تعليم أساسيات التلوين للأطفال بالألوان الخشبيه بالطريقه الصحيحه الدرس الأول

اطفالي الحلوين اهلا بكم في درس جديد عن التلوين النهارده هنتعلم نلون صح اغلبكم بتلونو بالطريقه دي وده بيخلي رسمتنا شكلها مش حلو هنتعلم مع بعض ازاي نلون صح اول حاجه لازم نستخدم الوان خشب نوعها نضيف علشان تساعدنا تطلع رسمتنا شكلها جميل زي الوان فيبر كاسل العلبه اللي لونها احمر ثاني حاجه لازم نبري القلم كويس يعني ما ينفعش استخدم القلم مش مبري لان ده بيخلي رسمتنا شكلها مش حلو يلا نجهز الاقلام ونبريها مع بعض زي كده يا ولاد وانا هنا بريت كل الاقلام بتاعتي وجهزتها معاكم علشان نبدا مع بعض التلوين ما ننساش نستخدم الوان كويسه ونبري الاقلام ويلا بينا نبدا رسمتنا هنرسم مستطيل كبير وهنرسم مستطيل تاني كمان المستطيل الاول ده ده اللي هنلون فيه التلوين الغلط اللي انتو بتلونوه وبتبقوا عايزين تملوا المساحات الكبيره بسرعه جدا فبتشخبطو بس مش بتلونو حلو يمين بقى لفوق لتحت وكده بيبقى تلوينك متشخبط المستطيل الثاني هنستخدم الاتجاهات يعني ايه يعني يا اما هلون من اليمين للشمال وهفضل ماشيه في نفس الاتجاه ده طول الرسمه لحد ما تخلص او ان انا الون من فوق لتحت وبردو هفضل الون من فوق لتحت لغايه ما اخلص الرسمه بتاعتي حاجه مهمه أوي في التلوين ان احنا بنلون بالراحه ومش بنستعجل في التلوين كمان بمسك القلم من النص لان القلم بالطريقه اللي انتو شايفينها دلوقتي دي طريقه الكتابه لكن لما باجي الون بمسك القلم بالطريقه دي زي ما انتو شايفين وبكون مميلاه شويه تمام علشان يساعدني الون حلو والون اكبر مساحه عندي في الورقه انا هنا بلون من من اليمين للشمال ممكن نعمل مربع تاني نتعلم فيه ازاي نلون من فوق لتحت زي ما انتو شايفين المهم احنا قلنا ايه ان احنا نكمل على نفس الاتجاه اللي اخترناه يا اما من اليمين للشمال او من فوق لتحت براحتنا هنا بلون شويه حلوين ومسكة إيدي للقلم بتفرق معايا وتساعدني اكتر ان انا الون حلو تالت حاجه لازم اخد بالي منها الفراغات البيضا اللي انتو سايبينها ده بيخلي شكل رسمتنا وحش جدا انا لما بلون هنا بالراحه وبالطريقه المنظمه واتجاه معين مش بيكون عندي فراغات في التلوين يبقى علشان ماسبش اي فراغات وانا بلون الون بنظام واحدد الاتجاه اللي انا ماشيه عليه وكمان ما ينفعش ان انا اطلع بره الاطار بتاعي او بره الخط بتاعي في التلوين لان ده هيخلي شكل رسمتي مش حلو لو رسمت بالراحه من غير استعجال عمر ايديا ما هتطلع بره لكن ان انا بكون عايزه اخلص الرسمه بسرعه اوي فده اللي بيخلي القلم بتاعي يطلع بره وانا بلون بيه زي رسمه اللمبه كده ما ينفعش اطلع بره الخط ده تمام طيب حاجه كمان بنعملها غلط وهي الفراغات الموجوده اللي في الرسمه لو لونت في اتجاه واحد من اليمين للشمال وبالراحه مش هتظهر معايا الفراغات دي تاني كمان التلوين بسرعه أوي ده بيخلي الرسمه بتاعتي شكلها وحش المفروض ان انا الون بالراحه أوي ومستعجلش علشان رسمتي يبقى شكلها حلو والتلوين بتاعي يبقى شكله ناعم وجميل دلوقتي معادنا مع التطبيق هنطبق على رسمه وانا هنا هلون معاكم عيش الغراب زي ما انتو شايفين الرسمه فيها دواير كده الدواير دي انا هسيبها باللون الابيض وهلون اللي ما بين الدواير باللون الاحمر بالراحه جدا ماسكه القلم بطريقه صح مش بستعجل علشان طلع التلوين معايا مظبوط في طريقه وانا بلون ممكن استخدمها تسهل عليا وهي طريقه السيركل او الدايره دي ان انا الون بشكل دائري كده بتنفع أوي المكان الصغير او المساحات الصغيره والتلوين بشكل خطوط ده في المساحات الكبيره وانتو بتتفرجوا على الدرس ده ما تنسوش تشتركوا في القناه وتقولوا لي رايكم في الكومنتات لو عجبكم الشرح وكمان تبعتوا الفيديو لاصحابكم علشان يسمعوا ويستفيدوا وقولوا لي الحاجات اللي انتم حابين ان انا اشرحها ان شاء الله هيكون في سلسله كامله لتعليم الاطفال الرسم من البدايه خالص واحنا بالفعل بدانا النهارده اول درس فيها وهو التلوين والدروس الجايه باذن الله هنبدأ فيها سلسله تعليم الاطفال الرسم من البدايه خالص من اول ازاي نمسك القلم الرصاص ازاي نعرف نعمل الخطوط ازاي نرسم الاشكال الهندسيه البسيطه ازاي نستخدم الاشكال دي في ان انا اطلع رسومات جميله وسهله أوي وشويه كمان هنلاقي ان مستوانا بيتحسن جدا وبنعرف نرسم لوحدنا من غير ما حد بيساعدنا ويا ريت كل ام تشترك لطفلها عندي في القناه وتتابعني هيستفيد جدا ويتعلم ازاي يرسم بطريقه سهله وبسيطه هسيب لكم في الوصف اللينكات اللي تقدروا تتواصلوا بيها معايا لينك الانستغرام ولينك البيدج بتاعتي على الفيس نسمع الدرس ونطبق وتبعتوا لي الرسومات دي ونصحح مع بعض فيديو لوحده هنا على القناه وبما ان ده اول فيديو شرح بصوتي في القناه انا عايزه كل ام تكتب لي رأيها في الكومنتات واذا كان طفلها استفاد من الشرح ولا لا ايه الحاجات اللي عجبتكم ايه الحاجات اللي ما عجبتكو ش علشان اغيرها المره الجايه اتمنى ان انتو تكتبوا لي كومنتات حلوه ولو في اقتراحات ثانيه اكيد هستفيد منها تعالوا واحنا بنلون نراجع الخطوات مع بعض اول حاجه نلون داخل الاطار بتاعنا يعني ما نخرجش بره حدود الرسمه اللي احنا بنرسمها ثاني حاجه لازم نلون في اتجاه واحد سواء من اليمين للشمال او من فوق لتحت لكن ما غيرش اتجاه ايدي كل شويه علشان ده بيخلي شكل رسمتي متشخبطه امسك القلم من النص شويه واميله حبه علشان اعرف ارسم بيه في مساحه واسعه رابع حاجه الون بالراحه ومستعجلش في التلوين بتاعي علشان يديني نتيجه حلوه وكمان علشان ماطلعش بره الخط بتاعي وكده احنا خلصنا الدرس بتاعنا النهارده اتمنى ان انتو تكونوا استفدتوا ما ننساش نشترك في القناه ونعمل لايك للفيديو واشوفكم في درس جديد مع السلامه