Green Economy in the Arab World Sixth Grade Second Term with Lesson Assessment Solutions

السلام عليكم ورحمه الله وبركاته النهارده معادنا مع الدرس الاول من الوحده الثالثه للصف السادس الابتدائي بعنوان الاقتصاد الاخضر في الوطن العربي هنشرح الدرس مع بعض وفي اخر الفيديو هنجاوب مع بعض على اسئله التقييمات الاسبوعيه اللي موجوده في كتاب التقييمات واللي بتكون ثلاث نماذج ا وب وج بس عايزاك تسمع السؤال وتوقف الفيديو وتجاوب عليه لوحده وبعدين تسمع الاجابه علشان التطبيق العملي مهم جدا علشان تثبت بيه فهم الدرس. ما تنساش لو عندك اي سؤال هستنى تكتبه لي في كومنت وانا هرد عليك ان شاء الله. كمان ما تنساش تعمل شير للفيديو مع كل اصحابك عشان تساعدهم يستفيدوا هم كمان. تعالى بقى ندخل بسرعه على درسنا النهارده. عارفين احنا بناخد الدرس ده ليه؟ عشان واحنا قاعدين بنتفرج على التلفزيون مثلا او بنقرا اي حاجه سواء كتاب او حاجه شفناها في اي موقع من مواقع السوشيال ميديا وسمعنا او لقينا مكتوب كلمه اقتصاد اخضر نبقى فاهمين الكلمه دي يعني ايه؟ ممكن كمان نفهم كل اللي بيتفرجوا معانا يعني ايه اقتصاد اخضر وبنطبق الاقتصاد الاخضر ده فين في بلادنا العربيه ونعرف كمان هو احنا بنطبقه عادي جدا كده بسهوله ولا في مشاكل بتقابلنا واحنا بنطبقه كمان نشوف المدن اللي طبقته بقى شكلها عامل ازاي واستفادت منه في ايه رايكم بقى نعرف مع بعض كل المعلومات الجديده دي لما التلوث زاد وحصل تغير في المناخ الدول حاولت تحل المشكله دي فعملت حاجه اسمها اقتصاد اخضر علشان احنا نقدر نعيش ونكبر ونعمل مصانع ونعيش في رفاهيه وفي في نفس الوقت نحافظ على البيئه للاجيال اللي هتيجي بعدنا والطريقه الوحيده اللي هتخلينا نقدر نعمل كده اننا نعتمد على الطاقه المتجدده ونبني مدن خضراء هو ده بقى معنى كلمه اقتصاد اخضر هو اقتصاد يهدف الى تحقيق التنميه الاقتصاديه مع الحفاظ على البيئه واستدامه مواردها عرفت بقى ايه الهدف من الاقتصاد الاخضر اننا نقدر نعمل توازن بين التنميه الاقتصاديه وفي نفس الوقت نحمي البيئه طيب ايه هي بقى مجالات الاقتصاد الاخضر في الوطن العربي اول حاجه ممكن نستخدم الطاقه المتجدده زي الشمس والرياح والمياه وننتج بيهم كهربا نظيفه بدل ما نستخدم الوقود الاحفوري كلمه الوقود الاحفوري يعني اللي بنحفر عشان نطلعه واللي بيتكون من بقايا الكائنات الحيه اللي ادفنت من ملايين من السنين عارفين مشكله الوقود الاحفوري ايه؟ انه بيلوث البيئه لكن لما نستخدم طاقه متجدده نضيفه نبقى حافظنا على البيئه للاجيال اللي بعدنا وفي عندنا بالفعل محطات لتوليد الطاقه الكهربائيه النضيفه بيستخدموا فيها الشمس والرياح زي محطه البحر الاحمر للرياح اللي هي جبل الزيت في مصر ومحطه كهرباء السد العالي اللي صورتها موجوده عندك في كتاب المدرسه ومحطه نور للطاقه الشمسيه في المغرب كمان محطه الشعيبه للطاقه الشمسيه في السعوديه ثاني حاجه في الميه والزراعه استخدم طرق ذكيه علشان احافظ على الميه وخصوبه التربه في نفس الوقت اثناء عمليه الزراع زي مثلا اننا نرشد استهلاك الميه فنروي بالرش والتنقيط بدل غمر الارض بالميه ونعمل كمان محطات تعالج ميه الصرف الصحي ونستخدم سمات طبيعي اللي بنستخرجه من مخلفات الحيوانات بدل المواد الكيميائيه اللي بتضر صحتنا وده بنسميه زراعه عضويه يعني اورجانيك كمان في الصناعه هنحاول نشجع الصناعات الصديقه للبيئه زي مثلا اننا بدل ما نرمي القمامه ناخدها ونصنع منها اشياء جديده اللي هي بنسميها اعاده تدوير وبكده نحمي الارض من التلوث ونوفر كمان خامات جديده زي مشروعات اعاده تدوير المخلفات اللي اتعملت في مصر والامارات كمان في النقل احنا عارفين ان السيارات العاديه بتخرج عادم بيلوث البيئه اما السيارات الكهربائيه نظيفه ومش بتلوث البيئه علشان كده في دول عربيه بدات تعتمد فعلا على السيارات الكهربائيه انتم عارفين كمان ان مصر بدات تصنعها ودبي عملت محطات لشحن الكهرباء بتاعه السيارات مجانا علشان تشجع النقل الاخضر. تعالوا بقى اسالكم كم سؤال. حضروا ورقه وقلم. هنسمع السؤال ونوقف الفيديو ونكتب الاجابه. اول سؤال ما هي مجالات الاقتصاد الاخضر في الوطن العربي؟ الطاقه المتجدده الميه والزراعه. الصناعه والنقل. طب اذكر مثالا لمحطه طاقه شمسيه في بلد عربي احنا قلنا محطه نور في المغرب او محطه الشعيبه في السعوديه طب ما هو الوقود الاحفوري احنا قلنا هو مصدر من مصادر الطاقه يتكون من بقايا كائنات حيه قديمه دفنت تحت الارض منذ ملايين السنين طب كيف نحافظ على المياه في الزراعه عن طريق الري بالرش والتنقيط ومعالجه مياه الصرف لاعاده استخدامها. طب ما فائده اعاده تدوير المخلفات في الصناعه؟ تقليل النفايات واستغلال الموارد بشكل افضل. طب لماذا تشجع الدول النقل الكهربائي لتقليل التلوث الناتج من عوادم السيارات؟ لو ما عرفتش تجاوب على اي سؤال ارجع للجزء بتاعه في الفيديو وشوفه مره كمان علشان تاكد لنفسك فهمه. عارفين بقى الاقتصاد الاخضر مهم ليه؟ انتم لازم تكونوا عارفين ان الحفاظ على الموارد الطبيعيه حق من حقوق الاجيال اللي جايه والاقتصاد الاخضر مهم جدا لانه بيحمي حقك انت والاجيال اللي جايه في المستقبل علشان تلاقي ميه وهواء نظيف لكن المشكله بقى ان محطات الشمس والرياح غاليه جدا علشان كده احنا لسه بنعتمد على البترول ده غير ان التشريعات اللي بتنص على الاهتمام بالبيئه ضعيفه شويه يبقى اهميه الاقتصاد الاخضر حمايه البيئه من التلوث استدامه الموارد الطبيعيه وضمان حقوق الاجيال القادمه طب ايه التحديات والمشاكل اللي بتواجه الاقتصاد الاخضر احنا لسه قايلينها ارتفاع تكلفه مشروعات الطاقه المتجدده الاعتماد على الوقود الملوث للبيئه وضعف التشريعات البيئه بيئيه اول مؤتمر عالمي عملوه علشان ياكدوا على حمايه الموارد الطبيعيه كان في استوكهولم سنه 1972 الدول العربيه نفذت بالفعل خطوات علشان تعمل اقتصاد اخضر وتحقق التنميه المستدامه ففي دول عربيه انشات محطات للطاقه الشمسيه زي مصر والامارات والسعوديه كمان في دول انشات محطات للرياح زي مصر والمغرب غير ان الدول العربيه شجعت الاستثمار في النقل النضيف. تخيل ان مصر كانت سباقه جدا فعملت اول محطه للطاقه الشمسيه في المعادي سنه 1913 وتونس بدات كمان تهتم بمشروعات اعاده التدوير في سنه 2000 والامارات كمان استضافت مؤتمر اسمه اكسبو سنه 2020 للتاكيد على استخدام الطاقه النظيفه دلوقتي بنبني مدن ذكيه خضراء مليانه بالاشجار وبنستخدم انظمه ذكيه علشان عشان نرشد استهلاك الطاقه والميه زي العاصمه الاداريه في مصر ومدينه نيوم في السعوديه اللي بتقوم على التكنولوجيا الحديثه وبتعتمد على الطاقه النظيفه هسالكم كم سؤال وقفوا الفيديو وجاوبوهم لوحدكم اين ومتى اسست اول محطه طاقه شمسيه في الوطن العربي احنا قلنا في حي المعادي بمصر سنه 1913 طب ما هي مميزات العاصمه الاداريه الجديده كمدينه خضراء؟ استخدام الطاقه النظيفه كثره المساحات الخضراء وانظمه ذكيه لتوفير الماء والكهرباء طب كيف يمكنك المساهمه في تقليل النفايات في المجتمع؟ ممكن نقول عن طريق اعاده تدويرها طيب في رايك ماذا يحدث اذا تحولت جميع المدن العربيه الى مدن خضراء؟ لو لقيت سؤال في رايك يبقى هو عايزك تفكر وتجاوب لوحدك علشان اقيس فهمك بيه للدرس عايزاك تجاوبه لوحدك وهكتب لك الاجابه من وجهه نظري ممكن تبقى ايه في الكومنتات دلوقتي ج معادنا مع اسئله التقييم الاسبوعي انا هقول السؤال انت هتوقف الفيديو وتجاوبه لوحدك وبعد كده تسمع الاجابه اول سؤال في نموذج الف اكتب كلمه صواب امام العباره الصحيحه وكلمه خطا امام العباره غير الصحيحه استضافت الامارات مؤتمر اكسبو عام 2020 وركز على الاستدامه والطاقه النظيفه اه اجابه صحيحه لان احنا فعلا قلنا ان الامارات استضافت هذا المؤتمر سنه 2020 ثاني سؤال اكمل مدينه سعوديه تعتمد على التكنولوجيا والذكاء الاصطناعي احنا قلنا مدينه نيوم في السعوديه بما تفسر اهميه الزراعه العضويه للاقتصاد الاخضر قلنا انها زراعه طبيعيه تعتمد على مخلفات الحيوانات كسماد دون الاعتماد على الاسمده الكيماويه مما يحافظ على صحه الانسان والبيئه طب ما المقصود بالاقتصاد الاخضر هو اقتصاد يهدف الى تحقيق التنميه الاقتصاديه مع الحفاظ على البيئه واستدامه مواردها طب دلل على صحه العباره التاليه يواجه الاقتصاد الاخضر عده تحديات احنا قلنا ارتفاع تكلفه مشروعات الطاقه المتجدده الاعتماد على الوقود الملوث للبيئه ضعف التشريعات البيئيه نموذج ا خلص ودلوقتي جع نموذج ب اول سؤال اكتب كلمه صواب امام العباره الصحيحه وكلمه خطا امام العباره غير الصحيحه تعمل الصومال حاليا على تصنيع سيارات كهربائيه محليه الاجابه غلط والصح ان مصر هي اللي بتعمل حاليا على تصنيع سيارات كهربائيه محليه ثاني سؤال اكمل احد مشروعات الطاقه الشمسيه بالسعوديه احنا قلنا محطه الشعيبه ثالث سؤال اهميه الاقتصاد الاخضر احنا قلنا حمايه البيئه من التلوث استدامه الموارد الطبيعيه وض ضمان حقوق الاجيال القادمه. رابع سؤال ما المقصود بالزراعه العضويه؟ احنا قلنا ان هي زراعه طبيعيه تعتمد على مخلفات الحيوانات كسماد دون الاعتماد على الاسمده الكيماويه. خامس سؤال دلل على صحه العباره التاليه. بدات الدول العربيه في تنفيذ خطوات نحو الاقتصاد الاخضر وتحقيق التنميه المستدامه. هنقول اول حاجه انشاء مشروعات الطاقه الشمسيه زي اللي في مصر والامارات والسعوديه ثاني حاجه اقامه محطات الرياح كما في مصر والمغرب ثالث حاجه تشجيع الاستثمار في النقل النضيف نموذج ج اكتب كلمه صواب امام العباره الصحيحه وكلمه خطا امام العباره غير الصحيحه اقيمت محطه نور للطاقه الشمسيه في مصر الاجابه خطا التصحيح احنا قلنا محطه نور كانت في المغرب تاني سؤال اكمل انشئ مشروعات اعاده التدوير في الوطن العربي بدولتي نقط ونقط احنا قلنا مصر والامارات ثالث سؤال بما تفسر ظهور مفهوم الاقتصاد الاخضر قلنا بسبب زياده التلوث وتغير المناخ ولتحقيق التوازن بين التنميه الاقتصاديه وحمايه البيئه رابع سؤال ما العلاقه بين الاقتصاد الاخضر وحقوق الاجيال يهدف في الاقتصاد الاخضر الى الحفاظ على البيئه واستدامه مواردها مما يضمن للاجيال القادمه حقهم في الموارد الطبيعيه. خامس سؤال دلل على صحه العباره التاليه الاعتماد على الطاقه المتجدده بدلا من الوقود الاحفوري. قلنا استخدام الطاقه المستمده من الشمس والرياح والمياه لانتاج الكهرباء النظيفه مثل محطه جبل الزيت للرياح في مصر ومحطه نور بالمغرب ومحطه الشعيبه بالسعوديه احنا درسنا النهارده خلص عملت لكم شيت حلو قوي في الاسئله والاجابات اللي قلتهم في الفيديو ده زي ملخص صغير كده للدرس ذاكروه كويس قوي بس الملخص لا يغني عن مذاكره الدرس من الكتاب كويس جدا اتمنى اتمنى تكون معلومات الدرس وصلت لك بطريقه سهله نتقابل في الدرس الجاي ان شاء الله