الدرس الثالث علوم الصف الخامس الابتدائي مفهوم ‪احتياجات النبات خامسة ابتدائي مستر محمد ابراهيم 2026

بسم الله توكلنا على الله سلام عليكم ازيكم يا باشمهندسين وازيكم يا دكاتره يا رب تكونوا بخير عارفين يا اد لو احنا مسكنا اي نبات ايا كان نوعه ايه لازم نلاقي اجزاء رئيسيه موجوده في النبات ده ما فيش نبات من غير الجذر وما فيش نبات من غير ساق وما فيش نبات من غير اوراق اي نبات تمسكه لازم تلاقي فيه الاجزاء الرئيسيه الثلاثه دول في نباتات بيبقى فيها حاجات ثانيه زي مثلا الزهره زي حاجات ثانيه هناخدها لما نكبر ولكن اي نبات لازم امسكه لازم الاقي اجزاء رئيسيه موجوده فيه لان الاجزاء الرئيسيه دي بتلعب دور مهم جدا جدا في تكوين غذاء النبات اثناء عمليه البناء الضوئي اذا لازم تبقى موجوده اذا اول سؤال موجود في حصتنا النهارده ما هي الاجزاء الرئيسيه الموجوده في اي نبات جذر وساق واوراق واكيد طبعا كل واحد فيهم يا باشمهندس له اهميه هنتكلم فيها النهارده فاهلا بيكم في الدرس الثالث في مفهومنا الاول احتياجات النبات وباكد لك ان والله العظيم 100% الدرس ده هيكون موجود في الامتحان سواء امتحان الشهر او حتى امتحان نص السنه بفضل الله عز وجل وافتكر كلامي كويس قوي خلينا نبدا بس ما تنساش انك تصلي على سيدنا محمد عليه الصلاه والسلام واللايك الجميل بتاعك ده شيء بينجحني فلو انت شايف ان المجهود ده يستاهل اللايك بتاعك ما تتاخرش يلا بينا نبدا بص يا جميل اول حاجه كده الجذر معروف ان الجذر ده يا اد بيبقى موجود تحت سطح الارض فبالتالي هو بيعمل اول حاجه كده على تثبيت النبات في التربه علشان لو جه شويه هواء شداد ولا حاجه ما يخلعوش النبات فاول وظيفه من وظائف الجذر هو تثبيت النبات في التربه هل بس تثبيت النبات في التربه لا طبعا الجذور يا اد قلنا قبل كده انها بتعمل على امتصاص الماء والماء ده يا ولاد بيكون محمل بعناصر غذائيه الماء والعناصر الغذائيه من التربه وبيبقى موجود حاجه مهمه جدا جدا على الجذور من تحت حاجه اسمها ها زوائد شعريه دي الجذور هتلاقي عليها حاجات رفيعه كده صغيره زي ما انت شايف في الصوره الحاجات الصغيره دي ليها وظيفه مهمه جدا جدا الاول اسمها ايه الزوائد اللي زي الشعر الصغير ده اسمها ايه اسمها الشعيرات الجذريه بتبقى منتشره على الجذر ودي بتعمل يا اد على زياده كميه الماء الممتص والعناصر الغذائيه من التربه دي بتعمل على زياده امتصاص الماء والعناصر الغذائيه من التربه وبالتالي بتحسن من كفاءه عمليه البناء الضوئي لان عمليه البناء الضوئي محتاجه ميه ومحتاجه عناصر غذائيه هو الماء يا باشمهندس اللي بيكون طالع ده بيكون محمل بالاملاح اللي هي العناصر الغذائيه الموجوده في التربه فانا عايزك تبقى عارف حاجه مهمه جدا ان اي نبات نمسكه لازم يبقى نلاقي فيه اجزاء رئيسيه ثلاثه جذر وساق واوراق ما هي وظيفه الجزء الرئيسي الاول الموجود في اي نبات وهو الجذر تثبيت النبات في التربه وامتصاص الماء والعناصر الغذائيه من التربه كما ينتشر على الجذر زوائد زوائد تشبه الشعر عامله زي الشعر انت شايفها في الصوره قدامك حاجات صغيره قوي خلاص الزوائد دي يا باشمهندس اللي تشبه الشعر اللي بتوجد على الجذور تسمى شعيرات جذريه اقول لك ما هي وظيفه الشعيرات الجذريه مين يعرف وظيفه الشعيرات الجذريه تعمل على زياده امتصاص الماء والعناصر الغذائيه التي يمتصها النبات من التربه وطبعا عارفين انها بتنقلها للجذر لانها موجوده على الجذر بتجيبها من التربه تنقلها للجذر والجذر بعد كده ياخدها يوديها للصاق من فوق طيب خليني انا اجي في الامتحان واقول لك س مقال اهو اقول لك الشعيرات الجذريه المنتشره على الجذور ها لها اهميه كبيره خلاص او اقول لك علل اهو ليه ليها اهميه كبيره لانها تعمل على زياده امتصاص الماء والعناصر الغذائيه التي يمتصها النبات من التربه ونقلها للجذور اقول لك واضح اهميه الشعيرات الجذريه اقول لك في الامتحان اكتب المصطلح العلمي زوائد تشبه الشعر توجد على الجذور وتزيد من كميه الماء والعناصر الغذائيه التي يمتصها النبات تقول لي شعارات الجذريه لما اجي في الامتحان اقول لك عرف عرف كل دي اسئله خاصه بالجزء البسيط ده بس اه عرف الشعيرات الجذريه زوائد تشبه الشعر توجد على الجذور تعمل على زياده امتصاص الماء والعناصر الغذائيه التي يمتصها النبات من التربه ثم تقوم بنقلها للجذور كده عرفنا وظيفه الجسر تعالى بقى نروح للساق بس خلي بالك من الساق لان الساق الناس بتهمله وبيجي عليه اسئله من ما بين السطور كده بتاعه الناس المتفوقين يعني تعال نشوفها الساق السنه اللي فاتت والسنه اللي فاتت مش السنه اللي قبلها حتى جاف في الامتحان وكتب للولاد اكتب المصطلح العلمي اكتب ما يدل عليه العبارات الاتيه واما يقول لهم الجزء الداعم في النبات بس الجزء الداعم في النبات الجزء الداعم ده عامل زي العمود الفقري او الفقاري الاثنين صح بتاع جسمنا عارف العمود الفقري او الفقاري اللي موجود في ظهرك اللي مخليك واقف كده مستقيم هو ده كده الداعم بتاع جسمنا هو اللي مخلينا واقفين كده مش محنيين مين بقى اللي مخلي النبات واقف بقى كده وصليب طوله زي ما احنا بنقول هو الساق الجزء الداعم في النبات. طيب الساق ده بيعمل ايه؟ والله من الحصه اللي فاتت يا مستر كنا عارفين انه بياخد الحاجات اللي الجذور بتجيبها تطلعها للورق من فوق. عامل زي الكوبري كده. فاكر؟ نقل الماء والعناصر الغذائيه والغذاء. خلي بالك خلي بالك مش مجرد كلام يا ابني بتقراه يا دكتوره تعالي تعالي تعال يا دكتور كده قرب معايا ركز لي على الحته دي كده نقل الماء والعناصر الغذائيه والغذاء يقوم الواد يحفظ والبنوته تحفظ ومش فاهم حاجه خد بالك ان نقل الماء يا باشمهندس بيكون من تحت لفوق ونقل الغذاء بيكون من فوق لتحت الله الله ايه ده ايه ده الكلام ده نقل الماء بيكون من من تحت لفوق ونقل الغذاء بيكون من فوق لتحت اه الجذور بتجيب الميه ركز ركز ركز ركز الجذور بتجيب الميه وتديها للساق فيقوم الساق مطلع الميه والعناصر الغذائيه لفوق للورق وبعد ما الورق يعمل عمليه البناء الضوئي بيتكون غذاء النبات فين؟ في الورق الله ينور عليك طب الغذاء اللي موجود في الورق ده الورق هياكل لوحده طب واجزاء النبات مش هتاكل مش هتتغذى فلازم الغذاء اللي تكون في الورق فوق ينزل يروح لجميع اجزاء النبات فالغذاء وهو نازل بينزل عن طريق الساق عشان يروح برده للجذور يغذيها ويديها الغذاء اللي اتكون ويديها طاقه فنقل الماء والعناصر الغذائيه بيكون من تحت لفوق اما الغذاء بيكون من فوق لتحت وعلشان كده يا باشمهندس ده بيتم عن طريق اوعيه اسمها اوعيه الخشب واللحاء برده لازم تقف هنا واقفه وتخلي بالك اوعيه الخشب ركز هي اللي بتاع تعمل على نقل الماء والعناصر الغذائيه لفوق اما اوعيه اللحاء هي اللي بتنزل الغذاء من الورق شوف حته صغيره قد ايه الولد يقراها وشكرا بس فيها كم ملحوظه مهمه جدا جدا يا باشمهندس هو الجزء الداعم للنبات ما فيش عليه اختلاف بيعمل على نقل الماء والعناصر الغذائيه دي حاجه والغذاء حاجه كمان من فوق لتحت ومن تحت لفوق واديك فهمت مين اللي بيتنقل من تحت لفوق مين اللي بيتنقل من فوق لتحت لكل كل اجزاء النبات خلال انابيب تسمى دي تيجي اكمل بقى يعمل الساق على نقل الماء والعناصر الغذائيه والغذاء لكل اجزاء النبات خلال انابيب تسمى طالما الراجل قال لك نقل الماء والعناصر الغذائيه والغذاء طالما قال الاثنين يبقى لازم الاجابه بتاعتنا تتضمن اوعيه الخشب واوعيه اللحاء امتى الراجل في الامتحان يلعب بالولد لما يقول له ايه يعمل الساق ركز ركز عشان اقول لك هيلعب بيك امتى يعمل الساق على نقل للماء والعناصر الغذائيه ويسكت ما يقولش الغذاء يعمل السهق على نقل الماء والعناصر الغذائيه لكل اجزاء النبات خلال الانابيب احنا بننقل الميه والعناصر الغذائيه عن طريق اوعيه الخشب بس ساعتها نكتب الخشب بس لو ما قالش الغذاء نكتب الخشب طب تعال نلعب بيك ثاني ما انا كل ده بقوله لك عشان ما يلعبش بيك عشان تبقى صاحي طيب يعمل الساق على نقل الغذاء ما يقولش الماء والعناصر الغذائيه نقل الغذاء لكل اجزاء النبات عن عن طريق اوعيه اللحاء. طب نلخص اللي احنا قلناه بقى عشان طولنا في الحته دي. الساق هو الجزء الداعم في النبات ما فيش عليها اختلاف. بيعمل على نقل الماء والعناصر الغذائيه دي حاجه والغذاء كمان دي حاجه. وطالما اتكلمنا عن الحاجتين اللي بينقلهم يبقى بيتم ذلك عن طريق اوعيه الخشب واللحاء. واكون فاهم ان الماء والعناصر الغذائيه بتتنقل عن طريق اوعيه الخشب. فلو الراجل كلمني عنهم بس هقول له عن طريق اوعيه الخشب. ولو الراجل كلمني عن الغذاء بس هقول له عن طريق اوعيه اللحاء كلمنا عن الاتنين هحط الاجابه كامله وصلت انا اتمنى تكون الحته الصغنطوطه خالص دههي وصلتك بكل الافكار بتاعتها ويبقى احنا مستعدين حتى لاسئله التقييمات اللي بتيجي من ما بين السطور يا اد الدرس الثالث مهم والله العظيم ومن اهم الاجزاء الموجوده في الدرس هي اشكال الساق الساق ما بيبقاش شكلها واحد في النباتات كلها يا اد لا الساق بيختلف من نبات لاخر فمثلا مثلا في عندك نباتات بيكون الساق بتاعتهم راسيه مستقيمه كده زي معظم الازهار زي ما هي قدامك كده معظم الازهار بتكون الساق بتاعتهم عامله زي العمود الفقاري او الفقري بتاعنا كده بيبقى ساقه راسيه مستقيمه فاول شكل من اشكال الساق هو الساق الراسيه المستقيمه مثل اجي في الامتحان اقول لك من اشكال الساق الساق الراسيه المستقيمه مثل سيقان نقط معظم الازهار بتبقى الساق بتاعتها راسيه مستقيمه لفوق كده ثاني نوع من انواع الساق يا اد وهي الساق المتسلقه الساق المتسلقه زي نبات العنب كده ده نوع من انواع الساق وطبعا ده شكل نبات العنب عندنا بقى يا اد المنتشر في المعظم بيكون الساق الخشبيه الساق الخشبيه يا اد زي جذوع الاشجار والشجيرات الساق بتاعتهم بتبقى خشب موجوده جدا في معظم الاشجار اللي احنا بنشوفها موجوده كتير جدا في معظم الاشجار اللي احنا بنشوفها فده شكل من اشكال الساق برض فالساق ممكن تبقى ساق خشبيه زي ما احنا بنشوف في جذوع الاشجار والشجيرات الشجيرات دي حاجات اصغر من الشجره حاجات صغيره اللي ترتقي انها تكون شجره رابعا ودي اللي بناكلها كل يوم تقريبا وهي اللي عامله الاجسام الكبيره بتاعتنا دي هي الدرانات ساق البطاطس يا باشمهندس بتنمو تحت سطح الارض سيقان بتمتد تحت سطح الارض البطاطس يا باشمهندس عندنا اسمها درنه درنه البطاطس ليه بقى لان هي نوع الصغ بتاعها كده سيقان بتمتد تحت سطح الارض احنا بنروح نطلع البطاطس دي من تحت الارض لانها عباره عن سيقان تمتد تحت سطح الارض سميت بالدرنه خلاص النوع الرابع من اشكال الساق وهي الدرنات مثل ساق البطاطس فساق البطاطس عندنا تعتبر سيقان من الدرانات التي تمتد تحت سطح الارض واخيرا السيقان المداده السيقان المداده دي يا اد بتمتد على سطح الارض لتكوين نباتات جديده تلاقي الصا ماشي على سطح الارض كده اول ما يلاقي الاحتياجات بتاعته يبدا ينمو يعمل لك نبات جديد زي نبات الفراوله كده نبات رائع جميل ريحته حلوه هي الفراوله حلوه يعني زيكم كده فانا عايز اقول لك حاجه خلينا متفقين ان ده جزء اساسي في الامتحان الساق الساق انت اسمك ايه اسمك كذا فالساق زي اسمك يا حبيبي انا بقول لك ان 100% جزء من الساق هيجي في الامتحان وافتكر كلامي كويس عشان ما نطولش في الحصه خلينا ننتقل للجزء رقم لاه وهي الاوراق انا مش عايزك تنسى ان احنا بنتكلم عن الاجزاء الرئيسيه الموجوده في اي نبات اكلمنا عن الجذر وعرفنا الوظيفه بتاعته اكلمنا كمان عن الساق وعرفنا الوظيفه بتاعته والاشكال كمان بتاعته نيجي بقى للريس الراس الكبيره نيجي للكل في الكل مصنع الغذاء في النبات واللي لولاها النبات ما يقدرش يعيش لان مصنع الغذاء في النبات هو الورق الاوراق يا اد هي اللي بتقوم بعمليه البناء الضوئي ولكن للاوراق دور ثاني قبل ما تقوم بعمليه البناء الضوئي ايه هو ما هو عشان نعمل عمليه بناء ضوئي لازم تكون احتياجاتنا كلها موجوده احنا جبنا الماء والاملاح من التربه عن طريق الجسر الساق عمل اللي عليه ووصل لنا الكلام ده فوق فاضل لنا الثاني اكسيد كربون وفاضل لنا كمان يا باشمهندس حاجه مهمه جدا ضوء الشمس مين اللي بيبدا يستخلصهم ويجيبهم الورقه الورقه يا حبيبي بتبقى قدامك فيها حاجات انت مش شايفها بيبقى جا داخل الورقه صبغ اسمه صبغ الكلوروفيل الكلوروفيل صبغ اسمه ايه الكلوروفيل الصبغ ده هو المسؤول عن امتصاص ضوء الشمس وهو المسؤول عن اعطاء الورقه اللون الاخضر بتاعها ده سؤال في الامتحان ده مسؤول اكتب المصطلح العلمي نقط مسؤول عن اعطاء الشمس عن اعطاء النبات اللون الاخضر يبقى صبغ الكلوروفيل نقط مسؤول عن امتصاص ضوء الشمس الكلوروفيل طب الكلوروفيل ده منتشر على الجذر ولا الساق ولا الاوراق منتشر على الاوراق ده شكله قدامك انا مكبره لك علشان تشوف الانس صغير جدا زي ما ايدك فيها مسام وباين جدا ان بيبقى فيها مسام خروج العرق وقت ما يكون الجو حر بيبدا يخرج العرق من جسمك عن طريق مسام صغيره منتشره على الجلد رغم ان احنا مش شايفينها لو حطينا ايدينا كده مش هنشوفها كذلك برض في عندنا يا اد اجزاء صغيره خالص منتشره على الورق بيبقى شكلها كده ده شكلها مكبر اسمها الثغور الصغور دي بقى هي اللي بتسمح بدخول ثاني اكسيد الكربون بس لما تبقى مفتوحه بيبقى في هنا حراس على الصغور. الصغر ممكن يبقى مقفول او فاتح وقت ما يبقى فاتح يدخل لك ثاني اكسيد كربون ودي حاجات صغنطوطه خالص منتشره على الورق بس انت ما بتشوفهاش حتى لو جبت الورقه ولزقتها في عينك كده مش هتشوفها ليه؟ لانها اصغر من القدره اللي عينك بتقدر تشوفها عينك بتقدر تشوف الحاجات اللي قطرها او اللي حجمها 0.1 0.1 ملي بس اي حاجه تقل ما تشوفهاش المهم اذا الورقه منتشر عليها صبغ الكلوروفيل وهو المسؤول عن اعطاء الورقه اللون الاخضر بتاعها بعد امتصاص ضوء الشمس ومنتشر عليها الثغور وهي التي تسمح بمرور ثاني اكسيد الكربون كده جبنا ضوء الشمس وثاني اكسيد الكربون مع الميه والعناصر الغذائيه اللي جت من التربه نعمل الغذاء خلاص الغذاء يتعمل في عمليه البناء الضوئي يا باشمهندس طب عملنا الغذاء نعمل بقى الغذاء ويتكون تكون في الورقه خد بالك ان الورقه كمان فيها اوعيه خشب انابيب بتمتد خلال الاوراق وتنقل اليها الماء والجذور واحد يقول لي لا اوعيه خشب موجوده في الورقه ليه يا مستر مش مفروض اوعيه لحق عشان الغذاء اللي يتكون ينزل استنى استنى الورقه دي لازم يوصل لها ميه وعناصر غذائيه جايه من الجذر من تحت صح ما هي العناصر الغذائيه والمايه اللي جت من التربه لازم تطلع للورقه عشان هي الورقه مصنع الغذاء الماء والعناصر الغذائيه بتطلع من تحت لفوق عبر اوعيه الخشب ما غلطناش اهو فلازم يبقى فيها اوعيه خشب عشان الميه والعناصر الغذائيه اللي جايه من تحت تطلع ليها وتخش لها عن طريق اوعيه الخشب ده شكلها يقوم الولد يبص للصوره كده الله شكلها جميل لا تعال يا حبيبي بص على السهم كده السهم ده طالع ولا نازل السهم طالع السهم اللي طالع ده يقول لك ان دي اوعيه بتطلع حاجه من تحت لفوق والاوعيه دايما اللي بتطلع حاجه من تحت لفوق ده اوعيه خشب يا بيه ممكن اجيب لك نفس الرسمه بس السهم نازل تبقى اوعيه لحاء يا واد ركز يا بنتي ركزي الدرس مهم جدا مش مجرد صور عابره قدامك السهم اللي محطوط فوق ده مهم ده يقول لك ان الوعاء اللي قدامك ده بيطلع حاجه من تحت لفوق ايه اللي بيطلع من تحت لفوق الماء والعناصر الغذائيه يا ولاد بيطلعوا عبر اوعيه الخشب فاللي قدامك دي تعتبر اوعيه خشب اقوم جايب لك الرسمه دي في الامتحان اقول لك ده اوعيه ايه خشب ليه لانها بتطلع حاجه من تحت لفوق واللي بيطلع من تحت لفوق ده اوعيه خشب يا مستر انما من فوق لتحت اوعيه لحق وصلت فالورقه موجود عليها ثلاث حاجات كلوروفيل صغور او عيه خشب والثلاثه موجودين قدامك ما تكتبش حاجه الورق نزل لك اصلا على جروب التليجرام قبل ما اشرح الحصه علشان حضرتك تحضرها تقراها بس ولو قبل الحصه بنص ساعه ممكن تفهم فوق ما لا يقل عن 70% من الحصه بمجرد قراءه اكلها بس جميل جميل جميل دلوقتي احنا خدنا انواع للساق وقلنا ان الساق بيختلف شكله من نبات لاخر كذلك برده ال النبات ده الورقه بتاعته شكلها كده والورقه برده هنا شكلها كده حتى احجام الورق انت لو وقفت جنب ورق شجره الموز ممكن الورقه دي تاخدها كبطانيه ورقه كبيره جدا ممكن تقف تحتها وهي تبقى اطول منك الورقه فالورقه ممكن تبقى مسطحه وعريضه وضخمه جدا زي اوراق نبات الموز انما حضرتك لو مسكت اوراق شجر النوبر اوراق صغيره جدا شبه الابر صغنطوطه خالص كده فبرده يا باشمهندس في عندنا انواع للاوراق بتاعه الشجر في عندنا اوراق صغيره الشكل وفي عندنا اوراق مسطحه وعريضه صغيره الشكل تشبه الابر زي اوراق شجره الصنوبر كده اللي قدامك وعندنا اوراق مسطحه وعريضه زي اوراق نبات الموز وانا بقول لك اصلا الناس بتاخد اوراق شجره الموز ده ويعملوا بقى حاجات كتير ضخمه كبيره وليها فوائد كتير واستخدامات كتيره بس مش مجال دراستنا النهارده طيب تصحى لي بقى اللي كان نايم يصحى واللي كان صاحي يفوق اكتر الورقه دي مهمه جدا جدا والله العظيم هنتكلم عن عمليه البناء الضوئي تعالى ناخدهم سؤال المفروض ان اللي جاي ده كله كنت اديهول لك في صوره معلومات بس انا عايز اديهول لك في صوره اسئله تقوم تحفظه وتعرفه وتفهم كمان بيجي في الامتحان ازاي اول سؤال بيقول لك تحدث عمليه البناء الضوئي داخل ايه في النبات داخل اوراق النبات ماتقدش حد فيكم ما يعرفش المعلومه دي سؤال اكمل اهو طيب تعال نشوف خطوات عمليه البناء الضوئي لازم نظبط الشغل اللي اهم من الشغل تظبيطه قبل ما تعمل شغلك اللي هو عمليه البناء الضوئي ظبط شغلك هات احتياجاتك الاول هات الميه والعناصر الغذائيه وهات لنا ضوء الشمس وهات لنا ثاني اكسيد الكربون وبعد كده نبقى نتكلم نعمل عمليه البناء الضوئي ازاي امال عايزين نعمل عمليه بناء الضوئي والاحتياجات بتاعتنا مش موجوده طيب تعال نجهز الشغل بتاعنا في البدايه من خطوات عمليه البناء الضوئي تمتص الجذور نقط من التربه وتنقلها للساق ثم الى الاوراق عبر نقط الجذور بتمتص حاجتين الماء المحمر بالعناصر الغذائيه فبنقول الماء والعناصر الغذائيه جميل رائع وتنقلها من التربه للساق ثم الى الاوراق حضرتك الماء والعناصر الغذائيه طالعه من تحت لفوق واللي يطلع من تحت لفوق يبقى عبر اوعيه قول عشان خاطري بالظبط كده الخشب مش انت يا مستر قلت من شويه الخشب واللحاء يبقى انت ما كنتش مركز قلت لك ان الماء والعناصر الغذائيه بس بتبقى عن عن طريق اوعيه الخشب الغذاء بيبقى عن طريق اوعيه اللحاء ركز خلاص الجذور عملت اللي عليها والساق عملت اللي عليها نروح للاوراق بقى تمتص الاوراق حاجتين او بتمتص وتسمح بدخول حاجه بتمتص ضوء الشمس وبتسمح بدخول ثاني اكسيد الكربون عن طريق الصغور فهو بيقول لك تمتص الاوراق مين عن طريق الصغور ثاني اكسيد الكربون وطبعا بتاخده من الهواء الجوي ثم كمان بيمتص مين الطاقه مين من الشمس بص في عندنا حاجه منتشره على الورق بتمتص الطاقه الشمسيه من الشمس صح بيمتص الكلوروفيل الكلور روفيل الطاقه بص كده الضوئيه ايه ده يا مستر هي مش الشمسيه وهي الطاقه الضوئيه يعني مختلفه الطاقه الضوئيه هي الطاقه الشمسيه من الشمس كل النقاط اللي انا جايبها لك دي تعتبر اسئله اكمل صح طب خلاص ظبطنا كل حاجه نعمل ايه بقى بتيجي بقى الاوراق تاخد الطاقه الضوئيه دي وتبدا تاخد الحاجات اللي احنا كوناها وتخليهم يتفعلوا ويتحدوا مع بعض ويكونوا غذاء النبات. تستخدم الاوراق الطاقه الضوئيه للشمس في اتحاد ثاني اكسيد الكربون مع الماء والعناصر الغذائيه لتكوين غذاء النبات لانتاج بص كده لانتاج خلينا نكتب الكلمه ده لانتاج اول حاجه كده المواد الغذائيه والمواد الغذائيه دي يا اد بتبقى سكريات ونشويات ودهون وبروتينات وكمان غاز الاكسجين فالاثنين دول كده يا باشمهندس هم نواتج عمليه البناء الضوئي فانا بقول لك اذكر نواتج عمليه البناء الضوئي تقول لي المواد الغذائيه بين قوسين السكر وتاني حاجه غاز الاكسجين خلاص ده كده بص كده ده ناتج رئيسي بص بص هيبدا يتلخبط اهو ناتج رئيسي لكن دههو ناتج ثانوي يعني ايه بقى ناتج رئيسي وناتج ثانوي انا عامل عمليه البناء الضوئي ليه يا باشمهندس علشان اكون غذائي اهو اهو يبقى هو ده الناتج الرئيسي اللي انت عامل الموضوع ده كله علشانه لكن بيطلع معاك ناتج هو مهم بس انا مش عامل العمليه دي عشانه انا مش عامل العمليه دي عشان اطلع الاكسجين هو ناتج ثانوي بالنسبه للنبات هنا في العمليه دي ثانوي يعني مش محتاجه في في الوقت ده بس هحتاجه بعدين طبعا في التنفس لكن انا عامل العمليه دي كلها عشان دههو فده اسمه ناتج رئيسي وده ناتج ثانوي خلاص يبقى دي كده خطوات عمليه البناء الضوئي ممكن اجيبها لك في صوره اكمل وممكن اجي في الامتحان اقول لك سؤال مقالي وضح خطوات عمليه البناء الضوئي تمتص الجذور الماء والعناصر الغذائيه من التربه ثم تنقلها الى الساق ثم الى الاوراق عبر اوعيه الخشب تمتص الاوراق ثاني اكسيد الكربون عن طريق الصغور يمتص الكلوروفيل الطاقه الضوئيه من الشمس ثم تقوم الاوراق باستخدام الطاقه الضوئيه بتاعه الشمس في اتحاد ثاني اكسيد الكربون مع الماء والعناصر الغذائيه لانتاج المواد الغذائيه وغاز الاكسجين شكرا جميل في ناس ما تعرفش المواد الغذائيه اللي بتنتج من عمليه البناء الضوئي فانا عايز اقول لك ان المواد الغذائيه اللي بتنتج من عمليه البناء الضوئي هي المواد اللي بيحتاجها النبات لكي ينمو احنا عاملين عمليه البناء الضوئي علشان عايزين ناكل عشان عايزين نتغذى انا كنبات يعني بصنع غذائي بنفسي فالمواد الغذائيه هي المواد اللي بيحتاجها النبات لكي ينمو لان هياخد منها طاقه زي ايه زي السكريات والنشويات والدهون والبروتينات اما الاكسجين هو ناتج ثانوي ناتج خلاص كتبناها ناتج ثانوي ولكن بعد كده بتحتاجوا جميع الكائنات الحيه جميع الكائنات الحيه حتى بما فيهم النبات بيحتاج الاكسجين في عمليه التنفس خلاص في الاخير خالص احنا كونا الغذاء بيتم نقل الغذاء ده يا باشمهندس من الاوراق الى باقي اجزاء النبات عبر انابيب تسمى اللحاء الغذاء يا جميل بينزل بينزل من الاوراق لباقي اجزاء النبات تحت بينزل يبقى بينزل عبر اوعيه اللحاء يبقى انا عايز اقول لك لو السهم نازل يبقى دي اوعيه لحاء لو السهم طالع تبقى اوعيه خشب وعلشان خاطر يركز وكمان هنعمل تجربه بسيطه عشان ندلل لك على ان فعلا في حاجه اسمها اوعيه خشب بتطلع الماء من الجذور للساق للاوراق هنجيب نبات الكرفس اللي قدامك في الصوره ده عامل زي الخص كده مثلا هو مش زيه بالظبط بس يعني زيه ها بيقول لك ماذا يحدث عند وضع سيقان هنقص كده شويه من السيقان وهناخد شويه اوراق برض ماذا يحدث عند وضع سيقان واوراق نبات الكرفس في كبه ماء ملون لمده ليله كامله هنعمل زي ما في الصوره كده هنحطهم في ماء ملون هو لونه اخضر هنيجي بعد 24 ساعه نلاقي ان الصق دههو بدا يبقى لونه ازرق وده بدا يبقى لونه احمر اهله ليه لان جوه جوه سيقان نبات الكرفس في اوعيه خشب بتاخد الميه من تحت تطلعها فوق فاوعيه الخشب خدت الميه الزرقاء وطلعتها فوق فبدات تنتشر هنا وبما ان هو لونه شفاف فبدا يغلب عليه اللون الازرق لا وهنا برده نفس الكلام فاندل ده على شيء يدل على ان السيقان دي فيها اوعيه خشب خدت الميه من تحت وطلعتها فوق وده تلون ازرق وده تلون احمر لان كل واحده بتطلع الميه اللي هي محطوطه فيها ف بيحصل تغير في لون نبات الكرفس في السقان والاوراق ويدل ذلك على ان في هناك اوعيه خشب بتعمل على نقل الماء الملون من تحت لفوق وفي الاخير خالص بنستنتج ان احنا عندنا اوعيه خشب منتشره بتطلع يا باشمهندس الماء والعناصر صر الغذائيه من تحت من الجذر الليقل الاوراق لفوق خلاص يبقى يتغير لون سيقان واوراق نبات الكرفس بسبب انتقال الماء الملون عبر ابعيه مين الماء ده يا هندسه هيطلع من تحت لفوق ولا من فوق لتحت لا من تحت لفوق يبقى عبر اوعيه الخشب على طول وانت مغمض للاجزاء العليا في النبات ونستنتج من كده بان في حاجه اسمها اوعيه خشب هي من تقوم بنقل الماء من الجذر تحت الى باقي اجزاء النبات من فوق ودي كانت حصتنا النهارده لازم نحل على الحصه علشان نشوف اسئله الامتحانات السنه اللي فاتت يلا نحل على الحصه خلينا نشوف كده بيقول لك يحتاج النبات غاز الاكسجين للتنفس مظبوط للتنفس مظبوط لا يتغير لون اوعيه الخشب في ساق الكرفس عند وضعها في الماء الملون ليله كامله لا بيتغير بسبب وجود اوعيه خشب تعمل على نقل الماء الملون من تحت لفوق ساق نبات العنب اه اشكال الساق زي اسمك احنا عندنا نوعين من الساق عندنا ساق متسلقه وساق مداده خلاص طيب عندنا ساق نبات العنب من السيقان المتسلقه لكن السيقان المداده زي الفراوله يبقى الكلام ده كلام غلط ساق نبات العنب من السيقان المتسلقه طيب اي المواد الاتيه تنتج او تنتج من عمليه البناء الضوئي في النبات املاح وماء تنتج تنتج يبقى عندنا سكر واكسجين يبقى اكسجين وثاني اكسيد الكربون غلط اكسجين وسكر صح ده الاختيار الصح يمتص نقط ضوء الشمس ويعطي النبات اللون الاخضر الكلوروفيل اوراق شجره مين؟ مسطحه وعريضه يبقى نبات الموز على طول خدنا ده في اشكال او حجم الاوراق عندنا اوراق صغيره زي السنوبر تشبه الابر وعندنا اوراق ضخمه مسطحه عريضه زي نبات الموز طيب لو احنا بصينا هنا بيقول لي اكمل يحتاج النبات غاز مين للقيام بعمليه البناء الضوئي للقيام بعمليه البناء الضوئي ثاني اكسيد الكربون اوراق نبات مين صغيره تشبه الابر السنوبر يعتمد النبات على مين كمصدر للطاقه لنمو البقاء القبيه بالك كمصدر للطاقه يبقى بيعتمد على السكر اكتب المصطلح العلمي زوائد تشبه الشعر الشعيرات الجذريه معلش يا اد بتبقى ايدي معوجه وانا بكتب معلش لو في اي ايه سهو ولا حاجه فتحات صغيره لازم عشان اكتب كويس لازم تبقى ايدي كده خلاص فتحات صغيره باوراق الشجر باوراق النبات يمر خلالها الهواء الفتحات الصغيره تسمى الصغور طيب لو احنا رحنا للسؤال اللي بعده هيقول لك وضح اهميه الاتي ده السؤال اللي عليه الدور بس عشان نقدر نجاوبه فبنجا في ورقه خارجيه لوحده كده عشان تبقى شايف اول حاجه بيقوللك وظيفه الجذور وظيفه الجذور ايه واحد تثبيت تثبيت النبات في التربه ادي اول حاجه ثاني حاجه هو بيعمل على امتصاص الماء امتصاص الماء والعناصر الغذائيه من التربه ده كده كان اول حاجه في اذكر الاهميهاني حاجه يا باشمهندس كان بيقول لي وضح اهميه اللحاء اللحاء اللحاء ده كان بياخد الغذاء من الاوراق ينز له تحت نقل الغذاء او المواد الغذائيه من الاوراق لباقي اجزاء النبات. جميل ثالث حاجه كان بيقول لي اذكر اهميه الاوراق في النبات. الاوراق يا باشمهندس بالمختصر المفيد. مصنع الغذاء في النبات. خلاص يعني ايه مصنع الغذاء في النبات وظيفتها صنع غذاء النبات من الاخر خالص يعني جميل ده السؤال اللي هو ده يا باشمهندس انا اه كتبت لك الاجابه بس بعد اذنك انا كاتب الكلام ده كواجب علشان بس انت حضرتك تجاوبه بخط ايديك لازم تكتب الكلام ده بيقول لك قارن ما بين السيقان المداده والثقان الدرانيه من حيث مكان النمو يعني ايه من حيث مكان النمو يعني دي بتنمو فوق ولا دي بتنمو تحت ولا دي بتنمو فين بالظبط طب السقان الدرانيه بتنمو تحت سطح الارض تنمو تحت سطح الارض زي مين السقان الدارانيه يا باشمهندس البطاطس اللي هي درنه البطاطس لكن السقان الماده بتنمو على السطح نفسه تنمو على سطح الارض خلاص ركز لان دي كلها اسئله مقالي لازم تخلي بالك طيب لاحظ الشكلين الاتيين حدد نوع الساق في كلا الشكلين دي بطاطس دي كده بطاطس ساق درانيه لانها بطاطس خلاص انما هنا الساق مالها خشبيه حلو اذكر اثنين من وظائف الساق في النبات اه ده بقى واجب الحصه يا باشمهندس عايزك ما تقوليش بقى ا اثنين لا قولهم كلهم مع انهم يعني اثنين يعني المهم عايزك تقول لي كل حاجه تخص السخ من حيث الوظيفه بس ويبقى احنا كده ادينا لك واجب علشان نكون مرضين عن الحصه لازم الحصه يبقى فيها واجب بس كده يا جميل واشوفك الحصه اللي جايه ان شاء الله. سلام عليكم.