فن العرض العلمي presentation نصائح لتقديم اي سمنر او ندوة او مناقشة

فن العرض العلمي البرزنتيشن اليوم راح انطي مجموعه نصائح لتقديم سيمينار او ندوه او مناقشه قبل ان انطي هاي النصائح والملاحظات خلي ببالك انه فن العرض العلمي او مهاره الالقاء هي موهبه نادره وانما هي مهاره تبدا بالتدريب وتكبر بالممارسه الملاحظات اللي راح اذكرها هي تتم طلبه الدراسات العلياء اللي عندهم سيمينار اللي عندهم مقبلين على مناقشه او حتى الباحثين او حتى الاساتذه اللي هم دائما يلقون ندوات محاضرات بندوات او يلقي سيمر لبحث مثلا مشاركه في مؤتمر او كلمه في محفل معين يعني الملاحظات هي تخص او تهم كل هذه الفئات النقطه الاولى قبل ان تبدا بتحضير الملف اللي انت راح تعرض من عنده مثلا ملف بالباور بوينت او بالبي دي اف هيئ نفسك ذهنيا يعني لا تهتم اهتم بالتهيئه الذهنيه والتحضير الذهني اكثر من اهتمامك باعداد الملف ا شنو الرساله اللي تريد توصلها شنو المعلومات اللي تريد توصلها شنو اهدافك من خلال القاء هذا الملف اذا كنت فاهم هاي الامور بشكل جيد راح القائك راح يكون مقنع اكثر من تريد تبدي من بديت بالالقاء دائما خلي بدايتك قويه شوف الثواني الاولى بالالقاء هي اللي راح تحدد كون الجمهور راح يتفاعل وياك ويبقى مستمر وياك او راح تكون تفاعله ضعيف دائما ابدا بشيء ابدا بشيء ملهم مثلا ابدا بقصه ابدا برساله معينه ابدا بسؤال اطرح سؤال شنو اهميه الموضوع الفلاني شو يصير لو غيرنا الموضوع الفلاني ما هي اهميه يعني التغيير الكذائي على الموضوع الكذائي دائما اطرح سؤال ينطي يبرز اهميه الموضوع اللي تريد تتحدث عنه وبالتالي هذا راح يخلي للحاضرين مشدودين وياك طيل فتره المحاضره لان هم انطرح عليهم سؤال فراح ينتظرون شنو الاجابه لهذا السؤال من تبدي دائما اهتم بما يسمى التواصل البصري ولغه الجسد من تريد تبدل لا تخلي نفسك محصور انه تقرا دائما من الورقه او من اللاب توب او تتباوع للعرض اللي انت جاي تعرضه وما تتباوعه ما تنظر للحاضرين لا هذا يدل على انه انت ضعيف ومتوتر وما مسيطر وجاي تقرا مباشره من الورقه لا خلي دائما وزع نظراتك انظر للحاضرين وزع نظراتك على عفوا على كل الحاضرين طبعا خلي بالك حتى لو انت ما عندك خبره وممارسه بهذا المجال هي الموضوع الثواني الاولى فقط راح تشعر بتوتر وقلق وشد وبعدها راح تمشي الامور بشكل طبيعي فمجرد ان تتغلب على هاي الثواني الاولى راح تلقى الامور انه مشت بشكل طبيعي دائما اهتم بلغه الجسد من تدخل ادخل بشكل يعني يبين انه انت مسيطر ومتمكن من الموضوع اللي تريد تتحدث به دائما اشاراتك دائما حركاتك دائما تعابير وجهك لها علاقه بالموضوع اللي تريد تتحدث به هذا يسمى لغه الجسد انه ملائمه حركات اعضاء الجسد مع الحديث اللي تتحدث به مره تتحدث بشيء حماسي فتشوف انه حركاتك تدل على الحماسه مره تتحدث بشيء جدي حتى نغمه الصوت لا تتحدث بنغمه واحده ممله طيله فتره العرض طبعا هذا الحديث مو فقط للسيمنر او بالبرزنتيشن حتى بالمحاضرات من تلقى محاضره او كلمه مطوله تحكم بنغمه الصوت لان نغمه الصوت واحده من الامور المعبره اللي توصل الفكره لا تتحدث بنغمه واحده يعني طيله المحاضره نفس التون هذا راح يخلي المحاضرين يملون ويشعرون بالنعاس لا دائما زيد ونقص ص بمستوى الصوت حسب الموضوع مره موضوع حماسي تتحدث بصوت عالي مره موضوع جدي تتحدث بصوت هادئ ومعتدل يعني حسب طبيعه الكلام تحكم بلغه الجسد من تعد ملف للبرزنتيشن انت مثلا تعد سلايدات بالباور بوينت عاده او ممكن بالبي دي اف السلايد لا تمليها كتابه بعض الطلبه او بعض الاساتذه يملي السلايد كتابه ويروح يقرا من السلايد هذا غلط خلي بالك الاشخاص الحاضرين هسه سواء جمهور حاضر او لجنه مناقشه ما يقرون ما راح يشوفون اصلا الكتابه المكتوبه بالسلايد ويقروها لا السلايد خلي به رؤوس اقلام خلي به عناوين خلي به اشكال توضيحيه وانت تحدث من يمك تعلم انه انت اللي تلقي مو تقرا بشكل مباشر القراءه المباشره دليل ضعف ودليل انه انت اصلا ما فاهم بس احنا مرات بلجان المناقشه من يجي طالب يستعرض بحثه يستعرض رسالته او الى اخره شوف بعض الطلبه يقرا من السلايد بس يقرا نقول هذا اصلا ما مسيطر على موضوع او ما فاهم شنو الموضوع بدليل انه جاي يقرا مباشره بس من العرض بس يجيك طالب ثاني لا السلايد مالته مرتب باشكال برسومات برؤس اقلام وهو يتحدث من داخله ويعبر عن عن موضوعه فهذا طالب اذا مسيطر وفاهم موضوعه ومشتغل بشكل صحيح نقطه مهمه جدا خلي لك جدول زمني اعرف الوقت المخصص الك لالقاء هذه المحاضره او هذه الندوه يعني هذا السمنر هذا البرزنتيشن وخاصه بالنسبه للمناقشات لطلبه الدراسات العليا الماجستير والدكتوراه لازم تفهم ولازم تعرف اللجنه المناقشه المناقشه عفوا بالاخص رئيس لجنه المناقشه ايش قد ينطي وقت متعلمين الاساتذه كل واحد عنده ستايل معين بعضهم يقول لك الك نصف ساعه 30 دقيقه بعضهم يقول لك 20 دقيقه بعضهم يقول لك الك استعرض لنا شغل غلك فانت كنت تعرف رئيس لجنه المناقشه اللي راح يناقشك ايش قد ينطي وقت وبناء على ذلك رتب البرزنتيشن مالتك على هذا الوقت قول انا مخصصات عندي 20 دقيقه اذا اريد استعرض كل هذا الشغل ب 20 دقيقه فاتحكم بهن ايش كم سلايد راح تسوي 20 سلايد 30 سلايد ما اعرف اقعد بالبيت سوي بروفا ومرتين وعشره القي ان تحس بنفسك ضبطت الوضع يعني مرات تسوي سلايدات هواي ماكو مشكله وابدا بها شفت نفسك لا والله هاي السلادات يرادلها 40 دقيقه ارجع اختصر من عندها اختصر الاشياء المكرره المو كلش مهمه بقي الاشياء المهمه عيدها مره مرتين اكثر الى ان تحس بنفسك انت ضبطت بحيث خلال هذه ال 20 دقيقه راح تستعرض كل شغلك وراح تتسلسل بالاحداث تبدا من العنوان بالخلاصه بالمقدمه بالشغل بالنتائج بحيث تنطي كل فقره من هاي الفقرات حقها وبالتالي تستعرض كل وقتك خلال هذه ال 20 دقيقه اهم نقطه ايضا ونقطه مهمه جدا هي الخاتمه من تريد تختم اختم بشيء لخص ما سبق من حديث دائما مو تخلي النهايه حاده راسا انت جاي تتحدث وبتون عالي والناس مركزين وياك وتقول لهم شكرا ختمت هذا مو صحيح ارجع ورا ما كملت لملم الحديث وانطي شنو الرساله اللي تريد توصلها انط خلاصه لخص الحديث يابا من خلال ما شفتوا ومن خلال ما تابعنا بالاستعراض وصلنا الى انه ترى هذا الموضوع مهم بكذا وكذا هذا الموضوع يهتم يحتاج اهتمام هذا العامل اكبر من هذا العامل يعني لخص الحديث اللي تريد تنطيه ب يعني بثواني معدوده بالتالي راح تبقى المقدمه الرساله الشيء الملهم اللي بديت به والختام اللي ختمت به هو جواب للسؤال اللي طرحته شوف احنا مو قلنا ابدا بسؤال واستعرضيت واسترسلت بالاستعراض بعد ذلك الخاتمه هي تعتبر بمثابه الجواب اللي انت راح تجاوب على هذا السؤال انطي الخلاصه شنو لخصت هذا الموضوع وشنو اهميته لخصها بثواني بالتالي تكون استعرضت الشيء اللي تريد تستعرضه بشكل ناجح وابرزت شخصيتك القويه وبينت مدى كونك يعني مسيطر على هذا الموضوع ومتى مد متى مدى امكانيتك العلميه وبالتالي راح تنال استحسان واعجاب الجمهور وخاصه اذا كانت مناقشه راح تنال استحسان واعجاب وتلفت نظر لجنه المناقشه وبالتالي تقييمك راح يصير عندهم عالي وحتى من راح يتناقشونك راح يناقشونك باهتمام واحترام وتقدير ويدخل ضمن تقييمك وضمن الدرجات اللي تحصل عليها