تجربتي بعد ١ ٢ سنة مع اللغة الالمانية

النهارده وبناء على طلب الجماهير قررت ان انا اعمل لكم فيديو تجربتي عن اللغه الالمانيه واقول لكم كل الخطوات اللي مريت فيها من اول ما كنت مش بعرف انطق كلمتين الماني على بعض لحد لما وصلت المستوى ان انا اكتب مشروع تخرج كامل مكتوب اكث من 50 صفحه فيه واقدر اخد بيه درجه امتياز من الدكاتره بتوعي صحيح انا قلت لكم قبل كده ان انا اخر واحد ممكن يتكلم عن تجربته في اللغه الالمانيه وهتفهموا ليه في الفيديو دوت بس انا قررت ان انا اعمل لكم فيديو يكون احسن فيديو تجربه تعلم لغه المانيه موجود على اليوتيوب. اللغه الالمانيه مش من اللغات اللطيفه اللي الواحد يحب يتعلمها زي الفرنساوي والاسباني اللي مش بس نطقهم حلو وكده تحس انك بتغني او بتعمل موسيقى وانت بتتكلمه. لا كمان في ناس كثير اكث بكتير من اللغه الالمانيه بيتكلموهم حوالين العالم. فنصيحتي الاولى ليك لو انت هتتعلم الماني تتعلمه وانت عندك دافع لتعلم الالماني لان الرحله مش سهله ومن غير الدافع دوت نظريتي بتقول ان في ناس كتير هتدروب ومش هتكمل اللغه الالمانيه والدافع ده ممكن يكون حاجات كثير يعني ممكن تبقى زي حالاتي بتتعلمها عشان تيجي المانيا تدرس في المانيا عايز تعمل تدريب مهني عايز تشتغل كول سنتر مثلا وتجيب دخل كويس عايز تتجوز حتى واحده المانيه وعايز تعرف تبقى بتتكلم معاه كل الحاجات ديت حلوه كدافع لكن من غير دافع ما تعلمش الماي محاولتي الاولى كانت متواضعه شويه والكلام دوت في 2013 وفكره ان حد مش متخصص يقرر ان هو يتعلم الماني دي ما كانتش منتشره خالص فكنت بسال الناس اللي حواليا عن حد او مكان بيدي كورسات الماني بس ما حدش كان عارف حاجه خالص وبعد بحث المده مش قصيره خالص اكتشفت في جرنان اعلانات مش عارف انتوا فاكرينه ولا لا اسمه الوسيط كان موجود في اعلان عن مدرس بيدي كورس الماني في مكان معين في يومها تواصلت معاه وقال لي هيبدا لما نكمل مجموعه وطبعا بسبب ان انا عندي دافع قوي قررت ان انا اعمل دعايه للمدرس بنفسي علشان اجمع ناس ونبدا نكون المجموعه وفعلا كلمت واحد صاحبي وصاحبي ده جاب واحد صاحبه وصاحبه جاب واحد صاحبه وهكذا لحد ما قدرنا فعلا ان احنا نكون المجموعه بتاعه الكورس الالماني ونبدا اخيرا كورس الالماني كنا بنستخدم كتاب يمكن كثير منكم اول مره يسمع عنه وهو كتاب اسمه دلفين بس للاسف الكورس كان اشبه بدرس ثانويه عامه اكث من انه كورس لغه محترم بس دي كانت اول تجربه كورس الماني ليا وما كانش عندي الخبره الكافيه اللي انا اقدر احكم على الكورس واقول الكورس ده وحش او كويس وكنت شايف ان اللغه ديت صعبه جدا ويستحيل ان انا اتقنها بس كنت مستمر عشان كان جوايا دافع قوي جدا رغم الشكوك اللي كانت بتحاوطني الورقه دي هي اول ورقه اتعلمتها في الالماني في حياتي واسمها الهوت بانوف من كتاب دلفين زي ما انا قلت لكم الورقه دي مريبه جدا تعالوا اوريكم ليه مريبه ومعلقه في عقلي بقىها دلوقتي كام سنه 12 سنه وعمري ما نسيتها بصوا هي المفروض ان هي ورقه بتقول او فيها شويه كلمات كده في الاي 1 عن المحطه الرئيسيه بتاعه اي محطه قطر رئيسيه بس من الحاجات اللي كانت بتشدني قوي الظابط ماسك حرامي وبيقول له وقف اسم حضرتك ايه فكنت بقول ازاي ظابط بيقول لحرامي اسم حضرتك ايه كمان من اوائل الكلمات اللي اتعلمتها الكلمه بتاعه ناين بفوي دي بفوي اللي هو عيب ما يصحش ودي كانت بنت بتقولها للكلب عشان تقريبا بيعمل لا مؤاخذه على شنطه الست لو قعدت بقى احكي لكم كنت بتفرج على البتاعه دي واقعد احلم بيها والحاجات الكتير اللي فيها مش هخلص بس هي ورقه مريبه والكتاب كله كان مريب بصوا الموضوع كان واصل معايا لدرجه كبيره جدا من الهوس اللي هو انا هسافر يعني هسافر واحد كان شباب بقى بس احيانا حتى الطاقه الكبيره ديت بتكون غير كافيه انها توصلك للحاجه اللي نفسك فيها وتيجي حاجه خارجه عن ارادتك تبوظ كل خططك اللي انت مظبطها وقد كان الناس بدات تزهق وتمل وانا كنت واحد منهم مش هخبي عليكم بس الناس بطلت تروح الكورس وفي ايام كتير كنت بروح الكورس احضر المحاضرات بتاعته لوحدي وكانت النهايه الطبيعيه ان الكورس ما يكملش وانتهى حلم اللغه الالمانيه بس بشكل مؤقت يمكن انا ما استفدتش لغويا في اول مره حاولت فيها ان انا اتعلم الماني بشكل كبير بس يعتبر استفدت بشكل غير مباشر وهقول لكم ازاي بس خلينا نحط قاعده مهمه ان ما فيش تجربه هيمر بيها الواحد في حياته الا وهيستفيد منها بشكل ما يعني صحيح انا ماتعلمتش الماني بشكل كويس بس قدرت احكم على الكورسات بعد كده اذا كان الكورس جيد او سيء عرفت كمان من المدرس ان في حاجه اسمها معد جوتا او المركز الثقافي الالماني والمكان دوت يعتبر هو المكان الوحيد اللي بتاخد منه شهادات لغه معتمده وقتها وغيرها كمان من المعلومات المهمه اللي كنت عايز اعرفها عن المانيا خصوصا ان المدرس كان سافر المانيا لفتره معينه وعنده معلومات كويسه عن البلد عرفت مستويات اللغه والمحطات الرئيسيه فيها زي مثلا مستوى البي 1 ويعني ايه مستويات اللغه على النظام الاوروبي اللي هو من اي 1 لسي 2 يمكن المعلومات ديت بدائيه جدا لناس كتير منكم بس صدقوني في الوقت دوت كانت معلومات ثوريه جدا بالنسبه ليا ومن النقطه ديت بدات رحله تعلمي للالماني الحقيقيه احنا دلوقتي وصلنا 2014 يعني عدى سنه على محاولتي الاولى في تعلم اللغه الالمانيه واللي متبقي في عقلي يعتبر مجرد اشباح فاكرها بالعافيه عن اللغه الالمانيه وما تقدرش حتى تقول عليها ربع مستوى من مستويات اللغه الالمانيه كمان كنت اتسحلت في موضوع الدراسه الجامعيه الجديده اللي مش بس اخذت كل وقتي دي كمان اخذت كل الفلوس بتاعتي انا واهلي واه انا بقول فلوسي انا كمان عشان انا كنت مضطر اشتغل عشان اقدر اساعد في مصاريف الجامعه اللي ما كانتش قليله خالص في وسط كل ده بقى قررت ان انا اتعلم الماني مره ثانيه بس المره دي انا مش هقبل باقل من الافضل في مصر وطبعا عارفين قصدي ايه بس صدقوني الموضوع ما كانش سهل زي ما بحكيه كده لان انا لما رحت معهد جوتا لقيت ان الاسعار بتاعته غاليه جدا جدا وكانت اضعاف الفلوس اللي المفروض كنت بدفعها في الكورس الاولاني ده غير فلوس الكتب لكن اللي هون عليا الموضوع ان انا ما كنتش لوحدي وكان معايا عبد الله صاحبي اللي كان مشاركني في الهوس والنيه ودي تعتبر نصيحتي الثانيه في الفيديو دوت اللي هو الرفيق قبل الطريق طريق رغم كده انا كنت فاكر وقتها ان المبلغ كان كبير لدرجه ان احنا كنا فاكرينه ان انت بتدفعه مره واحده للمستويات الثلاثه اللي هو بالمناسبه على فكره كان وقتها 2650 جنيه بس الحقيقه ان هو كان سعر كل مستوى لوحده وسبحان الله الدنيا اتسهلت وقدرنا نحسبها واحده واحده بالورقه والقلم ازاي نجمع كل جنيه علشان نقدر ندفع مصاريف الكورس من الحاجات اللي شجعتنا على الخطوه دي ويمكن دي اسباب تافهه هي المعهد نفسه فرع اسكندريه بشكله العتيق كده القديم تحس ان هو قصر جاي من القرن ال 19 كمان الهويه بتاعتهم المكان ليه هويه كده طريقه الاعلانات بتاعتهم ليها شكل معين مش بطريقه عشوائيه لا بتوع الماركتنج بتوعهم شغالين وعندهم براند قوي جدا فاللي هو اول ما تشوف الحاجات دي كلها هتقول لهم بليز تيك ماي مي بليز بليز خدوا فلوسي وعلموني المانيا انا بس عايز اقعد في المكان ده مش اكتر قبل ما اقول لكم تجربتي في المعهد كانت عامله ازاي تعالوا اديكم شويه معلومات عن المعهد نفسه. المعهد بيمشي في تعليم اللغه الالمانيه بالسيستم الاوروبي اللي هو من الاي 1 لحد السي 2 وكمان عنده امتحانات تحديد مستوى لو الواحد عايز يعمل تحديد مستوى عشان هو كان دارس الماني في مكان ما او عنده خبره سابقه في اللغه الالمانيه يقدر يعمل الامتحانات ديت علشان يدخل في المستوى المناسب ليه. ده غير طبعا الشهادات المعتمده اللي ممكن تعملها انك انت تمتحن امتحان مثلا اي 1 لحد السي 2 تاخد شهاده بيه معتمده انك انت معاك المستوى دوت الكورسات بقى نفسها من الاي 1 مثلا لحد البي 1 بتمشي بطريقتين الطريقه الاولى هي الطريقه العاديه الكورس بيكون حوالي مرتين في الاسبوع وبيقسم المستوى الرئيسي مثلا الا aي 1 او الا 2 لثلاث مستويات فرعيه يعني الاي 1 مثلا بيبقى اي 1 اي 1 ت اي 1 3 المستوى هو بيستمر شهر ونص وبتعمل امتحان صغير عليه جوه الكورس وبعد كده تخش للمستوى اللي بعديه لو نجحت في الامتحان دوت في كمان النظام المكثف اللي هو ثلاث مرات في الاسبوع بياخد المستوى ككل وبيكون مدته حوالي ثلاث شهور وبعد برده الكورس المكثف بيكون في امتحان شامل لكل المستوى بتمتحنه عشان تروح للمستوى اللي بعديه بس خلي بالك في حاله البي 1 بعد ما بتخلص المستوى بيكون فيه الامتحان الرسمي اللي اي حد بيمتحنه لو جاي من بره وعايز يمتحن شهاده اللغه الالمانيه بي 1 لمعهد جوتا انت برده وانت بتدرس في معهد جوتا بتمتحن نفس الامتحان بعد بقى لما ربنا يكرمك وتخلص البي 1 مستويات البي 2 والسي 1 بيبقى ليها نظام ثاني خالص وهي ان المستوى لازم يتقسم على مستويين لان مستويات البي 2 والسي 1 زي ما هنعرف كمان شويه مستويات كبيره المستوى بيتقسم لمستويين فرعيين يعني البي 2 مثلا بيتقسم لبي 2 1 وبي 2 ت فيهم بتاخد خد فيه حصتين في الاسبوع وبيكون مدته ثلاث شهور وبرده بعد لما تخلص المستوى ككل البي 2 مثلا لازم تعمل الامتحان الرسمي بتاع معهد جوتا علشان تقدر تخش المستوى اللي ورا اول يوم في كورس الالماني الموضوع كان صادم شويه المحاضر دخل علينا صامت بشكل كبير واول ما انتبهنا ليه بدا يتكلم معانا باللغه الالمانيه 100% يمكن انا كنت مجمع شويه عشان انا اخدت كورس قبل كده بس اخري اخري كان 20% من اللي كان بيقول يقوله كنت فاهمه ككلمات لكن المميز بقى ان كل حاجه كان بيقولها كانت بتترجم تلقائيا بلغه الاشاره بتاعته اللي هو انا فاهم كل حاجه انت بتقولها بس مش فاهم ولا كلمه من اللي انت بتقولها يعني مثلا لما يقول لك فعل زي شلافن شلافن او يقول لك شرايبن زي شرايبن زي فهو البادي لانجويج بتاعته والنان فيربال كومونكيشن بتاعه وصلت لك المعلومه من غير ما تبقى عارف ولا كلمه واستمرينا على كده طول المحاضره الاولى ما تقالش ولا مره تصريفات الافعال لازم تكون بالشكل ده ولا مثلا الضمائر تكون كذا كله ممارسه وبطريقه الترايل اند ايرور وفي نهايه المحاضره اخيرا اتكلم معانا بالعربي وبدا يعرفنا عن نفسه وقال ان هو دكتور في جامعه الزقازيق في تخصص اداب الماني وانه عشان يكون هنا مر بمراحل تدريبيه كتير جدا وكون ان هو دكتور في الجامعه ده ما يشفعلوش ولا يكون كافي ان هو يقدر يكون مدرس في معهد جوتا. اما بقى طريقه الشرح فقال لنا ان هي كانت مقصوده تكون كده لان معهد جوتا بيتبع طريقه تعلم الاطفال في تعليم اللغه الالمانيه وهي انك تربط الكلمه او الفعل بتطبيقها في الحياه الحقيقيه مش انك انت تترجمها في مخك للغتك الاصليه عشان تفهمها بالظبط زي الاطفال وهم في بدايه حياتهم ولا يمتلكوا اي لغه وكل ما الواحد عمل كده اكت هيقدر يتعلم اللغه بشكل صحيح اكث وانتهى الكلام بان دي اخر مره هيتكلم معانا عربي بالكميه دي ثاني وطبعا رد فعلي كان اللي هو ايه العظمه دي يا جدعان ايه ده مش فيش حاجه زي كده في الدنيا شفتها قبل كده مش بس كده كمان احنا على مدار الكورس كله كنا بنستخدم حواسنا بطرق جميله جدا يعني زي لعب الاطفال كده بازل تلاقي اغاني موجود كتير وده كان بيخلي المحاضره اللي هي الطويله مفروض ثلاث ساعات تعدي كده اللي هو ايه ده الوقت عدى امتى انا عايز اكمل وعايز العب الجميل كمان انه الشباب اللي كانوا معانا كان عندهم نفس الطاقه ونفس الدافع ان هم عايزين يتعلموا وكلنا كنا بنساعد بعض عشان نوصل لاكبر قدر من الاستفاده ممكن ناخده من الكورس مشكلتي في الفتره دي ان وقتي كان ضايع خالص وهقول لكم ازاي يومي كان بيبدا الساعه 7:00 الصبح بطلع اجري على الجامعه وغالبا كنت بخلص الجامعه بين الساعه 2ين والساعه 4:00 العصر وبعدين بروح الشغل واقعد اشتغل لحد الساعه 12 بالليل الليل وارجع البيت حوالي الساعه بالليل يعني اصلا ما كانش في وقت لحضور الكورس فما بالك بمذاكره اللغه نفسها ومذاكره الجامع كمان ولو بتسال السؤال المنطقي بتاع امال كنت بتروح الكورس امتى فاجابتي بدون تزويق اني كنت بزوغ واروح الكورس ومن هنا ما كانش قدامي غير ان انا احاول استوعب على قد ما اقدر في وقت المحاضرات علشان اوفر على نفسي وقت المذاكره اللي انا اصلا ما املكوش بس طبعا جوده الكورس نفسه هي اللي كانت بتساعدني على ده نقطه الضعف الوحيده ان انا ما كنتش بقدر معظم الوقت ان انا اعمل التمارين او الحاجات المطلوبه مني بعد الكورس بس بعد كل المميزات دي بتاعه معهد جوتا فاكرين ان دوت يعتبر مؤثر بدرجه كبيره الحقيقه ان الموضوع ما كانش مؤثر بشكل كبير مع معهد جوتا خصوصا مع طرق الشرح المبتكره اللي هو كان شغال بيها طول الوقت اول حاجه لازم تتاكد د ان هو بيغطي المهارات الاربعه بتوع اي لغه اللي هم القرايه والكتابه والاستماع والمحادثه ولو لقيت ان الكورس بتاعك بيركز على حاجه واحده مثلا زي ان هو يترجم لك الكلمات او يحط لك الكلمه ومعناها بالعربي او بيقول لك الجرامر ماشي ازاي ومطنش بقيه الحاجات فاعرف ان دي نقطه خطر ولازم تدور على بديل افضل ثاني حاجه ان يكون الكورس فيه تفاعل كبير يعني الكورس يكون فيه تمارين عمليه كتير زي اللي انا لسه متكلم عنها في معد جوده وحاجه نقطه كده مهمه تركز فيها هي هل المدرس بيتكلم اكث من الطلبه ولا لا يعني في مواضيع وفي نقاشات بتحصل جوه الكورس ولا لا وكل ما الطلبه تكون بتشتغل اكت وبتبذل مجهود جوه الكورس مش مجرد متلقيه كل اما يكون الكورس احسن ونتايجه كمان افضل ثالث حاجه يكون في منهج واضح يعني لازم يكون في كتاب معين المدرس شغال بيه انا مثلا في معهد جوتا كنت شغال وقتها بكتاب اسمه منشن الكتاب ده كان كويس جدا والمدرس ماشي عليه وبيزود من عنده الحاجات اللي تفيد الكتاب دوت اما لو المدرس ما عندوش منهج واضح وجايب شويه من الشرق وشويه من الغرب فالموضوع ده مش حلو خالص رابع حاجه دي اساسيه جدا ولازم تبقى موجوده في اي كورس كويس وهي جوده المدرس نفسه يعني هو فاقد الشيء لا يعطيه ما ينفعش انت تبقى بتاخد كورس عند مدرس مش عارف يقول كلمتين الماني على بعض وكمان في نقطه ثانيه ان هو ممكن يكون جامد جدا لغويا بس طريقه شرحه انت مش متقبلها او هي مش كويسه فلازم تتاكد ان المدرس بيعرف يوصل لك المعلومه كويس وان هو فعلا شاطر في اللي هو بيعمله. خامس حاجه التقييم المستمر ودي من الحاجات المهمه جدا ليك انت شخصيا في الكورس انك انت يبقى في امتحانات بين كل مثلا درس ودرس بين كل اسبوعين حسب سيستم الكورس نفسه. المهم ان التقييم ده يكون مستمر ده غير الفيدباك لو انت غلطت في حاجه او انت في حاجه مش متظبطه معاك المدرس يقول لك بالضبط ايه اللي ناقصك علشان تقدر تظبطه ودي من اهم اصلا المميزات بتاعه الكورس انك انت مش ماشي مع نفسك وخلاص ما فيش حد بيديك تقييم لا لازم يبقى في تقييم علشان تقدر تعدل او تظبط الحاجات اللي ناقصاك سادس حاجه تقييمات الناس ودي حاجه بتوفر للناس وقت جدا يعني انت دلوقتي بتدور على كورس الماني مش هتروح تجرب كل كورس وتشوف شوف الكورس دوت وحش ولا مش وحش بناء على تقييمات الناس وتسال في جروبات السوشيال ميديا اذا كان الكورس الفلاني ده كويس او حد جربه ده هيوفر لك وقت جدا ودايما الكورسات اللي متجربه كتير ده معناها ان عليها طلب كتير فالمكان كويس وبيحقق نتائج كويسه استمريت معهد جوتا وبطريقته الجامده ما كنتش بحتاج الى حد كبير ان انا اعمل حاجه خارج الكورس الا في بعض الحالات القليله اللي كان بيساعدني على ده هو مكتبه معهد جوتا اللي تقدر حتى لو انت مش بتدرس في معهد جوتا انك انت تشترك فيها اشتراك شهري باجر رمزي خالص وتستفيد من كل حاجه موجوده فيها بس اهم ميزه شايفها في المكتبه انها كانت متقسمه لاقسام بتناسب كل مستوى من مستويات اللغه الالمانيه فتقدر تروح للمستوى المناسب ليك علشان ما تعقدش نفسك في بدايات اللغه بتاعتك بحاجات مش مطلوبه منك بالنسبه لمستواك المهم انا كنت بستعير منها كتب وصوتيات وافلام وكل حاجه ممكن تتخيلها وده اللي مخليني من الاول اقول لكم ان انا اخر واحد ممكن يعمل فيديو عن تجربه اللغه الالمانيه لان انا كل حاجه كنت بعملها او اكت حاجه كنت بعملها ان انا كنت بمشي مع الكورس لان ما عنديش وقت اعمل غير كده في مستوى القطس فاي من الالماني كان معادي مع اول مدرسه المانيه بتشرح الماني ومن هنا كنت انا مجبر ان انا لازم اتصرف لما ابقى عايز اسال او عايز اعبر عن نفسي ان لازم اتكلم بالالماني. الموضوع كان ممتع بس مش سهل خالص خصوصا انك في مستوى زي دوت انت لسه بتقول يا هادي بس في نفس الوقت كان مفيد وبدا يبني عندي ثقه التحدث باللغه الالمانيه وبدا يظهر الموضوع دوت عليا مع الناس اللي معايا في الشغل وكمان اسرتي بحيث ان انا لو في موقف معين بنتكلم فيه واقدر اتكلم فيه باللغه الالمانيه كنت برد على طول بالرد الالماني او الكلمه الالماني اللي انا عارفها وكان معايا واحد زميلي في الشغل لما انا كنت اعمل كده كان يقول لي العفريت الالماني حضر عليك حاول تصرفه بسرعه عشان انا مش فاهم حاجه في مستوى البي 1 عرفت ليه المستوى دوت اسمه بي 1 مش اي 3 وده علشان اللي بيخلص المستوى ده تقدر تعتبر انه بدا يعتمد على نفسه في اللغه الالمانيه وعشان كده انا سافرت بالمستوى دوت مش قبل كده وبصراحه عشان السفاره برده تديني الفيزا عشان السفاره بتقول لك لو انت معكش لغه انت مش عايز تسافر او ما ينفعش تسافر عشان الجديه بتاعتك انت بتديهم شويه جديه المميز كمان في المستوى دوت ان احنا بدانا نتدرب على الامتحان الرسمي بتاع معهد جوتا اثناء ما احنا مستمرين في الكورس ولعلمك لو الواحد مثلا بيدرس في المعهد المستوى دوت بيكون معفي من الرسوم بتاعه امتحان اللغه فدي ميزه كويسه برده وانا شايف ان التدريب كان كافي بشكل كبير جدا لان انا ما احتجتش ان انا احضر للامتحان خالص الا يمكن ليله الامتحان قعدت انا وعبد الله نتدرب على جزء المحادثه علشان نبقى جاهزين للامتحان بشكل كامل ومع نجاحي في الامتحان بقى معايا اول شهاده لغه المانيه معتمده ده حققتها في حياتي. تعال كده نشوف مستواك في اللغه الالمانيه على حسب هتعرف تعمل اللي هقوله ولا لا. اول مستوى حبيب الملايين واللي كل الناس بتدرسه الاينز. في المستوى دوت انت المفروض تكون عارف تنطق الحروف بشكل مظبوط وتقدر تعمل جمل بسيطه وتعرف عن نفسك. زي مثلا تقول انا اسمي كذا عمري كذا بعيش في مدينه كذا. كمان تقدر تسال وتجاوب على حاجات بسيطه يعني مثلا تقدر تسال عن الطريق تقدر تطلب اكل مع طبعا شويه الجرامر الاساسي وتصريفات الافعال وادوات التعريف اللي بتجنن الناس كلها كل ده المفروض تكون عارفه في الاينز والجمله دي هتحدد لك اذا كنت انت مخلص الاينز ولا لا المفروض انك انت تقدر تكتبها وترجمها في مخك وتنطقها اللي هي مثلا محمد الطنطاوي 32 und ich komme ausg كابتن مستوى الادس باي المستوى دوت بتبدا تتكلم فيه او تعبر عن نفسك بشكل اوسع بتتكلم عن يومك ماشي ازاي بتتكلم عن نواياتك او حتى انك انت تقدر تكتب ايميل بسيط كمان في المستوى دوت بتقدر تفهم المحادثات اللي في الشارع شويه وتبدا تكتب وتتكلم في ازمنه مختلفه وهكذا فهو مستوى لطيف جدا والجمله اللي هقولها دلوقتي المفروض ان انت تكون بتعرف تكتبها لو انت مخلص المستوى دوت وهي اشب كستر فوسبلكشبيلت تعرف تكتب الجمله دي ولا لا؟ لو بتعرف يبقى انت معك مستوى البي 1 حبيب الملايين اللي هيطلعك من خانه المبتدئين في اللغه لخانه المتوسطين اللي بعد لما تخلصه هتكون تقدر تعتمد على نفسك بشكل كبير في الكتابه والكلام وتقدر تتكلم مع ناس وتدخل في مناقشات وكمان تتابع الاخبار وتفهمها ده غير ودي اهم حاجه انك تقدر تكتب باميلات رسميه وانا شايف ان المستوى دوت هو المستوى اللي فيه تقدر تقول الحد الادنى اللي تقدر تعيش بيه في المانيا من غير ما يدخل معاك مشاكل او تحس انك ضعيف لغويا قو لي بقى لو انت مستواك فعلا باينز هتقدر تفهم الجمله ديت ولا لا كل اللي قلته لحد دلوقتي بالنسبه لك تافه وتقدر تعمله وانت مغمض فغالبا انت مستواك اعلى بكثير من المستويات اللي انا اتكلمت فيها وانت مش محتاج للفيديو ده اصلا فربنا يوفقك اما لو انت على الله حكايتك بس انت عندك فضول تعرف المستويات الجايه فيها ايه فكمل الفيديو للاخر علشان من اول هنا من بعد البي 1 فعلا بقى المستويات اللي انت هتعتمد عليها واللي هي هتكون مفيده ليك فعلا سواء في دراسه او شغل سافرت المانيا بعد البي 1 بصراحه انا ما لقيتش اي صعوبه في الكلام مع الناس او ان انا افهم الناس رغم ان انا ما كنتش بتكلم بطلاقه خالص والناس نفسها ما كانتش بتهتم بالجرامر بتاعك صح تصريفات الافعال صح بتحط الارتيكل المناسب في الكلام لل للكلمات المعينه كل اللي الناس كانت مهتمه بيه ان هي انت توصل لهم المعلومه بشكل صحيح او يفهموا انت بتقول ايه لهجه بقى مش لهجه كله دوت فاكس موجود بس في كورس اللغه لكن اللي موجود في ارض الواقع الحقيقي ان الناس مهتمه اذا كنت بتوصل المعلومه معاهم صح ولا لا الصعوبه بس كانت في العقود والورقيات والحاجات المكتوبه بشكل عام اللي مش عارف ليه بيحبوا يكتبوها بشكل معقد وبلغه مش مستخدمه في الشارع والواحد كان بيمضي وربنا يستر بس بعد مثلا ست شهور نقول ومع الترجمه والممارسه الموضوع ده بقى من الماضي وبقيت يعني عشان في حاجات كتير مقرره في العقود بقيت ان انا اقدر اقرا الورق المكتوب بشكل مريح اكتر المهم يعني خلصت الامر ان مستوى البي 1 مستوى كويس جدا ان الواحد يسافر وهو معاه المستوى دوت بس ويعيش في المانيا بشكل مرتاح مع بدايه كورس البي 2 كنت واثق جدا من قدرتي الجامده جدا وخصوصا ان انا كنت جايب درجات عاليه في امتحان البي 1 بس كانت هنا الصدمه كورس الالماني بتاع مركز اللغه في الجامعه لا يقارن بمستوى الكورسات الالماني في معهد جوده كورس عباره عن ان الطلبه قاعدين في دايره مثلا او حرف يو ومش متقسمين مجموعات على عكس ما انا اعودت مع معهد جوتا والتفاعل موجود بس قليل جدا بالنسبه برده لمعهد جوتا الكتاب بتاع اللغه كان اسمه اسبكتا والكتاب دوت انا ما كنتش بالعه خالص واللي كان بيدرس لنا كانوا اثنين مدرسين كانوا بيبدلوا علينا على مدار الاسبوع طريقتهم في الشرح مش افضل حاجه وكمان بيتكلموا بسرعه حاولت امشيها ان هو احضر الكورس بس وما فيش مذاكره غير كده رغم ان انا كنت متفرغ للغه وما عنديش جامعه ولا شغل وقتها بس اللي عرفته بالطريقه الصعبه ان من اول مستوى البي 2 الدنيا بتختلف وبتدخل على عالم ثاني من الالماني ما ينفعش فيه الكلام ده خالص ولازم تعتمد على نفسك علشان تزود قدرتك اللغويه والدليل على كده ان معهد جوتا بيدي المستوى دوت في ست شهور زي ما قلت بمعد عد الحصتين في الاسبوع اما هنا في المانيا فكان عندي محاضرات الماني من الاثنين للجمعه والموضوع كان مكثف جدا والواحد مش ملاحق رغم ان انا متفرغ للغه ده كمان كان مطلوب مني اشتغل على نفسي بشكل ذاتي والنتيجه كانت نجاح في المستوى ده صحيح بس بالعافيه وشعور بعدم الثقه في مستوايا الحقيقي الفكره انك انت بعد المستوى دوت المفروض المفروض ان الواحد يكون جاهز لسوق العمل او حتى ان هو يدرس في بعض الجامعات في المانيا لان بعض الجامعات في المانيا بتدرس الناس بمستوى البي 2 بس وكمان تقدر تعمل بيه تدريب مهني بس المشكله ان انا ما كنتش حاسس بكل الكلام دوت ولا حاسس ان انا عندي الثقه اعمل حاجه منهم وده كان نتيجته عواقب وخيمه هنعرفها بعد شويه المهم اللي معاه المستوى دوت بشكل عام يقدر يتكلم ويتناقش في مواضيع متقدمه زي مثلا السياسه والاقتصاد والبيئه ويكتب عنها تقارير ومقالات وتكون التقارير دي حلوه كده مش سطرين لا ممكن حد صفحه اما بالنسبه للجرامر فتقدر تكتب بيه جمل متقدمه لغويا وتستخدم فيها حاجات زي الريف ز اوفا زي مثلا او في حاجه كمان مهمه ودي من الحاجات اللي هي اول حاجه اعلمتها لما كنت بدرس بيتس باي اللي هي التكامولو مش هشرحها طبعا في الفيديو ده بس لازم تكون وانت معاك البيتس فاي انك بتعرف تكتب جمل وبتطبق عليها سيستم التيكا مودو عشان انا كانت بتضايقني الموضوع ده شويه قبل ما نتكلم عن المستوى دوت لازم نفهم نقطه مهمه جدا ان في الوقت دوت انا كنت الفلوس بتاعتي بدات تقل وكنت محتاج اشتغل جدا يعني في اكث وقت محتاج فيه ان انا اركز على الالماني بتاعي بس فعلا اشتغلت وده اثر على موضوع التفرغ بتاعي وكنت بس بحضر الكورس من غير نفس اللي هو مجرد بحضر وخلاص لانه تقريبا كان بيحصل فيه نفس اللي كان بيحصل في المستوى اللي قبله الفرق بقى ان ده مستوى جديد بكاتيجوري جديده علشان كده اسمه سي 1 والسي دي معناها ان المستوى دوت بيخاطب المتقدمين او المحترفين في اللغه وهو يعتبر مكتوب بلغه صعبه جدا مش بتستخدمها في حياتك اليوميه ومقتصره على الدراسه الجامعيه والشغل الاكاديمي اللي فيه محتوى علمي مكتوب بلغه ثقيله اللي هو اصلا لو بتقول نفس الكلام بالعربي عربي الناس هتقول لك هو انت بتتفلسف ليه؟ وعشان كده المستوى دوت هو المستوى المؤهل للدراسه الجامعيه في معظم الجامعات ولو عايز جمله بتعبر عن المستوى دوت ففي جمله انا كنت كاتبها في مشروع كده من المشاريع اللي كنت بعملها في الجامعه اثناء ما كنت بدرس الجمله دي انا مش حافظها بصراحه فتعالوا كده اقولها لكم بص يا سيدي ‏Trotz der zunehmenden Digitalisierung im Gesundheitswissen bestehen weiterhin zalreiche Herausforderungen im Bereich des Datenschutzes insbesondere im Patienten حسبي ونعم الوكيل انا اللي كاتبها بس صداع وعمري في حياتي ما هنطقها ولا هتكلم فيها مع ناس في حياتنا اليوميه عشان كده المستوى دوت بيهتم بالكلام المكتوب اكتر المهم النتيجه كانت واضحه وما نجحتش في امتحان المستوى وبالتالي قررت ان انا اعيد المستوى بس في مكان ثاني يمكن يكون المشكله في المكان وعشان ما اطولش عليكم لقيت نفس المنظر بتاع الكورس القديم كورس مكثف مش ملاحق تجري وراه وامتحان ثقيل جدا بس الحمد لله نجحت بطلوع الروح للاسف كل اللي انا درسته لحد دلوقتي في اللغه الالمانيه غير كافي علشان يحقق الهدف اللي انا اعلمت عشان اللغه اللغه الالمانيه وهي الدراسه الجامعيه ولو هتسالني ليه انا مااررفش هو النظام كده المهم ان في لسه امتحان اخير لازم تمتحنه والامتحان دوت واحد من الاربع امتحانات اللي هو الدي اسها او التساف او التلك سي اينز هوخشوله او جوتات سيرتفيكات ستس فاي بس طبعا جوت سيرتفيكات سيتسفاي ديت مستبعده بالنسبه لي لان انا مادرستش اللغه في مستوى السفاي فبقى عندي ثلاث امتحانات طار واحد منهم وهيكون واحد منهم كافي ان انا ادخل الجامعه الامتحانات ديت من كتر ما هي مش سهله حتى على الالمان ففي كورسات مخصوصه مهمتها ان انت تحضر الامتحان ده بس مش اكتر وعشان توفي الامتحان حقه وتحضر له مظبوط على الاقل لازم يكون الكورس شهرين لان الامتحان دوت مهما كنت شاطر في الالماني بس مش متدرب على شكله صعب جدا ان ما كانش مستحيل انك انت تنجح فيه وفعلا رحت واخدت كورس تحضيري بس الكورس دوت كان كراش كورس لمده شهر كل اللي احنا بنعمله كطلبه ان احنا بنحل نماذج وامتحانات لامتحان الدي اس للاسف ما جبتش فيه الدرجه الكافيه اللي تدخلني الجامعه وكان السبب الرئيسي في الموضوع دوت هو الجزء بتاع الكتابه نقصت فيه درجات كتير جدا اللي بالمناسبه طول عمري ضعيف فيه حتى لو هكتب باللغه العربيه ولان مطلوب منك كواحد ناوي يدرس في الجامعه مستوى لغوي قوي جدا زي الجمله اللي انا كنت قايلها من شويه فمستوايا ما كانش كافي خالص ان انا اعدي الامتحان وتتوالى بقى التجارب الغير ناجحه اللي كانت بدون تخطيط ولا تركيز كافي وطبعا مع استمرار الشغل وكانت النتيجه ان امتحنت خمس مرات جربت فيهم الثلاث امتحانات التستاف تلك سي اينز وخشوله وكمان الدي اس ها ونتيجتهم كلهم كانت الفشل الكلام دوت كان في نهايه 2016 بدايه سنه 2017 حاجه كده والحل كان هو الترك التركيز على الامتحان بشكل كامل وده عن طريق ان انا فضيت نفسي شهر كامل بعد المحاولات الفاشله الكتير اللي فاتت علشان اكتشف مع نفسي الطرق الكويسه بتاعه التعليم الذاتي وابدا اصلح مع نفسي نقطه الضعف المهمه بتاعتي اللي هي الكتابه وده بشكل عام كان عن طريق قرايه مقالات علميه كتير في مجالات مختلفه بنفس مستوى السي واللي اقصده هنا بالقرايه مش القرايه العاديه لا انا كنت بتعامل مع الموضوع زي العيل الصغير اللي مطلوب منه واجب ان هو يكتب الدرس مرتين زايد املاء وكنت بكتبه علشان اللغويات وطريقه الكتابه تدخل في دماغي كمان كنت بتدرب على امتحانات كتير جدا واصحح لنفسي واشوف غلطت في ايه واحاول ازود سرعتي علشان اقدر اراجع في الوقت المتبقي من الامتحان والسبب في ده ان كنت ملاحظ ان انا كنت بغلط غلطات كتير بتكون غلطات تركيز مش غلطات لغه وفعلا بعد توفيق ربنا والاعتكاف على نفسي دخلت امتحانين هم امتحان الدي اس ها وامتحان تساف وقدرت اجيب في الاثنين مع بعض الدرجه الكافيه اللي تدخلني الجامعه واقدر ادرس فيها بعد لما اتمرمطت سنه ونص في المانيا بحاول اخلص اللغه الالمانيه ودراستها كمان تسع شهور في مصر الامتحانات ديت عشان اديها حقها واعمل مقارنه عادله بينها محتاج فيديو كامل اقعد اتكلم فيه عشان كمان اللي جايين يمتحنوه بعد كده يعرفوا يختاروا ايه الامتحان المناسب ليهم لو مهتمين بحاجه زي كده اكتبوا لي في الكومنتات تحت عشان اعمل لكم فيديو كامل عنها. بصراحه حته ان انا اتمرمطت في موضوع امتحان اللغه لدخول الجامعه سبع مرات في الاجمال كان مفيد لتامعه لان الدكتور في الجامعه بيتعامل مع الطلبه كلهم معامله الالمان وبيتكلم بسرعه جدا يمكن اسرع كمان من المدرسين اللي كانوا موجودين في كورسات اللغه هنا رغم ان في دكاتره كتير قالت في بدايه اول محاضره ليها ان لو الطلبه الاجانب في مشكله معاهم مش عارفين يفهموا حاجه او سمعوا كلام ما فهموش معناه ان هم يرفعوا ايديهم ويطلبوا من الدكتور دكتور ان هو يعيد الكلام بس ما حدش كان بيعمل كده لان كله مكسوف ان هو يبين ان هو اجنبي مش لغته احسن حاجه فكان كله بيفضل ان هو يبقى قاعد ساكت وكل واحد ومستواه بقى ده غير كمان ان الجامعه ما فيهاش الضغطه بتاعه امتحانات اللغه يعني انت في امتحان اللغه لازم تحل وتجيب احسن درجات والجرامر تظبطه ومش عارف ايه لكن مع الجامعه الدنيا بتبقى ريلاكس اكت وانت بتبدا انك انت تترجم الكلمات اللي مش عارفها وفي الامتحانات حتى لو بتكتب مقالات طويله المهم المحتوى العلمي بتاعها مش الجرامر خالص فكانت الدنيا الطف بكتير في الجامعه عن اللغه انا عن نفسي كنت بفهم حوالي 80 90% من اللي الدكاتره بتقوله وكمان مع الوقت كانت مستوايا ان انا افهم الدكاتره كان بيزيد ده غير كمان ان الجامعه مش مكان كورس لغه ولا هو امتحان لغه فانت عادي غلط في الجرامر اكتب الكلمه غلط المهم انك انت تفهم المعلومه وتوصلها للدكتور عن طريق انك بتحل الامتحان او تتناقش معاه والدكتور يفهم انت تقصد ايه فكان الموضوع ريلاكسد اكث بكتير من كورس اللغه اللي هو انا بتعامل باللغه بالقدرات اللي اقدر عليها والموضوع ده مكفي فكان زي الفل وكمان قدرت ان انا اكتب كتاب كامل عباره عن مشروع التخرج بتاعي واخد فيه امتياز رغم ان هو مليان غلطات جرامر بس هو ما فارقش مع الدكاتره قوي موضوع غلطات الجرامر دوت قد ما فرق معاهم المحتوى العلمي احنا دلوقتي في 2025 واقدر اقول بعد 12 سنه من استخدامي للغه اللغه الالمانيه اللي رحلتي بدات معاها في 2013 ان مستوايا مستقر بشكل كبير بين مستوى البيتس فاي والسي اينز قدراتي في الاستماع تقدر تقول عليها ان هي ممتازه جدا يعني ممكن اكون بفهم 99% من الكلام اللي بيتقال حواليا وقدراتي على التحدث مع الناس بتتفاوت حسب الموضوع يعني ممكن تلاقيني بتكلم فلونت لمده نص ساعه وممكن تلاقيني بتهته شويه حسب الموضوع يعني لو في كلمه مثلا ما استخدمتهاش بقى لي فتره ممكن تديني مثلا ثانيتين افكر في الكلمه دي او ثلاث ثواني عبال ما اقولها. بالنسبه بقى للقرايه فهي زيها زي ال الاستماع او يمكن اقل شويه لان في كلام زي ما قلت مقروء بيكون لغته ثقيله شويه خصوصا الكتب الالمانيه القديمه الالماني بتاعها ساعات بيبقى محتاج ترجمه و مش ساعات هو كتير قوي بيبقى محتاج ترجمه عشان كلام ثقيل جدا وما بستخدموش في الحياه اليوميه بشكل كبير. اما بقى الكتابه اللي هي كانت مشكلتي الابديه فاتحسنت بشكل كبير بسبب حاجات كتيره بسبب التدريب اللي انا عملته المكثف قبل ما ادخل الامتحان وكمان التجارب والحاجات اللي انا عملتها في الكليه طول ما انا في الكليه بكتب في تقارير وبسلم ابحاث وكل الكلام دوت فاتحسن بشكل كبير جدا واقدر اقول عليه ان هو كويس يعني 60 70% بس كده ده فيديو النهارده ولو وصلتوا من النقطه دي من الفيديو ده معناها ان غالب غالبا الفيديو عجبكم فلو عجبكم الفيديو اعملوا لايك ولو اول مره تشوفوني على اليوتيوب اعملوا واكتبواالي في الكومنتات لو عايزين فيديوهات شبه الفيديو دوت لان انا تعبت فيه جدا واتمنى ان هو يكون مفيد لكم كلكم بس كده سلام