أفضل تطبيق لعمل الخرائط الذهنية تجربتنا مع MindNode

الفيديو اللي فات اتكلمنا عن التطبيق اللي انا بستخدمه في تدوين الملاحظات وهو جود نوتس وشفنا ازاي التطبيق ده كان مفيد جدا في تدوين الملاحظات سواء ان انا بقرا كتاب او بحضر محاضره او كورس او حتى بحضر اجتماع وكانت الميزه الاساسيه في التطبيق دوت ان هو بيساعدنا ان احنا نحتفظ بالملاحظات بشكل منظم ومرتب ونعرف نرجع له لكن الحقيقه كان بتقابلني مشكله المشكله دي ان بعد تدوين الملاحظات بحس ان في جزء ناقص الجزء ده ازاي اربط المواضيع المختلفه او الافكار بتاعه الملاحظات اللي انا كتبتها وازاي اقدر استرجعها او احفظها او الخصها بسهوله وهنا يجي دور الخرايط الذهنيه او المايند مابس يا ترى ايه هي الخرايط الذهنيه او المايند مابس في فيديوهات كثير قوي بتشرح الخرايط الذهنيه بالتفصيل وبتشرح تاريخها وازاي اتكونت لكن فكرتها ببساطه من اسمها هي خرايط ذهنيه هي ازاي ان انت لو بتذاكر موضوع او بتحضر كورس او عندك موضوع معين او عندك افكار ازاي تخرجها من مخك وتحطها على الورق بس في شكل خريطه في شكل يقدر الذهن يستوعبه عشان كده اسمها خرايط ذهنيه الفكره ان انت بتحول النصوص والطريقه الكتابه التقليديه اللي هي النصوص المكتوبه والسطور لشكل بصري الشكل البصري ده سهل جدا على المخ ان هو يسترجع المعلومات او ان هو يربط الافكار ببعضها فبيكون عندك فكره اساسيه او فكره محوريه وبعد كده بيتفرع منها مواضيع فرعيه والمواضيع الفرعيه دي بيتفرع منها مواضيع فرعيه وهكذا ليها بعض القواعد اللي بتسهل الاسترجاع زي استخدام الالوان او الصور او الاشكال بحيث ان انت سهل ان انت تحتفظ بالمعلومه وفي نفس الوقت ان انت تفتكرها بشكل اسهل واسرع والحقيقه استخدامات الخرائط الزينيه كتيره جدا يعني اكث الحاجات اللي كنت بستخدمها فيها هي لو انا بحضر مثلا لمحاضره او كورس فكان بيساعدني جدا ان ان انا افرغ الافكار اللي في دماغي على الورق ان انا اعرف احط الافكار ديت والترابط ما بينها وايه المواضيع اللي اتكلم فيها مش بس كده حتى كنت بستخدمها كمان في الشرح ان انا لما بشرح مثلا لحد ففكره ان هو شايف الحاجه بشكل بصري كانت بتسهل عليه جدا الشرح وان هو يفتكر المعلومه ويعرف الترابط ما بين الافكار وكمان يفضل مركز معايا دايما انا بتكلم في ايه امتى وكنت بستخدم في الخرايط الذهنيه الورقه والقلم وكان ليهم ميزتهم فكره ان انت بتستخدم الوان وبتكتب بايدك الخطوط والاشكال فالبير كانت بتثبت المعلومه بتاعه الموضوع اللي انت بتتكلم فيه او بتلخصه او الحاجه اللي انت هتتكلم فيها لكن مع الوقت بدات افكر طب ليه ما استخدمش برنامج او تطبيق على الكمبيوتر او التابلت او الموبايل والحقيقه لقيت برامج وتطبيقات كثير بتعمل الخراط الذهنيه او المايند مابس وكلها مناسبه وكويسه بس التطبيق اللي كان بالنسبه لي مريح وافضل وانسب لاستخدامي الشخصي هو تطبيق مايند نود التطبيق ده متاح على الكمبيوتر متاح على الايباد او التابلتس ومتاح كمان على التليفون الميزه الاساسيه في بالنسبه لي كانت ان هو تطبيق بسيط وسهل الاستخدام يعني قدرت ان انا احقق السرعه في كتابه خرايتز ذهنيه واعمل خراط ذهنيه كبيره وتفريعات وفي نفس الوقت الموضوع ما يكونش معقد وياخد مني وقت في الكتابه او تغيير الاشكال الحاجه الثانيه ان هو في مرونه كبيره يعني كان بيديني مساحه من التغييرات في الاشكال المختلفه سواء ان انا عايز شكل الخريطه الذهنيه دي تكون في شكل خريطه او تكون من فوق لتحت او تكون قايمه او ان انا اطلعها بشكل مختلف خالص انا عايزه يكون كاستم ففكره المرونه وفكره السهوله كان الحاجتين الاساسيين اللي خلوني اروح للتطبيق ده طبعا التطبيق في منه نسخه مجانيه ونسخه مدفوعه بمميزات اكث بس في معظم الوقت انت ممكن تكون مش محتاج تروح للنسخه المدفوعه وتستخدم النسخه المجانيه. من المميزات كمان الكويسه في التطبيق دوت هو فكره الاختصارات. لو انت بتشتغل على الكمبيوتر او على اللاب توب فهو بيوفر لك اختصارات كيبورد تسهل عليك جدا ان انت تعمل الخريطه بشكل اسرع. فممكن تعمل تفريعات على نفس المستوى بتاع الموضوع اللي انت بتتكلم فيه او تفريعات فرعيه باختصارات على الكيبورد فتقدر بسهوله ان انت تضيف عناصر وتتوسع في الخريطه بتاعتك فتطلعها بشكل اسرع. طبعا تقدر تستخدم البرنامج او التطبيق بنفسك وتشوف مميزات ثانيه كتير فيه زي طريقه العرض او الالوان او التصميم او حتى ان انت تخرج الملف بتاعك بصيغ مختلفه وتشاركه مع حد لو انت حابب وسواء هتستخدم تطبيق ماين نود او هتستخدم اي برنامج ثاني فانا ارشح لك جدا ان انت تبتدي تستخدم الخرايط الذهنيه سواء بالورقه والقلم او حتى بتطبيق هتفرق معاك جدا في الانتاجيه وطريقه ترتيب الافكار وازاي تحتفظ بالمعلومه بشكل بصري وسهل جرب التطبيق وقول لي رايك ولو عندك اي برامج ثانيه او تطبيقات بتستخدمها شاركها معانا واكتب لنا في التعليقات عشان نستفيد شكرا لكم واستنونا ان شاء الله في فيديو جديد وتطبيق او برنامج مفيد.