النحو شرح التوكيد التوابع القسم الأدبي فقط للصف الثالث الثانوي الأزهري 2026 أ إسلام عصام

السلام عليكم ورحمه الله وبركاته بسم الله الحمد لله والصلاه والسلام على رسول الله صلى الله عليه وسلم وبعد طلاب الصف الثالث الثانوي الازهري اهلا وسهلا بكم ومرحبا بس القسم الادبي فقط النهارده يا شباب تكمله لشرح دروس التوابع بعد ما خلصنا النعت وعط في البيان هنشرح النهارده ان شاء الله عز وجل درس جديد من التوابع وهو درس التوكيد انت المفروض خدت التوابع ديت في اعدادي بس احنا بناخدها بتفصيل زياده ايه شويه في ثانوي فنبدا بسم الله مستعينناين به عز وجل يقول لك يا سيدي اول حاجه ان التوكيد عندنا بينقسم لحاجه اسمها توكيد لفظي وتوكيد معنوي هناخد المعنوي الاول لان اللفظ دوت ايه امره سهل هنسيبه للاخر ان شاء الله عز وجل التوكيد المعنوي يا شباب هو عندنا نوعين مش نوع واحد يبقى التوكيد المعنوي دوت كام نوعين اول نوع معاك فيهم بنسميه ايه بقى يرفع توهم مضاف الى مؤكد يعني ايه بقى الجمله ديت؟ بص يا سيدي معايا كده لو انا جيت قلت ايه جاء الرئيس فانت مثلا بتكلمني كده فانا جيت قلت لك ايه جاء الرئيس فانت تعمل لي ازاي الريس جيب نفسه يعني جيب نفسه اكيد قصدك واحد جايب النيابه عنه او جاللك رساله من الرئيس اقول لك لا جاء رئيسه نفسه ده هو بنفسه جهت ايه؟ شلت الفهم الخاطئ اللي جه في دماغك ان انت كنت مفكر ان هو حد جاي بالنيابه عنه فلذلك ايه ده اسمه توهم فلما انا قلت لك كلمه نفسه شلت التوهم ده من دماغك فبنسميه ايه بقى؟ يرفع توهم مضاف الى مؤكد طيب الفاظ النوع دوت من التوكيد ايه؟ كلمه نفس وكلمه عين بس بشرط ان هي تتضاف للضمير وعشان تريح دماغك كل التوكيد عندك شرط ان هو يضاف لايه؟ للضمير فما اجي اقول جاء الرئيس عايز تاكده بلفظ النفس والعين فانت تيجي تقول لي جاء الرئيس ايه؟ نفسه او جاء الرئيس عينه كده اقول لك التوكيد بتاعك صح تمام طيب بص يا سيدي كده الامثله انا قلت لك هو لفظ النفس والعين بس شرطه ان هو يبقى فيه ايه ضمير الضمير ده يعود على المؤكد يعني الحاجه اللي انت بتاكدها فلازم الضمير يطابق المؤكد يعني ايه؟ جاء محمد ده مفرد مذكر فانت تقول لي نفسه او عينه عشان الهاء دههي عايده على مين؟ على محمد طب حد يقول لي طب انا هعربه ايه يا ابني؟ ما هو اسمه توكيد يبقى انت هتعرب نفسه ايه؟ توكيد وهو من التوابع فبياخد اعراب اللي ايه؟ اللي قبله فجاء فعل محمد ده فاعل مرفوع علامه رفعه الضمه يبقى انت هتقول لي نفس سو نفسه الهاء الضمير دي مضاف اليه ماشي ف فانت هتيجي تقول لي ايه نفسه توكيد مرفوع وعلامه رفعه الضمه تمام عينه برض نفس الايه الكلام طيب لو انا جيت قلت ايه جاءت فاطمه نفسها شفت انا هنا غيرت الضمير صح عشان دي مفرده مؤنثه فانت مش هينفع تيجي تقول لي جاءت فاطمه نفسه لا نفسها عشان الهاء عايده على ايه؟ على فاطمه. نفس الكلام بقى اما تيجي تخليه مثنى او جمع. بص بقى هنا دي اول تكه معاك في لفظ النفس والعين. رايت الطالبين مفعول به منصوب وعلامه نصبه الياء لانه مثنى. انفسهما او اعينهما. حد يجي يقول لي ايه يا استاذ انت لسه قايل ان احنا بناكد بلفظ النفس والايه والعاين مافيش هنا همزه هو مش كاتب ايه مش كاتب همزه ما قالش انفس ولا اعين صح لذلك بقى بص يقول لك عند توكيد المثنى والجمع بلفظ النفس والعين لابد يعني يجب ان ياتي على وزن افعل يبقى انت لازم تزود لي الهمزه دي ما ينفعش تيجي تقول رايت الطالبين نفسهما لازم تقول لي ايه؟ انفسهما اعينهما نفس الكلام حضرت الطالبتان انفسهما اعينهما عشان الطالبتان مرفوعه فيبقى مرفوع طب انت زودت الهمزه ليه؟ تقول له لانه توكيد لمثنى فيجب ان ياتي على وزن افعل نفس الكلام في الجمع حضر الطلاب انفسهم اعينهم حضرت الهندات جمع هند انفسهن اعينهن يبقى انت تكتك تجيب الضمير يشب يطبق الايه المؤكد الحاجه اللي انت بتاكدها ولو كان بلفظ المثنى والجمع يبقى هو لازم يجي على وزن ايه افعل تمام كده طيب حد يجي يقول لي ايه طب ما التوكيد سهل اهو يبقى انا اي كلمه نفس او عين فيها ضمير اقول له عليها توكيد اقول لك لا التوكيد يا شباب من التوابع تتاكد ازاي ان ان الكلمه اللي احنا بنعربها توكيد ديت ان هي توكيد شيلها من الجمله خالص هتلاقي المعنى ماشي زي ما هو والاعراب يفضل زي ما هو وتبقى الجمله صح فبص كده معايا المثالين دول قتل زيد نفسه والجمله خلصت شيل كلمه نفسها هتيجي تقول لي ايه قتل زيد مش فاهم حاجه زيد قتل مين انت كده ما قلتليش يبقى نفسه دي ليست توكيدا دي كده مش هتتعرب ايه؟ مش هتتعرب توكيد امال هتتعرب ايه يا استاذ؟ حسب موقعها في الجمله قتل فعل ماضي مبني على الفتح مين اللي قتل؟ زيد فاعل مرفوع وعلامه رفعه الضمه قتل مين؟ هو قصده ان هو قتل نفسه خلاص يبقى نفسه ديت هتتعرب ايه؟ مفعول به منصوب وعلامه نصبه الفتحه فيها مشكله كده انما بقى ابص في المثال اللي تحت قتل زيد نفسه عمرا حتى شوف نطقها اختلف هنا قلته بص بقى كده بس هو مش هيبقى مشكل لك هو عايزك تعربها انت شيل يا عم كلمه نفسه ديت خالص كده قتل زيد عمرا والاعراب زي ما هو زيد دي فاعل مرفوع وعمرا مفعول به منصوب فالجمله ماشيه ما فيهاش اي مشكله لا الاعراب اتغير ولا المعنى اتغير يبقى كلمه نفسه دي اللي ينفع اعربها ايه؟ توكيد مرفوع تمام يبقى انت تشيلها نفعت الجمله يبقى توكيد ما نفعتش يبقى هي تعرب حسب موقعها فين؟ في الجمله طيب بص يا سيد احنا خدنا النوع الاول يرفع توهم مضاف لايه؟ لمؤكد ثاني نوع معاك من انواع التوكيد المعنوي بنسميه ايه؟ يرفع توهم عدم اراده الشمول ايه بقى الجمله الرخمه ديت؟ بص يا سيدي كده لو انا جيت قلت لك ايه حضر الطلاب واسكت فانت تيجي تقول لي ايه كل الطلاب حضروا ما فيش ولا واحد غب انت اكيد قصدك يعني مبالغه يعني ان كلهم حضروا كده وخلاص بس في حد غايب اقول له لا حضر الطلاب كلهم كده انا اكدت ان ما فيش ولا طالب غاب كلهم حضروا فيعني ايه يرفع توهم عدم اراده الشمول ان انت جه في دماغك فهم خاطئ ان بعض الطلاب ما جاش وان الفعل ده ما شملهمش اللي هو الحضور اقول لك لا ده هم حضروا كلهم فيها مشكله طيب الفاظ بقى يا سيدي قصدي الفاظ النوع الثاني من التوكيد دوت ايه ثانيه واحده يا شباب طيب اللي يرفع توهم عدم اراده الشمول انت دوت الفاظه حسب اللي انت بتاكده هل هو مثنى ولا جمع فانا عندي لو كان الشيء اللي انت هتاكده مثنى فهنستعمل معاه الفاظ ايه؟ كلا وكلت بس برده بنفس الشرط تضاف لضمير يعود على المؤكد ازاي؟ جاء الطالبان الطالبان دي ايه يا شباب؟ مثنى خلاص فاجي اقول ايه كلا لوحدها لا تجيب ضمير يعود عليها زي ما قلنا نفسه انفسهما وكده يبقى جاء الطالبان كلاهما طب اتاكد ان كلاهما توكيد شيلها جاء الطالبان الجمله زي ما هي ما حصلش حاجه يبقى كلاهما ديت هي التوكيد ايه هي التوكيد بتاعك طيب سلمت على الطالبين كليهما طيب جاءت الطالبتان كلتاهما كافات الطالبتين كلتيهما يبقى للمثنى المذكر لو كان مثنى مذكر هتبقى كلاهما او كليهما طب لو كان المثنى بتاعك مؤنث على البنات يبقى ساعتها تقول كلتاهما او كلتيهما يبقى ك دي لمين يا شباب للمثنى المذكر وكلت للمثنى الايه المؤنث بشرط ان انت تضيفها للايه للضمير تمام يا شباب طيب حد بقى يجي يقول لي ايه هو انا اشمعنى هنا قلت كلاهما واشمعنى هنا قلت كليهما وهنا قلت كلتاهما وهنا قلت كلتيهما اقول لك ركز بقى معايا في الحته دي عشان ك وكلت دي اهم حاجه في موضوع التوكيد ده بص يا سيدي انت عندنا قاعده هنا بتقول ايه ان كلا وكلت لو اضافت لضمير تعرب اعراب المثنى يعني ايه تعرب اعراب المثنى لو كانت مرفوعه يبقى علامه رفعها الالف لانها ملحق بالمثنى تمام كده طيب لو كانت في حاله نصب او حاله جر ساعتها هتنصب وتجر ويبقى علامه نصبها وجرها الايه؟ الياء زي المثنى بالظبط طيب انا هنا قلت لك جاء الطالبان فاعل مرفوع وعلامه رفعه الالف لانه مثنى فالتوكيد من التوابع هياخد اعراب اللي قبله فدي مرفوعه يبقى انت تكتبها بالالف لقيت اللي قبلها منصوب مجرور تكتبها بالياء يبقى كلاهما دي هعربها ايه؟ توكيد مرفوع وعلامه رفعه الالف لانه ملحق بالمثنى واتاكد الاول ان هي توكيد شيلها جاء الطالبان سلمت على الطالبين على حرف جر الطالبين اسم مجرور وعلامه جره الياء لانه مثنى يبقى اكتبها بالالف ولا باليا باليا عشان تمشي زي اللي قبلها يبقى كليهما لان ده مثنى مذكر فاقول له توكيد مجرور وعلامه جره الياء لانه ملحق بالايه بالمثل نفس الكلام لو كانت مثنى مؤنث بص كده كافات كافاه فعل ماضي والتاء تاء الفاعل الطالبتين مفعول به منصوب وعلامه نصبه الياء صح يبقى ده يجي منصوب زيه يبقى اقول كلتاهما مرفوعه بالالف ولا كلتيهما اقول كلتيهما عشان تبقى منصوبه وعلامه نصبها الايه الياء وتقول لي برده لانه ملحق بالايه بالمثنى يبقى انت عندك كده كلا وكلت عشان تيجي توكيد لازم يبقى فيها ضمير ولو فيها ضمير تعرب اعراب الايه؟ المثنى ترفع بالالف وتنصب وتجر بالياء طيب هل على طول كلمه كلاهما او كلتاهما هتبقى على طول توكيد؟ اعمل زي عينه شيلها ونتاكد بص المثالين دول كده الطالبان كلاهما مجتهدان والطالبان كلاهما مجتهد بص كده شيل كلاهما من هنا هتقول الطالبان مجتهدان ما حصلش حاجه المعنى عادي والاعراب صح الطالبان مبتدا مرفوع وعلامه رفعه الالف مجتهدان خبر مرفوع وعلامه رفعه الالف يبقى كلاهما ديت ايه توكيد يبقى اقول له توكيد مرفوع وعلامه رفعه الالف لانه ملحق بالايه بالمثنى طيب بص اللي تحت الطالبان كلاهما مجتهد شيل يلا كلاهما ينفع تيجي تقول لي الطالبان طالبان اثنين مجتهد الطالبان مجتهد لا مش هتنفع يبقى ساعتها كلاهما تعرب حسب موقعها في الجمله بس هي فيها ضمير ولا ما فيهاش فيها يبقى اعربها حسب موقعها في الجمله بس باعراب المثنى طيب هنا الطالبان مبتدا كلاهما هيبقى اعرابها مبتدا ثان مرفوع ده مبتدا ثاني وعلامه رفعه وعلامه رفعه الايه الالف لانه ملحق بالمثنى حد يقول لطلق لخبطت يا استاذ؟ بص يا سيدي كلا وكلت لو فيها ضمير تاخد اعراب المثنى سواء هي توكيد او مش ايه؟ مش توكيد بس عندك قاعده ثانيه الواحده ان هي عشان تيجي توكيد لازم يبقى فيها ضمير تمام كده يا شباب طيب بص يا سيدي هتوضح لك اكتر بده لو انا جبت كلا وكلت من غير ضمير ضفتها الاسم ظاهر يبقى انت كده هتيجي توكيد لا ما تجيش توكيد طب تاخد اعراب المثنى لا برض ما تاخدش اعراب المثنى لذلك يقول لك ايه اذا اضيفت كلا وكلت الى اسم ظاهر تعرب اعراب الاسم المقصور الاسم المقصور ده يا شباب اللي هو كان بيبقى اخره الفلالف ما بتقبلش تشكيل في اللغه فساعتها بنقول تعرب حسب موقعها في الجمله بحركات مقدره يعني ضمه مقدره فتحه مقدره كسره مقدره بص اهو جاء كلا الطالبين هي ك ديت اصلا فيها ضمير عشان تفكر ان هي توكيد ما فيهاش هي كده كده مش توكيد فعربها زي ما هي في موقعها بس بحركات مقدره جاء فعل يبقى كلا ديت هتتعرب ايه فاعل مرفوع وعلامه رفعه الضمه المقدره لانها اضيفت لاسم ايه لاسم ظاهر طيب رايت كلا الطالبين رايت فعل وفاعل يبقى كلى دي مفعول به يبقى اقول له مفعول به منصوب بس هي ما فيهاش ضمير دي مضافه لاسم ظاهر يعني الطالبين ده مضاف اليه و اقول له بقى مفعول به منصوب وعلامه نصبه الفتحه الايه المقدره مررت بي الباء حرف جر يبقى كلى اسم مجرور وعلامه جره الكسره المقدره تمام يا شباب طيب في حاجه بس اقولها لك هنا عشان هي بتبقى معاك في الواجب وساعات بتجي لك في الامتحان ازاي شفت المثال ده اهو المفروض انت بتعرب الطالبين دي ايه مضاف اليه ما انت بتقول هي مضافه الاسم ظاهر حتى الضمير اللي في كلاهما مضاف اليه اجيب لك المثال ده واجي اقول لك اجعل المضاف مضافا اليه واجعل المضاف اليه مضاف يعني شقلب لي الكلمتين مكان بعض من الاخر هو عايزك تخليها له توكيد بس بص اما يجي يعملها في ناس تيجي تقول لك ايه هنكتب كده جاء الطالبين ما هو بيقول لك شقلبهم مكان بعض كلاهما او يقول لي كليهما اقول له كده المثال ده كله غلط ليه بقى؟ لما تيجي تشقلب تاخد بالك من الاعراب هي ك دي كان اعرابها ايه؟ فاعل مرفوع فلما انت تجيب الطالبين مكانها تخليها فاعل مرفوع يبقى اقول جاء الطالبان كده بقى فاعل مرفوع انت بقى هتجيب كلى هنا هتجيبها توكيد فالتوكيد بياخد اعراب اللي قبله فده مرفوع يبقى هو مرفوع مرفوع زيه يبقى اجي اقول جاء الطالبان كلاهما يبقى انت عشان تخليها توكيد اما تيجي تشقلب تحطها في الاعراب بتاعها الصح تمام كده يا شباب طيب خش على اللي بعده بقى بص يا سيدي عندنا حاجه يا شباب هنا اسمها ايه ا احنا خدنا المثنى كلا وكلت فاضل من انواع التوكيد المعنوي اللي بيرفع توهم عدم اراده الشمول لو انت هتاكد ايه الجمع لو انا هاكد الجمع يا شباب هيبقى معاك لفظ كلمه ايه كل وجميع بس برض تضاف لايه لضمير دي سهله خالص وما فيهاش تكات ولا اي حاجه بص كده جاء الطلاب كلهم عشان ده جمع تكسير مذكر فانت تقول له ايه كلهم تجيب الضمير شبهه هم عايده على الايه على الطلاب جاء الطلاب فاعل يبقى كلهم توكيد مرفوع وعلامه رفعه الضمه او تقول جميعهم سلمت على الطلاب اسم مجرور يبقى كلهم او جميعهم كفاء المجتهدات كفاءته فعل وفاعل المجتهدات مفعول به منصوب يبقى تقول كلهن جميعهن تمام كده دي سهله ما فيهاش ايه ما فيهاش مشكله امال فين يا عم بقى المشكله بتاعتنا بص يا سيدي عندنا كلمه اسمها عامه المفروض انا قلت لك ايه الالفاظ اللي بناكد بها الجمع كله جميع لفظين اهو ما فيه ما فيهمش مشكله كلمه عامه ديت يقول لك في قليل او عدد قليل من النحاه قال لك احنا هندخلها تبع التوكي بس هي مش توكين فتلاقي المصنف عندك ابن مالك يقول لك ان هي زي النافله يعني ايه نافله زياده هي اصلا مش من الفاظ التوكيد بس عشان في بعض الناس القليله استعملوها فقلنا عليها نافله يعني زياده فلذلك يقول لك ايه ان الامام سباويه عدها من الفاظ التوكيل يبقى سيبوايه عدها من الفاظ الايه ثانيه واحده يا شباب معلش هنقول تاني كده ان الامام سباوي عدها من الفاظ الايه التوكيد بس هي مكتوبه عندنا في الكتاب بنقول عليها ايه وتعد مثل النافله يعني زائده اما اجي اقول لك ليه قلنا عليها ان هي نافله تقول كده لان اكثر النحويين لم يذكرها ما حدش ذكرها اصلا من الفاظ التوكيد فينفع تعملها زي كل وجميع فج اقول جاء الطلاب عامتهم سلمت على الطلاب عامتهم كافات المجتهدات عامتهن تمام يا شباب طيب بص يا سيدي انا قلت لك المثنى كلا وكلت الجمع كله جميع وكلمه عامه ديت اللي هي الايه الزياده بص بقى عندنا هنا سؤال لوحده ايه هو ينفع اجيب الحاجه اللي انا باكدها تكون مفرد واكدها بلفظ واكدها بلفظ الجمع ولا ما ينفعش؟ بص يا سيدي كده انا هنا بقول لك ايه؟ جاء محمد الشيء اللي انت بتاكده فبنسميه مؤكد بس محمد ده ايه؟ مفرد صح كده طب انت جايب كل اللي هي بتاعه الجمع اصلا ينفع بقى تاكد المفرد ده بلفظ الجمع يقول لك الاساسي ما ينفعش طبعا ما هو مفرد فانت ازاي تاكده بلفظ الجمع فيبقى المثال دوت غلط بس هو غلط كده وخلاص عشان هو جمع وجاي قبله مفرد يقول لك ببساطه خالص حكم توكيد لفظ المفرد بالجمع ايه يجوز اذا كان المفرد ذا اجزاء يعني لو المفرد بيتجزا يبقى اتاكده بلفظ الجمع هات لي مثال عشان افهم اكلت الرغيف كله الرغيف رغيف ويس ايدي مفرد ولا مش مفرد؟ مفرد بس انا ينفع اجي اقول لك اكلته ربع الرغيف نص الرغيف ثلث الرغيف يعني الرغيف بيتجزا ولا ما بيتجزقش؟ بيتجزا يبقى ساعتها ينفع تيجي تقول لي اكلت الرغيف كله انما محمد ما بيتجزقش هو ينفع محمد جاء محمد يجي لك على مراحل رجله تيجي الاول وبعد كده ايده وبعد كده وشه ما ينفعش يبقى لان هنا المفرد مفرد لا يتجزا دوت لا ايه يتجزا يبقى لا يجوز توكيده بلفظ الجمع انما هنا المفرد عندي ايه ذو اجزاء فساعتها اقول لك يجوز تمام كده طيب يا شباب طيب بص يا سيدي عندنا بقى حاجه اسمها ايه ده اشهر سؤال عندك كادبي في موضوع التوكيد خاصه في اسئله علل وكده يقول لك ايه حكم توكيد النكره هو في الاساسي لو انت مركز معايا اما اجي اقول لك ايه جاء محمد نفسه محمد معرفه وانت اكدته بكلمه باي كلمه سواء نفس او جميع او كل ضفتها الضمير فكلمه نفسه بنقول عليها معرفه بالاضافه للضمير يعني كده ايه المتبوع اللي هو محمد معرفه والتابع اللي هو التوكيد كلمه نفسه ايه معرفه ما هو التابع بيمشي ورا اللي ايه ورا اللي قبله طب ينفع انت تاكد النكره؟ يقول لك مذهب البصريين يقول لك ما ينفعش الكلام ده خالص. طب ليه يا بصريين الكلام دوت ما ينفعش؟ يقوللك لا يجوز توكيد النكره لان الفاظ التوكيد كلها معرفه فانت ما ينفعش تاكد لي النكره بالايه؟ بالمعرفه دوت راي مين؟ البصريين دايما مين اللي عندنا بيقول ممنوع البصريين والكوفين وابن مالك يقول لك يجوز فلو انا جيت قلت لك صمت يوما كله ده يوما دي نكره خلاص ينفع تقول كله يقول لك يا عم غلط ما ينفعش يوم النكره فما ينفعش يتاكد النكره بالمعرفه ده راي مين؟ البصريين سواء كانت النكره دي محدوده او غير محدوده عايزك بقى تفهم يعني ايه نكره محدوده وغير محدوده اما اجي اقول لك يوما هي نكره صح بس له بدايه ونهايه اليوم له اول وله ايه وله اخر انما بص كده صمت زمنا انت جاي تسالني انت صمت ولا ما صمتش فقلت لك ايه صمت زمنا كله ايوه الزمن ده اوله ايه واخره ايه ما انت ما قلتليش اجي اقول لك صمت ظهرا يعني زمنا برده صمت حينا ايوه الفتره اللي انت صمتها من اول ايه لحد ايه مش متحدده فدي بنسميها نكره غير محدوده انما اللي فوق يوما اسمها نكره ايه محدوده طب هي تفرق معاك على راي البصريين ما تفرقش النكره محدوده غير محدوده لا يجوز توكيد النكره لانه لا تؤكد النكره بالمعرفه انما اقول لك تفرق فين بقى يا معلم هتفرق معاك في مذهب الكوفيين يقول لك يجوز توكيد النكره اذا كانت النكره محدوده طب ليه انت اجزتها؟ يقول لك لان انا فهمت حاجه يقول لك لحصول الفائده ازاي؟ صمت يوما كله انت اما قلت لي صمت يوما كله انا فهمت ان انت قصدك صمت اليوم من اوله لاخره فانا في معنى وصلني عشان النكره دي لها اول وايه واخر فيبقى النكره المحدوده على راي الكوفيين وابن مالك يجوز توكدها طب لو انا على راي الكوفيين على راي مين الكوفيين جيت قلت لك صمت زمنا كله يقول لك ما ينفعش لان دي نكره غير ايه غير محدوده يبقى اختصارا حكم توكيد النكره مذهب البصريين لا يجوز سواء محدوده او غير محدوده لانه لا تؤكد النكره بالمعرفه انما راي الكوفيين يقول لك يجوز لو كانت النكره محدوده فقط لحصول الفائده انما نكره غير محدوده ما تنفعش طيب خش يا سيدي على اللي بعده معلش الدرس ايه طويل شويه بس ايه ركز معايا احنا بعد ما خلصنا انواع التوكيد عندك حاجه زياده كده اسمها ايه الفاظ تقويه التوكيد بص كده انا ما بقولش توكيد هي جايه تعمل ايه هي ببساطه كده جايه تاكد التوكيد نفسه يعني انا هيبقى عندي متبوع وتوكيد وكلمه زياده بتاكد التوكيد ايه هما الكلمات ديت بقى يا سيدي كلمه اسمها اجمع وجمعاء واجمعون او اجمعين عشان دي لو مرفوعه تبقى بالواو منصوبه مجوره تبقى بالياء زي جمع المذكر السالم وكلمه اسمها جمع بص بقى الامثله كده اجي اقول لك ايه جاء الجيش كله كله ديت هي الايه التوكيد بتاعك صح كده امال كلمه اجمع دي بتعمل ايه؟ يقول لك ما هو ده لفظ تقويه التوكيد. تمام كده؟ بس خد بالك بقى من حاجه عشان تجيب لفظ تقويه التوكيد لازم يبقى فيه توكيد فكل كلمه من الاربعه دول يا شباب لازم يجي قبلها حاجه معينه فكلمه اجمع يجي قبلها كلمه كل فاجي اقول جاء الجيش كله اجمع جاءت القبيله كلها جمعاء يبقى اجمع يجي قبلها كلمه ايه كلهم جمعاء يجي قبلها لها كلمه ايه كلها فسجد الملائكه كلهم اجمعون يبقى اجمعون يجي قبلها كلمه كلهم حضرت الهندات كلهن جمع فيها مشكله كده يبقى كل كلمه لازم تبقى مسبوقه مسبوقه بالتوكيد بتاعها تمام كده طيب ايه مشكله الفاظ تقويه التوكيد هي الاساسي ما فيهاش مشكله ليه هي جايه تاكد التوكيد فلو في قبلها توكيد يبقى الامثله دي كلها كده ايه صح ما فيهاش مشكله طب انا ينفع اجي اقول جاء الجيش اجمع انت لسه قايل لي يا استاذ حال اسمها تقويه للتوكيد فلازم يجي قبلها توكيد فانت هنا ما قلتليش جاء الجيش كله اجمع ده انت شلت كلمه كله وقلت اجمع بس يبقى انت جبت كلمه اجمع دي توكيد ولا تقويه للتوكيد انت كده ما جبتهاش تقويه للتوكيد انت استعملتها مستقله فلذلك عندنا سؤال بيقول لك ايه؟ حكم استعمال الفاظ تقويه التوكيد مستقله اجي اقول عليها ايه؟ تجوز بقله تمام يبقى يجوز استعمال الفاظ تقويه التوكيد مستقله بس بايه؟ بقله عشان هم ناس قليله اللي استعملوا الموضوع ده بس ورد عندنا عادي فيها مشكله طيب في بقى هنا قول او مساله ثالثه في الموضوع ده ينفع اخلي كلمه اجمع وجمعاء مثنى هي المفروض اجمع هنا للمفرد المذكر وجمعاء للمفرده المؤنثه وده جمع مذكر وده جمع مؤنث تمام ينفع اجي اقول جاء الجيشان اجمعان او اقول جاءت القبيلتان جمعوان انت هنا استعملتهم على ان هم ايه مثنى القول الاساسي بتاع البصريين يقول لك لا يجوز طب ليه لا يجوز ما انت لسه قايل لي لو انا عايز ااكد مثنى بجيب كلا وكلته صح فانت عندك كلا وكلته للمثنى انت ليه بقى تخلي اجمع وجمعاء مثنى ما انت عندك كلى وكلت فمذهب البصريين لا يجوز ذلك استغناء بكى وكلت عنهما عشان انا ينفع اقول جاء الجيشان كلاهما وخلاص تمام انما راي الكوفين يقول لك يجوز ايه يجوز ذلك عادي هم اللي بيقولوا على اي حاجه ايه يجوز طيب يا سيدي بص انا بقى بالنسبه لي بدعي كده ان اللي فاهم دي في التوكيد يبقى الدرس خلص كل اللي احنا عملناه قبل ده والله لو مركز فيه سهل لو جالك في الامتحان تعرف تستخرجه هتجيب كلاهما كلتهما مش عارف ايه والتكات انت عرفتها انما دي يا شباب ممكن تلخبط الناس عشان موضوع الضمير دي اهم حاجه في الدرس وركز بقى معايا فين ان انا بقول لك ده ادبي بس عندك درس ثاني من التوابع اسمه عطف النسق هنعمل فيه نفس الحركه دههي ديت بالظبط فركز بقى معايا يا سيدي كده هنا احنا مش هناكد اسم ظاهر انت هتاكد ضمير بس ركز معايا بالله عليك هنا السؤال عندي ايه او القاعده عندي ايه حكم توكيد الضمير المتصل هي ايه بقى الضمائر المتصله ديت ركز معايا كده الضمائر المتصله يا شباب يعني اللي لازقه في الكلمه زي مثلا ايه واو الجماعه الف الاثنين اثنين ياء المخاطبه ا اسمها ايه ديت نون نون النسوه مثلا تاء الفاعل يا سيدي خلاص اي ضمير بقى ان شاء الله اجيب لك ك او ه او يمير معاك المهم هو ضمير ايه ضمير متصل خلاص انا عندي التكه فين يا شباب هو بيقول لك كده حكم توكيد الضمير المتصل توكيدا معنويا بالنفس والعين انا يهمني حته توكيدها بالنفس والعين مش توكيدها بكل وجميع ماشي انا عايز اكدها بايه بالنفس والعين عشان تريح دماغك احفظ معايا القاعده كده عند توكيد الضمير المتصل المرفوع اللي في محل رفع بالنفس والعين يجب الاتيان بضمير منفصل معنى الكلام ايه لو انا هاكد بغير النفس والعين اعمل اللي انا عايزه مش هجيب ضمير منفصل طب لو هتاكد ضمير منصوب او مجرور يعني مش مرفوع بمزاجي اجيب ضمير منفصل او ماجيبش طب بص بالمثال عشان نفهم قوموا انتم انفس انفسكم انت المفروض عندك الضمير يا مرفوع يا منصوب يا مجرور بيبقى في محل رفع في محل نصب في محل جر انا عايزك تعرف لي الضمائر اللي بتبقى في محل رفع مين هم واو الجماعه الف الاثنين ياء المخاطبه نون النسوه او تاء الايه تاء الفاعل ركز لي على دول خلاص بص ياسين قوموا الفاعل يا شباب هنا مش انتم هو الفعل اسمه قم واو الجماعه دههي هي الفاعل بنقول ضمير مبني في محل رفع فاعل يبقى واو الجماعه ديت ضمير ماله في محل رفع طب انت هتاكده بالنفس والعين ولا لا اه يبقى تجيب فاصل ايه الفاصل ده اللي هو الضمير المنفصل ده فقوموا دي واو جماعه يبقى اقول قوموا انت ولا انت ولا انتما ولا انتم؟ انتم يبقى اقول قوموا انتم انفسكم يبقى ليه المثال دوت صح عشان بيسالك كده في الامتحان تقول له كده اهو لانه عند توكيد الضمير المتصل الذي في محل رفع بالنفس والعين يجب الاتيان بضمير منفصل نفس الكلام اهو يسالك في الامتحان يقول لك امال ليه المثال ده غلط قوموا انفسكم اقول له لانك ما جبتش الفاصل عشان المفروض اما اكد ضمير متصل مرفوع بالنفس والعين اجيب ايه؟ ضمير منفصل هنا انت ما جبتش نفس الكلام بقى لو انا غيرت الضمير مثلا كمن انتن اعينكن ما هو بلفظ النفس والعين ما هي نون النسوه برض في محل رفع فاعل وانت بتاكدها بالنفس والايه والعين يبقى انا المثال دوت صح ليه عشان انت جبت الفاصل اللي هو الضمير المنفصل اعكس بقى معايا القاعده يا عم لو انا هاكد بالنفس والعين ضمير منصوب او مجرور اجيب فاصل زي ما ماجيبش فاصل يعني مش لازم اجيبه هنا واجب انما هنا ايه لا يلزم الاتيان بضمير ايه منفصل او هتاكدوا بغير النفس والعين بص كده قوموا كلكم ليه ما قلتش قوموا انتم كلكم يا عم قولها ما فيش مشكله الاثنين صح حد يقول لي ازاي يا استاذ ده واو الجماعه ضمير في محل رفع قلت لك ركز ده لو كان بالنفس والعين بس هنا دي كلكم مش بالنفس والعين يبقى اقول له المثال ده صح ليه؟ لانه عند توكيد الضمير المتصل بغير النفس والعين لا يلزم الاتيان بضمير منفصل فينفع اجيبه من غير الضمير وينفع اجيبه بالايه؟ بالضمير والاثنين صح بس عاده في الامتحان بتجي لك من غير الضمير طيب ا اجي هنا اقول لك ايه؟ هو هنا عملنا المثال غلط معلش يا شباب بلاش بلاش كومو دي خلاص اجي اقول لك ايه مررت بيك نفس سيك فين الضمير اللي انت بتاكده الكاف دههي صح طب ما الباء حرف جر والكاف دي اما اجي اعربها اجي اقول ايه ضمير مبني في محل جر اسم مجرور صح طب انت بتاكد ضمير مرفوع ولا مجرور ده مجرور طب اجيب جيب فاصل ولا ماجيبش لا يلزم يبقى ينفع اجي اقول ايه مررت بك او اقول له مررت بك انت نفسك ويبقوا الاثنين ايه صح نفس الكلام بص رايتك نفسك لو انا نصبتها بص كده رايت فعل وفاعل طب انا شفت مين رايتك الكاف دي ضمير مبني في محل نصب مفعول به طب لو هو منصوب لا يلزم الاتيان بضمير منفصل فينفع اجي اقول رايتك ايه نفسك وينفع اقول رايتك انت نفسك ارخم عليك معلش بس قبل ما ارخم عليك الخصها لك تاني عند توكيد الضمير المتصل المرفو الضمير المتصل بالنفس والعين بس لو كان مرفوع اجيب ضمير منفصل بغير النفس والعين او في محل نصب او جر مش لازم اجيب الضمير المنفصل بص المثال دههو رايتك نفسك هنا عندك ضميرين تاء الفاعل والكاف صح لو انا قلت لك خليها بدل نفسك خليها توكيد للتاء التاء ديت في محل رفع فاعل يبقى رايتك نفسك ولا رايتك انا نفسي ساعتها مش هتقول نفسك اصلا ساعتها هتيجي تقول ايه؟ رايتك انا نفسي عشان انا دي هتبقى عايده على تاء الايه؟ على تاء الفاعل فعند توكيد الضمير المتصل المرفوع بالنفس والعين واجب ان انت تجيب الايه؟ الفاصل تمام يا شباب كده خلصنا ايه؟ اهم حاجه وافتكر ان انت هتعملها في درس عطف النسقاني طيب بص يا سيدي اخر حاجه في الدرس ويبقى خلاص خلص يا عم واسيبك احنا خلصنا كده التوكيد المعنوي تمام يا شباب اما اجي بقى للنوع الثاني اللي اسمه التوكيد اللفظي التوكيد اللفظي دوت يا شباب يعني ايه تكرار اللفظ الاول بعينه اعتناء به يعني ايه بص كده انا مثلا كاتب ايه قد بص كده قد قامت الصلاه دي جمله صح قد ديت حرف وقامت دوت ايه؟ فعل والصلاه ديت ايه؟ اسم اي حاجه اجي اقول لك اكدها عيدها زي ما هي زي ما هي بالظبط فهنا بقول لك اكد لي الحرف ده صح فتيجي تقول لي ايه قد قامت الايه الصلاه فين التوكيد اللفظي كلمه قد التانيه دي تمام طيب قلت لك اكد لي الفعل يبقى انت هتكتبها ازاي قد قامت قامت الايه الصلاه هو ايه اللي انا عملته اكدت الفعل فبعيد اللي انا عايز اكده وخلاص بنفس لفظه طب اكد لي الاسم يبقى هتيجي تقول لي ايه قد قامت الصلاه واعرب الكلمه الثانيه توكيد لفظي بنفس اعراب اللي قبلها برده يعني دي مرفوعه يبقى دي مرفوعه طب لو قلت لك اكد الجمله كلها هتقول لي قد قامت الصلاه قد قامت الصلاه فيها مشكله طيب طب هو سهل قوي كده لا ركز معايا في تكتين انا قلت لك ايه بنكرر اللفظ الاول بعينه يعني بنفسه زي ما هو طب بص بقى عندنا في القران مثالين اجي اقول لك ايه وجاء ربك والملك صفا صفا ومثال ثاني كلا اذا دكت الارض دكا كان دك فانت هتقول لي ايه؟ انت قلت لي اي كلمه بتتكرر مرتين تبقى هي توكيد ايه؟ توكيد لفظي اقول لك ماشي يا عم انا قلت لك كده بس يا شباب لازم تكون الكلمه اللي انت كررتها نفس معنى الكلمه الاولانيه يعني مثلا هنا ايه قلت قد قامت الصلاه الصلاه دي هي الصلاه دي يعني هي نفس الصلاه مش صلاه ثانيه يعني مثلا ايه انا بقيم الصلاه دلوقتي صلاه العصر فقلت قد قامت الصلاه قد قامت الصلاه هل هكون قصدي في الصلاه الاولى صلاه العصر والصلاه الثانيه المغرب ساعتها مش هتنفع تبقى توكيد اصلا خلاص لذلك بص بقى هنا يقول لك المثال ده ما ينفعش تقول عليه توكيد دوت مش ايه مش توكيد ليه مش توكيد بقى يقول لك وجاء ربك والملك اللي هم الملائكه يعني مثلا صفا صفا لو انا ايه يا عم بره المثال ده جيت قلت لك ايه وقف الطلاب صفا صفا هل الطلاب اللي في الصف الاول هم نفس الطلاب اللي في الصف التاني ده دول ناس ودول ناس تانيه يبقى دي مش ايه مش توكيد طيب كلا اذا دكت الارض دكا دكه تخيل ده معايا مسمار اهو ماشي وانا رحت جايب شاكوش كده ورحت عامل ازاي بص كده هو هنا اهو المسمار فانا رحت جايب شاكوش ورحت رحت ضائق عليه كده فنزلت الحته دي صح ورحت ايه ضربه مره تانيه كده فنزل كله كده صح هل الدك الاول هو نفس الدك التاني لا ده الاتنين مختلفين يبقى ده ما اسمهوش ايه ما اسموش توكيد لذلك يقول لك ان المثال دوت في خلاف عندك اصلا ان هو توكيد ولا مش توكيد بس هو مش توكيد هتقول له ليه لان الدك الثاني غير الدك الايه الاول والصف الثاني غير الصف الايه غير الصف الاول تمام يا شباب طيب ركز بقى معايا في حاجه كمان كده احنا هنا اكدنا كل حاجه عادي هو خلاص وقلنا التكه في عندك ايه بقى مش انا اخدت في التوكيد المعنوي توكيد الضمير المتصل بالنفس والعين وغيره ازاي بقى ناكد الضمير ااكد الايه الضمير بتاعي خلاص بالتوكيد اللفظي بص يا سيدي لو انا جيت قلت مثلا ايه قوموا كده اهو او مثلا قلت ايه مررت بك خلاص وانا بقول لك اكد لي توكيدا لفظيا ركز معايا كده انا قلت اكد الضمير لفظيا صح عيده يا عم وخلاص اجي اقول قوموا قوموا عيده بالكلمه اللي لازق فيها مشكله اجي اقول مررت بك عدت الضمير باللي لازق ايه باللي لازق فيها مشكله لو اتاكد الضمير المتصل توكيدا لفظيا بنقول عليه ايه بقى؟ يعاد مع ما اتصل به يعني تعيده هو والكلمه اللي لازقه فيه يبقى قوموا بقول لك اكد لي ده لفظيا تعيده بنفس كلمته لانك مش هينفع تيجي تقول لي ايه كوموا و كده هتقول لي ما انا عدت الضمير اهو اقول لك غلط ده ده ضمير متصل تعيده باللي لازق فيه اجي اقول لك مررته بك تبقى كده صح انما لو قلت لك ايه مررت بيك ورحت لازق فيها كف كمان هتبقى اسمها ايه بكك ايه مررته بكك دي مش هتنفع فانت عند توكيد الضمير المتصل توكيدا لفظيا يعاد مع ما اتصل به تمام كده طيب فاضل حاجه بس كده اقولها لك كمان بص يا سيدي هي برضو في الضمير وحاجه كمان لو انا جيت قلت لك ايه كوموا انا بقول لك اكد الضمير دههو يجوز برده ان انت تاكده بضمير منفصل فتيجي تقول لي ايه قوموا انتم تقول لي ايه قوموا انتم زي ايه في مثال معانا في القران وهتاخده في عطف النسق اسكن انت وزوجك الجنه المفروض يا شباب ده فعل امر اسكن الفاعل بتاعه فين انت بس مش انت اللي مكتوب الفاعل هنا يا شباب ضمير مستتر ضمير ايه مستتر تقديره ايه انت فلو انت عايز تاكد الضمير المستتر تعيده برده يبقى اسكن انت بس الكلمه اللي مكتوبه دي هي اللي هتتعرب توكيد ايه توكيد لفظي تمام كده يا شباب طيب فاضل عندنا حاجه ويبقى الدرس خلص حاجه اسمها ايه لو انا عايز ااكد الحرف لو انا عايز ااكد ايه يا شباب الحرف يجي يقول لك الحرف ده اللي احنا عملناه في الاول زي قد قامت الصلاه عدناه صح انا اقول لك اكد لي الحرف ده توكيدا لفظيا هو مش اي حرف هتعيده كده يقول لك بص هو الحرف ده جوابي ولا غير ولا غير جوابي يعني ايه جوابي ويعني ايه غير جوابي يا شباب حرف جوابي يعني بتجاوب بيه على سؤال زي نعم زي لا زي بلى ماشي؟ وحرف غير جوابي يعني ما بتجاوبش بيه على سؤال. بص كده انت مثلا بتقول لي هل حضر محمد؟ فانا جاوبت وقلتلك ايه؟ نعم حضر محمد ماشي وانا جايب اقول لك اكد لي الحرف اللي اسمه ايه؟ نعم دههو ماشي ابص نعم ده جوابي ولا مش جوابي؟ اه ده جوابي ينفع تيجي بقى اما تاكده تقول لي ايه؟ نعم نعم حضر محمد ويبقى صح وينفع تيجي تقول لي ا نعم حضر نعم حضر محمد ويبقى صح ايه الفرق بين الاثنين انا هنا عدت الحرف نفسه وخلاص وهنا عدت الحرف مع الكلمه اللي لازقه فيه اللي هي نعم حضر يعني ايه القاعده عند توكيد الحرف الجوابي يجوز اعادته منفردا او يجوز اعادته مع ما اتصل به يبقى دوت حكمه ايه يجوز فالبديه ان انت ممكن تيجي تقول لي ايه نعم حضر وخلاص انما مشكلتك فين في الحرف الغير جوابي يقول لك ايه يلزم اعادته مع ما اتصل به زي ايه بقى يا سيدي بص كده اجي اقول لك ان زيدا قائم فين الحرف اللي عايز اكده ان ان ده بتجاوب بيه على سؤال لا يبقى هو غير جوابي يبقى تعيده هو والكلمه اللي لازقه فيه فاجي اقول لك ايه ان زيدا ان زيدا قائم انا هنا قلت ان زيدا ان زيدا عدت ان لوحدها ولا بالكلمه اللي لازقه فيها اه بالكلمه اللي لازقه فيها مشكله عشان كده المثال اللي قلناه في الاول قد قامت الصلاه عايز تاكده بقى اقول قد قامت الصلاه لا مش زي ما كتبناها في الاول يا شباب انا كاتبها لك في الاول كده بس وخلاص فتيجي تقول لي ايه قد قامت قد قامت الصلاه تمام كده يبقى الحرف اللي هو الجوابي يجوز اعادته دون ما اتصل به فاجيبه هو اللي لازق فيه او من غير اللي لازق فيه انما الغير جوابي لازم تعيده هو والكلمه اللي لازقه ايه اللي لازقه فيه تمام يا شباب كده الحمد لله نكون خلصنا شرح درس الايه التوكيد وهيبقى يبقى بس فاضل لنا البدل وعطف الايه وعطف النسق في التوابع وان شاء الله قدر المستطاع هنحاول ننزله قريب ان شاء الله اتمنى تكونوا استفدتم وجزاكم الله خيرا والسلام عليكم ورحمه الله وبركاته