أفضل طريقة لإنهاء الخلافات الزوجية يوسف عبد السميع عبد السميع

السلام عليكم ورحمه الله وبركاته والله حبيت انبه لوحد الامر موضوع يعني كنت تكلمت عليه قبل عندها مده يعني لكن معليش من باب التذكير لانه تصلني بعض الرسائل والله غير مبكيه مبكيه مبكيه موضوع الاخ والاب اللي عندهم الاخت تاع ولا بنته مزوجه من الرجل يصر لها مشكل سواء الاخ او الاب ما فهمتش على كي تصرى لكم هكا الاخت تاعك ولا بنتك هك يصر لها مشكل مع الزوج تاعها كي تجي للدار تروح تخرج صدرك على زوجها يعني انا مانيش نقوللك ما توقفش مع اختك من حقك وهذا يعني كش كاع اللي حيقوللك عليه انك توقف مع الاخت تاعك اذا كانت مظلومه اذا كانت مظلومه توقف معها وتجيب حقها وتتكلم معه بالحسنى من باب احقاق الحق قال حكم من اهله وحكما من اهلها الحكيم مش تجي تخرج عليه قرونك وتخرج عليه صدرك ولاخر يقول له مدام مدام باباك في الحياه ما تخافيش بنتي قدام راجلها لانه انت شش راك حاب دير حاب تدمر هذه العائله ولا راك حاب تصلح هذه العائله وترد كيما يقولوا المياه الى مجارها دوك انت كي تجي تحل المشكل هذا توقف مع الاخت تاعك تنظر على انها عائله وتنظر على انه هذا زوج وهذا رب عائله ومن حقه انه يدافع على روحه فاذا كان هو صاحب الحق فيجب ان تاخذ بيد اختك قال هو عنده الحق في هذه ونوضي يعاود يولي لدارك ولكن اذا كانت هي مظلومه شد يد الزوجه تاعها قال يا اخي ماشي هكا ولازم تسك وكذا وماشي هكا هك هك وبالحسنى من باب الاصلاح ذات البين ماشي مش ماشي للخصومه ديريكت وتخرج صدرك وتحاب تضربه وتحب تدابز معه لانه هذه والله ما تدي البعيد انت راك حمر عائله لانه احنا رانا نتكلموا هكا وكثير من حالات المطلقات اللي صر لهم نفس المشكل هكا وجاو وخرجوا صدورهم هكا باباها ولا خوها يعني جات عنتر على راجلها وقال له راني هنا وكذا من هنا اختي ما خصها والو ولا بنتي ما يخصها والو وكذا وصرا حادث الطلاق وهي الان ما صابت لا رج لا باباها ولا اخوها في الموضوع يعني اضطر الامر و يعني على بالكم حال المجتمع وحال المعيشه اللي راهي يعني اضطرت المراه هذه بانها مع التالي ما صابت لا باباها ولا اخوها في الموضوع تمحنت وحدها وخرجت وخدمت وتمرمدت ونظلم ت ولحقت الامور انتم تعلم بها وشو يدور في المجتمع لان المراه في مجتمعنا المطلقه والارمله على بالكم وشو صار لها بلا ما نحكيو فيا اخوان نصيحه وتذكير يصرى مشكل هكا في عائله بين رجل وامراه وتجي بنتك هذه للدار ولا تجي اختك لهذه الدار حاول تستعمل الحكمه والعقل استعمل الحكمه والعقل في فض هذا المشكل في الاصلاح مش تجي من باب شغل تحب تدابز ودير مشكل لانه كثير من الرجال ما يحبش واحد يتعنتر عليه يقول لك انا نخسر ونفارق فياخوان اتقوا الله في انفسكم ثم كاين واحد المساله اخرى اللي هي حساسه جدا اللعب على وتر الاطفال الاطفال كي يحدث مشكل مش تلعب به انها الورقه الرابحه شغل هذيك هي الورقه هذك شغل ورقه الضغط الدراري ما عندهم حتى ذنب في المشكل بين الزوج والزوجه تاعه فما تلعبش بها ش تقولله تمنعوه من الزوج هذا من رؤيه ابنائه اذا حدث مشكل يعني حتى وكانوا مشاكل بيناتكم وبطات قعدت اشهر ولا قعدت عام ولا كذا ومالحقوش الطلاق مثلا ما تحرمش باباه من انه يشوف ولاده يجي يشوف ولاده وقت ما حب هذو ولاده ما تدخلهمش في المشكل لانه غدوه من غدوه كي يكبر هذا الطفل ولا تكبر هذه البنت ويصير بانه خاله ولا جده ولا يماه حرموه من الاب راح يدعي عليكم حتى وما سراش وكذا هذا من الظن وراك حرا تشوف الذنب تاعه في الدنيا قبل الاخره ذنبان معجن لصاحبهما البغي والعقوق اياك ان تظلم واحد صرى مشكل بين الزوج والزوجه الاولاد خليهم بجي حتى و كان الزوج الزوج هو الظالم حتى ولحقوا لمساله الطلاق وكان ماشي مليح وهذا ماشي ما يستلش هذه الزوجه لكن ولاده يبقاوا حاله استثنائيه خارج الموضوع كامل يجي يدي وقت ولاده وقت ما حب مش عرفك المحاكم كيفا راهم يديروا هذيك تاع ايجيبات عندها عنده ليله في 15 يوم الله اعلم لكن هذا الحكم هذا اللي را يقوله لك في المحكمه ماهوش حكم الهي هذا الاب كيحب يجي يدي ولاده وقت ما حب يعني هذو ولاده فل اكباده هذه فما تخليش الاب هذا او الزوج هذا يدعي عليك لانك حتى وان كان هو ظالم في مساله الطلاق لكن ليس هو ظالم في مساله رؤيه اولاده هنا انتما اللي راكم تظلموا فيه فيدعي عليك فتصاب يعني تشوف واحد المراره في الحياه وراك راح تجوز على واحد العواقب واحد المشاكل وهموم واحزان كلها بسبب انك ظلمت هذا الزوج ظلمتي هذا الزوج ولا انت رحت ظلمت راجل اختك ولا راجل بنتك فالاولاد خلوهم بجيه لانه كثير من الان وراني نقول خليني انا تكلمت على الارمله والمطلقه اللي راهي تعاني بسبب يعني تعنتر خوها وزوجها ولحقت للطلاق ولحقت للمشاكل وهي الان راهي تتمرمد في الحياه وراي تتمرمد في الواقع وكاين امر ثاني كاين شحال من زوج الان اللي راه دروك يبكي يبكي يبكي يبكي صح يبكي وهذا من قهر الرجال يبكي يبكي لانه منعوه من رؤيه ابنائه كان لي سنوات ما شافش ولاده انت ما تقوليش اه يروح ويروح يشتكي شحال يع يروح يشتكي شحال يروح يجيب لابوليس ويجيب لويسي وكذا باش يشوف ولاده لا اطيله ولاده علاه يولي هكلي كل مره يمنع من الاولاد يروح يشتكي بهم بعد ما كذا روحكمه بعد خرج له لويسي علاه علي الحق هذا علاه نشوف هذا في المجتمعات الاسلاميه مجتمع الغرب مجتمع الغرب الغرب حتى مجتمع الغرب الكفر الذين لا يؤمنون بالله ربا ولا بالاسلام دينا ولا بالنبي صلى الله عليه وسلم محمدا نبيا ورسولا ومع ذلك ما تحرم طليقها من الاولاد بل بالعكس هي تديهم ويروحوا وكذا ونشوفوا هذا حادث وكثير من خوتنا اللي ساكنين في الغربه يقولوا لكم هذا الامر المطلقه كانت عادي ولاده ما تحرموا منهم علاه نشوفوا هذا في المجتمعات الاسلاميه في المجتمعات يعني اسوتها النبي صلى الله عليه وسلم خلقها القران منهاجها الكتاب والسنه علاه نشوفوا هذا الامر علاه كلها باش تنتقم من الزوج تنتقم من الزوج بالاولاد تنتقم من الزوج بالاولاد والله غير هذا الموضوع والله غير ارق كثير من الازواج ارق كثير من الازواج فانت كاخ ولا انت كاب هذا المراه هذه كي تجي تحل حل مشكل حلوا باللين حلوا بالحكمه وبالعقل بالكلام الطيب الرفق ما كان في شيء كما قال النبي صلى الله عليه وسلم الرفق ما كان في شيء الا زانه وما لم يكن الرفق في شيء الا شانه بالحكمه حتى الله عز وجل قال حاكم من اهله وحكما من اهلها ان ان يريد اصلاحا يوفق الله بينهما انت كي تدخل في اصلاح هذاذات البين من باب باش تعاود ترد هذه العائله بعضهم بعض باش تعاود تلم شم العائله هذيا ماشي تدخل من باب انك تحب تدابس تحب تفرض رايك انت في هذا الجمع وفي هذا الاصلاح فالله يهدينا والله والله غير مشكله اقسم بالله غير مشكله نقوللك ارقت كثير من الازواج فالله المستعان فالله المستعان السلام عليكم ورحمه الله وبركاته