حل اسئلة درس البيوع في الإسلام التربية الدينية الإسلامية الصف الأول الثانوي 2026 أ حذيفة عيد

السلام عليكم ورحمه الله وبركاته اهلا بكم طلبه وطالبات الصف الاول الثانوي انا حذيف عيد وده درس جديد من دروس ماده التربيه الدينيه الاسلاميه النهارده ان شاء الله هنحل مع بعض اسئله درس البيوع في الاسلام نحل اسئله كتاب المدرسه والكتب الخارجيه ا اول حاجه تدريبات الكتاب المدرسي السؤال الاول قال تعالى ويل للمطففين الذين اذا اجتالوا على الناس يستوفون واذا كالوهم او وزنوهم يخسر اختر الاجابه الصحيحه معنى قوله ويل يعني عذاب وهلاك ولا ريح ربح ومكسب ولا خساره وضياع طبعا ويل يعني ايه عذاب وهلاك المطففين في الايه هم الطائفون في السوق المتلاعبون في الكيل والميزان المعطون الحق لاصحابه طبعا هم مين المتلاعبون في الكيل والميزان تتحدث الايه الكريمه عن البائعين ولا المشتريين ولا هما معا بتتكلم عن مين عن البائع والمشتري يبقى ايه هما معا بتتكلم عن ان انت بتطفف وانت بتبيع او انت بتشتري ايا كان الظلم اللي انت عملته فبتتكلم عن الفرقين السؤال الثاني بين حكم البيوع بوضع علامه صح امام البيع الحلال وعلامه خطا امام البيع المحرم في كم نوع من البيع كده هنحطهم البيع اللي انت شايفه حلال هتحط علامه صح البيع اللي انت شايفه حرام هتحط علامه خطا طيب النوع الاول تجاره الخضروات ها حلال ولا حرام طبعا هقول له ده ايه حلال تجاره لحوم الخنا خنازير ها ينفع بها الخنزير طبعا ايه حرام ليه لان القران قال ايه حرمت عليكم الميته والدم وايه ولحم الخنزير تجاره الخمور والمخدرات حلال ولا حرام طبعا حرام تجاره الادوات المدرسيه هبيع لك كتب ابيع لك كشاكيل ابيع لك اقلام طبعا ده ايه حلال تجاره لحوم البقر والغنم اللي عايز بقى يشتري لحم بقى ياكل لحم بقر او لحم غنم طبعا ده ايه حلال تجاره الملابس والاحذيه ها حلال ولا حرام؟ حلال تجاره الشيء والبن برده تجاره ايه؟ الناس اللي بتشرب شاي او بتشرب قهوه ده ايه؟ حلال تجاره ادوات لعب الميسر حاجات بقى القمار بقى والكلام ده حلال ولا حرام وانت مغمض كده تقول له ايه حرام السؤال الثالث في الجدول التالي بعض المعاملات ضع صح او خطا امام الحكم الشرعي لها في بعض الحاجات هنقولها وانت هتحط يا اما حلال يا اما حرام اول حاجه يقرض زملائه او المحتاجين نظير فائده سنويه بيديك فلوس سلف مقابل زياده يعني يديك 1000 جنيه وياخدهم منك 1200 جنيه مثلا ده ايه طبعا ده حرام قولا واحدا كده اي قرض بتاخد عليه زياده ده حرام تديني الفلوس وما تاخدش زياده انما هتاخد زياده ده حرام يبيع لاهل المنطقه ما يحتاجون اليه بالتقسيط نظير زياده بسيطه حلال ولا حرام طبعا ده حلال تروح مثلا عايز تشتري تليفون بالتقسيط مثلا التليفون مثلا عامل 5000 جنيه انت مش معاك ال 5000 معاك 2000 بس فهو بيبيع لك التليفون وبياخد منك زياده بسيطه فده حلال عادي يحتكر السلع ويخفيها ليبيعها بسعر اعلى طبعا ده ايه حرام بشتري الحاجات من السوق واخزنها لغايه ما الناس تبقى مش لاقيه الحاجه ديت فايه فبعم بسعر اغلى من سعرها يبقى ده حرام يقوم بتوصيل طلبات الناس الى منازلهم نظير اجر طبعا ده حلال شغال ديليفري مثلا بيشتري للناس الحاجه حد عايز يشتري حاجه من مكان معين هو بيروح يجيبها له وياخد ايه مقابل توصيل صل بتاعه يعني هو يجيب الحاجه مثلا ب 100 جنيه هيديها لك بال 100 جنيه وتدي له مثلا 20 جنيه ايه توصيل مثلا ده حلال ما فيش مشكله السؤال الرابع ابحث في التفسير الميسر للقران الكريم او قصص الانبياء عن النبي الذي حذر قومه من التلاعب بالكيل والميزان ثم ضع دائره حوله في نبي من الانبياء اللي هنقول اسمهم دول حذر قوم ان هم يتلعبوا بالكيل والميزان هل هو ابراهيم عليه السلام ولا نوح عليه السلام ولا شعيب عليه السلام ولا موسى عليه السلام ولا غير ما ذكر واحد غير الانبياء اللي ذكروا دول طبعا اذا اخترت الاجابه الاخيره هتكتب اسمه لو قلت له ان انا بيه غير الموجودين دول تقول لي اسمه ايه طبعا هو موجود فيهم اللي هو مين شعيب عليه السلام السؤال الخامس للبيع والشراء اداب واخلاق دعا اليها الاسلام في توجيهاته اذكر ثلاثه منها قو لي ثلاث اداب من اداب البيع والشراء في الاسلام الحاجه الاولى ان يقصد ببيعه اعفاف نفسه باكل الحلال واجتناب الحرام اللي هي النيه الصالحه بيقصد ان انا ببيع وبشتري ليه عشان اكل من رزق حلال ووفر للناس الايه السلعه وان يتحلى بالخلق الحسن والصدق والامانه والقناعه والوفاء بالواعد لازم يكون عنده اخلاق التجار رقم لاثه تجنب اكل اموال الناس بالباطل ان انا ماسرقش الناس او ايه ماشر للناس سلعه بسعر مثلا ايه اغلى من سعرها او اضحك عليه ابيع له حاجه بايظه واخد منه فلوس ايه في المقابل والحاجه اصلا بايظه ما تستحقش فلوس اا السؤال السادس ك مع مجموعه من زملائك بدراسه ظاهره انتشار المخدرات في بعض الاماكن ثم سجل المقترحات للقضاء على هذه الظاهره طبعا بيقول لك يمكنك الاستعانه بالحاسب الالي والانترنت وبتاع طيب ملخص قصه المخدرات ديت بيقول لك قو لي رايك ازاي نقضي على ظاهره الانتشار المخدرات لو عايز راينا الشخصي فظاهيره انتشار المخدرات ان النبي صلى الله عليه وسلم بيقول ايه لا دين لمن لا امانه له اللي ما عندوش امانه ده ما عندوش دين فاللي ما عندوش امانه مش مؤتمن على الناس ومش مؤتمن على الشباب وبيدمرهم بيدمر صحتهم وبيدمر اخلاقهم وبيدمر جسمهم بالمخدرات فده مالوش امان عندك ده تبلغ عنه على طول كده اقرب اسم شرطه لك وتروح تبلغ عنه لو تقدر تصوره اصلا بالكامره الموبايل هو مش واخد باله وتبعت التسجيل ده للمختصين عشان تقضي على على الشخص اللي زي ده لان اللي زي ده بيدمر الانسان وربنا عز وجل خلق الانسان وكرمه فانت بتيجي تدمر الانسان لما تشربه مخدرات بتدمره و ممكن تضيع مستقبله بسبب المخدرات ف نقضي عليها ان احنا نبلغ يعني الاشكال دي على طول اي حد تعرفه بيبيع حاجه زي كده او بيتعاطى حاجه زي كده ما يعني ايه ما تخبيش عليه خالص طيب اسئله الامتحانات السابقه السؤال الاول صح وغلط بيع النجش لا ضرر فيه طبعا الاجابه خطا ده في ضرر بيع النجش اللي هو ايه بتزود في السلعه بتضحك على حد تعمل نفسك بتزود في السلعه عشان تخلي واحد مش عارف حاجه يقتنع ان هي لها قيمه فيروح يشتريها هو فهو فاكر ان هو ناصح مثلا فانت هي بتضحك عليه وبتخدعه فده حرام اباح الاسلام التجاره فيما خفي بطون الحيوانات قبل موالدها طبعا الاجابه خطا ان هو انت ايه تشتري حاجه تشتري حيوان حامل مثلا بقره مثلا تقول لي انا بشتري البقره البقره دي عامله كام عامله 100000 جنيه والجنين اللي في بطنها ب 20,000 خد 120000 اهو لا ده حرام ما ينفعش لان ممكن الجنين اللي في بطنها ده ينزل ميت اصلا فانت تبقى دفعت فلوس على الفاضي وضع الاسلام اطارا اخلاقيا تحرك فيه البائع والمشتري اجابه صح الاسلام ما سبش موضوع البيع والشراء كده مفتوح ان انت تشتري حاجه ب 1000 جنيه تبيعها لي ب 100000 جنيه لا ده الاسلام حط ضوابط في البيع والشراء انك بتكسب بعقل وفي نفس الوقت ما تبيعليش سلعه بايظه او فيها مشكله السؤال الثاني اختر الاجابه الصحيحه من البيوع الحلال بيع النجش بيع المغصوب بيع الغلال طبعا بيع ايه بيع الغلال الرز والقمح والشعير والحاجات ديت ده حلال عادي انما النجش ده اللي هو تزود في الس في سعر السلع عشان تقنع حد انه يشتريها ده حرام والمغصوب اللي هو تسرق حاجه وتروح تبيعها ده حرام من البيوع المحرمه بيع الخمور ولا بيع الثمار قبل نضجها ولا كلاهما حرام؟ طبعا كلاهما حرام ما ينفعش ابيع خمره او مخدرات وما ينفعش ابيع ثمره ابيع فاكهه مثلا وهي لسه ما استوتش هياخدها يعمل بها ايه؟ هياخد الطماطم مثلا خضراء يعمل بها ايه او التفاح اخضر يعمل بايه؟ الا بقى لو عنده حيوانات هياكلهم الحاجه دي يعني لو بتبيع له طماطم خضراء او تفاحه اخضر او فاكهه خضراء او اي حاجه وهو عنده حيوانات بتاكل السلعه ديت ممكن تبيعها له في الوقت ده من شروط صحه البيع معرفه ثمن السلعه ولا وجود العاقد فقط ولا هما معا السلعه عشان يبقى البيع صحيح لازم تعرف ثمن السلعه انا ببيع التليفون ده ببيعه بكام ب 1000 جنيه بس يبقى انا عارف بكام ما تدبسنيش في حاجه فوق طاقتي مثلا من اركان البيع البائع والمشتري ولا السماحه في البيع والشراء ولا عدم الاحتكار طبعا من اركان البيع البائع والمشتري لازم واحد بيبيع وواحد ايه بيشتري السؤال الثالث قال تعالى ويل للمطففين الذين اذا اكتالوا على الناس يستوفون واذا كالوم اوذرهم يخسرون طيب بيقول لي اذ ذكرت الايات صفات المنافقين وضح هذه الصفات الايات بتتكلم عن بعض الصفات الايه المنافقين المطففين دول ايه الصفات ديت المطففين دول ايه صفاتهم فقال لي اذا اشتروا من الناس سلعه اخذوا حقهم كاملا لو بيشتري منك بياخد حقه ثالث يوم ثالث يقول لك بص حط لي الحته دي بقى زود لي الشويه دول بيشتري منك ليمون مثلا يقول لك حط لي بقى ليمونتين زياده مثلا طب ما انت اخدت حقك انا وزنت لك كيلو زي ما احنا متفقين فليه بتاخد زياده عن حقك ويحرج البائع او واحده ست دايما الحريم هم اللي بيعملوا الحركه القذره دي تقول له حط لي بقى دي زياده طيب دي زياده دي ممكن تدخلك النار الزياده دي ليه لان انت خدتي حقك هو قالت الكيلو ب 20 جنيه ووزان لك كيلو فانت اخدتي تفاحايه او برتقانه مثلا او طماطمايه حطيتيها زياده هو اتحرج منك بس يوم القيامه ربنا مش هيعديها لك قال لي برده واذا باعوا للناس سلعه انقصوهم حقهم لو المطفف دول اللي بيبيع لك يلاقي الميزانه طبه كده مثلا بزياده شويه فبدل ما يسيبها طبه يقول لك لا اشيل ايه حته ثمره اشيل طماطمايه مثلا فما تبقاش الميزانه طبه قوي فبيظلمك لو بيبيع لك او بيشتري منك ما العقاب الذي اعد الله تعالى للمطفين ولماذا دلوقتي ربنا عز وجل توعد المطففين بايه بعقاب ايه هو العقاب وليه ربنا عز وجل توعدهم طبعا العقاب هو الهلاك والعذاب الشديد يوم القيامه لانهم اكلوا حقوق الناس فيما باعوا لهم من السلع هو ده الايه ده العقاب يتمتع الابرار بنعيم الجنه اذكر الايات الداله على ذلك النعيم اللي الابرار بيتمتعوا به في الجنه قال تعالى ان الابرار لفي نعيم على الارائك ينظرون تعرف في وجوههم نظره النعيم ده النعيم اللي هم يتنعموا في الجنه السؤال الرابع ما الحكمه في ان الله احل البيع وحرم الربا ايه الحكمه في كده قلنا لان البائع يقصد ببيع اعفاف نفسه باكل الحلال واجتناب الحرام وللاخرين بالمشاركه في توفير الحاجات للناس اما الربا فهو اكل لاموال الناس بالباطل فالبيع غير ايه؟ غير الربا البيع انت بتبيع عايز تاكل عيش بالحلال اما الربا فانت بتاكل اموال الناس بالباطل تدي له 1000 جنيه تاخدهم 2000 جنيه فانت كده حرام السؤال الخامس قال تعالى ان الذين يشترون بعهد الله وايمانهم ثمنا قليلا اولئك لا خلاق لهم في الاخره ولا يكلمهم الله ولا ينظر اليهم يوم القيامه ولا يزكيهم ولهم عذاب اليم هات معنى لا خلاق لهم ومعنى لا يزكيهم يعني ايه لا خلاق لهم يعني لا نصيب لهم ما لهمش اي نصيب من ايه من الشفاعه او من الحسنات او من دخول الجنه ما لهمش حاجه خالص لا يزكيهم يعني لا يطهرهم من الذنوب ربنا عز وجل هيخلوهم بذنوبهم زي ما هم كده يتعاقبوا بها ما العقاب الذي اعد الله تعالى للذين يرجون للسع بالكذب والقسم بالله باطلا اعقابهم عند ربنا عز وجل طبعا لا نصيب لهم يوم القيامه في دخول الجنه ولا يحسن الله لهم ولا يرحمهم ولا يطهرهم من الذنوب وجه نصيحه الى من يقومون بالدعايه والاعلان عن الكثير من المنتجات في عصرنا الناس اللي بيه تعمل دعايه واعلان لمنتجات يقول لك ايه الحاجات اللي بتخسس دي اللي بيظهروا على التلفزيون على طول الاعلان الممل ده ققول لك ده بيخسس وده بيزود والعسل ماارفش ايه و في راجل كده انا بشوفه كده بس نسيت اسمه والله الراجل الدكتور ده الكداب ده اللي على طول بيكذب على طول بيكذب واحلف بالله كذب كده يقول لك والله العظيم بيعمل كذا والله العظيم بيعمل كذا فنصيحه بقى اللي توجهها للناس دي ايه النصيحه ان يتحروا الصدق والامانه وان يظهروا ما في المنتج من مميزات وعيوب خفيه ان انت كواحد جاي تعمل اعلان مش عشان هتاخد فلوس تكذب على ملايين الناس في ناس كتير بتسمع الاعلان وبتشتري السلعه وبتكتشف ان السلعه فنكوش ما ما فيش اي حاجه مفيده فيها فانت كده ظلمته وسرقته فربنا عز وجل يعاقبك السؤال السادس قال تعالى يا ايها الذين امنوا انما الخمر والميسر والانصاب والازلام رجس من عمل الشيطان فاجتنبوه لعلكم تفلحوه عدد البيوع المحرمه كما جاءت في الايه الكريمه الايه بتتكلم عن خمر وميسر وانصاب وازلام كذا حاجه اهو فايه البيوع فهقول له بيع الخمر والمخدرات بجميع انواعها واشكالها وادوات الميسر والانصاب والازلام وبيع الربا كل دي بيعه ايه محرمه في الايه الكريمه اشاره الى تحريم المخدرات بكل انواعها وضح ذلك الايه بتقول لك ان المخدرات بكل انواعها حرام فين المخدرات في الايه الايه ما جابتش اسم المخدرات اصلا فين المخدرات فقال لي لان الخمر تشمل المخدرات بانواعها وكل ما حرم الشرع اكله او شربه تحرم رم المتاجره فيه ببيع او شراء كلمه خمر بتشمل اي حاجه بتغيب العقل فالمخدرات بتغيب العقل فبتدخل تحت الايه؟ تحت بند الخمر السؤال السابع قال تعالى حرمت عليكم الميته والدم ولحم الخنزير وما اهل لغير الله به والمنخنقه والموقوذه والمترديه والنطيحه وما اكل السبع الا ما زكيتم وما ذبح على النصب فسر معنى الموقوذه والمترديه ايه الموقوذه وايه المترديه فقالوا ان الموقوذه ما ضربت بشيء ثقيل حتى ماتت واحد ضرب الحيوان بحديده على دماغه او بخشبه لحد ما مات فده مش مذبوح الحيوان اللي حلال اكله الحيوان المذبوح اما اللي انضرب بحاجه فمات من الضرب ده ما يتاكلش ده حرام ميته والمترديه ما وقعت من اعلى الى اسفل فماتت بقره مثلا على السطح مثلا فوقعت من البلكونه ماتت دي ما تتاكلش حرام اكلها ليه؟ لانها ما اندبحتش دي ميته واقعه من فوق فدي حرام اكلها حرم الله بيع واكل لحوم الحيوانات النافقه حدد في ضوء فهمك للايه الكريمه الحيوان وان النافق يعني اللي مات ده حرام اكله ليه؟ لان كل ما حرم الشرع اكله او شربه تحرم المتاجره فيه ببيع او شراء طالما ربنا عز وجل حرم اكل وشرب او التجاره فيه كله زي بعضه بقى لا ينفع اكله ولا اتاجر فيه ولا اعمل بيه اي حاجه خالص التحريم مرتبط بالضرر ناقش ذلك تحريم اكل الحيوانات الميته ديت مرتبط بضرر بيحصل الانسان الدليل على الكلام ده طبعا لانها تصيب الانسان بالامراض عشان تاكل حيوان ميت بيصيبك ممكن يصيبك بامراض ليه؟ لان الفكره كلها ان لو الحيوان تعبان اصلا قبل ما يموت فالدم اللي بيسيل منه بعد الذبح بياخد المرض اللي في جسمه كله بينقي جسمه من المرض المرض بيخرج مع الدم فانت لما ما بتذبحوش المرض بتاعه بيتوزع على الايه؟ على اللحم اللي فيه السؤال الثامن للبيع اركان حددها ثم اذكر صفه كل منها البيع ليه اركان قلنا البيع ليه عندنا كام ركن اربع اركان البائع والمشتري والمبيع وصيغه العاقد البائع اللي هو هيبيع السلعه اللي عنده حاجه هيبيعها والمشتري اللي هو هيشتري السلعه دي ومحتاجها والمبيع اللي هي السلعه نفسها اللي انت هتبيعها وصيغه العقد دلوقتي تقول لي ايه بعتك اقول لك اشتريت منك السؤال التاسع للبيع الصحيح في الاسلام شروط وضحها ايه شروط البيع الصحيح الشرط الاول التراضي بين المتبيعين ان احنا الاثنين نبقى موافقين انت مرتاح للبيعه ديت وانا مرتاح ما بتكبرنيش ان انا اشتري ولا بكبرك انك تبيع الشرط الثاني ان يكون العاقد جائز التصرف العاقدين دول اللي هو البائع هو المشتري يكونوا جائزين التصرف رف يعني ما يكونش طفل صغير مثلا او واحد مجنون. الشرط الثالث ان تكون العين مباحه النفع من غير حاجه. عين مباحه النفع يعني بتبيع لي حاجه انا هنتفع بيها بتبيع لي تليفون بتبيع لي اكل شرب بتبيع لي عربيه حاجه استفيد بيها ما تجيبليش حاجه ما فيش منها منفعه مثلا. السؤال العاشر ما حكم الاسلام في الاحتكار ولماذا؟ الاحتكار اللي هو تشتري سلعه الناس محتاجاها فتخزنها لوقت معين الناس مش لاقيه السلع مش موجوده فتبيعها انت بسعر اغلى من سعرها ايه حكمه؟ طبعا وانت مغمض مش محتاج ان اصلا اسالك صح حرمه الاسلام حرام الاحتكار حرام ليه؟ لانه يمنع السلع التي يحتاجها الناس لطعامهم وشرابهم وعلاجهم ليزداد سعرها مما يسبب ضربا لحياه الناس ومصالحهم هو بياخد السلعه يخزنها والناس محتاجينها فبيخزنها فده بيسبب ضرر للناس الناس بتدور مش لاقيه الحاجه ومحتاجينها فهو يبيعها لهم بسعر اغلى من سعرها السؤال رقم 11 حرم الاسلام بيع المسروق والمغصوب ليه الاسلام حرم انك تبيع حاجه مسروقه او مغصوبه ليه لانه تشجيع على السرقه والغصب انت بتشجع يعني انت هتيجي تقول لي ده واحد سارق موتوسيكل مثلا انا هشتري منه لان انا محتاجه يا عم ده حرام هتقول لي حرام ليه وانا اللي سرقته انا مال انا ما هو انا لو ما اشتريتوش منه غيري هيشتريه منه ايوه هي دي المشكله بقى ان انت دلوقتي بتش تشجعه على السرقه لما بتاخده منه بتشجعه ان يروح يسرق غيره لكن لو هو عرف ان الناس كلها عندها دين وما حدش بيشتري حاجه حرام لان الدين هو اللي بيحركك فانت مش هتشتري منه وغيرك مش هيشتري منه طب هو هيسرقه ليه؟ مش هيلاقي مكسب بقى من السرقه فمش هيسرق فانت بتشجعه السؤال رقم 12 صح وغلط بيقول لك ضع علامه صح او علامه خطا امام ال امام الحاجه الايه الحلال او الحرام حط علامه صح امام البيع الحلال وعلامه خطا امام البيع الحرام رقم واحد بيع العقارات انك تبيع بيوت او شقق او كده عندك بيت بتبيعه عندك شقه عندك عماره حلال ولا حرام؟ طبعا ده بيع ايه حلال بيع السيارات عندك عربيه او توك توك بتبيعه ها حلال ولا حرام برده حلال بيع ادوات الميسر الناس اللي بتلعب قمار بقى طبعا ده بيع ايه حرام بيع لحم الخنزير برده لحمه ايه حرام بيع الصحف الافلام الخليعه الناس اللي بتتفرج على افلام ا مش حلوه او مجلات فيها صور وحاجات مش حلوه طبعا المجلات دي انقرضت مش موجوده دلوقتي بقت في فيديوهات بقى وحاجات ف حرام ولا حلال انك تبيع لحد فيديو مثلا مخل ده حرام بيع لحوم البقر والخراف البقر اللي هو البقر والجاموس والخرفان والحاجات ديت حلال ولا حرام طبعا ده بيع ايه حلال ليه لان الانسان ياخد الحاجات دي ياكلها هيستفيد بيها حد كده ان شاء الله نكون خلصنا درس النهارده لو استفدت حاجه من الدرس ما تبخلش علينا بدعوه بظهر الغيب لعلها تكون في ميزان حسناتك ولعل الملائكه تامن على دعائك تقوللك ولك بالمثل لانك بتدعي لاخوك المسلم وسيب لنا تعليق صغير بذكر الله او الصلاه على النبي صلى الله عليه وسلم واستودعكم الله الذي لا تضيع ودائعه والسلام عليكم ورحمه الله وبركاته