الدرس الخامس علوم الصف الخامس الابتدائي مفهوم ‪احتياجات النبات خامسة ابتدائي مستر محمد ابراهيم 2026

بسم الله الرحمن الرحيم السلام عليكم ورحمه الله وبركاته ازيك يا باشمهندس وازيك يا دكتوره يا رب تكونوا بخير اولياء الامور اهلا وسهلا بحضراتكم يا ريت اي حد فتح الفيديو ده صلي على سيدنا محمد عليه الصلاه والسلام ويا ريت بعد اذنك لايك بسيط على الفيديو دي الحصه الاخيره في المفهوم الاول والحصه اللي جايه ان شاء الله هي مراجعه المفهوم ومن ثم هنبدا مراجعه المفهوم على صفحه الفيسبوك ولكن مراجعه الفيسبوك هتبقى مختلفه عن مراجعه اليوتيوب يا جماعه دي من كتاب ودي من كتاب ثاني ان شاء الله باذن الله والولد هو المستفيد وهنا نا بنوفي بوعدنا ان احنا هننوع الكتب اللي احنا هنستخدمها النهارده حصتنا مش علشان الاخيره فتكون مش مهمه لا والله فيها اسئله كويسه قوي يا جماعه ومحط امتحان فيريت نركز ويلا بينا نبدا بص يا جميل التكاثر احنا عندنا تكاثر في الانسان التكاثر في الانسان هو انك تجيب افراد جديده من نفس نوعك علشان النوع بتاعك يستمر يعني كذلك برده عندنا حاجه اسمها تكاثر في النبات بالبلدي خالص هي عمليه انتاج نباتات جديده لما بنجيب نباتات جديده دي اسمها تكاثر في النبات فانا لو جيت في الامتحان قلت لك اكتب المصطلح العلمي عمليه انتاج نباتات جديده تقول لي عمليه التكاثر في النبات طيب مين هو الجزء المسؤول عن التكاثر في العديد من النباتات احنا قلنا قبل كده ان احنا لو عندنا ادي التربه مثلا فاحنا عندنا تحت النبات بيبقى له حاجه اسمها ايه؟ جذر فوق بيبقى في حاجه اسمها ساق وبيبقى في حاجه اسمها ايه؟ اوراق صح؟ طيب انهي جزء فيهم بقى يا مستر الجذر ولا الساق ولا الاوراق هو اللي مسؤول عن حدوث عمليه التكاثر في النبات؟ في الحقيقه لا الجذر ولا الساق ولا الاوراق هو اللي مسؤول عن عمليه التكاثر ولكن الازهار او الزهره تعال نخليها بالجمع الازهار هي العضو او الجزء المسؤول عن التكاثر في العديد من النباتات يا حبيب قلبي لما قلت لك الثلاث حاجات دول واتكلمنا عن الاهميه بتاعتهم فاحنا هنا كنا بنتكلم عن الثلاث حاجات الرئيسيه في اي نبات ما فيش نبات ما تلاقيش فيه جذر وما تلاقيش فيه ساق وما تلاقيش فيه اوراق لكن الزهره بتبقى موجوده في نباتات وما بتبقاش موجوده في نباتات فبالتالي الازهار هي عباره عن الجزء المسؤول عن التكاثر في العديد من النباتات مش في كل النباتات لان مش كل النباتات بتحتوي على ازهار ولما هنكبر شويه ان شاء الله ربنا يكرمك كده وتوصل لثالثه اعدا اعدادي هتعرف ان الازهار مسؤوله عن نوع من التكاثر في النبات اسمه التكاثر الجنسي لان في عندنا حاجه اسمها تكاثر غير جنسي او لا جنسي اللي هو التكاثر الخضري هو ان احنا بناخد حته نبات او ناخد حته من النبات نزرعها فتدينا نبات جديد المهم الكلام ده اكبر من سننا مش محتاجينه دلوقتي انا كل اللي انا عايزه منك دلوقتي معلومتين اثنين بس التكاثر في النبات معناه ايه عمليه انتاج نباتات جديده مين هو الجزء المسؤول عن التكاثر في العديد من النباتات تقول للازهار يا مستر لو انت معاك الورق بتاعنا فانا عايزك تصلح الكلمه دههي هتلاقيها موجوده عندك في الورق تختلف البذور لا هي الازهار جميل تختلف الازهار يا اد من حيث الشكل والحجم واللون وده سؤال اكمل ده سؤال اكمل بيجي في الامتحان يقول لك تختلف الازهار عن بعضها من حيث نقط ونقط ونقط من حيث الشكل والحجم واللون ودي خصائص دي الخصائص اللي بتختلف من زهره لاخرى تلاقي الزهره دي شكلها مختلف عن الزهره دي وحجمها ولونها كمان في ازهار عندها الوان زاهيه براقه وفي الوان للازهار مش زاهيه مش براقه لو جينا نبص على الشكل كده هنلاقي ان ليها اشكال مختلفه طبعا اشكال الظهور بتختلف من نبات لاخر ما تلاقيش نبات الزهره بتاعته زي الزهره بتاعه نبات ثاني وبيختلفوا عن بعض كمان يا اد من حيث الحجم في عندنا ازهار صغيره دي بتيجي اكمل بقى الجزء ده بيجي اكمل فعندنا يا اد ازهار او نباتات الازهار بتاعتها صغيره زيار الاعشاب كده وبعض الازهار بتبقى كبيره الحجم لكن بيختلفوا عن بعض كمان في اللون فبعض الازهار عندها الوان زاهيه براقه حلوه وعندنا بعض الازهار ما بيبقاش ليها الوان زاهيه بيبقى لونها عادي جدا وخافت فبالورقه اللي قدامنا دي فيها اربع او خمس معلومات ناكد عليهم بسرعه التكاثر في النبات عمليه انتاج نباتات جديده الجزء المسؤول عن التكاثر في العديد من النباتات هو الازهار والازهار بتختلف عن بعضها في نقط ونقط ونقط تختلف عن بعضها في الشكل والحجم واللون اما عن الشكل طبعا ليها اشكال مختلفه والحجم بعضها صغير وبعضها كبير اللي تركز لي عليه بعض الازهار حجمها صغير زي مين؟ زي ازهار الاعشاب ازهار الاعشاب حجمها صغير وبيختلفوا عن بعض في اللون فبعض الازهار عندها الوان زاهيه براقه حلوه منوره كده وتجذبك من بعيد وبعض الازهار اللون بتاعها مش زاهي ممكن يعني ايه من بعيد كده ما تيه ما تحسش بيها الورق الجميل ده نزلته لك على جروب التليجرام نزلته لك بجوده نظيفه وكويسه علشان واحنا بنشرح لو شخبطنا على الورق ما فيش مشكله عادي كده كده الورق موجود معاك بجوده كويسه على جروب التليجرام ممكن بس تاخده تطبعه على طول يا حبيبي في سؤال مهم جدا انا عايزك تركز معايا فيه بس هجيب لك من الاصل كده خدنا قبل كده في حصص سابقه ان احنا لو خدنا البذره وزرعناها ووفرنا ليها الاحتياجات الاساسيه بيحصل حاجه اسمها انبات للبذره خدنا الملحوظه دي قبل كده صح ولكن البذره مش هتنبت مش هيحصل لها انبات الا بعد ما توفر لها الاحتياجات اللي هي محتاجاها زي الميه وزي الهواء وزي درجه الحراره المناسبه كمان وبالتالي لما انت بتوفر الاحتياجات دي للبذره ايه اللي بيحصل بتنبت البذره وبعد كده تديك حاجه اسمها شتله والشتله دي انت بتاخدها تزرعها في مكان على الدوام فتديك نبات جديد اذا النبات الجديد كان في الاصل ايه؟ بذره برافو عليك فالبذره هي عباره عن اجزاء النبات اللي بتنمو الى نبات جديد يعني النبات الجديد ده عشان يجي يبقى كان في الاصل بذره وانا زرعتها فبالتالي البذور هي اللي لما تنبت بتديني نبات جديد اكتب المصطلح العلمي اجزاء النبات التي تنمو الى نبات جديد هي عباره عن البذور ولكن بشرط يجب توافر عوامل زي الميه والهواء ودرجه الحراره المناسبه كل دي حاجات لازم توفرها للبذر عشان تنبت وتديك نبات جديد السؤال هنا مين اللي بيجيب لي البذور اللي انا لما بزرعها بجيب نبات جديد الازهار النبات يا باشمهندس ركز يا دكتور النبات بيستفيد من طاقه ضوء الشمس في انتاج البذور ركز ركزي يا دكتوره اللي هناك انت النبات لما بياخد ضوء الشمس ويعمل نعمل عمليه البناء الضوئي بيستفيد من طاقه ضوء الشمس في انتاج البذور تقول لي هو بينتج البذور ليه؟ عشان بعد كده اخد انا البذور دي ازرعها واحصل من خلالها على نبات جديد وبالتالي يستمر النبات ده موجود عندي يبقى مين اللي بتنتج البذور؟ الازهار الازهار هي الجزء المسؤول عن انتاج البذور والبذور دي هي اجزاء النبات التي تنمو الى نبات جديد ولكن بشرط حضرتك توفر لها الاحتياجات زي الميه والهواء ودرجه الحراره المناسبه دي ظهره دوار الشمس لازم تبقى عارفها عشان لو الراجل جابها وسالك عليها سؤال ولا حاجه طيب انا عايز استاذنك بس تركز معايا في الورقه دي والورقه اللي بعدها لان صدقني صدقني وهتفتكر ان شاء الله لما الامتحان يجي في سؤال هيجي من الورقه دي والورقه دي اللي هي انتشار البذور صعب جدا يبقى في امتحان علوم لسنه خامسه الترم الاول وما يكلمكش عن انتشار البذور جزء كده من الاجزاء المنوره عندك في المنهج فيجب انك تركز عليه متوقع في الامتحان امتحان يا جماعه انتشار البذور ما معنى انتشار البذور؟ ان البذره كانت هنا تيجي هنا كانت في مكان فتروح لمكان اخر انتقال البذره من مكان لمكان اخر اسمه انتشار انتقال البذور من مكان لاخر طب السؤال هي البذره دي كائن حي مثلا هياخد نفسه ويمشي لا طبعا امال ايه في حاجات بتساعد على انتشار البذور يا اد وانتشار البذور ده يا مستر مهم طبعا مش البذور دي هي اللي لما بتنبت بتبدا تديك نبات جديد البذره وهي بتنتقل من مكان لاخر عن طريق حاجه معينه اذا وقعت على بيئه مناسبه تنبت تنبت يعني ايه تبدا تديك نبات جديد طب يعني ايه بيئه مناسبه يا مستر انت مش مفاهمني الحته دي بيئه مناسبه هي البيئه اللي بيتوفر فيها الاحتياجات بتاعه البذر عشان تنبت زي الميه والهواء ودرجه الحراره المناسبه فانتشار البذور هو اللي بيجيب جيب لي نباتات جديده. طيب انت لو بصيت على الغابه هتلاقي الغابه الاشجار فيها والنباتات فيها بتتجدد لوحدها ماحدش بيروح يزرع هناك صح ولا ايه؟ ما سالتش نفسك ليه؟ لان في حاجات بتساعد على انتشار البذور وبالتالي البذره لما بتقع على مكان مناسب تنبت لوحدها وتطلع نبات جديد لوحدها من غير ما حد يروح ياخدها يزرعها خلاص طبعا احنا ممكن احنا كانسان ناخد البذره نزرعها بايدينا زي ما احنا بنعمل في النباتات اللي احنا بنستفيد منها في الغذاء بتاعنا ولكن في نباتات بقى بتبقى موجوده مثلا الغابات لا دي بذورها بتنتشر بشكل تلقائي عن طريق الميه او عن طريق الرياح زي ما هنشوف دلوقتي او حتى عن طريق الكائنات الحيه بص يا جميل بيجي سؤال في الامتحان يقول لك تنتقل البذور عن طريق مين ومين ومين اول حاجه ممكن تنتقل عن طريق الانسان والحيوان وايفصل الانسان عن الحيوان لان ربنا سبحانه وتعالى كرم الانسان بالعقل فما ينفعش نقول الحيوان كله مره واحده وممكن كمان البذور تنتقل عن طريق الرياح وممكن البذور تنتقل عن طريق الميه والثلاثه هنتكلم عنهم دلوقتي. طيب السؤال هنا هل خصائص البذور اللي هتنتقل من مكان لاخر بواسطه الانسان والحيوان هتكون زي خصائص البذور اللي بتنتقل بالرياح؟ هتكون زي خصائص البذور اللي بتنتقل بالميه؟ لا طبعا البذور خصائصها بتختلف البذور بتختلف عن بعضها في اكث من حاجه زي الشكل وبالتالي اختلاف البذور في الخصائص ادى لاختلاف طرق انتشارها ففي بعض البذور بتنتشر عن طريق الانسان والحيوان وهنعرف ازاي دلوقتي في عندنا بعض البذور اللي بتنتشر عن طريق الرياح وفي عندنا بعض البذور اللي بتنتقل عن طريق الميه تعالى نبدا بالاولى وهي البذور اللي بتنتقل عن طريق الانسان والحيوان بس بعد اذنك ناكد على المعلومتين دول اكتب المصطلح العلمي انتقال البذور من مكان لاخر هي عمليه انتشار البذور انتشار البذره انها تنتقل من مكان لاخر بمساعده الانسان او الحيوان او الرياح او الميه اكمل تنتقل البذور من مكان لاخر عن طريق الانسان والحيوان دي حاجه الرياح الميه نبدا بالانسان والحيوان نشوف ازاي بيساعده في انتشار البذور الانسان بيتغذى على الثمار فلما حضرتك بتاكل التفاح او الطماطم وبتاكل البذره في ناس عادي جدا وهي بتاكل تاكل البذره عادي البذره دي حاجه ما بتتهضمش بتنزل مع البراز بتاعك البراز ده بينتقل من مكان لاخر وبياخد معاه البذره والبذره دي اذا نزلت على مكان مناسب بعد كده تبدا تنبت على طول وتبدا تعمل لك نبات جديد مش شرط الانسان لان احنا عندنا صرف وعارفين طبعا البراز والحاجات دي كلها بيبقى ليها صرف واماكن محدده بتروح فيها تعالى للحيوانات تعال مثلا للحيوانات اللي موجوده في الغابه الحيوانات بتروح على الثمار تاكلها وبالتالي بتاكل البذره كمان البذره دي بتخرج مع البراز بتاع الحيوان والفضلات بتاعته طبعا الحيوان بيسيب الفضلات بتاعته في اي مكان فالبذره وهي في الفضلات تنزل على مكان مناسب تنبت وتطلع نبات جديد خلاص فمثلا الطماطم والتفاح البذور بتبقى جواهم بذور الطماطم والتفاح بتبقى جواهم البذور اللي جوه دي بقى بتنتشر ازاي لما الانسان او الحيوان ياكلوا الثمار دي بتخرج البذور مع البراز والبراز ده طبعا لو يعني اللي بيحتوي على البذره كان موجود في مكان مناسب تبدا البذره دي تنبت وتطلع لك نبات جديد عادي خلاص فانتشار بذور الطماطم والتفاح بيكون عن طريق الانسان او الحيوان حيث تخرج البذور مع البراز واذا وقعت البذره على مكان مناسب تنبت وتعطي نبات جديد فيما بعد عندنا كمان يا اد الارقيتيون او الارقيتون بيبقى في مسميات كده تلاقي واحد بيقول المسمى كده والمسمى كده بس هي الاركيتيون طيب البذور دي بتنتقل عن طريق الحيوانات ازاي البذور دي يا جماعه خشنه فالحي حيوان وهو جنبها تلزق في الفراق بتاعه لانها خشنه فالفراق يقوم واخدها معاه فراق الحيوانات يقوم واخدها معاه الحيوان طبعا بيتنقل من مكان لاخر ممكن تقع البذره دي ولما تقع على مكان مناسب تبدا تنبت وتطلع نبات جديد يبقى من ضمن من ضمن البذور اللي بتنتقل عن طريق الانسان والحيوان الطماطم والتفاح مثلا وغيرها كتير بس الكتاب ذكر دول طيب حيث تخرج البذور مع البراز وبعد كده عندنا الالقيت بيتميز بان البذور دي خشنه او بذور الارتيتون خشنه وبالتالي بيمكنها ده دي خصائصها دي الخصائص بتاعتها دي الخصائص بتاعه البذره فبالتالي كونها انها خشنه مكنها من انها تلتصق بفراق الحيوانات طب ما الحيوان بيتنقل من مكان لاخر وهي ملتصقه على الفراق بتاعه فيقوم الحيوان ياخدها من مكان لاخر خلاص مين هي الخصائص ركز مين هي الخصائص اللي ساعدت بذره الارقيتون على الانتشار على الانتقال من مجال لاخر انها خشنه وده مكنها من الالتصاق بفراء الحيوانات خلاص يبقى احنا كده اتكلمنا عن بعض البذور بعض مش كل طبعا بعض البذور اللي تنتقل عن طريق الانسان والحيوان في عندنا برده يا اد بذور بتنتقل عن طريق الرياح وقبل ما نخش نشوفها لازم تبقى انت فاهم ان البذور اللي بتنتقل عن طريق الرياح لازم تبقى خفيفه عشان الرياح يقدر ايه يحملها ولازم يبقى عندها حاجه تساعدها على انها تطير في الرياح دي او تطير في الهواء هو ده تعال نشوفهم مع بعض بعد كده يا باشمهندس البذور التي تنتشر عن طريق الرياح بالراحه كده مش دي حاجه بتنتشر عن طريق الرياح يبقى اكيد لازم تبقى خفيفه لازم تبقى بذور خفيفه ما تلاقيش الرياح يعني بتنقل الحاجات الثقيله الا نادرا كده لما تكون الرياح شديده قوي ممكن تهزها كده معاها من مكان لاخر بس يعني هيكون مسافه صغيره ولكن لو انت عندك حاجه خفيفه فاي رياح بتيجي بتاخدها معاها فلما نيجي نتكلم عن البذ البذور اللي بتنتقل عن طريق الرياح اول حاجه تقول لي اكيد البذور دي خفيفه وكلامك صح عندنا بذور القيقب والهندباء الاثنين بذور خفيفه وده ساعدهم هم الاثنين على انهم ينتشروا بمساعده الرياح او الهواء لكن القيقب عنده برده ايه تراكيب كده موجوده فيه ساعدته اكت على انه ينتقل عن طريق الرياح عنده اجنحه تحس انه عنده اجنحه كده بص تحس ان عنده جناحين فبذور القيقه بذور خفيفه لها تراكيب تشبه الجناح وده ساعدها اكتر اكتر لان هي اصلا خفيفه فبتنتشر عن طريق الرياح ما ساعدها اكثر على الانتشار بواسطه الرياح هو وجود تراكيب بتشبه الجناح برده عندنا الهاندباء او الهندباء البذور دي خفيفه وفوق كده كمان عامله زي الباراشوت وعارفين طبعا ان البراشوت ده بيطير في الهواء يبقى كل واحد منهم هي بذور خفيفه وعنده كمان خصائص ساعدته اكت على الانتشار بواسطه الرياح فالقيقب عنده تراكيب بتشبه الجناح اما الهندباء عنده تراكيب بتشبه البراشوت او هو نفسه بيشبه البراشوت وبعدين اجي في الامتحان اقول لك عندي بذره اجي انا في الامتحان اقول لك عندي بذره لديها تراكيب تشبه الجناح اذا يمكنها الانتشار بواسطه الرياح طب عندي بذره لها تراكيب تشبه الباراشوت يبقى تنتشر عن طريق الرياح فاهمني مش لازم يبقى قيقب او هندباء المهم ان البذره دي لها تراكيب تشبه كذا الجناح او الباراشوت دي حاجه تنتشر عن طريق الهواء على طول عندنا حاجه اسمها بذور جوز الهند يا البذور دي مجوفه الحاجه دايما يا اد في الغالب في الغالب لما بتبقى مجوفه بتلاقيها ممكن ان هي تبقى عادي جدا تطفى على سطح الميه ما تغسش البذور بتاعه جوز الهند دي بذور مجوفه من الداخل البذور المجوفه دي بتلاقيها خفيفه برض فبالتالي بتلاقيها بتطفو على سطح الميه تنزل على سطح الميه الميه تاخدها معاها من مكان لاخر بص الميه بتاخدها معاها من مكان لاخر من مكان لاخر ده عمليه انتشار والبذره دي لما بتروح من مكان لاخر وتنزل على مكان مناسب متوفر فيه الاحتياجات بتاعتها تبدا تنبت وتديني نبات جديد عادي ففي عندنا بذور بتنتشر عن طريق الماء اللي هي الجذور او بذور جوز الهند البذور دي من مميزاتها ان هي مجوفه من الداخل فبالتالي يمكنها ذلك من انها تطفو على سطح الميه وبالتالي تنتقل مع حركه الماء من مكان لاخر ما يساعد ذلك على انتشارها في سؤال مهم جدا هتلاقيه من ما بين السطور قبل ما نبدا نحل الاسئله المهمه جدا في حصتنا النهارده ان طريقه انتشار البذور بيعتمد على خصائصها يعني خصائص بذور جوز الهند انها مجوفه دي خصائصها وبالتالي ساعدها ده على الانتشار بواسطه الميه عندنا بذور القيقب والهندباء الاثنين دول بذور خفيفه وكل واحد منهم عنده تراكيب معينه فالقيقب عنده خصائص او تراكيب تشبه الجناح فده ساعده على الانتشار بواسطه الرياح التراكيب الخصائص اللي موجوده في كل بذره هي اللي بتساعد على تحديد طريقه انتشارها الكلام ده انا قلته اصلا قبل ما اتكلم عن طرق الانتشار قلت لك ان خصائص البذره بتؤثر تاثير كبير في طريقه انتشارها فلو هي بذره عندها تراكيب تشبه الجناح تنتشر عن طريق الرياح طب لو عندها تراكيب زي البراشوت تنتشر عن طريق الرياح لو هي خشنه تنتقر عن طريق الفراق بتاع الحيوانات لو هي مجوفه من الداخل تنتشر عن طريق الميه فيجب انك تخلي بالك لك من السطر دو سطر خفيف جدا ولكن ملحوظه محترمه قوي تعتمد طريقه انتشار البذور على الخصائص بتاعتها زي شكلها وزي بعض التراكيب اللي بتبقى موجوده فيها دلوقتي نقدر نحل وعايز اقول لك حاجه اسمعها مني كده ك يعني كنصيحه اخ كبير بلاش مستر من غير ما تحل من غير ما تحل يا دكتوره على المفهوم بتاعنا انت مكشوف يعني ايه مكشوف يعني عباره عن شويه معلومات انت حافظهم لكن ممكن المعلومات اللي انت حافظهم دول يجوا في الامتحان مستخبين ورا ورا سؤال صغته انت مش فاهمها فيجب انك تحل لازم توظف المعلومات اللي انت عرفتها في صوره سؤال وتعرف تجاوب عليه عشان تبقى شاطر الشاطر بيعمل حاجتين بيفهم ويطبق انت فهمت بس لسه ما طبقتش يعني ايه اطبق احل حل كتير مستواك يرتفع ومستواك متوقف على الحل الكتير مش على الشرح الكتير مش انك تشوف شرح كتير هو ده مستواك لا انك تحل كتير هو ده مستواك عايز تعرف مستواك في العلوم شوف انت بتحل قد ايه دي نصيحه والنصيحه لله عز وجل لو بصينا مع بعض كده الراجل بيقول لي اختر طبعا احنا بنحل على الحصه اللي فاتت والحصه بتاعتنا النهارده وظيفه اوعيه النقل في النبات تشبه الجهاز مين في الانسان الجهاز الدوري تعرف نباتات البطاطس بانها ساق نقط تمتد تحت الارض مين يعرف انا مارفش البطاطس درانيه برافو عليك تختلف اوراق النباتات فمنها المسطحه العريضه ومنها الصغيره اللي تشبه الابر لو فاكر المسطحه العريضه زي شجره الموز الورقه كانت بتاعتها ضخمه وكبيره تسمح الجذور في النباتات بدخول الهواء بيقول لك ثوب طبعا اللي بيسمح بدخول الهواء هو مين الاوراق بص كده بص بص انا هعمل ايه الاوراق بين قوسين الصغور شفت الاجابه النموذجيه شفت الاجابه النموذجيه يا دكتوره؟ ما هو ممكن الراجل يكون عايز الصغور وممكن يكون عاوز الجزء بتاع النبات فانا خلصت من القصه دي رحت قايل له الاوراق بين قوسين الصغور اللي هي الصغور المنتشره على الاوراق معلش انا يعني في سن التعب شويه كده فلو لقيت يعني ايه تلاقيتني بقف في نص الكلام كده فمعلش اعذرني انا اسف تعب بسيط كده عضو التكاثر في النباتات هو مين الازهار اللهم لك الحمد والشكر افضل من غيرنا بكتير جدا يا اد بيقول لك بينتج غاز ثاني اكسيد الكربون من عمليه البناء الضوئي الاكسجين تقوم اوعيه الخشب في النبات بنقل الغذاء بص من الاوراق لجميع اجزاء النبات لا دي اللحاء بقى ده اللحاء اللي بعده بيقول لي هنا مصدر الطاقه لجميع النباتات على سطح الارض طبعا الشمس لان النبات بياخد الطاقه الضوئيه او الطاقه الشمسيه عشان يعمل عمليه البناء الضوئي. اجزاء النبات التي تنمو الى نباتات جديده اذا توفرت الظروف المناسبه هي البذور. بينتقل الدم الغني بالاكسجين من القلب الى جميع اجزاء الجسم عن طريق الشرايين. فاكر لما عملنا قلبي كده يا بطل وقلنا سهم داخل وسهم خارج وقلنا ده وريد وده شريان صح ولا ايه؟ صح اللي داخل وريد لكن اللي خارج شريان اللي خارج بيبقى واخد معاه اكسجين وعناصر غذائيه اما اللي داخل بيبقى جايب ثاني اكسيد كربون وبيبقى جايب قليل من الاكسجين والعناصر الغذائيه الشرايين هي اللي بتاخد من القلب يا بطل اكمل اثناء عمليه البناء الضوئي تتحول يا عيني يا عيني على السؤال سؤال محترم جميل المتوقع في الامتحان اثناء عمليه البناء الضوئي تتحول الطاقه الضوئيه الى طاقه كيميائيه مختزنه في سكر الجلوكوز واللي مش هيقول ان احنا قلنا السؤال ده هملص ودانه هملص ودانه ازاي يعني امسك ودانه اعمل الفاكد اهو ايوه قلناه الحصه اللي فاتت وقلت لك خلي بالك ده سؤال مهم جدا طيب المهم ان الطاقه الكيميائيه تتمثل في سكر الجلوكوز اللي النبات بيستخدمه في الحصول على الطاقه الازهار هي المسؤوله عن التك تكاثر في العديد من النباتات ينقل الجهاز نقط في الانسان الماء والعناصر الغذائيه والغازات الجهاز الدوري اكتب المصطلح العلمي الاوعيه الدمويه التي تنقل الدم من اجزاء الجسم للقلب الاورده تاخد من اجزاء الجسم تودي للقلب داخل للقلب يبقى وريد جمعه اورده عمليه انتاج نباتات جديده يبقى التكاثر في النبات او التكاثر في النباتات خلونا نجيب اسئله جديده خلونا نجيب اسئله جديده بيقول لي ايه يا باشمهندس صوب تسمح الجذور في النبات بدخول الهواء نقول له بقى الاوراق ها ما تبقاش بخيل بقى من قوسين الصغور عضو التكاثر في النباتات هو مين الازهار اجب عن الاسئله التاليه بيقول لي قارن بين الشرايين والاورده من حيث الوظيفه الشرايين بتاخد من القلب تودي لاعضاء الجسم الشرايين تنقل الدم من القلب الى اعضاء بين قوسين كده اجزاء او تقول اجزاء بس احذف اعضاء دي وخليها اجزاء الجسم خلاص المختلف اما الاورده العكس بتاخد من اجزاء الجسم اجزاء الجسم الى القلب خلاص لو انت شطور شويتين ثلاثه تقول لي كل واحد فيهم بينقل دم غني بايه تقول لي تنقل الشرايين الدم الغني بالاكسجين والجلوكوز من القلب الى جميع خلايا الجسم برافو عليك والعكس الاورده تعيد تعيد ثاني او الدم المحمد بثاني اكسيد الكربون والقليل من الاكسجين والعناصر الغذائيه برافو عليك ما الخصائص التي تميز بذره او بذور القيقب خفيفه لها تراكيب تشبه الجناح البذور خفيفه لها تراكيب تشبه الجناح المهم الراجل بيقول لك ايه بقى وكيف ساعدتها هذه الخصائص على الانتشار مش هي يا مستر عندها تراكيب تشبه الجناح ح ده يساعدها على الانتشار بواسطه الرياح او الهواء وكمان خفيفه يا مستر ما تنساش يبقى ساعدها ذلك على الانتشار بواسطه الرياح بين قوسين كده الهواء بعض الازهار حجمها صغير صح ام خطا بعض الازهار حجمها صغير مثل ازهار الاعشاب برافو يتشابه نظام النقل في النبات مع الجهاز الدوري في الانسان 10 على 10 يتكون القلب من اهو ده بقى مش 10 على 10 اربع حجرات كان اثنين فوق واثنين تحت فاكر اساميهم اه ها وزينان وابو طينان يفتح عليك ربنا يا ابني اللي بيذاكر ده شخص مريح شخص مريح وشخص متفوق بيقول لي هنا اكمل يا جميل بيقول لي تنتقل بذور الهاندباء عن طريق ايه الهندباء او القيقب عن طريق الرياح ماده الكلوروفيل مسؤوله عن ايه مسؤوله عن اعطاء النبات او اوراق النبات اللون الاخضر تنتشر الثغور على سطح الاوراق من مكونات الجهاز الدوري القلب والاوعيه الدمويه والدم علل تستحيل الحياه على سطح الارض بدون النباتات النباتات بتطلع اكسجين اللي احنا بنتنفذه يبقى نقول له لان النباتات توفر الاكسجين اللازم للتنفس استنى النباتات يا حبيبي لما بتكون غذائها هي مش بتكون غذائها بس لا ده بتكون غذاء جميع الكائنات الحيه فيما بعد فبالتالي ممكن نضيف الحته دي للاجابه نقول له كما ان النباتات تصنع غذاؤها وغذاء جميع الكائنات الحيه من غير النباتات الكائنات الحيه مش هتلاقي حاجه تاكلها يبقى لان النباتات توفر الاكسجين اللازم للتنفس كما ان النباتات تصنع غذائها بنفسها وغذاء جميع الكائنات الحيه فيما بعد وممكن نختصر الحته اللي في الاخر دي نقول له كما ان العديد او الكائنات الحيه بشكل عام تعتمد على النباتات في غذائها بيقوللي علل تنتشر بذور الاركيتون عن طريق الالتصاق بفراق الحيوانات لانها خشنه لانها بذور خشنه ده اهم حاجه ده اهم حاجه انك تقول لي انها خشنه ده بيساعدها على الالتصاق مما يساعدها على الالتصاق بفراع الحيوانات وبالتالي انتشرها السؤال بقى هنا انا عايزك تفهمه تفهمه الاول عشان تعرف ازاي تجاوب عليه بيقول لك هو ليه هو كده كلمه علل يعني ليه ليه في طرق متنوعه لانتشار البذور بسبب اختلاف خصائص البذور ما هو اختلاف خصائص البذور ادى لاختلاف طرق انتشارها فعندنا طريقه انتشار واحد وثنين وثلاثه بسبب اختلاف خصائص البذره فطريقه الانتشار بتعتمد على خصائص البذره بما ان خصائص البذره مختلفه عن الاخرى وبالتالي ادى ذلك لاختلاف طرق الانشار فلما يقول لك علل تنوع او تتنوع طرق الانشار تقوللي الاختلاف خصائص البذور فمنها من فمنها ما ينتشر عن طريق الانسان والحيوان زي مين؟ زي الطماطم طماطم القوطه والتفاح ما تبقاش بخيل في اجابتك كمل ومنها ما ينتشر عن طريق الرياح زي القيقب والهاند بقى ومنها ما ينتشر عن طريق الماء زي بذور جوز الهند خلاص جوز الهند جميل ايه جوز الهند خلاص هل في مشكله في الورقه دي اخر ورقه موجوده معانا يلا حلنا كتير انا قايل لك ان 30% شرح و70% حل اذكر النواتج الثانويه من عمليه البناء الضوئي الاكسجين ناتج ثانوي الاكسجين ناتج ثانوي وكمان بخار الماء علل اهميه سكر الجلوكوز مش ده غذاء النبات مش ده اللي بيدي للنبات الطاقه اللي هو محتاجها عشان يستمر في النمو البقاء طب خلاص يمد النبات بالطاقه اللازمه للنمو ماذا يحدث اذا سقطت بذره احد النباتات في بيئه غير مناسبه يعني ايه بيئه غير مناسبه مش متوفر فيها الاحتياجات بتاعتك البذره مش هتنبت لن تنبت البذره لعدم توافر الاحتياجات وحتى لو تم انبات هيكون نبات هزيل وضعيف لان ما فيش احتياجات خلاص حتى لو تم وحدث انبات للبذره تنمو بشكل ضعيف وهزيل ممكن نكتفي بالاجابه لن تنبت البذره لعدم توافر الاحتياجات الاساسيه للنمو تختلف الازهار فيما بينها في بعض الصفات اذكرها مش احنا قلنا ان الازهار بتختلف في الشكل والحجم واللون تنقسم الاوعيه الدمويه في جسم الانسان الى ثلاث انواع الشرايين الاورده الشعيرات الدمويه والحمد لله يعني ما فيش ولا سؤال هنا الا واتكلمنا عنه وكمان الولد عنده فيدباك كويسه انه يقدر يتكلم في اي نقطه لو نسي الاجابه وده مهم عندي ده مهم جدا الواجب الوحيد ليك يا باشمهندس هو عباره عن الصوره اللي قدامك دي بيقول لك حدد وظيفه اوعيه الخشب واوعيه اللحاء ده يبقى انت ما بتذاكرش خالص لو ما عرفتش تجاوب السؤال ده اشوفك في المراجعه المهمه على المفهوم الاول هنشوف بقى يعني الكتب اللي تقدر تفيدنا ايه ونبدا ننزل مراجعات مش شرط خالص تلاقيني بنزل لك المراجعه من كتاب سلاح التلميذ مش شرط ممكن اجيب لك كتاب عادي جدا ماهواش معاك واعمل لك منه مراجعه ونحلها هنا على قناه اليوتيوب وتلاقيني باخد لك سلاح التلميذ احله لك على الفيسبوك او احللك كتاب تاني زي مثلا كتاب الشاطر او اي كتاب كويس ممكن اجيبلك منه اسئله كويسه انت ما تتوقعها ما تتوقعنيش يا باشمهندس هجيبلك اسئله من المريخ استناني اشوفك على خير سلام كم