تدريب الطفل على الزحف د محمد دسوقي

ازيك يا ست الكل حلقه النهارده مهمه جدا زي ما انت عارفه الزحف احد مراحل التطور الحركي اللي هيمر بيه طفلك ما بين عمر تسع شهور لعمر سنه علشان كده عملت لك الفيديو ده مخصوص عن خطوات تدريب الطفل على الزحف خليكم مركزين معايا للاخر السلام عليكم واهلا وسهلا بكم في فقره صحه الاطفال وحديث الولاده من برنامج سبيس تون مام معاكم الدكتور محمد دسوقي اخصائي طب الاطفال وحديث الولاده هكلمكم ان شاء الله النهارده عن كيفيه تدريب طفلك على الزحف في البدايه لازم اوضح لك يا ست الكل ان احنا بنبدا تدريب الطفل على الزحف لما الطفل يتمكن من الجلوس او بعد عمر ست شهور السر في تدريب الطفل على الزحف يتلخص في كلمتين تمارين البطن والتقليد ازاي تعالي اقول لك يا ست الكل في الحقيقه تدريب الطفل على الزحف بيبدا من عمر صغير جدا والطفل لسه عنده شهر اول طفل ما يتم شهر بنبتدي نعمل بعض التمارين اللي بتقوي عضلات الرقبه وعضلات الكتفين وعضلات الضهر التمارين دي مهمه جدا علشان طفلك بعد كده يعرف يزحف في معاده كويس وكنا اتكلمنا قبل كده عن تمارين البطن بالتفصيل في الفيديو بتاع تدريب الطفل على الجلوس هسيب لك الفيديو ده في صندوق الوصف بتاع الفيديو لازم تشوفيه طيب تعالي عرفك يا ست الكل ازاي نعمل تمارين البطن اول طفلك ما يتم شهر ابتدي نيم الطفل على بطنه في الاول بلاش نايمه الطفل على بطنه على الارض لان الطفل هيعيط ومش هيوافق لكن نامي انت على ضهرك ونيمه الطفل على بطنه على بطنك انت بحيث ان وش الطفل يبقى مواجه لوشك انت وابتدي لاغي الطفل واتكلمي معاه وابتدي بايديكي حركي ايديكي لفوق ولتحت ويمين وشمال وكرري الموضوع ده مع الطفل كذا مره في الاول خلي التمرين ده يبقى مدته خمس دقاق او 10 دقاق واحده واحده كل الطفل ما يكبر ابتدي زودي مده التمرين شويه لحد طفلك ما يتم شهرين عند عمر شهرين ابداي تمارين البطن على الارض في الحاله دي نيمي الطفل على بطنه على الارض قدامك وانت تبقي قاعده قدامه وتبتدي تشاوري للطفل بايديكي تحركي ايديكي يمين وشمال تمسكي بعض الالعاب اللي ليها صوت او بعض الالعاب اللي ليها الوان زاهيه وتبتدي تحركيها قدام الطفل يمين وشمال تحركيها لفوق ولتحت هتلاقي الطفل بدا يرفع راسه فوق وتحت يحرك رقبته يمين وشمال وده بيقوي عضلات الرقبه بتاعه الطفل وبيقوي عضلات ضهره بشكل كبير لما طفلك يجيب ثلاث شهور ابتدي استخدمي البلاي مات نيمه الطفل على بطنه في البلاي مات الالعاب اللي نازله منها هتلاقي طفلك عاوز يوصل للالعاب دي فهيبقى قوينا عضلات الرقبه وعضلات الكتفين وعضلات الضهر بتاعه الطفل لما طفلك يجيب اربع شهور ابتدي اعده الطفل وهو مسن نود عليكي وابتدي وطي لقدام وارجعي لورا واحده واحده الطفل بعد كده هتلاقيه بدا هو يتحرك معاك وانت بتتحرك هتلاقي الطفل بينزل لقدام معاكي وهتلاقيه هو بنفسه بدا يرجع نفسه لورا وده هيقوي عضلات ضهره بشكل ممتاز جدا كمان نيمي الطفل على ضهره على رجليكي وامسكي الطفل من تحت دراعاته وابتدي ارفعيه ونزليه ارفعي الطفل ونزليه واحده واحده هتلاقي الطفل بقى مستجيب مع معاكي ولما تيجي ترفعيه هتلاقي الطفل بدا هو اللي يرفع نفسه ويقوم معاك بالشكل ده برده بنقوي عضلات الظهر بتاعه الطفل بشكل ممتاز كل التمارين اللي قلناها دي هتقوي عضلات الرقبه عضلات الكتفين عضلات الضهر وده هيساعد طفل الكتير في الخطوه بتاعه الزحف وطبعا التمارين دي نكررها مع الطفل كل يوم ونزود مده التمرين في الوقت كل يوم عن الثاني يعني قلنا في الاول خالص احنا بنبدا ب 10 دقائق في اليوم افضلي زودي واحده واحده لحد ما مده التمرين تبقى نص ساعه او ساعه او اكتر من كده لكن على اوقات متقطعه في اليوم كل ما زودتي مده التمرين وكل ما كان تكرارك ليها اكبر كل ما كان عضلات الطفل اقوى وقدرته على الزحف بعد كده اسهل كده احنا قوينا عضلات الرقبه والكتفين والظهر يتبقى بقى نقطه مهمه ان انا اشجع الطفل ان هو يبدا يسحف ان هو يبدا يتحرك والنقطه دي هي اللي انا قلتها في اول الفيديو التقليد لازم الطفل يعرف يعني ايه زحف او يعني ايه حركه علشان يبتدي يقلد الحركه دي ويبتدي يعملها هنعمل ده ازاي هنجيب لعبه الطفل بيحبها ونحطها بعيد عن الطفل شويه وبعدين حضرتك تبتدي تاخدي خطوات الزحف قدام الطفل لحد ما توصلي لللعبه وتاخديها علشان الطفل يبتدي يفهم انه يقدر يسحف او يتحرك لحد اللعبه بتاعته وياخدها في الاول الطفل مش هيبقى فاهم ايه اللي مطلوب منه يعني انت لما تحطي اللعبه قدامه هو مش هيبقى فاهم ازاي يوصل لها علشان كده مهم جدا ان حضرتك تتحركي قدام الطفل عن طريق الزحف لحد ما توصلي للعبه علشان الطفل يبتدي يفهم هو هيقدر يوصل لها ازاي فيبت يقلد الحركه اللي انت عملتيها بالظبط فيبت الطفل بعد كده يتعلم الزحف بتكرار الموضوع ده قدام الطفل كذا مره هتلاقي الطفل بدا يفهم الموضوع وبدا ياخد الخطوات ويزحف معاك واحده واحده اول الطفل ما ينجح في اول محاوله لازم تحسسيه ان انت فرحانه وتشجعيه علشان يتشجع انه يكرر الخطوه دي معاك كذا مره بعد كده تبداي تبعدي اللعبه عن الطفل اكتر علشان الطفل ياخد مسافه اكبر في الزحف لكن ما تستعجليش من خطوه للثانيه يعني خذ الخطوه الاولانيه وليكن هتاخد مع الطفل اسبوع طفلك بدا يسحف حتى لو خطوه او خطوتين ابتدي ابعدي الحاجه عنه شويه علشان المسافه اللي الطفل هياخدها تبتدي تزيد وواحده واحده ابتدي زودي المسافه اللي بتحطي اللعبه فيها بعيد عن الطفل لحد الطفل ما يتعلم الزحف ويتقنه تماما بس مش عايزك تنسي يا ست الكل ان طالما طفلك بدا يتحرك خدي بالك الزحف اول الحركات اللي الطفل بيبتدي يتنقل من مكان لمكان اول طفلك ما يتعلم يتحرك لازم تامني المكان اللي الطفل موجود فيه اي حاجه ممكن تؤذي الطفل او اي حاجه خطر على الطفل لازم تبعديها عنه تماما ودي كانت حلقتنا النهارده يا رب تكون عجبتكم واستفدتم منها ما تنسوش تعملوا شير للفيديو لو عندك اي سؤال اكتبه لنا في التعليقات ولو عاوزه تعرفي اكتر عن عالم الامومه ما تنسيش تنزلي تطبيق سبيس تون ما