انتقام الـ 20 ألف عالم الليلة التي سقط فيها ترامب في الفخ وصنع قنبلة الصين اقتصاد الكوكب برو

انت تعرف ان اللي بتعمله امريكا دلوقتي مع الصين في حته التكنولوجيا كان هو بالضبط اللي عملته بريطانيا مع الهند في تربيه التعابين بيحكى ان في ايام الاحتلال الانجليزي للهند الحكومه البريطانيه حاست ان اعداد تعابين الكبرى زاد بشكل مرعب في شوارع دلهند يحلوا المشكله دي ازاي قالوا ان اي مواطن هندي يجيب تعثبان كبرى ميت ياخد مكافاه ماليه في الاول الخطه مشيت زي الفل الناس بتجيب تعبين والاعداد فعلا بدات ان هي تقل بس بعد شويه الهنود بداوا يقولوا كده في سرهم طب ما احنا ممكن نربي التعابين دي في البيوت ونقتلها ونروح ناخد المكافاه وبالفعل عملوا كده هنا الانجليز اكتشفوا الخدعه دي فلغوا المكافاه فورا الهنود يسكتوا ابدا قاموا فاتحين الاقفاص وسابوا بقى كل التعابين اللي كانوا بيربوها تسرح في الشوارع علشان اعداد التعابين تبقى اضعاف اضعاف اللي كان قبل ما الانجليزي يفكروا اصلا في الحمله دي القصه دي معروفه في علم الاقتصاد باسم تاثير الكبرى وده بالملي اللي عملته امريكا في حرب التكنولوجيا مع الصين امريكا حست بالخطر فعملت مبادرات وقوانين علشان تطرد العلماء الصينيين اللي شغالين في جامعتها ومعاملها وتحذر الشركات الصينيه وتقطع عنهم التكنولوجيا كانت مفكره انها بكده بتقتل الكبرى بس النتيجه كانت كابوس على امريكا وفي نفس الوقت معجزه استفاد منها الراجل اللي قدامك ده جاهوي تشاو ماشي معايا الاسامي الراجل ده واحد من اخطر العلماء الصينيين اللي اتحول من ثلاث اربع شهور فاتوا لملياردير جديد فازاي بقى الحظر الامريكي ده كان اكبر هديه يه اخدتها الصين في تاريخها التكنولوجي ومين هو العالم ده وايه اللي عمل وازاي بقى ملياردير هو ده اللي هنعرفه ان شاء الله في حلقه النهارده فسريعا كوبايه القهوه بتاعتك وركز معايا طيب وسط حرب تكسير العظام اللي دايره دلوقتي بين امريكا والصين على شرائح الذكاء الاصطناعي واللي واخده كل الاهتمام في عناوين الاخبار في جبهه ثانيه كده بتتلعب في الضل جبهه موازيه بعيده عن الدوشه دي بتتمحور حوالين حته سيراميك صغيره بتتحكم في كل حاجه تقريبا في الطفره التكنولوجيه الحاليه من اول بقى سيرفرات مراكز البيانات لحد السيارات الكهربائيه والتكنولوجيا دي الصين قدرت مؤخرا ان هي تقطع فيها شوط كبير جدا وتعمل فيها اختراق حقيقي علشان نفهم القصه دي خلينا الاول نبص على الدوشه الحاليه يعني الكل مركز في الدوشه دي على شرائح انفيديا قدرات تي اس ام سي التصنيعيه الات اي اس ام ال واسعار اسهمهم اللي ضربت في السماء والتقييمات الفلكيه اللي وصلوا ليها دلوقتي والكل في الدوشه دي عمال بيسال سؤال كده بيقول احنا هنفضل مكملين بنفس سرعه التطور والنمو ده ولا لا ده السؤال اللي بيدور دلوقتي بس لو بصينا ورا المشي مشهد ده وورا السؤال ده هنلاقي معضله اكبر دلوقتي العالم بنى ذكاء اصطناعي اسرع بكثير من اللي الكهرباء هتشغله لك ان تعلم ان شريحه انفيديا الجديده البلاك ويل الراك الواحد منها بيحتاج كهربا تعادل اللي بتسحبه عماره سكنيه كامله فيها 30 شقه بتكيفتها وتدريب نموذج واحد بس من نماذج جي بي تي الاخيره بيستهلك طاقه تكفي لاضاءه مدينه كامله بشوارعها ببيوتها لمده شهرين كاملين الاستهلاك المرعب ده خلق الازمه الحقيقيه اللي العالم كله حاسس بها دلوقتي النهارده في مليارات الدولارات بتستثمر في مراكز البيانات دي وما بين ثلث لنصف المنشات اللي كان المفروض تشتغل السنه دي واقفه ومتاجله لسبب واحد مش عارفين نوصل لها الكهرباء مش لان ما فيش محطات توليد كهرباء كفايه لا المحطات موجوده ومبنيه بس الازمه في الكابلات ومحولات الشبكه اللي في الشوارع التوصيلات القديمه مستحيل ان هي تستحمل ضغط وسحب الذكاء الاصطناعي لكل الكهرباء دي ولو ضخينا فيها الطاقه دي كلها الشبكه ممكن تتحرق هنا بقى تقوم طالعه لك ماده السيليكون كربايد او الاس اي سي الماده اللي بتتصنع منها شريحه اداره الطاقه شريحه انفيديا من غير الشريحه دي جنبها مش هتديك الاداء اللي اللي انت عايزه. طيب ليه الماده دي بالذات كده؟ هقول لك لان السيليكون العادي اللي بيتعمل منه 95% من شرائح العالم عامل زي الازاز خلاص يعني لو حملت عليه طاقه او حراره بزياده هيطق منك وغير كده ان السيليكون العادي بيهدر ما بين ال 8 ل 12% من الطاقه على شكل حراره اما السيليكون كربايت فبيستحمل حراره وجهد اعلى بثلاث مرات تقريبا وبيقلل الخساره دي في الطاقه لاقل من 2 ل 4% يعني كفاءه تحويل طاقه ممكن توصل ل 98% نفس الماده دي هي اللي خلت السيارات الكهربائيه ممكنه اصلا النهارده شريحه الاس اي سي بتزود مسافه السيارات الكهربائيه دي من 6 ل 10% بنفس البطاريه وده لان حرارتها اقل وللعلم شركه تسلا لقطت الفكره دي وحطيتها بشكل عملي في الموديل 3 من سنه 2018 وبقت اول شركه تتبنى الموضوع ده وبعدها على طول العالم كله جري ورا شركه تسلا النهارده نفس التكنولوجيا دي انتقلت بقى من السيارات الكهربائيه لمراكز البيانات ومع طفره الذكاء الاصطناعي فالطلب عليها بقى مش طبيعي الفكره بقى ان لحد وقت قريب السوق ده كان محتكر كده ومقفول على شركتين من امريكا شركه ولفز سبيد وشركه كوهيرنت بس مؤخرا في السنوات الاخيره المعادله دي اتقلبت تماما الشركه رقم واحد دلوقتي في العالم في انتاج النوع ده من الرقائق بقت صينيه واسمها شركه ايبي ورلد شركه بقت متفوقه على امريكا واوروبا واليابان وتحت ايديها 32% من السوق العالمي لوحدها كده كاكبر شركه من حيث المبيعات السنويه وده في اخر احصائيه موجوده لسنه 20 24 الفكره بقى ان الشركه الصينيه دي شركه عمرها صغير جدا جدا مقارنه بالكبار وهنا في سؤال بيطرح نفسه الشركه الصينيه دي طلعت منين فجاه كده ومين اللي بناها وهل هي سهله كده اخش اعمل شركه على طول يعني في ظل كم سنه تاخد هي ثلث السوق لا الموضوع محتاج ان احنا ندور وراه لما ندور بقى ورا الموضوع ده هنلاقي الراجل اللي قدامك ده جاهوي تشاو يعني انت عارف طبعا انا هقول لك ايه دلوقتي الراجل ده يبقى عالم صيني عمره 66 سنه حاليا قضى منهم ما يقرب من 30 33 سنه كامله في امريكا اتولد سنه 1960 في اقليم فوجيان الصيني اخذ البكالوريوس في الفيزياء سنه 1982 وبعدها بسنتين قام مسافر على امريكا صاحبنا اشاوده دخل جامعه كارنجي ميلون ودي ممكن تعتبرها واحده من اعتى جامعات الهندسه في العالم واخد منها الدكتوراه في الهندسه الكهربائيه والكمبيوتر سنه 1988 وبعدها على طول بقى استاذ في جامعه روجرز الامريكيه ويعني لحد هنا قصه الراجل ده قصه اي مهاجر طموح بس اللي حصل بعد كده مش عادي خالص الراجل ده ما كانش مجرد دكتور كده بيدرس في جامعه وانتهى الموضوع لا ده كان حاجه كبيره جدا اسس بنفسه وكان بيدير معمل الاس اي سي لاب ومن زمان معمل كاربايد السيليكون يعني الراجل اللي قعد في امريكا 30 سنه تقريبا كان بيبحث في نفس الماده اللي بعد كده هتقلب موازين العالم وعلشان تتخيل قيمه الراجل ده العلميه فتشاودا هو اول عالم من اصله صيني يحصل على لقب الاي تريبل اي فيلو بسبب ابحاثه في كربيت السيليكون تحديدا والمؤسسه المؤسسه دي مؤسسه المهندسين الكهربائيين العالميه ووسامها ممكن يعني تعتبره الاوسكار بتاع المهندسين على مستوى الكوكب الخلاصه هنا ان الراجل ده كان عنده كل حاجه بيتمناها اي حد في مكانه واي كفاءه في العالم سمعه اكاديميه معمل باسمه طلبه الدكتوراه بيتدربوا تحت ايده حاجه مستقره في اغنى دول العالم بس ورغم كده في سنه 2011 اخد قرار غريب جدا وقتها ساب كل ده ورجع الصين واسس شركه صغيره اسمها شركه ايبي ورلد هنا انا وت هنسال ونقول طب ليه رجع هندور هنلاقي ان الصين زي ما بيقال عرضت عليه عرض حلو جدا احلى من الموجود في امريكا اللي هو تعالى اعمل اللي انت عايزه التمويل مفتوح والمزايا اللي انت عايزها هتلاقيها ويعني في الاخر كان لازم يقبل ليه لانه عاوز يحول المعمل بتاعه ده والافكار اللي بتطلع منه لتطبيقات تجاريه وفي امريكا في الوقت ده كان صعب ان انت تعمل حاجه زي كده في المجال ده تحديدا لانه يعني وفي الحته بتاعه الكربايد السيليكون دي يعني حته صغيره جدا جدا وفيها خطوره ده غير طبعا ان الكبار عمالقه الشركات زي ولف سبيد وكوهيرنت يعني موجودين فصعب ان انت تطلع فعلشان كده بيقال ان هو قبل العرض الصيني راح هناك ولقي فعلا كل الدعم اللي هو كان محتاجه لكن ورغم كل الدعم ده صاحبنا خبط في حيطه سد ليه؟ هقول لك ما هو يعني الصناعه مش شويه م كان بيترسوا كده جنب بعض لا انت وتحديدا في الصناعه المتقدمه دي انت محتاج عقول وخبراء تقال جدا جدا والكفاءات دي كلها كانت مستقره ومتدلعه في احسن معامل في امريكا ما حدش فيهم كان مستعد ان هو يسيب امريكا ويغامر ويرجع لبلد لسه بتبني نفسها في المجال ده علشان كده الراجل ده قعد سبع ثمان سنين تقريبا من 2011 ل 2018 يعني ممكن تعتبره الشبه شغال لوحده هو وكم واحد كده معاه شركته كانت بتعاني علشان تلاقي باحثين على نفس مستواه وكان في احتمال كبير جدا ان المشروع بتاعه ده يفشل وينتهي وتشاو بقى يرجع من ثاني يستجدي وظيفه اكاديميه في امريكا لكن سبحان الله امريكا بغباء احد مبادرتها هي اللي حلت له المشكله بتاعته دي وقدمت له كل اللي هو عاوزه على طبق من ذهب في 2018 لما اداره الرئيس ترامب اطلقت مبادره الصين عبر وزاره العدل المبادره اللي الهدف المعلن منها كان مكافحه التجسس الصناعي على اساس ان في علماء صينيين شغالين في امريكا وبينقلوا اسرار تكنولوجيه لبلدهم وده بالفعل حصل صل في بعض الحالات وكتير جدا من التكنولوجيا موجوده دلوقتي في الصين عن طريق موضوع التجسس ده لكن المبادره نفسها اللي اتعملت دي يعني تاثيرها على ارض الواقع كان مدمر وزاره العدل الامريكيه وجهت تهم جنائيه ل 148 شخص خلال فتره المبادره 88% منهم من اصول صينيه او اسيويه اقل من ربع القضايا دي في الاخر انتهت فعلا بادانه بس بنتكلم في ربع الفكره بقى ان معظم الادانات القليله دي هي ما كانتش اصلا ادانات تجسس لا ده دي كانت مخالفات اداريه صغيره جدا زي اغفال ذكر منحه او حساب بنكي نسيت ان انت تصرح عنه اللي هو يعني ادانات من النوع الاداري ده اما القضايا الكبيره بقى اللي وزاره العدل عملت عنها مؤتمرات صحفيه و شغل بقى تصدر نشرات الاخبار لا كل الحاجات دي سقط في المحاكم واحده ورا الثانيه صحيح سقطت في الاخر لكن التاثير اللي اتعمل من المبادره دي على الامريكان من اصل صيني او من اصل اسيوي كان مدمر عندك مثلا انمنج هوو استاذ الهندسه الميكانيكيه في جامعه تنسي الراجل ده اتقبض عليه في 2020 بتهمه اخفاء علاقته بالصين واتشهر بيه في الاعلام لما القضيه دي وصلت للمحكمه حصل ان ما كانش حد متخيله عميل الاف اف بي اي المسؤول عن القضيه دي اعترف بنفسه انه كذب على الجامعه وقدم ادعاءات غير صحيحه عن علاقه وهميه بين الاستاذ ده وجيش التحرير الشعبي الصيني في الاخر العالم ده اتبرا تماما من التهم دي في سبتمبر 2021 بس في الاخر مين هيرجع له السنتين اللي ادمرت فيها حياته مين هيرجع له كرامته اللي اداست في الجرايد ونشرات الاخبار خد عندك مثال ثاني عن جانج تشين استاذ في الام اي تي ورئيس قسم الهندسه الميكانيكيه وعضو الاكاديميه الوطنيه للهندسه الامريكيه اتقبض عليه في يناير 2021 بتهم اخفاء علاقته بالصين في طلبات منح فيدراليه تمام يعني انت اخفاء علاقه بعد سنه كامله من تعليق حياته الاكاديميه ومنعه من معمله في الاخر المحكمه اسقطت التهم دي كلها في يناير 2022 الكارثه الاكبر مش في الحالات الفرديه الكارثه في الارقام في دراسه منشوره في مجله بيناس العلميه الامريكيه في 20 23 عملها باحثين من جامعه برنستون وهارفد والام اي تي والدراسه دي اختصارا كده بتقول ان بعد اطلاق مبادره الصين عدد العلماء الصينيين اللي سابوا امريكا زاد بنسبه 75% والاكبر من كل ده ان الثلثين منهم هم رجعوا الصين تحديدا. العدد التراكمي للعلماء الصينيين اللي سابوا امريكا خلال 12 سنه وصل ل 20000 عالم. 200000 عقل ادرب في احسن جامعات العالم هارفورد واي تي وستانفورد وفي شهور ولا سنوات بسيطه اتحولوا من ثروه امريكيه لقنبله معلوماتيه انفجرت في وش الشركات الامريكيه. والنتيجه الطبيعيه لكل ده ان مجمع الاكاديميه الصينيه للعلوم بقى رقم واحد عالميا في تصنيف نيتشر اندكس في 2024 وتقريبا سته من اهم 10 مؤسسات بحثيه في العالم بقت صينيه لا وخد الاخطر من كل ده ان الاحساس بالتهديد هل كان مقتصر بس على اللي اتحقق معاهم دول هقول لك لا استطلاع اكاديمي كشف ان 72% من العلماء الصينيين في امريكا بقوا حاسين انهم مش امنين في شغلهم البحثي يعني تخيل انك تبقى شغال في معمل كده وحاسس ان الاف بي اي هيجي يكسره عليك ويقوموا واخدك وتعال بقى خش معايا في قضيه واثبت بقى ان انت بريء طبيعي هتقوم لامم هدومك ثاني يوم وتروح لمكان ثاني يحترمك المبادره اللي عملها الرئيس ترامب دي يعني خدمت اهداف الصين في تجنيد العقول يمكن اكت من اي مبادره ثانيه الصين نفسها عملتها للغرض ده يعني تخيل معايا علماء امريكا نفسهم بيقولوا ان امريكا اشتغلت لصالح الصين من غير ما الصين تصرف دولار واحد مين بقى واقف في المكان الثاني متلهف كده على العقول اللي جايه له من امريكا هنلاقيه العالم الصيني تشاو اللي عمل شركه ايبي ورلد وبصراحه مش هو لوحده ده كتير طبعا من الشركات الصينيه اللي كانت بتاخد من العلماء دول لكن الراجل ده بقى يعني بعد ما كان قاعد سبع سنين محتاز وعمال يدور على كفاءات ثقيله تيجي تبني معاه الشركه بتاعته فجاه كده ليه امريكا بتبعت له احسن عقول في العالم لحد باب مصنعه والعقول دي لما طفشت ورجعت لبلدها لقت شركه في الوقت ده فاتحه دراعتها وبتقدر قيمتهم وبتقول لهم انا محتاجاكم طيب لحد هنا بقى نقف انا وانت كده مع بعض ونبدا نفكر الصين معاها دلوقتي العقول اللي جايه بتكنولوجيا متطوره جدا بس ناقصها حاجتين مهمين الشركات الصغيره دي ناقصها حاجتين مهمين النقطه الاولى هي الفلوس علشان نبني بالفلوس دي ونشتغل وتاني حاجه الزبون اللي هيشتري الانتاج بتاعنا علشان العجله كلها تدور طيب مين هيحل العقده دي كمان و ويبقى سبب في ان الشركات الكبيره تبص على الشركات المحليه في الصين هقول لك برده امريكا يعني تحس ان امريكا هتقول لهم والله دي برده عندي انا مش هسيبكم في حاجه زي كده وامريكا بدون ما تقصد هتعمل حاجه ثانيه هتقدم فيها الحل للصين للمره الثانيه على طبق من ذهب في 16 مايو 2019 الحكومه الامريكيه نزلت بتقلها بقى كده وقامت حطه شركه هواوي رسميا على القائمه السوداء يعني منعت اي شركه امريكيه ان هي تبيع ليها اي مسمار اليوم ده كان يوم اسود على شركه هواوي لانها كانت معتمده كليا على شرائح امريكا وبرمجيات جوجل وتكنولوجيا الغرب بشكل عام المحللين وقتها طلعوا على كل القنوات والصحف وقالوا كلمه واحده هواوي كده خلاص مع السلامه لكن اللي هواوي عملته صدم الكل قبل قرار الحظر الامريكي ده ب 23 يوم بالظبط تحس كده ان هواوي كانت حاسه ان القرار ده جاي جاي قامت ماسسه كيان جديد اسمه هابل تكنولوجي وده كيان كان براس مال 700 مليون يو وان اترفع بعد كده ل 3 مليار يون كان وظيفته انه يبقى صندوق استثمار بس مش صندوق عادي كده بيدور على ارباح سريعه لا ده ده صندوق استراتيجي هدفه الاول والاخير انه يبني سلسله امداد صينيه بالكامل للشرائح من الصفر وعلشان تستوعب معايا حجم التحول الجنوني اللي حصل في الوقت ده فمن سنه 2006 ل 2016 يعني على مدار 10 سنين كامله شركه هواوي عملت 14 استثمار خارجي بس وده يعني راجع للقواعد اللي حطها المؤسس بتاع هواوي ان الشركه ما تستثمرش في موردها لكن بعد الحظر القاعده دي اتكسرت والصندوق ده عمل 37 استثمار في اول 26 شهر بس فشفت المعدل كان عامل ازاي معدل الاستثمار اتضرب في 20 تقريبا ولحد دلوقتي الصندوق ده عنده استثمارات في 107 27 شركه شرائح صينيه اللي لفت انتباهي في الصندوق ده هو الذكاء اللي كان بيتعامل بيه يعني هو ما كانش بيلعب لعبه فلوس على قد ما كان ذكاؤه في طريقه الاستثمار نفسها الصندوق ده ما كانش بيروح كده يشتري حصص كبيره او يسيطر على الشركات الصغيره لا حصته دايما في الشركات يعني بتبقى حاجه بسيطه من 2 ل 10% بالكتير هنا هتقول لي امال بيكسب ازاي يعني من الاستثمار ده هقول لك اللعبه كلها كانت في عقود الشراء الصندوق ده يقوم رايح للشركه الصغيره دي اللي مليانه علماء راجعين من امريكا ومحتاجين زبون فيقول لهم انا هشتري منكم كميات ضخمه من الانتاج ممكن اخد اكث من نصف انتاجك عادي جدا فبكده الشركات الصغيره دي بتضمن ان عندها سبون ثقيل اسم كبير اداها اعتماد كبير جدا ومستثمر فيها باقي الشركات الصينيه بتبدا تبص عليها فماشي احنا كمان برده عاوزين نستثمر فيكم انت في الاخر هتبيع انتاجك وفي حد كبير قال ان المنتجات بتاعتك دي تمام جدا هنا القيمه السوقيه بتاعه الشركات الصغيره دي بتبدا تضرب في السما وبعد كده بتدخل كمان البورصه الصينيه بشكل مرتاح جدا فالصندوق بتاع هابل ده يكسب من القيمه او الحصه الصغيره اللي دخلها يكسب ارقام فلكيه اللي عمله الصندوق ده ده مفهوم جديد ده مش استثمار عادي ده ده خلق نظام اقتصادي كده جديد بيخلق العرض والطلب في نفس الوقت وفعلا في تسع شركات على الاقل من اللي الصندوق ده استثمر فيهم دخلوا البورصه والاهم من الفلوس هو بناء المورد واكمال بقى سلسله التوريد المحليه لشركه هواوي المهم ان شركه هواوي وهي بتعد قائمه احتياجاتها الجديده بعد موضوع الحظر ده كانت محتاجه كل انواع الشرائح ومن ضمنها شريحه السيليكون كربايد الشريحه دي قبل 2019 شركه هواوي كانت بتجيبها من الشركات الامريكيه لكن بعد الحظر شركه هواوي ما لقتش قدامها غير العالم الصيني تشاو وشركته ايبي ورلد شركه ما كانش حد اصلا شايفها لكن فجاه كده اكبر شركات تكنولوجيا في الصين بقت بتدق بابها وبتقول لها ان هي محتاجاهم النتيجه المباشره بقى لكل ده ان شركه ايبي ورلد بقت النهارده الشركه رقم واحد في العالم في رقائق الاس اي سي بحصه 32% تقريبا من السوق العالمي حصه اكبر من ولف سبيد نفسها واكبر من الشركات اليابانيه او الاوروبيه ومش بس كده خد عندك الرقم ده علشان تستوعب معايا حجم القفزه الجنونيه اللي حصلت دي مبيعات الشركه دي من الويفر الثمانيه بوظه قفزت من 285 ويفر بس في 20 23 ل 7466 ويفر في 24 يعني الانتاج اضرب في 25 ولا 26 الضعف في سنه واحده وده عشان تبقى عارف انجاز تقني كبير جدا جدا ان شركه صغيره تدخل على طول في حته الثمانيه بوصه دي ده موضوع مش سهل خالص وده اصلا اقتصاديات تشغيله حلوه جدا جدا وهيبقى سلاح في المنافسه ما بين الشركات الصينيه والشركات الامريكيه بيديك على الاقل تكلفه اقل ب 17% في الوقت اللي لسه الشركات الامريكيه بتعافر علشان تلحقهم وللعلم امريكا اتهمت علماء صينيين كانوا شغالين في ولف سبيد وشركه روهم اليابانيه بانهم نقلوا اسرار تقطيع رقائق مقاس ثمانيه بوصه دي وودوها للصين وفي الحقيقه يعني لما تقعد تفكر في الموضوع ده ما هو انت اللي ضيقت عليهم الخناق العلماء دول كانوا قاعدين عندك ومرتاحين والدنيا تمام لكن انت لما ضيقت عليهم في خبراء كتيره جدا وتقال معاهم علوم و وخبره واسرار في التكنولوجيا رجعوا لبلدهم وانضموا لفريق البحث والتطوير في شركه ايبي ورلد وشركات الباقيه بقى الشركات التابعه لشركه هواوي وعملوا كل الطفره دي اما صاحبنا اشاو بقى العالم الصيني ده فمن اسابيع قليله كده ا وتحديدا في 1 ابريل 2026 الشركه طرحت اسهومه في بورصه هونغ كونج والسهم طار 35% في اليوم الاول وقيمه الشركه وصلت ل 5.6 من مليار دولار وتشاو اللي بيملك 27% من الشركه ظهر اسمه في قائمه فوربس كملياردير جديد بثروه صافيه كده بنتكلم في واحد ونص مليار دولار الراجل ده حقق حلمه في الاخر اللي مشي عشانه في 2011 لما راح الصين في الاخر قدر ان هو يحول التطبيقات اللي طالعه من معمله لمنتج وشركه ومليارات وفلوس كتير والشركات اللي هو كان خايف منهم في امريكا لك ان تعلم ان شركه ولف سبيد الامريكيه اللي اتاسست سنه 87 يعني بنتكلم في عمر 40 سنه و38 سنه الشركه دي اعلنت افلاسها اه اعلنت افلاسها في 30 يونيو 2025 والاهم من كل ده ان ولف سبيد نفسها في الاوراق الرسميه للمحكمه كتبت ان المنافسه الصينيه المتزايده كانت سبب اساسي للافلاس كل ده كان احد اكبر اسبابه هو المبادره بتاعه الصين اللي اتعملت والعقول الصينيه اللي راحت وهنا انا بقول احد اسبابه لان بصراحه في اسباب كتيره والصين كمان يعني كان ليها ايد بشكل كبير في المبادرات بتاعتها هي علشان تجيب برض العلماء بشكل كبير من امريكا خلاص لكن لولا الحاجات اللي امريكا كانت بتعملها ما كانش الطفره الصينيه دي ما كانتش حصلت بالسرعه دي ولا بالشكل ده كله ولو عايز تتفرج على على اللي بيحصل دلوقتي اتفرج على زياره ترامب الاخيره يعني لو ركزت فيها كده هتلاقيها ان هي مصيبه جدا في حته التكنولوجيا والشرائح تحديدا يعني ترامب في زيارته الاخيره للصين كان متخيل ان هو رايح يساوم من مركز قوه اخد معاه جونسون هوانج بتاع انفيديا تيم كوك بتاع ابلون ماسك ومسؤولين بقى من مايكرون وكوالكوم ومتا يعني الشركات التكنولوجيه الكبيره وكرر عرضه على الصين بانها ماشي اشتروا يا جماعه من انفيديا الشرائح المتقدمه الاتش 200 ه لكن الرد الصيني كان يعني بمثابه الم على وش الاداره الامريكيه لا اللي هو شكرا احنا مش عاوزينها والرئيس ترامب اعلن ان الصين رفضت ان هي تشتري الاتش 200 ودي على فكره مش اول مره ترفض فيها الصين ومش اول مره امريكا تعرض فيها ان الصين تشتري النوع ده من الشرائح من ست شهور تقريبا امريكا سمحت للصين ان هي تشتري الشرائح دي لكن الحكومه الصينيه تدخلت واكبرت شركتها على عدم الشراء والاعتماد على المنتج المحلي وده اللي بيفكرني باللي حصل زمان من الانجليز في الهند لما كانوا مفكرين انهم بيقتلوا تعابين الكبرى لكن بمبادراتهم وبقراراتهم اللي اخدوها زودوا في الاخر اعداد التعابين دي وبس كده يا سيدي دي كانت حكايه النهارده اللي لو عجبتك اتمنى انك تعمل لها لايك وتشترك في القناه وانشر الحلقه دي قدر الامكان لان ده بيساعدنا ان احنا نعمل حلقات اكتر واكتر في النوع ده تحديدا من المحتوى وبس كده سيدي اشوفك ان شاء الله الحلقه اللي جايه شكرا