أحسن طريقة تستغل بيها الاجازة لو الإجازة خلصت وانت معملتش الحاجات دي هتندم

تخيل معايا كده ان احنا بقينا في شهر 9 وخلاص كلنا رجعنا لمدارس والجامعات تاني واصحابك بداوا يسالوك انت عملت ايه في الاجازه بتاعتك فهتقول لهم نمت خرجت سافرت اتفرجت على مسلسلات وفجاه هتكتشف ان انت الاجازه بتاعتك كانت شهرين ثلاثه ضيعتهم كلهم وما استغلتهمش باي حاجه تفيدك وده مش معناه طبعا ان الخروجات دي مش حاجه حلوه لا هي حاجه حلوه بس انت ما ضفتش لنفسك حاجه جديده وهتلاقي واحد ثاني خالص بيكلمك ان هو اشتغل وكسب فلوس اتعلم مهاره جديده نزل تدريب صيفي زود السي في بتاعه وزود خبرته وده الفرق ما بين يا صديقي واحد ضيع الاجازه بتاعته وواحد قدر يستثمرها صح وعشان كده في حلقه النهارده انا هقول لك ازاي تتبسط بالاجازه بتاعتك وفي نفس الوقت تستفيد بيها علشان تكون جاهز بجد لسوق العمل لما تتخرج وبحيث ان انت تقدر تستفيد من الاجازه دي احسن استغلال ممكن فلو عايز بقى تعرف اكت يبقى لازم دلوقتي تصلي على النبي وتتابع الحلقه دي للنهايه انا طارق صادق وانت منورني السلام عليكم ورحمه الله وبركاته في حلقه النهارده صديقي انا مش جاي اقول لك يلا نصحى 5:00 الفجر ونذاكر 16 ساعه ونتعلم مهارات بتودي المريخ لان عارف كويس ان احنا بنستنى كلنا الاجازه عشان نرتاح شويه بس في نفس الوقت برده الاجازه دي لازم اخرج منها نسخه احسن بكثير من اللي بداتها وعشان كده تعالى ندخل في اول حاجه لازم تعملها في الاجازه بتاعتك وما ينفعش ابدا نقول الباقي من غير ما نقول اول حاجه دي اول حاجه هتعملها يا صديقي في الاجازه انك هترتاح ايه ده يا طارق فين الشغل فين تطوير الذات فين استغلال الاجازه اولها كده بتقول لي اسيب نفسي ي وارتاح طبعا يا صديقي لازم ترتاح ما هي اجازه انت خارج من امتحانات ومذاكره وضغط فطبيعي ما ينفعش اخرجك من كل ده واقول لك يلا بقى نروح ونشتغل ونطور من نفسنا ونعمل ونساوي وانت ما اخدتش حق نفسك ان انت ترتاح فاول اسبوع اسبوعين كده نام فيهم واخرج واتفسح وقابل صحابك وزور قرايبك وسافر واعمل كل اللي انت عايزه لان انا مش ضد الراحه يا صديقي انا ضد ان انت تضيع اجازتك كلها في ان انت ما بتعملش حاجه لكن فكره ان انا تعبان فمحتاج ارتاح ده شيء مهم جدا لجسمك فاستغل الراحه دي ان هي تكون اعاده شحن لقدرتك ولطاقتك مش انك حاجه بتضيع فيها وقتك وبتضيع فيها الاجازه كلها فمعاك شهرين او ثلاثه في الاجازه بتاعتك خد منهم اسبوعين خد منهم اسبوع ارتاح فيهم زي ما انت عايز خد منهم اسبوع كل شهر حتى المهم زي ما بترتاح زي ما لازم تعمل باقي الحاجات اللي هكلمك عنها في الحلقه لو انا النهارده صديقي معايا من شهر لثلاث شهور اجازه انا مش مطلوب مني فيهم ان انا اذاكر او امتحن او اعمل اي حاجه فانا اول حاجه هعملها بجد بقى في ناحيه ان انا استفيد من الاجازه دي هي ان انا اتعلم مهاره تكسبني فلوس ايه ده يا طارق هو الوقت ده كفايه؟ ده كفايه جدا يا صديقي عندك مهارات كتير تقدر تتعلمها النهارده وببلاش ومن البيت بتاعك كمان زي كتابه المحتوى صناعه المحتوى المونتاج الجرافيك اداره السوشيال ميديا التسويق وغيرهم كتير من الحاجات اللي احنا اتكلمنا عنها هنا في القناه ولو خدت لفه هنا في القناه هتلاقيني بشرح لك ليهم شرح وافي وبقول لك مصادر مجانيه وبقول لك ازاي تطور نفسك فيهم وازاي كمان تجيب اول عميل وتكسب منه فلوس تقدر تختار منهم اي واحده صديقي وتبدا تتعلمها النهارده وبمجرد بس ما تتعلم الاساسيات ديت هتلاقي نفسك قادر تشتغل وقادر تكسب فلوس من اي مهاره من اللي انا قلتهم لك دول وانصحك وبشده اي مهاره تختارها ارجع للفيديوهات اللي هنا في القناه اللي اتكلمنا عنها لان هتلاقي ليها شرح وافي وكافي ازاي تتعلمها ازاي تحترفها ازاي تبدا فيها ازاي تتعلم الاساسيات ازاي تجيب اول عميل ازاي تكسب فلوس ايه المشاكل اللي بتقابلك كل الحاجات اللي انت محتاجها في اي مهاره من المهارات دي هتلاقيها موجوده حتى ازاي تختار انسب مهاره ليك عملنا ليها فيديو فانت ما لكش حجه كل حاجه موجوده هنا في القناه فانا لو منك بصراحه استغل الاجازه واقعد اقلب في القناه بتاعه طارق صادق دي عشان غالبا تبا هتلاقي فيها حاجات هتفيدك ومهم جدا يا صديقي ما تشتتش نفسك واختار لك مهاره واحده بس او بالكتير مهارتين لان واحده من الاسباب اللي بتضيع ناس كتير جدا انهم عايزين يتعلموا كل حاجه وعايزين ياخدوا كل حاجه فبتكون النتيجه ان هو بيتشتت ما بين الحاجات دي كلها فما بيعملش اي حاجه ثالث حاجه ممكن تستغل الاجازه بتاعتك فيها هو انك تبدا تدريبات صيفيه والتدريبات دي في منها بفلوس وفي منها ببلاش فيا سلام لو لقيت تدريبه بفلوس دي حاجه حلوه جدا الخبره اللي انت بتاخدها في الشهر او الشهرين اللي بتنزلهم تدريبات صيفيه دي يا صديقي لما بتحطهم في السي في بتاعك بيفرقوا جدا عارف انت الناس اللي بتكون حديثه التخرج بس معاها سنه او سنتين خبره من هنا بقى بتيجي الخبره ان هو بيكون اخد تدريبات صيفيه خد كورسات طور من نفسه خلال الاجازه او العطولات الرسميه فلو انت من دلوقتي بدات تنزل تدريبات صيفيه هتبقى متخرج وانت معاك سنين خبره فهتبقى حد مطلوب جدا من اي شركه واي هتبقى حابه تعاينك لانك مش لسه فريش جراديويت وما تعرفش اي حاجه لا انت عندك خبرات سابقه والتدريبات الصيفيه بتفيدك في حاجات كتير جدا بتعرفك اكث على سوق العمل بشكل حقيقي بتعرفك على ناس وبتخ تخليك تعمل علاقات ممكن العلاقات دي بعد كده هي اللي تجيب لك شغل هتفهمك الشركات ونظامها والدنيا بتمشي هناك ازاي وهتعلمك الالتزام وهتخليك تعيش محاكاه كانك فعلا خلاص نزلت سوق سوق العمل وبتشتغل وحاجات ثانيه كثيره يا صديقي هتعرفها بنفسك لما تنزل تدريبات صيفيه طب حلو يا طارق شكل التدريبات الصيفيه دي حاجه حلوه جدا بس ازاي اوصل لها وازاي الاقيها هقول لك ببساطه كل المطلوب منك هتلاقي تحت في وصف الفيديو اللي هو الكلام اللي تحت الفيديو رابط جروباتنا على الواتساب والتليجرام ادخل على الجروبات دي يا صديقي وانا ان شاء الله التدريبات الصيفيه اللي هتقابلني في كل المجالات الفتره الجايه هبدا ابدا ابعتها لكم على الجروبات دي فانت كل يوم افتح اتاكد شوف التدريبات ايه اللي نزلت النهارده ايه وابدا ادخل وقدم في التدريبات دي وربنا يوفقكم كلكم اه صحيح وبالمره وانت تحت ابقى انزل اعمل لايك واعمل لو نسيت وانزل اكتب لي رقم 66 لو لسه مكمل الحلقه ومركز لغايه هنا دي كلمه السر بتاعتنا اللي هتعرفنا مين صحابنا المصحصحين رابع حاجه ممكن تعملها في الاجازه وتستغلها بيها انك تعمل مشروع صغير مش لازم يا صديق انك تتخرج وتبدا تدور على وظيفه وتتعين عشان تبدا تكسب فلوس ممكن دلوقتي وانت لسه طالب وفي الاجازه بتاعتك تقدر تعمل مشروع وتكسب منه فلوس والموضوع النهارده بقى بسيط لو انت ما عندكش فكره فابسط حاجه هي ان انت تعمل بيدج على الانستغرام ولا الفيسبوك وتنزل تجيب لك منتج انت بتفهم فيه او مش محتاج فيه فهم كبير وكل اللي تعمله انك تعمل اعلان ممول على الصفحات دي ويبدا يجي لك عملاء وتبدا تشحنها باي شركه شحن الموضوع ولا هو صعب ولا هو معقد ولو عايزين فيديو كامل لتجربه حقيقيه انا عملتها قبل كده ممكن انشرها اخيرا لازاي تعمل حاجه زي كده اكتبوا لي تحت في التعليقات مشروع صغير وانا هشاركك تجربتي الشخصيه ازاي فعلا من الصفر قدرت اعمل مشروع وبعلان ممول صغير ما عداش 80 جنيه تقريبا قدرت اقدر ابيع اربع منتجات في اول يوم حتى انا فاكر ان الطلب الاولاني كان جاي لي من مارس مطروح عمري ما انسى الاوردر ده مشروع صغير زي ده لو بداته دلوقتي وانت لسه طالب في الاجازه بتاعتك مين يعرف ممكن تنهي الاجازه دي وانت معاك فلوس قد ايه تخليك تعمل مشروع اكبر فكر في الموضوع ولو عايزين نعمل فيديوهات تفصيليه عن الموضوع ده ما تنساش تكتب لي في التعليقات مشروع صغير خامس حاجه ممكن تعملها في الاجازه بتاعتك ولازم تعملها في الاجازه بتاعتك هو انك تبدا تقرا او تسمع كتب انا عارف ان كلمه اقرا كتاب تبان كبيره جدا وتبان ان انت راجل بنظاره وبتشرب قهوه وقاعد في البلكونه وماسك كده كتاب لكن الموضوع بسيط يا صديقي انا مش بقول لك اقرا 20 كتاب اقرا كتاب او اثنين في مجالات تفيدك وتطور منك مكسل تقراهم اسمعهم هتلاقي في تطبيقات كتير جدا للكتب المسموعه لو ما تعرفش حاجه منهم ممكن اعمل لك حلقه كامله عن ازاي تسمع كتب وايه التطبيقات واديك برومو كود مجاني يديك ثلاث شهور ببلاش كمان يا سيدي شوف انا مسهلها لك خالص ما لكش حجه يا صديقي انا جاي النهارده عشان اساعدكم في الاجازه بتاعتكم الكتب يا صديقي مهمه لان ممكن تقرا فكره واحده تغير من تفكير كيرك كله وطبعا ما فيش احسن من ان في واحد بيلخص لك عصاره خبراته في كتاب 500 صفحه في 200 صفحه في 300 صفحه وانت بتقراهم كده في يوم ولا يومين فانت فهمت عصاره خبره السنين بتاعه الراجل ده في قاعده واحده ومش بقول لك روح اقرا في اي حاجه وخلاص اقرا في مجالات انت مهتم بيها عشان تحب تقرا صدقني الشخص اللي بيقرا بيبقى فارق جدا عن اي شخص ثاني مش بيقرا ومش بيتعلم ومش بيطور من نفسه وجرب يعني مره كده تقرا حاجات غير المنهج هتلاقي الموضوع والله ممتع واللي بيدخل في الحته دي ما بيعرفش يرجع تاني بيتبسط وبيكمل في نصيحه مهمه صديقي ممكن انصحك بيها تعملها من دلوقتي وهتفرق معاك جدا وهي ان انت تكتب حاجه دلوقتي اسمها نتائج شهر سبتمبر وهي ان انت تقول انا هبدا النهارده اعمل 1 اين 3 من اللي اتفقنا عليها مع طارق وان شاء الله في شهر سبتمبر هيبقى عملت 1 اين 3 يعني النهارده هتبدا تقرا كتب فهتقول على شهر تسعه لما الاجازه تخلص هبقى انا قرات ثلاث كتب هتبدا النهارده المشروع الصغير بتاعك فهتقول على بدايه شهر تسعه والاجازه بتخلص هكون انا عملت مثلا اول 200000 جنيه مكسب وهكذا بقى يا صديقي اكتب دلوقتي الخطط بتاعتك اللي انت عايز تحقق على شهر تسعه ولما يجي شهر تسعه ابقوا تعالوا شاركوني ايه الخطط اللي انتم بداتوا فيها وهل وصلتوا لها في شهر تسعه ولا لا وان شاء الله انا متاكد ان انا لما هرجع لتعليقات الفيديو ده بعد كام شهر هشوف تعليقات حلوه جدا لناس قدرت فعلا تعمل فرق فاعمل لايك وسبسكرايب على القناه علشان تقدر توصل للفيديو ده واعمل له سيف عشان تقدر توصل له ثاني عشان هستناك في شهر تسعه صديقي تقول لي هتعمل ايه وممكن من دلوقتي برده تسيب تعليق تقول فيه انا هبدا النهارده 1 اين 3لا وتيجي تشوف في شهر تسعه انت عملت كام حاجه من التعليق اللي انت كتبته ده شايف ان هو هيبقى تحدي لطيف ويلا بينا نشجع بعض وكلنا نبدا في التحدي ده بكده يا صديقي اكون انا شاركت معاك حاجات كده بسيطه انا شايف ان انت لو عملتها في الاجازه بتاعتك هتفرق معاك جدا وهتبقى بيها قدرت تستغل الاجازه بتاعتك صح وهتروح في حته ثانيه يا صديقي وهتبقى فعلا خارج من الاجازه دي وانت شخص مختلف خالص وشخص افضل بكتير فما تنسوش تشاركوني تحت في التعليقات ناويين تعملوا ايه في الاجازه بتاعتكم ولو عندكم نصائح لزمايلكم اكتبوا خلونا نفيد بعض والمهم طبعا لو كملت لغايه هنا انزل شجعني بلايك حلو زيك وسبسكرايب جميل وفعل زرار الجرس لان الجديد دايما مفيد ولان كالعاده بحاول هنا اوفر لكم دايما محتوى مفيد وبسيط وخالي من كل الكلاكيع فلو كملت الحلقه للنهايه انزل اكتب لي تمت بحمد الله عشان اعرف مين صحابنا الابطال اللي كملوا الحلقه دي للاخر وكالعاده صديقي عندك سؤال استفسار حاجه عايزنا نعملها في حلقه منفصله اكتب لي تحت في التعليقات وعين الاثنين ليك يا صديقي اتمنى في النهايه تكون الحلقه دي لطيفه وخفيفه تكونوا اتبسطتم واستفدتم كان معاكم طارق صادق والسلام عليكم ورحمه الله وبركاته