Amal Al Hawari Episode 3 The Prophets Biography The Story of the Monk Bahira

زي ما قلنا الحلقه اللي فاتت ان سيدنا محمد صلى الله عليه وسلم وسط احساس كله Hلم ووجع يتيم للمره الثالثه ووصيه جده عبد المطلب لابنه ابو طالب يا بني وصيتك محمد صلى الله عليه وسلم استوصي به خيرا ومات ويعيش النبي حياه كريمه مع عمه ابو طالب ابو طالب وزوجته فاطمه بنت اسد حبوا النبي جدا وبتقول فاطمه لما محمد يدخل علينا البيت كانت تحل البركه كنت زمان لما احط الاكل لاولادي كانوا يقعدوا ويخلصوا الاكل ويفضلوا جعانين لكن بمجرد وجود محمد في البيت ويحط ايده الشريفة في الاكل ونشبع ويبقى اكل في الطبق النبى دلوقتي عنده 12 سنه وهو في بيت ابو طالب وابو طالب عمه فكر انه يعلمه صنعة عشان لو مات ما يسيبش محمد من بعده يتعب او يشقى وكان عايزه يعتمد على نفسه فقرر ياخدوا معاه في شغله في التجاره لان ابو طالب اصلا كان تاجر وفي يوم كان مع قافله خارجه من مكه للتجاره في بلاد الشام فابوطالب قال لمحمد تعالى معايا عشان يتفرج وياخد خبره مين كمان كان معاه؟ كان معاه صديق العمر ابو بكر ابو بكر صديق النبي عليه الصلاه والسلام من زمان ركزوا بقى معي شويه كده في القصه دي قصه الراهب بحيره. الصحبه الحلوه دي في طريقها للشام كان في دير الدير ده كان دايما بيعدوا عليه والدير ده كان عايش فيه راهب اسمه بحيره ده راهب نصراني مسيحي مش بيخرج ابدا من الدير بيتعبد لربنا وبس وكانوا بيعدي على الدير ده اكتر من مره وهم في طريقهم للشام لكن بحيره عمره ما طلع ولا سلم عليهم ولا حتى اكلمهم المره دي حصل حاجه غريبه جدا محدش كان متخيلها خالص لقوا بحيره طالع يجري عليهم اصل بحيره كان بيبص من شباك الدير فلاحظ حاجه فيهم هي اللي خلته يطلع يجري من الدير ويكلمهم بحيره شاف ايه بحيره وهو واقف باصص من شباك الدير لقى مجموعه ناس جايين من بعيد القافله اللي كان فيها سيدنا محمد عليه الصلاه والسلام ولقى الناس دي فوقهم سحابه بتضلل عليهم وما فيش ولا سحابه غيرها في السماء اتخض وطلع يجري بسرعه عليهم ودخل جوه القافله وقعد يدور وسط الناس يمكن يعرف ايه السبب لحد ما وصل للنبي صلى الله عليه وسلم محمد صلى الله عليه وسلم طفل 12 عام وفجاه بحيره مسك ايد محمد ورفعها لفوق وقال هذا نبي اخر الزمان هذا رسول رب العالمين بحيره منفعل وبيعمل كده قدام الناس وصوته عالي قوي وكله مستغرب من البحيره ابو طالب عم النبي بصله وهو مش مصدق اللي بيسمعه وقال له ايه اللي انت بتقوله ده رد الراهب والله من لحظه ما شفتكم جايين وانا واقف في شباك الدير وشايف السحابه بتظلل عليكم وما فيش ولا شجره ولا حجر عديته من جنبها الا وسجدت ورا الولد اللي معاكم ده دول مستحيل يسجدوا الا النبي طبعا محمد اول مره يسمع كلمه نبيه والناس مش مصدقه الراهب وفضل الراهب يقرر الكلام ويقول لهم صدقوني صدقوني بس ما حدش كان مصدق فبدا يفكر ويخطط انه يحاول يعطلهم شويه عشان يعرف اي حاجه عن سيدنا النبي عليه الصلاه والسلام فقال لهم طب انا عازمكم على الاكل ولازم تقعدوا ابو طالب وهو مستغرب قال له انت عمرك ما كنت كده ولا عمرك فكرت تعزمنا قال له بس انا النهارده عازمكم على الاكل ولازم تقعدوا المهم قعدوا يستنوا الاكل تحت ظل شجره وبحيره دخل يجهز الاكل وبحيره دخل يجهز الاكل لما رجع ساله ابو طالب هو انت عايز ايه يا بحيره قال له صدقني ده نبي اخر الزمان طب هو انت رايح بيه فين قال له ابو طالب للشام قال له بحيره اترجاك ما تروحش بيه للشام ابو طالب قال له ليه ما اروحش بيه للشام قال له هيعرفوه لانه النبي مذكور في الكتب بتاعه اليهود قال تعالى الذين اتيناهم الكتاب يعرفونه كما يعرفون ابناءه ابو طالب مش مصدق وبحيره بيقسم عليه ما يروحش بمحمد وفضل يحاول ويقنع ابو طالب عشان ما ياخدش سيدنا النبي معاه عشان خايف عليه من اليهود يا ترى ابو طالب هيقتنع هياخده معاه ولا هيسيبه ويرجعه ولا ايه اللي هيحصل هنعرف الحلقه الجايه