طرق فعالة للدراسة في رمضان أسرار الموزانة بين الدراسة و العبادة

الفروض والاختبارات في رمضان ورمضان شهر العباده السؤال المطروح كيفاش نوازنوا بين الدراسه والعباده وفي الفيديو تاع اليوم راح نجاوبوا على هذا السؤال ونحلوا المشكل باذن الله اول حاجه راح نقسموا اليوم الى جزئين او بالاصح الى تو روتينز واحد قبل الفطور والثاني بعد الفطور واهم جزء هو قبل الفجر تما ركزي معايا وجيبي ورقه وستيلو وسجلي النقاط المهمه وطبعا ماشي شرط تطبقي الروتين بالحرف وبالتوقيت اللي راح نقترحه في الفيديو خذي الفكره وطبقيها على حسابك اول حاجه راح تبداي بها واللي هي تنوضي قبل الفجر بساعه باش توجدي لروحك السحور اوكي كملتي السحور راني حباتك تخصصي خمس دقائق حتى 10 دقائق تكتبي فيها ثلاث اهداف راكي حابه تحققيها في اليوم ماشي اكثر قلنا ثلاث اهداف فقط باش تتعلمي تركزي ركزي على المهم وماشي على الكماليات مر ما تكملي تخيري ثلاث اهداف لهذاك النهار اذا بقىالك الوقت ومازال ماذنش الفجر يا وو كان نص ساعه راجعي شويه ولا حلي شويه تمارين المهم تستغلي كل دقيقه قبل اذان الفجر والا اذن الفجر وخلاص ما بقالكش الوقت على الفجر دوك نقوللك واش ديري اذن الفجر صلي واقراي اربع صفحات قران واذا التزمتي باربع صفحات بعد كل صلاه باذن الله راح تخدميه في هذا الشهر تاع رمضان ومور ما تكملي تصلي وتقراي قران تقدري تبداي توجدي روحك المسيد توجدي الكرطاب الدوزان اللي تديهم الى اخره واذا قعد لك بزاف الوقت زعما شتي باللي قعدت لك ساعه ولا ساعه ونص دو بريفيغونس تبداي تراجعي شويه خاصه يعني هكا ماده تاع حفظ لانه الحفاظه مليحه الصباح بكري هذه كاع نعرفوها الذهن يكون صافي وتقدري تشدي بزاف المعلوم مات على عكس الحفاظه تاع العشيه وطبعا ما نقدرش نسيف عليك تحفظي الصباح اذا كنت من النوع تاع الناس اللي يحفظوا العشيه وعادي موالفه هذا الشيء عادي اختي من الاول قلت لك باللي ماشي لازم تطبقي بالحرف واش راني نقوللك راني نقترح فقط روتين عملي نقدر نفيدكم به تقدروا تاخذوا منه افكار وتغيروه على حسابكم الحاجه المليحه في رمضان انه ينقصوا لنا السوايع تاع القرايه ونخرجوا بكري على موالف لحد الاقصى 3 ونص تاع العشيه وهذه فرصه باش تريحي ساعه مر ما ترجعي للدار هذيك الساعه تاع البريك انت حره فيها المهم تريحي بعد المدرسه باش تسترجعي الطاقه تاعك وبعدها كي تكمل الساعه تاع الاستراحه واش ندير اوف كورس نراجعوا الدروس تاعنا ولا تقدري تحلي تمارين بصراحه انا من النوع اللي يحبوا يحلوا تمارين العشيه وما نحبش الحفاظه العشيه بفيغ نحفظ صباح بكري والعشيه نحل تمارين برك وثاني ننصحك تحبسي المراجعه قبل اذان المغرب بساعه ولا نص ساعه لانه على بالي باللي لازم تعاونوا في الطابله وكامل تما اذا استغليتي كل دقيقه من الفتره المسائيه وكي تكمل هذيك الساعه تاع الاستراحه بعد المدرسه تنوضي ديريكت تبداي تراجعي وماشي تزيدي تضيعي الوقت تلقاي روحك قاريه وج سوايع ولا الا اذا ماكانش ساعه تما كاين كاين كيفاه تقسمي وقتك وتوازني بين القرايه والعباده اذن المغرب خلاص ذهب الظماء وابتلت العروق وثبت الاجر ان شاء الله بصح ما تطيحيش على هذيك الماكله حتى ما تلقيش كيفاه تنوضي ننصحك تبداي بالماء من بعد كسري صيامك بالتمر ومن بعد كلي حاجه خفيفه الحريره ولا الشوره وحبسي نوضي تصلي المغرب ومن بعد رجعي وكملي ماكلتك الاطباق الثانويه يه البوراك اللحم الحلو المتوم هذو كاع بالك تاكليهم قبل ما تصلي المغرب باسكو على بالي بلي تحكمك التخمه وتاخري صلاتك حتى ياذن العشاء المهم مر ما تكملي فطورك اني حاباتك ديري السماعات وتسمعي قران بصوت قارئ مفضل عندك بالنسبه لي انا القارئ المفضل عندي هو احمد النفيس تقدروا تحوسوا عليه في يوتيوب وقولوا لي واش رايكم في لي كومونتير بزاف بزاف هايل بالك نلقى وحده عندها نفس الذوق ما انا وانت تسمعي قران خملي الطابله سكمي الكوزينه اغسلي المواعن واخلصي النيه لله لانه تقدري تدي حسنات ميم لو كان زعما نقولوا ماراكيش تسمعي قران سيدي راكي غير تغسلي المواعن هكا بلا ما تسمعي والو لو كان ديري النيه لله باللي انا نغسل المواعن باش نعاون ماما اناي نغسل المواعن لله راكي تدي حسنات هذا الفعل هذا العمل هذا فيه اجر ليك فما بالك تزيدي تسمعي قران في نفس وقت وراكي تكسبي في الحسنات بعد العشاء لا نفعل ما نشاء كما يقال بعد العشاء او ان صح القول بعد المغرب تبدا ليله جديده من رمضان مور المغرب ماخلصش رمضان رمضان ماهوش محصور غير من وقت السحور الى اذان المغرب يعني مور المغرب خلاص يخلص رمضان لا رمضان راه شهر كامل رمضان فيه النهار وفيه الليل وكاع كاع هذاك الشهر كاين النهار كاين الليل كاع يعتبر رمضان كاع داخلين في رمضان تما هذوك اللي راهم في علاقه غير شرعيه زعما الصباح ما يهضروش رانا صايمين ومور ما يفطروا يبداوا يهضروا واللي ما يسمعوش الغنه الصباح كاع باسكو صايمين ومور المغرب يبداو يسمعوا الغنه الصباح كاع ما يتفرجوش المسلسلات وغير ياد المغرب يتفرجوا المسلسلات نقول لكم اتقوا الله الوقت اللي وصلنا له الله المستعان كلش ولا نورماليزي الناس استسهلت بزاف في رمضان بالعاني يخصصوا مسلسلات كاميرات مخفيه حصص برامج سبيسيالمون رمضان شهر العباده قلبوا كاع المفاهيم رمضان ولا اجواء ماشي عباده رمضان ولا للتزيين اكثر منلي واش هو للعباده ما تقولوش واش ما قلتش ما قلتش ما نزينوش لرمضان وما نظفوش باش نستقبل هذا الشهر المبارك بالعكس النظافه من الايمان ولكن كاين فئه من الناس حاسبين رمضان غير ميناج ديكو مسلسلات سهرات القهاوي الى اخره وهذا طبعا مفهوم خاطئ تماما رمضان فيه العتق من النار وفيه تصفد الشياطين وفيه انزل القران كيفاش هذ الامور العظيمه كامل قلبوه منا وحولوهم الى ملهيات واجواء رمضانيه ومسلسلات هذا غير معقول تما اللي راهو ناوي يتفرج المسلسلات في رمضان هذه رساله له باش ما يتفرجهمش راكي حابه تتفرجيهم سخفتي الناس كاع تهضر عليهم راكي حابه تعرفي شنو هي القصه باش تقصري مع صحاباتك على هذاك المسلسل خلي يا اختي من ترك شيئا لله عوضه الله خيرا منه كاين العيد ومازال كاين الايامات القدام واصلا كل عام نفس الحكايه تعاود نفس القصه نفس السيناريو نفس الممثلين نفس الحكايه ما كان حتى حاجه تتبدل واحد ما يسخفك واحد ما يقول هكا ولا هكا يزيدوا عليها وخلاص هضرت شويه ماشي شويه بزاف فضفضت لكم بينت لكم الحقيقه تاع رمضان باسكو عماونا شياطين الانس هذوما عماونا ماخلاوناش نشوفوا الحقيقه تاع رمضان ولينا نشوفوا رمضان غير اجواء ماشي عباده يعني لا داعي نعاودوا نفس الكلام اني قلت كاع ش لازم ينقال المهم بالنسبه لي الروتين اللي مليح نعتمدوه مور العشاء لازم يكون روتين هادئ ما فيهش قرايه ما فيهش الضغط يكذب عليك اللي يقول لك اقراي مور التراويح ولا مور السهره انا ما نحبش صراحه دوك انت الا كنت قادره تقراي مور التراويح والسهره دبري راسك بصح انا ما ننصحش ابدا وهنا نكون وصلنا للنهايه تاع الفيديو ما تنساوش تشاركوه مع غيركم باش يستفادوا فالدال على الخير كفاعله واذا عجبكم الروتين ما تنساوش تدعموني بلايك وسبسكرايب واكتبوا لي في التعليقات شكون هو القارئ المفضل عندكم وشنو هما التعديلات راح تزيدوهم في الروتين اللي مديته