دولة الهند تالتة اعدادى دراسات اجتماعية ترم 2 مستر عماد حمدى حليل

بسم الله الرحمن الرحيم اعزائي مشاهدي قناه مستر عماد حمدي خليل اعزائي طلاب الصف الثالث الاعدادي مرحبا بكم في فيديو جديد بنتكلم النهارده عن دوله من الدول المقرره على ثالثه اعدادي في الترم الثاني عندنا دوله الهند من الدول الجميله والظريفه واللطيفه واللي انا بعتبرها انها دوله شيقه وسريه ومعظمنا بيبقى عندنا خبره او درايه عنها من الترم الاولاني بنتكلم عن الهند من حيث المساحه من حيث عدد السكان من حيث النشاطات من حيث الحاجات الجميله ديت وفي الاخر بنقول ا الهند بنستورد منها ايه وبنصدر لها ايه لما بنتكلم عن مساحه الهند بنقول مساحه الهند 3.2 ا من يعني تقريبا قد مصر ثلاث مرات او ثلاث مرات وربع تمام وطبعا ما يخفاش عليكم ان الهند في قاره اسيا يبقى انا عندي الهند في مساحتها بنقول 3.2 من بنقول الهند بتقع بين 8انيه شمال خط الاستواء يعني نعد بعد خط الاستواء مان دواير عرض لحد 35 شمال خط الاستواء لما ننقص 8 من 35 نعرف ان الهند بتقع في 27 دايره عرض وده بيخلي عندها تنوع في المناخ طيب لما تكون ثمانيه جنوبا ده بيخلي عندها غابات ده بيخلي عندها حشائش ده بيخلي عندها الدنيا حر ده بيخلي عندها امطار فاحنا بنستفيد من دواير العرض لما نعرفها مش هقول لك احفظها وهديلك في الامتحان اكمل وكلام من ده لان هو في اول الكتاب قال لنا معلومه صريحه ان الارقام والنسب للاستدلال فقط لكن ممكن استدل منها زي ما قلنا ان الدنيا حار عند مانيه جنوبا ما بيني وبين دوائر العرض بينها وبين الاستواء مان درجات ان عندها حشائش وغابات وكلام من ده تمام؟ لما نيجي نتكلم عن خطوط الطول بنقول ان خطوط الطول تقع نعد بعد خط جرنتش سبب 68 خط يعني من اول 68 ده بدايه الهند لحد 97 يعني تقريبا حوالي 30 خط طول او 29 خط طول وطبعا خطوط الطول ما بتفرقش كتير تمام اللي بيفرق عندنا هي دوائ العرض لانها بتفرق في المناخ نيجي بعد كده ونقول تقع الهند في قاره اسيا احنا قلنا الكلام ده يبقى انا عندي الهند بتحط بها المياه من ال الشرق من الغرب وطبعا الشرق والغرب بيتقابلوا مع بعض تحت لان هي عامله زي مانيه او زي سبعه فبالتالي ما بنقولش الجنوب تمام ا الهند بتحتوي بداخلها على دوله اسمها دوله بنجلاديش يبقى انا عندي في دوله معظم ظمها بيقع داخل الهند بنسميها لما تكبروا الدول الجيوب او الدول البينيه هتاخدوها بعد كده ان شاء الله في ثالثه ثانوي بنقول ان عندنا دوله زي دوله بنجلاديش تعتبر في قلب الهند معظمها طيب نيجي نشوف من الشمال جيران الهند تقوم قايل له من الشمال دوله نيبال من الشمال دوله نيبال ومعاها كمان دولتين دوله بوتان ودوله الصين نقول تاني على راي هشام الجخ من الشمال دوله نيبال من الشمال دوله نيبال ومعاها كمان دولتين دوله بوتان دوله الصين ده من ناحيه الشمال طيب من الشمال الشرقي ميانا مهر ميانمار مار الدوله يعني معظمكم ممكن يكون سمع عنها الناس اللي هناك بتبهدلوا اخر بهدله ابحث عنها في جوجل وهتعرف عنها معلومات هتفيدك جامد جدا في باكستان يبقى انا عندي من الشمال في عندي نيبال والصين وبوتان قصادهم الجهه الثانيه دوله باكستان ديت ناحيه طبعا الشمال الغربي نيجي نشوف الشرق والجنوب الشرقي لما هتبص معايا هتلاقي ناحيه الشرق وناحيه الجنوب الشرقي خليج البنغال يبقى انا عندي خليج البنغال ناحيه الشرق وناحيه الجنوب الشرقي ماسك الناحيتين الجهه الثانيه اقصاده على طول الغرب والجنوب الغربي هلاقي عندي البحر العربي الغرب والجنوب الغربي الاقي عندي البحر العربي اساسها عامله زي الاغنيه كده الغرب والجنوب الغربي الاقي عندي البحر العربي يبقى عندي من الشمال دوله بوتان والصين ونييبال وقصادهم باكستان وتحت هلاقي البنغال الناحيه دي وقصاد البحر ايه العربي الناحيه الثانيه وفي عندك ميمار ديت مطرفه خالص لوحدها ناحيه الشرق خالص تمام تعالى بقى نشوف التضاريس طبعا احنا اعودنا ان في التضاريس من الترم الاولاني من الدرس بتاع التضاريس اللي كان دمه تثقيل وانا عارف ان انتم كلكم ما كنتوش بتحبوه كنا بنتكلم عن الجبال وبعدين نتكلم عن الهضاب وبعدين نتكلم عن السهول في كل قاره احنا برده في كل دوله هنتكلم عن جبل او جبلين وهضبه ولو في هضبتين يبقى شغال بس الغال بتبقى هضبه واحده والسهول الفيضيه والسهول الساحليليه طبعا احنا عارفين ان السهول الفيضيه اللي بتبقى موجوده على الا انهار يعني مثلا نهر الجنج يبقى سهول نهر الجنج نهر النيل يبقى سهول نهر النيل نهر دجله يبقى سهول نهر دجله وبالنسبه للبلاج سهول ا اللي على البحر العربي والسهول اللي على خليج البنغال طب تعال كده نشوف الدنيا عامله ازاي قال لك والله بالنسبه للجبال هنلاقي عندنا جبال الهيمالايا في الشمال اللي احنا خدناها طول الترم الاولاني عمالين نقول الهيمالايا اعلى جبال العالم اهي جت لنا اهي يبقى انا عندي جبال الهيمالايا في الشمال وعندي الاقي جبلين لزاز كده وزراف واحد ناحيه الشرق وواحد ناحيه الغرب والاثنين بنفس الاسم هنا جبال الغات الشرقيه وهنا جبال الغات الغربيه يبقى انا عندي جبال الغات الشرقيه وجبال الغات الغربيه اا هلاقي واحد ناحيه الخليج العربي يبقى ده ناحيه الغرب يبقى جبال للغاات الغربيه والاقي واحد ناحيه الخليج البنغال يبقى ده ناحيه الشرق تمام قوي الكلام ده طيب بالنسبه للهضاب الهضبه اللي احنا كلنا بنتكلم عليها في الترم الاولاني هضبه الدكن وديت على شكل مثلث بيتقطعها الانهار يبقى انا عندي الهضاب هضبه الدكن تمام قوي طيب نيجي نبص للسول الفيضيه قال لك والله انا عندي سهول نهر الجانج اللي ايه على الخريطه لو انت جبت خريطه انجليزيه هتلاقيه مكتوب الجانج تمام ده في الشمال الشرقي يبقى انا عندي الجنج وعندي نهر كوفري في الجنوب احسه كده شبه كلمه كوفري كوفري او كوفرتينا بس بحس كده ان هم ايه اتلخبطوا فقوم كاتبين كوفري تمام خليك عارف ان انت عندك نهر كوفري في الجنوب تمام قوي الجماعه دولت ناس لوز نيجي نقول بالنسبه للسهول الساحليه انا بحب السهول ول الساحليه عندنا سهول على خليج البنغال اللي قلنا عليه ناحيه الشرق وعندنا سهول على البحر العربي سهول كروماندل حسها كده كلمه بنت ناس كده كروماندل تحس ان الواد عايز طول النهار يقعد يقولها يدخلها في اي جمله كروماندل وعندي سهول مالبار برض تحس كده ايه انها كلمه يعني امازينج كده طيب مالبار تحس كانت مليار وبعدين نص يحط نقطه فبقت مالبار المهم يعني مش هنزعله يبقى انا عندي ملبار ناحيه ال الجنوب ال ناحيه الشرق ولا الغرب مالبار غرب مالبار غرب كروماندل شرق لما نيجي نتكلم عن المناخ نلاقي المناخ هناك ا حر يعني ايه يعني بيزيد المتوسط السنوي لدرجات الحراره عن 30 درجه يعني في معظم الاحيان بيبقى 30 31 32 28 29 بنلعب حوالين ايه ال 30 درجه يعني تقريبا زي جو مصر كده في الصيف وبتقل الحراره كلما اتجهنا شمالا وده شيء طبيعي لان احنا قلنا ان جنوبها خط الاستواء بينها وبين خط الاستواء قريب من خط الاستواء والدنيا حر فالميه بتتبخر فتعمل سحاب السحاب يتقل ينزل يعمل لي مطر وهكذا ودوره بقى وتقل كلما اتجهناحيه الشمال يبقى الحراره بتزيد ناحيه الجنوب الامتار بتزيد ناحيه الجنوب الدنيا ناحيه الجنوب مش ايه مش مظبطه او مظبطه لو قلنا من ناحيه الحر ومش مناسب يبقى كده لو قلنا من ناحيه المطر والزراعه والغابات والحاجات ديت يبقى تمام تمام قوي طيب تعالى ناخد النقطه اللي بعد كده النبات الطبيعي سواء غابات او حشائش عامل ايه قال لك والله الدنيا هناك جميله بالنسبه للغابات احنا قلنا ان الامطار موسميه يبقى في غابات موسميه يبقى الرياح موسميه والامطار موسميه والغابات موسميه والاقي ده على السواحل الغربيه والشرقيه احسها عامله زي الاغنيه الغابات موسميه على السواحل الغربيه والشرقيه تمام نيجي ونتكلم عن الحشائش قال لك والله بالنسبه للحشائش اكيد هناك حشائش كتير ليه اكيد انا بقول هناك حشائش كتير لان احنا خدنا ان عندهم بقر كتير جدا ان هم رقم واحد في الابكار فبالتالي الابكار ديت اكيد بتاكل ببلاش تمام يبقى الحشائش هناك كتير الحشائش القصيره على هضبه الدكن يبقى انا عندي الحشائش القصيره هلاقيها على هضبه الدكن لما نيجي نتكلم عن السكان في الهند بنقول ان السكان في الهند كتير جدا ربنا يبارك فيهم وان الهند بتعتبر رقم اثنين في السكان طبعا بعد دوله الصين اخدنا الكلام ده في الترم الاولاني وقلنا ليه اسيا اكبر قاره فيها سكان بسبب النفاء الهند والصين اللي مليانين سكان فيهم يعني سكان سكان كتير كتير كتير كنا بنقول ان السكان كتير في السهول الساحليه والسهول الفيضيه زي مدينه ديو دلهي نيو دلهي نيو دلهي ايوه نيو دلهي وبومباي او بومبيج تمام تمام يبقى انا عندي السكان في الهند كتير جدا زحمه جدا وشفناهم يعني الناس تغلبوا على الزحمه عن طريق الطريقه العبقريه اللي احنا كلنا بنشوفها في شوارعنا التوك توك وما ادراك ما التوك توك كل واحد عنده التاكس بتاعه بقى عندك توك توك ملاكي انت والعيله والاسره ممكن تعملوا احاديث تلاقي كده شاب لذيذ وظريف راكب التوك توك واخد جنبه اثنين من اصحابه وماشيين يعني ولا كانهم راكبين لمبجين استطاعت الهند مواجهه المشكله السكانيه من خلال ا انها اهتمت بالتعليم والبحث العلمي يبقى لما اجي اقول لك استطاعه الهند مواجهه المشكله السكانيه ولا لم تستطيع تقول لي استطاعت عن طريق سياسات تنمويه مختلفه زي ايه؟ زي الاهتمام بالتعليم والبحث العلمي. يبقى انا عندي كلمه السر في التغلب على المشكله السكانيه هي الاهتمام بالتعليم والبحث العلمي. وده ادى يا جماعه الى تطوير الزراعه والصناعه وبالتالي التجاره بقت متطوره جدا. لما بنتكلم عن الموارد والانشطه الاقتصاديه يعني الشغلانات اللي بيشتغلها اهل الهند بنقول ان عندنا رقم واحد الزراعه بعد كده نتكلم عن الصناعه بعد كده نتكلم عن الثروه المعدنيه ومصادر الطاقه بنقول في الزراعه يوجد مساحات واسعه في ا الاراضي الزراعيه اللي بتعتمد على مياه الامطار والانهار يبقى انا عندي الامتار احنا قلنا عندهم امتار كتير لانهم قريبين من خط الاستو سواء والمطر كتير وعندهم انهار زي نهر الجانج تمام طيب بتنتج ايه المحاصيل بتاعتهم قال لك والله عندهم حبوب غذائيه محاصيل سكريه محاصيل نسيجيه وزيتيه يبقى لما تيجي تبص تلاقيهم بياكلوا وبيلبسوا بياكلوا ايه بياكلوا حبوب غذائيه بياكلوا الحاجات اللي هي في السكر ياكلوا محاصيل زيتيه يعني الحاجات كلها في المطبخ اهي سواء غذاء او سكر او زيت تمام؟ تحس ان هم ايه بيجيبوها من عند الراجل بتاع التموين وبعدين عندهم محاصيل نسيجيه الناس مش هتمشي يعني كده لازم تلبس تمام زاد الانتاج منها بكميات كبيره في السنوات الاخيره من ايه من الحبوب الغذائيه والمحاصيل السكريه والنسجيه والزيتيه شويه حاجات كده اخرهم ايه كلهم طيب بالنسبه للثروه الحيوانيه والسمكيه تعال نتكلم بالنسبه للثروه الحيوانيه الاول هنقول ان يوجد بالهند ثروه حيوانيه ضخمه ا طبعا ده بسبب كثره المراعي وبسبب ان هم عندهم حشائش فبالتالي الحيوانات بتاكل ببلاش فيوجد في الهند اكبر عدد من الابكار في العالم هي رقم واحد في الابكار ولكن مع ذلك كميه الابكار ديت ما فادتش الهند بحاجه ليه بقى بسبب تحريم الديانه الهندوسيه اكل لحوم الابق ابكار فبالتالي الابكار ما فيش منها فايده يوجد بها اعداد كبيره جدا من الجاموس والاغنام دي ممكن يذبحوها بقى ما اعتقدش ان دي فيها مشكله طيب يبقى انا عندي ايه هي رقم واحد في الابكار ولكن ما بتستفدش منها خدنا احنا في الوحده الاولانيه ان هي كانت رقم واحد برده في الالبان تمام دي تشربوها عادي مافيش فيها مشكله نيجي ونتكلم بعد كده تعد الهند من الدول المنتجه للاسماك بصوره مهمه او من الدول الرئيسيه المنتجه للاسماك وده ليه؟ لان ليها سواحل طويله ملامك سواحل طويله ممكن اي حد يطلع يصطاد تمام ا سواحل على خليج المنغال سواحل على البحر العربي سواحل داخليه على الانهار اللي جوه يبقى هي ليها سواحل على المحيطات وعلى الخلجان بجهه كبيره جدا فبالتالي استغلت الموضوع ده في انتاج الاسماك بالنسبه للثروه المعدنيه ومصادر الطاقه هنلاقي ان الهند بها ثروات معدنيه اهمها الفحم الهند يعني لها مركز مهم في الفحم تعتبر رقم لاثه في انتاج الفحم وتوجد مناجم الفحم في هضبه الدكن اللي احنا قلنا عليها في وسط ا الهند والفحم ده بيتصنع منه الحديد والصلب او بيدخل في صناعه الحديد والصلب تمام تفتكر الهند للبترول ومصادر الطاقه وهتلاقي السؤال ده بيجي لك كتير يقول لك ايه تعتمد الهند على البترول تقول له لا تعتمد ازاي هي اصلا فقيره في البترول يبقى هتعتمد على البترول طب ما النتائج المترتبه على ذلك قال له والله هي لجات الى الطاقه النئويه لجات الى الطاقه الكهربائيه طب بما تفسر لجئه الهند للطاقه النوويه او الطاقه الكهربائيه اقول له انا لسه قايل لك من شويه لانها فقيره في البترول يبقى ما تخليش حد يتنصح عليك قال انا بس تمام يبقى تفتكر الهند للبترول ومصادر الطاقه الثانيه فبالتالي عوضت ده عن طريق الطاقه النوويه والطاقه الكهربائيه جميل قوي لما نتكلم عن الصناعه في الهند بنقول شهدت الهند قفظات سريعه في تطور الصناعه ليه؟ لانها فيها مقاومات الصناعه فيها الايدي العامله فيها المواد الخام فيها مصادر الطاقه فيها الخبره العلميه اهتمت بالتعليم اهتمت بالبحث العلمي ما هو ده اللي احنا قلناه في الدرس بتاع الانشطه الاقتصاديه او مراكز تنكذ النشاط الاقتصادي انتوا فاهمين حاجه؟ يا رب تكونوا فاهمين حاجه نيجي ونتكلم عن النقطه اللي بعد كده ما هي اهم الصناعات اللي في الهند هنلاقي الحديد والصلب احنا قلنا ان هي متميزه جدا هي تعتبر رقم اربعه في انتاج الحديد تمام ورقم ثلاثه في انتاج الفحم والفحم بيدخل في صناعه الحديد والصلب يبقى هي دلوقتي وانت رافع ايدك فوق كده معاك الحديد والصلب ومعاك اثنين اخرهم ايا يعني ايه صناعات غذائيه صناعات كيماويه يبقى معايا اتنين اخرهم ايه ومعايا الحديد والص حط د بقى على جنب وتعال بقى نتكلم ايه اللي اخره ات عارف اي جو تو سكول ماجبناش ا اه اي سليب ناي كلوك اعتقد ان الجمله الانجليزي بتاعي ما شاء الله عليه يعني رائع السيارات الالكترونيات المنسوجات الالات اظن كده انت فهمت يعني ايه تمام اقول تانيش هم اربع صناعات اخرهم الالات والمنسوجات والالكترونيات والسيارات حطهم على جنب واثنين اخرهم ايه صناعات غذائيه صناعات كيماويه والحديد والصلب يادي الغلب تمام نيجي نتكلم عن اهم المدن نلاقي اهم المدن مثلا مدينه نيوديلهي نيوديلهي ديت العاصمه السياسيه بتتميز بايه يا نيوديلهي قالت لك والله انا بتميز بكثره المراكز الصناعيه خلي بالك المراكز ايه الصناعيه والمعالم التاريخيه المهمه يعني لو عايز تبقى سايح وتروح بقى هناك بقى تبقى سايح وتسيح هناك في ارض اللي هي الواسعه تمام طبعا هتسيح انت كده كده هتسيح الحر فاكيد هتلاقي عندك المراكز الصناعيه والمعالم التاريخيه تقعد تتفسح بقى في المراكز الصناعيه بقى وتخش على المعالم التاريخيه بقى وتاخد سيلفي مع هنا وتروح هنا ده الكلام ده فين؟ في نيو ديلهي عشان ما تروحش التوه وترجع تتصل عليها وانت هناك تمام وطبعا ممكن يكون ما فيش هناك شبكه لان زي ما انت عارف يعني الدنيا هناك صعبه طيب عندهم ايه تاني غير نيو ديلهي عندهم بومبي او بومبا اي خلاص عارف انت تحس كده ان انت ايه بتودع قرايبك بومباي باي باي يبقى بومباي العاصمه التجاريه اهم مدن الساحل الغربي من اكبر المواني والمدن الصناعيه بالهند يبقى هي على البلاج فبالتالي البيع والشراء والسفن والتفريغ والشحن من هناك فبالتالي هي من المدن الصناعيه اللي في الهند على البلاج فبالتالي بقت ميناء اللي هي ايه بومبي او بومبا بوم بومباستيك فكرني مستر فالوفا لو تعرفوا مستر فالوفا شاب شاكش طيب نيجي لحيدر اباد حيدر اباد توجد بهضبه الدكن احنا قلنا هضبه الدكن فين في الوسط تمام هنلاقي حيدر اباد هناك في الوسط وتضم عدد كبير من المراكز الاسلاميه خدت بالك من حاجه هنا مراكز وانا من شويه قلت لك في نيوديلهي ان في مراكز بس في نيوديلهي قلت لك مراكز صناعيه انما انما هنا في حيدر اباد قلت لك فيه مراكز اسلاميه وفيه مراكز صناعيه يدويه اوعى تتلخبط اوعى تتلخبط مراكز صناعيه يدويه في هنا مضاف ومضاف اليه انا طبعا ضعيف جدا في النحو بس انا مش عارف بهبد ولا بتكلم بجد بس هم صناعات يدويه مراكز اسلاميه خلاص يبقى الحاجات ديت هتلاقيها فين في حيدر ابات لكن لو عايز مراكز صناعيه بس تلاقيها فين؟ في نيو ديلهي تمام نيجي للسؤال المشهور اللي بيجي في اي دوله يجي يقول لك تربط مصر بالهند علاقات قويه دلل وضح برهن اكد اثبت بما تفسر تقوم قايل له اه لان مصر بتصدر للهند القطن والاسمده الخام والاسمده المصنعه والجلود والفوسفات تحس كلها حاجات تبع الفلاح ليه بقى اقول لك انا ليه بقى بقى لان القطن الفلاح بيزرعه والاسمده الفلاح بيحتاجها عشان فيتامينات للمحصول سواء اسمده خام او اسمده مصنعه طيب والفوسفات هو اللي بيدخل في صناعه الاسمده يبقى الفوسفات بيدخل في صناعه الاسمده اللي بيحتاجها الفلاح لزراعه القطن طب الفلاح ده مش عنده بطه ومعزه ونعج ووزه وحمار وجاموسه وبقره اه طيب ما هي بياخد من الجاموسه والبقره ايه الجلود يبقى انا عندي مصر بيتصدر لهم الجلود واحنا على فكره عندنا دبغه الجلود بتدخل فيه الفوسفات يعني الفوسفات بيدخل في دبغ الجلود وبيدخل في صناعه الاسمده وده كله بيفيد الفلاح اللي هو بيزرع القطن فتحس ان هم عيله كده كامله متكامله رابطه مترابطه تمام طيب تعال نشوف بقى احنا بنستورد ايه من الهند احنا مش بنديهم القطن ناخد منهم غزل القطن عشان ماحدش يعني ايه يبقى كده طيب هتلاقي في حاجات تبع البنات يعني ايه تبع البنات يعني في المطبخ كده تلاقي البنات عارفينها وبيحتاجوها على طول السمسم والشاي والتوابل طبعا ما حدش يستخدم عن التوابل التوابل ديت ا ب في الطبيخ والشاي بعد كل طبيخ والسمسم ما اقولكش بقى يعني انت ممكن بقى خيالك بقى يوديك على حاجات كتير بنحط فيها السمسم طيب قطع غيار وسائل النقل انا مش هكلمك هو يقصد التوك توك بس هو الراجل محروج يكتب لك التوك توك فقام كاتب لك قطع غيار وسائل النقل. انا طبعا عارف ان الحصه كانت ظريفه ولطيفه وخفيفه وان انتوا ما حسيتوش بيها وان انتم عايزين تشكروني وانا هسيب لكم الفرصه ان انتم تكتبوا الكلام ده كله في التعليقات تحت. ا مش محتاج اقول لكم اضغطوا على لايك لان انا عارف متاكد ان انتوا تضغطوا على لايك عشان انتوا ناس جمال وحلوين. طبعا اللايك ده بيخلي الفيديو ينتشر ويخلي الاحداثات بتاعه الفي تيوب تعرف ان هو كده. مش هقول لكم طبعا علقوا لان انتم اكيد علقته من اول الدرس واكتبوا تحت قد ايه ان هو درس مبهر وقد ايه ان انا مدرس عظيم وقد ايه ان انتم استفدتم اسيبكم وانا بتمنى لكم يعني اشوفكم قد الدنيا منورين الدنيا في كل المجالات في ابرز القيادات والسلام عليكم ورحمه الله وبركاته كان معاكم مستر حمدي خليل ومش عارف اقول لكم ايه السلام