علوم الصف السادس الفصل الثاني درس الصوت والسمع حل أسئلة مراجعة الدرس صفحة 70

السلام عليكم طلاب الصف السادس معكم مس مياس في شرح ماده العلوم وصلنا للدرس الثاني بعنوان الصوت والسماع نحكي بسم الله الرحمن الرحيم ونبدا في الشرح هلا الصوت نحن عرفنا انه هو عباره عن موجات عفوا موجات طوليه صح موجات طوليه يعني تخلخل وتضاغط وعرفنا انه هو عباره عن اهتزازات تنتقل في الوسط هلا لما انا ادرس موجات الصوت هي بقول لكم انه رح نقدر نفهم كثير من التطبيقات اللي معتمده عليها مثل الالتراساوند اللي بيفحصوا فيها الجنين ايه وكمان رح نفهم مثلا مبدا عمل الغواصات وكل هي الامور طيب نبدا شوي انا عم بحكي معكم هلا انتم كيف سامعيني ا حتحكوا لي مس الصوت عم بينتقل عنا في الهواء او عن طريق بالسماعه وعم فوت لوين للدان تاعتنا حلو وفي اصوات انتم ممكن تسمعوها من بره مثلا لو انتم قاعدين عم تحضروا الفيديو الصبح رح تسمعوا صوت عصافير صوت الهواء وهو عم حرك بالشجر واوراقه والى اخره طيب في ممكن تسمعوا صوت الطيارات وقبل كان في عننا صوت صافرات الانذار كل هذه الامور هناك اصوات عاليه جدا مثل مين مثل محركات الطائرات لما بتحسوا الطياره هيك فوق البيت تقريبا عم بتطير هذا اسمه صوت عالي جدا اللي وهدير محركات الطائرات هيك اسمه في اصوات كثير تعتبر لطيفه او منخفضه مثل صوت العصافير او زقزقه العصافير او حفيف الاشجار اللي هو الورقه لما تحكي بالورقه الثانيه طيب طبعا هي الاصوات تعتبر ايش؟ منخفضه مقارنه بصوت الطائره طيب يا خامس هي ا عفوا يا سادس كيف ينشا الصوت؟ حكينا انه هو عباره عن اهتزاز للاجسام بتنتقل هي الاهتزازات للهواء فبيتولد عندي الموجات الطوليه اللي اخذناها الحصه الماضيه هي عباره عن تخل تضاغط وهي الموجات بتكون موجوده في الهواء بتنتشر حتى تصل الى الاذن وصلت الاذن كل الناس عندهم اذن كل الناس عندهم دينين بس مش الكل بيسمع كويس شوفوا شو بصير جوا الاذن بقول لكم هي التركيب من جوا اللي هو كيف نسمعه شايفين هي ال بفوت فيها قطن الدنين اسمها القناه السمعيه ممنوع نفوت اي شيء لجوا جوا لانه في شيء اسمه طبله الاذن وغلط تلبسوا كمان السماعات كثير سواء الايربودز او الثانيات بتاكلهم كلهم مضرين وتعلوا الصوت على الاخير لانه انتم عم بتضروا بمين بطبله الاذن هذا عباره عن غشاء زي كيف الطبله بيقعد يهتز لما يوصل الصوت هذا الاهتزاز بينتقل للاذن الوسطى بعدين الاذن الداخليه لحد ما يوصل شيء اسمه العصب السمعي اللي هو بيكون متصل في الدماغ فانت مخك بيفهم انه هذا اه صوت المس هذا صوت امي هذا صوت العصفور هذا صوت ابوي وهكذا طيب اذا اول شيء تصل الاهتزازات عبر قناه تسمى القناه السمعيه بتصل لغشاء رقيق جدا اسمه طبله الاذن حكينا بيهتز وبينقل هي الاهتزازات لاجزاء الاذن الثانيه لحتى ما يوصل مين؟ الدماغ وفي الدماغ بدرك الاصوات بنسمعها هلا في ناس ليش ما بيسمعوا كويس بتكون المشكله عندهم وين؟ في طبله الاذن وشو اسباب ضعف هي الطبله او ضعف هذا العضو ممكن انه الواحد يتعرض لاصوات عاليه بشكل دائم يعني في ناس شغلهم اصلا بطلب انه يكونوا بمكان مزعج زي اغلب شغل المعلمات يعني رنه الجرس مزعجه اصوات البنات والطلاب وكله بصيح وكله بطار برضه هي الاصوات مؤذيه مره على مره اغلب المعلمات بتحسوا ايش عندهم صار ضعف في السمع فبتلاقوا دائما صوتهم عالي كثير هم فعليا ما بيكونوا سامعين صوتهم عالي كثير السبب في ذلك انه بون صار عندهم زي خلل بسيط في السمع وكمان في الاحبال الصوتيه لانه 24 ساعه شو بنضلنا نبرم ونسولف ونحكي ما بنسكت فهمنا الفكره فكره وفي ناس مثلا زي رجال مثلا بيشتغلوا في الحفر وبهي الامور صوت الحفاره جدا مزعج بيلبسوا سماعات وبيلبسوا واقي للاذن وكذا بس برضه الا ما يتاثروا طيب هي بالنسبه للاصوات وكيف بنسمعها نيجي هلا لخصائص الصوت هلا شو بيفرق صوتي عن صوتكم عن صوت كل واحد في البيت عن صوت المعلم اللي عندك في المدرسه او الاستاذ اللي عندك في المدرسه شو بيفرق الاصوات تاعتنا عن بعض شو بيفرق صوت العصفور عن صوت البقره عن صوت الاسد شو اللي بيفرق بينهم بقول لكم في شيء اسمه خصائص الصوت في شيء اسمه شده الصوت في شيء اسمه درجه الصوت شو يعني شده الصوت يعني زي كاني عم بحكي معكم هلا هي مقياس او حكيت هي مقياس شوفوا هذا شيء اسمه شده الصوت الشده هي عباره عن اني انا برفع صوتي او او بخفض طبقتي الصوتيه يعني يا بعليه يا بوطي نفس مبدا التليفون بقول لكم علوا مثلا صوت الفيديو او وطوا صوت الفيديو انتم عم تعملوها ايش عم تتحكموا بمين؟ بشده الصوت شده الصوت تعتمد على مقدار الطاقه التي تنقلها الموجات يعني انا لما هلا بدي اقعد اصرخ يا سادس وكذا واقعدوا انا هيك عم بستهلك طاقه عاليه فبتكون شده الصوت شو عندي مرتفعه جدا على العكس لما اكون عم بحكي معكم بهدوء وكذا ما في طاقه كثير ما عم بتعب ما عم بتعب احبالي الصوتيه فبتكون ايش صوتي منخفض او يعني مسموع يعتبر بس انه مش عالي كثير مش مزعج اوك اذا شده الصوت هي مقياس يدل على ارتفاع الصوت او انخفاضه وبتعتمد على شيء اسمه مقدار الطاقه لو طلبت منكم دائما بطلب من طلابي بالصف انه الطاوله اللي امامك طبل عليها اول شيء باصبع واحد رح تلاقي الصوت شو منخفض رح اقول لك هلا شد علي الصوت رح تلاقي حالك عم تضرب بقوه صح عم تستهلك طاقه عاليه والصوت جدا رح يصير مرتفع ومزعج هذا مبدا شده الصوت مثلا عننا الصوص وعننا واحد عم بطبل تمام طبعا الطبله صوتها جدا مرتفع اما الصو الصوص يعني مقارنه بالطبله جدا منخفض هي بالنسبه لشده الصوت طيب زي ما حكينا كيف نقدر نحمي اذننا من تاثير الاصوات العاليه واحد في بيستخدم مسددات الاذن بالذات مثلا اللي بيشتغلوا بهي هي الامور الطبله مطبله الحفر كله سدادات الاذن لازم يستخدموها نبعد عن مصادر الضوضاء قد ما نقدر يعني مش وين ما في مكان صوت عالي نقعد مش مثلا بالحفلات وتروحوا تقعدوا جنب الديجيت اسرعوا حالكم مش مبدا هذا مش بالبيت مثلا بروح بشغل اي شيء وبعلي على اخر وبعلي التلفزيون وبعلي كل مش مبدا تمام لازم ايش نحن نحاول نقلل من هي الاصوات وبنفس الوقت لما نستعمل سماعات الاذن يعني اذا كنا مضطرين نستعملها نحاول نخفض ض شده الصوت يعني ما نكون حاطين درجه الصوت الشده تاعته 100% نزلوها شوي 50 60 ما انتم لحالكم سامعين بالسماعه فهمنا الفكره كيف هي الطرق عشان نحمي الاذن طيب الان يا سادس نحكي عن الخاصيه الثانيه وهي درجه الصوت بقول لكم درجه الصوت هي مقياس لحده الصوت او غلظته يعني مثلا لو عننا استاذ عم بدرسكم العلوم وعندكم انا مسياس عم بدرسكم مين برايكم رح يكون صوت صوته انعم اكيد البنت صح اما الاستاذ زلمه صوته رح يكون ايش اغلظ يعني بين قوسين اخشن فهمت الفكره مثلا صوت ماما وبابا مين بتحسوا درجه صوته حاده اكثر اقل ناعمه ماما بابا بتلاقوا صوته ايش اغلط نفس المبدا هون عننا مثلا لو انا عم بسمع صوت العصافير مقارنه مثلا بصوت الابقار طيب البقره بتعرفوا صوتها صح ايوه لو هلا كلكم طبعا قاعدين بتعملوا المو اوك عملنا المو صوت المو ايش ماله غليظ مقارنه بصوت العصفور اللي هو عباره عن شو سي وسي وسي الى اخره تمام سبب الاختلاف بين صوت العصفور وصوت البقره وزئير الاسد وكل هي الامور هو اختلاف الموجات في ترددها يعني العصفور لو تركزوا معه بتلاقوه بيحكي ايش هي الصوت تبعه السي وسي وهي سريعه جدا التردد تبعها بيكون عالي بينما البقره لتحكي المو الثانيه والموث الثالثه نايطه صح ولا لا؟ اذا ترددها بيكون شو بطيء طيب شو يعني يا مس تردد؟ بقول لكم التردد هو عدد الموجات في الثانيه الواحده يعني خلال ثانيه كم موجه عم تطلع ويقاس التردد بوحده اسمها هيرتز يرمز لها باتش كابيتل وزد سمول طيب بقول لكم الاصوات الحاده مثلا زي صوتي صوت العصافير هي اصوات لها تردد كبير هلا في ناس برضه بيكون صوتهم ايش حاد بس انه هيك مسرسب مزعج زي كيف لما واحد هيك ماسك المعلقه وعم حك فيها بالصحن او بالطبشوره على اللوح مش بطلع هيك صوت حاد مزعج هي اصوات حاده ترددها ايش بيكون كبير جدا اما الاصوات الغليظه هي اللي بيكون ترددها منخفض تخيلوا انتم كيف برمجوا معكم على صوت البقره كيف من المول للمول الثانيه ترددها ايش بيكون منخفض جدا ما في ما في شو بسموها موجات كثيره في الثانيه الواحده بينما مثلا صوت العصفور صوت البنات بحكي كثير ورا بعض ورا بعض في الثانيه واحده بحكي اكثر من كلمه يكون ترددنا ايش عالي لانه موجات الصوت عم نعطي اكثر من موجه خلال ثانيه طيب يعني لو تعوا نجرب انا واياكم مع بعض نعمل اي درجه الصوت مثلا بدي اجرب احكي معكم بصوت غليظ اليوم رح ناخذ عن درجه الصوت وهي مقياس لحده الصوت او غلظته لاحظوا شو انا عم بعمل هيك اول شيء عم بحكي بطريقه بطيئه كنت ثاني شغله عم بحكي بالثانيه الواحده ترددات الصوت عم تطلع اقل فمعناها انا هيك درجه صوتي ايش بتكون غليظه طيب تعوا نحكي هلا بالطريقه اللي انا بحكي فيكم معها هلا شو الفرق بين هي الطريقه اللي عم بحكي فيها والطريقه اللي قبل انه هي عم بحكي بطريقه اسرع يعني التردد اعلى بنفس الوقت طريقه حاده فدرجه الصوت بتكون شو حاده اما اللي قبلها كانت غليظه معنى ذلك هون التردد كان كثير عالي هلا وقبل كان التردد كثير منخفض طيب فهمنا الفكره اوك ننتقل الان لموجات اسمها الموجات فوق الصوتيه بقول لكم الانسان يستطيع سماع الاصوات من 20 اقل شيء بنقدر نسمعه 20 واعلى شيء بنقدر ن نسمعه 20,000 هرتز هي الاشياء اكثر من 20,000 بسنسميه سميها فوق الصوتيه بتعرفوا الفيديوهات اللي بتطلع بالريلز اللي بقول لكم شوف قديش عمر السمع تبعك او الاذن بيطلع لك هيك صوت مسرسر بضله يصيح وبعد مرحله معينه انت بتبطل تسمع شيء ومثلا اخوك بيقول لك لا انا بس لسه سامعه وفي واحد ببطل يسمع من نص الفيديو حتى ما بوفي لثلاث ارباعه ايش الفرق بين كل واحد فينا بقول لكم اقل اقل درجه صوت بنقدر نسمعها يعني هذا اللي بيكون سمعه كثير قوي بده يقدر يسمع ال 20 ويوصل كمان ال 20,000 اعلى شيء اما اللي ببطل يسمع بين هذول الرقمين معناه انت عندك مشكله تمام يعني الانسان الطبيعي اللي ما عنده اي مشاكل في الاذن بيسمع من اقل تردد اللي هو 20 هيرتز لاعلى تردد 20000 هذا الانسان الطبيعي اما الانسان الم طبيعي هو اللي ما بيقدر يسمع بين هدول الرقمين يعني ما بيقدر يسمع ال 21 ولا 22 ولا ال 10000 ولا 15000 هرتز هذا ايش بيكون عنده مشكله في السماع تمام ورا تلاحظوا كمان ما لها دخل في العمر يمكن امك وابوك يكونوا بيسمعوا احسن منك ليه مثلا ما بيستعملوا السماعات كثير ما بيعلوا الاصوات مثلكم ما بقعدوا بصيحوا وبيعجبوا نفس الفكره ف السمع له دخل انت كيف داير بالك على دينيك طيب نحكي على الموجات الفوق صوتيه هي موجات الصوت يكون فيها عفوا هي موجات الصوت التي يكون ترددها اعلى مما يستطيع الانسان سماعه يعني اعلى من 20,000 هيرتز في حين في ربنا خلق كائنات بتقدر تسمع اصوات اعلى من هيك مثل القطط والخفافيش هذول بيسمعوا اكثر من 20,000 يعني في اشياء البسه بتسمعها انت ما بتكون سامعها الناس اللي عندهم بس في البيت مثلا بستك بتكون تسمع اشياء انت مو قادر تسمعها لانه هيك خلقه ربنا تمام ما لها دخل بسمعك هي انت ربنا خلقك بس بتسمع لعند 20,000 هرتز اكثر من هيك ما رح تقدر تسمع مين بيسمع في كائنات اخرى بتسمع مثل القطط مثل الخفافيش في ناس عندهم كلاب هلا في صفيره للكلاب انه انت بتصفر بس هي ما بتطلع صوت بالنسبه للادميه ما بيسمعوها بس مين بيسمعها الكلب تبعك انه برجع او بفهم عليك وبيجيك ليش هي السفطيرات عملوها بالذات اعتمدوا فيها على المبدا هذا اللي هو موجات فوق صوتيه انه بنفس الوقت هي مش مزعجه للاخرين وبس مين بيسمعها الشخص المستهدف اللي هو مين الكلب تبعك فهو ايش بيسمع هي الصفيره وبيجي ما بيغلبنا اما مثلا تخيلوا انا عندي صفيره جدا مزعجه وقاعد بصفر كل الحاره بتيجي الا الكائن الحي اللي بدي اياه يجي الكلب تبعي ولا البسه تاعتي ففي صفيرات خاصه لبعض الحيوانات وفي برضه ناس يعني بسس وما بسس برضه بيسمعوا اصوات والخفافيش هي ما بنتعامل معها نحن بس برضه هي بتسمع اصوات اي اعلى من الاصوات اللي بيسمعها الانسان فوق صوتيه السبب في ذلك انه ربنا ما اطاها بصر كامل يعني هي عندها ضعف في البصر فربنا عوضها البصر بوين في السمع فعندها السمع جدا جدا عالي هي بالنسبه للخفافيش اذا تعريف الموجات فوق الصوتيه يا سادس هي موجات الصوت يكون ترددها اعلى مما يستطيع الانسان سماعه في حين مين بيستطيع سماعها القطط والخفافيش شو طبقوا عليها تطبيقات في شيء اسمه الالتراساوند سامعين فيها او موجات فوق صوتيه او رحت عملت صوره سونار هذا الجهاز اللي بحطوه على البطن بحطوه جل وكذا حلو هذا الجهاز عباره عن موجات فوق صوتيه بتخترق طبقات معينه وبتطلع لنا الاشياء اللي بدنا نشوفها اذا استخدموا هي اول شيء في الاجهزه الطبيه الغواصه بتعرفوا انتم تحت عتمه على الاخر يعني ظلام كاحل فالغواصه شو بتستخدم عشان ما تضرب بالحجر وتضرب بالم مش عارف ايش تستخدم موجات فوق صوتيه لتجنب الاصطدام نفس مبدا الخفاش انه هو بيصدر صوت الصوت هذا زي كيف بيرجع لهد فبيعرف انه في حاجز فبروح بغير اتجاهه نفس مبدا عمل مين الغواصه طيب يا سادس هيك يا امي نفتح اسئله الدرس ونحكي بسم الله ونبدا بالسؤال الاول فسر كيف تنشا موجات الصوت عن طريق اهتزاز الاجسام وتنتقل ه الاهتزازات على شكل موجات طوليه السؤال الثاني هي موجات صوت يكون ترددها اعلى مما يستطيع الاذن البشريه سماعه فوق الصوتيه هو مفهوم لحده الصوت او غلظته تذكروا لما غيرت صوتي درجه الصوت اما لما عليت صوتي ونزلته هذاك اسمه شده بالضبط قارنوا بين مواء القطه بزئير الاسد بتعرفوا صوت البسه وبتعرفوا زئير الاسد من حيث الشده والدرجه نبدا بمين نبدا بالشده الشده يعني منخفض ومرتفع مين منخفض برايكم؟ اكيد صوت البسه منخفض مقارنه في زئير الاسد مرتفع طيب مين هيك حاد اكيد القطه حاد اكثر ومين اغلظ ايوه زئير الاسد طيب ننتقل الان للسؤال الرابع هل يمكنني سماع موجه صوتيه ترددها 10 هيرتز مستحيل تسمعوها ليه لانه اقل تردد بنقدر نسمعه كم رقمه 20 وليس 10 اي شيء اقل من 20 مستحيل الانسان يسمعه تمام اكثر من 20 ل 20,000 اوك اكثر من 20,000 مستحيل برضه اذا لماذا لا نستطيع السماع العشره لانها اقل مما يستطيع الانسان سماعه هو 20 هيرتز ظل اوكي بكون انهينا الدرس يا امي يعطيكم الف عافيه بحبكم كثير لا تنسوا لايك وكومنت ان شاء الله الحلقه الجايه بحل اسئله الوحده ونختم هاي الجزئيه ومع السلامه ‏Ne.