ملخص درس الهجرة النبوية حماية الدعوة وبناء الدولة الثالثة إعدادي التربية الإسلامية أجي تنجح

السلام عليكم ورحمه الله الشباب الاحباب معكم استاذ صهيب لملح في فيديو جديد من سلسله مبادره اجي تنجح لتلاميذ الثالثه اعدادي في ماده التربيه الاسلاميه هذه الماده الجميله اللي الغرض منها انك تنتقل من حال الى حال من حال انك مثلا ماكتجيبش مزيان في التربيه الاسلاميه لحال انك انت هو الناضي في القسم ومن حال انك شويه بعيد على الله عز وجل الحال انك قريب من الله سبحانه وتعالى وكتشوف ان طاعته هي اهم حاجه في الدنيا مزيان اليوم الشباب غادي نتعرفوا على واحد الدرس من اجمل الدروس اللي اصلا هو محطه من محطات الاسلام اللي هو اصلا به التقويم الهجري فاش كتسمع سنه هجريه هنا كندويو على ان اول سنه باش كيوقتوا المسلمين وقتهم وسنواتهم هي هجره النبي صلى الله عليه وسلم لاجل حمايه الدعوه وبناء الدوله الاسلاميه ايوا سيدي اول حاجه غادي نبداو بها ان شاء الله هي مفهوم الهجره النبويه بطبيعه الحال ماكنقصدوش الهجره العامه وانما ما كنقصدوا الهجره ديال النبي عليه الصلاه والسلام فغادي نقولوا شباب باختصار هي هجره النبي صلى الله عليه وسلم ومن معه من الصحابه من مكه الى المدينه بعد ان بايعه الانصار في بيعه العقبه على الايواء والنصره مزيان كيفاش هذا الشيء النبي عليه الصلاه والسلام شباب بعد ان عاش مع المشركين الويلات كيف غنشوفوا في المحور الثاني حاول ان يجد موطن جديد اللي يدعي فيهلاسلام واللي يكونوا فيه الصحابه معززين مكرمين ما كيتعذبوا ما والو اول حاجه داروا المسلمين هي انهم بداو كيقلبوا النبي عليه الصلاه والسلام في موسم الحج كان تلاقى مع مجموعه ديال الانصار وتماك فاش اقتنعوا بالاسلام واحبوا هذا الدين بايعوه شن هي بايعوه زعما داروا معه بيعه ميثاق وعد على انه الاذا جا عندهم المدينه سيؤوونه زعما غيضموه غيعطيو مسكن بيناتهم وينصرونه في حاله ما قريش بغات تهاجم النبي صلى الله عليه وسلم وهنا الشباب غادي تبدا الفكره عند النبي عليه الصلاه والسلام انه يهاجر من مكه الى المدينه لكن علاش النبي صلى الله عليه وسلم اصلا بغى يهاجر من مكه اللي تزاد فيها واللي كيبغيها واللي فيه عائلته وفيها اصحابه وفيها كل شيء بغى يهاجر من مكه الى المدينه هذا هو موضوع المحور الثاني قبل الشباب ما نولجوا المحور الثاني اللي بغى يستافد من لايفات شارح على الدروس وكيفاش كتحط في الامتحان ومنهجيه الاجابه على الامتحان وملخصات ابداعيه سوا في ماده التراب الاسلاميه سوا في باقي المواد اللي عندكم ان شاء الله ماد فيزيك اس في تي ففرونسي عربيه اجتماعيات في مجموعات ديال الواتساب والفيسبوك يتواصل مع هذا الرقم ان شاء الله باش يجاوبوا الناس ديال اداره مبادره اجيتنجح اللي انا شباب اللي كنشرف عليها مزيان شنا هي اسباب الهجره النبويه اولا الشباب راه قرينا في سوره الحشر للفقراء المهاجرين الذين اخرجوا من ديارهم واموالهم هذاشي الشباب دوزناه في سوره الحشر الصحابه الشباب تعذبوا كثيرا ملي اختاروا الاسلام في مكه كانوا يعذبونهم عذابا شديدا قريش اي واحد عرفها تسلم خاصه من المملوكين والضعاف كانوا يعذبون عذابا شديدا ارجع للاسلام ومعروفين الشباب القصص ديال عمار بن ياسر وعائلته ديال مصعب بن عمير رضي الله عنه ديال بلال بن رباح هذا هذو الاخوان خصكم تعرفوهم خصكم تعلموا سيارهم لانها عظيمه جميله المهم الشباب ان الصحابه تعذبوا بزاف من بعد دازت قريش ليفو واحد اخر هو ادايه النبي عليه الصلاه والسلام بل صرنا لواحد الوقيته الى محاوله قتل النبي صلى الله عليه وسلم ايوا سيادي ملي المشركين عزموا على قتل النبي عليه الصلاه والسلام هنا غادي يجي الامر ديال الله سبحانه وتعالى للنبي عليه الصلاه والسلام باش صافي يهاجر من مكه الى المدينه وهنا شباب غادي ندخلوا لثالث محور من المحاور اللي هو شن هي المراحل اللي تمات فيها الهجره النبويه ايوا اسيدي اول حاجه خصنا نفهموها ان النبي عليه الصلاه والسلام را ماشي كيقول صافي راه الله معيا صافي اناشي نخرج قدامهم وهذه لا النبي عليه الصلاه والسلام وان كان الله سبحانه وتعالى يسدده ويوفقه ويحفظه وخا يجتمع الانس والجن باش ياديهم ما يقدوش الا باذن الله لكن النبي عليه الصلاه والسلام كان ياخذ بالاسباب ولذلك اول حاجه دار النبي عليه الصلاه والسلام هي انه جعل عليا رضي الله عنه يبيت في مكانه بمعنى البلاصه اللي كيعس فيها النبي عليه الصلاه والسلام في داره علي بن ابي طالب رضي الله عنه هو اللي جا في بلاصته هو اللي جا في بلاصته وهذا تخطيط ذكي لانهم هما ملي غادي يجيو غيبغيو يقتلوا النبي عليه وسلم خفيه وبطبيعه الحال باش يتاكدوا حى غيبغيو يكشفوا الغطاء فغادي يلقاوا علي رضي الله عنه ثاني حاجه دار النبي عليه الصلاه والسلام كيف كتعرفوا ان المدينه هذا شمال مكه لكن النبي عليه الصلاه والسلام فاش بغى يهاجر ماشي فيديك ذاك النهار اللي يخرج فيه مشى مباشره للشمال لا هبط للجنوب هبط لجنوب مكه الجهه اللي ما فيهاش اصلا طريق للمدينه هي اللي مشى لها النبي عليه الصلاه والسلام باش ما يعرفوهش فين مشى وباش حتى الا صيفطوا شي وحدين بغا يدركوا النبي عليه الصلاه والسلام ما يشدوهش ثالث حاجه دار النبي عليه الصلاه والسلام وهنا القصه المشهوره ديال اختبا مع ابي بكرين رضي الله عنه في غار جبل الثوره في واحد الغار تماك اختبا فيه النبي عليه الصلاه والسلام هذا الغار كاين في جنوب مكه حتى هو باش بما المشركين قلبوا في هذك ثلاث ايام الاولى وتقاتل وكذا وكذا ديك اراده ايجاد النبي عليه الصلاه والسلام غتنقص بزاف وهنا النبي عليه الصلاه والسلام الشباب تاخذ واحد الخطوات ذكيه منها انه كلف رجلا عامر بان يرعى غنمه في الاثار اللي كان كيمشي بها النبي عليه وسلم بمعنى الطريق اللي مشى منها النبي عليه الصلاه والسلام كان كيرعى فيها هذا الرجل الغنم والغنم ملي كدوز راه كدوز كثيره كتخربق الارض بمعنى وخا انت تبغي تبع الاثار ديال النبي عليه الصلاه والسلام ماغاديش تلقاه باعتبار ان الغنم دازت فوق هذوك الاثار فغ غتخفيها ايوا وهنا بطبيعه الحال لان النبي عليه الصلاه والسلام ماهاجرش بوحده هاجر معه صديقه وحبيبه وصاحبه ابو بكر رضي الله عنه كان بيت ابو بكر رضي الله عنه كله خدام في هذه المهمه هذه هذه المهمه العاجله فاسماء بنت ابي بكر رضي الله عنه بنت ابو بكر رضي الله عنه كانت تاتيهما بالطعام وكتخبى وكذا وكذا حاول تخيل معايا واخوها عبد الله كان كيمشي ويتقصى الاخبار في قريش ويشوف شن هو كذا ويجيب الخبر للنبي النبي عليه الصلاه والسلام ايوا الشباب من بعد ما القضيه خمدات شويه النبي عليه الصلاه والسلام خرج واتخذ طريقا ماشي هي اللي موالفين كيسافروا فيها الناس من مكه الى المدينه وانما طريق مخالفه طريق واحده اخرى باش يتيهوا ويوضوا هذوك الناس اللي كيقلبوا عليهم بطبيعه الحال الشباب دازوا احداث كثيره قبل ما يوصلوا النبي عليه الصلاه والسلام للمدينه لكن في هذا الدرس هذا يمكن ان تكتفوا بهذا القدر لكن لما وصل النبي عليه الصلاه والسلام وصل الى مكان عظيم اللي هو المدينه النبويه المدينه المنوره الجميله العظيمه وفرح المسلمون بقدوم النبي عليه وسلم ايما فرح واحتشدوا حوله وان ذاك بنى النبي صلى الله عليه وسلم المجيد وباقي القصه تعرفونها ايوا سيدي ولا لا بطبيعه الحال هنا خصنا نعرفوا شن هي المقاصد والاثار ولا النتائج ديال هذه الهجره اولا حمي الصحابه من اذى قريش حميت الدعوه الدعوه الاسلاميه في قريش ما كانش غاده كان كان الناس كيدخلوا الاسلام ولكن ماشي كيف خص يكون كان قريش مشكله دايراها للمسلمين انه ما مخلياهمش تيعبدوا الله على خاطرهم عاد انهم يجيو ويدخلوا الناس الاخرين للاسلام فلذلك كان لابد من حمايه الدعوه لابد كان من تخفيف العذاب على الصحابه بانهم يلقوا واحد المكان جديد مزيان ايضا بناء الدوله الاسلاميه القائمه على التاخي والتازر والايثار والتضحيه بين المهاجرين والانصار والشباب في هذه اللحظه احنا عاش كنتكلموا كنتكلموا احنا احنا دابا كمسلمين باعتبارنا مسلمين راه نتيجه من نتائج هذا التخطيط الذكي وهذه الخطوه الرائعه النبويه اللي هي الهجره من مكه الى المدينه صلى الله على حبيبنا محمد وسلم تسليما ايها الاحباب الكرام هذا الدرس الجميل درس يجب ان ينتبه ليه الانسان كيتحط بزاف في الامتحان وفقنا الله واياكم الى كل خير الا عندكم اي سؤال حاولوا انكم تكتبوه في التعليقات وما تنساوش انكم دعيوا معي الشباب كان معكم استاذ صهيب الملحم السلام عليكم ورحمه