جمهورية الهند للصف الثالث الاعدادى جغرافيا الترم الثانى

السلام عليكم ورحمه الله وبركاته اهلا بكم سنه ثالثه اعدادي في قناتكم ذاكرلي اون لاين ازيكم عاملين ايه يا رب تكونوا بخير هنشرح النهارده الدرس الاول في الوحده التانيه في الجغرافيا وهو درس بعنوان جمهوريه الهند قبل ما نبدا في الشرح ينزل ادعمنا باللايك الجميل والاشتراك في القناه علشان تتابع كل فيديوهاتنا اول باول دوله الهند يا شباب بتعتبر من الدول الناميه يعني من الدول اللي في طريقها للنمو زي ما انتم شايفين كده ده موقع الهند على خريطه العالم وهنعرف مع بعض دلوقتي موقعها الفلكي وكمان موقعها الجغرافي بالنسبه للموقع الهند الفلكي يا شباب فهي بتقع باكملها شمال دائره الاستواء بين دائرتي عرض ثمانيه وخمسه وتلاتين درجه شمالا وكمان بتقع باكملها شرق خط الطول الرئيسي اللي هو خط جرينتش يعني بين كم وكام يا مستر ما بين 68 و97 درجه شرقا اهم حاجه يا شباب تعرفوها في الموقع الفلكي ان الهند بتقع باكملها شمال دائره الاستواء وكمان بتقع باكملها شرق خط الطول الرئيسي طيب ده كده بالنسبه للموقع الفلكي طيب والموقع الجغرافي يا مستر زي ما احنا عارفين طبعا ان الهند بتقع في قاره اسيا طيب بصوا معي كده على الخريطه يا شباب بيحد الهند من الشمال ثلاث دول وهم نيبال هنا كده وبوتان اللي موجوده هنا كده وكمان الصين يعني شمال الهند في ثلاث دول هم نيبال وبوتان والصين في بقى بعض الاتجاهات التانيه زي الشمال الشرقي والشمال الغربي للهند طب يا ترى دول موجود فيهم دول ايه قال لك من ناحيه الشمال الشرقي بيحدها دوله اسمها ميانمار اسمها ايه يا شباب اسمها ميانمار اما بقى من الشمال الغربي الناحيه الثانيه بيحدها دوله باكستان اللي موجوده هنا كده قال لك كمان في ناحيه الشرق عموما والجنوب الشرقي بيحدها خليج اسمه خليج البنغال اللي موجود هنا كده وفي الغرب عموما والجنوب الغربي بيحدها البحر العربي الموجود هنا كده يبقى تاني ركزوا معي يا شباب علشان ما تتلخبطوش احنا قلنا بيحد الهند من الشمال ثلاث دول ايه هم هم نيبال وبوتان والصين ومن الشمال الشرقي بيحطها دوله ميانمار ومن الشمال الغربي بيحدها الناحيه التانيه دوله باكستان ومن الشرق والجنوب الشرقي بيحدها خليج البنغال ومن الغرب والجنوب الغربي بيحدها البحر العربي دوله الهند يا شباب بتعتبر شبه جزيره لان المياه بتحيط بها من جميع الجهات ما عدا جهات الشمال وهي على شكل مثلث مقلوب راسه في الجنوب وفي دوله صغيره هنا كده اسمها دوله بنجلاديش الدوله دي بتقع معظمها داخل حدود دوله الهند لكنها دوله مستق يعني على الرغم من ان معظم اراضي بنجلاديش يا شباب بتقع في دوله الهند الا اننا بنعتبرها دوله لوحدها منفصله عن الهند طب يا ترى بقى مساحه الهند قد ايه قال لك مساحتها حوالي ثلاثه واتنين من عشره مليون كيلو متر مربع يعني مساحه كبيره جدا وضخمه تقريبا قد مصر ثلاث مرات طيب وتضاريسها يا مستر عامله ايه يعني ايه هي اشهر الجبال والهضاب والسهول اللي موجوده فيها بالنسبه للجبال يا شباب في دوله الهند فموجود في الشمال جبال الهيمالايا الشهيره الموجوده هنا كده وفي جبال في الشرق اسمها جبال الغات الشرقيه ونفس الجبال دي موجوده ناحيه الغرب اسمها برضو جبال الغات الغربيه ادي جبال لغايه اهي اللي ناحيه الشرق وادي جبال الغات اللي ناحيه الغرب طيب ده كده بالنسبه للجبال اما بقى الهضاب الموجوده في الهند في اشهرها طبعا هي هضبه الدكن الموجوده هنا كده في الهند وهي برضو على شكل مثلث وبتقطعها الانهار يعني داخل الهضبه دي بيوجد بعض الانهار اللي بتمشي من خلالها يعني هضبه يا شباب على شكل مثلث متقطع بالانهار بالنسبه بقى للسهول في دوله الهند ففي نوعين من السهول سهول فيضيه وسهول ساحليه من اشهر السهول الفيضيه الموجوده في الهند هي سهول نهر الجانج الموجود هنا كده في الشمال الشرقي وفي كمان سهل مهم جدا في الجنوب اسمه سهل كوفري اسمه ايه اسمه سهل كوفري اما بقى السهول الساحليه فبتتمثل في سهول كروماندل اللي بتمتد على طول خليج البنغال شرقا اسمها سهوله يا شباب اسمها سهول كروماندل وفي سهول كمان موجوده في عند البحر العربي في الغرب اسمها سهول ملبار يبقى تاني يا شباب ركزوا معي احنا عرفنا ان عندنا في الهند سهول فيضيه من اشهرها سهول نهر الجانج في الشمال الشرقي وسهول نهر كوفري في الجنوب دي سهول فيضيه اما السهول الساحليه فقلنا عندنا على خليج البنغال في الشرق سهل ساحلي اسمه سهل ايه كروماندل وفي الغرب على البحر العربي عندنا سهول مالبار طب يا ترى المناخ عامل ايه في دوله الهند الهند يا شباب قريبه شويه من خط الاستواء خصوصا في الجنوب مش احنا قلنا انها بتمتد من تمانيه الى 35 درجه الشمال دائره الاستواء اه يبقى في الجنوب عندي بتسقط امطار ايه موسميه صيفيه غزيره والامطار دي بتقل كل ما بتجه ناحيه الشمال يعني كل ما بنبعد عن دائره الاستواء ومتوسط بقى درجات الحراره عموما في الهند بيزيد عن 30 درجه مئويه وبتقل برضو درجات الحراره كلما اتجهنا شمالا يعني بعدنا عن دائره الاستواء يبقى تاني يا شباب عرفنا ان الهند بتسقط عليها امطار ايه امطار موسميه صيفيه غزيره في الجنوب وبتقل كلما اتجهنا شمالا ومتوسط درجات الحراره في الهند بيزيد عن 30 درجه مئويه وبتقل برضو كلما اتجهنا شمالا وفي بعض النباتات الطبيعيه اللي بتنمو في الهند زي الغابات الموسميه اللي موجوده في السواحل الشرقيه والغربيه وكمان بتنمو بعض الحشائش القصيره الموجوده في هضبه الديكن طيب كده احنا اتكلمنا عن الموقع والتضاريس والمناخ والنبات الطبيعي خلونا دلوقتي نتكلم بقى عن سكان الهند يا ترى عددهم قد ايه وايه هي اهم الانشطه اللي بيشتغلوا فيها الهند يا شباب عدد سكانها كثير جدا وهي ثاني اكثر الدول العالم من حيث عدد السكان بعد الصين طبعا والحقيقه انهم خلال الكم سنه اللي جايين هيعدوا الصين كمان لان عندهم زياده عدد السكان بشكل مستمر علشان كده بدات الحكومه الهنديه انها تعمل سياسات تنمويه مختلفه علشان تواجه المشكله السكانيه يعني ايه الكلام ده يا مستر عملت ايه يعني بدات تهتم بالتحاليم وتطوير البحث العلمي وده ادى لتطورها في الزراعه والصناعه يعني علشان الهند تقدر تاكل شعبها وتشغله عملت سياسات تنمويه يعني بدات تعمل تنميه في مختلف المجالات زي انها اهتمت بالتعليم والبحث العلمي وده زي ما قلنا ادى الايه ادى الى تطوير الزراعه والصناعه في الهند فبد تقدر تاكل شعبها وكمان يبقى عندها اكتفاء ذاتي وبتصدر للخارج هنا علشان لما يجي يقول لك في الامتحان وضح كيف واجهت الهند المشكله السكانيه هتقول له ايه هقول له من خلال اتباع السياسات التنمويه المختلفه واهمها طبعا الاهتمام بالتعليم البحث العلمي طب وده ترتب عليه ايه قلنا ترتب عليه تطور الزراعه والصناعه والسكان الهند يا شباب معظمهم بيتركز في السهول الساحليه والفيضيه وتحديدا في المدن الرئيسيه زي مثلا مدينه نيودلهي العاصمه بتاعتهم وكمان مدينه مومباي وهنتكلم عنهم كمان شويه طيب هنتكلم دلوقتي بقى عن اهم موارد الهند والانشطه الاقتصاديه الموجوده فيها الهند فيها موارد اقتصاديه كبيره جدا سواء بقى الموارد الزراعيه او ثروات معدنيه وده ادى الايه ده ادى لتنوع الانشطه الاقتصاديه فيها اه يبقى لما يجي هنا يقول لك بما تفسر تنوع الانشطه الاقتصاديه في الهند هتقول له ايه هقول له ده بسبب توافر الموارد الاقتصاديه بها سواء بقى موارد زراعيه او ثروات معدنيه طيب لو هتكلم مثلا عن الزراعه في دوله الهند لازم تبقوا عارفين يا شباب ان الهند فيها مساحات واسعه جدا من الاراضي الزراعيه لانها بتعتمد على مياه الامطار وكمان الانهار الموجوده فيها ومن اهم المحاصيل الزراعيه اللي بتنتجها الهند هي الحبوب الغذائيه زي القمح مثلا وكمان المحاصيل السكريه زي قصب السكر وكمان بتنتج محاصيل نسيجيه وزيتيه زي القطن كده محاصيل نسيجيه يعني ايه يا مستر يعني محاصيل بيصنع منها المنسوجات والملابس زي القطن طبعا ومحاصيل زيتيه مقصود بها محاصيل بنستخرج منها الزيت والقطن برضو نقدر بنستخرج منه الزيت يبقى تاني بالنسبه للزراعه كده يا شباب سريعا في دوله الهند عرفنا انها بتعتمد على ايه على مياه الامطار وكمان الانهار وعرفنا ان الهند بتنتج محاصيل غذائيه وسكريه ونسيجيه وزيتيه زي طبعا القمح واصب السكر والقطن والهند بالمناسبه بتعتبر من اكبر الدول المنتجه للكلام ده طيب ده كده بالنسبه للزراعه بالنسبه بقى للانتاج الحيواني لازم تبقى عارفين يا شباب ان الهند فيها ثروه حيوانيه ضخمه جدا وده بسبب كثره المراعي فيها الهند بسبب الامطار اللي فيها وكمان الانهار بقى عندها مراعي طبيعيه ومساحات واسعه بتربي فيها الثروه الحيوانيه اه يبقى لما اجي هنا يقول لك في الامتحان بما تفسر توجد بالهند ثروه حيوانيه ضخمه هقول له ليه قال له ببساطه ده بسبب كثره المراعي فيها الهند كمان زي ما عرفنا في الوحده الاولى فيها عدد كبير جدا من الابقار حوالي 220 مليون راس من البقر وبيزيدوا لكن للاسف القيمه الاقتصاديه بتاعتها محدوده ليه لان الديانه الهندوسيه اللي منتشره في الهند بتحرم عليهم اكل لحوم البقر فكل اللي بيستفادوه من البقر هو الالبان بتاعتها وبيسيبوها كده عايشه في وسطهم من غير ما حد يؤذيها او يتبعها اه يبقى هنا لما يجي يقول لك بما تفسر تقل القيمه الاقتصاديه للابقار في الهند هتقول له ايه ليه قليله القيمه بتاعتها ده بسبب تحريم الديانه الهندوسيه اكل لحوم الابقار وكمان الهند فيها اعداد كبيره جدا من الجاموس والاغنام يعني مش بس ابقار لا ده كمان عندهم جاموس واغنام الهند كمان يا شباب فيها ثروه سمكيه كبيره جدا ونقدر نعتبر الهند من الدول الرئيسيه في العالم المنتجه للاسماك طب ده ليه لان زي ما قلنا من شويه الهند عندها سواحل طويله على خليج البنغال البحر العربي اه يبقى لما يجي يقول لك بما تفسر تعد الهند من الدول الرئيسيه المنتجه للاسماك هتقولوا ليه هقول له ده لانها بتطل على مسطحات مائيه ساحليه طويله زي خليج البنغال والبحر العربي من ضمن الموارد كمان اللي غنيه بها الهند هي الثروات المعدنيه ومصادر الطاقه من اهم المعادن اللي موجوده في الهند يا شباب معدن الحديد عندهم كميات كبيره جدا من الحديد اما مصادر الطاقه فالهند فيها كميات كبيره جدا من الفحم ده كمان الهند بتعتبر تالت دول العالم في انتاج الفحم بعد طبعا الصين والولايات المتحده الامريكيه وبتستغل الهند يا شباب الفحم في صناعه الحديد والصلب زي ما قلنا الهند فيها كميات كبيره من معدن الحديد فاستغلت الهند كميات الفحم اللي عندها وحولت الحديد او معدن الحديد الى الحديد والصلب طيب هل الهند فيها بترول يا مستر قال لك لا الهند فقيره جدا في البترول ما عندهاش بترول علشان كده عوضته بالطاقه النوويه والطاقه الكهربائيه عشان لما يجي يقول لك في الامتحان ما النتائج المترتبه افتقار الهند لمصادر الطاقه زي البترول هتقول له ايه هقول له ده ادى الى لجوءها لاستخدام الطاقه النوويه والطاقه الكهربائيه الهند كمان يا شباب فيها نشاط اقتصادي مهم جدا وهو الصناعه نجحت دوله الهند في انها تعمل قفزات سريعه جدا في تطور الصناعه وده لانها اهتمت زي ما قلنا بالتعليم والبحث العلمي وكمان لان عندها مقومات الصناعه زي مصادر الطاقه والمعادن وعندها موارد زراعيه كبيره جدا اه يبقى هنا لما يجي يقول لك بما تفسر شهدت الهند قفزات سريعه في تطور الصناعه هتقول له ايه هقوله ده بسبب حاجتين رقم واحد بسبب اهتمامها بالتعليم والبحث العلمي رقم 2 بسبب توافر مقومات الصناعه بها ومن اهم الصناعات الموجوده في الهند الحديد والص وصناعه السيارات والالكترونيات والمنسوجات وكمان الصناعات الغذائيه والالات والصناعات الكيماويه طب يا ترى بقى ايه هي اهم المدن اللي موجوده في دوله الهند قال لك عندنا ثلاث مدن مهمه جدا اول مدينه هي نيودلهي ودي العاصمه السياسيه رقم اتنين مدينه مومباي ودي العاصمه التجاريه رقم 3 مدينه حيدر اباد مدينه نيودلهي يا شباب موجوده هنا كده وزي ما قلنا دي عاصمه الهند السياسيه وموجود فيها اهم الجامعات وكمان مراكز صناعيه ومعالم تاريخيه للهند مهمه جدا اما مدينه مومباي فزي ما قلنا هي العاصمه التجاريه ودي موجوده هنا كده وهي من اهم مدن الساحل الغربي وبتعتبر من اكبر الموانئ الموجوده في الهند ومن اكبر كمان المدن الصناعيه لان هي العاصمه التجاريه بيتم تصنيع المنتجات فيها وبيتم تصديرها للخارج لان زي ما انتم شايفين هي موجوده على ساحر البحر العربي فالمينا بتاعتها من اهم الموانئ الموجوده في الهند سواء بقى في التصدير او الاستيراد اما مدينه حيدر اباد فبتوجد في هضبه الدكن هنا كده ودي بتعتبر اكبر مراكز الصناعات اليدويه في الهند ومدينه حيدر اباد يا شباب كمان فيها مراكز اسلاميه كثيره جدا الهند زي ما منتشر فيها الديانه الهندوسيه فيها كمان عدد كبير جدا من المسلمين ملايين المسلمين اخر بقى الجزئيه معنا في درس النهارده هي العلاقات المصريه الهنديه في علاقات كتيره جدا بتربط مصر والهنده شباب زي العلاقات السياسيه والاقتصاديه والثقافيه والعلميه والعلاقات دي بتنمو وبتكبر مع الوقت فنلاقي مثلا في مجال الاقتصاد مصر بتصدر للهند القطن وكمان الجلود والفوسفات والاسمده سواء الاسمده الخام او المصنعه اللي بتستخدمها لهند في الزراعه طب يا ترى بنستورد ايه بقى من الهند قال لك مصر بتستورد غزل القطن مش احنا قلنا صدرنا لهم قطن خام هم بقى بيحولوه لغزل القطن يعني خيوط جاهزه للصناعه وبتصدرها لنا تاني وبنستورد كمان منهم السمسم والشاي والتوابل الهندي المشطشطه المشهوره بتاعتهم وكمان قطع غيار وسائل النقل زي مثلا كاوتشات العربيات يبقى تاني يا شباب عرفنا اننا بنصدر ايه الهند قلنا القطن والجلود والفوسفات والاسمده الخام والمصنعه وبنستورد منهم ايه غزل القطن والسمسم والشاي والتوابل وقطع غيار ووسائل النقل وبكده يا شباب يكون خلص درسنا النهارده وفي النهايه ما تنسوش تد عمونا بلايك للفيديو والاشتراك في القناه علشان تتابعوا كل فيديوهاتنا اول باول سلام