أفضل أنشطة لتعليم الأرقام وقيمتهم للأطفال بسرعة وبسهولة سلسلة تعليم الرياضيات حلقة 2

السلام عليكم مرحبا بكم مجددا في القناه ديالي كيف ما عودتكم المره اللي فاتت قلنا غادي نبداو سلسله غادي نركزوا فيها على الرياضيات فالحلقه الاولى ركزنا على كيفيه تعليم الارقام للاطفال بطريقه اللي هي ممتعه بطريقه اللي هي بسيطه وايضا مضمونه هذ الطريقه جربتها يعني نفس الطريقه جربتها مع الطفل ديالي اللي هو حاليا العمر دياله ست سنوات وكانت الحمد لله مضمونه وايضا الكثير منكم جربوها من قبل في البدايه ديال القناه ديالي ملي شاركت درت معكم الفيديوهات ونلقاوا يعني الاستحسان ويعني الاطفال ديالهم كانوا مستعدين اولا كانوا قادرين انهم يتعلموا الارقام بكل بساطه وبكل سهوله ويعني بمتعه فالحلقه الثانيه كيف ما قلنا في الحلقه اللي فاتت ركزنا على تعليم الاطفال شكل الرقم بمعنى بلي ان الطفل ديالك ملي كيشوف هذا الرقم كيعرف بلي ان هذا رقم واحد ملي كيشوف هذا الرقم كيعرف بلي هذا رقم اثنان ولكن الخطوه التاليه يعني من بعد هذ الخطوه هي ان نركزوا بلي ان الطفل ملي يشوف هذا الرقم يعرف بلي ان القيمه دياله هي اثنان هي شيئ ويعني ملي يشوف هذا الرقم يعرف ان القيمه دياله هي اربعه اشياء فكيف غادي نوصل لهذه المرحله فالاطفال في السن الصغير كيكونوا مازال ماكيربطوش يعني المصطلحات بواحد القيمه فهنايا كيجي العمل ديالنا وهنا يعني كنبداو نخدموا معهم بواحد التمارين اللي هي بسيطه على حسب السن ديال الطفل ديالك وكنبقاو بشويه بشويه كنصعبوا التمارين حتى كنوصلوا لمرحله ديال الجمع والمرحله ديال الطرح واللي غادي نشاركوا ان شاء الله فيها حلقات يعني من خلال هذه السلسله طبعا اذا كنتوا مهتمين ما تنساوش تخليوها لي في التعليقات واذا كنتوا اول مره كتشوفوا القناه ما تنساوش تشتركوا في القناه وتفعلوا الجرس باش يوصلكم الفيديوهات ان شاء الله وطبعا تشاركوا هذا الفيديو مع الاصدقاء ديالكم وتشاركوا الفيديو مع الامهات اللي مثلكم ف نبدا يعني على بركه الله فاول شيء اللي ممكن نقوموا به بطريقه اللي هي بسيطه اول تمرين هو اننا خصنا نعلموا الطفل ديالك باللي ان كل شيء ممكن نوضعوا فيه شيء واحد وهذ الطريقه يعني كتسمى وان تو وان كورسبوندنس هذه الطريقه يعني بسيطه ولكن من ورائها الطفل كيفهم المبدا فاول حاجه ممكن تاخذوا يعني اي مول هذا ديال المافن اللي كيكون عندنا في المنزل اذا كان عندكم اصغر من الاحسن لان هذا كبير ولكن ماشي مشكل غ نخدموا بالاشياء اللي عندنا وممكن تستعملوا اي شيء عندكم في المنزل انا مثلا حاولت يعني نشوف اشياء اللي يعني مشتركه في البيوت ديالنا مثلا خديت هذو يعني الجوارب او تقشر يعني ديال الطفل ديالي فالتمرين كالتالي غادي تعطي للطفل ديالك واحد السله مليئه مثلا بالجوارب وغتطلب من الطفل ديالك انه يوضع كل جورب في خانه واحده فحتى لو كان يعني الطفل ديالك سنتين او ثلاث سنوات ممكن انت تقومي بالفعل والطفل ديالك كيقلدوا كيف ما كنعرفوا الاطفال ملي كيكونوا في السل الصغير كيعجوا يقلدوا فبكل بساطه القانون اللي خصه يكون بلي انه نفس العدد ديال الجوارب اولا اي ما قلت لكم اي شيء عندكم في المنزل ممكن تستغلوه يعني يكون نفس العدد هو عدد الخانات اللي عندنا اولا عدد هذا المافن والتمرين بسيط هو ان الطفل ديالك كياخذ بهذ الطريقه ياخذ واحد اثنان كنوضعوا يعني الجورب الثاني في المكان الثاني ثلاثه اربعه خمسه وكنبقاو كنكمل في هذ الجوارب يعني كنعمل هذ القضيه مع الطفل ديالنا حتى كنساليو ذاك الجوارب كامله وهكذا الطفل ديالك كان يعني كنوصل الفكره بواحد الطريقه اللي هي بسيطه وهذه اول مرحله اللي ممكن نعلموها للطفل ديالنا هو ان نعلموها بان رقم واحد القيمه دياله هي شيء واحد فقط هنا التمرين الثاني غادي ناخذوا مجموعه من الاوراق غادي نكتبوا فيها الارقام كيف ما شاركت معكم في الفيديو السابق وغادي نركزوا على الارقام من واحد لثلاثه ممكن طبعا تستعملوا الارقام اكثر مثلا ملي الطفل ديالك يضنبض الارقام من واحد لثلاثه ديك الساعات كنزيدوا الارقام رقم 4 خ 6 وكنبحثوا في المنزل تشوفوا الاشياء اللي عندكم انا مثلا عندي هذ الخيوط عندي مجموعه منهم ممكن تستعملوا الازرار المهم تكون اشياء اللي هي تكون متشابهه يعني مثلا عندك ازرار عندك منهم بزاف اولا مثلا عندك الخيوط اولا عندكم عندك مثلا الخشيبات اللي كنا كنستعملوهم اللي كنا صغار اي شيء اللي يكون مكرر يعني نفس الشكل بحيث يعني يكون كيتعاود وكنعطيو للطفل ديال الاطفال ديالنا يحسبوا بها فهنا غادي نستعمل هذه الخيوط وغادي ناخذ خيط واحد اول حاجه التمرين غادي نقوم به بنفسي وغادي نوضع الارقام امام الطفل ديالي وغادي نقول له مثلا لدينا هنا رقم واحد اذا سناخذ واحد وكنحسب هنا الطفل ديالي كيكون يعني متمكن من العد فهنا عندنا رقم اثنان اذا كناخذوا رقم يعني كناخذوا واحد اثنان وهذ الطريقه يعني كنعلموا الطفل ديالنا باستعمال العد باللي ان رقم اثنان القيمه دياله هي شيئان وكنعد بهذ الطريقه يعني امام الطفل وايضا يعني كيف ما لاحظتوا في الفيديو انا استعملت الاصبع ديالي باش تابعت الرقم هذه القضيه كتساعد من بعد الطفل انه يتذكر الشكل ديال الرقم وغادي تساعدوه في الكتابه فيما بعد هذه القضيه كيستعملوها كثيرا يعني في مونتيسوري فغادي تطلب من الطفل ديالك ياخذ الاسبوع دياله ويتابع ذاك الرقم ومع الوقت يعني كيبقى بقى يتذكر الشكل ديالو ونفس الشيء بالنسبه لرقم ثلاثه كنقوموا بعمليه العد يعني ببطء مع الطفل ديالي كنقولوا له رقم ثلاثه يعني واحد اثنان ثلاثه و الطفل ديالك خصه يعيد هذا التمرين امامك طبعا في الاول يعني ممكن يلقى صعوبه يعني الاطفال يعني كيكونوا يعني مازال صغار ممكن يعني يقوموا يعني باخطاء ولكن ماشي مشكل بالتكرار كيتعلموا وايضا نصيحه ذاك السله يعني اللي غادي تستعملوها يكون فيها نفس العدد اللي الطفل ديالك غادي يحتاجه فحال مثلا هنايا في هذه الحاله احتاجنا سته ديال الخيوط فالسله يكون فيها فقط سته خيوط ممكن تستعملوا مثلا يعني الالوان الاقلام اي شيء عندكم بنفس الطريقه التمرين الثالث غناخذوا هذ الكرطونه ديال المناديل انا قصيتها لثلاثه الاجزاء يعني متساويه وغادي نكتبوا فيها يعني الارقام من واحد ل 3 بخط اللي يكون هو واضح وسميك بهذ طريقه وغادي نستغلهم بهذ الطريقه اللي كتلاحظوا امامكم فقط غادي نوضعوهم امام الطفل وغادي ناخذوا اي شيء عندكم انا مثلا ستخدم يعني اقلام ملونه ممكن ذاك العواد اللي كيكونوا ديال الايس كريم المهم اي شيء على شكل طولي ومن جديد يكون يعني نفس الحجم ونفس الشكل و كنبداو بعمليه الحساب كنقولوا للطفل هنايا عندنا رقم واحد اذا سنضع واحد عندنا رقم اثنان اذا سنضع واحد اثنان يعني كنوضعوا قلمين رقم ثلاثه ثلاثه يعني كنوضعوا فيه واحد اثنان ثلاثه و من جليل هذا التمرين كيكون يعني في العاب مونتيسوري بحيث كنربطوا يعني بالنسبه للاطفال الصغار بالنسبه للتعليم المبكر كنربطوا الرقم مع القيمه دياله بالعاب اللي هي بسيطه طريقه اخرى اللي هي بسيطه ممكن تستعملوا بطاقات بحال هذ الطريقه اللي كتشوفوا هذ البطاقات غادي نشاركها معكم مجانيا يعني كل بطاقه فيها مجموعه من الحيوانات اولا الحشرات اولا اي شيء على حسب البطاقه والطفل المفروض انه يختار الرقم المناسب يعني يقوم بعد ذاك الاشياء ويختار الرقم المناسب وهنا ممكن نستعمل يعني مشابك الغسيل والطفل ديالك خص يوضعها على الرقم المناسب هكذا في نفس اللحظه باستعمال ذاك المشابك كيكون كيخدم الاصابع اليدين دياله وكيجهز نفسه للكتابه ومن الانشطه ايضا البسيطه والمفيده للطفل باش يعرف القيمه ديال يعني ديال الرقم فقط تاخذوا يعني اوراق بيضاء وتكتبوا فيها الرقم المناسب وكل رقم مناسب ترسموا امامه شكل معين فحال مثلا انا رقم واحد رسمت امامه قلم رقم اثنان رسمت امامه ملعقتين ورقم ثلاثه رسمت امامه ثلاث شوكات و يعني ممكن ايضا انا فقط غير بغيت نعطيكم مثال ممكن تستعملوا هذ البطاقات اللي غادي نشاركها معكم من جديد يعني بشكل مجاني هنا كل رقم كيجي حداه صوره معينه وهذه يعني غالبا كتكون اشياء موجوده في كل منزل يعني كتاخذ الرقم وكتوضع معه يعني امامه الشكل المناسب التمرين بسيط المفروض من الطفل انه ياخذ الرقم يعني ياخذ البطاقه ويوضع امامها يعني يحسب يقوم بعمليه العد ويوضع امامها يعني يعني الشيء المناسب بحال مثلا يعني رقم واحد عندنا هنايا امامه يعني قلم واحد فالطفل ديالك غادي يبحث حول المنزل انا فقط وضعتهم هنايا امامي باش نشرح معكم الفكره ولكن المفروض من الطفل انه يبحث في المنزل يعني على القلم وكيقوم باحضار القلم وهكذا يعني كتكون النشاط اللي هو يكون حركي والطفل ديالك كيستمتع وكيحس بها وكانها لعبه مثلا رقم اثنان خصه يبحث حث على مثلا ملعقتين فغادي يمشي مثلاطبخ يبحث على الملاعق ويحضر ملعقتين ويقوم بالعد دياله ونفس الشيء بالنسبه لرقم ثلاثه هنا عندنا شوكهات ثلاث شوكات غادي يذهب للمطبخ ويحضر ثلاث شوكات وكيف ما شاركت معكم هذ البطاقات اللي غادي نخليهم لكم في صندوق الوصف ممكن تستعملوهم بدل انكم يعني تقوموا برسم الاشكال في الورقه ممكن تستعملوا هذه البطاقات اللي امامكم ونفس الشيء ممكن تاخذوا اي بطاقه عندكم في المنزل انا مثلا عندي هذ البطاقات ديال الحيوانات يعني باللغه الانجليزيه واللغه الصينيه فهنا مثلا بغيت نعطيكم غير مثال عندي مثلا هنا حيوان واحد مثلا حيوان الببغاء وهنا يعني عندنا حيوان البطريق هنا عندنا اثنان من حيوانات البطريق والطفل ديالي كتعطيه مثلا ارقام هنا مثلا عندي ارقام خشبيه ممكن ارقام بلاستيكيه ممكن ارقام يعني مكتوبه في الورق عادي والمفروض من الطفل ديالك يقوم بعمليه العد ويوضع الرقم المناسب امام يعني العدد المناسب فهذه ايضا يعني نوع من التمارين فلكم يعني حريه الاختيار البطاقات من جديد انا غنخليهم لكم هنا مثلا في هذ البطاقات عندنا مثلا حدائين الطفل خصه يوضع امام بطاقه الحدائين رقم اثنان مثلا هنا عندنا اربع شوكات الطفل من جديد ياخذ الرقم مثلا الخشبي ووضعه امام بطاقات اربع شوكات وايضا في هذا الملف ملف كيجيو معه ارقام اللي هي يعني ممكن تطبعها وتستعملها مع الطفل ديالك اولا ممكن فقط تكتفي بورقه تكتب فيها الارقام نشاط اخر اللي هو بسيط وماكيحتاجش بزاف ديال التجهيزات فقط تاخذوا مثلا الارقام يعني هنايا عندي الارقام الخشبيه ممكن تستعملوا فقط اوراق تكتبوا فيها الارقام من واحد الى ثلاثه وتاخذوا العجينه و يعني تقوموا بصناعه هذ الكويرات من العجينه يعني كويرات بسيطه وتوضعوا امام كل رقم الكره المناسبه وتبداو بعمليه العد مع الطفل ديالك مثلا هنا تقولوا رقم واحد والطفل ديالك خصه يضغط على العجينه رقم اثنان واحد اثنان وهنا العجينه كتساعد ايضا على ذاك اللمس يعني الاطفال في السن الصغير كيكون عندهم واحد الرغبه في انهم يلمسوا الاشياء فهذا النشاط جد مناسب للاطفال الصغار مثلا هنا رقم ثلاثه واحد اثان 3 وايضا ما نساوش باللي ان اذا كان الطفل ديالك صغير في السن فنردوا البال الاشياء يعني لهذ الاشياء يعني العجينه نكونوا بجانبه باش ما يوضعاش في الفم دياله النشاط الاخر هنا عندنا يعني مجموعه من الارقام من جديد وعندنا واحد السله غادي نوضعوا فيها مجموعه من السيارات والطفل ديالك المفروض انه يوضع العدد السيارات المناسب امام كل رقم هنا لكم حريه الاختيار ديال الاشياء اللي كيعجبها الطفل ديالكم مثلا انا الطفل ديالي كان يعني يحب السيارات فكنت كنستعمل معه السيارات ممكن الطفل ديالك اولا الطفله ديالك تحب الحيوانات فتاخذ مجموعه من الحيوانات توضعها في السله وتطلب من الطفل ديالك انه يوضع يعني يحسب الرقم ويوضع يعني العدد ديال الحيوانات على حسب الرقم المناسب وهنا يعني نستغلوا الحب ديال الطفل ديالنا الواحد اولا الاهتمام دياله بشيء معين في التعليم دياله خصوصا يعني في السن المبكر يعني من جير ان نوصل لهم ذاك المفاهيم ديال الرياضيات اولا اي مفهوم عن طريق اللعب وعن طريق اشياء اللي هي محسوسه وعلى فكره انا كنت شاركت معكم واحد الكتاب اللي هو كنت صنعته للطفل ديالي كتاب بسيط ولكن فيه مجموعه من التمارين كنحاول موضوع السيارات لان الطفل ديالي كانت واحد الفتره خصوصا يعني حين كان اصغر في السن كان يعني ماهوس بالسيارات فكنت صنعت واحد الكتاب خاص بالسيارات كان فيه مجموعه من يعني تعليم بعض الكلمات البسيطه باللغه العربيه وايضا بعض يعني تمارين ديال الحساب اللي هي بسيطه فايضا غادي نخلي لكم الفيديو اللي شاركته معكم فيه في صندوق الوصف ونخلي لكم ايضا يعني رابط الكتاب واذا مهتمين نشارك معكم اكثر يعني في اهتمامات مختلفه خليو لي في التعليقات اذا كان الاطفال ديالكم عندهم اهتمام معين وبغيتوني نشارك معكم يعني الكتب اللي هي تكون بسيطه للطفل تخدموها معهم فهنا وصلنا لاخر الفيديو وما تنساوش تضغطوا على اللايك باش يعني طبعا اذا اعجبكم فيديو باش يوصل لعدد اكبر من الناس ان شاء الله ونفيده طبعا ملي كتشاركوا فيديو اللي هو مفيد انتما ايضا يعني تاخذوا الاجر عليه ان شاء الله ونتمنى ان الافاده تكون وصلت واذا عندكم اي طلبات خليوها لي في التعليقات انا دائما كنقرا التعليقات كلها وحتى يعني بعض المرات اذا ما لقيتش الوقت باش نجاوب ولكن كنقرا التعليق وكناخذه بعين الاعتبار فنخليكم في امان