ماذا يوجد داخل ابعد مجرة في الكون

السلام عليكم يا شباب ايه رايكم النهارده نخرج بره مجموعتنا الشمسيه خالص ونخرج كمان بره مجرتنا ونروح نستكشف اماكن بعيده جدا عننا النهارده هنروح نستكشف ابعد مجره في الكون المرئي طبعا المسافه هتبقى كبيره جدا بطريقه مخك مش هيقدر يستوعبها وعشان كده احنا محتاجين عشان نوصل هناك اننا نمشي بسرعات عاليه جدا جدا اضعاف واضعاف من سرعه الضوء زي ما انتم شايفين احنا دلوقتي ماشيين بسرعه 600 مليون سنه ضوئيه في الثانيه الواحده وبقينا دلوقتي في الفضاء اللي بين المجرات او الانتر جالاكتيك سبيس وده الفضاء اللي بيبقى بين المجرات وبعضها وطبعا بيبقى اكبر بكتير والمسافات فيه بتبقى ابعد بكتير عن الفضاء البينجمي او الانتر ستيلار سبيس وده الفضاء اللي بيبقى بين النجوم وبعضها جوه مجره واحده وزي ما انتم شايفين كل نقطه دلوقتي من النقط دي هي مجره كامله فيها مليارات النجوم والكواكب اعتقد احنا كده خلاص وصلنا للنهايه تعالوا بقى نحاول اننا نجيب اخر مجره موجوده على حافه الكون ممكن نروح نشوف المجره المنوره ورا جامد دي المجره دي تعتبر من اواخر المجرات في الكون تعالوا كده نروح نشوف ايه جواها اوه زي ما انتم شايفين المجره شكلها غريب جدا تحسوا كده انها مجره قديمه او لسه ما اتكونت بالكامل وكمان لونها ابيض كده خافت شكله غريب جدا تعالوا بقى ندخل نستكشف من جوه طبعا زي ما انتم شايفين مليارات النجوم في كل حته حوالينا تعالوا مثلا نشوف النجمه المنوره جامد دي ده نظام ثنائي عباره عن نجم وثقب اسود وبيلف حواليهم ست كواكب حتى الرسمه بتاعه الثقب الاسود عامله زي حفره كده في نسيج الزمكان والثقب الاسود ده يعتبر هو حدود معرفتنا بالكون وبالعالم الفيزيائي وقوانين الفيزياء اللي احنا نعرفها زي ما انتم شايفين بقى الثقب الاسود حجمه صغير جدا بالنسبه للنجمه اللي جنبه ولكن مع ذلك النجمه بتلف حواليه بسبب كثافته العاليه جدا وجاذبيته القويه تعالوا بقى نشوف كوكب من الكواكب السته دول طبعا هم ثلاثه غازي وثلاثه صخري يلا نروح للكوكب رقم ثلاثه تيمنا برقم الارض في المجموعه الشمسيه زي ما انتم شايفين كوكب لونه ازرق شويه او كمان عنده قمر كبير وقريب جدا منه ولو ملاحظين هتلاقوا في اخاديد عملاقه على الكوكب تدل على انه كان في ميه عدت من هنا في الماضي وهي دي سبب نشاه الاخاديد العملاقه جدا دي والميه دي بقى اتخرت او اختفت لاي سبب كان وكمان لو ملاحظين هتلاقوا الغلاف الجوي بتاعه لونه ازرق يشبه جدا الغلاف الجوي بتاع الارض وهنا كمان في سلاسل من الجبال زي ما انتم شايفين وكمان الضفه الثانيه من الاخدود في فيها جبال برض وواضح بقى ان النهر اللي كان هنا كان كبير جدا وعميق القمر بتاعه بصراحه شكله جميل جدا تعالوا نروح نشوفه هو شبه القمر بتاع الارض شويه وطبعا عشان مافيش غلاف جوي حوالين القمر فملي ان حفر بسبب النيازك اللي بتخبط فيه وما فيش غلاف جوي يصدها ويحمي القمر من اخطار النيازك والمذنبات تعالوا بقى نطلع بره النظام النجمي ده خالص ونشوف نظام تاني وكواكب ثانيه زي ما انتم شايفين احنا رونا لنظام نجم ثاني وكواكب ثانيه ده كوكب شبه الكوكب اللي احنا كنا لسه فيه تعالوا نشوف كوكب ثاني الكوكب ده مثلا شبههم برض شويه ولكن في حفرتين كبار قوي جنب بعض دول بيقولوا ان كان في اصطدام هائل جدا مع جسم ثاني حصل هنا في الماضي وهو اللي تسبب في الحفرين دول تعالوا نشوف الكوكب ده كوكب صخري حواليه حلقات تعالوا نشوف الكوكب اللي بعده زي ما انتم شايفين الكوكب ده مدي على قمر اكثر منه كوكب ما عندهوش غلاف جوي وسطحه شبه سطح الاقمار جدا طيب ايه رايكم لو نبحث بقى في المجره البعيده جدا دي عن كواكب تشبه كوكب الارض في الخصائص بتاعته هنحط بقى خصائص كوكب الارض وهنبني يعني يدور حوالينا ب 10000 سنه ضوئيه في كل الاتجاهات ظهر معانا كواكب بالهبل زي ما انتم شايفين كل دول كواكب تشبه كوكب الارض في الخصائص تعالوا كده نشوف اول واحد نجيبه كده من جزء النهار عشان نشوف اوه ده في محيط كبير جدا من الميه شبه المحيط الهادي لكن الغلاف الجوي بتاعه لونه اصفر مش ازرق كده وجميل شبه كوكبنا اصلا انا بحس ان ما فيش كوكب في الفضاء شبه كوكب الارض في جماله كده وحلاوته والوانه الجميله كوكب الارض ده عامل زي الجوهره كده او حته الالماس وزي ما انتم شايفين النهر اللي احنا ماشيين عليه ده وطبعا في خضره على تفافه اينما وجد الماء وجدت الحياه ولكن بقى كوكب زي ده احنا اكيد بنشوفه في الماضي السحيق بتاعه ا يعني مثلا تعالوا نسرج كده على كوكب الارض ونشوف بيبعد عننا قد ايه معلش بيكتب عربي هنكتب بالانجليزي ايرث زي ما انتم شايفين كوكب الارض في الحته دي على بعد 19.7 6 مليار سنه ضوئيه يعني معنى الكلام ده ان الكوكب اللي احنا عليه دلوقتي ده واي حاجه بنشوفها في المجره دي احنا بنشوفها من 19 ب 76 مليار سنه فاتت يعني ممكن جدا تكون المجره دي اصلا مش موجوده حاليا او ممكن مثلا تكون المجره دي هي النسخه القديمه من مجره موجوده حاليا واحنا نعرفها زي اندروميدا مثلا او ممكن جدا تكون مجرتنا ليه لا كل شيء جايز في الفضاء تعالوا بقى نستمتع بشويه اورورا او الشفق القطبي في العالم الغامض والبعيد جدا ده المنظر بصراحه في منتهى الروعه والجمال يلا بينا بقى نشوف كواكب تانيه احنا طلع لنا في البحث كواكب كتير جدا شبه الارض تعالوا نروح نشوف الكوكب اللي بعده هنروح على الكوكب ده زي ما انتم شايفين الكوكب كله ارض يابسه في جزء بسيط بس اللي فيه ميه وده شكله بالاضاءه الحقيقيه ما فرقش كتير يعني قوي والكوكب شكله ما فيهوش خضره ولا حاجه خالص ولكن غلافه الجوي شبه غلاف الارض اكتر من الكوكب اللي فات يعني هو لونه ابيض مش ازرق زي كوكب الارض ولكن يشبه غلاف كوكب الارض اكتر من الكوكب اللي فات اوه احنا نزلنا تحت الميه تخيلوا بقى معايا ايه نوع الكائنات اللي ممكن كانت تكون عايشه تحت الميه دي على كوكب بعيد جدا زي ده من 19 مليار سنه يا جماعه الرقم ده كبير جدا احنا اصلا عمر مجموعتنا الشمسيه كلها حوالي 4 ونص مليار سنه يعني الكوكب ده والكائنات اللي عليه لو فعلا كان عليه كائنات حيه هيبقوا عاشوا من قبل اصلا تكون مجموعتنا الشمسيه ب 15 مليار سنه حاجه بصراحه المخ ما يقدرش يستوعبها زي ما انتم شايفين بقى الكوكب ده عليه ميه برده ولكن هو متجمد في معظم الاماكن كلها ثلج ولكن انا حاسس ان ما فيش ولا كوكب من اللي احنا شفناهم لحد الوقت دول يشبه كوكب الارض بنسبه 100% كل كوكب بيبقى فيه بعض الخصائص من كوكب الارض لكن ما فيش كوكب جمع كل الخصائص مع بعض تعالوا نشوف الكوكب اللي بعده املنا فيه بقى انه يطلع شبه كوكب الارض اكتر اه ده بقى كوكب مالهوش اي علاقه بكوكب الارض خالص مش عارف هو ليه جايبه بصراحه ده حتى ما فيش عليه ميه هو بس عليه اخدود كده مكان نهر قديم وسلاسل منين الجبال لكن بصراحه هو الكوكب لونه حلو في حاجه كده منوره جامد هناك تعالوا نروح نشوفها اه ده ستار كلاستر او تجمع نجمي بتبقى مجموعه كبيره جدا من النجوم متجمعه قريب جدا من بعض بفعل الجاذبيه وغالبا بيبقى في ثقب اسود في النص هو اللي مجمعهم كده مع بعض يعني بيلفوا حواليه حاجه كده شبه المجره بس على صغير شويه تعالوا بقى نشوف النجمه دي دول نجمتين مش نجمه واحده وبيلف حواليهم كوكب غازي عايزين نلاقي كوكب صخري كده حلو نهبط عليه ونشوف المنظر بالليل هيبقى عامل ازاي مع كل النجوم دي في السماء دول برض نجمتين ولو انت متابعني اكيد هتبقى عارف المعلومه دي لاني قلتها قبل كده وهي ان 85% من الانظمه النجميه في الكون هي في الحقيقه انظمه ثنائيه ده كوكب صخري ولكن غلافه الجوي كثيف جدا شبه كوكب الزهره فمش هنشوف منه حاجه تعالوا بقى نشوف نظام تاني اخيرا لقينا نجمه واحده وفي كوكبين كمان اهم بيلفوا حوالين بعض تعالوا نروح على الكوكب الثاني ده زي ما انتم شايفين برضو عليه اثار زي ما يكون كان عليه ميه وزي ما يكون كده ان كان في نهر والنهر ده بيصب في بحيره كبيره لكن لسبب ما كل ده اختفى تعالوا بقى نهبط على سطح الكوكب نشوف لنا حته كده حلوه نهبط عليها ممكن ننزل مثلا عند الاخدود ده هو الكوكب كله تضاريس وزي ما انتم شايفين النجوم من كترها باينه في السما بالنهار اهو ده بقى الكوكب اللي ممكن تشوف فيه النجوم في عز الظهر زي ما بنقول ولكن اعتقد بالاضاءه الحقيقيه النجوم دي مش هتبان قوي كده اوه الكوكب ده قريب جدا من النجم بتاعه تعالوا نشغل الاضاءه الحقيقيه اظن دلوقتي احنا عرفنا ليه الميه كلها اختفت فعلا النجوم الثانيه اختفت من السما وهنا بقى ده الكوكب الثاني اللي بيلف مع الكوكب اللي احنا عليه المنظر بصراحه رائع جدا منظر الكوكب القريب قوي ده مع النجمه القريبه عاملين منظر تحفه في السماء ولسه بقى كمان بالليل هنشوف السما هتبقى عامله عاه ازاي مع النجوم الكتير جدا اللي هتبقى فيها تعالوا بقى نجري الوقت ونشوف الغروب وزي ما انتم شايفين الكوكب الثاني مش بيتحرك من مكانه مع اننا شغلنا الوقت وده معناه ان الكوكبين دول منغلقين مداريا مع بعض وبيلفو مع بعض بنفس السرعه والاتجاه وادي بقى النجمه الكبيره جدا رايحه تغرب في الافق المنظر ف منتهى الروعه والجمال غروب من على كوكب يبعد مليارات السنين الضوئيه وزي ما انتم شايفين التوهجات بتاعه النجمه باينه بعد الغروب بسبب قربها شديد جدا من الكوكب وده بقى الكوكب الثاني عامل زي القمر طبعا هيعكس ضوء النجم بطريقه كبيره جدا بسبب قربه برده الشديد من الكوكب اللي احنا عليه وزي ما انتم شايفين بقى النجوم في السما منظر النجوم في السماء حاجه روعه الحقيقه منوره جامد جدا وباينه قوي ان هي قريبه جدا من الكوكب وقريبه من بعضها والوانها كمان في السما كده حاجه يعني راحه نفسيه تعالوا بقى نطلع بره الكوكب ده خالص شايفين النجمه قريبه جدا وكبيره ازاي حاجه مرعبه بصراحه اه عايز اقول لكم اني عملت قناه على التليجرام وهوزغير جوائز نقديه وتيشرتات جلاكسيكو واشتراك تليجرام بريميوم مجانا وحاجات ثانيه كتير وكمان في غرفه دردشه لعيلتنا الصغيره وانا ببقى موجود هناك بشكل يومي ده غير طبعا الفيديوهات والمحتوى الحصري هناك فلو عندك تليجرام روح وعيش تجربه جلاكسيكو كامله هتلاقي اللينك في صندوق الوصف تحت او ابحث في تليجرام على جلاكسيكو طبعا بقى انا ما رضيتش اسيب الكلاستر ده من غير ما نشوف الصق الاسود اللي في النص اللي مجمع كل النجوم دي مع بعض طبعا شكله متوحش جدا وكتلته كمان رهيبه جدا عشان يقدر انه يجمع النجوم دي كلها حواليه ويخليها تلف حواليه ويعمل الستار كلاستر الرائع جدا اللي احنا فيه ده وشكله كمان بلونه الاصفر الجميل ده بيفكرني بفيلم انترستيلر واحد من اعظم افلام الفضاء في التاريخ لو لسه ما شفتوش فانت فايتك كتير جدا انصحك بشده انك تشوفه وبس كده لو عندكم اقتراحات للفيديوهات الجايه اكتبوا لي في الكومنتات وان شاء الله الاقتراح اللي يتعمل فيديو هعمله واقول اسم صاحب الاقتراح في اول الفيديو سلام