الاقتصاد الاخضر في الوطن العربي ساتة الجزء الاول

السلام عليكم ورحمه الله حبايب قلبي ابطال الصف السادس الابتدائي في كل مكان في مصر عاملين ايه؟ يا رب تكونوا بخير اهلا بكم حبايب قلبي في الدرس الاول الاقتصاد الاخضر في الوطن العربي طبعا ده الدرس الاول من الوحده التالته مش الدرس الاول بقى خالص بقى تمام طيب بص يا عم الحاج دلوقتي واحد بيقوللي يا مستر هو يعني ايه كلمه اقتصاد وبعدين ايه الاقتصاد الاخضر ده بص يا سيدي افهم بقى كده معايا الكلمتين دول علشان ترتاح اقتصاد يعني طريقه اداره الموارد لتلبيه احتياجات الناس او السكان. طريقه اداره الموارد لتلبيه احتياجات السكان. ايه يا مستر الكلام ده؟ الكلام ده مش عندنا. بص يا حبيبي الموارد زي التربه الخصبه زي الميه العزبه زي مصادر الطاقه زي المعادن كل دي اسمها موارد تمام دي موارد طبيعيه. طيب يا حبيبي الموارد دي احنا بنستخدمها علشان نلبي احتياجات الناس مثلا المعادن نستخدمها في الصناعه علشان نطلع بقى منها ايه مثلا عربيات نصنع منها عربيات وسائل نقل نصنع مثلا منها حبيبي صناعه الحديد والصلب وهكذا عندنا مثلا يا سيدي الفاضل التربه الخصبه والميه العزبه بنستخدمهم علشان ننتج محاصيل زراعيه والناس تاكل عشان نلبي احتياجات الناس فده كله على بعضه كده اسمه اقتصاد اتفقنا كل ده على بعضه كده بحاجات ثانيه كتير اسمه اقتصاد تمام طيب لو ركزت معايا ثانيه واحده هتفهم يعني ايه كلمه اقتصاد اخضر دلوقتي يا مستر لما نيجي مثلا نستخدم المعادن في مصنع من المصانع فالمصنع ده بيلوث الايه بيلوس البيئه بيطلع دخان الدخان ده بيلوس البيئه غير النفايات كمان بتلوث المايه حلو يبقى اذا يا مستر الصناعه ساعات بتلوث البيئه حتى الزراعه لما نستخدم اسمده كيماويه ومبيدات حشريه في الارض بتلوث الارض بتلوث النباتات اذا يا مستر في حاجه اسمها التلوث ظهرت في حاجه اسمها التلوث ظهرت بقى في تلوث البيئه بقت تتلوث يا مستر علشان كده احنا قعدنا نفكر ونفكر ونفكر ازاي ازاي يكون في اقتصاد مش بيلوث البيئه خالص وهنا هنا طلع لنا حل وهو الاقتصاد الاخضر ايه الاقتصاد الاخضر ده ببساطه ان احنا هنشتغل وهنعمل كل حاجه صناعه وزراعه وتجاره ونقل وكل حاجه لكن من غير ما نلوث البيئه ومن غير ما نبوظ او نخلص الموارد اللي عندنا فيلا بينا بقى كده حبايب قلبي لسه ما بدانش في الدرس ولا حاجه يلا بينا نبدا الدرس ونقول بسم الله بسم الله الرحمن الرحيم يلا بينا يا عمنا لو انت ركزت بقى معايا في الكلمتين دول الدنيا هتبقى سهله وجميله بص اول الدرس بيقول لي ايه؟ بيقول لي بص يا مستر مع زياده التلوث وتغير المناخ ظهر مفهوم الاقتصاد الاخضر يبقى الاقتصاد الاخضر دههو ما ظهرش غير لما ايه؟ غير لما التلوث بقى كتير قوي ولما التلوث بقى كتير حصل تغير في المناخ والجو اللي احنا عارفينه ومتعودين عليه اتغير وبقى وحش يبقى مع زياده التلوث ها وتغير المناخ ظهر لنا مفهوم اسمه الاقتصاد الاخضر ايه يا عم ده؟ قال لي ظهر كاحد الحلول لتحقيق التوازن بين التنميه الاقتصاديه وحمايه البيئه مش بقى في تلوث وتغير مناخي كان لازم نفكر في حل للمشكله دي فايه اللي ظهر لنا كحل؟ الاقتصاد الاخضر ظهر كاحد الحلول حلول هيعمل ايه الاقتصاد الاخضر ده هيحقق التوازن بين التنميه الاقتصاديه وحمايه البيئه يعني تنميه اقتصاديه يعني هنشتغل في الزراعه والصناعه والتجاره وكله تمام لكن هنحافظ برده على البيئه تمام قال لي اهو من خلال الاعتماد على الطاقه المتجدده وبناء مدن خضراء صديقه للبيئه احنا كل ده في المقدمه وكل حاجه هتفهمها بالراحه خالص بس الاول تعالى انا وانت نتعرف على مفهوم الاقتصاد الاخضر انت ايه يا عم قال له يا مستر انا اقتصاد عادي تمام ققول له يعني صناعه وزراعه وكده وكلام ده قال لي اه اقتصاد عادي يهدف الى تحقيق التنميه الاقتصاديه عايز ايه يا عم انا اقتصاد عادي جدا هدفي تحقيق التنميه الاقتصاديه عادي خالص لكن هنا بقى الكلام الجديد مع الحفاظ على البيئه واستدامه مواردها مع الحفاظ على البيئه واستدامه مواردها قلت له يا عم اديني مثال ليك انا مش فاهمك قال لي بص يا مستر ببساطه عندنا واحد عنده مصنع في مصنع اهو ماشي ده مثلا ايه هنعتبر ان ده مصنع ده مصنع وده مصنع كمان اهو الاثنين مصانع عادي جدا زي بعض ادي مصنع وادي مصنع المصنع دههو بيستخدم طاقه غير متجدده بتلوث البيئه اما المصنع ده مش بيلوث البيئه خالص يبقى مين في الاثنين دول هو اللي بيعتمد على الاقتصاد الاخضر المصنع اللي مش بيلوث البيئه اللي بيستخدم طاقه متجدده يبقى الاقتصاد الاخضر هو اقتصاد عادي هدفه تحقيق التنميه الاقتصاديه تحقيق الشغل يعني والشغل يبقى كويس لكن في شرط واحد ايه هو مع الحفاظ على البيئه واستدامه مواردها مع الحفاظ على البيئه واستدامه مواردها يعني ان الموارد بتاعه البيئه ما تبصش وتتلوث يه كمان اتفقنا يا سيدي الفاضل اتفقنا طيب تعالى يا عم واحده واحده هنا بقى يا حبيب قلبي الاقتصاد الاخضر ده ليه مجالات له ايه مجالات اهو مجالات الاقتصاد الاخضر ودي شويه حاجات كده زي الطاقه المتجدده زي الصناعه زي الزراعه زي النقل دي اسمها مجالات الاقتصاد الاخضر هنتعرف عليها كلها دلوقتي الموضوع بسيط جدا بس الاول خلينا ناخد اول مجال من مجالات الاقتصاد الاخضر اللي هو الطاقه المتجدده فهمني يا عم عايز افهم قال لي بص يا مستر لازم تبقى فاهم يا مستر تمام ان سبب التلوث الرئيسي في الكود اللي احنا عايشين فيه ده هو مصادر الطاقه الاحفوريه مصادر الطاقه الايه الاحفوريه زي ايه يا عم بترول فحم غاز طبيعي دول الثلاثه دول لما بنيجي نحرقهم عشان نستخدمهم بيطلعوا غازات سيئه جدا غازات دافيئه وثاني اكسيد كربون وكده فبيلوسوا البيئه قلت له طب وانت عايز ايه؟ قال لي يا مستر بص تتجه الدول العربيه الى استبدال الوقود الاحفوري بمصادر الطاقه المتجدده لانتاج الكهرباء النظيف ققول له يعني ايه؟ قال لي الوقود الاحفور الوحش ده الدول العربيه ما بقتش عايزه تستخدمه امال هيستخدموا ايه؟ هيستخدموا طاقه متجدده علشان ايه؟ علشان ينتجوا كهربا نضيفه كهربا كهربا نضيفه من غير اي تلوث للبيئه دول ثانيه واحده بس لو جاللي حد في الامتحان وقال لي ما المقصود بالوقود الاحفوري اقول له ايه؟ اقول له بص يا سيدي الفاضل انا افهمك الموضوع ببساطه خالص خالص خالص بص يا حبيب قلبي كان عندنا شجره وكان عندنا ديناصور شجره وديناصور عايشين على الارض من زمان جدا جدا الشجره ماتت والديناصور مات جساسهم فضلت على الارض تمام اتعرضت لايه؟ اتعرضت بقى لعواصف وتراب وشمس وهواء وميه فضلت الجثث دي تنزل تنزل تنزل تنزل تنزل تنزل تحت الارض واتعرضت اكتر تحت الارض لضغط وحراره ضغط وحراره الضغط والحراره حول الشجره الميته لشيء اسمه فحم لشيء اسمه فحم اما الضغط والحراره حول جثه الديناصور لشيء اسمه بترول وغاز طبيعي بترول وغاز طبيعي وبقى يا حبيب قلبي الفحم والبترول والغاز الطبيعي اسمهم وكود احفوري وقود ايه احفوري طيب كلام جيد تعالى يا عم الوقود الاحفوري مصدر من مصادر الطاقه اهو بيتكون من ايه؟ ها هنا بقى اللغز بيتكون؟ قال لي بيتكون من بقايا كائنات حيه قديمه ها من بقايا ايه؟ كائنات حيه قديمه زي نباتات او حيوانات دفنت تحت الارض منذ ملايين السنين منذ ملايين السنين طيب تعالى بقى الوقود الاحفوري ده حاجه جميله بس لما بنستخدمه بيعمل ايه؟ بيلوس البي علشان كده الدول العربيه قالت احنا هنستبدل الوقود الاحفوري ده بطاقه متجدده وهنوفر كهربا نظيفه يا سلام يا سلام يا سلام هتوفروا كهربا نضيفه ازاي فهموني كده هتعملوا الكلام ده ازاي الدول العربيه قالت لي بص يا مستر احنا هنعتمد على الشمس والرياح والميه في توليد طاقه نظيفه متجدده ازاي يعني؟ يعني الشمس يا مستر مثلا الشمس هنجيب حاجه اسمها الواح شمسيه او الخلايا الشمسيه. الالواح الشمسيه دي ساعه ما بنحطها في الشمس كده هي عندها القدره انها تحول ضوء الشمس الى كهرباء. شفت من غير اي حاجه خالص اهو تحول ضوء الشمس لكهرباء بسهوله كده بكل نظافه من غير اي دخان ولا اي حاجه. اما الرياح فاحنا عندنا حاجه كده يا مستر طواحين مراوح كده تمام بيبقى فيها توربين. هنحط المروحه دي يا حبيب قلبي في مكان فيه هواء كل ما المروحه تلف كل ما الهواء يحرك المروحه يخليها تلف كل ما المروحه دي تولد لنا كهرباء نضيفه شفت الموضوع سهل ازاي تمام اما بقى الميه هنجيب نفس التوربين ابو مروحه ده بس هنحطه في مكان يكون فيه ميه بتسقط يعني مسقط مائي شلال مثلا او سد تمام كده وهنخلي الميه تخبط في المروحه فالمروحه تلف فالتربين يولد لنا كهرباء نضيفه من غير اي حاجه تمام كويس جدا فكده الشمس والرياح والميه بيولدوا كهرباء نضيفه وطاقه نظيفه فهنسميهم ايه اصحى معايا طاقه متجدده طاقه متجدده يبقى ازاي الدول العربيه هتقدر توفر طاقه متجدده لما هتعتمد على الشمس والرياح والميه هيوفروا طاقه متجدده فين الكلام ده؟ قال لك بص يا حبيب قلبي ركز معايا من حيث الشمس قال لي مثل محطه نور للطاقه الشمسيه المحطه دي موجوده في المغرب وعندنا محطه الشعيبه للطاقه الشمسيه في السعوديه في محطتين اهو عندنا محطه اسمها محطه نور للطاقه الشمسيه في المغرب احفظ محطه نور في المغرب محطه نور في المغرب تمام ومحطه الشعيبه فين في السعوديه طب عندنا في مصر يا مستر ما فيش ولا في كتير جدا جدا جدا جدا جدا زي مثلا محطه بنبان تمام الكره مات عندنا محطات كتير للطاقه الشمسيه طيب بالنسبه للرياح قال لي عندنا اهو محطه البحر الاحمر للرياح اللي هي محطه اسمها جبل الزيت محطه جبل الزيت في مصر محطه جبل الزيت في مصر لتوليد الطاقه الكهربائيه من الرياح كبيره جدا عندنا كمان بالنسبه للميه محطه كهرباء السد العالي في مصر برده محطه كهرباء السد العالي في مصر خد يا حبيبي تعالى ما تنامش مني لو قلت لك عايزين محطه لتوليد الطاقه الكهربائيه تمام من الشمس عندنا ايه محطه نور فين في المغرب نور في المغرب تمام محطه الشعيبه فين في السعوديه طيب عايزين محطه لانتاج الطاقه من الرياح في مصر يبقى محطه جبل الزيت محافظه البحر الاحمر طيب عايزين محطه لانتاج الطاقه الكهرومائيه تمام او من الميه في مصر برده محطه السد العالي محطه السد الايه العالي طيب ده كلام اهوت لسه ايه حلينه تعالى بقى ندخل على تاني حاجه احنا اتكلمنا على الطاقه المتجدده قلنا خلاص هيبدلوا الوقود الاحفوري بطاقه متجدده هيجيبوا طاقه متجدده منين لما هيعتمدوا على الشمس على الرياح على الميه اوكي تعالى خد لي بقى كده يا بطل بريك من الشرح كده ثانيه واسمع مني الكلمتين دول لو بتركز معايا في الشرح فانت كده بتحقق المطلوب منك بنسبه 50% اما بقى لو عايز تحقق كل اللي مطلوب منك وبنسبه 100% وتقفل في الامتحان فهتلاقيني سايب لك المنصه بتاعتنا في الديسكربشن تحت ادخل عليها وشوف لان هنا في المنصه بتاعتنا هتبعت امتحانات وواجبات وهتبقى ملتزم بواجب المفروض تبعته وساعتها باذن الله هتقدر تقفل الامتحان ودلوقتي حبايبي يلا بقى بينا نرجع لحصتنا تاني نتكلم عن بقى المياه والزراعه بص يا عم تتجه الدول العربيه الى استخدام طرق حديثه للحفاظ على الميه وخصوبه التربه معلش ثانيه واحده يعني انتوا يا دوالي يا عربيه عايزين تستخدموا طرق حديثه عشان ايه تحافظوا على الميه طب ما هي الميه تمام وزي الفل لا ازاي بقى يا مستر الميه بتخلص تخلص يعني ايه بصوا يا مستر وسائل الري الموجوده حاليا او اللي كانت موجوده قديما اسمها الري بالغمر يعني ايه الري بالغمر يعني فلو انت عندك حته ارض عايز ترويها بتفتح على الارض دي ماسوره ميه قد كده ماسوره الميه تفضل تفضي في الارض لحد ما الارض فاهم انت تتغرق بالميه كده مع ان النبات اللي في الارض مش محتاج الميه دي كلها فانت كده بتخسر نفسك ميه وبتخلص الميه صح ولا لا؟ صح طبعا ادي اول حاجه لكن احنا لما هنستخدم طرق حديثه في التعامل مع الميه الميه كده مش هتخلص لا بالعكس ده استخدامها هيقل وهتبقى متوفره جدا تمام طب وخصوبه التربه هي التربه اشتكت من حاجه اه لما بنستخدم اسمده كيماويه ومبيدات حشريه كتير في التربه التربه بتتعرض للتلوث يبقى الراجل ما قالش حاجه غلط يا عم الراجل بيقول لك بس ان الدول العربيه دي دول جميله هتستخدم طرق حديثه علشان تحافظ على الميه والتربه قلت له اوكي دلل يلا اثبتني فهمني قال لي حاضر اول حاجه من خلال ترشيد استهلاك المياه ترشيد استهلاك الميه هنستخدم ميه شويه صغنططين عشان ما تخلصي تمام هنعمل كده ازاي من خلال الري بالرش والتنقيط الري بالرش والتنقيط يعني ايه يا مستر حبيب قلبي فاكر لما قلت لك في حاجه اسمها الري بالغمر يعني نفتح الميه على الارض ونغرقها في بقى حاجه ثانيه اسمها الري بالرش رش يا حبيب قلبي تمام بخاخ ميه كده بيطلع في قلب الارض يرش ميه بس على النباتات رش يعني مش ميه كتير في حاجه تانيه اسمها ريب التنقيط خرطوم ميه يا حبيبي بيمشي جنب النبات ينقط نقط نقط جنب كل نبات يدي له الميه اللي هو محتاجها بس مش يغرق الدنيا تمام يبقى اول حاجه الدول العربيه هترشد استهلاك الميه هتستخدم الرايه بالرش والتنقي يا بطل انشاء محطات معالجه مياه الصرف الصحي فاهمني الحته دي يا مستر بص يا حبيبي مياه الصرف الصحي دي الميه اللي بنستخدمها في البيت في دول هتعمل ايه؟ محطات معالجه ليها يعني ايه؟ يعني هناخد مياه الصرف الصحي نعالجها يعني ننظفها نظبطها لكن مش هنشربها تاني لا هنستخدمها في الزراعه هنستخدمها في ايه؟ في الزراعه يبقى انشاء محطات معالجه مياه الصرف الايه؟ الصح ايه كمان التوسع في الزراعه العضويه اوبا اوبا اوبا اوبا التوسع في ايه؟ في الزراعه العضويه يعني ايه بقى ايه الزراعه العضويه دي؟ بص يا حبيب قلبي الزراعه العاديه تمام الزراعه العاديه بيستخدم فيها ايه؟ اسمده كيماويه ومبيدات حشريه وساعات كمان بيستخدموا الاسمده والمبيدات دي كتير وده بيلوث التربه هنا بقى الناس بتقول لك بلاش الزراعه العاديه وخلينا في الزراعه العضويه قلنا لهم يعني ايه زراعه عضويه قال لك الزراعه العضويه هي زراعه طبيعيه كل حاجه طبيعيه مافيش حاجه بتصنعها ولا كيماويه ولا كده زراعه طبيعيه بتعتمد على مخلفات الحيوانات كسماد دون الاعتماد على الاسمده الكيماويه قله يعني ايه يا عم قال لي ببساطه يا مستر انت لسه قايل اهو ان في ناس بيستخدموا اسمده كيماويه في التربه وده بيلوث التربه الراجل هنا بيقول لك لا يا عم بلاش الكلام ده بدل الاسمده الكيماويه الوحشه احنا هنستخدم مخلف مخلفات الحيوانات كسمات مخلفات الحيوانات كايه كسمات وده سمات طبيعي زي الفل بص بيخلي النباتات تطلع بسرعه جدا جدا بدل ما نستخدم اسمده كيماويه نستخدم السماد الايه الطبيعي يبقى دي اسمها زراعه عضويه يلا قو لي يعني ايه زراعه عضويه هي زراعه طبيعيه هي زراعه طبيعيه بتعتمد على ايه مخلفات الحيوانات كاسيمات دون الاعتماد على ايه على الاسمده الكيماويه الوح الوحشه الوحشه الوحشه الوحشه اوكي يا عمنا اوكي يبقى احنا هنا يا حبيب قلبي عرفنا الدول العربيه ازاي هتحافظ على الميه والتربه اهو ترشيد استهلاك الميه الراي بالرش والتنقي ها هيعملوا محطات معالجه مياه الصرف الصحي هيتوسعوا في الزراعه العضويه طيب تعال ادخل على ثالث حاجه وهي الصناعه هنا الراجل بيقول لك بكل بساطه تعتم تعمل الدول العربيه على تشجيع الصناعات الصادقه للبيئه وتحويل النف كفايات الى منتجات قابله للاستخدام مره اخرى ايه ده يا عمو فاهمني يعني ايه شوف يا مستر في حاجه اسمها صناعه صديقه للبيئه واضحه من اسمها ان انت تشتغل في الصناعه عادي ما تلوثش البيئه ما تلوثش البيئه ماشي كويس وانك تحول النفايات الحاجات القديمه اللي انتش بتستخدمها النفايات تمام الى منتجات قابله للاستخدام مره اخرى بدل ما ترميها تقول له لا فاهمني ماعرفش الحته دي قال لي بص يا مستر معايا ازازه ميه شربتها وفضيت اعمل فيها ايه ارميها كده فتتحول لنفايات لكن الدول بتقول لك احنا مش عايزين الكلام ده احنا عايزين ازازه الميه الفاضيه دي اللي انت هترميها دي ناخدها ونستخدمها تاني نعمل لها حاجه اسمها اعاده تدوير تمام يعني لو كانت ازازه الميه دي مثلا بلاستيك تمام فنعيد تصنيعها من ثاني ونعمل منها ازات ميه جديده او نستخدم البلاستيك بتاعها ده في حاجه ثانيه بدل ايه بدل ما نرميها وتلوث لنا الترب بدل ايه ما نرميها تمام يبقى تعمل الدوله العربيه على ايه قول معايا تشجيع الصناعات الصديقه للبيئه ها وتحويل النفايات الى ايه منتجات قابله للاستخدام مره اخرى قلت له طب بما تفسر ليه الدول العربيه ليه الدول العربيه عايزه تشجع الصناعات الصادقه للبيئه وتحول النفايات لمنتجات قال لي بص يا مستر اولا لخفض النفايات ده رقم واحد اولا لخفض النفايات يعني علشان نقلل النفايات اللي بتترمي لخفض النفايات ثانيا وزياده كفاءه استغلال الموارد وزياده كفاءه استغلال الموارد تمام عشان نقدر نستغل الموارد بشكل كويس تمام يبقى اول حاجه لخفض النفايات حاجه زياده كفاءه استغلال الموارد اديني مثال يا عمنا قال لي زي مشروعات اعاده تدوير المخلفات في مصر والامارات مصر والامارات فيهم مشروعات كتير لاعاده تدوير المخلفات لاعاده تدوير المخلفات بدل ما الحاجه تترمي يا معلم لا يتم تصنيعها مره اخرى وده اسمه اعاده تدوين كده احنا بنقلل للحاجات اللي بتترمي بنحافظ على البيئه بتاعتنا يا بطل الابطال تمام وبنزود كفاءه استغلال الايه الموارد طيب تمام يبقى احنا كده من حيث الصناعه عرفنا ان احنا بنشجع الصناعات الصديقه للبيئه بنحول النفايات لمنتجات طيب تعال نتكلم عن النقل الراجل هنا بيقول لك بدات بعض الدول العربيه في الاعتماد على السيارات الكهربائيه قلت له ايه الكلام ده انت بتقول ايه سياره يعني عربيه عربيه بتمشي بالكهرباء اه طب ودي علاقتها بالكلام اللي احنا بنتكلم فيه بص يا مستر العربيات اللي في الشوارع دي كلها اللي بتمشي بالبنزين وبالسولار وبالغاز الطبيعي العربيات دي بتلوث البيئه يطلع منها عوادم بتلوث الهواء كويس ففي بعض الدول قالتلك طب وليه ليه نستخدم سيارات من اللي بتطلع عوادم طب ما احنا ممكن نستخدم سيارات كهربائيه هي الكهربا بتطلع عوادم لا فهنا بيقوللك يا بدات بعض الدول العربيه بالفعل تعتمد على السيارات الايه؟ الكهربيه قلنا لهم طب ليه؟ قالوا لي لتقليل معدل التلوث لتقليل معدل التلوث وحمايه البيئه علشان نقلل معدل التلوث ونحافظ على البيئه راحت مصر بلدنا بقى بيقول لك بص بقى يا بطل ابطال مصر بلدنا ادخلت الحافلات والسيارات الكهربائيه مصر بلدنا ادخلت الحافلات يعني الاتوبيسات اللي بتشتغل بالكهرباء زي الاتوبيس الترددي والسيارات الكهربائيه وادخلت عربيات كمان كهربائيه بتعمل بالكهرباء وتعمل حاليا على تصنيع سيارات كهربائيه محليه مصر بلدنا مصر بلدنا ادخلت حافلات وسيارات كهربيه وايه وتعمل حاليا على تصنيع سيارات كهربائيه محليه كل ده من اجل ايه؟ من اجل تقليل التلوث والحفاظ على البي. اما الامارات وفرت دبي دبي في الامارات وفرت محطات شحن مجانيه للسيارات الكهربائيه. قلت له يعني ايه؟ قال لي بص يا مستر العربيه بتاعه الكهرباء دي يا مستر ليها محطات شحن عشان لو العربيه فصلت منك شحن في الشارع بيبقى في محطه تشحن العربيه. تمام؟ راحت دبي قالت لك انا هعمل محطات الشحن بتاعه العربيات دي مجانا. اي عربيه عايزه تيجي تشحن تيجي تشحن ببلاش مجانا ليه يا دبي قالت احنا بنشجع بنشجع الناس ان هي تستخدم ايه السيارات الكهربائيه قال لك اهو للتشجيع النقل الاخضر يو بقى ايه النقل الاخضر ده يا مستر نفس الكلام وسائل النقل اللي مش بتلوث البيئه وسائل النقل اللي مش بتلوث البيئه اسمها النقل الاخضر يبقى دبي عملت ايه عملت محطات شحن مجانيه للسيارات الكهربيه ليه؟ ليه تشجيع النقل الاخضر ليه تشجيع النقل الاخضر ليه تشجيع النقل الايه؟ النقل الاخضر وبكده حبيب قلبي نبقى احنا كده خلصنا الجزء الاول من الدرس بتاعنا اشوفك على خير في الجزء الثاني جود باي