الهجر الشرعي الجميل للوالدين الظالمين الشيخ محمد عوف

اول ما سمعت الكلام اللي انت بعتته لي انا كنت عايزه اصرخ في الشارع واتصل بكل اللي اعرفهم واقول لهم انا مش عاقه انا مش عاقه هذه كلمات اختي بعتتها ليا لما استفسرت عن بعض الفيديوهات اللي انا نزلتها في الاخر وعرفت ان الوضع اللي هي فيه مش عقوق الحمد لله رب العالمين والصلاه والسلام على نبينا محمد وعلى اله واصحابه اجمعين اما بعد الفيديوهات الاخيره اللي انا نزلتها بتكلم فيها عن بعض الضوابط المتعلقه بالصبر على الاذى سواء كان الاذى من عموم الناس او الاذى من الخواص واعظم ناس لهم درجه من الاحسان والبر كان اللائق منهم ان هم يبادروا بيه الوالدان لكن مع الاسف واقع كثير من الوالدين واقع مؤسف وفتن كثير من الابناء والبنات حتى وقعوا في حيره وبقوا ما بين ا مشايخ بيقولوا لهم ان بر الوالدين واجب على طول بغض النظر هيعملوا فيكم ايه وانك لازم تحتسب وان شاء الله يحصل لك اللي يحصل لك وما بين الوالدين اللي ظالمين اللي مش مديين اي فرصه للاولاد ذكور او اناث ان هم يقدروا يتعاملوا معاهم حتى يعني مش مدين لهم مجال ان يبقى في قدر يقدروا بيه يتواصلوا حتى ادنى درجه من درجات التواصل الاولاد مش عارفين الحل ايه؟ شوفوا يا احبه احنا عندنا ازمات كبيره جدا احنا عايشين فيها سببها الرئيس ان في كثير من تفاصيل الشريعه مع الاسف مش متبينه للناس بحسب الواقع اللي هم عايشين فيه انا نفسي لما كنت عايز اشوف راي المشايخ المشهور الان فقلبت بعض الفتاوى سواء فتاوى مكتوبه ولا فتاوى مرئيه مع الاسف لقيتها فتاوى سيئه ما بتتكلمش على الواقع اللي المفروض الناس اللي الناس بتحسه اللي الناس بتتالم فيه يعني الشيخ بيسال عن سؤال مثلا اذى واقع في بعض الاولاد فيجيب اجوبه عامه عامه اللي هي ايه بقى؟ اللي هي وجوب الاحسان والبر والصبر على الوالدين يا اخي يا فضيله الشيخ انا عايز اعرف انت بتجاوب بناء على ايه اما انك مش فاهم السؤال وما تعرفش قد ايه المعاناه اللي بيعاني فيها بعض الاولاد فرجاء ما تتكلمش العلماء قالوا الحكم على الشيء فرع عن تصوره انت لو مش متصور الواقع اللي بتنزل عليه كلام ربنا وتقول للناس ده دين ربنا رجاء ما تتكلمش يعني ما تفتكرش ان علاقتك بوالديك اللي هي الجميله او اللي انت قادر فيها تحتسب هي العلاقه اللي انت بتتسال عنها لا واقراوا في التعليقات شوفوا المقاسي اللي مجرد قرايتها بتصيب الانسان بالاكتئاب بتخلي قلبه يظلم لهذه الحوادث الكثيره اللي مالهاش حصر في كم الظلم اللي كثير من الناس عايشين فيه من ما يسمى بالوالدين اللي هم المفروض سبب في السعاده والرحمه والسكن والموده هم سبب للشقاء والبلاء والظلم والكره والطلاق والنفور والامراض ايه ده ايه ده فاحنا عايزين نعرف هل الوالدين اللي بالصوره ديت هل الشرع فعلا امرنا ان احنا نصبر يعني ايه نصبر نصبر معناها وانا قلت في الفيديو اللي فات نصبر معناها ان احنا قادرين نتحمل عندنا طاقه ان احنا نتعامل مع الاذى اللي احنا بنمر بيه معاهم معناها الصبر كده الصبر ان انا قادر احبس نفسي واتعامل مع الوضع طب الصبر ده ليه سقف او احيانا بيبقى الاذى بالغ ما فيش طاقه للانسان السوي ان يصبر عليه واحنا احنا بنتكلم على الانسان الطبيعي اللي ليه احساس وعنده دين وبيخاف ربنا اكثر الناس اللي بتعلق بانها متاذيه من ظلم الوالدين الناس بتخاف من ربنا والا العاق مش محتاج كلامي علشان يتجرا على الوالدين لان البعض بيقول كده البعض بيقول انتوا لما تتكلموا كده على الوالدين انتوا بتجراوا الناس على انها تعق لا العق بيعق سواء احنا قلنا له بر ولا قلنا له عق وما فيش حد بيقول بالعقوق لكن احنا لما بننصح المظلوم اللي هو ابوه عقه قبل ما هو يعقه ما تجيش تقول لي انت بتجرا الناس على انها تعق بننصف الضعيف لان مش لاقي حد ينصفه حتى بعض المشايخ ما بينصفوش مع الاسف شيخ بيتكلم بدون ما يتصور الوضع تصور صحيح وشيخ ثاني بيتكلم لانه لازم يتكلم ما ينفعش يقول معرفش لا يا اخي قول معاررفش يا اخي قول معاررفش واتقي الله في نفسك وفي الناس اللي انت بتظلمهم تحت دعوه ان ده حكم ربنا ودين ربنا نعوذ لله ربنا من اسمائه الطيب سبحانه وتعالى فكل تشريعه طيب فيه صفه الطيبه الجمال والعدل والحسن والبهاء والرحمه فكل ظلم احنا السبب فيه واحنا اللي بنحط نفسنا فيه وسببه بعدين عن دين ربنا سواء البعد الحقيقي بالاعراض او البعد الحقيقي ان احنا مش فاهمين الدين اصلا السؤال لما يكون الوالد او الوالده او الاثنين بيحصل منهم ظلم كبير وانا في الكلام اللي فات في الفيديوهات اللي فاتت كنت بتكلم بصفه عامه على ضوابط الهجر وفي هجر شرعي والحد فيه ان الانسان يقع في اذى مش قادر يحتمله فساعتها ليه ان يهجر ما كنتش بصرح بالاب او الام لكن واضح ان الكلام مش كافي كده فلازم نقول ان حتى لو كان اقرب الناس ليك واولى الناس ببرك واحسانك الوالدين لو كان بيقع منهم ظلم عليك فكلام العلماء في هجر هؤلاء بالاخف فالاخف يعني ايه الاخف يعني احنا بندفع الظلم والاذى عننا باخف حاجه اذا كان العلاقه لما يبقى فيها توسع ونخف منها شويه الاذى هيندفع خلاص نخف طب الوضع ده لا طب نبدا نخف كمان شويه وهكذا اذا كان الاذى لا يندفع الا بالهجر فده هجر شرعي. الامام ابن عبد البر هجر جميل خير من مخالطه مؤذيه. ايه الهجر الجميل؟ ان انت او انت بتهجر اللي بياذيك ولو كان الاب او الام هجر منك جميل لانك مش هتعتدي عليهم ولا هتتطول عليهم ولا هتسفح عليهم ولا هتجلح عليهم وانت ما قطعتش الا لما هم دفعوك للقطيعه او قطعوك او مش مدين لك مجال انك تتواصل معاهم ده اسمه هجر منك جميل عشان تصون نفسك فربى هجر جميل خير من صله مؤذيه مين اللي متاذي انت اللي متاذي واذى فوق الطاقه والاحتمال كلام ابن عبد البر كلام في غايه الروعه وكلام ده هو خلاصه ادله الشرح العلماء لما بيذكروا كلام خصوصا لما يكون كلام منقول فيه الاجماع يعني ده خلاصه كلام الائمه في هذه المساله مساله ايه مساله امتى الهجر يبقى شرعي وامتى الهجر يبقى قطيعه واثم وعقوق ويرد فيها كل النصوص اللي بتتوعد العاق وقطع الرحم بكذا وكذا من العقوبات الدنيويه والاخرويه لكن في عندنا هجر اسمه هجر شرعي شرعي يعني ايه يعني الشرع شرعه ليك اذن لك فيه ابن عبد البرقول واجمع على انه يجوز الهجر فوق ثلاث مين اللي اجمع العلماء لمن كانت مكالمته تجلب نقصا على المخاطب في دينه او مضره تحصل عليه في نفسه او دنياه هذا الكلام ابن عبد البر لما ذكره لم يستثني احدا ما قالش الا الوالدين وانا بقول ان كلام اهل العلم بيبقى خلاصه لكلام العلماء المفهوم النصوص خصوصا لما بينقلوا الاجماعات فده اجماع لم يستثني فيه الوالدين مع عظم شانهما لكن الضرر في القاعده الشرعيه عندنا الضرر يزال لا ضرر ولا ضرار شرع ربنا شرع رحمه وعدل ربنا قال سبحانه وتعالى لا يكلف الله نفسا الا وسعها وقال وما جعل عليكم في الدين من حرج فعلشان نفتري على ربنا ونقول ان الحرج الشديد اللي بيوصل للامراض النفسيه والامراض العضويه والانتحار الام اللي بتفرق بين الاولاد فتوقع الظلم حتى الاولاد بيكرهوا بعض بسببها الام اللي بتسعى في تطليق ابنتها او تطليق زوجه ابنها بالظلم لمجرد الهوا الام اللي بتسب الدين الام اللي ما بتصليش الام اللي بتسب بنتها وابنها في كل مكالمه الام التي لا تنتهي من الدعاء على ابنتها او على ولدها والمكالمه ما بتخلوش من كده وكل صله كده وعايزين ايه بقى؟ عايزين طاعه عمياء مطلقه ما يكونش ليكي ولا ليك فيها لا كرامه ولا شخصيه ولا دين ولا اي حاجه يعني انت اعزك الله دابه مركوبه مسخره ليهم الشرع لم ياتي بذلك حرام علينا نقول كده حرام علينا نقول ان ده الظلم ده بر احنا لو عندنا اب ظالم فاسد جهول شاذ مافيش بعض الاباء كده قله لكنه موجودين الاب اللي ممكن يراود ابنته ده الوضع نعمل معاه ايه نعمله ايه نقول زي القاعده العامه اللي بيقولها لبعض يقول ابوك واحسني اليه وعامليه بالحسنى ازاي ده انسان فاسق ده انسان مجرم ده انسان خائن للامانه بيتعامله معامله الفاسق مشعام معامله الاب الرحم لما كانت الاصل فيها تحقيق الرحمه والعطف وانها مؤتمنه على هذه العلاقه كان مطلوب مننا احنا نحافظ عليها اما اذا كانت الرحم دي منتهكه اصلا من الاطراف الثانيه مطلوب مننا نوصل ايه نوصل ازاي وهي اصلا ما فيش مالهاش اصل مالهاش وجود فكلام عبد البر كلام عام اللي هو ايه اللي اللي هو اي اذى الانسان مش قادر يتحمله باي صوره من صور التواصل مش هتعرف تدفعه مع الاب او الام او الاخوه او الاخوات الا بهذه الصوره انك تهجر الاخف فالاخف ولو كان الهجر هيصل الهجر الكلي ومش هتعرف تكف اذاهم عنك الا بكده فرب هجر جميل وده اسمه هجر جميل خير من مخالطه المؤ مؤذيه هختم بقصه جميله قوي اللي احنا فيها برض بنظلم الشرع وبنفسره على على عمومات جائره سعد بن ابي وقاص رضي الله عنه كان ابر الناس بامه واسلم سعد بن ابي وقاص وامه بقت على الكفر عياذا بالله لما بقت على الكفر عملت معاه ايه؟ بدات تهدده بنفس الطريقه اللي بيهدد بيها بعض الاباء الظالمين ابناء ابنائهم بالتخويف من عقوبه ربنا شوف مع ان امه كافره ومع ذلك كانت بتستخدم نفس السلاح ورد في الحديث عند الامام مسلم ان ام سعد حلفت الا تكلم سعدا حتى يكفر بدينه وبعدين ولا تاكل ولا تشرب وتقول له ايه بقى قالت زعمت ان الله وصاق بوالديك فانا امك وانا امرك بهذا يا سلام يا سلام شوف حتى الكافره بتستعمل شرع ربنا علشان يكفروا بالله نفس اللي بيستعملوه دلوقتي بس بصوره فيها التواء شويه الام العاصيه والاب العاصي الظالم والظالمه بيستعملوا نفس السلاح علشان يخلوك تمشي في الحرام اللي هو ايه الحرام ظلمك ظلمك ده حرام ظلم زوجتك حرام ظلم اولادك حرام بسبب امك ظلم اولادك حرام بسبب امك او ابوك ما هو هم بيخوفوك بانك واجب عليك تبر ابوك وامك علشان تقع في الحرام ولذلك انا دايما بنصح الناس المسافر اللي ابوه او امه يقولوا له لما تسافر ما تاخدش عيالك معاك لان عيالك بيؤنسونا اقول له حرام عليك لان انت متزوج علشان تبقى مع عيال ك وعيالك يبقوا معاك الموده والرحمه والسكن مش هتحصل الا لما تجتمعوا طاعتك لوالديك في انك تبقي زوجتك واولادك معاهم دي طاعه في غير معروف حرام عليك تعمل كده وامك لو كانت زوجتك ما كانتش هترضى بكده وامك لما نرجع زمان نرجع بقى الايام قبل كده لما كانت عايشه في في عيشه مختلطه وكانت بتتظلم ما كانتش بتحب كده عجيب قوي قوي انها لما بقت حمى او بقت ام ظالمه رضت لبنتها او مراه ابنها الظلم حاجه عجيبه جدا بجد في مشكله طيب الناس اللي عندها مشاكل سواء مشاكل نفسيه وعقليه ودينيه واخلاقيه اللي هي الام او الاب في بعض احوالهم ودول كتير مع الاسف نعمل معاهم ايه نعمل معاهم بالحاجات اللي احنا نصون بها نفسنا من الفتنه فتنتنا في الدين او فتنتنا في الدنيا ما نتعرضش لامراض بسبب ناس في الحقيقه لا تستحق دول ما يستحقوش النبي لما قال انصر اخاك ظالما او مظلوما ده يشمل كل حد مع الفارق ان ابوك او امك لما يكونوا ظالمين بتنصرهم انك تكفهم عن الظلم لكن بالحسنى انا هديك مثال للحسنى في قصه سعد بن ابي وقاص شوف سعد بن ابي وقاص امه عملت معاه ايه وامه اغشيه عليها لما امتنعت عن الطعام والشراب قعدت ثلاث ايام ما تاكلش وسعد بن ابي القاص عامل ايه ثابت لانه على مرض ما بيعملش حاجه غلط فاخوه اخو سعد سقاها فجعلت تدعو على سعد برده بيخوفوك بالدعاء يقول لك امك بتدعي عليك ما تدعي انت تعرف ان امك او ابوك لما يدعوا عليك وهم ما لهمش حق يعني انت ما عملتش حاجه تستحق بها الدعاء عليك ده اسمه اعتداء في الدعاء هم اثمون بهذا الدعاء اصلا حرام عليهم يدعوا فدعاهم ده ولا تلتفت ليه وبعض الاخوات بتقول لي طب انا بيحصل في حاجات اللي امي بتدعي عليها عليا بيها اقول لها ما دمتي انت ما عملتيش اللي تستجلبي بيه اا استحقاق وقوع الدعاء علي او استحقاق وقوع عقوبه ربنا علي فده مجرد ابتلاء مالوش علاقه افصلي دي عندي فسعد بن ابي وقاص لما عمل كده نزلت الايه نزلت الايه ايه واكثر من ايه نزلت في سعد بتقول له ايه؟ بتقول له ووصينا الانسان بوالديه حسنى والايه الثانيه وان جاهداك على ان تشرك بما ليس لك به علم فلا تطعهما وصاحبهما في الدنيا معروفا ايه الصحبه بالمعروف اللي هو عمله معاها اللي هو ايه ان كان حاسم اموره وهي عماله تجاهده وهو بيقول لها ايه ده جت في بعض الالفاظ وذكرها العلماء ولم يستنكروا هذه الالفاظ خد بالك ان سعد بن ابي وقاص لها قال لها يا امي والله لو كانت لك 100 نفس فخرجت نفسا نفسا فلن اتركها شيئا من ديني فكلي ان شئت او لا تاكلي ولما نزلت الايات بتقر سعد على هذا المسلك وان سعد لم يطعها في معصيه الله وكان هذا الفعل من الاحسان اليها انت تعرف ان من الاحسان الا الوالدين لما يكونوا بيحثوك على المنكر انك لما تكون حاسم في عدم فعل المنكر ده نهي عن المنكر تعرف كده تعرف ان ده نهي عن المنكر تعرف ان ده من نصره الوالدين ان كانا ظالمين مش النبي قال كده انصر اخاك اذا كان ظالم انك تكف عن الظلم عدم امتثالك للظلم الواقع عليك في نفسك او في اولادك او في زوجك او في اي حد عدم امتثالك ليه ده من كف الظالم عن ظلمه لكن الاب دايما بنقول الانسان بيتلطف معاه على قد ما يقدر على فكره بيترطف على قد ما يقدر لان احس احيانا لما الشيخ يقعد يقول لك اصبر واحتسب اصبر واحتسب انت بتصل لدرجه انت لسانك بيفرط مننا غصب عنك انت مش قادر تتحمل ولذلك لما بيتقال اصبر فوق الطاقه ده ظلم ده ظلم وبعدين لما يغلط الابن ولا البنت نقول قه انت عاق ما انتوا اللي وردتوه مش انتوا اللي قعدتوا تضغطوا عليه وتقولوا اصبر وهو مش قادر يصبر فسعد بن ابي وقاص رضي الله عنه ايه اللي حصل الايه نزلت او الايات لان نزل في اكثر من ايه نزلت الايات بتقر سعد على فعله وعلى ثباته وبتقرر القاعده العامه فلا تطعهم ما تسمعش كلامهم ما سمعش كلامهم في ايه في اي مراوده على اي شيء ما يرضيش ربنا مين اللي ما يرضيش ربنا ظلمك وظلمك ما تسمعش كلامهم امك بتدعي علي الدعاء ده اذى اذى كبير ولا سياما ان الدعاء ده يعني الاخت بتقول ما بتبطلش تدعي عليا تقول لها انا بنام على جنب اليمين بدعي عليك بنام على جنب الشمال بدعي عليك بقوم بيكون اخر حاجه ل قبل النوم الدعاء علي ودايما تدعي عليها قدامها طب ده مين ليه صبر على كده يا جماعه انا بقول لكم مش انا يا شيخ مين ليه صبر على كده ماحدش ليه صبر على كده احنا بشر لنا طاقه لنا احتمال فاذا كانتلام بهذه الصوره فعمر ما حد هيقدر اولا يحبها وهي بالصوره دي مش هتقدر انت قلبك مش هتعرف تطوعه وتحب حد بيعمل معاك كده دي حاجه الحاجه الثانيه ان انت ازاي هتقول لي والله انا خليني على صله بيها حتى وهي بتعمل كده طب ما انت مش هتقدر انت مش هتقدر مسامعك كل شويه تسمع السب واللعن والسحر والدعوات عليك انت مش هتطي كده يبقى ساعتها لما يكون ما فيش سبيل الا انك يحال بينك وبين الاذى الا الهجر فهرجع اقول فرب هجر جميل خير من مخالطه مؤذيه وده هج شرعي الشرع كفله ليك عشان تحفظ نفسك لانك لما بتخليك في الطاحونه ديت ولا انت بتخليكي في الطاحونه دي انت بتهلكي لا بتبقي لنفسك ولا لزوجتك ولا لعيالك ولا لامك اللي كانوا بيقولوا لك اصبري عشان تبريها انت مش هتبقي ليها حتى في ايه في ايه ليه بتظلموا الناس بانكم تكلفوهم حاجه فوق طاقتهم انتم بتكلفوا الناس بحاجه فوق طاقتها سعد بن ابي وقاص لما نزلت الايات ديت بتقر على ان الكلام اللي قاله لامه يا امي لو لكي 100 نفس خرجت نفس علشان تصرفيني عن ديني فلن اترك شيئا انت عارف ده معناها ايه معناها ان انت هتقول لابوك شوف يا ابي شوف باللط اهو شوف يا ابي لو انت عايزني اظلم اخويا انا مش هظلمه ومهما حاولت انا مش هعمل ده اسمه تيقيس ليه من انه يطمع فيك في انه يجرك الى الظلم ده اللي عمله سعد وربنا سمى دوت احسان في المعامله وصاحبهما في الدنيا معروفا ده وصف ربنا للي عمله سعد العلماء لم ينكروا ان ده خارج عن حد الاحسان فاحسب امورك واحسمي امورك ما تخليش حد يستغلك تحت اي ظرف ايا كان ما حدش يستغلك ولذلك القاعده انما الطاعه في المعروف فاذا كان طاعه ربنا سبحانه وتعالى وكلها امر بالمعروف امرنا ان احنا نطيع الاب والام في المعروف فاذا ضغطوا علينا فاوقعونا في غير المعروف فطاعتهم هنا مش هي الطاعه الشرعيه فرب هج جميل خير من مخالطه مؤذيه عايزين نحذر من اللي بيجاوب اجابات على غير الاسئله ولا واقع الناس عايزين نحذر من اللي بيجيب عمومات للشريعه وينزلها على الناس في غير تنزيل صحيح كل ده فتنه للاباء والام الامهات الظالمين والظالمات وفتنه كبرى للمظلوم المستضعف الذي يبقى مقهورا بلا ناصر ممن كان يظن ان ينصره وهو الشيخ الذي كان ينبغي ان ينصف المظلوم بقول الله وتفسير حق وقول رسوله وبيان مبين ربنا يهدينا ويعلمنا ويصبرنا وصل اللهم وسلم وبارك على نبينا محمد واله وصحبه