محاضرة ستغير حياتك جذرياً لاتخف من أحد الخوف مجرد وهـم لـ كريم الشاذلي

الجسم بيطيع المخيله اه والله الخوف بيسيطر عايزني اوضحها لك بشكل ابسط بسيطه هات لوح خشب 3 4 متر كده طول وعرضه 50 سم حطه على الارض بين قالبين طوب هات قالبين طوب وحط اللوح الخشب ده ما بينهم واتفضل عدي عليه ما تخاف عمرك ما تخاف هتعدي عادي هتنجح مافيش اي مشاكل تخيل بقى لو حطينا نفس اللوح بين عمارتين في الدور ال 30 او ال 40 او ال 50 وقلنا لك اتفضل عدي عليه يقينا هتخاف مع انك مشيت عليه مليون مره وهو على قلبين الطوب وهو على الارض ايه بقى الفرق؟ الفرق ان خيالك حضر الفرق ان خيالك حضر الخيال اللي كان مسيطر عليه ارادتك وثقتك انه عادي يعني في المره الاولانيه كنت واثق انه عادي طرف تعدي ايه اللي هيحصل يعني وحتى الرزك ايه اللي هيحصل لكن في المره الثانيه خيالك استبدل سيناريو انك بتمشي بكل الطمانينه وحاطط ايدك في جيبك بشكل ثاني مرعب مرعب حط افتراضات وفرضها عليك لدرجه انك لما تبص بصه كده لتحت وتتخيل الليع من فوق هتخاف اكتر وتتشكك في امكانيات ان انت تعدي الشك هنا مش مبني على قدرتك ولا امكانياتك لانك عديت ما انت تقدر مبني على خوفك وعشان كده في الغالب لو حاولت هتقع لان خوفك هو اللي بيبقى مسيطر فاهم كلامي طب اسمع فاكر لما الوالده ربنا الصحه كانت بتقول لك اللي بيخاف من العفريت يطلع له علم النفس يا سيدي بيصغال لك بشكل شيك بيقول لك الانسان بيواجه في الحياه حاجه من الاثنين اما احلامه واما مخاوفه اما احلامه واما مخاوفه اللي بيضغى فيهم على مخيلته هيسوقه الطرف الاقوى والغالب والمسيطر عليه هيسوقه الصوت اللي هيصدقه هو اللي هيصدر الاوامر. طب نعمل ايه وكلنا جوانا مخاوف؟ ما دام المخاوف لو كبرت بتسوق نعمل ايه؟ ها اول حاجه لازم نعرف ونتاكد ان مش كل المخاوف اللي جوانا حقيقيه في مخاوف بتنتجها او بينتجها القلق قلق غير مبرر اوقات الانسان ما بيسلمش بحاجات خارج ارادته فبيبقى خايف ما بيبقاش موكلها على ربنا سبحانه وتعالى بيبقى خايف من حاجات زي صورته الاجتماعيه مثلا حكم الناس عليه ا تقدير الناس ليه كل ده كل ده بيوصل الانسان مننا انه يفكر تفكير غلط ولما يجي ياخد قرار بيلبس عشان مخاوف وغالبه وبتشغل الجهد المعجوز اهلنا بتوع التنميه البشريه اخواننا واصحابنا وحبايبنا لما بيجوا يكلموا بني ادم عايز يغير حياته بيتكلموا على فكره الثوره الشامله والحقيقه ان الحياه البني ادم او او الانسان ما بيشتغلش بسخ سخن وبارد مش زراير بتغير بيها البني ادم فتخليه يكسر الدنيا لما يكون عنده مشكله عايز يغيرها الناس الاذكيه مش بيعملوا ثوره شامله خالص الناس الاذكيه بيتغيروا كل يوم مش بين يوم وليله اه والله في طبعا في ناس بتقلب حياتها بس ده استثناء انا دايما بحب اشتغل على البني ادمين العاديين اللي زيي الاصل الانسان يجب ان هو ما يعاندش نفسه في عنده مخاوف يختبرها ما ينكرهاش ما يقعدش يقول انا جدع وانا جامد لا اختبر مخاوفك شوفها بجد ولا لا عندك منطقه راحه عندك مش عايز تخرج بره منطقه الراحه دي عشان ما تتعبش اتفاوض مع منطقه الراحه والله تفاوض في حجمها اليابانيين عندهم فلسفه في غايه الجمال اسمها الكايزن الكايزن الفلسفه دي قايمه على ايه دي فلسفه تطور للمؤسسات والاشخاص بيقول لك ان التغيير الفعال للاشخاص والكيانات او المؤسسات يعني بيحصل بالتغييرات البسيطه المستمر ما تقلبش نفسك المهم ان النهارده انت افضل من امبارح حتى لو سم وبكره تكون احسن من النهارده حتى لو سمك من حوار حرر المارد واخرج الامراك بداخلك والله هو جيم جيم هتلعبه مع نفسك من غير ما قوانين القوه المعاكسه يعطلك الهدف من الحلقه دي يا صاحبي الهدف من الحلقه دي ان انا انبهك لنقط عشان مخاوفك ما تهزمكش اولهم تتعلم تتفاوض مع نفسك وتكتشف مخاوفك المخاوف بنت الظن المخاوف اللي في دماغك بنت الظن وحديث النفس وكشفها بيحصل من خلال التجربه والممارسه وقتها تعرف فعلا احنا قدها ولا فعلا المفروض ان احنا نخاف ها خلي بالك العمود اللي بيتحط الخشب اللي بيتحط في الدور ال 30 وال 40 بيمشي عليه صنايعيه ناس بيشتغلوا جه منين؟ من التدريب جرب لقيها ما بتخوفش ثاني حاجه عكس ما يخبرك اهل التنميه البشريه ورجال المبيعات والتسويق واللايف كوتشينج ومن تبعهم عكس اللي بيقوله لك انا جاي اقوللك ما تركزش اكتر من اللازم مع اي حاجه اه والله مبالاه عيب عيب عيب تبقى راجل كبير كده ومسؤول وكباره ومكبر دماغك عندك لا مبالاء لا لا مش ده اللي انا اقصده اللي انا اقصده ان كميه النصائح اللي بتتكلم عن موضوع التركيز تركيز مش صح وبيحرق الشمعه من الطرفين وللاسف بنخلص بسرعه علم النفس في بدايه الثوره الصناعيه في بدايه الهيصه دي كلها ما حصلت قبل المهرجان اللي احنا عايشين فيه بدايه السرعه بدات من الثوره الصناعيه في علم النفس لفت النظر ان دفع البشر انتوا يا جدعان بتوع المصانع انتوا يا بتوع الراسماليين دفع البشر الجري المستمر بتوتر وبقلق وبمهام وبشغل هو ده اللي كبر المرض النفسي والضغوط اللي بتواجه البشريه لحد النهارده اه والله وقتها زمان طرحوا حل بيقول اجري على قدك اللي هو الجهد الذكي يعني لما بداوا يصطدموا مع التوتر وحاله القلق وحاله الكابه اللي عند الناس طلعوا كده بنظريه ما كانش لسه التنميه البشريه قامت بشغلها قال لك في حاجه عندها اسمها الجهد الذكي قالوا ان الانسان يجب ان هو يراجع مراجعه تامه لاولوياته ولهمومه والقضايا الشخصيه لان الضغط جاي من مخاوف المنافسه تعي النجاح التميز والمفردات دي محتاجه ان الانسان يشرحها بينه وبين نفسه ويعمل جهد جهد مبني على احتياجات رئيسيه وعلى مخاوف رئيسيه عشان كده يا جماعه هنلاقي النقطه المركزيه اللي اتفق عليها الدين والفلسفه وعلم النفس وعلم الاجتماع ان الانسان عشان يعيش هانئ هانئ لابد ان هو يكون واعي بنفسه مصحصح لها لاننا في اوقاتها بنجري من غير ما نعرف احنا بنجري ليه ونتضايق من غير ما يكون عندنا مبرر حقيقي للضيق تركيز حلو من الحاجات المهمه بس وعايزك تجتهد انك تتعلم اللام مبالاه والله لا مبالاه بلاء تجاه قيم المجتمع تقييمهم ليك لا مبالاه تجاه قضايا الترند اللي مجننه الناس لا مبالاه تجاه سباء او سبق مشارك فيه اصحابك علشان يجددوا عربياتهم او مركزين مع حاجات مرهقه وهتضغطهم بس بالنسبه لك ما تسواش حتى لو هم كلهم مركزين فيها خلي عندك لا مبالاه حاجه باظت في بيتك والظروف الماديه او الاقتصاديه خانقه احبتين ما تركزش قوي خلاص قدر الله ما شاء فعل وهي اصلا عمرها كده هتعمل ايه ده البني ادم نفسه له عمر وبيمرض وبيموت لا مبالاه دي في جانب منها شعور ايجابي وقيمه ايجابيه اه والله مش تطنيشه يعني مش تكبيره لا انت ضابط نفسيتك ضابط مخاوفك مستعد نفسيا لمواجهه اي واقع هادي مستعد بتطلب السلامه بس عارف ان ما فيش من المكتوب مهرب ما بتاخدهاش على اعصابك ولا باحساس ان الدنيا مستقصداك ولا حاسس بالضيق والنقمه طول الوقت طنش اتعلم تطنش طنش كلام كتير بيتقال وحاجات كتير بتشوفها هموم كتير ومشاغل كتير وتفاصيل كتير طنش طنش النقطه الثالثه اتمرن اتمرن اقول لك حاجه عارف الثقه بالنفس اللي بيعملوا عليها كورسات ودورات وكتب اخدص سرك في كلمتين ثقه بالنفس في اصلها تمرين اه والله بس كده خلصت هي ايه الثقه بالنفس انك تتمرن اللي بيتولدوا من بطن امهم قاده وموهبين ومخترعين اللي هم مس المجال يعني دول قياسا بمليارات البشر نسبه نادره الباقي بقى زي حالتنا كده بتتميز بعد توفيق ربنا بالتمرين والممارسه والتعب ما بيبقاش كله زي بعضه مهما جرينا بس طالما والله لطالما اثبتت الحياه التدريب والممارسه الممارسه الحقيقيه لاي حاجه خصوصا لو بتحبها بتعديك اكت من الموهوبين عارف حسام حسن هداف مصر الاول عبر التاريخ مش الاحرف خالص والله هو التمرين تمرين اتمرن على اي حاجه واجه اي حاجه اقتل من جواك خلي القانون يشتغل معاك انت عارف ميزه انك بتتمرن ايه انك هتتفوق والله وهتلاقي نفسك مركز وهتلاقي نفسك واثق من نفسك هتكبر وانت عارف ايه اللي بتقدر تعمله وايه اللي بتقدر ما بتعرفوش اسف ما بتعملوش فبالتالي بتكون طول الوقت عندك تقييم حقيقي لنفسك وبالتالي اي جهد بتبذله تجاه شيء معين فانت بتبذله تجاه الشيء اللي انت بتعرف تعمله وبالتالي ما بيلعبش ضدك الجهد المعكوس النقطه الاخيره ودي دايما بتكلم فيها وبتزعلكم مني ودايما بتتهموني بالاسود ارجوكم ارفضوا ارفضوا ارفضوا فضوا دور الضحيه اه والله والله لو حضرتك موجوع اطلب العلاج لو الدنيا دايسه عليك حاول تتعالج لا تستمرق الدور اظنه كان دستيفسكي اللي مره ضرب مثال غريب جدا قال البني ادم مننا بيتعامل مع الدنيا دي وهو متخيل ان هي عامله زي امه كده امه اللي هو ايه هيفضل يشتم ويضرب ويجري ويخبط ويزعلها و طول يوم وهي بالليل هتيجي تطبطب عليه وتحط له الاكل وتاخده في حضنها وتنيجمه استيفسكي ستيفيسكي بيقول لك لا لا يا حبيبي لا الدنيا هتسيبك تموت والله هتسيبك تموت من البرد والوحده والشكو والوجع ما تعاملش مع الدنيا ان ان ان هي ان هي هتراضيك ولا هتداديك خالص خالص فجاه هتلاقي عمرك جري والاسوا من كده والله انك هتلاقي ده بيصنع مخيلتك ما انت راجل مظلوم ومضطهد طول الوقت في متوقع الاسوا فلما بتتحط في الموقف دايما مخيلتك بيفرض عليها خيالك التشاؤمي الاسود القاتم الكئيب رؤيه سودا فبالتالي بتلاقي نفسك عندك مشكله زمان خليني اختم معاك بالقصه مهمه القصه دي زمان كان في اثنين اخوات ابوهم كان مدمن وسوابق وهم عايشين مع امهم المغلوب على امرها الاب اتسجن في تهمه الاتجار في المخدرات ومات في السجن الولدين اللي كبروا كانوا قريبين جدا من العمر امهم ربتهم و يعني وقعدت عليهم لحد ما الولدين كبروا كان ليهم صديق في الفتره دي اشتغل صحفي بعد كده لفت نظره ان العيال دي لما كبرت حالها تباين الاثنين حالهم تباين واحد بقى دكتور كبير جدا راجل كباره محترم الناس كلها بتحترمه وبتحبه والثاني اخوه الثاني دخل السجن نفس زي ابوه بالظبط مخدرات ودنياص ودخل السجن وعارف ومبهدل الناس كلها وراه فالدكتور قرر الدكتور قرر الطبيب اسف الصحفي قرر ان هو يروح يسالهم هو ايه اللي وداك وصلك للحاله دي ايه اللي وداك للوضع ده قالها للطبيب وقالها لاخوه اللي في السجن زارهم الاثنين اتفاجئ الصحفي بالاجابه الاثنين جاوبوا نفس الاجابه الاثنين قالوا له اظن يا استاذ ان اي حد عاش حياه حياتي بنفس ظروفي بنفس الواقع اللي انا فيه منطقي يكون ده طريقه وتكون دي ارادته الدكتور اللي هو الطبيب الاخ الاكبر او الاول يعني قالها بمنطق ان انا شفت المخدرات بتوصل لفين والجريمه بتوصل لفين وازاي السكه دي بتخلي الواحد يظلم نفسه ويظلم اهل بيته وفي الاخر بينتهي مكلل بالعار فبالتالي انا مش همشي في في الطريق ده الراجل ده الطبيب الاخ ده ارادته متثقه مع خياله وبالتالي حصل وشايف ان هو منطقي طب والثاني الثاني قال لك على راي الممب كده واحد من صاحب علي علوكه وابوه مدمن وسوابق وميت في السجن وسابني مع ام بتشتغل في البيوت اطلع ايه طيار لا كان لازم اطلع زي ابويا هنلاقي ان هنا الاراده ارادته متثقه مع خياله ان هو ما فيش غير طريق واحد خيال الاول ان الطريق ده مستحيل امشي فيه ومخيله الثاني ان الطريق ده هو الوحيد المنطقي ان انا امشي فيه وانحازت اراده كل واحد لمخيلته عرفت بقى ان ذهنيه الضحيه قادر ان هي تخدع صاحبها وتخلي مخيلته متثقه مع قراراته الغلط ولاقي لها مبرر الليمبي فيلسوف اللمبي اللي بيقول لك عليه علاقه واشرف كخ واحد من صاحبهم هيطلع ايه على فكره دي فلسفه الراجل هنا الممثل هنا اللبي كان بيطرح فلسفه عند ناس كتير تيجي تكلمه يقول لك قاعد عايش في بلد بالشكل دي ا بتخيل هيطلع ايه؟ واحد عايش بال باخلاق محترمه في زمن زي كده متخيل ايه واحد عايش بضمير وسط الناس متخيل ايه فبيجد مبرر للسوء اللي هو فيه هيطلع ايه يعني هيطلع سعيد اكيد هيطلع مجروح وموجوع و الليمبي منطق الليمبي منطق عند ناس كتيره جدا مارك توين الكاتب الساخر بيقول لما جه يموت انا عشت حياتي خايف من حاجات كتير معظمها ما حصلش والله كل خوف منهم كان بيقطع حته من عمري كل خطوه قفته اختوها كانت بتاثر من حياتي كل حاجه عملتها بدفع الخوف ايدتني في مكاني الفتره بنعيش خايفين من حاجات كتير ما بتحصلش بحجه الحذر والسلامه فيعيش الخيال محبوس محبوس في امهم الخوف وتفضل المخيله دايما تسوقنا تسوقنا تسوقنا ونموت الف مره واحنا عايشين الله