ما دي حاجه كويسه خد بالك الفلوس اللي بتيجي من ورا ضرر البيئه انت ما بتصرفهاش غير علشان الادويه الانسان اللي بيعيش في بيئه نظيفه الامراض بتقل فيها تخيل معايا كده ان انت بتشتغل في مكان عرضه للتلوث بيئه ملوثه لكن بتقبض بالدولار طب ما الفلوس اللي انت هتجيبها هتصرفها على العلاج فلا الانسان بدا يفكر في حاجه احسن الانسان اخترع حاجه اسمها التنميه البشريه الانسان قال لك ايه الاله دي الجهاز دههو انا اشتريته بملايين الدولارات عم اسلام كان هو اللي بيعرف يشغله عم اسلام مات او كبر في السن بقى يقعد في البيت الاله دي مين اللي هيشغلها ما حدش بيعرف يشغل الاله اله غير عم اسلام هنعمل ايه؟ فبدا الانسان يفكر في حل الالات دي محتاجه مهندسين محتاجه صنايعيه يشتغلوا عليها فالانسان فكر في مصطلح اسمه التنميه البشريه بدل ما هطور في المصانع انا هطور في التعليم بدل ما انا هطور في الشركات انا هطور في الانسان اللي بيشتغل في الشركه لان الانسان هو اللي هيخلي شركتك متقدمه او تحت بين السلم بمعنى تطور مفهوم التنميه اللي هو مفهوم التنميه الاقتصاديه ده حصل في تطور لكي يتسع ويشتمل على الجانب البشري ايضا فالتنميه ما بقتش تنميه اقتصاديه بقت تنميه اقتصاديه زائد بشريه حيث قدرات الفرد ومستوى المعيشه اصبحت التنميه البشريه الى جانب التنميه الاقتصاديه فالتنميه البشريه دي بتركز على ايه؟ بتركز على قدرات الافراد الانسان بدل ما يعرف يشتغل بالفاس والمنقره يشتغل بايه؟ بالمكن بدل ما كان بيشتغل بحاجات بدائيه بيشتغل بتكنولوجيا حديثه مستوى المعيشه بتاع الانسان بدل ما يعيش في بيئه مليانه امراض وما يقدرش يشتغل نعيشه في بيئه كويسه عشان يقدر يشتغل فبقت التنميه الاقتصاديه الى جانب التنميه البشريه هم الاثنين مهمين لان البشر هم الثروه الحقيقيه لاي امه بمعنى لو قلت لك دلوقتي دوله معينه دوله متقدمه اكيد هتتلاقي نسبه العلماء فيها مالها كتير بالظبط طيب دوله متقدمه نسبه الاطباء مالهم كتير طب دوله متقدمه نسبه الجهله اللي هو ما بيعرفش يقرا ولا يكتب كتير ولا قليله؟ قليله فبالتالي البشر الانسان هو يعتبر الثروه مش البترول هو الثروه الانسان اللي بيستخدم البترول هو ده الثروه كلام جميل كده احنا نقدر نقول احنا فرشنا حرفيا فرشنا جغرافيا ثانيه ثانوي بنبدا حاليا في الجد مفهوم التنميه مع زياده وعي الدول والمؤسسات باهميه البيئه لما الدول والمؤسسات شافت ان الانسان خرب البيئه ظهر مفهوم جديد للتنميه يعني كان عندي اقتصاديه اول حاجه ظهرت الاقتصاديه بعدين ظهرت البشريه بعدين بيقول لك هنا ظهر مفهوم جديد للتنميه اسمه ايه بقى؟ اسمه التنميه المستدامه الكلمه دي هي دي اساس جغرافيا ثانيه ثانوي التنميه المستدامه التنميه المستدامه اولا معناها ايه؟ معناها نبدا بالمعنى الاول وبعد كده نخش في الاهداف معناها جهود منظمه تبذلها اي دوله جهود منظمه يعني بنحط خطه طالما جهود منظمه يبقى وفق تخطيط تمام طالما في نظام يبقى في خطه الخطه دي بتكون معموله مسبقا للتنسيق بين الامكانات البشريه والموارد الطبيعيه انا حاليا عندي موارد طبيعيه مثلا 1 كيلو بترول يبقى الوا كيلو بترول هنعمل له مصنع يشتغل فيه 100 عامل بس ما يبقاش مصنع في قلبيه 1200 عامل لا انا عندي موارد بشريه عدد سكان كذا وموارد طبيعيه كذا ابقى عارف الخطه بتاعتي همشي ازاي ماشي ليه؟ لتحقيق اعلى مستوى من الدخل القومي هجيب لك فلوس وتحقيق رفاهيه للمواطنين للانسان مع الحفاظ على الموارد الطبيعيه يعني التنميه المستدامه بتحقق لك دخل قومي الفلوس ماشي اللي هي بتاعه التنميه الاقتصاديه رفاهيه للمواطنين بتاعه التنميه البشريه وكمان بيتحافظ على الموارد الطبيعيه يعني بيتحافظ فظ على البيئه قصدك يا مستر انه التنميه المستدامه دي بتعمل 3لاه في واحد جدع شاطره هم دول بقى الحته دي بصي رقم واحد تلبيه حاجات الجيل الحاضر اللي هو انا وانت دون التضحيه بحقوق الاجيال القادمه بمعنى دوله مصر مثلا بقول مثلا عندها 100 كيلو نفط اللي هو البترول تمام لو مصر خلصت ال 100 كيلو دول انا وانت هنتدلع هنعيش احلى عيشه العربيات والمستوى المعيشه هيعلى الاب ده هيعلى لكن غالبا ابني وابنك حفيدي وحفيدك هيعيشوا عيشه زي الزفت ليه؟ لان الدوله صرفت كل النفط عليا وعليك التنميه المستدامه بتقول يا جماعه احنا هنلبي حاجات الجيل الحاضر هنديهم البترول اللي هم عايزينه دون التضحيه بحقوق الاجيال القادمه البترول بتاع الاجيال اللي جايه في الحفظ والصين الهدف بتاع التنميه المستدامه الوفاء بحاجات البشر مع الحفاظ على الموارد البشريه والطبيعيه شوف انت عايز نفط عايز بنزين اه هنعمل لك مصنع يشتغل بالبنزين وفي نفس الوقت هنحافظ على الموارد الطبيعيه ومحاوله الحد من التدهور البيئي شفت المشاكل البيئيه اللي انا رصيتها من شويه التنميه المستدامه بتحلها والتوصل ولتحقيق ذلك يجب التوصل الى التوازن بين التنميه الاقتصاديه والبشريه من ناحيه يكون عندي تنميه اقتصاديه وبشريه وفي الناحيه الثانيه حمايه الموارد البيئيه يعني ايه بتعمل المصانع ولكن المصنع اللي بيطلع دخان بيضر البيئه ما يلزمنيش انا عايز تحط فلاتر على المصانع عشان الهواء المضر ما يجيش في الجو ما يضرش البيئه ده هو دي التنميه المستدامه فبتوفر لك الحاجات للانسان وفلوس وبيئه طب ما كلام جميل يا مستر طب ما نعمل تنميه مستدامه ما هو ده بقى المنهج بتاعك بيقول لك ازاي نعمل تنميه مستدامه بص بدايه كده التنميه المستدامه دي في حاجه اسمها دخل القومي قريناها قلنا تحقيق اعلى مستوى من الدخل القومي يعني ايه دخل قومي هي الفلوس بتاعه الدوله القبض اللي بيجي للدوله مجموع المبالغ الفلوس والايرادات التي تحصل عليها الدول من القطاعات الاقتصاديه المختلفه غالبا ما تكون عام بمعنى الدخل القومي ده الدخل بتاع الحاج لابوك مثلا بقول مثلا 5000 جنيه في الشهر بيشتغل في ايه؟ بيشتغل في مصنع الدوله القبض بتاعها بيكون قد ايه؟ القبض بتاع الدوله اسمه الدخل القومي تمام القبض بتاع الدوله ما اسمهوش الدخل والدك فلوسه اللي بيجيبها اسمها دخل لكن الدخل بتاع الدوله اسمه الدخل القومي عشان حاجه كبيره ده عباره عن قطاع السياحه والزراعه والصناعه والتجاره والاثار كله بنلمه كده في بعضه ونشوف جالنا كام يبقى ده اسمه الدخل القومي مجموع المبالغ الفلوس والايرادات اللي بتحصل عليها الدول من القطاعات الاقتصاديه المختلفه الزراعه الصناعه التجاره السياحه الكلام ده كله في فتره ما تكون عام يعني قبض الحاج ابوك بيكون بالاسبوع او بالشهر لكن القبض بتاع الدوله بالسنه ماشي هنكمل مبادئ التنميه انا حاليا عشان اعمل تنميه مستدامه محتاج ايه محتاج ثلاث مبادئ اكتب عندك ان الحاجات دي هتجيلك في الامتحان 2026 لو ما جتش ما تاخدش معايا في الترم الثاني ومالكش دعوه بيه في ثالثه ثانوي الحاجات دي دايما بتيجي في الامتحان الثلاثه دول هيجوا في اي امتحان امتحان سواء كان امتحان القدرات سواء كان امتحان المدرسه امتحاناتي امتحانات حتى اخر السنه الثلاثه دول مهمين مبادئ التنميه انا علشان اعمل تنميه مستدامه محتاج ايه اول حاجه الشموليه يعني ايه الشموليه بمعنى انها تشمل كل جوانب الحياه في الدوله يعني بص انت هتعمل تنميه مستدامه اه مين اللي هيعملها اصح مين الدكتور المهندس س محامي المدرس عامل النظافه من اقل وظيفه لاعلى وظيفه الشموليه يا باشا القطاع الخاص القطاع الخاص مثلا زي مدارس الخاصه مع المدارس الحكوميه انتوا الاتنين تتعاونوا لازم يكون في تعاون تشمل كل جوانب الحياه في الدوله قطاع حكومي وقطاع خاص يعني انا عايز كل الدوله تتحد وتتعاون مع بعضها بص هنا كاتب لك لو قال لك قطاعين قطاع حكومي وقطاع خاص اختار الشموليه يعني على سبيل المثال لو قال لي كده تعاون وزاره الصناعه وزاره الصناعه قطاع حكومي بصي اي وزاره قطاع حكومي تعاون وزاره الصناعه مع مصنع عز او حديد عز حديد عز مصنع لفرد يعني مصنع خاص فلما الوزاره تتعاون مع حاجه خاصه اسمه الشموليه هتلاقي بيقول لك حاجه حكومي وحاجه خاص ما تقلقيش هدربك عليها في حصه الاسئله او لو قال لك حاجه تشمل اطياف المجتمع ساعتها نختار الشمولايه لو قال لك مثلا هو مبدا من مبادئ التنميه يشمل كل افراد المجتمع يبقى اسمه مبدا ايه الشموليه في مبدا تاني اسمه مبدا التكامل يعني ايه مبدا التكامل؟ بمعنى ان تهتم بالقطاعات المختلفه في الدوله حيث لا ينمو قطاع على حساب قطاع اخر يعني مثلا لو قلت لك انا معايا 1000 جنيه انا معايا 1000 جنيه تستثمرهم في قطاع الصناعه ولا قطاع الزراعه؟ برافو عليك قلت قطاع الصناعه عشان الصناعه فعلا هي اللي بتجيب لي فلوس اكبر الكلام ده كله غلط ليه معاك 1000 جنيه التكامل بيقول لك تدي 500 للصناعه وتدي 500 للزراعه ده اسمه التكامل لو انت اديت كل فلوسك في الصناعه يبقى الصناعه هتعلى والزراعه هتقل يبقى كده انت ما عملتش توازن مش احنا من الصبح بنتكلم في توازن لازم يكون في توازن فالتكامل بتقول لك لا ينمو قطاع الصناعه عندي صناعه كتير ومزدهره وصناعه وزراعه قليله لازم القطاعات تمشي مع بعض يكون في توازن جايب لك هنا ايه بمعنى ايضا تكامل قطاعين مثل الصحه وقطاع التعليم هيجي في السؤال يقول لك ايه مثلا تقوم وزاره الصحه بتطعيم الطلاب في المدارس شفتي وزاره الصحه ده قطاع الصحه بيطعموا الطلاب في المدارس ده قطاع التعليم فهتتلاقي في السؤال في قطاعين قطاع الصناعه والزراعه الصحه والسياحه الصحه والتعليم التعليم والزراعه هتتلاقي فيه حاجتين لو اتلقيتي حاجتين يبقى التكامل وزي ما عرفتك هدربك عليها في حصه الاسئله اطمني سواء على المنصه على المنصه بتاعتنا او حتى من طالبه اليوتيوب كمان الاستدامه الاستدامه دي بقى اسهل واحده فيهم كلهم الاستدامه دي تحقيق التوازن بين الحاضر والمستقبل اي حاجه في السؤال لو لمحت كلمه البيئه او المستقبل او الاجيال القادمه لو لمحت الثلاثه دول على طول اختار الاستدامه اي حاجه تفيدك بيها استدامه الاجيال القادمه استدامه المستقبل استدامه كل دول يخصوا الاستدامه ماشي يا مستر بص بقى ست كله علشان خاطر نعمل التنميه المستدامه لازم لنا متطلبات اه يا مستر فعلا انا شايفاها قدامك اهو حاطط متطلبات المتطلب الاولاني متطلبات سياسيه لازم يكون عندي استقرار سياسي او كلمه الدستور يعني لو شفت كلمه الدستور يبقى ده متطلب سياسي تمام هو انت عمرك شفتي دوله متقدمه عندها حروب لا الدوله المتقدمه بيكون عندها استقر قرار لازم يكون عندي متطلب اقتصادي فلوس يا مستر مش فلوس وبس راس مال وبحث علمي لازم يكون عندي عمال يعملوا ابحاث علميه تخيلي ان العمال متطلب اقتصادي عشان اللي هيقول لي عمال متطلب اجتماعي همسكه على باب السنتر العلماء او العمال متطلب اقتصادي فاضي ماشي امال ايه يا مستر المتطلب الاجتماعي لاثه تحفظيهم لصم تعليم وصحه وامن تاني المتطلب الاجتماعي تعليم وصحه وامن لو جالك في السؤال العلماء نقول له اقتصادي العمال اقتصادي طب لو قال لي نظام التابلت نظام التابلت ده حاجه تخص التعليم والتعليم يخص المتطلب بالاجتماعي لو قال لك زادت المستشفيات مستشفيات يبقى يعتبر مجال الصحه ومجال الصحه اجتماعي لو قال لك بقى ايه بصي انتشار مراكز الشرطه الشرطه ده يعتبر الامن مستر طب ولشرطه مش استقرار الاستقرار هو الدستور انا كاتبها لك جنبها اهو الاستقرار هو الدستور طب والشرطه الشرطه بتعمل لي امن الشرطه بتعمل لي امن بيقوللك ايه مديريه الامن مديريه امن القاهره مديريه امن الجيزه فالامن متطلب اجتماعي ولازم يكون عندي متطلبات بيئيه اللي هي ايه ترشيد الاستهلاك حمايه البيئه الكلام ده كله تمام دلوقتي بقى في حاجه عندي اسمها ايه العلاقه ما بين الجغرافي والتنميه بس بصي حاليا احنا من الفيديو قد ايه 25 دقيقه انا عايزك تاخدي نفسك راحه كده قبل ما احنا نخش في الجزئيه دي خلاص بصي احنا فاضل لنا دي صفحه ادي كمان صفحه ادي اثنين وكده نكون خلصنا الدرس بس معلش قبل الصفحتين دول ارتاحي خمس دقاق وبعد كده كملي وقفي الفيديو مش تقفلي اليوتيوب كله او تقفلي المنصه كلها لا دقيقتين ثلاثه كده اخد نفسي بعد كده اكمل تتحدي تحدي دي انت كملتي وما سمعتيش اللي انا قلته اه والله انا عارف انا بقول لك ايه ما العلاقه ما بين الجغرافيا والتنميه يعني ايه يا مستر الجغرافيا دي انهار هضاب تضاريس سهول انما ايه علاقتها بالفلوس والتنميه اقول لك بصي الجغرافيا بتدرس الاقليم الاقليم ده بصحه من الارض الجغرافيا بتدرس الاقليم ده من حيث الظروف الطبيعيه والظروف البشريه والعلاقه بينهم ماشي طب لما انا اقول لك ان قطعه الارض دي في قلبها بترول وقطعه الارض دي في قلبها عدد سكان 1000 نسمه التنميه بتقول لك ايه بقى؟ طب ما انا ممكن استخدم ال 1000 نسمه دول علشان خاطر يستوردوا البترول عشان خاطر يستخرجوا البترول ونعمل مصنع فهتتلاقي متخذ القرار اللي هو مثلا رئيس الدوله يعرف يحط خطه تنميه مثله انا دلوقتي واحد بتاع تنميه اجيب لك فلوس من الهواء لازم اقعد مع بتاع الجغرافيا بتاع الجغرافيا يقول لي انا عندي حته ارض تقريبا كده تحتها ابار بترول بتاع التنميه يقول لك ايه طب ما حلو ده طب ما نشوفها على طول فهتلاقي في ما بينهم علاقه بصي كاتب لك هنا توضيح الجغرافيا بتدرس خصائص المنطقه اللي هي الارض من حيث الطبيعه زي المناخ والاراضي والموارد الطبيعيه كمان حلو وكمان البشر زي توزيع السكان والانشطه الاقتصاديه الارض اللي فيها بترول الناس بتوعها بيشتغلوا في الزراعه اه يبقى مش هينفع يشتغلوا في البترول انا عايز ناس تشتغل في الصناعه فلازم اكون عارف الناس اللي بتشتغل في الارض دي تشتغل ايه في الصناعه هيساعدوني طب في الزراعه ممكن ما يساعدونيش ليه لان الزراعه محتاج ارض يزرع لكن انا لو هستخرج بترول محتاج ناس صناعيه فهمت الفكره لكن لو ارض زراعيه محتاج ناس تشغل في الزراعه طيب والعلاقه بين كل ده بتوضح ازاي كل حاجه بتاثر في الثانيه بمعنى مثلا تاثير المناخ على الزراعه او وجود موارد طبيعيه بيخلي فيه فرص للاستثمار يعني لو المناخ يساعد على نشاط الصناعه هنبني مصنع المناخ يساعد على نشاط الزراعه هنعمل ارض زراعيه لما نفهم الحاجات دي المسؤولين يقدروا يحطوا خطط تنمويه مناسبه تساعد في تطوير المنطقه بشكل متوازن وفعال بس كده خلاص كده انا وضحت لك الفرق ما بين الجغرافيا والتنميه ايه العلاقه بينهم ماشي فظهر عندي مفهوم اسمه مفهوم جغرافيا التنميه ايوه اللي عنوان درسنا جغرا جغرافيا التنميه هي فرع من فروع الجغرافيا البشريه بتهتم بدراسه الموارد المتاحه اللي موجوده في الارض والكشف عن امكانيات ومعوقات استغلالها مثلا جغرافيا التنميه بتقول لي انا عندي حته ارض في قلبها بترول جغرافيا التنميه تقول لك ايه الارض دي في قلبها بترول هتقدري تستغليه ازاي الكشف عن امكانيات استغلاله هقدر استغله ازاي؟ محتاج وينش من النوع الفلاني محتاج عمال ومهندسين فلانيين طيب معوقات استغلاله البترول يا جماعه موجود تحت بيت الراجل ده اتفقوا مع الراجل ده تشتروا له بيت غير بيته فلازم جغرافيا التنميه تقول لك الميزه والعيب تمام ليه بقى يعني ليه تقول لي الميزه والعيب من اجل اداره الموارد وتنميتها بهدف توفير بيئه مناسبه لتحقيق جوده حياه افضل. بصي بقى علشان خاطر نعمل جغرافيا تنميه في البلد لازم نكون عندنا خطه فالتخطيط هو عباره عن اسلوب علمي لتغيير اوضاع راهنه غير مرغوب فيها انا دلوقتي واحد ما بذاكرش واحد ما بذاكرش اول حاجه بعملها ايه لما اقول ان الامتحانات داخله عليا بعمل خطه بعمل جدول الجدول ده اسلوب علمي بيهدف لتغيير الاوضاع الحالي اي خطه انت بتعملها بتعملها عشان خاطر تغير الوضع الغير مرغوب فيه انا مش حابب ابقى فاشل مش حابب مستر كل حصه يطردني عشان مش مذاكر اعمل ايه بعمل خطه الخطه ان انا النهارده هذاكر الصفحه دي وبكره الجزء ده وبعده هحل عليه دي اسمها خطه تمام الخطه بتتعمل لحل مشكله ما في فتره زمنيه محدده بهدف استثمار الموارد من اجل مستقبل افضل ده التخطيط في حاجه بقى عندي اسمها اداره الموارد هي مجموعه عمليات متتاليه لو شفت في السؤال كلمه متتاليه اختاري اداره الموارد وانت مغمضه لانها عمليه متسلسله ورا بعضها متتاليه تهدف لاستثمار الموارد الطبيعيه والبشريه من اجل تحقيق الاهداف ايه هي الاهداف تحقيق جوده حياه افضل هي دي الاه كلام جميل دلوقتي بقى احنا هناخد اخر حاجه وهي مجالات جغرافيا التنميه ايه هي المجالات اول حاجه مجال تنميه الموارد البيئيه الحفاظ على البيئه فعندك دراسه موارد البيئه وادارتها زي اصدار قانون حمايه البيئه لو قاللك مثلا سن قوانين سن قانون حمايه البحار يعني مثلا بيكون في سفن بترول معديه في البحر بترمي بترول فاسد في البحر تقوم جغرافيا التنميه تقول لا ده انا عامله قانون بيحمي البيئه ويجب الالتزام بها في حمايه المشروعات اي شيء يخص البيئه والتوازن اي حاجه بتحمي البيئه يبقى تنميه الموارد البيئه بيئيه ما تقلقيش انا جايلك من اخر الطريق بقول لك ان تنميه الموارد البيئيه دي انت هتختاريها كده اي حاجه علاقه بالبيئه اي حاجه بتحمي البيئه مثلا سن قوانين حمايه الاسماك الاسماك من البيئه سن قانون حمايه الكسبان الرمليه من البيئه اي قانون بيحمي البيئه او عناصر البيئه تنميه الموارد البيئيه وانت مغمضه رقم اثنين التنميه البشريه اي حاجه تخص الانسان تنميه القدرات البشريه وتوظيف هذه القدرات في ايجاد فرص عمل يعني الجغرافيا التنميه تقول لك ايه مش انت عندك ارض محتاجه تستثمريها يا مصر اه انا محتاجه العمال المصريين يشتغلوا في الارض دي فبتوفر لهم فرص عمل ملائمه للتدريب اي شيء عائد على الانسان اي حاجه عائده على الانسان تنميه بشريه اي حاجه طيب التنميه الاقتصاديه الفلوس زياده الانتاج انا دلوقتي لو قال لك ايه قامت مصر بزياده انتاج محصول القمح طبقا لمجال تقولي لي مجال التنميه الاقتصاديه ليه لانها زودت من الانتاجاني قامت مصر بزراعه محصول القطن لزياده الانتاج الثانوي تعبر العباره عباره عن مجال من مجالات جغرافيا التنميه مجال التنميه الاقتصاديه لانه بيزود الانتاج البشري واستخدام الموارد المتاحه ليه؟ علشان خاطر الموارد البشريه دي تقدر تستغل الاقتصاد تقدر الموارد البشريه تستغل وتكبر من الاقتصاد هعملها ازاي من غير موارد يلزمني موارد استنباط اساليب انتاج جديده ودي دي اسمها الهندسه الوراثيه ده مكتوبه اصلا طب تمام اهي الهندسه الوراثيه في المجال الزراعي تقولي لي تنميه بشريه وانت مغمضه الهندسه الوراثيه دي انا بعملها عشان خاطر تزود لي المحصول انا عندي شكاره رز شوكاره الرز دي ممكن تزرع فدان لو عملت لها هندسه وراثيه ممكن تزرع فداني وبس كده يا ابطال ولله الحمد في قد ايه في 35 دقيقه نكون خلصنا درس التنميه وتاسسنا في ماده جغرافيا ثانيه ثانوي الحصه اللي جايه لنا معادنا مع ايه بقى بالنسبه لطلبه المنصه طلبه المنصه حصه الحل بتنزل لكم اكبر وبتنزل في نفس الوقت فبتكون السرعه على المنصه بتسبق اليوتيوب فلو انا منك الصراحه مبلغ الاشتراك في المنصه قليل اساسا في المنصه وابقى مع مستر يتابعني اول باول بنحل كتير اسئله محافظات واسئله ورش حل تمام يا باشا مستر طب حاب في المنصه كلمني على رقم الواتساب اللي ظاهر قدامك ده اللي هو الاشتراك في منصه المستر وانا اقول لك العروض المتاحه وبس كده يا سيدي والسلام عليكم ورحمه الله